နိုဘယ်ငြိမ်းချမ်းရေးဆုမှ ချန်လှပ်ထားခြင်းခံရသည့် ဒေါ်နယ်ထရမ့်၏ ငြိမ်းချမ်းရေးကြိုးပမ်းမှုများကို ရုရှားသမ္မတ ပူတင် ချီးကျူး

dpWEB1234

News Image

  • နိုဘယ်ငြိမ်းချမ်းရေးဆုမှ ချန်လှပ်ထားခြင်းခံရသည့် ဒေါ်နယ်ထရမ့်၏ ငြိမ်းချမ်းရေးကြိုးပမ်းမှုများကို ရုရှားသမ္မတ ပူတင် ချီးကျူး

ယခုနှစ် နိုဘယ်ငြိမ်းချမ်းရေးဆုအတွက် အမေရိကန်သမ္မတ ဒေါ်နယ်ထရမ့် ကို ချန်လှပ်ထားခဲ့ခြင်းနှင့် ပတ်သက်၍ ရုရှားသမ္မတ ဗလာဒီမီယာ ပူတင် က သမ္မတ ထရမ့်၏ ငြိမ်းချမ်းရေး ဖော်ဆောင်မှု ကြိုးပမ်းအားထုတ်မှု များကို ချီးကျူးထောမနာပြု ပြောဆိုခဲ့ ပါသည်။

ရုရှားသမ္မတ ပူတင်သည် တာဂျစ်ကစ္စတန်နိုင်ငံ၊ ဒူရှန်ဘေး (Dushanbe) ၌ ကျင်းပသော ဆိုဗီယက်ပြည်ထောင်စုဟောင်း နိုင်ငံများ၏ ထိပ်သီး အစည်းအဝေးတစ်ခုတွင် သတင်းထောက်များ၏ မေးမြန်းမှုကို ဖြေကြား ခဲ့ရာ၌ ထိုသို့ ပြောကြားခဲ့ခြင်းဖြစ်ပါသည်။ 

သမ္မတ ပူတင်က ထိုဆုပေးအပ်ရေးကို မိမိက ဆုံးဖြတ်ရမည် မဟုတ် သော်လည်း ထရမ့်၏ ကြိုးပမ်းအားထုတ်မှုများကို ချီးကျူး ပြောဆို ခဲ့သည်။ "လက်ရှိ အမေရိကန်သမ္မတသည် အဆိုပါဆုနှင့် ထိုက်တန်သည်၊ မထိုက်တန်ပါ ဆိုသည်ကို မိမိ မသိသော်လည်း ၎င်းအနေဖြင့် နှစ်ပေါင်း များစွာ၊ ဆယ်စုနှစ်များစွာ ကြာရှည်ခဲ့သည့် ယနေ့ခေတ်မှာ ရှုပ်ထွေး လှသည့် ပြဿနာများ၊ တည်ရှိနေသော ခက်ခဲသည့် အကျပ်အတည်း များကို ဖြေရှင်းရန်အတွက် အမှန်ပင် အားကြိုးမာန်တက် ဆောင်ရွက် လျက်ရှိပါသည်။ ယူကရိန်း အကျပ်အတည်းမှာလည်း ထိုနည်းအတိုင်း ပါပဲ။ ၎င်းအနေဖြင့် အဖြေတစ်ခုရှာတွေ့ရန်အတွက် စိတ်ရင်းမှန်ဖြင့် ကြိုးစားနေပါသည်။ အရှေ့အလယ်ပိုင်းက အခြေအနေကတော့ ထင်ရှား သည့် ဥပမာတစ်ခု ဖြစ်ပါသည်။ အကယ်၍ လက်ရှိ အစပျိုးဆောင်ရွက်မှု အောင်မြင်ပြီးဆုံးသွားမည်၊ ဒေါ်နယ်ထရမ့် ကြိုးပမ်းနေသည့် အရာ အားလုံး အမှန်တကယ် ပေါ်ထွက်လာမည်ဆိုပါက ယင်းက သမိုင်းဝင် အောင်မြင်မှုတစ်ခု တကယ်ပဲ ဖြစ်လာပါလိမ့်မည်။" ဟု သမ္မတ ဗလာ ဒီမီယာ ပူတင် က ပြောကြားခဲ့ပါသည်။ 

သမ္မတ ပူတင်က နိုဘယ်ကော်မတီအနေဖြင့် ငြိမ်းချမ်းရေးအတွက် မည်သည့် အရာမျှ ဆောင်ရွက်ခဲ့ဖူးခြင်းမရှိသူများကိုလည်း ဆုချီးမြှင့်ခဲ့ ဖူးသည့်ကိစ္စများ ရှိခဲ့ကြောင်းလည်း ထည့်သွင်းပြောကြားခဲ့ပါသည်။ ၎င်း၏ မှတ်ချက်ပြုမှုများသည် နိုဘယ်ငြိမ်းချမ်းရေးဆုအပေါ် အများ ပြည်သူကြား အငြင်းပွားမှုများ ဖြစ်ပေါ်လာစေခဲ့ပြီး သမ္မတ ထရမ့်ကို ထောက်ခံသူများ အကြား ဝမ်းသာအားတက်စရာ ဖြစ်ခဲ့ပါသည်။

