ပြစ်ဒဏ်လွတ်ငြိမ်းသက်သာခွင့်အမိန့်(၃-၂၀၂၆)
News Image
MM-News-Category
ဆက်စပ်သတင်းများ
တရုတ်နိုင်ငံအလယ်ပိုင်း ရှန်းရှီးပြည်နယ်ရှိ ကျောက်မီးသွေးတွင်းတစ်ခုတွင် ဖြစ်ပွားသည့် ဓာတ်ငွေ့ပေါက်ကွဲမှုကြောင့်လူ ၉၀ ထက်မနည်းသေဆုံးကြောင်း တရုတ်နိုင်ငံပိုင် Xinhua သတင်းဌာနက ဖော်ပြထားသည်။အဆိုပါပေါက်ကွဲမှုသည် ပေကျင်းမြို့၏အနောက်တောင်ဘက် ကီလိုမီတာ ၅၂၀ ခန့်အကွာရှိ ကျင်းယွမ်ခရိုင်၌ မေလ ၂၂ ရက်နှောင်းပိုင်းတွင် ကျောက်မီးသွေးတွင်းမှ ကာဗွန်မိုနောက်ဆိုက်ဓာတ်ငွေ့ထွက်ရှိမှု သတိပေးချက် ထုတ်ပြန်ပြီးနောက် ဖြစ်ပွားခြင်းဖြစ်သည်။ ပေါက်ကွဲမှုဖြစ်ပွားချိန်တွင် မြေအောက်၌ အလုပ်သမား ၂၄၇ ဦး ရှိနေပြီး အခြားအလုပ်သမားများ ပိတ်မိနေဆဲရှိ၊ မရှိကိုမူ မသိရသေးကြောင်း သိရသည်။အစောပိုင်းတွင် သေဆုံးသူရှစ်ဦးသာရှိကြောင်း ဖော်ပြခဲ့သော်လည်း နောက်ပိုင်းတွင် သေဆုံးသူအရေအတွက် ရုတ်တရက် မြင့်တက်လာခြင်းဖြစ်သည်။ ထိုဖြစ်စဉ်နှင့်ပတ်သက်၍ ကျောက်မီးသွေးတွင်းလုပ်ငန်းကို လည်ပတ်သည့် ကုမ္ပဏီအမှုဆောင်များကိုလည်း ဖမ်းဆီးထိန်းသိမ်းထားကြောင်း Xinhua ကဆိုသည်။ယခုဖြစ်စဉ်သည် ဆယ်စုနှစ်တစ်ခုကျော်အတွင်း တရုတ်နိုင်ငံ၏ လူအသေအပျောက်အများဆုံး ကျောက်မီးသွေးတွင်း မတော်တဆမှုဖြစ်လာသည်။ သမ္မတ ရှီကျင့်ဖျင်က ကယ်ဆယ်ရေး လုပ်ငန်းများကို အစွမ်းကုန်ကြိုးပမ်းရန် ညွှန်ကြားထားကြောင်း သိရသည်။ MWD
Sun, 24-May-2026
, 
, 
, 
နေပြည်တော် မေ ၂၃ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် ယနေ့နံနက်ပိုင်းတွင် ဒုတိယသမ္မတ ဦးညိုစော၊ ပြည်ထောင်စုဝန်ကြီးများဖြစ်ကြသည့် ဦးမျိုးသန့်၊ ဦးမင်းနောင်နှင့် တာဝန်ရှိသူများလိုက်ပါ၍ ပြည်ထောင်စုနယ်မြေ နေပြည်တော်အတွင်း လမ်း၊ တံတားများ အဆင့်မြှင့်တင်ဆောင်ရွက်နေမှုနှင့် ဒေသထွက်သီးနှံများကို အခြေခံသည့် စက်မှုကုန်ထုတ်လုပ်ငန်း ဆောင်ရွက်နေမှုတို့အား လိုက်လံကြည့်ရှုစစ်ဆေးသည်။လမ်း၊ တံတားများအဆင့်မြှင့်တင်ခြင်းလုပ်ငန်းများ အကောင်အထည်ဖော် ဆောင်ရွက်နေမှုဦးစွာ နိုင်ငံတော်သမ္မတသည် ရွှေပြည်တော်ဝင်လမ်းပေါ်ရှိ နေပြည်တော် တောင်တွင်းကြီး မီးရထားလမ်းခုံးကျော်တံတား (၁၃၀၀ ပေ) တည်ဆောက်ခြင်း လုပ်ငန်းဆောင်ရွက်နေမှုအခြေအနေများကို သွားရောက်ကြည့်ရှုစစ်ဆေးရာ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့်နှင့် တာဝန်ရှိသူများက လုပ်ငန်းဆောင်ရွက်နေမှုအခြေအနေများနှင့်ပတ်သက်၍ ရှင်းလင်းတင်ပြသည်။ရှင်းလင်းတင်ပြမှုများအပေါ် နိုင်ငံတော်သမ္မတက ပြည်ထောင်စုနယ်မြေ နေပြည်တော်အတွင်း လမ်းများအားလုံးအဆင့်မီမီနှင့် စနစ်တကျဖြစ်စေရေး အဆင့်မြှင့်တင်ဆောင်ရွက်သွားရမည်ဖြစ်ကြောင်း၊ နေပြည်တော်ကောင်စီနယ်မြေအတွင်း မီးရထားလမ်းကူးနေရာများ၌ ခုံးကျော်တံတားများ ဆက်လက်ထည့်သွင်းတည်ဆောက်နိုင်ရေးအတွက်လည်း စနစ်တကျ တွက်ချက်ဆောင်ရွက်သွားကြရန်လိုကြောင်းနှင့် ယခု နေပြည်တော် - တောင်တွင်းကြီး မီးရထားလမ်းခုံးကျော်တံတားတည်ဆောက်ခြင်းလုပ်ငန်းအား မိုးမကျမီဆောင်ရွက်၍ရသည့် လုပ်ငန်းများအား ဆောင်ရွက်နိုင်ရေး ကြပ်မတ်ဆောင်ရွက်သွားကြရန်လိုကြောင်းဖြင့် မှာကြားသည်။ထို့နောက် နိုင်ငံတော်သမ္မတသည် ရွှေပြည်တော်ဝင်လမ်းတစ်လျှောက် သန့်ရှင်းသာယာလှပရေးလုပ်ငန်းများနှင့် လမ်းအဆင့်မြှင့်တင်ခြင်းလုပ်ငန်းများ ဆောင်ရွက်ထားရှိမှုများကို မော်တော်ယာဉ်များဖြင့် လှည့်လည်ကြည့်ရှုစစ်ဆေးသည်။ယင်းနောက် နိုင်ငံတော်သမ္မတသည် နေပြည်တော်လေဆိပ်အဝင် လမ်းသစ်ဖောက်လုပ်နေမှုနှင့် ယာယီသံဘောင်ဘေလီတံတား တည်ဆောက်ရန်ဆောင်ရွက်နေမှုလုပ်ငန်းခွင်သို့ ရောက်ရှိစစ်ဆေးရာ ဆောက်လုပ်ရေးဝန်ကြီးဌာန ပြည်ထောင်စုဝန်ကြီးနှင့် တာဝန်ရှိသူများက လုပ်ငန်းဆောင်ရွက်နေမှုအခြေအနေများအား ရှင်းလင်းတင်ပြသည်။ရှင်းလင်းတင်ပြမှုများအပေါ် နိုင်ငံတော်သမ္မတက ယခုလေဆိပ်အဝင်လမ်းသစ်အား နေပြည်တော်မှ လေဆိပ်သို့ လာရောက်သူများနှင့် လေဆိပ်မှ နေပြည်တော်သို့ သွားရောက်သူများ ပိုမိုလျှင်မြန် မြန်ဆန်စွာဖြင့် သွားလာရောက်ရှိနိုင်ရေး ရည်ရွယ်ဆောင်ရွက်စေခြင်းဖြစ်ကြောင်း၊ လမ်းသစ်ဖောက်လုပ်ရေးလုပ်ငန်း အကောင်အထည်ဖော်ဆောင်ရွက်ရာတွင် စနစ်တကျဖြင့် အဆင့်ဆင့် အဆင့်မြှင့်တင်ဆောက်လုပ်သွားရန်လိုကြောင်း၊ နောင်အနာဂတ်တွင် ဖြစ်ပေါ်လာနိုင်မည့် လမ်းအသုံးပြုသူဦးရေနှင့် မော်တော်ယာဉ် အစီးရေတိုးတက်လာနိုင်မှုများအပေါ် ထည့်သွင်းတွက်ချက်၍ လမ်းအဆင့်မြှင့်တင်ခြင်းလုပ်ငန်းများ ဆက်လက်ဆောင်ရွက်နိုင်ရေးအတွက်လည်း Master Plan ရေးဆွဲဆောင်ရွက်ထားရှိရန်လိုကြောင်း၊ လမ်းဘေးဝဲယာတစ်လျှောက်၌ အရိပ်ရလေကာပင်များကိုလည်း မိုးရာသီအမီ စိုက်ပျိုးသွားရန်လိုကြောင်းနှင့် အခြားလိုအပ်သည်များကို လမ်းညွှန်မှာကြားသည်။ယင်းနောက် နိုင်ငံတော်သမ္မတသည် ရွှေပြည်တော်ဝင်လမ်းပေါ်ရှိ ရန်ကုန်-မန္တလေး မီးရထားလမ်းခုံးကျော်တံတား တည်ဆောက်ရေးလုပ်ငန်းခွင်သို့ ရောက်ရှိပြီး တာဝန်ရှိသူတစ်ဦး၏ ရှင်းလင်းတင်ပြမှုများအပေါ် ပျဉ်းမနားမြို့ရှောင်လမ်းမှ ရွှေပြည်တော်ဝင်လမ်းသို့ ဝင်ရောက်သည့်လမ်းအား စနစ်တကျဖြစ်စေရေး စနစ်တကျ ဆောင်ရွက်သွားရန်လိုကြောင်း၊ နေပြည်တော်ကောင်စီနယ်မြေအတွင်းရှိ လမ်းများအားလုံးအား စနစ်တကျဖြစ်စေရေးနှင့် နောင်အနာဂတ်တွင် တိုးတက်လာမည့် မြို့ပြလူဦးရေနှင့် ယာဉ်အသုံးပြုမှု များပြားလာနိုင်မှုအပေါ်တွက်ချက်၍ တိုးချဲ့အဆင့်မြှင့်တင်နိုင်ရေးအတွက်လည်း စီမံဆောင်ရွက်သွားရမည် ဖြစ်ကြောင်းနှင့် အခြားလိုအပ်သည်များကို လမ်းညွှန်မှာကြားသည်။ဒေသစိုက်ပျိုးသီးနှံများကို အခြေခံသည့် စက်မှုကုန်ထုတ်လုပ်ငန်း ဆောင်ရွက်နေမှုထို့နောက် နိုင်ငံတော်သမ္မတသည် ပျဉ်းမနားမြို့၊ ကျီးအင်းကျေးရွာရှိ အေးခဲဟင်းသီးဟင်းရွက်ထုတ်လုပ်တင်ပို့ခြင်းလုပ်ငန်း (Myanmar Agri Foods Co.Ltd)သို့ ရောက်ရှိလေ့လာကြရာ ကုမ္ပဏီမှ တာဝန်ရှိသူတစ်ဦးက ဒေသတွင်းမှထွက်ရှိသည့် ရုံးပတီသီး၊ ဟင်းနုနွယ်၊ ဘိုစားပဲ၊ သရက်သီးနှင့် ပဲအမျိုးမျိုးတို့အပါအဝင် ဟင်းသီးဟင်းရွက်မျိုးစုံအား အေးခဲဟင်းသီးဟင်းရွက်များထုတ်လုပ်၍ ပြည်ပဈေးကွက်သို့ တင်ပို့ရောင်းချနေမှုအခြေအနေများ၊ အခြေခံလူတန်းစားများ၏ တစ်ဦးချင်းဝင်ငွေ တိုးတက်စေရေးဆောင်ရွက်ပေးနိုင်မှု၊ ကန်ထရိုက်လယ်ယာစိုက်ခင်းများမှ ကုန်ကြမ်းများကို ၉၉ ရာခိုင်နှုန်းအထိ အသုံးပြုထုတ်လုပ်လျက်ရှိမှု၊ အရည်အသွေးပြည့်မီသည့် ထုတ်ကုန်အသစ်များအတွက် လုပ်ဆောင်ရသည့် လုပ်ငန်းစဉ်များ၊ လက်ရှိဈေးကွက်ရရှိမှုအခြေအနေများနှင့် ယင်းကိုအခြေခံ၍ အာရှဈေးကွက်၊ ဥရောပဈေးကွက်များသို့ တိုးချဲ့ဆောင်ရွက်သွားမည့် အခြေအနေများနှင့် ပတ်သက်၍ ရှင်းလင်းတင်ပြသည်။ရှင်းလင်းတင်ပြမှုများအပေါ် နိုင်ငံတော်သမ္မတက နိုင်ငံ့အတွက်အကျိုးရှိသည့် လုပ်ငန်းတစ်ခုဖြစ်ပြီး လက်ရှိရရှိပြီးဖြစ်သည့်ဈေးကွက်ကို အဓိကရည်ရွယ်၍ ဆက်လက်တိုးချဲ့ထုတ်လုပ်တင်ပို့နိုင်ရေး ဆောင်ရွက်သွားရန်လိုကြောင်း၊ ထိုသို့ဆောင်ရွက်ရာတွင် စုပေါင်းသမဝါယမစနစ်ဖြင့်လည်း ဆောင်ရွက်၍ရနိုင်ကြောင်း၊ ဟင်းသီးဟင်းရွက်များအား Green House များဖြင့် တစ်အုပ်တစ်မ ရာသီမရွေးစိုက်ပျိုး ထုတ်လုပ်နိုင်အောင် သုတေသနပြုလုပ်၍ ဆောင်ရွက်သွားမည်ဆိုပါက ကုန်ကြမ်းသီးနှံများ ပိုမိုရရှိနိုင်မည်ဖြစ်ပြီး ထုတ်ကုန်များပိုမိုထုတ်လုပ်နိုင်ကာ ပြည်တွင်းပြည်ပဈေးကွက်များသို့ တင်ပို့ရောင်းချနိုင်ခြင်းဖြင့် နိုင်ငံအတွက် နိုင်ငံခြားဝင်ငွေများ ပိုမိုရရှိနိုင်မည်ဖြစ်ကြောင်း။ကုန်ထုတ်လုပ်ငန်းများဆောင်ရွက်ရာတွင် ကုန်ကြမ်းမှစ၍ သုံးစွဲသူလက်ဝယ်သို့ ရောက်ရှိသည်အထိ အဆင့်အားလုံးကို ချိတ်ဆက်ထားသည့် ထောက်ပံ့ရေးကွင်းဆက် (Supply Chain)ကို စနစ်တကျစဉ်းစားတွက်ချက်ဆောင်ရွက်သွားရန်လိုကြောင်း၊ စိုက်ပျိုးမြေများကိုလည်း အကျိုးရှိအောင် အသုံးချသွားရန်လိုကြောင်းနှင့် အခြားလိုအပ်သည်များကို အကြံပြုဆွေးနွေးသည်။ထို့နောက် နိုင်ငံတော်သမ္မတသည် ကုမ္ပဏီအတွင်း အေးခဲဟင်းသီးဟင်းရွက် ထုတ်လုပ်နေမှုလုပ်ငန်းဆောင်ရွက်နေမှုအဆင့်ဆင့်အား လိုက်လံကြည့်ရှုစစ်ဆေးပြီး တာဝန်ရှိသူများ၏ တင်ပြချက်များအပေါ် သိရှိလိုသည်များ ပြန်လည်မေးမြန်းဆွေးနွေးကာ နိုင်ငံ့စီးပွားဖွံ့ဖြိုးတိုးတက်ရေးနှင့် ကျေးလက်နေပြည်သူများ၏ လူမှုစီးပွားဘဝများ ဖွံ့ဖြိုးတိုးတက်ရေးများစွာ အထောက်အကူဖြစ်သည့်လုပ်ငန်းတစ်ခုဖြစ်သဖြင့် လုပ်ငန်းတိုးချဲ့နိုင်ရေးနှင့် ထုတ်ကုန်များတိုးမြှင့်ထုတ်လုပ်နိုင်ရေးအတွက် ဌာနဆိုင်ရာများနှင့်လည်း လိုအပ်သည်များ ပေါင်းစပ်ညှိနှိုင်းဆောင်ရွက်သွားနိုင်ရေး လမ်းညွှန်မှာကြားသည်။ရေနုတ်မြောင်းများစနစ်တကျရှိစေရေးနှင့် ရေစီးရေလာ ကောင်းမွန်ရေးယင်းနောက် နိုင်ငံတော်သမ္မတသည် ရန်ကုန်-မန္တလေးလမ်းဟောင်းအတိုင်း မော်တော်ယာဉ်များဖြင့် ဆက်လက်ထွက်ခွာခဲ့ပြီး အိုင်စောက်ကျေးရွာအနီးနှင့် ပင်လောင်းလမ်းဆုံနေရာတို့၌ လမ်းဘေးဝဲယာတစ်လျှောက် ရေစီးရေလာကောင်းမွန်စေရေး ရေနုတ်မြောင်းများ ဆောင်ရွက်ထားရှိမှုအခြေအနေများကို ကြည့်ရှုစစ်ဆေးကာ တာဝန်ရှိသူများ၏ တင်ပြချက်များအပေါ် လိုအပ်သည်များ လမ်းညွှန်မှာကြားသည်။ထို့နောက် နိုင်ငံတော်သမ္မတသည် အေးမြင့်သာယာတံတား(ဆင်သေချောင်းကူး)သို့ ရောက်ရှိကြပြီး ဆင်သေချောင်းတစ်လျှောက် ချောင်းကမ်းပါးများအား သဘာဝဘေးဒဏ်ခံနိုင်ရေးနှင့် ရေကြီးရေလျှံမှုများဖြစ်ပေါ်ချိန်တွင် အရှိန်အဟုန်ဖြင့် ရေစီးဆင်းမှုဒဏ်ကို ခံနိုင်ရေးတို့အတွက် ရေကြောင်းထိန်းသိမ်းခြင်းလုပ်ငန်းများအား စနစ်တကျဆောင်ရွက်သွားရန်၊ တံတားနေရာများ၌လည်း ကြံ့ခိုင်မှုစစ်ဆေးခြင်းနှင့် ထိန်းသိမ်းခြင်း လုပ်ငန်းများကို စနစ်တကျထိန်းသိမ်းဆောင်ရွက်သွားရန်နှင့် အခြားလိုအပ်သည်များကို လမ်းညွှန်မှာကြားခဲ့ကြောင်း သတင်းရရှိသည်။MOI
Sun, 24-May-2026
နေပြည်တော် မေ ၂၂ မြန်မာအမျိုးသမီးများနေ့အခမ်းအနား ကျင်းပဆောင်ရွက်နိုင်ရေးနှင့် ကျေးလက်နေအမျိုးသမီးများဘဝ ဖွံ့ဖြိုးတိုးတက်ရေးလုပ်ငန်းစီမံချက် အကောင်အထည်ဖော်ဆောင်ရွက်နိုင်ရေး ညှိနှိုင်းအစည်းအဝေးကို ယနေ့မွန်းလွဲပိုင်းတွင် အမျိုးသမီးရေးရာဝန်ကြီးဌာန အစည်းအဝေးခန်းမ၌ ကျင်းပရာ မြန်မာနိုင်ငံလုံးဆိုင်ရာ အမျိုးသမီးကော်မတီဥက္ကဋ္ဌ အမျိုးသမီးရေးရာဝန်ကြီးဌာန ပြည်ထောင်စုဝန်ကြီး ဒေါက်တာ သက်သက်ဇင်၊ အမျိုးသမီးအဖွဲ့များမှ ဥက္ကဋ္ဌများနှင့် တာဝန်ရှိသူများ တက်ရောက်ကြသည်။ အစည်းအဝေးတွင် ပြည်ထောင်စုဝန်ကြီးက အမျိုးသမီးများနှင့် အမျိုးသမီးငယ်ရွယ်များ ဖွံ့ဖြိုးတိုးတက်ရေးနှင့် စွမ်းဆောင်ရည်မြှင့်တင်ရေးအတွက် ကျေးလက်နေအမျိုးသမီးများနှင့် အမျိုးသမီး ငယ်ရွယ်သူများအတွက် ပညာသင်ကြားနိုင်ရေး၊ အသက်မွေးဝမ်းကျောင်း အလုပ်အကိုင် ရရှိနိုင်ရေး၊ နည်းမျိုးစုံနှင့် အကြမ်းဖက်မှုများ လျော့နည်းပပျောက်စေရေးတို့အတွက် ကျေးရွာ ၆၀ ကျော်တွင် ဆောင်ရွက်သွားမည်ဖြစ်ကြောင်း၊ ၂၀၂၆ ခုနှစ် ဇူလိုင် ၃ ရက်တွင် ကျရောက်မည့် မြန်မာအမျိုးသမီးများနေ့ အခမ်းအနားသည်မြန်မာနိုင်ငံလုံးဆိုင်ရာ အမျိုးသမီးကော်မတီဖွဲ့စည်းမှု နှစ် (၃၀) ပြည့်အခမ်းအနားဖြစ်သည့်အတွက် မြန်မာအမျိုးသမီးများနေ့ အခမ်းအနားနှင့် အကြို လှုပ်ရှားမှုများကို ခမ်းခမ်းနားနား ကျင်းပပြုလုပ်သွားကြရမည်ဖြစ်ကြောင်း ပြောကြားသည်။ ထို့နောက် မြန်မာနိုင်ငံလုံးဆိုင်ရာ အမျိုးသမီးကော်မတီအဖွဲ့ဝင် အမျိုးသမီးအဖွဲ့ဥက္ကဋ္ဌများနှင့် အစည်းအဝေးတက်ရောက်လာသူများက သက်ဆိုင်ရာကဏ္ဍအလိုက် ဝိုင်းဝန်းအကြံပြုဆွေးနွေးကြပြီး အစည်းအဝေးကို ရုပ်သိမ်းခဲ့ကြောင်း သတင်းရရှိသည်။ သတင်းစဉ်MDN
Sat, 23-May-2026
နေပြည်တော် မေ ၂၂ ပြည်ထောင်စုနယ်မြေ နေပြည်တော် ဥတ္တရခရိုင် ဥတ္တရသီရိမြို့နယ် ၃၃ ကေဗွီ ဓာတ်အားခွဲရုံ အမှတ် (၂) ရှိ ၃၃/၁၁ ကေဗွီ၊ ၁၀ အမ်ဗွီအေ ထရန်စဖော်မာ အမှတ် (၁) သည် မေ ၂၁ ရက် မွန်းလွဲ ၃ နာရီ ၄၂ မိနစ်တွင် ဓာတ်အားပြတ်တောက်ခဲ့ပြီး လျှပ်စစ်စမ်းသပ်ရေးဆိုင်ရာ စမ်းသပ်ချက်များအရ ထရန် စဖော်မာ လောင်ကျွမ်းခဲ့ခြင်းဖြစ်ကြောင်း စစ်ဆေးတွေ့ရှိရသည်။ဖော်ပြပါ ထရန်စဖော်မာလောင်ကျွမ်းမှုကို သိလျှင်သိချင်း အဆိုပါထရန်စဖော်မာဖြင့် ဓာတ်အား ဖြန့်ဖြူးထားသည့် အစိုးရဌာနရုံးများနှင့် အများပြည်သူဆိုင်ရာ နေရာအချို့အား ယင်းဓာတ်အားခွဲရုံရှိ ကျန်ထရန်စဖော်မာ အမှတ် (၂) ဖြင့် ဝန်အားမျှ၍ လျှပ်စစ်ဓာတ်အားယာယီ ပြန်လည် ဖြန့်ဖြူးပေးခဲ့သည်။ လောင်ကျွမ်းခဲ့သည့် ထရန်စဖော်မာ အမှတ် (၁) ကို ၂၀၀၃ ခုနှစ် ကတည်းက ထုတ်လုပ်သုံးစွဲခဲ့ပြီး အလေးချိန် ၂၁ တန်ရှိသည်။ အဆိုပါ ထရန်စဖော်မာအား ၁၀ အမ်ဗွီအေ ထရန်စဖော်မာ တစ်လုံးဖြင့် အစားထိုးလဲလှယ်နိုင်ရေးအတွက် တန် ၇၀ ကရိန်းယာဉ်နှင့် ယန္တရားများ အသုံးပြု၍ မေ ၂၁ ရက် ၄ နာရီ မိနစ် ၂၀ မှ စတင်၍ စီစဉ်ဆောင်ရွက်ခဲ့ရာ မေ ၂၂ ရက် မွန်းလွဲပိုင်းတွင် ရွှေ့ပြောင်းခြင်း၊ တပ်ဆင်ခြင်းနှင့် စမ်းသပ်စစ်ဆေးခြင်းလုပ်ငန်းများကို ဆောင်ရွက်ပြီးစီးခဲ့ပြီး ယနေ့ည ဓာတ်အား သုံးစွဲမှု လျော့ကျသွားသောအချိန်မှစ၍ ပုံမှန်အတိုင်းဓာတ်အားပြန်လည် ဖြန့်ဖြူးပေးသွားမည် ဖြစ်ကြောင်း လျှပ်စစ်နှင့်စွမ်းအင် ဝန်ကြီးဌာနမှ သိရသည်။ သတင်းစဉ်MDN
Sat, 23-May-2026
နေပြည်တော် မေ ၂၂ ၂၀၂၆ ခုနှစ် အပြည်ပြည်ဆိုင်ရာ ဇီဝမျိုးစုံမျိုးကွဲထိန်းသိမ်းရေးနေ့ အထိမ်းအမှတ် အခမ်းအနားကို ယနေ့နံနက်ပိုင်းတွင် ရုံးအမှတ် (၃၉) သစ်တောဦးစီးဌာန အင်ကြင်းခန်းမ၌ကျင်းပရာ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦး၊ ဒုတိယဝန်ကြီးများ၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ ပါမောက္ခချုပ်၊ အရာထမ်း/ အမှုထမ်းများနှင့် သက်ဆိုင်ရာဌာနများမှ တာဝန်ရှိသူများ တက်ရောက်ကြသည်။ အခမ်းအနားတွင် ပြည်ထောင်စုဝန်ကြီးက ၂၀၂၆ ခုနှစ် အပြည်ပြည်ဆိုင်ရာ ဇီဝမျိုးစုံမျိုးကွဲ ထိန်းသိမ်းရေးနေ့၏ ဆောင်ပုဒ်ဖြစ်သော “ကမ္ဘာ့ဇီဝမျိုးစုံမျိုးကွဲထိန်းသိမ်းဖို့၊ ရပ်ရွာဒေသမှ စတင် ဆောင်ရွက်စို့ (Acting Locally for Global Impact)” ဟူသည့် ဆောင်ပုဒ်အရ ဇီဝမျိုးစုံမျိုးကွဲများ ပျက်စီးဆုံးရှုံးမှုကို ကာကွယ်ရန် မိမိတို့ရပ်ရွာဒေသမှစ၍ လူ့အဖွဲ့အစည်းတစ်ရပ်လုံး ပါဝင်သော ချဉ်းကပ်မှုဖြင့် အခြေပြုစတင်ရမည်ဖြစ်ကြောင်း၊ မြန်မာနိုင်ငံသည် ဇီဝမျိုးစုံမျိုးကွဲဆိုင်ရာ ကွန်ဗင်းရှင်း အဖွဲ့ဝင်နိုင်ငံအဖြစ် ၁၉၉၅ ခုနှစ်မှစ၍ ပါဝင်ခဲ့ပြီး မြန်မာ့ဒေသရင်းအပင်မျိုးစိတ် ၈၆၄ မျိုး၊ နို့တိုက်သတ္တဝါမျိုးစိတ် ကိုးမျိုး၊ ငှက်မျိုးစိတ် ၁၀ မျိုးနှင့် တွားသွားသတ္တဝါ မျိုးစိတ် ၂၁ မျိုး တို့ကို မှတ်တမ်းတင်ထားနိုင်ခဲ့ကြောင်း၊ ဇီဝမျိုးစုံမျိုးကွဲ ထိန်းသိမ်းရေးအတွက် သဘာဝထိန်းသိမ်းရေး နယ်မြေ ၆၂ ခုကို ဖွဲ့စည်းထားပြီးဖြစ်သည့်အပြင် ယူနက်စကို လူသားနှင့် ဇီဝအဝန်းနယ်မြေနှစ်ခု၊ ရမ်ဆာရေဝပ်ဒေသခုနစ်ခု၊ အာဆီယံအမွေအနှစ် ဥယျာဉ်ရှစ်ခုနှင့် အရှေ့အာရှ - ဩစတြေးလျ ငှက်ပျံသန်းရာလမ်းကြောင်းကွန်ရက် ရှစ်ခုတို့ကို သတ်မှတ်နိုင်ခဲ့ပြီးဖြစ်ကြောင်း ပြောကြားသည်။ ထို့ပြင် ဇီဝမျိုးစုံမျိုးကွဲများကို ကာကွယ်ထိန်းသိမ်းခြင်းကို လက်တွေ့နေ့စဉ်လုပ်ဆောင်ချက်များမှ တစ်ဆင့် ဒေသအဆင့်၊ နိုင်ငံအဆင့် စသည်ဖြင့် ဆောင်ရွက်သွားကြရန်လိုအပ်ကြောင်း၊ ဇီဝမျိုးစုံ မျိုးကွဲများ ဆုံးရှုံးရခြင်း၏ အကြောင်းအရင်းများကို လျှော့ချဆောင်ရွက်ခြင်း မပြုလုပ်ပါက လာမည့် ဆယ်စုနှစ်များအတွင်း မျိုးစိတ်ပေါင်း တစ်သန်းခန့် မျိုးသုဉ်းပျောက်ကွယ်သွားမည် ဖြစ်ပါကြောင်း ပြောကြားသည်။ ဆက်လက်၍ သစ်တောများသည် ဇီဝမျိုးစုံမျိုးကွဲထိန်းသိမ်းခြင်းအတွက် အခြေခံအကျဆုံးဖြစ်သည့် အပြင် ရာသီဥတုပြောင်းလဲမှု တိုက်ဖျက်လျှော့ချရေးအတွက်လည်း အလွန်အရေးပါသဖြင့် သစ်တော ဂေဟစနစ်များ၏ အရင်းအမြစ်ဖြစ်သော သစ်တောကြိုးဝိုင်း၊ ကြိုးပြင်ကာကွယ်တောများနှင့် သဘာဝ ထိန်းသိမ်းရေး နယ်မြေများအား တိုးချဲ့ဖွဲ့စည်းခြင်းဖြင့် ဇီဝမျိုးစုံမျိုးကွဲထိန်းသိမ်းရေးကို အရှိန်အဟုန်ဖြင့် ဆောင်ရွက်သွားရန်လိုအပ်ကြောင်း၊ ဇီဝမျိုးစုံမျိုးကွဲ ထိန်းသိမ်းခြင်းသည် လက်ရှိကာလသာမက အနာဂတ်အတွက် ကတိကဝတ်အဖြစ်သတ်မှတ်၍ အစိုးရ၊ ပုဂ္ဂလိကနှင့် ဒေသခံပြည်သူများပါ ပူးပေါင်းပါဝင်လာစေရန် လိုအပ်ကြောင်း ပြောကြားသည်။ ထို့နောက် အပြည်ပြည်ဆိုင်ရာ ဇီဝမျိုးစုံမျိုးကွဲထိန်းသိမ်းရေးနေ့ အထိမ်းအမှတ် Video clip ကို ပြသပြီး ပြည်ထောင်စုဝန်ကြီးက အပြည်ပြည်ဆိုင်ရာ ဇီဝမျိုးစုံမျိုးကွဲ ထိန်းသိမ်းရေးနေ့ အခမ်းအနားတွင် ခင်းကျင်းပြသထားသော ပိုစတာများကို လှည့်လည်ကြည့်ရှုခဲ့ကြောင်း သိရသည်။ သတင်းစဉ်MDN
Sat, 23-May-2026