အလုံမြို့နယ်၌ အလုပ်တွင်ထိခိုက်သေဆုံးမှုအတွက် ကျန်ရစ်သူအကျိုးခံစားခွင့် ခွင့်ပြုထုတ်ပေး

NoahJune222

News Image

  • အလုံမြို့နယ်၌ အလုပ်တွင်ထိခိုက်သေဆုံးမှုအတွက် ကျန်ရစ်သူအကျိုးခံစားခွင့် ခွင့်ပြုထုတ်ပေး

ရန်ကုန် ဧပြီ  ၂၁

 

အလုပ်သမားဝန်ကြီးဌာန လူမှုဖူလုံရေးအဖွဲ့က ၂၀၁၂ ခုနှစ် လူမှုဖူလုံရေးဥပဒေနှင့်အညီ ကျန်ရစ်သူငွေကြေးအကျိုးခံစားခွင့် ခွင့်ပြုထုတ်ပေးခြင်း အခမ်းအနားကို ယနေ့မွန်းလွဲပိုင်းက ရန်ကုန်တိုင်းဒေသကြီး လူမှုဖူလုံရေးရုံး အစည်းအဝေးခန်းမတွင် ကျင်းပသည်။

 

အခမ်းအနားတွင် ရန်ကုန်တိုင်းဒေသကြီး တာဝန်ခံဒုတိယညွှန်ကြားရေးမှူး ဦးသိန်းနွဲ့ဦးက အလုံမြို့နယ် လူမှုဖူလုံရေးရုံးတွင် အကျုံးဝင် မှတ်ပုံတင်ထားသော Shwe Taung Development Co.,Ltd. အာမခံ အလုပ်သမား ဦးဆန်နီအောင်၏ လုပ်ငန်းခွင်အတွင်း မတော်တဆ ထိခိုက်ခဲ့မှုကြောင့် သေဆုံးခြင်းအတွက် ကျန်ရစ်သူ ငွေလုံးငွေရင်း အကျိုးခံစားခွင့် ငွေကျပ်သိန်း ၉၀ ကို သေဆုံးသူ၏ဇနီး ဖြစ်သူ ဒေါ်ဇင်မာဝင်းထံ ရုံးခွဲတာဝန်ခံ၊ နယ်မြေတာဝန်ခံနှင့် အလုပ်ဌာနမှ တာဝန်ရှိသူများ၏ရှေ့တွင် လက်ဝယ်ပေးအပ်ခဲ့ကြောင်း သိရသည်။

 

ယောဧရာ(ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

နေပြည်တော်၊ ပြည်နယ်နှင့်တိုင်းဒေသကြီးများမှ တရားမဝင်သစ်များ ဖမ်းဆီးရမိ
နေပြည်တော်၊ ပြည်နယ်နှင့်တိုင်းဒေသကြီးများမှ တရားမဝင်သစ်များ ဖမ်းဆီးရမိ
နေပြည်တော် ဧပြီ ၂၁ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန သစ်တောဦးစီးဌာနသည် တရားမဝင်သစ်နှင့် သစ်တောထွက်ပစ္စည်းများ ရှာဖွေ ဖော်ထုတ်ဖမ်းဆီးရေးကို ပြည်သူ ပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှု သတင်းပို့စနစ် (Community Monitoring and Reporting System-CMRS) အပါအဝင် နည်းလမ်းမျိုးစုံဖြင့် အကောင်အထည်ဖော် ဆောင်ရွက် လျက်ရှိရာ ဧပြီ ၆ ရက်မှ ၁၉ ရက် အထိ နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီး ဌာနများမှ ပေးပို့လာသော စာရင်းများအရ တရားမဝင် ကျွန်း ၁၅ ဒသမ ၀၄၃၀ တန်၊ သစ်မာ ၆၁ ဒသမ ၃၄၄၀ တန်၊ အခြား ၁၉၀ ဒသမ ၄၆၇၇ တန် စုစုပေါင်း ၂၆၆ ဒသမ ၈၅၄၇ တန်၊ ယာဉ်/ယန္တရား ငါးစီး၊ ပြစ်မှုကျူးလွန်သူ ၁၆ ဦး ဖမ်းဆီးရမိခဲ့ကြောင်း သစ်တော ဦးစီးဌာနမှ သိရသည်။ သတင်းစဉ်MDN
