ရုရှားက (၈၁)နှစ်မြောက် မဟာမျိုးချစ်စစ်ပွဲအောင်ပွဲနေ့ စစ်ရေးပြအခမ်းအနားကို ရင်ပြင်နီ၌ကျင်းပ

NoahJune222

News Image

  • ရုရှားက (၈၁)နှစ်မြောက် မဟာမျိုးချစ်စစ်ပွဲအောင်ပွဲနေ့ စစ်ရေးပြအခမ်းအနားကို ရင်ပြင်နီ၌ကျင်းပ

ဒုတိယကမ္ဘာစစ်အတွင်း ဆိုဗီယက်ပြည်ထောင်စုက နာဇီဂျာမနီကို အောင်နိုင်ခဲ့သည့် (၈၁)နှစ်မြောက် မဟာမျိုးချစ်စစ်ပွဲအောင်ပွဲနေ့ အထိမ်းအမှတ် စစ်ရေးပြအခမ်းအနားကို ရုရှားနိုင်ငံ မော်စကိုမြို့ရှိ ရင်ပြင်နီ၌ မေလ ၉ ရက်တွင် ကျင်းပသည်။

တစ်ချိန်တည်းမှာပင် နာဇီတို့ကို အောင်နိုင်ရန် အသက်ပေးလှူခဲ့ကြသည့် သန်းပေါင်းများစွာသော ပြည်သူများအား ဂုဏ်ပြုသည့် စစ်ရေးပြအခမ်းအနားများကိုလည်း မေလ ၉ ရက် အစောပိုင်းတွင် ရုရှားနိုင်ငံတစ်ဝန်းရှိ မြို့အသီးသီး၌ ကျင်းပခဲ့ကြသည်။

ဒုတိယကမ္ဘာစစ်၏ မဟာမျိုးချစ်စစ်ပွဲအတွင်း ဆိုဗီယက်ပြည်ထောင်စုအနေဖြင့် လူဦးရေ ၂၇ သန်းခန့် ဆုံးရှုံးခဲ့ရပြီး စစ်ပွဲ၏ ဒဏ်ကို အဆိုးဆုံးခံစားခဲ့ရသည်။ နာဇီဂျာမနီ၏ ခြွင်းချက်မရှိ လက်နက်ချမှုကို ဘာလင်မြို့၌ မေလ ၈ ရက် ညနှောင်းပိုင်းတွင် လက်မှတ်ရေးထိုးခဲ့သော်လည်း မော်စကိုမြို့၌ သန်းခေါင်ကျော်ချိန်သို့ ရောက်ရှိနေပြီဖြစ်သဖြင့် ရုရှားတွင် အဆိုပါ အောင်ပွဲနေ့ကို မေလ ၉ ရက်တွင် ကျင်းပခြင်းဖြစ်သည်။

ရုရှားအစိုးရက အောင်ပွဲနေ့အထိမ်းအမှတ်အဖြစ် ယူကရိန်းနှင့် အပစ်အခတ်ရပ်စဲရန် ကြေညာခဲ့သော်လည်း ယူကရိန်းဘက်က ရုရှားနိုင်ငံအတွင်းသို့ ဒရုန်းရာပေါင်းများစွာ စေလွှတ်တိုက်ခိုက်ခဲ့သည်။ ထို့နောက် ယူကရိန်းအစိုးရက အမေရိကန်သမ္မတ၏ အပစ်အခတ်ရပ်စဲရေး ကမ်းလှမ်းမှုကို သဘောတူခဲ့ကြောင်း သိရသည်။

Ref: RT

MWD

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ချင်းပြည်နယ် ပြန်လည်ထူထောင်ရေးနှင့် ပြန်လည်တည်ဆောက်ရေးအတွက် လိုအပ်သော ဆန်၊ စားသုံးဆီအပါအဝင် ထောက်ပံ့ရေးနှင့် တည်ဆောက်ရေးပစ္စည်းများ ဆက်လက်ပို့ဆောင်
