နည်းပြကလော့နှင့် ဟာလန်းတို့ကို ခေါ်ယူပေးမည်ဖြစ်ကြောင်း ရီးယဲလ်မက်ဒရစ်အသင်း ဥက္ကဋ္ဌသစ် ရွေးချယ်ပွဲဝင်ရောက် ယှဉ်ပြိုင်မည့် ရီကွယ်မီပြောကြား

NoahJune222

News Image

  • နည်းပြကလော့နှင့် ဟာလန်းတို့ကို ခေါ်ယူပေးမည်ဖြစ်ကြောင်း ရီးယဲလ်မက်ဒရစ်အသင်း ဥက္ကဋ္ဌသစ် ရွေးချယ်ပွဲဝင်ရောက် ယှဉ်ပြိုင်မည့် ရီကွယ်မီပြောကြား

မက်ဒရစ်   မေ   ၂၃

     ရီးယဲလ်မက်ဒရစ်အသင်း ဥက္ကဋ္ဌသစ်ရွေးချယ်ပွဲ ဝင်ရောက်ယှဉ်ပြိုင်မည့်   ရီကွယ်မီက  အသင်းထံ  နည်းပြကလော့နှင့် မန်စီးတီးအသင်း တိုက်စစ်မှူး ဟာလန်းတို့ကို  ခေါ်ယူပေးမည်ဖြစ်ကြောင်း ပြောကြားသည်။

ရီးယဲလ်မက်ဒရစ်အသင်းတွင်  အသင်းဥက္ကဋ္ဌ ရာထူးကို လက်ရှိအသင်းဥက္ကဋ္ဌ ပီရက်က ကာလရှည် တာဝန်ယူပြီးနောက်    အသင်းဥက္ကဋ္ဌသစ်ရာထူးအတွက် ယခုနှစ်အတွင်း ရွေးချယ်ပွဲကျင်းပမည်ဖြစ်ကာ ရွေးချယ်ခံမည့်သူများအနေဖြင့် မေလ ၂၃ ရက် က စာရင်းပေးသွင်းရပြီး စပိန်စီးပွားရေးလုပ်ငန်းရှင်  ရီကွယ်မီကလည်း    ပီရက်နှင့်အပြိုင်  ဝင်ရောက်ရွေးချယ်ခံမည်ဖြစ်သည်။

လက်ရှိအသင်းဥက္ကဋ္ဌ ပီရက်သည် ရီးယဲလ်မက်ဒရစ် အသင်းဥက္ကဋ္ဌရာထူးကို  ဒုတိယအကြိမ် ၂၀၀၉ ခုနှစ်မှ စတင်ပြီး ကာလရှည်တာဝန် ထမ်းဆောင်ခဲ့သူဖြစ်သည်။

ရီကွယ်မီသည် ရေနှင့်စွမ်းအင်အုပ်စုကိုပိုင်ဆိုင်ထားသည့် စီးပွားရေးလုပ်ငန်းရှင်တစ်ဦးဖြစ်ပြီး လက်ရှိ တွင် ရီးယဲလ်မက်ဒရစ်အသင်းဥက္ကဋ္ဌသစ် ရွေးချယ်ပွဲ အတွက် မဲဆွယ်စည်းရုံးမှုများ လုပ်ဆောင်နေခြင်း ဖြစ်သည်။

နည်းပြကလော့သည် လီဗာပူးအသင်းကို အောင်မြင်မှုများရရှိအောင် စွမ်းဆောင်နိုင်ပြီးနောက် ၂၀၂၄ ခုနှစ်က အသင်းနှင့်လမ်းခွဲပြီးနောက် လက်ရှိတွင် ရက်ဘူးလ်အုပ်စု၏  ဘောလုံးဆိုင်ရာတာဝန်ရှိသူ အဖြစ် တာဝန်ထမ်းဆောင်နေသူဖြစ်သည်။