Wed, 22-Apr-2026
အလုံမြို့နယ်၌ အလုပ်တွင်ထိခိုက်သေဆုံးမှုအတွက် ကျန်ရစ်သူအကျိုးခံစားခွင့် ခွင့်ပြုထုတ်ပေး
အလုံမြို့နယ်၌ အလုပ်တွင်ထိခိုက်သေဆုံးမှုအတွက် ကျန်ရစ်သူအကျိုးခံစားခွင့် ခွင့်ပြုထုတ်ပေး
ရန်ကုန် ဧပြီ  ၂၁ အလုပ်သမားဝန်ကြီးဌာန လူမှုဖူလုံရေးအဖွဲ့က ၂၀၁၂ ခုနှစ် လူမှုဖူလုံရေးဥပဒေနှင့်အညီ ကျန်ရစ်သူငွေကြေးအကျိုးခံစားခွင့် ခွင့်ပြုထုတ်ပေးခြင်း အခမ်းအနားကို ယနေ့မွန်းလွဲပိုင်းက ရန်ကုန်တိုင်းဒေသကြီး လူမှုဖူလုံရေးရုံး အစည်းအဝေးခန်းမတွင် ကျင်းပသည်။ အခမ်းအနားတွင် ရန်ကုန်တိုင်းဒေသကြီး တာဝန်ခံဒုတိယညွှန်ကြားရေးမှူး ဦးသိန်းနွဲ့ဦးက အလုံမြို့နယ် လူမှုဖူလုံရေးရုံးတွင် အကျုံးဝင် မှတ်ပုံတင်ထားသော Shwe Taung Development Co.,Ltd. အာမခံ အလုပ်သမား ဦးဆန်နီအောင်၏ လုပ်ငန်းခွင်အတွင်း မတော်တဆ ထိခိုက်ခဲ့မှုကြောင့် သေဆုံးခြင်းအတွက် ကျန်ရစ်သူ ငွေလုံးငွေရင်း အကျိုးခံစားခွင့် ငွေကျပ်သိန်း ၉၀ ကို သေဆုံးသူ၏ဇနီး ဖြစ်သူ ဒေါ်ဇင်မာဝင်းထံ ရုံးခွဲတာဝန်ခံ၊ နယ်မြေတာဝန်ခံနှင့် အလုပ်ဌာနမှ တာဝန်ရှိသူများ၏ရှေ့တွင် လက်ဝယ်ပေးအပ်ခဲ့ကြောင်း သိရသည်။ ယောဧရာ(ပြန်/ဆက်)MDN
Wed, 22-Apr-2026
နေပြည်တော်ကောင်စီဥက္ကဋ္ဌ ဦးကံမြင့်သန်း တရုတ်ပြည်သူ့သမ္မတနိုင်ငံ ဟေလုံကျန်းပြည်နယ် ပြည်သူ့ကွန်ဂရက် အမြဲတမ်းကော်မတီဥက္ကဋ္ဌနှင့် တရုတ်ကွန်မြူနစ်ပါတီ၏ ဟေလုံကျန်းပြည်နယ်ဆိုင်ရာ ကော်မတီအတွင်းရေးမှူး H.E .Mr. Xu Qin ဦးဆောင်သောကိုယ်စားလှယ်အဖွဲ့အား ညစာဖြင့်တည်ခင်းဧည့်ခံ
နေပြည်တော်ကောင်စီဥက္ကဋ္ဌ ဦးကံမြင့်သန်း တရုတ်ပြည်သူ့သမ္မတနိုင်ငံ ဟေလုံကျန်းပြည်နယ် ပြည်သူ့ကွန်ဂရက် အမြဲတမ်းကော်မတီဥက္ကဋ္ဌနှင့် တရုတ်ကွန်မြူနစ်ပါတီ၏ ဟေလုံကျန်းပြည်နယ်ဆိုင်ရာ ကော်မတီအတွင်းရေးမှူး H.E .Mr. Xu Qin ဦးဆောင်သောကိုယ်စားလှယ်အဖွဲ့အား ညစာဖြင့်တည်ခင်းဧည့်ခံ
