ဧည့်မထ၊ ငစိန်စသော ပြည်ပတင်ပို့သည့် စပါးအမျိုးအစားများ စိုက်ပျိုးသည့် တောင်သူလယ်သမားများအား အကြံပြုပန်ကြားချက်
News Image
MM-News-Category
ဆက်စပ်သတင်းများ
သိပ်သည်းဆ ၁၉.၂၅ ဂရမ်/ကုဗစင်တီမီတာနှင့်အထက်ရှိ စံချိန်မီရွှေ ၁ ကျပ်သား (၁၆.၃၂၉၃၂၅ ဂရမ်)၏ ဈေးနှုန်း (၇,၀၅၀,၀၀၀) ကျပ် ဓာတ်သတ္တု(ရွှေ)ရည်ညွှန်းဈေးသတ်မှတ်ရေးကော်မတီ
Fri, 29-May-2026
နေပြည်တော် မေ ၂၈ ဘဏ္ဍာရေးနှင့် အခွန်ဝန်ကြီးဌာန ပြည်ထောင်စုဝန်ကြီး ဒေါက်တာကံဇော်သည် ဘယ်လာရုစ်သမ္မတနိုင်ငံ ဗဟိုဘဏ်ဒုတိယဥက္ကဋ္ဌ H.E. Mr. Alexander EGOROV ဦးဆောင်သော ကိုယ်စားလှယ်အဖွဲ့အား ယနေ့နံနက်ပိုင်းတွင် နေပြည်တော်ရှိ ဘဏ္ဍာရေးနှင့် အခွန်ဝန်ကြီးဌာန ရုံးအမှတ် (၂၆) ၌ လက်ခံတွေ့ဆုံသည်။ တွေ့ဆုံစဉ် မြန်မာ-ဘယ်လာရုစ် နှစ်နိုင်ငံအကြား ကုန်သွယ်မှု၊ ရင်းနှီးမြှုပ်နှံမှု၊ ဘဏ်လုပ်ငန်းနှင့် ချေးငွေဆိုင်ရာကိစ္စရပ်များကို ရင်းနှီးပွင့်လင်းစွာ ဆွေးနွေးကြသည်။ တွေ့ဆုံပွဲသို့ ပြည်ထောင်စုဝန်ကြီးနှင့်အတူ ဒုတိယဝန်ကြီး ဦးဟန်ဝင်းအောင်၊ အမြဲတမ်းအတွင်းဝန်နှင့် ဌာနဆိုင်ရာ တာဝန်ရှိသူများ တက်ရောက်ကြသည်။ တွေ့ဆုံပွဲအပြီးတွင် ဘယ်လာရုစ်နိုင်ငံ Belinvetbank မှ ကိုယ်စားလှယ်နှင့် မြန်မာ့စီးပွား ရေးဘဏ်၊ မြန်မာ့နိုင်ငံခြားကုန်သွယ်မှုဘဏ်နှင့် မြန်မာ့ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ်တို့မှ ဦးဆောင်ညွှန်ကြားရေးမှူးများက ဘဏ်လုပ်ငန်းဆိုင်ရာ ပူးပေါင်းဆောင်ရွက်မှု အစီအစဉ်များ (Banking Arrangements) ကို လက်မှတ်များ ရေးထိုးခဲ့ကြကြောင်း သိရသည်။ သတင်းစဉ်MDN
Fri, 29-May-2026
နေပြည်တော် မေ ၂၈ ၂၀၂၆-၂၀၂၇ မိုး၊ ဆောင်း၊ နွေရာသီပြည့် သီးနှံစိုက်ပျိုး ထုတ်လုပ်နိုင်ရေးနှင့် လျာထားချက် အပြည့်အဝ အကောင်အထည်ဖော် စိုက်ပျိုးနိုင်ရေး ဆွေးနွေးပွဲကို ယနေ့နံနက်ပိုင်းက နေပြည်တော် ပုဗ္ဗသီရိမြိုနယ် ဘဲကုန်းကျေးရွာ၌ ကျင်းပရာ နေပြည်တော် ကောင်စီနယ်မြေအတွင်းရှိ စိုက်ပျိုးရေးဦးစီးဌာနမှ တာဝန်ရှိသူများနှင့် တောင်သူ ၁၂၂ ဦး တက်ရောက်ကြသည်။ တွေ့ဆုံပွဲတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာ ရဲတင့်ထွန်းက ၂၀၂၆-၂၀၂၇ မိုး၊ ဆောင်း၊ နွေရာသီပြည့် သီးနှံစိုက်ပျိုး ထုတ်လုပ်နိုင်ရေးနှင့် လျာထားချက် အပြည့်အဝ အကောင်အထည်ဖော်စိုက်ပျိုးနိုင်ရေးအတွက် လုပ်ငန်းများအား တောင်သူများအချင်းချင်း ပူးပေါင်းဆောင်ရွက်ခြင်းအပြင် သက်ဆိုင်ရာဌာနများနှင့် ညှိနှိုင်းပေါင်းစပ် ဆောင်ရွက်ရန်၊ ဓာတ်မြေဩဇာ လျှော့ချသုံးစွဲခြင်း နည်းပညာကို လိုက်ပါဆောင်ရွက်ကြရန် ဆွေးနွေးပြောကြားသည်။ ထို့နောက် တောင်သူများ၏ တင်ပြချက်များအပေါ် ဒုတိယဝန်ကြီးနှင့် တာဝန်ရှိသူများက ညှိနှိုင်းပေါင်းစပ်ဆောင်ရွက်ပေးပြီး တောင်သူတစ်ဦးချင်းအား ကန်သင်းသီးနှံစိုက်ပျိုးရန် မျိုးစေ့များ ထောက်ပံ့ပေးအပ်ခဲ့ကြောင်း သိရသည်။သတင်းစဉ်MDN
Fri, 29-May-2026
ပန်းတောင်း မေ ၂၈ ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်းသည် တိုင်းဒေသကြီးလွှတ်တော်ဥက္ကဋ္ဌ၊ တိုင်းဒေသကြီးဝန်ကြီးများနှင့်အတူ ယမန်နေ့မွန်းလွဲပိုင်းတွင် ပန်းတောင်းမြို့နယ်အတွင်း ဆိတ်မွေးမြူရေးနှင့် ဒေသဖွံ့ဖြိုးရေးလုပ်ငန်းများ ကွင်းဆင်းစစ်ဆေးသည်။ ဦးစွာ ပန်းတောင်းမြို့နယ် ဒေါင်းမြက်နားကျေးရွာအုပ်စု၌ တိုင်းဒေသကြီးအစိုးရအဖွဲ့၏ နိုင်ငံ့စီးပွားမြှင့်တင်ရေးရန်ပုံငွေဖြင့် မွေးမြူရေးလုပ်ငန်းများ ဆောင်ရွက်လျက်ရှိသည့် ဒေသခံတောင်သူများနှင့်တွေ့ဆုံပြီး လိုအပ်သည့် ချေးငွေနှင့် မျိုးကောင်း မျိုးသန့်ရရှိရေး ဖြည့်ဆည်းဆောင်ရွက်ပေးသည်။ ထို့နောက် ပန်းတောင်းမြို့နယ် ဥသျှစ်ပင်မြို့ရှိ ပြည်-တောင်ကုတ်၊ ပုသိမ်-မုံရွာကားလမ်းဆုံ၌ လမ်းညွှန်ဆိုင်းဘုတ်နှင့် မြေယာအလှရှုခင်း တည်ဆောက်မည့်မြေနေရာကိုလည်းကောင်း၊ ပန်းတောင်းမြို့နယ် သရက်လိန်ကျေးရွာအုပ်စု၌ ယခင်လျှပ်စစ်မြစ်ရေတင်စနစ်မှ ဆိုလာမြစ်ရေတင်စနစ်အဖြစ် ပြောင်းလဲတည်ဆောက်နေမှုကိုလည်းကောင်း လှည့်လည်ကြည့်ရှုစစ်ဆေးပြီး လိုအပ်သည်များကို