ယခုဘဏ္ဍာနှစ် မေလတစ်လတာ ကာလအတွင်း ပြည်ပနိုင်ငံများသို့ ဆန်နှင့်ဆန်ကွဲတန်ချိန် ၁၃၀၀၀၀ ကျော် တင်ပို့ထား

NoahJune222

News Image

  • ယခုဘဏ္ဍာနှစ် မေလတစ်လတာ ကာလအတွင်း ပြည်ပနိုင်ငံများသို့ ဆန်နှင့်ဆန်ကွဲတန်ချိန် ၁၃၀၀၀၀ ကျော် တင်ပို့ထား

ရန်ကုန်    ဇွန်     ၇

      ယခုဘဏ္ဍာနှစ်  မေလတစ်လတာ ကာလအတွင်း ပြည်ပနိုင်ငံများသို့ ဆန်နှင့်ဆန်ကွဲတန်ချိန်  ၁၃၀၀၀၀ ကျော် တင်ပို့ထားကြောင်း   မြန်မာနိုင်ငံ  ဆန်စပါးအသင်းချုပ်မှ သိရသည်။

မြန်မာ့ဆန်နှင့်ဆန်ကွဲကို ပြည်ပနိုင်ငံများသို့ တင်ပို့ရာတွင် ပင်လယ်ရေကြောင်းမှ အဓိကတင်ပို့ ခြင်းဖြစ်ကာ ပြီးခဲ့သည့်မေလက ဆန်နှင့်ဆန်ကွဲပို့ကုန် ကုမ္ပဏီ ၄၂ ခုမှ ဆန်တန်ချိန်  ၅၇၈၅၈ တန်နှင့် ဆန်ကွဲ တန်ချိန် ၇၈၄၀၄ တန် စုစုပေါင်း  ၁၃၆၂၆၂ တန် တင်ပို့ နိုင်ခဲ့ခြင်းဖြစ်သည်။

ထိုသို့တင်ပို့ရာတွင်  ဆန်ကို   ဖိလစ်ပိုင်နိုင်ငံသို့ တန်ချိန် ၂၃၉၉၀ ဖြင့် အများဆုံး တင်ပို့ထားပြီး ပိုလန်၊  စပိန်နှင့်   တရုတ်နိုင်ငံအပါအဝင်  စုစုပေါင်း ၂၆  နိုင်ငံသို့တင်ပို့ခဲ့ကြောင်း၊ ဆန်ကွဲကို တရုတ်နိုင်ငံသို့ ၄၀၆၈၉ တန်ဖြင့် အများဆုံးတင်ပို့ထားပြီး ဘယ်လ် ဂျီယံ၊ နယ်သာလန်၊  ပိုလန်၊ စပိန်နှင့်အီတလီနိုင်ငံ အပါအဝင်   နိုင်ငံပေါင်း ၁၂ နိုင်ငံသို့ တင်ပို့ခဲ့ကြောင်း သိရသည်။

ပြည်ပနိုင်ငံများသို့  ဆန်တင်ပို့ရာတွင်  ဧည့်မထ/ငစိန်အုပ်စုဝင်များဖြစ်သော ဆင်းသုခ၊ သီးထပ်ရင်၊ ရတနာတိုး၊ ငစိန်၊ ရာကျော်၊ ကရင်မ၊ ထွန်းပု၊ ဇီယာ၊ ငွေတိုး၊ မင်းဧရာ၊ ရွှေမန်း စသည့်ဆန်ကြမ်းများကို အဓိကတင်ပို့ပြီး  ပေါ်ဆန်းဆန်ကိုလည်း  တင်ပို့မှုရှိ ကြောင်း၊ ထိုသို့တင်ပို့ရာတွင်  အာရှနိုင်ငံများအပြင် ဥရောပ၊ အာဖရိက၊ ဗြိတိန် စသည့် အနောက်နိုင်ငံများသို့ပါ တင်ပို့ကာ ပြီးခဲ့သည့်ဘဏ္ဍာနှစ်က ပြည်ပ သို့ ဆန်နှင့်ဆန်ကွဲတန်ချိန်  ၂၇၄၀၇၃၉ တန် တင်ပို့ခဲ့ ကြောင်း သိရသည်။

MWD

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ရွှေပိတောက်ငါးဈေး၌ တစ်ရက်လျှင် လုပ်သားအင်အား ၂၀၀၀ ကျော်ဖြင့် ရေချိုထွက်ကုန်များ နိုင်ငံတစ်ဝန်းသို့ ဖြန့်ဖြူးပေးနေ
ရွှေပိတောက်ငါးဈေး၌ တစ်ရက်လျှင် လုပ်သားအင်အား ၂၀၀၀ ကျော်ဖြင့် ရေချိုထွက်ကုန်များ နိုင်ငံတစ်ဝန်းသို့ ဖြန့်ဖြူးပေးနေ
ရန်ကုန်  ဇွန်  ၇      နိုင်ငံတစ်ဝန်းသို့ ရေချိုထွက်ကုန်များ နေ့စဉ်မပြတ် စီးဆင်းလျက်ရှိသည့် ရန်ကုန်တိုင်းဒေသကြီး လှိုင်မြို့နယ် ရွှေပိတောက်ငါးဈေးကြီးမှ တစ်ရက်လျှင် လုပ်သားအင်အား ၂၀၀၀ ကျော်ဖြင့် ရေချိုထွက်ကုန်များကို  နိုင်ငံတစ်ဝန်းသို့ ဖြန့်ဖြူးပေးနေကြောင်း သိရသည်။ဘုရင့်နောင်လမ်းမကြီးနှင့် လှိုင်မြစ်မှ ရွှေပိတောက်ငါးဈေးသို့ ဝင်ရောက်လာသည့် ရေချိုထွက်ကုန်များကို ရန်ကုန်မြို့နှင့် ဒေသအသီးသီးသို့ တင်ပို့ရာ၌   လုပ်သားအင်အားသည်   အရေးပါလျက်ရှိရာ ရွှေပိတောက်ငါးဈေးသို့ လှိုင်၊ ကြည့်မြင်တိုင်၊ ဒလ၊ တွံတေး၊ အင်းစိန်၊ လှိုင်သာယာနှင့် ရွှေပြည်သာမြို့နယ်တို့မှ အလုပ်သမားများ နေ့စဉ် ကုန်တင်ကုန်ချ၊ ရေခဲရိုက်၊ ငါးပုံးရိုက်၊ ပို့ဆောင်ရေးနှင့် အရောင်းအဝယ် လုပ်ငန်းတို့၌ လုပ်ကိုင်ကြလျက်ရှိသည်။ရွှေပိတောက်ငါးဈေးသည် ရှစ်ဧကကျော်ကျယ်ဝန်းပြီး ဆိပ်ကမ်းတစ်ခုလည်း ရှိ၍ ဈေးရုံပေါင်း ခုနစ်ရုံရှိကာ ဆိုင်ခန်းနှင့် ရေခဲဒိုင်အပါအဝင် ဆိုင်ခန်းပေါင်း  ၄၃၂ ခန်းရှိကြောင်း သိရသည်။MWD
Mon, 8-Jun-2026
ယခုဘဏ္ဍာနှစ် မေလတစ်လတာ ကာလအတွင်း ပြည်ပနိုင်ငံများသို့ ဆန်နှင့်ဆန်ကွဲတန်ချိန် ၁၃၀၀၀၀ ကျော် တင်ပို့ထား
ယခုဘဏ္ဍာနှစ် မေလတစ်လတာ ကာလအတွင်း ပြည်ပနိုင်ငံများသို့ ဆန်နှင့်ဆန်ကွဲတန်ချိန် ၁၃၀၀၀၀ ကျော် တင်ပို့ထား
ရန်ကုန်    ဇွန်     ၇      ယခုဘဏ္ဍာနှစ်  မေလတစ်လတာ ကာလအတွင်း ပြည်ပနိုင်ငံများသို့ ဆန်နှင့်ဆန်ကွဲတန်ချိန်  ၁၃၀၀၀၀ ကျော် တင်ပို့ထားကြောင်း   မြန်မာနိုင်ငံ  ဆန်စပါးအသင်းချုပ်မှ သိရသည်။မြန်မာ့ဆန်နှင့်ဆန်ကွဲကို ပြည်ပနိုင်ငံများသို့ တင်ပို့ရာတွင် ပင်လယ်ရေကြောင်းမှ အဓိကတင်ပို့ ခြင်းဖြစ်ကာ ပြီးခဲ့သည့်မေလက ဆန်နှင့်ဆန်ကွဲပို့ကုန် ကုမ္ပဏီ ၄၂ ခုမှ ဆန်တန်ချိန်  ၅၇၈၅၈ တန်နှင့် ဆန်ကွဲ တန်ချိန် ၇၈၄၀၄ တန် စုစုပေါင်း  ၁၃၆၂၆၂ တန် တင်ပို့ နိုင်ခဲ့ခြင်းဖြစ်သည်။ထိုသို့တင်ပို့ရာတွင်  ဆန်ကို   ဖိလစ်ပိုင်နိုင်ငံသို့ တန်ချိန် ၂၃၉၉၀ ဖြင့် အများဆုံး တင်ပို့ထားပြီး ပိုလန်၊  စပိန်နှင့်   တရုတ်နိုင်ငံအပါအဝင်  စုစုပေါင်း ၂၆  နိုင်ငံသို့တင်ပို့ခဲ့ကြောင်း၊ ဆန်ကွဲကို