နေပြည်တော် ဧပြီ ၂၁နေပြည်တော်ကောင်စီဥက္ကဋ္ဌ ဦးကံမြင့်သန်းသည် တရုတ်ပြည်သူ့သမ္မတနိုင်ငံ ဟေလုံကျန်းပြည်နယ် ပြည်သူ့ကွန်ဂရက် အမြဲတမ်းကော်မတီဥက္ကဋ္ဌနှင့် တရုတ်ကွန်မြူနစ်ပါတီ၏ ဟေလုံကျန်းပြည်နယ်ဆိုင်ရာ ကော်မတီအတွင်းရေးမှူး H.E .Mr. Xu Qin ဦးဆောင်သော ကိုယ်စားလှယ်အဖွဲ့အား ယနေ့ ညပိုင်းတွင် နေပြည်တော်ရှိ Jasmine ဟိုတယ်၌ ညစာဖြင့် တည်ခင်းဧည့်ခံသည်။ ညစာစားပွဲသို့ နိုင်ငံတော်သမ္မတရုံးဝန်ကြီးဌာန ပြည်ထောင်စုဝန်ကြီး ဦးတင်အောင်စန်း၊ နိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော်၊ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး H.E. Mr. Ma Jia ၊ နေပြည်တော် စည်ပင်သာယာရေးကော်မတီ ဒုတိယမြို့တော်ဝန်နှင့် ဌာနဆိုင်ရာ တာဝန်ရှိသူများ၊ ဟေလုံကျန်းပြည်နယ် ကုန်သွယ်ရေး ဦးစီးဌာနမှ တာဝန်ရှိသူများ၊ ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များအသင်းချုပ် ဥက္ကဋ္ဌ၊ မြန်မာ-တရုတ် ရင်းနှီးမြှုပ်နှံမှုနှင့် ကုန်သွယ်မှုမြှင့်တင်ရေးအဖွဲ့ ဥက္ကဋ္ဌနှင့်အဖွဲ့ဝင်များ တက်ရောက်ကြသည်။ ဦးစွာ နေပြည်တော်ကောင်စီဥက္ကဋ္ဌ ဦးကံမြင့်သန်းက နှုတ်ခွန်းဆက်စကားပြောကြားပြီး ဟေလုံကျန်းပြည်နယ် ပြည်သူ့ ကွန်ဂရက် အမြဲတမ်းကော်မတီဥက္ကဋ္ဌနှင့် တရုတ်ကွန်မြူနစ်ပါတီ၏ ဟေလုံကျန်းပြည်နယ်ဆိုင်ရာ ကော်မတီ အတွင်းရေးမှူး H.E . Mr. Xu Qin က ကျေးဇူးတင်စကား ပြန်လည်ပြောကြားသည်။ ထို့နောက် ပြည်ထောင်စုဝန်ကြီး ဦးတင်အောင်စန်းနှင့် နေပြည်တော်ကောင်စီဥက္ကဋ္ဌတို့သည် ဧည့်သည်တော်များနှင့်အတူ ညစာကို ချစ်ကြည်ရင်းနှီးစွာ အတူတကွ သုံးဆောင်ကြပြီး ညစာသုံးဆောင်နေစဉ် ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန၊ အနုပညာဦးစီးဌာနက သာယာငြိမ့်ညောင်းသော ဂီတသံစဉ်များဖြင့် ဖျော်ဖြေကြသည်။ ညစာစားပွဲအပြီးတွင် ပြည်ထောင်စုဝန်ကြီးနှင့် ဟေလုံကျန်းပြည်နယ် ပြည်သူ့ကွန်ဂရက် အမြဲတမ်း ကော်မတီဥက္ကဋ္ဌနှင့် တရုတ်ကွန်မြူနစ်ပါတီ၏ ဟေလုံကျန်းပြည်နယ်ဆိုင်ရာ ကော်မတီအတွင်းရေးမှူးတို့က ဖျော်ဖြေခဲ့ကြသည့် အနုပညာ ဦးစီးဌာနမှ အနုပညာရှင်များအား ဂုဏ်ပြုပန်းခြင်းများပေးအပ်ပြီး အပြန်အလှန် အမှတ်တရလက်ဆောင် ပစ္စည်းများ ပေးအပ်ကြသည်။MDN