အလားတူ   မန်စီးတီးအသင်းတိုက်စစ် ကစားသမား   ဟာလန်းသည်လည်း  ယခုဘောလုံးရာသီ တွင် မန်စီးတီးအသင်းမှ နည်းပြဂွါဒီယိုယာ ထွက်ခွာမည်ဖြစ်သည့်အတွက်  ၎င်းအနေဖြင့်   လာမည့်နွေရာသီကစားသမား အပြောင်းအရွှေ့ကာလတွင် အသင်းမှထွက်ခွာဖွယ်ရှိနေခြင်းဖြစ်သည်။

ရီကွယ်မီက ဟာလန်းကိုခေါ်ယူရန်  အေးဂျင့် ဖြစ်သူထံ ဆက်သွယ်မှုများလုပ်ဆောင်ထားပြီး နည်းပြကလော့ကို ခန့်အပ်ရန် ၎င်း၏အကြံပေးအဖွဲ့မှ တစ်ဆင့်  ဆက်သွယ်မှုများ လုပ်ဆောင်ထားသည်ဟု  မဲဆွယ်စည်းရုံးမှုတွင် ပြောကြားခဲ့ကြောင်း သိရသည်။          

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

၂၀၂၆ ခုနှစ် တိုင်းဒေသကြီးနှင့် ပြည်နယ် အသက် (၁၈)နှစ်အောက် (အမျိုးသား)ဘောလုံးပြိုင်ပွဲ အုပ်စုပတ်လည်ပွဲစဉ်များ ဆက်လက်ကျင်းပ
၂၀၂၆ ခုနှစ် တိုင်းဒေသကြီးနှင့် ပြည်နယ် အသက် (၁၈)နှစ်အောက် (အမျိုးသား)ဘောလုံးပြိုင်ပွဲ အုပ်စုပတ်လည်ပွဲစဉ်များ ဆက်လက်ကျင်းပ
နေပြည်တော် မေ ၂၃၂၀၂၆ ခုနှစ် တိုင်းဒေသကြီးနှင့် ပြည်နယ် အသက်(၁၈)နှစ်အောက် (အမျိုးသား) ဘောလုံးပြိုင်ပွဲကို ယနေ့မွန်းလွဲပိုင်းတွင် ကရင်ပြည်နယ် ဘားအံမြို့ ဇွဲကပင်ကွင်း၊ ရှမ်းပြည်နယ် တောင်ကြီးမြို့ ပြည်နယ်ကွင်း၊ ပဲခူးတိုင်းဒေသကြီး ပဲခူးမြို့ အားကစား ဥယျာဉ်ကွင်းနှင့် ဧရာဝတီတိုင်း ဒေသကြီး ပုသိမ်မြို့ ကိုးသိန်းအားကစားကွင်းတို့၌ ဇုန်လေးဇုန်ခွဲ၍ ကျင်းပရာ ဌာနဆိုင်ရာများနှင့် အားကစားဝါသနာရှင် ပရိသတ်များ တစ်ခဲနက်လာရောက်ကြည့်ရှု အားပေးကြသည်။ယနေ့ ဘောလုံးပြိုင်ပွဲ ပွဲစဉ်များအဖြစ် မွန်းလွဲ ၃ နာရီမှ စတင်၍ ကရင်ပြည်နယ် ဘားအံမြို့ ဇွဲကပင်အားကစားကွင်း၌ ရခိုင်ပြည်နယ်အသင်းနှင့် ရန်ကုန်တိုင်း ဒေသကြီးအသင်းတို့ ယှဉ်ပြိုင် ကစားခဲ့ရာ ရန်ကုန်တိုင်းဒေသကြီး အသင်းက ရခိုင်ပြည်နယ်အသင်းကို ကိုးဂိုး-ဂိုးမရှိ၊ ပဲခူးတိုင်းဒေသကြီး ပဲခူးမြို့ အားကစားဥယျာဉ်ကွင်း၌ မကွေးတိုင်းဒေသကြီးအသင်းနှင့် ပြည်ထောင်စုနယ်မြေ နေပြည်တော်အသင်းတို့ ယှဉ်ပြိုင်ကစားခဲ့ရာ ပြည်ထောင်စုနယ်မြေ နေပြည်တော်အသင်းက မကွေး တိုင်းဒေသကြီးအသင်းကို သုံးဂိုး- ဂိုးမရှိ၊ ရှမ်းပြည်နယ် တောင်ကြီး မြို့ ပြည်နယ်အားကစားကွင်းတွင် တနင်္သာရီတိုင်းဒေသကြီး အသင်းနှင့် ကယားပြည်နယ် အသင်းတို့ ယှဉ်ပြိုင်ကစားခဲ့ရာ တနင်္သာရီတိုင်းဒေသကြီး အသင်းက ကယားပြည်နယ်အသင်းကို လေးဂိုး - ဂိုးမရှိဖြင့် ယှဉ်ပြိုင်အနိုင်ရရှိခဲ့ကြောင်း သိရသည်။သတင်းစဉ်MDN
Sun, 24-May-2026
MNL ယူ-၂၀ လူငယ်လိဂ်ပြိုင်ပွဲ စတင်ကျင်းပပြီး Galaxy အသင်းနှင့် မြဝတီအသင်း နိုင်ပွဲရ
MNL ယူ-၂၀ လူငယ်လိဂ်ပြိုင်ပွဲ စတင်ကျင်းပပြီး Galaxy အသင်းနှင့် မြဝတီအသင်း နိုင်ပွဲရ
ရန်ကုန် မေ ၂၃၂၀၂၆-၂၀၂၇ ရာသီ MNL ယူ-၂၀ လူငယ်လိဂ်ပြိုင်ပွဲ ပွဲစဉ်(၁) ပထမနေ့ကို မေ ၂၃ ရက်က စတင်ကျင်းပရာ Galaxy အသင်းနှင့် မြဝတီအသင်းတို့ နိုင်ပွဲရခဲ့သည်။သန်လျင် သီဟဒီပကွင်း၌ ကျင်းပသည့်ပွဲတွင် Galaxy အသင်းက ရတနာပုံအသင်းကို နှစ်ဂိုး-တစ်ဂိုးဖြင့် အနိုင်ရခဲ့သည်။ Galaxy အသင်းသည် မြန်မာ ယူ-၁၆ လူငယ်လက်ရွေးစင် အသင်းကို ပွဲအတွေ့အကြုံရစေရန် ဝင်ရောက်ယှဉ်ပြိုင်စေခြင်းဖြစ်ပြီး ပွဲဦးထွက်ပွဲတွင် အနိုင်ရခဲ့ခြင်းဖြစ် သည်။ ဂျပန်နည်းပြကိုင်တွယ်နေသည့် Galaxy အသင်းသည် ပြင်ဆင်မှုများစွာ ပြုလုပ်ထားသည့် ရတနာပုံအသင်းကို အနိုင် ယူခဲ့ခြင်းဖြစ်သည်။ Galaxy အသင်းအတွက် ဂိုးများကို ၁၁ မိနစ်တွင်ကြည်သာ၊ ၇၃ မိနစ်တွင် ခွန်ဝေဖြိုးတို့က သွင်းယူပြီး ရတနာပုံအသင်းအတွက် ချေပဂိုးတစ်ဂိုးကို ၆၇ မိနစ်တွင် Sa Hunt Awar က သွင်းယူခဲ့သည်။ဗဟန်းမြက်ခင်းတုကွင်း၌ကျင်းပသည့်ပွဲတွင် မြဝတီအသင်းက Chinland အသင်းကို သုံးဂိုး-နှစ်ဂိုးဖြင့် အနိုင်ရခဲ့သည်။ နှစ်သင်းစလုံး ပထမပိုင်းတွင် ဂိုးမသွင်းနိုင်သော်လည်း ဒုတိယပိုင်းတွင် နှစ်သင်းပေါင်း ငါးဂိုးအထိ သွင်းယူခဲ့ခြင်းဖြစ်သည်။ Chinland အသင်းသည် နှစ်ဂိုးပြတ် ဦးဆောင်ပြီးမှ သုံးဂိုးပြန်ပေးခဲ့ရပြီး ဦးဆောင်ဂိုးများကို ၄၇ မိနစ်တွင် Jeremy Thawing Za Thang နှင့် ၆၉ မိနစ်တွင် Lun Yar