ချင်းပြည်နယ် ပြန်လည်ထူထောင်ရေးနှင့် ပြန်လည်တည်ဆောက်ရေးအတွက် လိုအပ်သော ဆန်၊ စားသုံးဆီအပါအဝင် ထောက်ပံ့ရေးနှင့် တည်ဆောက်ရေးပစ္စည်းများ ဆက်လက်ပို့ဆောင်
နေပြည်တော် ဇွန် ၈တပ်မတော်က အလုံးစုံပြန်လည်ထိန်းချုပ်ခဲ့ပြီးဖြစ်သည့် ချင်းပြည်နယ် ဖလမ်းမြို့၊ တီးတိန်မြို့နှင့် တွန်းဇံမြို့တို့တွင် ထိခိုက်ပျက်စီးခဲ့မှုများနှင့် စပ်လျဉ်း၍ ပြန်လည်ထူထောင်ရေးလုပ်ငန်းများကို အမြန်ဆုံးစီမံဆောင်ရွက်သွားရန် နိုင်ငံတော်အကြီးအကဲ၏ လမ်းညွှန်ချက်နှင့်အညီ သက်ဆိုင်ရာကဏ္ဍအလိုက် တာဝန်ရှိသူများပါဝင်သည့် ချင်းပြည်နယ်ပြန်လည်ထူထောင်ရေးနှင့် ပြန်လည်တည်ဆောက်ရေးကော်မတီကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီး ဒေါက်တာ သန်းစိုးအား ဥက္ကဋ္ဌအဖြစ် တာဝန်ပေးအပ်၍ သက်ဆိုင်ရာနယ်မြေဒေသများအရောက် ကွင်းဆင်းကာ ပြန်လည်ထူထောင်ရေးလုပ်ငန်းများကို ကြိုးပမ်းဆောင်ရွက်လျက်ရှိသည်။ချင်းပြည်နယ် ဖလမ်းမြို့၊ တီးတိန်မြို့နှင့် တွန်းဇံမြို့တို့သို့ ပြန်လည်ဝင်ရောက်လာသည့် ပြည်သူများ၊ ဝန်ထမ်းများနှင့် မိသားစုဝင်များ စားနပ်ရိက္ခာအခက်အခဲမရှိစေရေးအတွက် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီက ကနဦးစီစဉ်မှုအဖြစ် စားသုံးဆီနှင့် ဆန်၊ ပြန်လည်ထူထောင်ရေးလုပ်ငန်းများအတွက် လိုအပ်သည့် ဘိလပ်မြေ၊ သွပ်၊ သွပ်ရိုက်သံတို့ကို တပ်မတော်လေယာဉ်များဖြင့် ပို့ဆောင်ပေးလျက်ရှိရာ ယနေ့တွင် တပ်မတော်လေယာဉ်များဖြင့် စားသုံးဆီ ၁၀ တန်၊ ဆန်တန် ၅၀၊ ဘိလပ်မြေ ၄ ဒသမ ၅ တန်တို့ကို ရန်ကုန်မြို့နှင့် မန္တလေးမြို့တို့မှ ကလေးမြို့သို့ ပို့ဆောင်ပေးလျက်ရှိကြောင်းနှင့် သက်ဆိုင်ရာမြို့နယ်များသို့ ဆက်လက်ဖြန့်ခွဲထောက်ပံ့နိုင်ရေး၊ ဒေသ၏ လိုအပ်ချက်များအပေါ်မူတည်၍ ထပ်မံဖြည့်ဆည်းပေးနိုင်ရေး စဉ်ဆက်မပြတ် ဆောင်ရွက်လျက်ရှိကြောင်း အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ၏ သတင်းထုတ်ပြန်ချက်အရ သိရသည်။moi
Tue, 9-Jun-2026
ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့ ရုရှားဖက်ဒရေးရှင်းနိုင်ငံမှ ရန်ကုန်မြို့သို့ ပြန်လည်ရောက်ရှိ
ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့ ရုရှားဖက်ဒရေးရှင်းနိုင်ငံမှ ရန်ကုန်မြို့သို့ ပြန်လည်ရောက်ရှိ
နေပြည်တော် ဇွန် ၈ရုရှားဖက်ဒရေးရှင်းနိုင်ငံ စိန့်ပီတာစဘတ်မြို့၌ ကျင်းပသည့် (၂၉) ကြိမ်မြောက် နိုင်ငံတကာစီးပွားရေးဖိုရမ် (29 th St. Petersburg International Econo-mic Forum- SPIEF 2026) သို့ တက်ရောက်ခဲ့သော ဒုတိယသမ္မတ ဦးညိုစော ဦးဆောင်သည့်ကိုယ်စားလှယ်အဖွဲ့သည် ဇွန် ၇ ရက် ဒေသစံတော်ချိန် ညပိုင်းတွင် လေကြောင်းခရီးဖြင့် စိန့်ပီတာစဘတ်မြို့မှ ရန်ကုန်မြို့သို့ ပြန်လည်ထွက်ခွာကြသည်။ပို့ဆောင်နှုတ်ဆက်ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့အား မြန်မာကောင်စစ်ဝန်ချုပ် ဦးအောင်ဖေသက်နှင့် စိန့်ပီတာစဘတ်ပြည်ပဆက်ဆံရေးကော်မတီနှင့် ရော့စ်ကွန်ဂရက်စ်ရင်းနှီးမြှုပ်နှံမှု ငွေကြေးရန်ပုံငွေအဖွဲ့တို့မှ တာဝန်ရှိသူများက စိန့်ပီတာစဘတ်မြို့ရှိ ပူလ်ကာဘာအပြည်ပြည်ဆိုင်ရာလေဆိပ်၌ ပို့ဆောင်နှုတ်ဆက်ကြသည်။ကြိုဆိုနှုတ်ဆက်ထို့နောက် ဒုတိယသမ္မတနှင့်အဖွဲ့သည် ဇွန် ၈ ရက် ညပိုင်းတွင် ရန်ကုန်မြို့သို့ ပြန်လည်ရောက်ရှိကြရာ ရန်ကုန်တိုင်းစစ်ဌာနချုပ်တိုင်းမှူး၊ တိုင်းဒေသကြီးဝန်ကြီးများ၊ မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံသံရုံးမှ တာဝန်ရှိသူများက ရန်ကုန်အပြည်ပြည်ဆိုင်ရာလေဆိပ်၌ ကြိုဆိုနှုတ်ဆက်ကြကြောင်း သတင်းရရှိသည်။moi
Tue, 9-Jun-2026
ကြက်ခြေနီအသိပညာပြန့်ပွားရေးအလုပ်ရုံဆွေးနွေးပွဲနှင့် ကွင်းဆင်းဆောင်ရွက်သူများအတွက် ပြန်ကြားဆက်သွယ်ရေးသင်တန်းဖွင့်ပွဲကျင်းပ
ကြက်ခြေနီအသိပညာပြန့်ပွားရေးအလုပ်ရုံဆွေးနွေးပွဲနှင့် ကွင်းဆင်းဆောင်ရွက်သူများအတွက် ပြန်ကြားဆက်သွယ်ရေးသင်တန်းဖွင့်ပွဲကျင်းပ
