အမေရိကန်က ထိန်းသိမ်းထားသော အီရန်၏ပိုင်ဆိုင်မှုများကို ပင်လယ်ကွေ့မဟာမိတ်များထံလွှဲပြောင်းပေးရန်စီစဉ်နေ

NoahJune222

News Image

  • အမေရိကန်က ထိန်းသိမ်းထားသော အီရန်၏ပိုင်ဆိုင်မှုများကို ပင်လယ်ကွေ့မဟာမိတ်များထံလွှဲပြောင်းပေးရန်စီစဉ်နေ

အမေရိကန်စစ်အခြေစိုက်စခန်းများ တည်ရှိရာ ပင်လယ်ကွေ့အာရပ်နိုင်ငံများ၌ အီရန်နိုင်ငံ၏ လက်တုံ့ပြန်တိုက်ခိုက်မှုများကြောင့် ပျက်စီးသွားသော စွမ်းအင်နှင့် အခြေခံအဆောက်အအုံများ ပြန်လည်တည်ဆောက်ရေးအတွက် အမေရိကန်ကထိန်းသိမ်းထားသော အီရန်၏ပိုင်ဆိုင်မှုများကိုလွှဲပြောင်းအသုံးပြုရန် အမေရိကန်အစိုးရက စီစဉ်နေကြောင်း သတင်းဌာနများကဖော်ပြထားသည်။

အမေရိကန်ဘဏ္ဍာရေးဝန်ကြီး စကော့ဘတ်ဆန့်၏ညွှန်ကြားချက်အရ ဘဏ္ဍာရေးဝန်ကြီးဌာနသည် ပင်လယ်ကွေ့ဒေသ၌ရှိ သော မဟာမိတ်နိုင်ငံများ၏ပျက်စီးဆုံးရှုံးမှုစာရင်းကိုကောက်ယူနေပြီး ယခင်က အီရန်ကျောထောက်နောက်ခံပြု အဖွဲ့များကြောင့် ဖြစ်ပွားခဲ့ရသည့် ပျက်စီးမှုများအတွက်ပါအဆိုပါရန်ပုံငွေများကို အသုံးပြုနိုင်ခြေ ရှိ၊မရှိ ဆန်းစစ်နေသည်။

အမေရိကန်နှင့် အီရန်ကြား သွယ်ဝိုက်ဆွေးနွေးမှုများတွင် အီရန်ဘက်က ၎င်းတို့၏ထိန်းသိမ်းခံထားရသော အမေရိကန်ဒေါ်လာ ၂၄ ဘီလီယံ ပြန်လည်ရရှိရေးကိုတောင်းဆိုထားမှုကြောင့် လက်ရှိဆွေးနွေးမှုများရပ်တန့်နေသည်။ အီရန်နိုင်ငံဒုတိယနိုင်ငံခြားရေးဝန်ကြီး ကာဇမ်ဂါရီဘာဘာဒီက နားလည်မှုစာချွန်လွှာကို လက်မှတ်ရေးထိုးပြီးပါက ပထမအဆင့်အနေဖြင့် ဒေါ်လာ၁၂ ဘီလီယံကို ချက်ချင်းလွှဲပြောင်းပေးရန် တောင်းဆိုထားသည်။ မတ်လအတွင်းက အစ္စရေး၏တိုက်ခိုက်မှုကြောင့် အီရန်၏ သဘာဝဓာတ်ငွေ့တွင်း ပျက်စီးပြီးနောက် အီရန်က ပင်လယ်ကွေ့ရှိ အမေရိကန်စစ်စခန်းနေရာများကို ပစ်မှတ်ထားတိုက်ခိုက်ခဲ့ခြင်းဖြစ်သည်။                      

Ref: RT

MWD

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

မြန်မာနှင့် အင်ဒိုနီးရှား နှစ်နိုင်ငံ နိုင်ငံခြားရေးဝန်ကြီးများ ဆွေးနွေးပွဲကျင်းပ