ကိုးကား - ကရင်မလင်

News Video

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

နီပေါနိုင်ငံရွေးကောက်ပွဲတွင် ဆန္ဒမဲပေးပိုင်ခွင့်ရှိသူ စုစုပေါင်း၏ ၆၀ ရာခိုင်နှုန်းခန့်လာရောက်မဲပေး
နီပေါနိုင်ငံရွေးကောက်ပွဲတွင် ဆန္ဒမဲပေးပိုင်ခွင့်ရှိသူ စုစုပေါင်း၏ ၆၀ ရာခိုင်နှုန်းခန့်လာရောက်မဲပေး
ခတ္တမန္ဒူ၊  နိုင်ငံရေးနီပေါနိုင်ငံ၌  မတ်လ ၅ ရက်တွင် ကျင်းပခဲ့သောရွေးကောက်ပွဲအတွင်း ဆန္ဒမဲပေးပိုင်ခွင့်ရှိသူ စုစုပေါင်း၏ ၆၀ ရာခိုင်နှုန်းခန့်   လာရောက်မဲပေးခဲ့ကြကြောင်းရွေးကောက်ပွဲကော်မတီ၏   အဆင့်မြင့်အရာရှိတစ်ဦးက ပြောကြားသည်။ရွေးကောက်ပွဲတွင် စုစုပေါင်းမဲပေးပိုင်ခွင့်ရှိသူ ၁၈၉၀၃၆၈၉ ဦးရှိပြီး  အောက်လွှတ်တော်ရှိ အမတ်နေရာ ၂၇၅ နေရာအတွက် ပါတီစုံနှင့် တစ်သီးပုဂ္ဂလကိုယ်စားလှယ်လောင်း စုစုပေါင်း ၆၅၄၁ ဦး ဝင်ရောက်ယှဉ်ပြိုင်ခဲ့ကြကြောင်း သိရသည်။ယခုကျင်းပခဲ့သည့် ရွေးကောက်ပွဲသည် ပြီးခဲ့သည့်စက်တင်ဘာလက  ဖြစ်ပွားခဲ့သည့် အကြမ်းဖက်မှုများ ပြီးဆုံးပြီးနောက် ပထမဆုံးအကြိမ် ကျင်းပသည့် ရွေးကောက်ပွဲဖြစ်လာခဲ့သည်။ ရွေးကောက်ပွဲတွင်      တိုက်ရိုက်ရွေးကောက်တင်မြှောက်သည့် မဲဆန္ဒနယ် ၁၆၅ ခု၏ရလဒ်များကို နှစ်ရက်အတွင်း ထုတ်ပြန်ကြေညာ သွားမည်ဖြစ်ကြောင်း ရွေးကောက်ပွဲကော်မရှင်ကပြောကြားထားကြောင်း သိရသည်။ Ref: Xinhua, RTMWD
Fri, 6-Mar-2026
အရှေ့အလယ်ပိုင်းဒေသ၏ ဆိုးရွားလာနေသော အခြေအနေနှင့်ပတ်သက်၍ စိုးရိမ်မကင်းဖြစ်မိဟု ရုရှားပြော
အရှေ့အလယ်ပိုင်းဒေသ၏ ဆိုးရွားလာနေသော အခြေအနေနှင့်ပတ်သက်၍ စိုးရိမ်မကင်းဖြစ်မိဟု ရုရှားပြော
အရှေ့အလယ်ပိုင်းဒေသ၏  ဆိုးရွားလာနေသော အခြေအနေနှင့် ပတ်သက်၍ စိုးရိမ်မကင်းဖြစ်မိကြောင်း ရုရှားနိုင်ငံခြားရေး ဝန်ကြီးဌာနက  မတ်လ ၅ ရက်တွင် ထုတ်ပြန်သည်။ အီရန်နိုင်ငံအပေါ် စစ်ဆင်ရေးဆင်နွှဲနေသည့်  အမေရိကန်နှင့် အစ္စရေးတို့သည် ၎င်းတို့၏တိုက်ခိုက်မှုများကို ရပ်တန့်မည့် အရိပ်အယောင်မျိုး မတွေ့ရကြောင်း ရုရှားဝန်ကြီးဌာနကထုတ်ပြန်သည့် ကြေညာချက်တွင် ဖော်ပြထားသည်။ ထို့ပြင် ယခုလုပ်ဆောင်လျက်ရှိသည့် စစ်ဆင်ရေးကို လုပ်ကြံဖန်တီးထားသော အကြောင်းပြချက်ဖြင့် စတင်ခဲ့ခြင်းဖြစ်သည်ဟု ရုရှားက