မှာကြားဖြည့်ဆည်းဆောင်ရွက်ပေးသည်။ ယင်းနောက် ပန်းတောင်းမြို့နယ် ခတ္တိယကျေးရွာအနီး ဧရာဝတီမြစ်ကမ်းပြိုကာကွယ်ရေး လုပ်ငန်းရှင်းလင်းဆောင်၌ တာဝန်ရှိသူများနှင့် တွေ့ဆုံပြီး ဧရာဝတီမြစ်ကမ်းပြိုကာကွယ်ရေး လုပ်ငန်းနှင့် စပ်လျဉ်း၍ လိုအပ်သည်များမှာကြားကာ လုပ်ငန်းဆောင်ရွက်မည့်နေရာကို ကွင်းဆင်း ကြည့်ရှုစစ်ဆေးခဲ့ကြောင်း သိရသည်။တိုင်းဒေသကြီး(ပြန်/ဆက်)MDN
Fri, 29-May-2026
တနင်္သာရီတိုင်းဒေသကြီး၌ လာမည့် ငါးဖမ်းရာသီတွင် စက်သုံးဆီဈေးနှုန်းများ ဆက်လက်မြင့်တက်နေပါက ရေငန်ထွက်ကုန်များ လက်ရှိ ထက်ထက်ဝက်ခန့် လျော့ကျနိုင်ကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ တာဝန်ရှိသူတစ်ဦးက NP News သို့ ပြောသည်။လက်ရှိတွင် ငါးဖမ်းရာသီကို ဧပြီလမှ ဇွန်လအထိ (၃) လပိတ်ထားပြီး ဇူလိုင်လတွင် ငါးဖမ်းလုပ်ငန်းများ ပြန်လည်စတင်မည်ဖြစ်ကာ စက်သုံးဆီဈေးနှုန်းများ ဆက်လက်မြင့်တက်နေပါက လုပ်ငန်းရှင်များအနေဖြင့် ငါးဖမ်းထွက်ရန် အခက် အခဲရှိနိုင်ကြောင်း သိရသည်။" အခုကလေ ဧပြီ၊ မေ၊ ဇွန် (၃) လ ငါးဖမ်း ရာသီပိတ်ထားတယ်။ ပိတ်ထားတော့ ရေငန်ထွက် ကုန်က တိုးဖို့တော့မရှိဘူးပေါ့နော်။ အဲဒါကြောင့် ထွက်ကုန်ကျမှာပေါ့။ ငါးဖမ်းရာသီလည်း ပိတ်ထားတယ်။ ပြီးတော့ စက်သုံးဆီဈေးမြင့်တော့ ပိတ်ထား တဲ့အချိန်မှာတော့ တိုးဖို့မရှိဘူးပေါ့။ ဇူလိုင်မှ ပြန်ဖွင့်မယ်။ ပြန်ဖွင့်တာတောင်မှ စက်သုံးဆီဈေးက တကယ်ကြီးတက်နေမယ်ဆိုရင်တော့ လုပ်လို့မနိုင် ဘူးပေါ့။ ငါးဖမ်းလို့မနိုင်ဘူး။ စက်သုံးဆီဈေးကျမှပဲ ငါးဖမ်းလို့နိုင်မယ်။ (၇) လပိုင်း လုပ်ငန်းတွေပြန်စတဲ့ အချိန်မှာ စက်သုံးဆီဈေးသာတက်နေမယ်ဆိုရင် ရေငန်ထွက်ကုန်တွေ ကျဆင်းသွားနိုင်တယ်။ မကိုက်တော့ဘူး"ဟု ၎င်းက ပြောသည်။စက်သုံးဆီဈေးမြင့်မားမှုကြောင့် ငါးဖမ်းလှေများ၏ ငါးဖမ်းထွက်မှု လျော့နည်းလာပါက ငါးရရှိမှုနှုန်းလျော့ကျလာနိုင်ကြောင်း ၎င်းက ပြောသည်။" တနင်္သာရီတိုင်းကတော့ တစ်နှစ်မှာတော့ တန် (၂၀ဝ) ကျော် တန် (၂၈၀) ကျော် (၃၀ဝ) နီးပါးတင် နေတာပဲ။ အကယ်၍ ဥပမာ ငါးဖမ်းလှေ အစင်း (၁၀ဝဝ) ကျော်ရှိတယ်။ (၅၀ဝ) ပဲထွက်မယ်ဆိုရင်တော့ တန် (၁၀ဝ) ကျော်လောက်ပဲရနိုင်တာပေါ့။ ငါးဖမ်းလို့ရှုံးရင်လည်း မထွက်နိုင်ဘူးဆိုတဲ့သူရှိတော့ တန် (၁၀ဝ) လောက်ရချင်မှရမှာပေါ့နော်။ တစ်ဝက် လောက်ကို လျော့နိုင်တယ်။ ဘာဖြစ်လို့လဲဆို မကိုက်ရင်သူတို့မထွက်တော့ဘူးလေ။ ကိုက်တဲ့လှေပဲ ငါးဖမ်းထွက်မယ်" ဟု ၎င်းက ပြောသည်။ထို့ပြင် ခေတ်မီမွေးမြူရေးဇုန်များ ပေါ် ထွက်လာပါက ပြည်ပတင်ပို့မှုတိုးတက်လာနိုင်သော်လည်း မွေးမြူရေးလုပ်ငန်းများတွင် Generator များကို ဒီဇယ်ဖြင့်မောင်းနှင်ရသဖြင့် စက်သုံးဆီဈေးများ ဆက်လက်မြင့်တက်နေပါက ရေထွက်ကုန်များ လျော့ကျနိုင်ကြောင်း သိရသည်။" ခေတ်မီမွေးမြူရေးဇုန်တွေပေါ်ထွက် လာရင်တော့ Export တင်ပို့မှုများလာမှာပေါ့။ နိုင်ငံတော်က လွယ်လွယ်ကူကူနဲ့ မြေကိစ္စတွေချပေးမယ်ဆို တော့ မွေးမြူရေးဇုန်တွေ ပေါ်ထွက်လာမှာပေါ့။ ပေါ် ထွက်လာရင် နိုင်ငံခြားတင်ပို့မှုလည်း ရလာနိုင်တာ ပေါ့။ မွေးမြူရေးဆိုလည်း သူက Generator တွေက ဒီဇယ်နဲ့လည်ရတာကိုး။ တကယ်လို့ ဒီဇယ်ဈေး တက်မယ်ဆို သူလည်း မမွေးနိုင်ဘူး။ မကိုက်တော့ ဘူး။ ပင်လယ်ထဲကပဲဖမ်းဖမ်း မွေးမြူရေးပဲလုပ်လုပ် ဆီဈေးသာတက်နေမယ်ဆိုရင် ဆက်လုပ်ဖို့က အဆင်မပြေနိုင်ဘူး"ဟု ၎င်းကပြောသည်။ထို့ပြင် ငါးဖမ်းလုပ်ငန်းအတွက် လုပ်သား အင်အားပိုင်းတွင် အခက်အခဲမရှိသော်လည်း စက်သုံးဆီရရှိမှုအပိုင်းတွင် အခက်အခဲများဖြစ်နေ ကြောင်း သိရသည်။" လုပ်သားကတော့ သူ့ဟာနဲ့သူရှိတယ်။ တခြားအခက်အခဲတော့ မရှိပါဘူး။ အဓိကတော့ ဒီဇယ်ဈေးနှုန်းပဲ။ ဒီဇယ်ဈေးနှုန်းမြင့်မားနေရင်တော့ အခက်အခဲဖြစ်ကြမှာပေါ့ ရေလုပ်ငန်းအကုန်လုံးက။ အဲဒါကလည်း တစ်ကမ္ဘာလုံးကဖြစ်နေတော့ ဘယ် တတ်နိုင်မှာလဲ"ဟု ၎င်းက ပြောသည်။ကင်းမွန်ရရှိမှုသည်လည်း ယခင်နှစ်နှင့် နှိုင်းယှဉ်ပါက အနည်းငယ်လျော့နည်းလာကာ ရာသီဥတုပူပြင်းခြင်းနှင့် ရေစီးကြောင်းပြောင်းလဲမှု များကြောင့် ရှားပါးလာခြင်းဖြစ်ကြောင်း သိရသည်။" ကင်းမွန်လည်း အခုက ငါးဖမ်းရာသီနား