Gin တို့က သွင်းယူခဲ့ပြီး မြဝတီအသင်းအတွက် ဘိုဟိန်းက ၇၀၊ ၈၂ မိနစ်တို့တွင် ချေပဂိုးများပြန်သွင်းကာ အနိုင်ဂိုးကို ၉၀+၃ မိနစ်တွင် ချစ်မင်းကိုကိုက သွင်းယူခဲ့သည်။ပွဲစဉ် (၁) ဒုတိယနေ့ကို မေ ၂၄ ရက်တွင် ဆက်လက်ကျင်းပမည် ဖြစ်ပြီး ဗဟန်းမြက်ခင်းတုကွင်း၌ ဧရာဝတီယူနိုက်တက်အသင်းနှင့် အား/ကာသိပ္ပံအသင်း၊ တောင်ဒဂုံကွင်း၌ ဒဂုံစတားယူနိုက်တက်အသင်း နှင့် ရန်ကုန်ယူနိုက်တက်အသင်း၊ သီဟဒီပကွင်း၌ Falcon အသင်းနှင့် ရှမ်းယူနိုက်တက်အသင်းတို့ ယှဉ်ပြိုင်ကစားမည်ဖြစ်သည်။သတင်း - ညီမြတ်သော်တာ၊ ဓာတ်ပုံ-MNLMDN
Sun, 24-May-2026
လူငယ်များ ဘောလုံးအားကစားကို ပိုမိုချစ်ခင်မြတ်နိုးစေမည့် AFC Grassroots Football Day ကျင်းပ
လူငယ်များ ဘောလုံးအားကစားကို ပိုမိုချစ်ခင်မြတ်နိုးစေမည့် AFC Grassroots Football Day ကျင်းပ
ရန်ကုန် မေ ၂၃အာရှဘောလုံးအဖွဲ့ချုပ်နှင့်  မြန်မာနိုင်ငံဘောလုံးအဖွဲ့ချုပ်တို့၏ လူငယ်များ ဘောလုံးအားကစားကို ပိုမိုချစ်ခင်မြတ်နိုးစေမည့် အစီအစဉ်အရ  AFC Grassroots Football Day အခမ်းအနားကို မေ ၂၃ ရက် နံနက်ပိုင်းက ရန်ကုန်မြို့ သုဝဏ္ဏဘောလုံးကွင်း၌ ကျင်းပသည်။အခမ်းအနားတွင် AFC Grassroots Football Day ၌ ပါဝင်ဆင်နွှဲမည့် ကလေးငယ်များ ကွင်းအတွင်း ဝင်ရောက်နေရာယူပြီး အားကစား သစ္စာအဓိဋ္ဌာန်ရွတ်ဆိုကြသည်။ ယင်းနောက် မြန်မာနိုင်ငံဘောလုံးအဖွဲ့ချုပ် အကြီးတန်းဒုတိယဥက္ကဋ္ဌ ဦးပြည့်ဖြိုးတေဇ၊ အထွေထွေအတွင်းရေး မှူး  ဦးထွန်းထွန်းအောင်၊ အမှုဆောင်များနှင့် တာဝန်ရှိသူများက ကလေးငယ်များအား  လိုက်လံနှုတ်ဆက်ပြီး ဘောလုံးများ ပေးအပ်လှူဒါန်းသည်။ယင်းနောက်တက်ရောက်လာသည့် ကလေးငယ်များက  AFC Grassroots  Football Day အစီအစဉ်တွင် ပါဝင်ဆင်နွှဲပြီး မြန်မာလူငယ်လက်ရွေးစင် အသင်းများမှ ကစားသမားများက ယင်းအစီအစဉ်တွင် ပါဝင်ကူညီကြသည်။ AFC Grassroots Football Day တွင် ရန်ကုန်တိုင်းဒေသကြီးအတွင်းရှိ အခြေခံပညာကျောင်းများမှ ကျောင်းသား ကျောင်းသူ ၃၅၀ ဝန်းကျင် တက်ရောက်ဆင်နွှဲကြသည်။သတင်း - ကိုညီလေး၊ ဓာတ်ပုံ - စိုးညွန့်သော်MDN