ရန်ကုန် ဇွန် ၈မြန်မာနိုင်ငံ  ကြက်ခြေနီအသင်း၊ ရန်ကုန်တိုင်းဒေသကြီးကြက်ခြေနီ ကြီးကြပ်မှုကော်မတီနှင့် အပြည်ပြည်ဆိုင်ရာ ကြက်ခြေနီကော်မတီတို့ ပူးပေါင်းပြုလုပ်သည့် ကြက်ခြေနီအသိပညာပြန့်ပွားရေး  အလုပ်ရုံဆွေးနွေးပွဲနှင့်   ကွင်းဆင်းဆောင်ရွက်သူများအတွက်    ပြန်ကြားဆက်သွယ်ရေးသင်တန်းဖွင့်ပွဲကို ယနေ့ နံနက်ပိုင်းက ရန်ကုန်မြို့ရှိ Pan Pacific Hotel  ၌ ကျင်းပရာ မြန်မာနိုင်ငံကြက်ခြေနီအသင်းဥက္ကဋ္ဌ ပါမောက္ခ ဒေါက်တာမျိုးညွန့် တက်ရောက်အမှာစကားပြောကြားသည်။ထို့နောက် ရန်ကုန်တိုင်းဒေသကြီး ကြက်ခြေနီကြီးကြပ်မှုကော်မတီဥက္ကဋ္ဌ ဒေါက်တာ ဇော်ဌေးနှင့် အပြည်ပြည်ဆိုင်ရာ  ကြက်ခြေနီကော်မတီမှ      Communication Coordinator  Mr.   Francisco Javier Pavon Molina တို့က နှုတ်ခွန်းဆက်စကားပြောကြားသည်။ကြက်ခြေနီလှုပ်ရှားမှု၏ တန်ဖိုးများ၊ ကြက်ခြေနီအခြေခံမူများ၊ ဆောင်ရွက်ချက်များနှင့် လုပ်ငန်းတာဝန်များ၊ ကြက်ခြေနီလှုပ်ရှားမှုအကြောင်းအရာများကို ရှင်းရှင်းလင်းလင်း သိရှိနားလည်နိုင်စေရန် ရည်ရွယ်ကာ အဆိုပါအလုပ်ရုံဆွေးနွေးပွဲနှင့် သင်တန်းကို ပြုလုပ်ခြင်းဖြစ်ကြောင်း သိရသည်။moi
Tue, 9-Jun-2026
မြန်မာနိုင်ငံနှင့် ဘယ်လာရုစ်နိုင်ငံတို့အကြား စိုက်ပျိုးရေးထွက်ကုန်များ ကုန်သွယ်ရေးနှင့် နည်းပညာပူးပေါင်းဆောင်ရွက်မှု မြှင့်တင်ဆောင်ရွက်
မြန်မာနိုင်ငံနှင့် ဘယ်လာရုစ်နိုင်ငံတို့အကြား စိုက်ပျိုးရေးထွက်ကုန်များ ကုန်သွယ်ရေးနှင့် နည်းပညာပူးပေါင်းဆောင်ရွက်မှု မြှင့်တင်ဆောင်ရွက်
နေပြည်တော် ဇွန် ၈စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဒုတိယဝန်ကြီး ဒေါက်တာ ရဲတင့်ထွန်းဦးဆောင်သော မြန်မာကိုယ်စားလှယ်အဖွဲ့သည် မြန်မာနိုင်ငံနှင့် ဘယ်လာရုစ်နိုင်ငံတို့အကြား စိုက်ပျိုးရေးထွက်ကုန်များ ကုန်သွယ်ရေးနှင့် နှစ်နိုင်ငံနည်းပညာ ပူးပေါင်းဆောင်ရွက်မှု မြှင့်တင်နိုင်ရန် ဇွန် ၁ ရက်မှ ၅ ရက်အထိ ဘယ်လာရုစ်နိုင်ငံသို့ သွားရောက်ခဲ့သည်။ပူးပေါင်းဆောင်ရွက်ရေးဆွေးနွေး ဇွန် ၁ ရက်တွင် ဘယ်လာရုစ်နိုင်ငံ မင့်စ်မြို့၌ ဘယ်လာရုစ်နိုင်ငံ စိုက်ပျိုးရေးနှင့် စားရေရိက္ခာဝန်ကြီးဌာန ဒုတိယဝန်ကြီး H.E. Ivan Smilhin