တရုတ်နိုင်ငံသို့ ၄၀၆၈၉ တန်ဖြင့် အများဆုံးတင်ပို့ထားပြီး ဘယ်လ် ဂျီယံ၊ နယ်သာလန်၊  ပိုလန်၊ စပိန်နှင့်အီတလီနိုင်ငံ အပါအဝင်   နိုင်ငံပေါင်း ၁၂ နိုင်ငံသို့ တင်ပို့ခဲ့ကြောင်း သိရသည်။ပြည်ပနိုင်ငံများသို့  ဆန်တင်ပို့ရာတွင်  ဧည့်မထ/ငစိန်အုပ်စုဝင်များဖြစ်သော ဆင်းသုခ၊ သီးထပ်ရင်၊ ရတနာတိုး၊ ငစိန်၊ ရာကျော်၊ ကရင်မ၊ ထွန်းပု၊ ဇီယာ၊ ငွေတိုး၊ မင်းဧရာ၊ ရွှေမန်း စသည့်ဆန်ကြမ်းများကို အဓိကတင်ပို့ပြီး  ပေါ်ဆန်းဆန်ကိုလည်း  တင်ပို့မှုရှိ ကြောင်း၊ ထိုသို့တင်ပို့ရာတွင်  အာရှနိုင်ငံများအပြင် ဥရောပ၊ အာဖရိက၊ ဗြိတိန် စသည့် အနောက်နိုင်ငံများသို့ပါ တင်ပို့ကာ ပြီးခဲ့သည့်ဘဏ္ဍာနှစ်က ပြည်ပ သို့ ဆန်နှင့်ဆန်ကွဲတန်ချိန်  ၂၇၄၀၇၃၉ တန် တင်ပို့ခဲ့ ကြောင်း သိရသည်။MWD
Mon, 8-Jun-2026
ပြည်ထောင်စုဝန်ကြီး ဒေါက်တာချာလီသန်း မြန်မာနိုင်ငံစီးပွားရေးလုပ်ငန်းရှင် အမျိုးသမီးများ ကွန်ရက်ဥက္ကဋ္ဌ ဦးဆောင်သည့်အဖွဲ့အား လက်ခံတွေ့ဆုံ
ပြည်ထောင်စုဝန်ကြီး ဒေါက်တာချာလီသန်း မြန်မာနိုင်ငံစီးပွားရေးလုပ်ငန်းရှင် အမျိုးသမီးများ ကွန်ရက်ဥက္ကဋ္ဌ ဦးဆောင်သည့်အဖွဲ့အား လက်ခံတွေ့ဆုံ
နေပြည်တော် ဇွန် ၅စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းသည် ယနေ့နံနက်ပိုင်းတွင် မြန်မာနိုင်ငံစီးပွားရေးလုပ်ငန်းရှင် အမျိုးသမီးများကွန်ရက်(MYANWEN)ဥက္ကဋ္ဌ ဦးဆောင်သည့်အဖွဲ့အား ရုံးအမှတ်(၃၀) အစည်းအဝေး ခန်းမ၌ လက်ခံတွေ့ဆုံသည်။ တွေ့ဆုံစဉ် ဇွန် ၂၇ ရက်တွင် ကျင်းပမည့် “ကမ္ဘာ့ MSME နေ့” (World MSME Day) အထိမ်းအမှတ် အခမ်းအနားတွင် ကွန်ရက်မှ “Made in Myanmar” ထုတ်ကုန်များ၊ ကွန်ရက်၏ဆောင်ရွက်မှု မှတ်တမ်းများ ပါဝင်ပြသသွားရေး၊ ကွန်ရက်၏ ၂၀၂၆-၂၀၂၇ ဘဏ္ဍာနှစ်လအလိုက် လုပ်ငန်းအစီ အစဉ်များတွင် ပူးပေါင်းဆောင်ရွက်နိုင်ရေးတို့နှင့်စပ်လျဉ်း၍ ဆွေးနွေးကြသည်။ မွန်းလွဲပိုင်းတွင် ဝါးမှ ပျော့ဖတ်ထုတ်လုပ်နိုင်ရေး အလုပ်ရုံဆွေးနွေးပွဲကို ရုံးအမှတ် (၃၀) အစည်းအဝေး ခန်းမ၌ ကျင်းပသည်။ ဦးစွာ ပြည်ထောင်စုဝန်ကြီး ဒေါက်တာချာလီသန်းက ဝန်ကြီးဌာနအချင်းချင်း ပေါင်းစပ်ညှိနှိုင်း ဆောင်ရွက်မှုနှင့် ပုဂ္ဂလိကကဏ္ဍ၏ ပူးပေါင်းပါဝင်မှုတို့မှတစ်ဆင့် နိုင်ငံတော်အတွက် အခြေခံကျသည့် တီထွင်ဆန်းသစ်မှုတစ်ရပ်ကို ဖော်ဆောင်နိုင်ရန်ဖြစ်ကြောင်း ပြောကြားပြီး ပြည်ထောင်စုဝန်ကြီး ဒေါက်တာမျိုးသိန်းကျော်က ဝါးမှ ပျော့ဖတ်ထုတ်လုပ်ခြင်းလုပ်ငန်းစဉ်အား စဉ်ဆက်မပြတ် ဆောင်ရွက်နိုင်ရန်၊ နည်းပညာတိုးတက်ရရှိရန် သုတေသနလုပ်ငန်းများ စဉ်ဆက်မပြတ် ဆောင်ရွက် နိုင်ရေးနှင့်စပ်လျဉ်း၍ ဆွေးနွေးပြောကြားကာ တက်ရောက်လာကြသူများက သက်ဆိုင်ရာ ကဏ္ဍအလိုက် ဝိုင်းဝန်းအကြံပြုဆွေးနွေးကြကြောင်း သိရသည်။သတင်းစဉ်MDN
Sat, 6-Jun-2026
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးသုတေသနဦးစီးဌာန၊ ပဲမျိုးစုံသီးနှံသုတေသနဌာနစုမှ သုတေသနပြုထုတ်လုပ်ထားသည့် သီးနှံမျိုးစေ့များအား ကြည့်ရှုစစ်ဆေး
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးသုတေသနဦးစီးဌာန၊ ပဲမျိုးစုံသီးနှံသုတေသနဌာနစုမှ သုတေသနပြုထုတ်လုပ်ထားသည့် သီးနှံမျိုးစေ့များအား ကြည့်ရှုစစ်ဆေး
နေပြည်တော် ဇွန် ၅ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် ယနေ့နံနက်ပိုင်းတွင် တာဝန်ရှိသူများလိုက်ပါ၍ နေပြည်တော် ရေဆင်းတက္ကသိုလ်များနယ်မြေရှိ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးသုတေသနဦးစီးဌာန၊ ပဲမျိုးစုံသီးနှံ သုတေသနဌာနစုမှ သုတေသနပြုထုတ်လုပ်ထားသည့် သီးနှံမျိုးစေ့များအား သွားရောက်ကြည့်ရှုစစ်ဆေးသည်။ ဦးစွာ နိုင်ငံတော်သမ္မတအား စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမင်းနောင်နှင့် တာဝန်ရှိသူများက စိုက်ပျိုးရေးသုတေသနဦးစီးဌာန၊ ပဲမျိုးစုံသီးနှံ သုတေသနဌာနစုမှ သုတေသနပြုထုတ်လုပ်ထားသည့် ပဲမျိုးများ၊ နေကြာမျိုးများနှင့် သီးနှံမျိုးများအား မျိုးစေ့များအလိုက် သုတေသနပြုထုတ်လုပ်လျက်ရှိမှုနှင့်ပတ်သက်၍ ရှင်းလင်းတင်ပြကြသည်။ ရှင်းလင်းတင်ပြမှုများအပေါ် နိုင်ငံတော်သမ္မတက မိမိတို့နိုင်ငံအနေဖြင့် ပြည်ပနိုင်ငံများသို့ ဈေးကွက်ဝင်အရည်အသွေးရှိသည့် ပဲတီစိမ်း၊ မတ်ပဲ၊ ပဲစင်းငုံ၊ ကုလားပဲ၊ ပဲလွမ်း၊ ပဲပုပ်တို့အပါအဝင် ပဲအမျိုးမျိုးကို တင်ပို့ရောင်းချရလျက်ရှိကြောင်း၊ ဈေးကွက်ရရှိမှု ပိုမိုခိုင်မြဲစေရေးအတွက် ပဲများ၏ အရည်အသွေး ထိန်းသိမ်းခြင်း၊ ပိုမိုကောင်းမွန်လာအောင် စဉ်ဆက်မပြတ် သုတေသနပြု ထုတ်လုပ်ခြင်းများကို