ပြည်ထောင်စုဝန်ကြီး ဦးသန်းမောင် မွန်ပြည်နယ်အတွင်းရှိ တိုင်းရင်းသားစာပေနှင့်ယဉ်ကျေးမှု အသင်းအဖွဲ့များနှင့် တွေ့ဆုံဆွေးနွေးပြီး တိုင်းရင်းသားယဉ်ကျေးမှုစင်တာ တည်ဆောက်နေမှု ကြည့်ရှုစစ်ဆေး

NoahJune222

News Image

  • ပြည်ထောင်စုဝန်ကြီး ဦးသန်းမောင် မွန်ပြည်နယ်အတွင်းရှိ တိုင်းရင်းသားစာပေနှင့်ယဉ်ကျေးမှု အသင်းအဖွဲ့များနှင့် တွေ့ဆုံဆွေးနွေးပြီး တိုင်းရင်းသားယဉ်ကျေးမှုစင်တာ တည်ဆောက်နေမှု ကြည့်ရှုစစ်ဆေး

မော်လမြိုင် မေ ၂၂

 

တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးသန်းမောင်သည် မွန်ပြည်နယ် ဗမာတိုင်းရင်းသား လူမျိုးရေးရာဝန်ကြီး ဦးမျိုးမင်းလှိုင်၊ ကရင်တိုင်းရင်းသားလူမျိုးရေးရာဝန်ကြီး ဦးအောင်ကျော်သိန်း၊ ပအိုဝ်းတိုင်းရင်းသားလူမျိုးရေးရာဝန်ကြီး ဦးချစ်သိန်းတို့နှင့်အတူ ယနေ့ နံနက်ပိုင်းတွင် မော်လမြိုင်မြို့ရှိ တိုင်းရင်းသားလူမျိုးများရေးရာဝန်ကြီးဌာန မွန်ပြည်နယ် ညွှန်ကြားရေးမှူးရုံး အစည်းအဝေးခန်းမ၌ မွန်ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှု အသင်းအဖွဲ့များနှင့် တွေ့ဆုံဆွေးနွေးသည်။

 

 

တွေ့ဆုံစဉ် ပြည်ထောင်စုဝန်ကြီးက ငြိမ်းချမ်းရေးနှင့် ဖွံ့ဖြိုးတိုးတက်ရေးသည် ဒွန်တွဲလျက်ရှိသဖြင့် မိမိတို့ ပြည်နယ်၊ ဒေသတည်ငြိမ်အေးချမ်းအောင် တိုင်းရင်းသားများအနေဖြင့် ယခုအစိုးရသစ်နှင့် အတူတကွလက်တွဲပြီး အားသစ်မာန်သစ်ဖြင့် ဝိုင်းဝန်းကြိုးပမ်း ဆောင်ရွက်ရမည်ဖြစ်ကြောင်း ပြောကြားသည်။

 

 

ထို့နောက် တိုင်းရင်းသားစာပေနှင့်ယဉ်ကျေးမှု အသင်းအဖွဲ့များက ဒေသဖွံ့ဖြိုးရေး၊ ယဉ်ကျေးမှု ဆိုင်ရာနှင့် တိုင်းရင်းသားများ၏ နေ့ထူးနေ့မြတ် ပွဲတော်ကျင်းပရေးဆိုင်ရာများကို ဆွေးနွေးတင်ပြကြရာ ပြည်ထောင်စုဝန်ကြီးက ပေါင်းစပ်ညှိနှိုင်း ဖြည့်ဆည်းဆောင်ရွက်ပေးပြီး မွန်ပြည်နယ်အတွင်းရှိ တိုင်းရင်းသားစာပေနှင့်ယဉ်ကျေးမှုအသင်းအဖွဲ့များအား ချီးမြှင့်ငွေများ ပေးအပ်သည်။

 

 