ဦးဆောင်သည့်အဖွဲ့နှင့် တွေ့ဆုံ၍ မြန်မာနိုင်ငံမှ အေးခဲပုစွန်များ ဘယ်လာရုစ်နိုင်ငံသို့ တင်ပို့ရေး၊ ဘယ်လာရုစ်နိုင်ငံမှ အသား၊ နို့နှင့် နို့ထွက်ပစ္စည်းများ မြန်မာနိုင်ငံသို့ တင်သွင်းရေး၊ နေကြာနှင့် ဆီမုန်ညင်းစိုက်ပျိုးထုတ်လုပ်ခြင်း၊ ဆီကြိတ်ခွဲထုတ်လုပ်ခြင်းဆိုင်ရာ လုပ်ငန်းများ၊ ဝါမှချည်ထုတ်လုပ်ခြင်းဆိုင်ရာ လုပ်ငန်းများနှင့် လယ်ယာသုံးစက်ကိရိယာများ ထုတ်လုပ်မှုလုပ်ငန်းများ ပူးပေါင်းဆောင်ရွက်ရေး၊ မြန်မာနိုင်ငံ၏ ဝါ၊ ကော်ဖီ၊ သရက်၊ ဒူးရင်း၊ ထောပတ်သီးနှံများ ထုတ်လုပ်မှုတွင် ဘယ်လာရုစ်နိုင်ငံလုပ်ငန်းရှင်များ လာရောက်ရင်းနှီးမြှုပ်နှံရေး၊ နှစ်နိုင်ငံစိုက်ပျိုးရေးနှင့် မွေးမြူရေးတက္ကသိုလ်များ၊ သိပ္ပံကျောင်းများ အချင်းချင်းပူးပေါင်းဆောင်ရွက်ရေးတို့နှင့် စပ်လျဉ်း၍ ဆွေးနွေးကြသည်။ထို့အတူ ဇွန် ၂ ရက်တွင် (၃၆) ကြိမ်မြောက် နိုင်ငံတကာ အထူးကုန်စည်ပြပွဲ ဖွင့်ပွဲသို့ တက်ရောက်ပြီး တန်ဖိုးမြင့်အသားထုတ်ကုန်ပြခန်းများ၊ တန်ဖိုးမြင့်နို့နှင့် နို့ထွက်ပစ္စည်းပြခန်းများ၊ လယ်ယာသုံးစက်ကိရိယာများ၊ ဆီမုန်ညင်းမျိုးစေ့နှင့် မုန်ညင်းဆီများ၊ နှမ်းကြတ်စေ့ မျိုးစေ့နှင့် ၎င်းမှ ထုတ်လုပ်သည့် လျှော်မျှင်များကို ကြည့်ရှုလေ့လာ၍ ပညာရှင်များ၊ လုပ်ငန်းရှင်များနှင့် တွေ့ဆုံဆွေးနွေးကာ နိုင်ငံပိုင်မုန်ညင်းဆီထုတ်လုပ်သည့် စက်ရုံအား သွားရောက်လေ့လာကြသည်။ကြည့်ရှုလေ့လာအလားတူ ဇွန် ၃ ရက်တွင် မင့်စ်ဒေသအတွင်းရှိ Krakhmalsy Potato Processing Factory နယ်မြေ၏ ဟက်တာ (၁၁၀၀) ခန့်ရှိ အာလူးစိုက်ဧရိယာ၌ အစိုးရဌာနများ၏ ညှိနှိုင်းပေါင်းစပ်မှုဖြင့် အာလူးစိုက်တောင်သူများနှင့် စက်ရုံတို့ ပူးပေါင်းဆောင်ရွက်လျက်ရှိသည့် လုပ်ငန်းများ၊ အာလူးကြော်စက်ရုံအတွင်း အာလူးကြော်ထုတ်လုပ်မှု၊ Tolochinsky Canned Food Factory ၏ အာလူးရိတ်သိမ်းခြင်း၊ အချိုရည်ပုလင်းများ ထုတ်လုပ်ခြင်းလုပ်ငန်းများကိုလည်းကောင်း၊ ဇွန် ၄ ရက်တွင် ဘာရာနိုဗစ်ချ်မြို့ရှိ Baranovichi