မြန်မာနှင့် အင်ဒိုနီးရှား နှစ်နိုင်ငံ နိုင်ငံခြားရေးဝန်ကြီးများ ဆွေးနွေးပွဲကျင်းပ
နေပြည်တော် ဇွန် ၈နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေ၏ ဖိတ်ကြားချက်အရ အင်ဒိုနီးရှားနိုင်ငံခြားရေးဝန်ကြီး မစ္စတာ ဆူဂီအိုနိုနှင့် ဇနီးတို့သည် ကိုယ်စားလှယ်အဖွဲ့ဝင်များနှင့်အတူ ယနေ့တွင် နေပြည်တော်သို့ တရားဝင်ခရီးစဉ်အဖြစ် ရောက်ရှိသည်။နိုင်ငံခြားရေးဝန်ကြီးဌာန ပြည်ထောင်စုဝန်ကြီးသည် အင်ဒိုနီးရှားနိုင်ငံခြားရေးဝန်ကြီးနှင့် ကိုယ်စားလှယ်အဖွဲ့အား မွန်းလွဲပိုင်းတွင် နိုင်ငံခြားရေးဝန်ကြီးဌာန၌ တွေ့ဆုံဆွေးနွေးသည်။ဆွေးနွေးပွဲတွင် နှစ်နိုင်ငံနိုင်ငံခြားရေးဝန်ကြီးများသည် မြန်မာနှင့် အင်ဒိုနီးရှားနိုင်ငံတို့အကြား ကာလရှည်ကြာစွာ တည်ရှိခဲ့သည့် အစဉ်အလာရှိသော ချစ်ကြည်ရင်းနှီးမှုပိုမိုခိုင်မာစေရေး၊ သံတမန်ဆက်ဆံရေးအပါအဝင် နှစ်နိုင်ငံဆက်ဆံရေးတွင် ကဏ္ဍသစ်တစ်ရပ်ဖွင့်လှစ်နိုင်ရေးအတွက် ပူးပေါင်းဆောင်ရွက်မှုတိုးမြှင့်ရေး၊ အာဆီယံအပါအဝင် ဒေသတွင်းနှင့် နိုင်ငံတကာမျက်နှာစာတွင် ပူးပေါင်းဆောင်ရွက်မှုမြှင့်တင်ရေး၊ စီးပွားရေးပူးပေါင်းဆောင်ရွက်မှုနှင့် နှစ်နိုင်ငံအကျိုးဖြစ်ထွန်းစေမည့် ကဏ္ဍများတွင် ပူးပေါင်းဆောင်ရွက်မှုတိုးမြှင့်ရေးကိစ္စရပ်များကို ရင်းနှီးပွင့်လင်းစွာဆွေးနွေးကြသည်။တွေ့ဆုံစဉ် နိုင်ငံခြားရေးဝန်ကြီးဌာန ပြည်ထောင်စုဝန်ကြီးက မြန်မာနိုင်ငံ၏ ငြိမ်းချမ်းရေးလုပ်ငန်းစဉ်နှင့် နိုင်ငံရေးဖြစ်ပေါ် တိုးတက်မှုများအပေါ် အင်ဒိုနီးရှားနိုင်ငံက အပြုသဘောဆောင်ကြိုဆိုခဲ့ခြင်းအတွက် ကျေးဇူးတင်ရှိကြောင်း၊ နှစ်နိုင်ငံနိုင်ငံခြားရေးဝန်ကြီးဌာနများအကြား ပူးပေါင်းဆောင်ရွက်မှုများ တိုးမြှင့်သွားမည်ဖြစ်ကြောင်း၊ မြန်မာနိုင်ငံအနေဖြင့် အာဆီယံနှင့် ပူးပေါင်းဆောင်ရွက်ရာတွင် တာဝန်သိအဖွဲ့ဝင်နိုင်ငံတစ်နိုင်ငံအနေဖြင့် ပါဝင်ဆောင်ရွက်လျက်ရှိပြီး မိမိတို့နိုင်ငံနှင့်ကိုက်ညီသည့် မြန်မာဦးဆောင်သော မြန်မာ့ကိုယ်ပိုင်လုပ်ငန်းစဉ်ဖြင့် ဆက်လက်ဆောင်ရွက်သွားမည်ဖြစ်ကြောင်း၊ မြန်မာနိုင်ငံ၏ အပြုသဘောဆောင်သည့် ဖြစ်ပေါ်တိုးတက်မှုများကို နားလည်ထောက်ခံသည့် အင်ဒိုနီးရှားနိုင်ငံနှင့် အာဆီယံအဖွဲ့ဝင်နိုင်ငံများကို အသိအမှတ်ပြုကျေးဇူးတင်ရှိကြောင်း၊ အင်ဒိုနီးရှားနိုင်ငံမှ ပညာသင်ဆုများ ပေးအပ်ခြင်းအပါအဝင် မြန်မာနိုင်ငံ၏ လူ့စွမ်းအားအရင်းအမြစ်ဖွံ့ဖြိုးတိုးတက်ရေးအတွက် ဆက်လက်ပံ့ပိုးကူညီပေးစေလိုကြောင်း ပြောကြားသည်။အင်ဒိုနီးရှား နိုင်ငံခြားရေးဝန်ကြီးက အင်ဒိုနီးရှားနိုင်ငံအနေဖြင့် မြန်မာနိုင်ငံနှင့် ရှိရင်းစွဲဆက်ဆံရေးကို တိုးမြှင့်ဆောင်ရွက်သွားမည်ဖြစ်ကြောင်း၊ မြန်မာနိုင်ငံတွင် ရွေးကောက်ပွဲမှတစ်ဆင့် အစိုးရသစ်တစ်ရပ်ထွက်ပေါ်လာခြင်းနှင့်အတူ ငြိမ်းချမ်းရေး၊ အမျိုးသားပြန်လည်သင့်မြတ်ရေးနှင့် ဒီမိုကရေစီဖော်ဆောင်ရေး ကြိုးပမ်းဆောင်ရွက်မှုများကို အင်ဒိုနီးရှားနိုင်ငံအနေဖြင့် အသိအမှတ်ပြုပါကြောင်း၊ အာဆီယံထုတ်ပြန်ချက် ၅ ရပ်အား မြန်မာဦးဆောင်သော မြန်မာ့ကိုယ်ပိုင်လုပ်ငန်းစဉ်ဖြင့် အကောင်အထည်ဖော်လျက်ရှိခြင်းကို အင်ဒိုနီးရှားအနေဖြင့် အသိအမှတ်ပြုကြောင်း၊ မြန်မာနိုင်ငံသည် အာဆီယံ၏ မိသားစုဝင်အဖြစ် နှစ်ပေါင်းများစွာတည်ရှိလာသည်ဖြစ်ရာ အာဆီယံ၏ လှုပ်ရှားဆောင်ရွက်မှုများတွင် မြန်မာနိုင်ငံကို ဆက်လက်ပါဝင်စေလိုကြောင်း၊ မြန်မာနိုင်ငံကဲ့သို့ တိုင်းရင်းသားလူမျိုးပေါင်းစုံပါဝင်သည့် လူ့အဖွဲ့အစည်းတွင် ကြုံတွေ့ရသည့် စိန်ခေါ်မှုများကို အင်ဒိုနီးရှားနိုင်ငံအနေဖြင့် နားလည်သဘောပေါက်ပြီး မြန်မာနိုင်ငံ၏ ငြိမ်းချမ်းရေးလုပ်ငန်းစဉ်တွင် ပါဝင်ပံ့ပိုးလိုကြောင်း၊ စီးပွားရေး၊ ပညာရေး၊ ကျန်းမာရေး၊ ပြည်သူအချင်းချင်းကူးလူးဆက်ဆံရေးနှင့် လူသားချင်းစာနာထောက်ထားမှု အကူအညီပေးရေးကဏ္ဍများတွင် ပူးပေါင်းဆောင်ရွက်မှုမြှင့်တင်လိုကြောင်း ပြောကြားသည်။ညနေပိုင်းတွင် အင်ဒိုနီးရှားနိုင်ငံခြားရေးဝန်ကြီး ဦးဆောင်သော ကိုယ်စားလှယ်အဖွဲ့သည် အင်ဒိုနီးရှားနိုင်ငံသို့ ပြန်လည်ထွက်ခွာသွားသည်။moi
Tue, 9-Jun-2026
တတိယအကြိမ်အမျိုးသားလွှတ်တော် ဒုတိယပုံမှန်အစည်းအဝေး တတိယနေ့ကျင်းပ