မွန်းလွဲပိုင်းတွင် ပြည်ထောင်စုဝန်ကြီးသည် မော်လမြိုင်မြို့ မင်းရွာကျေးရွာတွင် မွန်ပြည်နယ် အစိုးရအဖွဲ့၏ ဘဏ္ဍာရန်ပုံငွေဖြင့် မွန်ပြည်နယ် တိုင်းရင်းသား ယဉ်ကျေးမှုစင်တာ တည်ဆောက် နေမှု၊ တိုင်းရင်းသားရိုးရာ ယဉ်ကျေးမှုပြတိုက်အတွင်း ခင်းကျင်းပြသထားရှိမှုများကို လှည့်လည်ကြည့်ရှု စစ်ဆေးပြီး လိုအပ်သည်များကို မှာကြားသည်။

 

 

သတင်းစဉ်

MDN

MM-News-Category
တိုင်းရင်းသားရေးရာကဏ္ဍသတင်း
တိုင်းရင်းသားရေးရာ-ယဉ်ကျေးမှု

ဆက်စပ်သတင်းများ

ပြည်ထောင်စုဝန်ကြီး ဦးသန်းမောင် ကရင်ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များနှင့် တွေ့ဆုံဆွေးနွေး
ပြည်ထောင်စုဝန်ကြီး ဦးသန်းမောင် ကရင်ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များနှင့် တွေ့ဆုံဆွေးနွေး
ဘားအံ မေ ၂၃တိုင်းရင်းသားလူမျိုးများရေးရာ ဝန်ကြီးဌာန ပြည်ထောင်စုဝန်ကြီး ဦးသန်းမောင်နှင့် ကရင်ပြည်နယ် ဗမာတိုင်းရင်းသားလူမျိုးရေးရာဝန်ကြီး ဦးတင်မောင်လှိုင်၊ ကရင်တိုင်းရင်းသားလူမျိုးရေးရာဝန်ကြီး ဦးမျိုးမြင့်နိုင်၊ ပအိုဝ်းတိုင်းရင်းသား လူမျိုးရေးရာဝန်ကြီး ခွန်မြတ်ထူးတို့သည် ယနေ့ မွန်းလွဲပိုင်းတွင် ဘားအံမြို့ရှိ တိုင်းရင်းသားလူမျိုးများရေးရာဝန်ကြီးဌာန ကရင်ပြည်နယ် ညွှန်ကြားရေးမှူးရုံး အစည်းအဝေးခန်းမ၌ ကရင်ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များ နှင့် တွေ့ဆုံဆွေးနွေးသည်။တွေ့ဆုံစဉ် ပြည်ထောင်စုဝန်ကြီးက အမှာစကားပြောကြားပြီး ကရင်၊ မွန်၊ ဗမာ၊ ပအိုဝ်းနှင့် ရှမ်း တိုင်းရင်းသားစာပေနှင့် ယဉ်ကျေးမှုအသင်းအဖွဲ့များက ဒေသဆိုင်ရာအခြေအနေများ ဆွေးနွေးတင်ပြရာ ပြည်ထောင်စုဝန်ကြီးက ပေါင်းစပ်ညှိနှိုင်း ဖြည့်ဆည်းဆောင်ရွက်ပေးကာ တိုင်းရင်းသားစာပေနှင့် ယဉ်ကျေးမှု အသင်းအဖွဲ့များကို ချီးမြှင့်ငွေများပေးအပ်သည်။ယင်းနောက် တိုင်းရင်းသားလူမျိုးများရေးရာဝန်ကြီးဌာန ကရင်ပြည်နယ် ညွှန်ကြားရေးမှူးရုံးများတွင် တာဝန်ထမ်းဆောင်နေသော ဝန်ထမ်းများနှင့် တွေ့ဆုံဆွေးနွေးပြီး ဝန်ထမ်းများကို ဂုဏ်ပြုချီးမြှင့် ငွေများ ပေးအပ်ခဲ့ကြောင်း သိရသည်။သတင်းစဉ်MDN