Cotton Production Association ၏ ချည်မျှင်နှင့် အထည်စက်ရုံ၏ ချည်ထည်ပစ္စည်းအမျိုးမျိုးထုတ်လုပ်မှု၊ ဂိုရိုဒေယာမြို့ရှိ ဂိုရိုဒေးစကီးသကြားစက်ရုံတွင် သကြားမုန်လာမှ သကြားချက်လုပ်နေမှုနှင့် ဘေးထွက်ကုန်ပစ္စည်း အမျိုးမျိုးထုတ်လုပ်နေမှုကိုလည်းကောင်း ကြည့်ရှုလေ့လာကြသည်။ထို့အပြင် ဇွန် ၅ ရက်တွင် မြန်မာနိုင်ငံနှင့် ပူးပေါင်းဆောင်ရွက်ရေးဆိုင်ရာ အဆင့်မြင့်အရာရှိ၊ ဘယ်လာရုစ်နိုင်ငံ နိုင်ငံပိုင်အသေးစားစက်မှု လုပ်ငန်းထုတ်ကုန်များ ထုတ်လုပ်မှုနှင့် ရောင်းချမှုအဖွဲ့ဥက္ကဋ္ဌ H.E. Ms Nadzeya Lazarevich နှင့် အဖွဲ့နှင့် တွေ့ဆုံ၍ ဘယ်လာရုစ်နိုင်ငံမှ လိုအပ်လျက်ရှိသည့် မြန်မာ့ Arabica ကော်ဖီနှင့် ဝါဂွမ်းများ တင်ပို့နိုင်ရေး၊ ဆီမုန်ညင်း စိုက်ပျိုးထုတ်လုပ်ရေး၊ နှစ်နိုင်ငံစိုက်ပျိုးရေး၊ မွေးမြူရေးတက္ကသိုလ်များအချင်းချင်း ပူးပေါင်းဆောင်ရွက်ရေးတို့ကို ဆွေးနွေးကြသည်။ထို့နောက် လယ်ယာသုံးထွန်စက်ကြီးများ သရုပ်ပြပွဲကို သွားရောက်ကြည့်ရှုလေ့လာကြပြီး ဘယ်လာရုစ် စိုက်ပျိုးရေးတက္ကသိုလ်အပါအဝင် တက္ကသိုလ်လေးခုမှ တာဝန်ရှိသူများနှင့် တွေ့ဆုံကာ Student Exchange Program နှင့်စပ်လျဉ်း၍ ဆွေးနွေးကြသည်။လက်မှတ်ရေးထိုးယင်းနောက် နှစ်နိုင်ငံ ဒုတိယဝန်ကြီးများသည် ဇွန် ၁ ရက်က ကျင်းပခဲ့သည့် Joint Working Group အစည်းအဝေး၏ အစည်းအဝေးမှတ်တမ်းကို လက်မှတ်ရေးထိုးကြသည်။ဇွန် ၈ ရက် ညနေပိုင်းတွင် ဒုတိယဝန်ကြီးနှင့် အဖွဲ့သည် လေကြောင်းခရီးဖြင့် ရန်ကုန်မြို့သို့ ပြန်လည်ရောက်ရှိခဲ့ကြောင်း သတင်းရရှိသည်။moi
Tue, 9-Jun-2026
ပြည်ထောင်စုဝန်ကြီး ဦးမောင်မြင့် ဗိုလ်ချုပ်အောင်ဆန်းပြတိုက် (ရန်ကုန်) အကြီးစားပြင်ဆင်မွမ်းမံထိန်းသိမ်းခြင်းလုပ်ငန်း ကြည့်ရှုစစ်ဆေး
ပြည်ထောင်စုဝန်ကြီး ဦးမောင်မြင့် ဗိုလ်ချုပ်အောင်ဆန်းပြတိုက် (ရန်ကုန်) အကြီးစားပြင်ဆင်မွမ်းမံထိန်းသိမ်းခြင်းလုပ်ငန်း ကြည့်ရှုစစ်ဆေး