တတိယအကြိမ်အမျိုးသားလွှတ်တော် ဒုတိယပုံမှန်အစည်းအဝေး တတိယနေ့ကျင်းပ
နေပြည်တော် ဇွန် ၈တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးတတိယနေ့ကို ယနေ့ မွန်းလွဲ ၁ နာရီတွင် နေပြည်တော်ရှိ လွှတ်တော်အဆောက်အအုံအမျိုးသားလွှတ်တော်အစည်းအဝေးခန်းမ၌ ကျင်းပသည်။အစည်းအဝေးတွင် အမျိုးသားလွှတ်တော်ဥက္ကဋ္ဌ ဦးအောင်လင်းဒွေးက တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးတတိယနေ့သို့ တက်ရောက်ခွင့်ရှိသည့် အမျိုးသားလွှတ်တော်ကိုယ်စားလှယ်ဦးရေ စုစုပေါင်း ၂၀၉ ဦးရှိသည့်အနက် ယနေ့အစည်းအဝေးသို့ ၂၀၈ ဦး တက်ရောက်သဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်းကြေညာကာ အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။အပြည့်အစုံဖတ်ရှုရန်- https://www.moi.gov.mm/news/83692
Tue, 9-Jun-2026
တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး စတုတ္ထနေ့ကျင်းပ
တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး စတုတ္ထနေ့ကျင်းပ
နေပြည်တော် ဇွန် ၈တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေးစတုတ္ထနေ့ကို ယနေ့မွန်းလွဲ ၁ နာရီခွဲတွင် နေပြည်တော်ရှိ လွှတ်တော်အဆောက်အအုံ ပြည်သူ့လွှတ်တော်အစည်းအဝေးခန်းမ၌ ကျင်းပသည်။ဦးစွာ ပြည်သူ့လွှတ်တော်ဥက္ကဋ္ဌ ဦးခင်ရီက တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေးစတုတ္ထနေ့သို့ တက်ရောက်ခွင့်ရှိသည့် ပြည်သူ့လွှတ်တော်ကိုယ်စားလှယ်ဦးရေ ၃၅၁ ဦး ရှိသည့်အနက် ယနေ့အစည်းအဝေးသို့ ၃၄၉ ဦး တက်ရောက်သဖြင့် တက်ရောက်မှုရာခိုင်နှုန်း ၉၉ ဒသမ ၄၃ ရှိသည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်း ကြေညာပြီး အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။အပြည့်အစုံဖတ်ရှုရန်- https://www.moi.gov.mm/news/83691
Tue, 9-Jun-2026
အမေရိကန်က ထိန်းသိမ်းထားသော အီရန်၏ပိုင်ဆိုင်မှုများကို ပင်လယ်ကွေ့မဟာမိတ်များထံလွှဲပြောင်းပေးရန်စီစဉ်နေ