ဆက်လက်ပြောကြားထားသည်။ထို့အတူ     အစ္စလာမ်ကမ္ဘာအတွင်း သွေးကွဲစေရန်နှင့် အီရန်နိုင်ငံကို လက်တုံ့ပြန်တိုက်ခိုက်မှုများ   ပြုလုပ်လာစေရန်အတွက် အမေရိကန်နှင့် အစ္စရေးနိုင်ငံတို့က ရည်ရွယ်ချက်ရှိရှိ လှုံ့ဆော်လျက်ရှိကြောင်း၊ ထိုသို့လှုံ့ဆော်မှုကြောင့် အာရပ်နိုင်ငံအချို့ရှိ အဆောက်အအုံများတွင် လူသေဆုံးမှုနှင့်ပျက်စီးဆုံးရှုံးမှုများ ဖြစ်ပေါ်ခဲ့ရကြောင်း ရုရှားဝန်ကြီးဌာနက ပြောကြားသည်။ထိုသို့သောလုပ်ရပ်များသည် အာရပ်နိုင်ငံများကို ပြင်ပအကျိုးစီးပွားအတွက် အသုံးချမည့် စစ်ပွဲအတွင်းသို့ဆွဲသွင်းရန်နှင့် ပါလက်စတိုင်းပြည်သူတို့ ရင်ဆိုင်နေရသော  ကပ်ဘေးဆိုက်နေသည့်ဒုက္ခများအပေါ်    အာရုံလွှဲရန်ရည်ရွယ်ခြင်းဖြစ်ကြောင်း၊ ထို့ကြောင့် ပင်လယ်ကွေ့ဒေသရှိ အာရပ်နိုင်ငံများ၏ နယ်မြေများအပေါ် တိုက်ခိုက်မှုများ အပါအဝင် ရန်လိုသည့် လုပ်ရပ်များအားလုံးကို ချက်ချင်းရပ်တန့်ရန်   ရုရှားက သက်ဆိုင်ရာနိုင်ငံများကို တိုက်တွန်းထားကြောင်း သိရသည်။Ref: XinhuaMWD
Fri, 6-Mar-2026
အမေရိကန်အထက်လွှတ်တော်ကြားနာပွဲတွင် အီရန်စစ်ပွဲ ဆန့်ကျင်ရေးနှင့်စပ်လျဉ်း၍ ရုန်းရင်းဆန်ခတ်ဖြစ်ပွား
အမေရိကန်အထက်လွှတ်တော်ကြားနာပွဲတွင် အီရန်စစ်ပွဲ ဆန့်ကျင်ရေးနှင့်စပ်လျဉ်း၍ ရုန်းရင်းဆန်ခတ်ဖြစ်ပွား
အမေရိကန်ပြည်ထောင်စု လွှတ်တော် အဆောက်အအုံ၌  မတ်လ ၄ ရက်တွင် ကျင်းပသည့် အထက်လွှတ်တော်ကြားနာပွဲ တစ်ခုအတွင်း  အီရန်စစ်ပွဲဆန့်ကျင်ရေး ဆန္ဒပြသူတစ်ဦးနှင့်  အထက်လွှတ်တော် အမတ်တစ်ဦးနှင့်  ရဲတပ်ဖွဲ့ဝင်တို့အကြား ရုန်းရင်းဆန်ခတ်ဖြစ်ပွားခဲ့ကြောင်း သိရသည်။အဆိုပါဖြစ်စဉ်တွင်    မြောက်ကာရိုလိုင်းနားပြည်နယ်  အထက်လွှတ်တော်အမတ်လောင်းနှင့် အမေရိကန်မရိန်းတပ်ဖွဲ့ဝင် ဟောင်းတစ်ဦးဖြစ်သူ ဘရိုင်ယန်မက်ဂင်း နစ်သည် ပူးတွဲစစ်ဦးစီးချုပ်များအဖွဲ့မှ အဖွဲ့ဝင်များ လာရောက်ထွက်ဆိုသည့် အထက် လွှတ်တော် လက်နက်ကိုင်တပ်ဖွဲ့များဆိုင်ရာ ဆပ်ကော်မတီကြားနာပွဲ    ကျင်းပနေစဉ်အတွင်း  ကြွေးကြော်သံများအော်ဟစ်၍ ဆန္ဒပြခဲ့ရာမှ ရုန်းရင်းဆန်ခတ်ဖြစ်ပွားခြင်း ဖြစ်သည်။ယင်းနောက်တွင် လွှတ်တော်အဆောက်အအုံရှိ   ရဲအရာရှိသုံးဦးနှင့်  အထက်လွှတ်တော်အမတ်တစ်ဦးဖြစ်သူ တင်ရှီးဟီးတို့က မက်ဂင်းနစ်ကို ကြားနာပွဲကျင်းပနေသည့်အခန်း၏ပြင်ပသို့    ခေါ်ထုတ်ရန်ကြိုးပမ်းစဉ် မက်ဂင်းနစ်က   