ဆောင်ရွက်သွားကြရန်လိုကြောင်း၊ ပဲမျိုးစုံသီးနှံများသည် ပြည်တွင်းစားသုံးခြင်းနှင့် ပြည်ပသို့ တင်ပို့ခြင်းတို့ဖြင့် ဝင်ငွေရရှိပြီး စီးပွားရေးအရ အရေးပါသည့် သီးနှံများဖြစ်သည့်အတွက် ဒေသနှင့် သင့်တော်ကိုက်ညီသည့် အထွက်ကောင်းမျိုး၊ ရောဂါဒဏ်ခံနိုင်သောမျိုး၊ ဈေးကွက်ရရှိသည့် မျိုးများကို စဉ်ဆက်မပြတ် သုတေသနပြုထုတ်လုပ်နိုင်ရေး ကြိုးပမ်းဆောင်ရွက်သွားရန်လိုကြောင်း။ လက်ရှိ ပြည်ပဈေးကွက်သို့ တင်ပို့လျက်ရှိသော ပဲမျိုးစုံတို့အနေဖြင့် အရည်အသွေးအားဖြင့် ကောင်းမွန်မှုရှိသော်လည်း အခြားနိုင်ငံများမှ ပဲများနှင့် နှိုင်းယှဉ်ကြည့်မည်ဆိုပါက လိုအပ်ချက်ရှိနေသည်ဟု သိရှိရကြောင်း၊ ပဲမျိုးများအား သုတေသနပြုထုတ်လုပ်ရာတွင် အရွယ်အစား၊ အရောင်အဆင်း၊ အရသာစသည့် သုံးမျိုးစလုံး ကောင်းမွန်နေရန်လိုကြောင်း၊ ဒေသအလိုက် ရေမြေသဘာဝ တူညီမှုရှိမည်မဟုတ်သဖြင့် အရွယ်အစား၊ အရောင်အဆင်း၊ အရသာများလည်း ကွဲပြားခြားနားမှုရှိနိုင်မည် ဖြစ်သောကြောင့် ဒေသအလိုက် ကိုက်ညီသည့် သီးနှံမျိုးစေ့များကို စနစ်တကျဖြင့် သုတေသနပြုထုတ်လုပ်သွားရန်လိုကြောင်း၊ နေကြာမျိုးစေ့များနှင့် နှမ်းမျိုးစေ့များ ကိုလည်း ဆက်လက်တိုးချဲ့ထုတ်လုပ်သွားနိုင်ရန်လိုကြောင်း၊ စိုက်ဧက တိုးချဲ့မည်ဆိုပါက ဖြစ်ပေါ်လာနိုင်မည့် မျိုးစေ့လိုအပ်ချက်များကို ဖြည့်ဆည်းပေးနိုင်ရေး မျိုးစေ့ထုတ်လုပ်ခြင်းလုပ်ငန်း များကို ပြည်တွင်း၌သာ စဉ်ဆက်မပြတ် သုတေသနပြုထုတ်လုပ်သွားကြရန်လိုကြောင်း၊ သီးနှံစိုက်ဧက အများအပြားရှိသော်လည်း အထွက်နှုန်းလျော့နည်းလျက်ရှိသည့်ဒေသများသို့ သုတေသနအဖွဲ့များ စေလွှတ်၍ အချိန်ယူ သုတေသနပြု အဖြေရှာ ဆောင်ရွက်သွားကြရန်လည်းလိုကြောင်း၊ သီးနှံများအား ပြည်ပသို့ တင်ပို့ရောင်းချရာတွင် အမြတ်နည်းနည်းနှင့် အရေအတွက်များများ ရောင်းချနိုင်ရေး ဆောင်ရွက်သွားကြရန်လိုကြောင်းနှင့် အခြားလိုအပ်သည်များကို လမ်းညွှန်မှာကြားခဲ့ကြောင်း သတင်းရရှိသည်။သတင်းစဉ်MDN
Sat, 6-Jun-2026
ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့ (၂၉) ကြိမ်မြောက် စိန့်ပီတာစဘတ် နိုင်ငံတကာစီးပွားရေးဖိုရမ် မျက်နှာစုံညီအစည်းအဝေးသို့ တက်ရောက်
ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့ (၂၉) ကြိမ်မြောက် စိန့်ပီတာစဘတ် နိုင်ငံတကာစီးပွားရေးဖိုရမ် မျက်နှာစုံညီအစည်းအဝေးသို့ တက်ရောက်
နေပြည်တော် ဇွန် ၅(၂၉) ကြိမ်မြောက် စိန့်ပီတာစဘတ် နိုင်ငံတကာစီးပွားရေးဖိုရမ် မျက်နှာစုံညီအစည်းအဝေး (Plenary Session) ကို ယနေ့ ဒေသစံတော်ချိန် မွန်းလွဲပိုင်းတွင် စိန့်ပီတာစဘတ်မြို့ရှိ EXPOFORUM Convention and Exhibition Centre ၌ ကျင်းပရာ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဦးညိုစော ဦးဆောင်သော ကိုယ်စားလှယ်အဖွဲ့ တက်ရောက်သည်။အစည်းအဝေးသို့ ရုရှားဖက်ဒရေးရှင်းနိုင်ငံသမ္မတ Η.Ε. Mr. Vladimir Putin ၊  ဥဇဘက်ကစ္စတန်သမ္မတ H.E. Mr. Shavkat Mirziyoyev ၊ တန်ဇန်းနီးယားနိုင်ငံ သမ္မတ H.E. Mrs. Samia Suluhu hassan ၊ တရုတ်ပြည်သူ့သမ္မတနိုင်ငံ ဒုတိယသမ္မတ H.E. Mr. Han Zeng ၊ ဖိတ်ကြားထားသည့်နိုင်ငံများမှ အကြီးအကဲများနှင့် တာဝန်ရှိသူများ၊ စီးပွားရေးလုပ်ငန်းရှင်များ တက်ရောက်ကြသည်။အစည်းအဝေးတွင် ရုရှားဖက်ဒရေးရှင်းနိုင်ငံသမ္မတ H.E. Mr. Vladimir Putin က မိန့်ခွန်းပြောကြားကာ ဖိုရမ်၏ ဆွေးနွေးမှုကို ဦးဆောင်ဆွေးနွေးသည်။နံနက်ပိုင်းကလည်း ဒုတိယသမ္မတ ဦးညိုစောသည် ရုရှား - အာဆီယံစီးပွားရေးကောင်စီ (Russia-ASEAN Business Council) ဥက္ကဋ္ဌ Mr. Ivan Viktorovich Polyakov ဦးဆောင်သော ကိုယ်စားလှယ်အဖွဲ့အား အဆိုပါစင်တာ၌ လက်ခံတွေ့ဆုံပြီး မြန်မာနိုင်ငံနှင့် ရုရှား - အာဆီယံစီးပွားရေးကောင်စီတို့အကြား ဆက်ဆံရေးပိုမိုခိုင်မာစေရန်၊ ကုန်သွယ်မှုနှင့် ရင်းနှီးမြှုပ်နှံမှုကဏ္ဍတို့အပါအဝင် ကဏ္ဍစုံ ကျယ်ပြန့်စွာ ပိုမိုတိုးမြှင့်ပူးပေါင်းဆောင်ရွက်နိုင်ရေး ကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြသည်။ထို့နောက် ထားဝယ်ရေနက်ဆိပ်ကမ်း ဓာတ်အားပေးစက်ရုံဆိုင်ရာ (MoU) လက်မှတ်ရေးထိုးခြင်းအခမ်းအနားကို ဆက်လက်ကျင်းပရာ ရုရှားဖက်ဒရေးရှင်းနိုင်ငံ Inter RAO ကုမ္ပဏီနှင့် ပြည်ထောင်စုသမ္မတမြန်မာနိုင်ငံ လောင်းလုံစီးပွားဖွံ့ဖြိုးကုမ္ပဏီလိမိတက်တို့မှ တာဝန်ရှိသူများက ဒုတိယသမ္မတနှင့် ရုရှားစီးပွားရေးဖွံ့ဖြိုးတိုးတက်မှုဝန်ကြီးတို့၏ရှေ့မှောက်တွင် လက်မှတ်များ ရေးထိုးကြပြီး