အမေရိကန်က ထိန်းသိမ်းထားသော အီရန်၏ပိုင်ဆိုင်မှုများကို ပင်လယ်ကွေ့မဟာမိတ်များထံလွှဲပြောင်းပေးရန်စီစဉ်နေ
အမေရိကန်စစ်အခြေစိုက်စခန်းများ တည်ရှိရာ ပင်လယ်ကွေ့အာရပ်နိုင်ငံများ၌ အီရန်နိုင်ငံ၏ လက်တုံ့ပြန်တိုက်ခိုက်မှုများကြောင့် ပျက်စီးသွားသော စွမ်းအင်နှင့် အခြေခံအဆောက်အအုံများ ပြန်လည်တည်ဆောက်ရေးအတွက် အမေရိကန်ကထိန်းသိမ်းထားသော အီရန်၏ပိုင်ဆိုင်မှုများကိုလွှဲပြောင်းအသုံးပြုရန် အမေရိကန်အစိုးရက စီစဉ်နေကြောင်း သတင်းဌာနများကဖော်ပြထားသည်။အမေရိကန်ဘဏ္ဍာရေးဝန်ကြီး စကော့ဘတ်ဆန့်၏ညွှန်ကြားချက်အရ ဘဏ္ဍာရေးဝန်ကြီးဌာနသည် ပင်လယ်ကွေ့ဒေသ၌ရှိ သော မဟာမိတ်နိုင်ငံများ၏ပျက်စီးဆုံးရှုံးမှုစာရင်းကိုကောက်ယူနေပြီး ယခင်က အီရန်ကျောထောက်နောက်ခံပြု အဖွဲ့များကြောင့် ဖြစ်ပွားခဲ့ရသည့် ပျက်စီးမှုများအတွက်ပါအဆိုပါရန်ပုံငွေများကို အသုံးပြုနိုင်ခြေ ရှိ၊မရှိ ဆန်းစစ်နေသည်။အမေရိကန်နှင့် အီရန်ကြား သွယ်ဝိုက်ဆွေးနွေးမှုများတွင် အီရန်ဘက်က ၎င်းတို့၏ထိန်းသိမ်းခံထားရသော အမေရိကန်ဒေါ်လာ ၂၄ ဘီလီယံ ပြန်လည်ရရှိရေးကိုတောင်းဆိုထားမှုကြောင့် လက်ရှိဆွေးနွေးမှုများရပ်တန့်နေသည်။ အီရန်နိုင်ငံဒုတိယနိုင်ငံခြားရေးဝန်ကြီး ကာဇမ်ဂါရီဘာဘာဒီက နားလည်မှုစာချွန်လွှာကို လက်မှတ်ရေးထိုးပြီးပါက ပထမအဆင့်အနေဖြင့် ဒေါ်လာ၁၂ ဘီလီယံကို ချက်ချင်းလွှဲပြောင်းပေးရန် တောင်းဆိုထားသည်။ မတ်လအတွင်းက အစ္စရေး၏တိုက်ခိုက်မှုကြောင့် အီရန်၏ သဘာဝဓာတ်ငွေ့တွင်း ပျက်စီးပြီးနောက် အီရန်က ပင်လယ်ကွေ့ရှိ အမေရိကန်စစ်စခန်းနေရာများကို ပစ်မှတ်ထားတိုက်ခိုက်ခဲ့ခြင်းဖြစ်သည်။                      Ref: RTMWD
Mon, 8-Jun-2026
ပင်တဂွန်က အစ္စရေး၏ သူလျှိုလုပ်မှု ခြိမ်းခြောက်မှုကို 'စိုးရိမ်ရသည့်အဆင့်' သို့ တိုးမြှင့် သတ်မှတ်
ပင်တဂွန်က အစ္စရေး၏ သူလျှိုလုပ်မှု ခြိမ်းခြောက်မှုကို 'စိုးရိမ်ရသည့်အဆင့်' သို့ တိုးမြှင့်သတ်မှတ်