ထားတယ်ဆိုတော့ မဖမ်းဘူးပေါ့။ ဖမ်းတုန်းကတော့ ရှေ့နှစ်ကထက် နည်းနည်းတော့ရှားတယ်။ ဘယ် လောက်ထိလျော့နည်းသွားလဲတော့ မသိဘူး။ ဒါပေမဲ့ သူတို့ဖမ်းတဲ့သူတွေကတော့ ပြောတယ်။ ပထမစ ထွက်မှာ သူတို့ရှုံးကြတယ်။ နောက်တော့နည်းနည်း အရင်းပြန်ကျေကြတာပေါ့။ လူတိုင်းတော့ မဟုတ်ဘူး ပေါ့။ ရှုံးတဲ့လူလည်းရှုံးတာရှိသလို ရတဲ့လူလည်းရကြ တာပေါ့။ မညီတော့မညီဘူး။ ရှုံးတော့မရှုံးဘူး။ လုပ် တော့လုပ်နိုင်တဲ့ အခြေအနေတော့ရှိတယ်။ ရှားလာ တာကတော့ ရာသီဥတုကြောင့်ပါမှာပေါ့လေ။ တအားပူလို့လည်းပါမယ်။ ရေစီးကြောင်းပြောင်းတယ်။ ရေထွက်ကုန်ကတော့ ဒီလိုပဲ။ ဒီနှစ်ရှားရင် နောက်တစ်နှစ် ပေါချင်ပေါမယ်။ အမြဲတမ်းတော့ ပုံမှန်မရှိဘူး"ဟု ၎င်းက ပြောသည်။Np News
Fri, 29-May-2026
ပုသိမ် မေ ၂၈ စိုက်ပျိုးထုတ်လုပ်မှု တိုးတက်မြင့်မားရေး လုပ်ငန်းညှိနှိုင်းအစည်းအဝေးကို ယနေ့နံနက်ပိုင်းက ဧရာဝတီတိုင်းဒေသကြီးအစိုးရအဖွဲ့ရုံး အစည်းအဝေးခန်းမ (၁) ၌ ကျင်းပရာ ဧရာဝတီတိုင်းဒေသကြီးဝန်ကြီးချုပ် ဦးအေးကျော် တက်ရောက်အမှာစကား ပြောကြားသည်။ ထို့နောက် တိုင်းဒေသကြီးဝန်ကြီးများ၊ ဌာန ဆိုင်ရာများ၊ ခရိုင်၊ မြို့နယ်စိုက်ပျိုးထုတ်လုပ်မှု တိုးတက်မြင့်မားရေးလုပ်ငန်းကြီးကြပ်မှုကော်မတီ ဥက္ကဋ္ဌများက မိုးသီးနှံစိုက်ပျိုးရေးလုပ်ငန်းများ ကြိုတင်စီမံ ဆောင်ရွက်ထားရှိမှု၊ အဓိကသီးနှံများ စိုက်ပျိုးထုတ်လုပ်မှု၊ မျိုးစေ့ဖြန့်ဝေပေးနိုင်မှု၊ စက်သုံးဆီနှင့် သွင်းအားစုများလိုအပ်မှု၊ ဆီထွက်သီးနှံများ စိုက်ပျိုးမည့် အခြေအနေနှင့် မိုးစပါး ပန်းတိုင်အထွက်နှုန်း ရရှိစေရေး ဆောင်ရွက်သွားမည့် အစီအစဉ်များကို ဆွေးနွေးတင်ပြရာ တိုင်းဒေသကြီးဝန်ကြီးချုပ်က ညှိနှိုင်းဖြည့်ဆည်းပေးသည်။ ယင်းနောက် ဒေသဆိုင်ရာခရီးသွားလုပ်ငန်းကော်မတီ (၂/၂၀၂၆) အစည်းအဝေးသို့ တက်ရောက် အမှာစကားပြောကြားပြီး တက်ရောက်လာကြသူများ၏ တင်ပြဆွေးနွေးမှုအပေါ် ညှိနှိုင်းဖြည့်ဆည်းပေးခဲ့ကြောင်း သိရသည်။တိုင်းဒေသကြီး(ပြန်/ဆက်)MDN
Fri, 29-May-2026