Sun, 24-May-2026
မန်ယူအသင်းခေါင်းဆောင် ဘရူနိုဖာနန်ဒက်စ် ယခုဘောလုံးရာသီရဲ့ ပရီမီယာလိဂ်အကောင်းဆုံးကစားသမားဆုဆွတ်ခူး
မန်ယူအသင်းခေါင်းဆောင် ဘရူနိုဖာနန်ဒက်စ် ယခုဘောလုံးရာသီရဲ့ ပရီမီယာလိဂ်အကောင်းဆုံးကစားသမားဆုဆွတ်ခူး
မန်ယူအသင်းခေါင်းဆောင် ဘရူနိုဖာနန်ဒက်စ်ဟာ ယခုဘောလုံးရာသီရဲ့ ပရီမီယာလိဂ်အကောင်းဆုံးကစားသမားဆုကို ဆွတ်ခူးနိုင်ခဲ့ပြီ ဖြစ်ပါတယ်။ပေါ်တူဂီကွင်းလယ်ကစားသမား ဘရူနိုဖာနန်ဒက်စ်ဟာ ယခုလအတွင်းမှာ ဘောလုံးအားကစားကလောင်ရှင်များအသင်းရဲ့ တစ်နှစ်တာအကောင်းဆုံးကစားသမားဆုကိုလည်း ဆွတ်ခူးထားနိုင်ခဲ့သူဖြစ်ပါ တယ်။ပရီမီယာလိဂ်တစ်ရာသီ အကောင်းဆုံးကစားသမားဆုရရှိဖို့ ထင်ကြေးပေးခံထားရတဲ့ ကစားသမားစာရင်းမှာတော့ အာဆင်နယ်အသင်းမှ ဒေးဗစ်ရာယာ၊ ဂါဘရီယ်လ်နဲ့ ဒီကလန်ရိုက်စ်၊ မန်စီးတီးအသင်း မှ ဟာလန်းနဲ့ ဆီမန်ညို၊ ဘရန်းဖို့ဒ်အသင်းမှ သီယာဂို၊ နော်တင်ဟမ် ဖောရက်စ်အသင်းမှ မော်ဂန်ဂစ်ဝှိုက်တို့ ပါဝင်လာခဲ့ပေမယ့် မန်ယူကွင်းလယ်လူ ဘရူနိုဖာနန်ဒက်စ်ကသာ ပရီမီယာလိဂ်တစ်ရာသီ အကောင်းဆုံးကစားသမားဆုကို ဆွတ်ခူးနိုင်ခဲ့တာ  ဖြစ်ပါတယ်။ကွင်းလယ်ကစားသမားဘရူနိုဖာနန်ဒက်စ်ဟာ ပြီးခဲ့တဲ့သီတင်းပတ်က နော်တင်ဟမ်ဖောရက်စ်အသင်းနဲ့ ယှဉ်ပြိုင်ကစားခဲ့တဲ့ ပရီမီယာလိဂ်ပွဲစဉ်မှာ ဂိုးဖန်တီးမှုတစ်ကြိမ်ပြုလုပ်ပေးနိုင်ခဲ့တာကြောင့် တစ်ရာသီအတွင်း ဂိုးဖန်တီးမှု အကြိမ် ၂၀ အထိ ပြုလုပ်နိုင်ခဲ့ကာ ဂိုးဖန်တီးမှုအကြိမ်ရေ စံချိန်တင်ခဲ့တာဖြစ်ပါတယ်။ဘရူနိုဖာနန်ဒက်စ်ဟာ ယခုဘောလုံးရာသီမှာ မန်ယူအသင်းနဲ့အတူ ပရီမီယာလိဂ် ၃၇ ပွဲယှဉ်ပြိုင်ကစားပြီးချိန်မှာ သွင်းဂိုးရှစ်ဂိုးအထိ သွင်းယူနိုင်ခဲ့ကာ ပရီမီယာလိဂ်အမှတ်ပေးဇယား တတိယနေရာမှာ ရပ်တည်နိုင်အောင်စွမ်းဆောင်ပေးခဲ့ပြီး မန်ယူအသင်းဟာလည်း လာမယ့်ဘောလုံးရာသီချန်ပီယံလိဂ်ဝင်ခွင့်ရရှိဖို့ သေချာသွားခဲ့ပြီဖြစ်ပါတယ်။၂၀၁၁ ခုနှစ်က နီမင်ဂျာဗီဒစ် ပရီမီယာလိဂ်အကောင်းဆုံးကစားသမားဆုဆွတ်ခူးခဲ့ပြီးနောက် ဘရူနိုဖာနန် ဒက်စ်ဟာ မန်ယူကစားသမား တစ်ဦးအနေနဲ့ ပရီမီယာလိဂ်တစ်ရာသီအကောင်းဆုံးကစားသမားဆုကို ပထမဆုံးအကြိမ် ဆွတ်ခူးနိုင်ခဲ့တာဖြစ်ပါတယ်။ငွေကြယ်MDN