Wed, 22-Apr-2026
မိသားစုစိတ်ဓာတ်ဖြင့် မိမိတို့၏ လုပ်ငန်းတာဝန်များအား ညီညီညွတ်ညွတ် လက်တွဲဆောင်ရွက်
မိသားစုစိတ်ဓာတ်ဖြင့် မိမိတို့၏ လုပ်ငန်းတာဝန်များအား ညီညီညွတ်ညွတ် လက်တွဲဆောင်ရွက်
နေပြည်တော် ဧပြီ ၂၁ပြန်ကြားရေးဝန်ကြီးဌာန ပြည်ထောင်စုဝန်ကြီးနှင့် ပုံနှိပ်ရေးနှင့်ထုတ်ဝေရေးဦးစီးဌာနနှင့် သတင်းနှင့်စာနယ်ဇင်းလုပ်ငန်း တို့မှ ဝန်ထမ်းများတွေ့ဆုံပွဲကို ယနေ့နံနက်ပိုင်းတွင် နေပြည်တော် ဇေယျာသီရိမြို့နယ် ခရေပင်လမ်းခွဲရှိ ဘိုးဝဇီရခန်းမ၌ ပြုလုပ်သည်။ တွေ့ဆုံစဉ် ပြည်ထောင်စုဝန်ကြီး ဦးထိန်လင်းက နိုင်ငံတော်သမ္မတနှင့် အစိုးရအဖွဲ့၏မူဝါဒများ၊ မိန့်ခွန်းများ၊ လမ်းညွှန်ချက်များကို ပြည်သူများ အချိန်နှင့်တစ်ပြေးညီသိရှိအောင် ပြန်ကြားပေးရန်၊ အလားတူ ဥပဒေပြုရေးမဏ္ဍိုင်၊ တရားစီရင်ရေးမဏ္ဍိုင်တို့၏ လုပ်ဆောင်မှုများကိုလည်း ပြည်သူများသိရှိအောင် ပြန်ကြားပေးရန်၊ အစိုးရအဖွဲ့သစ်၏ ရက်(၁၀၀)အတွင်း အကောင်အထည်ဖော်ဆောင်ရွက်မှုများကို ပြည်သူများသိရှိအောင် ထုတ်ပြန်ပေးရန်။ မိမိတို့ထမ်းဆောင်ရမည့် လုပ်ငန်းတာဝန်များအား မိသားစုစိတ်ဓာတ်ဖြင့် ညီညီညွတ်ညွတ် လက်တွဲဆောင်ရွက်ကြရန်၊ ကျောင်းသားလူငယ်များ အပါအဝင် ကျေးလက်နေလူငယ်လူရွယ်များ စာဖတ်ချင်လာအောင်၊ စာဖတ်ရှိန်မြင့်မား လာအောင် ကြိုးပမ်းဆောင်ရွက်သွားရန်၊ တစ်ဦးနှင့်တစ်ဦး ချစ်ချစ်ခင်ခင်ဖြင့် ရိုင်းပင်းကူညီဆောင်ရွက်သွားရန်၊ စက်ယန္တရားများ၊ ပစ္စည်းကိရိယာများကိုလည်း မပျက်မစီးအောင် မိမိတို့အတွေ့အကြုံပေါ် မူတည်ပြီး ကြိုတင်မြော်တွေး ကာကွယ်သွားကြရန်နှင့် နွေရာသီရောက်ရှိပြီဖြစ်၍ မီးဘေးအန္တရာယ် ကြိုတင်သတိပြု ဆောင်ရွက်သွားကြရန် မှာကြားသည်။ တွေ့ဆုံပွဲတွင် ဒုတိယဝန်ကြီး ဦးရဲတင့်က ပုံနှိပ် ရေးနှင့် ထုတ်ဝေရေးဦးစီးဌာနနှင့် သတင်းနှင့်စာနယ်ဇင်းလုပ်ငန်းတို့၏ လုပ်ငန်းဆောင်ရွက်နေမှုများနှင့် ပတ်သက်၍ ဖြည့်စွက်ရှင်းလင်းဆွေးနွေးသည်။  