ကျောက်ဆည်မြို့၌ စားအုန်းဆီ ၁၀၁၂ ပိဿာအား သတ်မှတ်ရည်ညွှန်းဈေးဖြင့် ရောင်းချပေးလျက်ရှိ
News Image
ကျောက်ဆည် ဖေဖော်ဝါရီ ၁၇
မန္တလေးတိုင်းဒေသကြီး၊ ကျောက်ဆည်ခရိုင် ဆီကုန်သည်နှင့်ဆီလုပ်ငန်းရှင်အသင်းမှ ပြည်သူများ စားသုံးဆီ ဝယ်ယူ သုံးစွဲရာ၌ အထောက်အပံ့ရရှိစေရန်အတွက် စားအုန်းဆီတင်သွင်းသော သတ်မှတ်အရည်အသွေး ပြည့်ဝသည့် Resources Group Trading Co,Ltd မှ စားအုန်းဆီများကိုဝယ်ပြီး အိမ်ထောင်စုတစ်စုလျှင် ဆီဝယ်ယူခွင့်စာအုပ်များ ပြုလုပ်ပေး၍ တစ်ကြိမ်ရောင်းချပေးပါက ၂ ပိဿာနှုန်းဖြင့် အပတ်စဉ် ပြည်သူများအား အလှည့်ကျ ရောင်းချ ပေးလျက်ရှိကြောင်း သိရှိရပြီး ယမန်နေ့က စားအုန်းဆီ ၁၁၁၂ ပိဿာအား သတ်မှတ်ရည်ညွှန်းဈေးဖြင့် ရောင်းချ ပေးခဲ့ကြောင်း သိရသည်။
ထိုသို့ရောင်းချရာ၌ ကျောက်ဆည်ခရိုင်ဆီကုန်သည်နှင့်ဆီလုပ်ငန်းရှင်အသင်းဝင် ဆီအရောင်းဆိုင်များဖြစ်သည့် ဒေါ်သက်သက်မွန်(အနန္တဂုဏ်)၊ ဦးနန်းဦး (နဒီဧရာ)၊ ဒေါ်သဇင်အောင် (နေလသုခ) ဆီအရောင်းဆိုင်များမှ ငှက္ကတောင် ပြည်သူများအား ၁၁၀ ပိဿာ၊ အေးမြကြည်လင်ရပ်ကွက်နှင့် တောင်တော်-စိုင်ပင်သာ-ပိန်းရေ- ထိန်အင်း ကျေးရွာပြည်သူများအား ၆၆၀ ပိဿာ၊ အေးရွာ-သပြေကုန်းကျေးရွာပြည်သူများအား ၃၄၂ ပိသာ စုစုပေါင်း စားအုန်းဆီ ၁၁၁၂ ပိဿာ ရောင်းချပေးခဲ့ပြီး ကျန်ရှိနေသည့် ရပ်ကွက်/ကျေးရွာပြည်သူများအား အလှည့်ကျ ဆက်လက် ရောင်းချပေးသွားမည်ဖြစ်ကြောင်း ကျောက်ဆည်ခရိုင် ဆီကုန်သည်နှင့်ဆီလုပ်ငန်းရှင်များအသင်းမှ သိရသည်။
သက်မောင် (ကျောက်ဆည်)
, 