Sun, 24-May-2026
ပြည်ထောင်စုဝန်ကြီး ဦးသန်းမောင် မွန်ပြည်နယ်အတွင်းရှိ တိုင်းရင်းသားစာပေနှင့်ယဉ်ကျေးမှု အသင်းအဖွဲ့များနှင့် တွေ့ဆုံဆွေးနွေးပြီး တိုင်းရင်းသားယဉ်ကျေးမှုစင်တာ တည်ဆောက်နေမှု ကြည့်ရှုစစ်ဆေး
ပြည်ထောင်စုဝန်ကြီး ဦးသန်းမောင် မွန်ပြည်နယ်အတွင်းရှိ တိုင်းရင်းသားစာပေနှင့်ယဉ်ကျေးမှု အသင်းအဖွဲ့များနှင့် တွေ့ဆုံဆွေးနွေးပြီး တိုင်းရင်းသားယဉ်ကျေးမှုစင်တာ တည်ဆောက်နေမှု ကြည့်ရှုစစ်ဆေး
မော်လမြိုင် မေ ၂၂ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးသန်းမောင်သည် မွန်ပြည်နယ် ဗမာတိုင်းရင်းသား လူမျိုးရေးရာဝန်ကြီး ဦးမျိုးမင်းလှိုင်၊ ကရင်တိုင်းရင်းသားလူမျိုးရေးရာဝန်ကြီး ဦးအောင်ကျော်သိန်း၊ ပအိုဝ်းတိုင်းရင်းသားလူမျိုးရေးရာဝန်ကြီး ဦးချစ်သိန်းတို့နှင့်အတူ ယနေ့ နံနက်ပိုင်းတွင် မော်လမြိုင်မြို့ရှိ တိုင်းရင်းသားလူမျိုးများရေးရာဝန်ကြီးဌာန မွန်ပြည်နယ် ညွှန်ကြားရေးမှူးရုံး အစည်းအဝေးခန်းမ၌ မွန်ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှု အသင်းအဖွဲ့များနှင့် တွေ့ဆုံဆွေးနွေးသည်။  တွေ့ဆုံစဉ် ပြည်ထောင်စုဝန်ကြီးက ငြိမ်းချမ်းရေးနှင့် ဖွံ့ဖြိုးတိုးတက်ရေးသည် ဒွန်တွဲလျက်ရှိသဖြင့် မိမိတို့ ပြည်နယ်၊ ဒေသတည်ငြိမ်အေးချမ်းအောင် တိုင်းရင်းသားများအနေဖြင့် ယခုအစိုးရသစ်နှင့် အတူတကွလက်တွဲပြီး အားသစ်မာန်သစ်ဖြင့် ဝိုင်းဝန်းကြိုးပမ်း ဆောင်ရွက်ရမည်ဖြစ်ကြောင်း ပြောကြားသည်။  ထို့နောက် တိုင်းရင်းသားစာပေနှင့်ယဉ်ကျေးမှု အသင်းအဖွဲ့များက ဒေသဖွံ့ဖြိုးရေး၊ ယဉ်ကျေးမှု ဆိုင်ရာနှင့် တိုင်းရင်းသားများ၏ နေ့ထူးနေ့မြတ် ပွဲတော်ကျင်းပရေးဆိုင်ရာများကို ဆွေးနွေးတင်ပြကြရာ ပြည်ထောင်စုဝန်ကြီးက