ဆောက်လုပ်မှုကဏ္ဍဖွံ့ဖြိုးတိုးတက်ရေးဥပဒေ ပြဋ္ဌာန်း
News Image
MM-News-Category
ဆက်စပ်သတင်းများ
ကဘူးလ် မေ ၁၈အာဖဂန်နစ္စတန်နိုင်ငံ၏ လျှပ်စစ်ဓာတ်အား အခြေခံအဆောက်အအုံများ အားကောင်းလာစေရန် နိုင်ငံ၏ ပြည်နယ် ၁၀ ခုအတွင်း လျှပ်စစ်ဓာတ်အားခွဲရုံ ၁၆ ခုကို တည်ဆောက်လျက်ရှိကြောင်း စီးပွားရေးဆိုင်ရာ ဒုတိယဝန်ကြီးချုပ်ရုံးက မေ ၁၈ ရက်တွင် ကြေညာသည်။အာဖဂန်နီ ၈ ဒသမ ၁၅ ဘီလီယံ(အမေရိကန်ဒေါ်လာ သန်း ၁၃၀ ကျော်)တန်ဖိုးရှိ အာဖဂန်အစိုးရ၏ ပြည်တွင်းဘတ်ဂျက်ဖြင့် အဆိုပါဓာတ်အားခွဲရုံများကို ကဘူးလ်၊ ကန်ဒါဟာ၊ လိုဂါ၊ ဘက်ဟ်လန်၊ ခွန်ဒပ်ဇ်၊ နန်ဂါဟာ၊ ဟီရတ်၊ ဂါဇ်နီ၊ ဟယ်မန်နှင့် ဂျော့ဇ်ဂျန်ပြည်နယ်တို့တွင် တည်ဆောက်လျက်ရှိကြောင်း အဆိုပါရုံး၏ ထုတ်ပြန်ချက်အရ သိရသည်။အမျိုးသားလျှပ်စစ်ဓာတ်အားဝန်ဆောင်မှုလုပ်ငန်းများ ပြီးစီးပါက ပေါင်းစပ်ပို့လွှတ်ပေးမည့် ပမာဏ မဂ္ဂါဝပ် ၁၈၀၀ ကို ပေးနိုင်မည်ဖြစ်ပြီး လုပ်ငန်းပြီးစီးပါက သတ်မှတ်ထားသည့်ပြည်နယ်များတစ်ဝန်း အိမ်ထောင်စုတစ်သန်းနှင့် စက်မှုလုပ်ငန်း ၁၁၀၀ ခန့်ကို လုံလောက်သည့် လျှပ်စစ်ဓာတ်အားများ ပေးပို့နိုင်ရန် ခန့်မှန်းထားကြောင်း သိရသည်။အာဖဂန်နစ္စတန်နိုင်ငံသည် အိမ်နီးချင်းနိုင်ငံတို့မှ လျှပ်စစ်ဓာတ်အားတင်သွင်းမှုအပေါ် အဓိကမှီခိုနေရပြီး နှစ်ပေါင်းများစွာအတွင်း လျှပ်စစ်ဓာတ်အား ပြတ်တောက်မှုနှင့် ကြုံတွေ့ခဲ့ရကြောင်း သိရသည်။ ဆင်ဟွာMDN
Tue, 19-May-2026
မေ ၁၈ဘရာဇီးနိုင်ငံအရှေ့ပိုင်း ဘာဟီယာပြည်နယ်၏ မြို့တော် ဆယ်လ်ဗေဒေါတွင် လေးထပ်တိုက်တစ်လုံး ပြိုကျပြီးနောက် အလုပ်သမား သုံးဦးသေဆုံးပြီး အခြားသုံးဦး အသက်ရှင်ကျန်ရစ်ခဲ့ကြောင်း မီးသတ်ဌာနက ယမန်နေ့ကပြောကြားခဲ့သည်။မေ ၁၆ ရက်က အဆောက်အအုံပြိုကျခဲ့သည့် လူးဝစ် အန်ဆယ်မိုရပ်ကွက်ရှိ အပျက်အစီးများအောက်မှ တတိယမြောက်ရုပ်အလောင်းကို မီးသတ်သမားများက ယမန်နေ့အစောပိုင်းက ရှာဖွေတွေ့ရှိခဲ့သည်ဟု သိရသည်။ပြုပြင်မွမ်းမံမှုများ လုပ်ဆောင်နေသော အလုပ်သမားသုံးဦးနှင့်အတူ အမျိုးသားတစ်ဦး၊ ၎င်း၏ဇနီးနှင့် ၎င်းတို့၏ ၁၈ လသားကလေးငယ်တစ်ဦးတို့သည် ပြိုကျမှုဖြစ်ပွားချိန်က အဆောက်အအုံအတွင်း၌ ရှိနေခဲ့သည်ဟု အာဏာပိုင်များက ပြောကြားခဲ့သည်။ထိုမိသားစုသည် ပြိုကျမှုမဖြစ်ပွားမီ ထွက်ပြေးနိုင်ခဲ့ကြောင်း၊ အမျိုးသမီးကို ဆေးရုံသို့ ပို့ဆောင်ခဲ့ရာ အန္တရာယ်မှ လွတ်မြောက်ခဲ့ပြီး အမျိုးသားနှင့် ကလေးငယ်မှာမူ ထိခိုက်ဒဏ်ရာရရှိခြင်း မရှိကြောင်း ဖော်ပြထားသည်။အဆောက်အအုံကို ပြန်လည်ပြုပြင်မွမ်းမံနေသော အလုပ်သမားသုံးဦးသည် ပြိုကျမှုတွင် သေဆုံးခဲ့သည်ဟု တာဝန်ရှိသူများကဆိုသည်။ပြိုကျမှု၏အကြောင်းရင်းကို စုံစမ်းစစ်ဆေးမည်ဖြစ်ကြောင်း ဆယ်လ်ဗေဒေါ၏ အရပ်ဘက် ကာကွယ်ရေး အေဂျင်စီက ပြောကြားခဲ့သည်။ကိုးကား-ဆင်ဟွာဘာသာပြန်-မြင့်မြင့်ချိုMDN
Tue, 19-May-2026
(၂၀၂၆ ခုနှစ်၊ မေလ ၁၉ ရက်နေ့၊ နံနက် ၁၀:၃၀ နာရီအချိန်ထုတ်ပြန်ချက်) ဘင်္ဂလားပင်လယ်အော်အခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်းတို့တွင် မုတ်သုံလေ အားကောင်းနေပြီး ကျန်ဘင်္ဂလားပင်လယ်အော်တွင် တိမ်အနည်းငယ်မှ တိမ်အသင့်အတင့် ဖြစ်ထွန်းနေပါသည်။ ရန်ကုန်မှ တနင်္သာရီကမ်းရိုးတန်းတစ်လျှောက် ပင်လယ်ပြင်ခရီးအတွက် မိုးလေဝသခန့်မှန်းချက် ယနေ့မွန်းတည့်မှ နောက်(၂၄)နာရီအတွင်းခန့်မှန်းချက် မိုးလေဝသအခြေအနေ။ နေရာအနှံ့အပြား မိုးထစ်ချုန်းရွာပြီး နေရာကွက်၍ မိုးကြီးနိုင်ပါသည်။ အမြင်တာ။ ၃ မိုင်၊ မိုးရွာစဉ် မိုင်ဝက်ခန့်။ ရေပြင်လေ။ အနောက် (သို့) အနောက်တောင်၊ တစ်နာရီပင်လယ်မိုင် ၂၀-၂၅ မိုင်၊ တစ်ခါတစ်ရံ မိုင် ၃၀ မှ ၃၅ မိုင်။ လှိုင်းအခြေအနေ။ လှိုင်းအသင့်အတင့်မှ လှိုင်းကြီးနိုင်ပါသည်။ လှိုင်းအမြင့်။ ၇ ပေမှ ၉ ပေခန့်။ ရန်ကုန်မှ ရခိုင်ကမ်းရိုးတန်းတစ်လျှောက် ပင်လယ်ပြင်ခရီးအတွက် မိုးလေဝသခန့်မှန်းချက် ယနေ့မွန်းတည့်မှ နောက်(၂၄)နာရီအတွင်း ခန့်မှန်းချက် မိုးလေဝသအခြေအနေ။ နေရာကွက်ကျား မိုးထစ်ချုန်းရွာမည်။ အမြင်တာ။ ၄ မိုင်၊ မိုးရွာစဉ် ၁ မိုင်ခန့်။ ရေပြင်လေ။ အနောက် (သို့) အနောက်မြောက်၊ တစ်နာရီပင်လယ်မိုင် ၅-၁၀ မိုင်၊ တစ်ခါတစ်ရံ မိုင် ၂၀ မှ ၂၅ မိုင်။ လှိုင်းအခြေအနေ။ လှိုင်းအသင့်အတင့်ရှိမည်။ လှိုင်းအမြင့်။ ၅ ပေမှ ၇ ပေခန့်။ Crd> မိုး/ဇလ