အီရန်နှင့်လက်ဘနွန်အရေးတို့ကြောင့် ဒေသတွင်းတင်းမာမှုများမြင့်တက်နေချိန်တွင် အမေရိကန်အစိုးရ ထိပ်တန်းအရာရှိများကို အစ္စရေးထောက်လှမ်းရေးအဖွဲ့များက ပစ်မှတ်ထားကာ သိသိသာသာသူလျှိုလုပ်နေသည်ဟုဆိုကာ အမေရိကန် ကာကွယ်ရေး ထောက်လှမ်းရေးအေဂျင်စီ (DIA) က အစ္စရေး၏ခြိမ်းခြောက်မှုအန္တရာယ်ကို အမြင့်ဆုံးဖြစ်သော စိုးရိမ်ရသည့်အဆင့် (Critical) သို့ တိုးမြှင့်သတ်မှတ်လိုက်ကြောင်း NBC News နှင့် New York Times သတင်းဌာနတို့က ဖော်ပြခဲ့ကြသည်။ ပစ်မှတ်ထားစောင့်ကြည့်ခံရသူများထဲတွင် အီရန်နှင့်ဆွေးနွေးပွဲ၌ သမ္မတ ဒေါ်နယ်ထရမ့် ၏ ထိပ်တန်းညှိနှိုင်းရေးမှူး စတိဗ် ဝစ်ကော့ဖ်နှင့် ပင်တဂွန် မူဝါဒရေးရာအရာရှိ အယ်လ် ဘရစ်ဂ်ျ ကိုလ်ဘီတို့အပါအဝင် ထရမ့်အစိုးရအဖွဲ့၏ အဓိကအရာရှိကြီးများ ပါဝင်နေသည်။ အမေရိကန် တန်ပြန်ထောက်လှမ်းရေးအဖွဲ့များ၏အဆိုအရ အစ္စရေးသည် အီရန်နှင့်လက်ဘနွန်အရေးအပေါ် ထရမ့်အစိုးရအဖွဲ့အတွင်း ဆွေးနွေးတိုင်ပင်မှုများကို ချောင်းမြောင်းသိရှိနိုင်ရန် ပုံမှန်ထက်ကျော်လွန်၍ ကြိုးပမ်းနေခြင်းဖြစ်ကြောင်း သိရှိ ရသည်။ သို့သော်လည်း ယခုသတင်းနှင့်ပတ်သက်၍ ပင်တဂွန်က မှတ်ချက်ပေးရန် ငြင်းဆန်ခဲ့ပြီး အိမ်ဖြူတော်ကမူ သတင်းအမှားဖြစ်ကြောင်း ငြင်းဆိုထားကာ ဝါရှင်တန်ရှိ အစ္စရေး သံရုံးကလည်း နိုင်ငံရေးအရ ရည်ရွယ်ချက်ရှိရှိလုပ်ကြံမှုသာဖြစ်ပြီး မိမိတို့အနေဖြင့် မဟာမိတ်များကို ပစ်မှတ်မထားကြောင်း တုံ့ပြန်ခဲ့သည်။ယခုကဲ့သို့ သူလျှိုလုပ်မှု ခြိမ်းခြောက်မှုအဆင့် မြင့်တက်လာခြင်းသည် အီရန်နိုင်ငံ အရေးနှင့် လက်ဘနွန်အတွင်း အစ္စရေး၏ စစ်ရေးလှုပ်ရှားမှုများနှင့်ပတ်သက်၍ အမေရိကန် သမ္မတ ဒေါ်နယ်ထရမ့်နှင့် အစ္စရေးဝန်ကြီးချုပ် ဘင်ဂျမင် နေတန်ယာဟုတို့အကြား သဘောထားကွဲလွဲမှုများပြင်းထန်နေချိန်တွင် ပေါ်ထွက်လာခြင်း ဖြစ်သည်။ အမေရိကန်နှင့် အီရန်အကြားရရှိထားသော ယာယီအပစ်ရပ်စဲရေးကိုအခြေခံ၍ ပိုမို ကျယ်ပြန့်သောသဘောတူညီချက်ရရန် ထရမ့်က သံတမန်ရေးအရ ကြိုးပမ်းနေသော်လည်း နေတန်ယာဟုကမူ စစ်ရေးအရအရေးယူရန်သာ တိုက်တွန်းနေသည်။ ထို့အပြင် အစ္စရေးက လက်ဘနွန်ရှိ ဟစ်ဇ်ဘိုလာအဖွဲ့ကို စစ်ဆင်ရေးများ အရှိန်မြှင့်တိုက်ခိုက်နေခြင်းကြောင့် အမေရိကန်၏ အီရန်ဆွေးနွေးပွဲများကို အန္တရာယ်ဖြစ်စေသည်ဟုဆိုကာ မကြာသေးမီက ပြုလုပ်ခဲ့သည့် ဖုန်းခေါ်ဆိုမှုတစ်ခုအတွင်း နေတန်ယာဟု ကို “အစွန်းရောက်အရူး” ဟု ပြောဆိုခဲ့ကြောင်း သမ္မတထရမ့်ကိုယ်တိုင် ပေါ့ဒ်ကတ်စ် တစ်ခုတွင် ဝန်ခံခဲ့သည်။အမေရိကန်နိုင်ငံခြားရေးဝန်ကြီးဌာန၏ ထုတ်ပြန်ချက်အရ အစ္စရေးနှင့်လက်ဘနွန် တို့သည် ဟစ်ဇဘိုလာတို့၏ တိုက်ခိုက်မှုများ လုံးဝရပ်တန့်ရန်နှင့် တောင်ပိုင်းမှ ဆုတ်ခွာ ပေးရန်ဟူသော အချက်များအပေါ်မူတည်၍ အပစ်အခတ်ရပ်စဲရေးကို အကောင်အထည် ဖော်ရန် သဘောတူညီခဲ့ကြသည်ဟု ဆိုသော်လည်း ဒေသတွင်း၌ တိုက်ခိုက်မှုများ ဆက်လက်ပြင်းထန်နေဆဲ ဖြစ်သည်။ ပြီးခဲ့သည့် ကြာသပတေးနေ့ (ဇွန် ၄) ကပင် လက်ဘနွန်တောင်ပိုင်းနှင့် အရှေ့ပိုင်းတို့တွင် အစ္စရေး၏ လေကြောင်းတိုက်ခိုက်မှုများကြောင့် အရပ်သားအများအပြား သေဆုံးဒဏ်ရာရရှိခဲ့သည်။ အီရန်နိုင်ငံကမူ ယခုအမေရိကန်နှင့် ဆွေးနွေးပွဲများတွင် လက်ဘနွန် အရေးကိုပါ ထည့်သွင်းဖြေရှင်းခြင်းမရှိပါက သို့မဟုတ် အစ္စရေး၏တိုက်ခိုက်မှုများ ဆက်ရှိနေပါက အမေရိကန်နှင့် ရေရှည်တည်တံ့သောပြေလည်မှုတစ်ရပ်ကို သဘောတူမည် မဟုတ်ဘဲ ဆွေးနွေးပွဲများမှနုတ်ထွက်မည်ဟု ပြတ်ပြတ်သားသား သတိပေးထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 7-Jun-2026
ကယ်လီဖိုးနီးယား မဲမသမာမှု စွပ်စွဲချက်ကြောင့် သမ္မတ ဒေါ်နယ်ထရမ့် အင်တာဗျူးကို ရုတ်တရက်ရပ်ဆိုင်းကာ အခန်းတွင်းမှ ထွက်ခွာ
ကယ်လီဖိုးနီးယား မဲမသမာမှု စွပ်စွဲချက်ကြောင့် သမ္မတ ဒေါ်နယ်ထရမ့် အင်တာဗျူးကို ရုတ်တရက်ရပ်ဆိုင်းကာ အခန်းတွင်းမှ ထွက်ခွာ
အမေရိကန်သမ္မတ ဒေါ်နယ်ထရမ့်သည် ယခုသီတင်းပတ်အတွင်းပြုလုပ်ခဲ့သော ကယ်လီဖိုးနီးယားပြည်နယ်၏ ပဏာမမဲပေးပွဲများ (Primary Elections) ၌ ရွေးကောက်ပွဲ မတရားမှုများ ရှိနေကြောင်း စွပ်စွဲပြောဆိုရာမှ NBC သတင်းဌာန၏ ‘Meet the Press’ အစီအစဉ်မှူး ခရစ္စတင် ဝဲလ်ကာ (Kristen Welker) နှင့် အချေအတင် အပြင်းအထန် ငြင်းခုံဖြစ်ပွားကာ စနေနေ့ (ဇွန် ၆) က