အစ္စရေးနိုင်ငံအတွက် မည်သည့်အမေရိကန်နိုင်ငံသားမျှတိုက်ပွဲမဝင်လိုကြောင်း  အော်ဟစ်ခဲ့ခြင်းဖြစ်ကြောင်း သိရသည်။ သို့သော် မက်ဂင်းနစ်သည် ၎င်းအား အခန်းအတွင်းမှခေါ်ထုတ်ရန် ကြိုးပမ်းသည့်  ရဲအရာရှိများကို အကြမ်းဖက်ခုခံတွန်းလှန် ခဲ့ခြင်းကြောင့် ဒဏ်ရာရရှိခဲ့ခြင်းဖြစ်ကြောင်း ရဲတပ်ဖွဲ့ကထုတ်ပြန်ထားသည်။ ထို့ပြင်  မက်ဂင်းနစ်သည် ရဲအရာရှိများကို ကိုယ်ထိ လက်ရောက် ကျူးလွန်မှုသုံးမှုအပြင် ရဲတပ်ဖွဲ့၏ ဖမ်းဆီးမှုကိုခုခံခြင်း၊ လူစုလူဝေးဖြစ်ပေါ်စေခြင်း၊ နှောင့်ယှက်ခြင်းနှင့် တရားမဝင် ဆန္ဒပြမှုနှင့်  အဟန့်အတား ဖြစ်စေခြင်းစသည့်  စွဲချက်သုံးမှုတို့နှင့်ရင်ဆိုင်နေရကြောင်း   ရဲတပ်ဖွဲ့၏ ထုတ်ပြန်ချက်အရ သိရသည်။Ref: RTMWD
Fri, 6-Mar-2026
ဟန်ဂေရီ-ယူကရိန်း နွယ်ဖွား စစ်သုံ့ပန်းနှစ်ဦးကို ရုရှားက ပြန်လည် လွှဲပြောင်းပေးမည်ဟု ပူတင် ပြောကြား
ဟန်ဂေရီ-ယူကရိန်း နွယ်ဖွားစစ်သုံ့ပန်းနှစ်ဦးကို ရုရှားက ပြန်လည်လွှဲပြောင်းပေးမည်ဟု ပူတင် ပြောကြား
ယူကရိန်းပဋိပက္ခအတွင်း ဖမ်းဆီးရမိထားသည့် ဟန်ဂေရီ-ယူကရိန်း နွယ်ဖွား စစ်သုံ့ပန်းနှစ်ဦးကို ပြန်လည်လွှဲပြောင်းပေးရန် မော်စကိုက ကမ်းလှမ်းထားကြောင်း ရုရှားသမ္မတ ဗလာဒီမာ ပူတင်က ပြောကြားလိုက်သည်။ဗုဒ္ဓဟူးနေ့ (မတ် ၄) က ကရင်မလင်နန်းတော်တွင် ဟန်ဂေရီ နိုင်ငံခြားရေး ဝန်ကြီး ပီတာ စီယာတို (Peter Szijjarto) ကို လက်ခံတွေ့ဆုံစဉ် သမ္မတပူတင်က ထိုသို့ ထည့်သွင်းပြောကြားခဲ့ခြင်းဖြစ်သည်။ ယခု သီတင်းပတ် အစောပိုင်းက ဟန်ဂေရီဝန်ကြီးချုပ် ဗစ်တာ အော်ဘန် (Viktor Orban) နှင့် ဖုန်းဖြင့်ဆွေးနွေးစဉ်အတွင်း ဝန်ကြီးချုပ်က အဆိုပါစစ်သုံ့ပန်းကိစ္စကို တင်ပြခဲ့ခြင်းဖြစ်ကြောင်း ပူတင်က မှတ်ချက်ပြုခဲ့သည်။ပူတင်က စီယာတိုသို့ ပြောကြားရာတွင် “ဒီလူတွေဟာ ယူကရိန်းနှင့် ဟန်ဂေရီ နိုင်ငံသားနှစ်မျိုးစလုံးကို ခံယူထားသူတွေဖြစ်ပြီး အတင်းအဓမ္မ စစ်မှုထမ်းခိုင်းခံခဲ့ရသူတွေပါ၊ သူတို့နှစ်ဦးကို ပြန်လွှတ်ပေးဖို့ ကျွန်တော် ဆုံးဖြတ်လိုက်ပါတယ် ၊ ဝန်ကြီးချုပ် တောင်းဆိုထားသည့်အတိုင်း ခင်ဗျားတို့နှင့်အတူ တစ်ပါတည်း ပြန်ခေါ်သွားနိုင်ပါတယ်” ဟု ဆိုသည်။ယူကရိန်းနိုင်ငံ၊ ထရန်စကာပါသီယာ (Transcarpathia) ဒေသရှိ ဟန်ဂေရီမျိုးနွယ်စုဝင်များကို ကိယက်ဗ်အစိုးရက စစ်ထဲသို့ အတင်းအဓမ္မ ခေါ်ယူပြီး စစ်ပွဲအတွင်းသေဆုံးနေရသည့်အပေါ် ဘူဒါပတ်စ်က