ထို့နောက် ပြည်ထောင်စုဝန်ကြီးနှင့် ဒုတိယဝန်ကြီးတို့သည် ကြေးမုံသတင်းစာတိုက်နှင့် မြန်မာ့အလင်းသတင်းစာတိုက် စာတည်းခန်းများ၊ ပုံနှိပ်စက်ခန်းများကို ကြည့်ရှုစစ်ဆေးသည်။ ယင်းနောက် နေပြည်တော်ပုံနှိပ်စက်ရုံသို့ရောက်ရှိပြီး နိုင်ငံတော်အဆင့်ပုံနှိပ်စာအုပ်များ၊ အစိုးရဌာနများမှအပ်နှံသော ပုံနှိပ်စာအုပ်များ၊ ကျောင်းသုံးပုံနှိပ်စာအုပ်များ ခင်းကျင်းပြသထားမှုကို ကြည့်ရှုစစ်ဆေးသည်။ ဆက်လက်၍ စာပြင်ဌာန၊ CTP ဌာန၊ ပလိတ်ကူးခန်း၊ ပုံနှိပ်စက်ခန်းများအတွင်း လုပ်ငန်းဆောင်ရွက်နေမှုများကို ကြည့်ရှုစစ်ဆေးပြီး ဝန်ထမ်းအိမ်ရာများကို လှည့်လည်ကြည့်ရှုစစ်ဆေးခဲ့သည်။သတင်းစဉ် MDN
Wed, 22-Apr-2026
ရန်ကုန်-မန္တလေး-ရန်ကုန် ခရီးစဉ်တွင် အမှတ်(၅)အဆန်/အမှတ်(၆)အစုန် လေအေးပေးစက်ပါ ခေတ်မီ DEMU လူစီးအမြန်ရထား တိုက်ရိုက်စတင်ပြေးဆွဲမည်
ရန်ကုန်-မန္တလေး-ရန်ကုန် ခရီးစဉ်တွင် အမှတ်(၅)အဆန်/အမှတ်(၆)အစုန် လေအေးပေးစက်ပါ ခေတ်မီ DEMU လူစီးအမြန်ရထား တိုက်ရိုက်စတင်ပြေးဆွဲမည်
နေပြည်တော် ဧပြီ ၂၁ နိုင်ငံတော်သမ္မတ၏ လမ်းညွှန်မှာကြားချက်အရ ပို့ဆောင်ရေးဝန်ကြီးဌာန မြန်မာ့မီးရထားသည် ခရီးသွားပြည်သူများ အဆင်ပြေစွာ သွားလာနိုင်ရေးအတွက် ရန်ကုန်-မန္တလေး-ရန်ကုန် ရထားခရီးစဉ်အဖြစ် အမှတ်(၅)အဆန်/ အမှတ်(၆)အစုန် လေအေးပေးစက်ပါ ခေတ်မီ DEMU လူစီးအမြန်ရထားအား မေ ၁ ရက်မှစတင်၍ အောက်ပါအချိန်ဇယား အတိုင်း ပြေးဆွဲပေးသွားမည်ဖြစ်သည်။ရန်ကုန်-မန္တလေး-ရန်ကုန်ခရီးစဉ်တစ်လျှောက် ရပ်တန့်ဘူတာများမှာ တိုးကြောင်ကလေး၊ ပဲခူး၊ ညောင်လေးပင်၊ တောင်ငူ၊ ပျဉ်းမနား၊ နေပြည်တော်၊ ရမည်းသင်း၊ သာစည်၊ ကျောက်ဆည်ဘူတာတို့ ဖြစ်ပြီး လက်မှတ်ခနှုန်းထားမှာ အထက်တန်းငွေကျပ် ၄၈၀၀၀ နှင့် ပထမတန်းငွေကျပ် ၃၄၀၀၀ တို့ဖြစ်သည်။ ရန်ကုန်-နေပြည်တော်-ရန်ကုန်ခရီးစဉ်တစ်လျှောက် အမှတ်(၃၁) အဆန်/ အမှတ်(၃၂) အစုန် လေအေးပေးစက်ပါ ခေတ်မီ DEMU လူစီးအမြန်ရထားအား အောက်ပါအချိန်ဇယားအတိုင်း ပြေးဆွဲပေးသွားမည်ဖြစ်သည်။ လမ်းခရီး၌ တိုးကြောင်ကလေး၊ ပဲခူး၊ ဒိုက်ဦး၊ တောင်ငူ၊ ပျဉ်းမနားဘူတာတို့၌ ရပ်တန့်ပေးသွားမည်ဖြစ်ပြီး လက်မှတ်ခနှုန်းထားမှာ ယခင်အတိုင်းဖြစ်သည်။ရန်ကုန်-နေပြည်တော်-ရန်ကုန် ခရီးစဉ်တစ်လျှောက် အမှတ်(၇)အဆန်/ အမှတ်(၈)အစုန် လေအေးပေး စက်ပါ ခေတ်မီ DEMU လူစီးအမြန်ရထားအား အောက်ပါအချိန်ဇယားအတိုင်း ပြေးဆွဲပေးသွားမည်ဖြစ်သည်။ လမ်းခရီး၌ တိုးကြောင်ကလေး၊ ပဲခူး၊ ဖြူး၊ တောင်ငူ၊ ပျဉ်းမနားဘူတာတို့၌ ရပ်တန့်ပေးသွားမည်ဖြစ်ပြီး လက်မှတ်ခနှုန်းထားမှာ ယခင်အတိုင်းဖြစ်သည်။ ရန်ကုန်-မန္တလေး-ရန်ကုန် ခရီးစဉ်တွင်ပြေးဆွဲမည့် အမှတ်(၅)အဆန်/ အမှတ်(၆)အစုန် DEMU လူစီး အမြန်ရထားများနှင့် ရန်ကုန်-နေပြည်တော်-ရန်ကုန်ခရီးစဉ်တွင် ပြေးဆွဲနေသော အမှတ်(၃၁) အဆန်/အမှတ် (၃၂)အစုန်၊ အမှတ်(၇)အဆန်/ အမှတ်(၈)အစုန် လေအေးပေးစက်ပါ DEMU လူစီးအမြန်ရထားများ၏ ထိုင်ခုံလက်မှတ်များအား online Railways Ticketing and payment (ORTP) System ဖြင့် ဝယ်ယူနိုင်မည်ဖြစ်ကြောင်းနှင့် ရထားစီးနင်းမှု များပြားလာသည်နှင့်အမျှ ရထားစီးခရီးသွားပြည်သူများ အဆင်ပြေစွာ သွားလာနိုင်ရေးအတွက် မြန်မာ့မီးရထားအနေဖြင့် ရထားခရီးစဉ်များတိုးချဲ့ပြေးဆွဲပေးခြင်း၊ ရထားတွဲများ ထပ်မံချိတ်ဆက်ပြေးဆွဲခြင်းများ ဆောင်ရွက်သွားမည်ဖြစ်ကြောင်း သိရသည်။ သတင်းစဉ်MDN 
Wed, 22-Apr-2026
ပြည်ထောင်စုဝန်ကြီး ဦးမြင့်ကြိုင် နိုင်ငံတော်သမ္မတ၏ လမ်းညွှန်ချက်များ ထပ်ဆင့်ရှင်းလင်းခြင်းနှင့် အစိုးရ၏ ရက်(၁၀၀)ကာလအတွင်း ဆက်လက်ဆောင်ရွက်မည့်လုပ်ငန်းများ အောင်မြင်စွာဆောင်ရွက်နိုင်ရေး ညှိနှိုင်း အစည်းအဝေးတက်ရောက်
ပြည်ထောင်စုဝန်ကြီး ဦးမြင့်ကြိုင် နိုင်ငံတော်သမ္မတ၏ လမ်းညွှန်ချက်များ ထပ်ဆင့်ရှင်းလင်းခြင်းနှင့် အစိုးရ၏ ရက်(၁၀၀)ကာလအတွင်း ဆက်လက်ဆောင်ရွက်မည့်လုပ်ငန်းများ အောင်မြင်စွာဆောင်ရွက်နိုင်ရေး ညှိနှိုင်း အစည်းအဝေးတက်ရောက်