Sun, 24-May-2026
နဝမအကြိမ် MBC Professional Boxing Matches (PBM-9) ပြိုင်ပွဲကို ခြောက်ချီတွဲဆိုင်း ငါးဆိုင်းဖြင့် ရန်ကုန်မြို့၌ ကျင်းပ
နဝမအကြိမ် MBC Professional Boxing Matches (PBM-9) ပြိုင်ပွဲကို ခြောက်ချီတွဲဆိုင်း ငါးဆိုင်းဖြင့် ရန်ကုန်မြို့၌ ကျင်းပ
ရန်ကုန် မေ ၂၃မြန်မာဘောက်ဆင် အဖွဲ့ချုပ် (MBC)က ကျင်းပသည့် နဝမအကြိမ် MBC Professional Boxing Matches(PBM-9)ပြိုင်ပွဲကို ရန်ကုန်မြို့ မင်္ဂလာတောင်ညွန့်မြို့နယ် သိမ်ဖြူလက်ဝှေ့ရုံ၌ ခြောက်ချီတွဲဆိုင်း ငါးဆိုင်းဖြင့် ယနေ့မွန်းလွဲပိုင်းက ကျင်းပသည်။ဦးစွာ ၅၀ ဒသမ ၈ ကီလို (ဖလိုင်း ဝိတ်တန်း) ပွဲစဉ်အဖြစ် ဉာဏ်လင်းထက် (MBC Boxing Club)နှင့် ဖြိုးသူအောင်(Eagle Club)တို့ပွဲတွင် ဉာဏ်လင်းထက်က အနိုင်ရရှိခဲ့သည်။ထို့ပြင် ၅၅ ဒသမ ၃၇ ကီလို (စူပါဘန်တမ်ဝိတ်တန်း) ပွဲစဉ်အဖြစ် ရဲမိုးအောင်(MBC Boxing Club)နှင့် မျိုးမြတ် (Taunggyi Club)တို့ ယှဉ်ပြိုင်ထိုးသတ်ကြရာတွင် ခြောက်ချီပြည့်သည်အထိ အနိုင်အရှုံးမပေါ်သဖြင့် ဒိုင်များ၏ အမှတ်ပေး ဆုံးဖြတ်ချက်အရ ရဲမိုးအောင်က အနိုင်ရရှိခဲ့သည်။ယင်းနောက် ၆၆ ဒသမ ၃၇ ကီလို (ဝယ်လ်တာဝိတ်တန်း)တိုးအောင်လှိုင် (Phantom Club)နှင့် ဟိန်းထက်အောင်(Danuphyu Club)တို့ပွဲစဉ်တွင် ဟိန်းထက် အောင်က အလဲထိုးဖြင့်အနိုင်ရရှိခဲ့ သလို ၆၉ ဒသမ ၉ ကီလို (စူပါ ဝယ်လ်တာဝိတ်တန်း) စောဒဲနစ် (MBC Boxing Club)နှင့် စောအား အားအယ်(Pathein Club)တို့ပွဲစဉ်တွင် ပထမအချီ ၁ မိနစ် ၃၆ စက္ကန့် ၌ စောဒဲနစ်၏ အားပါပြင်းထန် သည့် လက်သီးထိုးချက်ကြောင့် စောအားအားအယ် အမှတ်စဉ်ရေတွက်ခံရပြီး ဆက်လက် မယှဉ်ပြိုင်နိုင်ဘဲ အရှုံးပေးခဲ့ရသည်။ဆက်လက်၍ ခေါင်ပွဲဖြစ်သည့် ၆၃ ဒသမ ၅ ကီလို (စူပါလိုက် ဝိတ်တန်း) သီဟအောင်(Boxing