ရန်ကုန် ဇွန် ၈ဟိုတယ်၊ ခရီးသွားလာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးမောင်မြင့်သည် ယမန်နေ့ မွန်းလွဲပိုင်းက ရှေးဟောင်းသုတေသနနှင့် အမျိုးသားပြတိုက်ဦးစီးဌာန ဗိုလ်ချုပ်အောင်ဆန်းပြတိုက် (ရန်ကုန်) သို့ သွားရောက်၍ အကြီးစားပြုပြင်မွမ်းမံထိန်းသိမ်းခြင်း လုပ်ငန်းဆောင်ရွက်ပြီးစီးမှုကို ကြည့်ရှုစစ်ဆေးသည်။ဗိုလ်ချုပ်အောင်ဆန်းပြတိုက် (ရန်ကုန်) အား အကြီးစားပြုပြင်မွမ်းမံထိန်းသိမ်းနိုင်ရန်အတွက် ၂၀၂၅ ခုနှစ် နိုဝင်ဘာ ၁၃ ရက်တွင် အဆောက်အဦ ဦးစီးဌာနက ဆောင်ရွက်ခဲ့ရာ ယခုအခါ ရာနှုန်းပြည့်နီးပါး ဆောင်ရွက်ပြီးစီးပြီးဖြစ်၍ လာမည့်အာဇာနည်နေ့တွင် ပြခန်းတိုးချဲ့ပြသမှုများ ရှေးမူလက်ရာမပျက် ကြံ့ခိုင်အောင်ဆောင်ရွက်မှုများဖြင့် ပြသနိုင်မည်ဖြစ်ကြောင်း သိရသည်။     moi
Tue, 9-Jun-2026
ပြည်ထောင်စုဝန်ကြီး ဦးတင်အောင်စန်း မြန်မာနိုင်ငံဆိုင်ရာ တရုတ်နိုင်ငံသံအမတ်ကြီးအား လက်ခံတွေ့ဆုံ
ပြည်ထောင်စုဝန်ကြီး ဦးတင်အောင်စန်း မြန်မာနိုင်ငံဆိုင်ရာ တရုတ်နိုင်ငံသံအမတ်ကြီးအား လက်ခံတွေ့ဆုံ
နေပြည်တော် ဇွန် ၈နိုင်ငံတော်သမ္မတရုံးဝန်ကြီးဌာန ပြည်ထောင်စုဝန်ကြီး ဦးတင်အောင်စန်းသည် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး H.E. Ms. Ma Jia အား ယနေ့မွန်းလွဲပိုင်းတွင် နိုင်ငံတော်သမ္မတရုံးဝန်ကြီးဌာန ဧည့်ခန်းမ၌ လက်ခံတွေ့ဆုံသည်။တွေ့ဆုံစဉ် မြန်မာ-တရုတ် နှစ်နိုင်ငံအကြား လျှပ်စစ်ကဏ္ဍဖွံ့ဖြိုးတိုးတက်ရေးအတွက် ပူးပေါင်းဆောင်ရွက်မှုဆိုင်ရာကိစ္စရပ်များ၊ ဆောင်ရွက်ဆဲစီမံကိန်းများ ဆက်လက်အကောင်အထည်ဖော်နိုင်ရေးဆိုင်ရာကိစ္စရပ်များ၊ စီးပွားရေး၊ ကုန်သွယ်ရေးနှင့် ရင်းနှီးမြှုပ်နှံမှုဆိုင်ရာကိစ္စရပ်များကို အမြင်ချင်းဖလှယ်ဆွေးနွေးကြသည်။တွေ့ဆုံပွဲသို့ နိုင်ငံတော်သမ္မတရုံးဝန်ကြီးဌာန လျှပ်စစ်နှင့်စွမ်းအင်ဝန်ကြီးဌာနတို့နှင့် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးမှ တာဝန်ရှိသူများ တက်ရောက်ကြကြောင်း သိရသည်။moi
Tue, 9-Jun-2026
© Copyright 2024 SAC All Rights Reserved.