စာချွန်လွှာများကို အပြန်အလှန် လဲလှယ်ကြသည်။ယမန်နေ့ကလည်း ပြည်ထောင်စုသမ္မတမြန်မာနိုင်ငံ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် ရုရှားဖက်ဒရေးရှင်းနိုင်ငံ ရော့စ်ကွန်ဂရက်စ် ရင်းနှီးမြှုပ်နှံမှု ငွေကြေးရန်ပုံငွေအဖွဲ့ (Fund RC-Investments) တို့အကြား စီးပွားရေးနှင့် ရင်းနှီးမြှုပ်နှံမှုဆိုင်ရာ ပူးပေါင်းဆောင်ရွက်ရေးစာချွန်လွှာ (MoC) များကို တာဝန်ရှိသူများက လက်မှတ်များရေးထိုးကြပြီး စာချွန်လွှာများကို အပြန်အလှန် လဲလှယ်ခဲ့ကြကြောင်း သတင်းရရှိသည်။moi
Fri, 5-Jun-2026
မြန်မာနိုင်ငံနှင့် ဥရောပအာရှ စီးပွားရေးကော်မရှင်တို့အကြား ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ ပူးတွဲဥက္ကဋ္ဌများအစည်းအဝေး ကျင်းပ
မြန်မာနိုင်ငံနှင့် ဥရောပအာရှ စီးပွားရေးကော်မရှင်တို့အကြား ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ ပူးတွဲဥက္ကဋ္ဌများအစည်းအဝေး ကျင်းပ
နေပြည်တော် ဇွန် ၄ ၄ -၆-၂၀၂၆ ရက်နေ့တွင် မြန်မာနိုင်ငံနှင့်ဥရောပအာရှစီးပွားရေးကော်မရှင်တို့အကြား ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ ပူးတွဲဥက္ကဋ္ဌများ အစည်းအဝေးကို ကျင်းပရာ ပူးတွဲဥက္ကဋ္ဌများဖြစ်ကြသည့် အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးနှင့် ဥရောပအာရှစီးပွားရေးကော်မရှင်၊ မေခရို(အကြီးစား) စီးပွားရေးနှင့်ပေါင်းစည်းရေးဝန်ကြီး Mr. Danilar Imanaliev တို့က ဦးဆောင်၍ ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ တတိယအကြိမ် အစည်းအဝေးကျင်းပရေး၊ အာဆီယံမူဘောင်အတွင်း ပူးပေါင်းဆောင်ရွက်မှု ဖွံ့ဖြိုးတိုးတက်ရေးတို့နှင့်စပ်လျဉ်း၍ ဆွေးနွေးခဲ့သည်။အစည်းအဝေးသို့ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးနှင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးထွန်းအုံ၊ ဥရောပအာရှ စီးပွားရေးကော်မရှင်၊ မေခရို (အကြီးစား) စီးပွားရေးနှင့် ပေါင်းစည်းရေးဝန်ကြီး Mr. Danilar Imanaliev၊ မြန်မာကိုယ်စားလှယ်အဖွဲ့ဝင်များနှင့် ဥရောပအာရှ စီးပွားရေးကော်မရှင်မှ တာဝန်ရှိသူများ တက်ရောက်ခဲ့ကြောင်း သတင်းရရှိသည်။moi
Fri, 5-Jun-2026
© Copyright 2024 SAC All Rights Reserved.