Family Club)နှင့် ထွန်းထွန်းထက် (MBC Boxing Club)တို့ပွဲမှာ ဘတစ်ပြန်ကျားတစ်ပြန် အပြန် အလှန်ထိုးသတ်ကြသဖြင့် ပွဲမှာ အကြိတ်အနယ်ရှိလှပြီး ပရိသတ် အကြိုက် ပွဲကောင်းတစ်ပွဲဖြစ်ခဲ့ သော်လည်း ခြောက်ချီပြီးဆုံးသည်အထိ တစ်ဖက်နှင့်တစ်ဖက် အလဲထိုးနိုင်ခြင်းမရှိသဖြင့် ဒိုင်များ ၏ အမှတ်ပေးဆုံးဖြတ်ချက်အရ သီဟအောင်က အနိုင်ရရှိခဲ့သည်။လင်းရာမMDN
Sun, 24-May-2026
မကွေးတိုင်းဒေသကြီးဝန်ကြီးချုပ် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် ပန်းချီ၊ ကာတွန်း၊ ပိုစတာ၊ ကွန်ပျူတာပန်းချီပြိုင်ပွဲ ကျင်းပနေမှု ကြည့်ရှုအားပေး
မကွေးတိုင်းဒေသကြီးဝန်ကြီးချုပ် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် ပန်းချီ၊ ကာတွန်း၊ ပိုစတာ၊ ကွန်ပျူတာပန်းချီပြိုင်ပွဲ ကျင်းပနေမှု ကြည့်ရှုအားပေး
မကွေး မေ ၂၃၂၀၂၆ ခုနှစ် ဇွန်  ၂၆ ရက်တွင် ကျရောက်မည့် “အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့” အထိမ်းအမှတ် ပန်းချီ၊ ကာတွန်း၊ ပိုစတာ၊ ကွန်ပျူ တာပန်းချီပြိုင်ပွဲများကို ယနေ့ နံနက်ပိုင်းက မကွေးမြို့ အမှတ်(၄) အခြေခံပညာ အထက်တန်းကျောင်းနှင့် ကွန်ပျူတာပန်းချီပြိုင်ပွဲကို မွန်းလွဲပိုင်းက  ကွန်ပျူတာတက္ကသိုလ်(မကွေး)၌  ကျင်းပရာ တိုင်းဒေသကြီးဝန်ကြီးချုပ်  ဦးတင်ကိုကိုနှင့်  တိုင်းဒေသကြီးဝန်ကြီးများ  သွားရောက်ကြည့်ရှု အားပေးသည်။အဆိုပါ ပြိုင်ပွဲကို မကွေးတိုင်း ဒေသကြီးအတွင်းရှိ မကွေးခရိုင်နှင့် မင်းဘူးခရိုင်မှ  အထက်တန်း၊ အလယ်တန်း၊  မူလတန်းအဆင့် ကျောင်းသား ကျောင်းသူ ၂၉၃ ဦး ပါဝင်ယှဉ်ပြိုင်ကြပြီး  ဆုရရှိသည့် ကျောင်းသား ကျောင်းသူများကို ဇွန် ၂၆ ရက်တွင် ကျင်းပမည့် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့်  တရားမဝင် ရောင်းဝယ်မှု တိုက်ဖျက်ရေးနေ့ အထိမ်းအမှတ် အခမ်းအနားတွင်  ဆုများ ချီးမြှင့်သွားမည်ဖြစ်ကြောင်း သိရသည်။ မောင်ခိုင်မင်း(ပြန်/ဆက်)MDN
Sun, 24-May-2026
© Copyright 2024 SAC All Rights Reserved.