ပေါင်းစပ်ညှိနှိုင်း ဖြည့်ဆည်းဆောင်ရွက်ပေးပြီး မွန်ပြည်နယ်အတွင်းရှိ တိုင်းရင်းသားစာပေနှင့်ယဉ်ကျေးမှုအသင်းအဖွဲ့များအား ချီးမြှင့်ငွေများ ပေးအပ်သည်။  မွန်းလွဲပိုင်းတွင် ပြည်ထောင်စုဝန်ကြီးသည် မော်လမြိုင်မြို့ မင်းရွာကျေးရွာတွင် မွန်ပြည်နယ် အစိုးရအဖွဲ့၏ ဘဏ္ဍာရန်ပုံငွေဖြင့် မွန်ပြည်နယ် တိုင်းရင်းသား ယဉ်ကျေးမှုစင်တာ တည်ဆောက် နေမှု၊ တိုင်းရင်းသားရိုးရာ ယဉ်ကျေးမှုပြတိုက်အတွင်း ခင်းကျင်းပြသထားရှိမှုများကို လှည့်လည်ကြည့်ရှု စစ်ဆေးပြီး လိုအပ်သည်များကို မှာကြားသည်။  သတင်းစဉ်MDN
Sat, 23-May-2026
ပြည်ထောင်စုဝန်ကြီး ဦးသန်းမောင် ရန်ကုန်တိုင်းဒေသကြီးအတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များနှင့် တွေ့ဆုံဆွေးနွေး
ပြည်ထောင်စုဝန်ကြီး ဦးသန်းမောင် ရန်ကုန်တိုင်းဒေသကြီးအတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များနှင့် တွေ့ဆုံဆွေးနွေး
ရန်ကုန် မေ ၂၁ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးသန်းမောင်၊ ရန်ကုန်တိုင်းဒေသကြီး ကရင်တိုင်းရင်းသားလူမျိုးရေးရာဝန်ကြီး ဦးစောဂျက်ကော့ထူး၊ ရခိုင်တိုင်းရင်းသားလူမျိုးရေးရာဝန်ကြီး ဦးနေမင်းထွန်းတို့သည် ယမန်နေ့မွန်းလွဲပိုင်းတွင် ရန်ကုန်မြို့ရှိ တိုင်းရင်းသားလူမျိုးများရေးရာဝန်ကြီးဌာန ရန်ကုန်တိုင်းဒေသကြီး ညွှန်ကြားရေးမှူးရုံး အစည်းအဝေးခန်းမ၌ ရန်ကုန်တိုင်းဒေသကြီးအတွင်းရှိ တိုင်းရင်းသားစာပေနှင့် ယဉ်ကျေးမှုအသင်း အဖွဲ့များနှင့် တွေ့ဆုံဆွေးနွေးသည်။ ဦးစွာ ပြည်ထောင်စုဝန်ကြီးက အမှာစကား ပြောကြားပြီး ကရင်တိုင်းရင်းသားလူမျိုးရေးရာ ဝန်ကြီးနှင့် ရခိုင်တိုင်းရင်းသားလူမျိုးရေးရာဝန်ကြီးတို့က လက်ရှိဆောင်ရွက်နေသည့် လုပ်ငန်းများ၊ တိုင်းရင်းသားရေးရာကိစ္စရပ်များ၊ ဆက်လက်ဆောင်ရွက်သွားမည့်လုပ်ငန်းများကို ရှင်းလင်း ဆွေးနွေးတင်ပြသည်။ ယင်းနောက် ကချင်၊ ကရင်၊ ဇိုတုန်(ချင်း)၊ ဟွာလ်ငို (ချင်း)၊ မရာ(ချင်း)၊ ဒိုင်(ချင်း)၊ ဗမာ၊ ထားဝယ်၊ မွန်၊ ရခိုင်၊ မြို၊ ခမီ၊ ရှမ်း၊ ပအိုဝ်း၊ တအာင်းနှင့် ကိုးကန့် တိုင်းရင်းသားစာပေနှင့် ယဉ်ကျေးမှုအသင်းအဖွဲ့များ က တိုင်းရင်းသားဘာသာစာပေ သင်ကြားရေးဆိုင်ရာများ၊ ယဉ်ကျေးမှုဆိုင်ရာကိစ္စရပ်များ၊ တိုင်းရင်းသားများ၏ နေ့ထူးနေ့မြတ်ပွဲတော် ကျင်းပရေးဆိုင်ရာများနှင့်ပတ်သက်၍ ဆွေးနွေးတင်ပြကြရာ တိုင်းရင်းသား အခွင့်အရေးများ ကာကွယ်စောင့်ရှောက်ရေးဦးစီးဌာန ညွှန်ကြားရေးမှူးချုပ်က ဖြည့်စွက်ရှင်းလင်း ဆွေးနွေးရာ ပြည်ထောင်စုဝန်ကြီးက ပေါင်းစပ်ညှိနှိုင်း ဖြည့်ဆည်းဆောင်ရွက်ပေးသည်။ ထို့နောက် ရန်ကုန်တိုင်းဒေသကြီးအတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များအား ချီးမြှင့်ငွေများ ပေးအပ်ခဲ့ကြောင်း သိရသည်။သတင်းစဉ်MDN
Fri, 22-May-2026
ဝါးအလယ်ကျွန်းအပန်းဖြေစခန်းသို့ ဥရောပနိုင်ငံများမှ ခရီးသွားများ အများဆုံးဝင်ရောက်လည်ပတ်ခဲ့
ဝါးအလယ်ကျွန်းအပန်းဖြေစခန်းသို့ ဥရောပနိုင်ငံများမှ ခရီးသွားများ အများဆုံးဝင်ရောက်လည်ပတ်ခဲ့
ရန်ကုန် မေ ၁၂တနင်္သာရီတိုင်းဒေသကြီး မြိတ်ကျွန်းစုတွင် တည်ရှိသော လန်ပိအဏ္ဏဝါအမျိုးသားဥယျာဉ်အတွင်းရှိ ဝါးအလယ်ကျွန်းအပန်းဖြေစခန်းသို့ ဥရောပနိုင်ငံများမှ ခရီးသွားများ အများဆုံးအပန်းဖြေလည်ပတ်ခဲ့ကြောင်း ဝါးအလယ်ကျွန်းအပန်းဖြေစခန်းမှ သိရသည်။ခရီးသွားရာသီကာလတွင် ဝါးအလယ်ကျွန်းအပန်းဖြေစခန်းသို့ ဂျာမနီ၊ ရုရှား၊ အမေရိကန်၊ အင်္ဂလန်၊ ပြင်သစ်၊ အီတလီ၊ ချက်ပြည်သူ့သမ္မတနိုင်ငံနှင့် အခြားဥရောပနိုင်ငံအချို့မှ နိုင်ငံခြားသားခရီးသွားများ အများဆုံးလာရောက်လည်ပတ်ခဲ့သည်။ ပင်လယ်ပြင်သဘာဝအလှ၊ သစ်တောသစ်ပင်၊ ရှားပါးမျိုးစိတ်၊ ငါး၊ ပုစွန်ပေါက်ပွားရာ ဒီရေရောက် သစ်တောနှင့် သန္တာကျောက်တန်းများ သဘာဝအတိုင်းတည်ရှိမှုကို သဘာဝဂေဟစနစ်အား ချစ်မြတ်နိုးကြသည့် ဥရောပခရီးသွားများ လာရောက်လေ့လာ အပန်းဖြေလည်ပတ်ခဲ့သည်။ဝါးအလယ်ကျွန်းအပန်းဖြေစခန်းမှ တစ်ရက်လျှင် ခရီးသွား ၄၀ ကျော် လက်ခံပြီး ပင်လယ်အစားအစာနှင့် သဘာဝသစ်သားအိမ်များဖြင့် ဝန်ဆောင်မှုပေးထားကာ ခရီးသွားဝင်ရောက်မှုများသည် ဒီဇင်ဘာလ၊ ဇန်နဝါရီလတို့တွင် တစ်ဦးလျှင် အမေရိကန်ဒေါ်လာ ၈၅၀ နှင့် ကျန်သောလများ၌ အမေရိကန်ဒေါ်လာ ၈၀၀ ဖြင့် ဝန်ဆောင်မှုပေးသည်။ဝါးအလယ်ကျွန်းအပန်းဖြေစခန်းသို့ နိုဝင်ဘာလမှ ဧပြီလကုန်ပိုင်းအထိ ခရီးသွားများ လည်ပတ်လေ့ရှိပြီး ပုံမှန်အားဖြင့် ဩဂုတ်လမှစ၍ ခရီးသွားလက်ခံလေ့ရှိသော်လည်း ယခုခရီးသွားရာသီ၌ ခရီးသွားပိုမိုဝင်ရောက်ခဲ့မှုကြောင့် လာမည့်ခရီးသွားရာသီကာလအတွက် ယခုမေလမှစကာ ကြိုတင်စာရင်းလက်ခံလျက်ရှိသည်။“ကျွန်တော်တို့က ဝါးအလယ်ကျွန်းကို ဧည့်သည်အများကြီး လာဖို့မမျှော်မှန်းထားပါဘူး။ ဘာကြောင့်လဲဆိုတော့ ဂေဟစနစ် ပျက်စီးသွားမှာစိုးလို့ပါ။ တစ်ရက်ကို ခရီးသွား ၄၀ နဲ့ ၅၀ ကြားပဲလက်ခံပါတယ်။ သဘာဝအခြေခံခရီးသွားလုပ်ငန်းဖြစ်တဲ့အတွက် နိုင်ငံခြားသားခရီးသွားတွေကို သဘာဝအလှ၊ သဘာဝပတ်ဝန်းကျင်နဲ့ သဘာဝအတိုင်း ထိန်းသိမ်းထားရှိတဲ့ မိုးသစ်တော၊ ဒီရေတော၊ ဇီဝမျိုးစုံမျိုးကွဲ၊ တောရိုင်းတိရစ္ဆာန်နဲ့ ဒေသခံ ဆလုံတိုင်းရင်းသားတို့ရဲ့ ရိုးရာယဉ်ကျေးမှုတို့ကို ပြသပါတယ်။ အထူးသဖြင့် ခရီးသွားများဟာ သဘာဝဂေဟစနစ်ကို ကြည့်ရှုခံစားချင်လို့ လာရောက်ကြတာဖြစ်တဲ့အတွက် သဘာဝကို ချစ်မြတ်နိုးတဲ့ ခရီးသွားတွေကို ကျွန်တော်တို့က ပိုပြီးလေးစားတန်ဖိုးထားပါတယ်။ ဒီလကစပြီး လာမယ့်ခရီးသွားရာသီအတွက် ကြိုတင်စာရင်းလက်ခံနေပါပြီ။ သဘာဝအလှကြွယ်ဝတဲ့ ဝါးအလယ်ကျွန်းအပန်းဖြေစခန်းက ကြိုဆိုနေပါတယ်”ဟု ဝါးအလယ်ကျွန်း အပန်းဖြေစခန်းမှ အထွေထွေမန်နေဂျာ ဦးအောင်ဇင်လတ်က ပြောသည်။လန်ပိကျွန်းကို ၁၉၉၆ ခုနှစ်၊ ဖေဖော်ဝါရီ ၂၈ ရက်နေ့တွင် လန်ပိအဏ္ဏဝါအမျိုးသားဥယျာဉ်အဖြစ် အသိအမှတ်ပြုခဲ့ပြီး ၂၀၀၃ ခုနှစ်တွင် အာဆီယံအမွေအနှစ် ဥယျာဉ်အဖြစ် သတ်မှတ်ခဲ့သည်။ ယခုခရီးသွားရာသီ၌ ဝါးအလယ်ကျွန်းအပန်းဖြေစခန်းသို့ အများဆုံးလာရောက်အပန်းဖြေလည်ပတ်သည့် ခရီးသွားများမှာ ဂျာမနီနိုင်ငံမှဖြစ်ပြီး ဒုတိယအများဆုံးမှာ ရုရှားနိုင်ငံမှဖြစ်ကာ တတိယသည် အမေရိကန်နိုင်ငံမှဖြစ်ကြောင်း သိရသည်။ညိမ်းသူ(သတင်းစဉ်)ဓာတ်ပုံ - ကနူးMOI
Wed, 13-May-2026
အာဖဂန်နစ္စတန်နိုင်ငံ၌ တစ်နှစ်တာအတွင်း ရှေးဟောင်းအမွေအနှစ်နေရာသစ် ၁၅ ခု မှတ်ပုံတင်နိုင်ခဲ့
အာဖဂန်နစ္စတန်နိုင်ငံ၌ တစ်နှစ်တာအတွင်း ရှေးဟောင်းအမွေအနှစ်နေရာသစ် ၁၅ ခု မှတ်ပုံတင်နိုင်ခဲ့
ကဘူးလ်   မေ   ၆အာဖဂန်နစ္စတန်နိုင်ငံ ပြန်ကြားရေးနှင့် ယဉ်ကျေးမှုဝန်ကြီးဌာနသည် ပြီးခဲ့သည့်နှစ်အတွင်း နိုင်ငံ၏ကြွယ်ဝသော သမိုင်းဝင်အမွေအနှစ်များကို မှတ်ပုံတင်ခြင်းနှင့်  ထိန်းသိမ်းစောင့်ရှောက်ခြင်းလုပ်ငန်းများတွင် သိသာထင်ရှားသည့်   တိုးတက်မှုများရှိခဲ့ကြောင်း  မေ ၆ ရက်တွင် ထုတ်ပြန်ကြေညာထားသည်။နိုင်ငံတစ်ဝန်းရှိ သမိုင်းဝင်အဆောက်အအုံ ၇၀ ဝန်းကျင်ကို ပညာရှင်များဖြင့် ကွင်းဆင်းစစ်တမ်း ကောက်ယူခဲ့ကြောင်း၊  ထို့ပြင် အသစ်တွေ့ရှိသော ရှေးဟောင်းအမွေအနှစ်နေရာသစ် ၁၅ ခုကိုလည်း ဖော်ထုတ်ပြီး တရားဝင်မှတ်ပုံတင်နိုင်ခဲ့ကြောင်း အဆိုပါဝန်ကြီးဌာန၏ ထုတ်ပြန်ချက်တွင် ဖော်ပြ ထားသည်။အာဖဂန်နစ္စတန်နိုင်ငံသည် ပိုးလမ်းမကြီးတစ်လျှောက်တည်ရှိသောကြောင့် ရှေးဟောင်းအမွေအနှစ်များ ထွန်းကားခဲ့သည့် သက်သေအထောက်အထားများစွာရှိနေပြီး ကမ္ဘာပေါ်တွင် ယဉ်ကျေးမှုအမွေအနှစ်အကြွယ်ဝဆုံးနှင့် မတူကွဲပြားသော ယဉ်ကျေးမှုအမွေအနှစ်ပေါင်းစုံရှိသော နိုင်ငံများအနက် တစ်နိုင်ငံဖြစ်ကြောင်း သိရသည်။        ဆင်ဟွာMDN
Sat, 9-May-2026
လက်ဘနွန်တောင်ပိုင်းတွင် မယ်တော်မာရီ ရုပ်ထုအပေါ် အစ္စရေး စစ်သား၏ လုပ်ရပ်ကြောင့် ပြင်းထန်သော ဝေဖန်မှုများ ဖြစ်ပေါ်
လက်ဘနွန်တောင်ပိုင်းတွင် မယ်တော်မာရီ ရုပ်ထုအပေါ် အစ္စရေး စစ်သား၏ လုပ်ရပ်ကြောင့် ပြင်းထန်သော ဝေဖန်မှုများ ဖြစ်ပေါ်
လက်ဘနွန်တောင်ပိုင်းရှိ ဒီဘေးလ် (Dibil) ခရစ်ယာန်ကျေးရွာတွင် အစ္စရေးစစ်သားတစ်ဦးက အပျိုစင်မယ်တော်မာရီ ရုပ်ထု၏ နှုတ်ခမ်းတွင် စီးကရက်ခဲပေးထားသည့် ဓာတ်ပုံတစ်ပုံ လူမှုကွန်ရက်၌ ပျံ့နှံ့လာမှုကြောင့် ပြင်းထန်သော ဝေဖန်မှုများ ဖြစ်ပေါ်လျက်ရှိသည်။ယင်းဖြစ်စဉ်နှင့်ပတ်သက်၍ အစ္စရေးကာကွယ်ရေးတပ်ဖွဲ့ (IDF) က ၎င်းတို့အနေဖြင့် ဘာသာရေးဆိုင်ရာ အထွတ်အမြတ်ထားရာနေရာများကိုလေးစားမှုရှိကြောင်းနှင့် ယခုလုပ်ရပ်သည် တပ်မတော်၏ တန်ဖိုးထားမှုများမှ သွေဖည်နေသဖြင့် တရားဝင်စုံစမ်းစစ်ဆေးမှုများ ပြုလုပ်ကာ ပြင်းထန်စွာအရေးယူသွားမည်ဖြစ်ကြောင်း ထုတ်ပြန်ခဲ့သည်။ထိုကဲ့သို့သော လုပ်ရပ်မျိုးသည် ယခုပထမဆုံးအကြိမ်မဟုတ်ဘဲ ပြီးခဲ့သည့် ဧပြီလကလည်း အဆိုပါရွာ၌ပင် အစ္စရေးစစ်သားတစ်ဦးက သခင်ယေရှု၏ ရုပ်ထုကို တူဖြင့်ထုရိုက်ဖျက်ဆီးခဲ့သည့် ဖြစ်စဉ်တစ်ခု ဖြစ်ပွားခဲ့ဖူးသည်။ ထိုစဉ်က ပါဝင်ပတ်သက်သူ စစ်သားနှစ်ဦးကို စစ်မှုထမ်းခြင်းမှရပ်စဲကာ ရက်ပေါင်း ၃၀ အကျဉ်းချခဲ့သော်လည်း ခရစ်ယာန်လူ့အဖွဲ့အစည်းအပေါ် ပစ်မှတ်ထားစော်ကားသည့် လုပ်ရပ်များမှာ ရပ်တန့်သွားခြင်းမရှိပေ။ထို့အပြင် လွန်ခဲ့သည့် နှစ်အနည်းငယ်အတွင်း အစ္စရေးတို့၏ စစ်ဆင်ရေးများကြောင့် ဂါဇာရှိ ရှေးအကျဆုံး ဂရိအော်သိုဒေါ့စ် ဘုရားကျောင်းနှင့် ကက်သလစ်ဘုရားကျောင်းတို့ ထိခိုက်ပျက်စီးကာ အရပ်သားများ သေဆုံးခဲ့ရသည့်အပြင် ဂျေရုဆလင်မြို့၌လည်း ကက်သလစ်သီလရှင်တစ်ဦး နေ့ခင်းကြောင်တောင် ကိုယ်ထိလက်ရောက် စော်ကားခံခဲ့ရသည့် ဖြစ်စဉ်များလည်း ရှိခဲ့သည်။ ယင်းကဲ့သို့သောဖြစ်ရပ်များ ဆက်တိုက်ဖြစ်ပွားနေခြင်းသည် ခရစ်ယာန်လူ့အဖွဲ့အစည်းအပေါ် စနစ်တကျနှောင့်ယှက်နေသည့် ပုံစံမျိုးဖြစ်နေကြောင်း ဘုရားကျောင်းတာဝန်ရှိသူများနှင့် ဒေသခံများက ထောက်ပြဝေဖန်လျက်ရှိပါသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 7-May-2026
© Copyright 2024 SAC All Rights Reserved.