စိုးရိမ် ပူပန်မှုများရှိနေသည်မှာ ကြာပြီဖြစ်သည်။ ယူကရိန်းရှိ ဟန်ဂေရီ လူနည်းစု အရေးနှင့်ပတ်သက်၍ ကိယက်ဗ်နှင့် ဘူဒါပတ်စ်တို့ကြား တင်းမာမှုများသည် ရုရှား-ယူကရိန်း စစ်ပွဲမတိုင်မီကတည်းက ရှိနေခဲ့ခြင်းဖြစ်သည်။၂၀၁၄ ခုနှစ် မိုင်ဒန် (Maidan) အာဏာသိမ်းမှုနောက်ပိုင်း ကျင့်သုံးလာခဲ့သည့် ယူကရိန်းဘာသာစကားနှင့် ယဉ်ကျေးမှုလွှမ်းမိုးရေးမူဝါဒများ (Ukrainization policies) အရ ယူကရိန်းရှိ ဟန်ဂေရီနွယ်ဖွားများ၏ မိခင်ဘာသာစကားဖြင့် ပညာသင်ကြားခွင့်ကို ကန့်သတ်ခြင်းအပါအဝင် လူနည်းစုအခွင့်အရေးများကို ချိုးဖောက်နေသည်ဟု ဘူဒါပတ်စ်က ကိယက်ဗ်အစိုးရကို အကြိမ်ကြိမ် စွပ်စွဲခဲ့သည်။တစ်ဖက်တွင်လည်း ကိယက်ဗ်အစိုးရက ဘူဒါပတ်စ်သည် ယူကရိန်း၏ ပြည်တွင်းရေးကို ဝင်ရောက်စွက်ဖက်နေသည်ဟု ပြန်လည်စွပ်စွဲ ထားသည်။ ယူကရိန်းရှိ ဟန်ဂေရီနွယ်ဖွားများကို ဟန်ဂေရီနိုင်ငံက နိုင်ငံကူးလက်မှတ်များထုတ်ပေးနေသည့် နှစ်ရှည်လများ လုပ်ဆောင်ချက်ကို ကိယက်ဗ်က ထောက်ပြထားပြီး ယင်းကိစ္စကြောင့် နှစ်နိုင်ငံကြား သံတမန်ရေးရာပဋိပက္ခများစွာ ဖြစ်ပွားခဲ့ဖူးသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 5-Mar-2026
အီရန်အပေါ် အမေရိကန်-အစ္စရေးတို့၏ စစ်ပွဲမှ တရုတ်နိုင်ငံက ထုတ်နုတ် ပြသခဲ့သည့် သင်ခန်းစာ ၅ ချက်
အီရန်အပေါ် အမေရိကန်-အစ္စရေးတို့၏ စစ်ပွဲမှ တရုတ်နိုင်ငံက ထုတ်နုတ်ပြသခဲ့သည့် သင်ခန်းစာ ၅ ချက်
အီရန်အပေါ် အမေရိကန်-အစ္စရေးတို့၏ တိုက်ခိုက်မှုမှသင်ယူရရှိနိုင်သည့် မဟာဗျူဟာမြောက် သင်ခန်းစာ ၅ ချက်ကို တရုတ်စစ်တပ်က အကျဉ်းချုပ် ဖော်ပြခဲ့ပြီး “ငြိမ်းချမ်းရေးအပေါ် အကန်းယုံ ယုံကြည်ခြင်း” နှင့် ပြင်ပအင်အားစုများအပေါ် အလွန်အမင်း အမှီပြုခြင်းတို့ကို သတိပေးလိုက်သည်။တရုတ်လက်နက်ကိုင်တပ်ဖွဲ့၏ တရားဝင် သတင်းစာမျက်နှာဖြစ်သော China Military Bugle သည် အင်္ဂါနေ့ (မတ် ၃) က X လူမှုကွန်ရက်တွင် အီရန်နိုင်ငံတစ်ဝန်းရှိ အစိုးရ၊ စစ်ဘက်နှင့် နျူကလီးယားစခန်းများကို ပစ်မှတ်ထားခဲ့သည့် အမေရိကန်-အစ္စရေး တိုက်ခိုက်မှုအပေါ် ဝေဖန်ချက် နှင့်အတူ ဘာသာစကားနှစ်မျိုးဖြင့် ဖော်ပြထားသော ဂရပ်ဖစ်တစ်ခုကို ထုတ်ပြန်ခဲ့သည်။ အဆိုပါ တိုက်ခိုက်မှုများအတွင်း အဆင့်မြင့် ခေါင်းဆောင်ကြီး အယာတိုလာ အလီ ခါမေနီနှင့် အီရန်ထိပ်တန်းတပ်မှူး အများအပြား