ပြုလုပ်ခဲ့သည့် လူတွေ့မေးမြန်းခန်းကို ရုတ်တရက် ရပ်ဆိုင်း၍ ဒေါသတကြီး ထွက်ခွာသွားခဲ့သည်။ ထရမ့်သည် ကယ်လီဖိုးနီးယားပြည်နယ်၏ မဲရေတွက်မှုလုပ်ငန်းစဉ် အလွန်အမင်းကြာမြင့်နေခြင်းကို ထောက်ပြပြီး ရီပတ်ဘလစ်ကန် ကိုယ်စားလှယ်လောင်းများကို ဖယ်ထုတ်ရန် ရွေးကောက်ပွဲကို မတရားခြယ်လှယ်ထားခြင်းဖြစ်ကြောင်း ပြောကြားခဲ့သည်။ သို့သော်လည်း အစီအစဉ်မှူး ဝဲလ်ကာက ထိုသို့မဲရေတွက်မှုနှေးကွေးခြင်းမှာ ပါတီစုံမှကိုယ်စားလှယ်များ မဲပြားတစ်ခုတည်းပေါ်တွင် ယှဉ်ပြိုင်ရသည့် ကယ်လီဖိုးနီးယား ပြည်နယ်၏ 'Jungle Primaries' စနစ်ကြောင့်ဖြစ်ပြီး ဒေသခံတာဝန်ရှိသူများကလည်း ယင်းလုပ်ငန်းစဉ် နှေးကွေးတတ်သည်ကို ဝန်ခံထားပြီးဖြစ်ကြောင်း ပြန်လည်တုံ့ပြန် ခဲ့သည်။အဆိုပါ တုံ့ပြန်မှုအပေါ် သမ္မတ ဒေါ်နယ်ထရမ့်က အလွန် စိတ်ဆိုးဒေါသထွက်ခဲ့ပြီး NBC နှင့် အခြားမီဒီယာများသည် အဓိပ္ပာယ်မရှိသောကိစ္စရပ်များဖြင့် ရွေးကောက်ပွဲစီစဉ်သူများ၏ အကြံအစည်တွင် လိုက်ပါစီးမျောနေသည်ဟုစွပ်စွဲခဲ့ကာ အစီအစဉ်မှူးအား “မင်းက လူလိမ်လူကောက်ပဲဖြစ်ရမယ်၊ ဒါမှမဟုတ်ရင် လူအပဲဖြစ်ရမယ်” ဟု ပြင်းပြင်း ထန်ထန် ခွန်းတုံ့ပြန်ပြောဆိုခဲ့သည်။ ထို့အပြင် ၎င်းက မိုက်ခရိုဖုန်းကိုဖြုတ်ကာ အင်တာဗျူးကိုဆက်မလုပ်တော့ဘဲ အဆုံးသတ်ရန် ပြောကြားခဲ့သည်။ ဝဲလ်ကာက ထရမ့်အားမထွက်ခွာသွားစေရေး ဖျောင်းဖျပြောဆိုရန် ကြိုးစားခဲ့သော်လည်း မအောင်မြင်ခဲ့ဘဲ ထရမ့်က ၎င်းအနေဖြင့် တစ်နာရီ နီးပါး အချိန်ပေးခဲ့ပြီးဖြစ်ကြောင်း ပြောဆိုခဲ့သည်။ ထွက်ခွာမသွားမီ နောက်ဆုံးတုံ့ပြန်ချက်အနေဖြင့် ထရမ့်က မရိုးသားသောမီဒီယာများရှိနေသည့် တိုင်းပြည်တစ်ခုသည် မည်သည့် အခါမျှ မကြီးကျယ်နိုင်ကြောင်းနှင့် NBC အပါအဝင် ABC၊ CBS နှင့် CNN တို့ကဲ့သို့သော ထိပ်တန်းသတင်းဌာနများသည် ဘက်လိုက်ပြီးကောက်ကျစ်စဉ်းလဲသည့် ရုပ်သံကွန်ရက်များဖြစ်ကြောင်း ထပ်မံပြစ်တင်ဝေဖန်သွားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 7-Jun-2026
© Copyright 2024 SAC All Rights Reserved.