Tue, 19-May-2026
ရမည်းသင်း မေ ၁၈သမဝါယမဦးစီးဌာနအနေဖြင့် အခြေခံ သမဝါယမအသင်းများ ဖွံ့ဖြိုးတိုးတက်ရေးအတွက် ရမည်းသင်းမြို့နယ်အတွင်း အခြေခံသမဝါယမအသင်းများ၏ စိုက်ပျိုးရေး၊ မွေးမြူရေးလုပ်ငန်းများ ထုတ်လုပ်မှုတိုးမြှင့်နိုင်ရန် ကံသာအေးကျေးရွာ ရွှေကံသာအေး စိုက်ပျိုးရေးနှင့် အထွေထွေသမဝါယမအသင်း၊ ထိန်ကန်ကျေးရွာ ငွေပဒေသာ-၁ စိုက်ပျိုးရေးနှင့် အထွေထွေသမဝါယမအသင်း၊ အင်းကြင်းကန်(ကံလှ)ကျေးရွာလုပ်သား စိုက်ပျိုးရေးနှင့် အထွေထွေသမဝါယမအသင်းမှ အသင်းသား တောင်သူများ စိုက်ပျိုးသည့် သီးနှံများ စနစ်တကျ စိုက်ပျိုးရေး၊ လူမှုစီးပွားဘဝမြှင့်တင်ရေး၊ ကျေးရွာများ အမြန်ဖွံ့ဖြိုးရေးတို့ကို ဒုတိယညွှန်ကြားရေးမှူးချုပ်(စီးပွား)ဦးအောင်ပြည့်စိုးနှင့် တာဝန်ရှိသူများက ယမန်နေ့တွင် ကွင်းဆင်းဆောင်ရွက်ခဲ့သည်။ ထို့နောက် ဒုတိယညွှန်ကြားရေးမှူးချုပ်သည် ကူတိုကျေးရွာ ရတနာရွှေကူ စိုက်ပျိုးရေးနှင့် အထွေထွေသမဝါယမအသင်းသို့ သွားရောက်၍ နွားမွေးမြူရေး ဆောင်ရွက်ရာတွင် စနစ်တကျ မွေးမြူရေးနှင့် လိုအပ်ချက်များကို ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။ကိုဇော်(ရမည်းသင်း)MDN
Tue, 19-May-2026
ရန်ကုန် မေ ၁၈ မြန်မာနိုင်ငံ အမျိုးသားလူ့အခွင့် အရေးကော်မရှင်အဖွဲ့ဝင် ဦးသန်းဝင်းနှင့် ဦးအုန်းခိုင်တို့ ဦးဆောင်သော ကြည့်ရှုစစ်ဆေးရေးအဖွဲ့သည် ယနေ့တွင် ရန်ကုန်တိုင်းဒေသကြီး တွံတေးမြို့နယ်ရှိ အမျိုးသမီးများ ပြုစုစောင့်ရှောက်ရေးနှင့် ဖွံ့ဖြိုးတိုးတက်ရေးဌာနကို ကြည့်ရှု စစ်ဆေးသည်။ ကြည့်ရှုစစ်ဆေးရေးအဖွဲ့သည် အမျိုးသမီးများ ပြုစုစောင့်ရှောက်ရေးနှင့် ဖွံ့ဖြိုး တိုးတက်ရေးဌာနအတွင်း အမျိုးသမီးများအား ကျန်းမာရေးစောင့်ရှောက်မှု အခြေအနေ၊ အစားအစာကျွေးမွေးမှု၊ အိပ်ဆောင်များထားရှိမှု၊ သန့်ရှင်းသောသောက်သုံး ရေရရှိရေး ဆောင်ရွက်ပေးမှု၊ အကျင့်စာရိတ္တ ပြုပြင်ပေးခြင်းဖြင့် စိတ်ပိုင်းဆိုင်ရာ၊ ရုပ်ပိုင်းဆိုင်ရာ တိုးတက်ကောင်းမွန် လာစေရေး၊ လူ့အသိုင်းအဝိုင်းအတွင်း တန်ဖိုးရှိသော အမျိုးသမီးများအဖြစ် ရပ်တည်နေထိုင်သွားနိုင်ရေးနှင့် ပညာသင်ကြားခွင့်၊ မိသားစုနှင့်ဆက်သွယ်ခွင့်၊ မိသားစုနှင့် ပြန်လည်ပေါင်းစည်းခွင့် ရရှိရေး၊ အသက်မွေးဝမ်းကျောင်း ပညာဖြစ်သော အပ်ချုပ်သင်တန်း၊ သိုးမွေးထိုး သင်တန်းနှင့် အခြေခံမြန်မာ့သိုင်းပညာ သင်တန်းများ သင်ကြားပေးနေမှု၊ လွတ်လပ်စွာ ယုံကြည်ကိုးကွယ်ခွင့်စသည့် အခြေခံလူ့အခွင့်အရေးများ ရရှိအောင် ဆောင်ရွက်ပေးမှုတို့နှင့် ကော်မရှင်မှ ယခင်လာရောက်စစ်ဆေးခဲ့စဉ်က အကြံပြုချက်များအပေါ် အကောင်အထည်ဖော် ဆောင်ရွက်ပြီးစီးမှုများကို မေးမြန်း မှတ်တမ်းတင်ကြပြီး ခရီးစဉ်အတွင်း စစ်ဆေးတွေ့ရှိချက်နှင့် အကြံပြုချက်များကို လိုအပ်သလို ဆောင်ရွက်ပေးနိုင်ရေး သက်ဆိုင်ရာဌာနများသို့ ပေးပို့သွား မည်ဖြစ်ကြောင်း သိရသည်။သတင်းစဉ်MDN
Tue, 19-May-2026
ပြင်ဦးလွင် မေ ၁၈ မန္တလေးတိုင်းဒေသကြီး ပြင်ဦးလွင်ခရိုင် မီးသတ်ဦးစီးဌာနက ခရိုင်အားကစားကွင်းအတွင်း မီးဘေးလုံခြုံရေးအတွက် မီးဘေးကြိုတင်ကာကွယ်ရေး လုပ်ငန်းများကို ယနေ့နံနက်ပိုင်းတွင် သွားရောက်စစ်ဆေးသည်။ ပြင်ဦးလွင်ခရိုင် မီးသတ်ဦးစီးမှူး ဦးကျော်ဆန်း ဦးဆောင်၍ တပ်ဖွဲ့ဝင်များနှင့် ခရိုင်အားကစားမှူး လက်ထောက်ညွှန်ကြားရေးမှူး ဦးအေးကိုကိုတို့က ပြင်ဦးလွင်ခရိုင် အားကစားနှင့် ကာယပညာဦးစီးဌာနရှိ အားကစားရုံများ၊ စားရိပ်သာဆောင်များ၊ ရုံးခန်းများနှင့် ပွဲကြည့်စင်များကို မီးဘေးကြိုတင်ကာကွယ်ရေး ဆောင်ရွက်ထားရှိမှုများ စစ်ဆေးပြီး ဝန်ထမ်းအိမ်ရာများတွင် မီးဖိုမီးကို စနစ်တကျ အသုံးပြုရန်နှင့် မီးလောင်မှုဖြစ်ပွားပါက ဆောင်ရွက်ရမည့် အချက်များကို အသိပညာပေး ဟောပြောကာ မီးသတ်ဆေးဘူး အသုံးပြုနည်းများ ရှင်းလင်းပြောကြားခဲ့ကြောင်း သိရသည်။ခရိုင်(ပြန်/ဆက်)MDN
Tue, 19-May-2026