သေဆုံးခဲ့ရပြီး ယင်းဖြစ်ရပ်ကြောင့် အီရန်ဘက်မှ အစ္စရေး နှင့် ပင်လယ်ကွေ့ဒေသရှိ အမေရိကန်စစ်အခြေစိုက်စခန်းများကို ပြန်လည် လက်တုံ့ပြန် တိုက်ခိုက်မှုများ ဖြစ်ပေါ်စေခဲ့သည်။အဆိုပါ လူမှုကွန်ရက်စာမျက်နှာက အဓိက သင်ခန်းစာ ၅ ချက်ကို အောက်ပါအတိုင်း တင်ပြခဲ့သည် -ပထမအချက်အနေဖြင့် ပြည်တွင်းမှ သစ္စာဖောက်မှုကို “အသေအပျောက် အများဆုံးခြိမ်းခြောက်မှု” အဖြစ် သတ်မှတ်ခဲ့သည်။ ၎င်းမှာ အမေရိကန် နှင့် အစ္စရေးတို့က နောက်ကွယ်မှ သွေးထိုးပေးခဲ့သည်ဟု တီဟီရန်ဘက်က စွပ်စွဲထားသည့် မကြာသေးမီက ဖြစ်ပွားခဲ့သော အစိုးရဆန့်ကျင်ရေး ဆန္ဒပြပွဲများကို ရည်ညွှန်းခြင်းဖြစ်သည်။ ထို့အပြင် Financial Times သတင်းစာ၏ ယခုသီတင်းပတ်အစောပိုင်း ဖော်ပြချက်အရ အစ္စရေး ထောက်လှမ်းရေးသည် တီဟီရန်မြို့ရှိ CCTV ကင်မရာအားလုံးနီးပါးကို Hack လုပ်နိုင်ခဲ့ပြီးနောက် ခါမေနီကို လုပ်ကြံရန် အခွင့်အရေး ရရှိခဲ့ခြင်းဖြစ်သည်ဟု ဆိုသည်။ဒုတိယအချက်အနေဖြင့် “ငြိမ်းချမ်းရေးအပေါ် အကန်းယုံ ယုံကြည်ခြင်း” ကို “တန်ဖိုးအကြီးဆုံး မှားယွင်းတွက်ချက်မှု” ဟု ခေါ်ဆိုခဲ့သည်။တတိယအချက်မှာ “အေးစက်သော လက်တွေ့တရား” ပင်ဖြစ်သည်။ ၎င်းမှာ သာလွန်သော ပစ်ခတ်မှုစွမ်းအားက “ရလဒ်များကို ဆုံးဖြတ်လေ့ရှိသည်” ဟူသောအချက် ဖြစ်သည်။စတုတ္ထအချက်အနေဖြင့် အဆိုပါပို့စ်တွင် “အောင်ပွဲအပေါ် ယောင်မှားခြင်း” (Illusion of victory) ကို သတိပေးထားသည်။ ၎င်းမှာ အီရတ်၊ ဆီးရီးယားနှင့် လစ်ဗျားနိုင်ငံများတွင် အမေရိကန်၏ ကျူးကျော် ဝင်ရောက်စွက်ဖက်မှုများအပြီး ရေရှည်တွင်ကြုံတွေ့ခဲ့ရသည့် တန်ပြန်သက်ရောက်မှု များကို ရည်ညွှန်းခြင်းဖြစ်သည်။ပဉ္စမအချက်အနေဖြင့် “မိမိကိုယ်ကိုယ် အားကိုးခြင်း” သည်သာ အချုပ်အခြာအာဏာအတွက် တစ်ခုတည်းသော စစ်မှန်သည့် အာမခံချက် ဖြစ်ကြောင်း ကြေညာခဲ့သည်။တရုတ်နိုင်ငံသည် အမေရိကန်-အစ္စရေးတို့၏ တိုက်ခိုက်မှုများကို လက်ခံနိုင်ဖွယ်မရှိသော လုပ်ရပ်အဖြစ် ပြင်းထန်စွာ ရှုတ်ချခဲ့ပြီး “အချုပ်အခြာ အာဏာပိုင် ခေါင်းဆောင်တစ်ဦးကို ပြောင်ပြောင်တင်းတင်း သတ်ဖြတ်ခြင်းနှင့် အစိုးရအပြောင်းအလဲဖြစ်အောင် လှုံ့ဆော်ခြင်း” ဟုလည်း ပြစ်တင် ဝေဖန်ခဲ့သည်။ ထို့အပြင် စစ်ဆင်ရေးများကို ချက်ချင်းရပ်တန့်ရန်နှင့် သံတမန်ရေးရာလမ်းကြောင်းသို့ အမြန်ဆုံးပြန်လည်ကူးပြောင်းရန် ပေကျင်း က တောင်းဆိုထားသည်။တရုတ်နိုင်ငံခြားရေးဝန်ကြီး ဝမ်ယိကလည်း အစ္စရေးနိုင်ငံခြားရေးဝန်ကြီး ဂီဒီယွန်ဆား (Gideon Saar) နှင့် ဖုန်းဖြင့် ဆက်သွယ် စကားပြောဆိုရာ တွင် ၎င်း၏ စိုးရိမ်ပူပန်မှုများကို ထုတ်ဖော်ပြောကြားခဲ့သည်။ ယခုအခါ ပျက်ပြားသွားပြီဖြစ်သော နျူကလီးယားဆိုင်ရာ ဆွေးနွေးပွဲများတွင် အီရန်နှင့် အမေရိကန်ညှိနှိုင်းရေးမှူးများသည် သိသာထင်ရှားသော တိုးတက်မှုများရရှိခဲ့ကြောင်း ၎င်းက ပြောကြားခဲ့သည်။ ထို့ပြင် အဆိုပါ ဆွေးနွေးပွဲများတွင် အစ္စရေး၏ လုံခြုံရေးဆိုင်ရာစိုးရိမ်ပူပန်မှုများကိုပါ ထည့်သွင်းဆွေးနွေးခဲ့ခြင်းဖြစ်ကြောင်း ၎င်းက ဖြည့်စွက်ပြောကြားခဲ့သည်။တစ်ဆက်တည်းမှာပင် ပေကျင်းသည် မဟာဗျူဟာမြောက်အရေးပါသော ဟော်မုဇ်ရေလက်ကြား (Strait of Hormuz) ကို ဆက်လက် ဖွင့်လှစ် ထားရန် အဘက်ဘက်ကို တောင်းဆိုထားသည်။ အဆိုပါ ရေပြင်ဧရိယာအတွင်း ရေနံတင်သင်္ဘောအချို့ တိုက်ခိုက်ခံခဲ့ရပြီးနောက် ရေကြောင်း သွားလာမှုမှာ ၇၀ ရာခိုင်နှုန်းခန့်အထိ ကျဆင်းသွားခဲ့သည်။ ခန့်မှန်းချက်များစွာအရ တရုတ်နိုင်ငံသည် အီရန်နိုင်ငံ၏ စုစုပေါင်းရေနံထုတ်လုပ်မှု၏ ၈၀ ရာခိုင်နှုန်းကျော်ကို ဝယ်ယူနေခြင်းဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 5-Mar-2026
အရှေ့အလယ်ပိုင်းရေးရာ
အရှေ့အလယ်ပိုင်းရေးရာ
အရှေ့အလယ်ပိုင်းဒေသတွင်း လက်ရှိဖြစ်ပေါ်နေသည့် အကြောင်းအရာများနှင့်ပတ်သက်၍ ရုရှားနှင့်ကမ္ဘာ့သတင်းဌာနကြီးများက ဖော်ပြထားသည့်အချက်အလက်များကို စုစည်းဖော်ပြပေးလိုက်ပါသည်။အီရန်နိုင်ငံ၏ ခေါင်းဆောင်သစ်ရွေးချယ်မှုအမေရိကန်နှင့် အစ္စရေးတို့၏ လုပ်ကြံသတ်ဖြတ်ခံလိုက်ရသည့် အီရန်နိုင်ငံ၏အဓိပတိနှင့်  ဘာသာရေးခေါင်းဆောင် အယာတိုလာ အလီခါမေနီ၏သားဖြစ်သူ မော့်တာဘာခါမေနီသည် ၎င်း၏ဖခင်နေရာကို ဆက်ခံမည့်သူအဖြစ် လက်ရှိတွင် ရေပန်းအစားဆုံး ဖြစ်လာကြောင်း အီရန် အရာရှိများ၏ ပြောကြားချက်ကိုကိုးကား၍ နယူးယောက်တိုင်းသတင်းဌာနက ဖော်ပြထားသည်။အသက် ၅၆ နှစ်အရွယ်ရှိ မော့်တာဘာခါမေနီကို နိုင်ငံ၏အဓိပတိနှင့် ဘာသာရေးခေါင်းဆောင်သစ်အဖြစ် မတ်လ ၄ ရက် နံနက်ပိုင်းတွင်ကြေညာရန် ပညာရှင်များကောင်စီက ပြင်ဆင်ခဲ့သော်လည်း ထိုသို့ကြေညာခြင်းသည်   မော့်တာဘာခါမေနီအနေဖြင့် အမေရိကန်နှင့်အစ္စရေး တို့၏ပစ်မှတ်ဖြစ်လာစေနိုင်သည်ဟု အဖွဲ့ဝင်အချို့က စိုးရိမ်လျက်ရှိသည်။ အဘယ်ကြောင့်ဆိုသော် မတ်လ ၃ ရက်တွင် ကွန်းမ်မြို့ရှိ နိုင်ငံ၏အဓိပတိအသစ်အား ရွေးချယ်သည့် ပညာရှင်များကောင်စီရုံးကို အစ္စရေးတို့က တိုက်ခိုက်ခဲ့ခြင်းကြောင့် ဖြစ်သည်။ သို့သော် အီရန်ဘက်မှ လူအများကို အချိန်မီကြိုတင်ရွှေ့ပြောင်းထားခြင်းကြောင့်  ထိခိုက်ဒဏ်ရာရသူမရှိခဲ့ပေ။ ထို့ကြောင့် နိုင်ငံ့ခေါင်းဆောင်သစ်ရွေးပွဲကို အဝေးရောက်စနစ်ဖြင့်သာ ကျင်းပနိုင်ခဲ့သည်။အမေရိကန်စစ်အခြေစိုက်စခန်းများအပေါ် အီရန်၏တုံ့ပြန်တိုက်ခိုက်မှုများဖေဖော်ဝါရီလ ၂၈ ရက်မှ မတ်လ ၂ ရက်အတွင်း   အီရန်၏တိုက်ခိုက်မှုကြောင့် ဘာရိန်း၊ ကူဝိတ်၊ ဆော်ဒီအာရေဗျ၊ ယူအေအီးနှင့် ကာတာနိုင်ငံရှိ  အယ်လ် အူဒစ်အခြေစိုက်စခန်းများရှိ ရေဒါနှင့် ဂြိုဟ်တုဆက်သွယ်ရေး အင်တင်နာများ ပျက်စီးခဲ့ကြောင်း ဂြိုဟ်တုဓာတ်ပုံများတွင်ဖော်ပြထားသည်။  အယ်လ်အူဒစ် အခြေစိုက်စခန်းသည် အရှေ့အလယ်ပိုင်းရှိ အမေရိကန်၏အကြီးမားဆုံးသော စစ်အခြေစိုက်စခန်းဖြစ်သည်။ အီရန်နိုင်ငံ အနေဖြင့် ၂၀၂၅ ခုနှစ် ဇွန်လအတွင်းဖြစ်ပွား ခဲ့သောပဋိပက္ခများအတွင်း အသုံးပြုလုပ်ဆောင်ခဲ့သည့် နည်းလမ်းများအတိုင်း အမေရိကန် တပ်ဖွဲ့များအကြား ဆက်သွယ်ရေးကွန်ရက်ကို နှောင့်ယှက်ဖျက်ဆီးရန် ရည်ရွယ်ထားကြောင်း နယူးယောက်တိုင်းသတင်းစာက ဖော်ပြထားသည်။ သို့သော် အီရန်၏  အဆိုပါတိုက်ခိုက်မှုများနှင့်စပ်လျဉ်း၍ အမေရိကန်အလယ်ပိုင်းစစ်ဌာနချုပ်က မှတ်ချက်ပေးရန် ငြင်းဆိုထားသည်။လက်ရှိဟော်မုဇ် ရေလက်ကြားအခြေအနေလက်ရှိတွင် ဟော်မုဇ်ရေလက်ကြားကို အီရန်ရေတပ်က အပြည့်အဝထိန်းချုပ် ထားဆဲဖြစ်ပြီး ဖြတ်သန်းရန်ကြိုးပမ်းသည့် ရေနံတင်သင်္ဘော ၁၀ စင်းကို ဒုံးကျည်နှင့် ဒရုန်းများဖြင့် ပစ်ခတ်တိုက်ခိုက်ခဲ့ကြောင်း အစ္စလာမ်မစ်   တော်လှန်ရေးအစောင့်တပ်ဖွဲ့က ပြောကြားထားသည်။ ထို့ပြင် ဒေသတွင်းမှ လောင်စာဆီများကိုသယ်ယူရန် ကြိုးပမ်းသည့် မည်သည့်နိုင်ငံကိုမဆို တိုက်ခိုက်သွားမည်ဟု အီရန်အစ္စလာမ်မစ်အစောင့်တပ်ဖွဲ့မှ တပ်မှူး ဗိုလ်ချုပ်ကြီး အီဘရာဟင်ဂျာ ဘာရီ၏ အကြံပေးတစ်ဦးက မတ်လ ၃ ရက်တွင်ပြောကြားထားသည်။လက်ရှိတွင် ဟော်မုဇ်ရေလက်ကြားပိတ်ဆို့ခံထားရခြင်းကြောင့် ပါရှန်းပင်လယ်ကွေ့ရှိဆိပ်ကမ်းများတွင် သင်္ဘောပေါင်း ၃၀၀၀ ကျော် ပိတ်မိနေကြောင်း Wall Street ဂျာနယ်က ဖော်ပြထားသည်။    Ref: TaMWD
Thu, 5-Mar-2026
© Copyright 2024 SAC All Rights Reserved.