နေပြည်တော် ဧပြီ ၂၁နိုင်ငံတော်သမ္မတ၏ လမ်းညွှန်ချက်များ ထပ်ဆင့်ရှင်းလင်းခြင်းနှင့် အစိုးရ၏ ရက်(၁၀၀)ကာလအတွင်း ဆက်လက် ဆောင်ရွက်မည့်လုပ်ငန်းများ အောင်မြင်စွာဆောင်ရွက်နိုင်ရေး ညှိနှိုင်းအစည်းအဝေးကို ယနေ့ မွန်းလွဲပိုင်းက နေပြည်တော်ရှိ အဆိုပါဝန်ကြီးဌာန အစည်းအဝေးခန်းမ၌ ကျင်းပသည်။  အခမ်းအနားသို့ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်၊ ဒုတိယဝန်ကြီး ဦးလင်းဇော်ထွန်းနှင့် ဒေါက်တာခိုင်ခိုင်စိုး၊ အမြဲတမ်းအတွင်းဝန်နှင့် ညွှန်ကြားရေးမှူးချုပ်များ၊ တာဝန်ရှိသူများ တက်ရောက်ကြသည်။ ဦးစွာ ပြည်ထောင်စုဝန်ကြီး ဦးမြင့်ကြိုင်က ပြည်ထောင်စုအစိုးရအဖွဲ့အစည်းအဝေးကို ယမန်နေ့က ကျင်းပခဲ့ပြီး နိုင်ငံတော်သမ္မတက အစိုးရအဖွဲ့အနေဖြင့် ရက်ပေါင်း(၁၀၀)အတွင်း ဆောင်ရွက်မည့်ကိစ္စရပ်များနှင့် ပတ်သက်၍ လမ်းညွှန်ခဲ့ကြောင်း၊ ယင်းအစည်းအဝေးတွင် မိမိတို့ဝန်ကြီးဌာနအနေဖြင့် အသက်(၁၀)နှစ်ပြည့် ကလေးငယ်များအား နိုင်ငံသားစိစစ်ရေးကတ်ပြား ကွင်းဆင်းဆောင်ရွက်ပေးမည့်အခြေအနေ၊ e-IDစနစ်ဖြင့် စာရင်းအချက်အလက်များ ကောက်ယူခြင်းလုပ်ငန်း တိုးမြှင့်ဆောင်ရွက်မည့်အခြေအနေများကို ရှင်းလင်းတင်ပြခဲ့ကြောင်း၊ သဘာဝဘေးအန္တရာယ် နှင့် အကြမ်းဖက်ဖြစ်စဉ်များကြောင့် ရွှေ့ပြောင်းနေထိုင်သူများအနက် နိုင်ငံသားကတ်ပြား ပျက်စီး/ပျောက်ဆုံးသူများ၊ အသက်(၁၈)နှစ်ပြည့်ပြီးသူ နိုင်ငံသားကတ်ပြားလဲလှယ်မည့်သူများကို ဆောင်ရွက်ပေးခြင်းနှင့် ကျောင်းဖွင့်ရာသီဇွန်လမှ ဇူလိုင်လကုန်အထိ အခြေခံပညာကျောင်းများရှိ အသက်(၁၀)နှစ်ပြည့်ပြီးသူ ကျောင်းသား ကျောင်းသူများကို နိုင်ငံသား ကတ်ပြားထုတ်ပေးခြင်းနှင့် e-ID စနစ်ဖြင့် Biometric/ Biographic ကောက်ယူကာ Uinque ID နံပါတ် တစ်ပါတည်း ထုတ်ပေးခြင်းတို့ကို ဆောင်ရွက်သွားမည်ဖြစ်ကြောင်း၊ ယင်းလုပ်ငန်းစဉ် နှစ်ရပ်ကို ယခုရက်(၁၀၀)ကာလအတွင်း ထိရောက် အောင်မြင်စွာဆောင်ရွက်နိုင်ရေးစီမံချက်များ စနစ်တကျ ရေးဆွဲဆောင်ရွက်ကြရမည်ဖြစ်ကြောင်း၊ နိုင်ငံသားများ၏ လူမှုဘဝဆောင်ရွက်မှုတိုင်း၌ မရှိမဖြစ်လိုအပ်သည့် နိုင်ငံသားစိစစ်ရေးကတ်ပြားထုတ်ပေးခြင်းနှင့် e-ID စနစ်ဖြင့် အချက်အလက်ကောက်ယူဆောင်ရွက်ခြင်းသည် ပြည်သူများ၏ လက်ငင်းလိုအပ်ချက်ကို ဖြည့်ဆည်းဆောင်ရွက် ပေးခြင်းဖြစ်သည့်အတွက် အလေးထားဆောင်ရွက်ကြရမည်ဖြစ်ကြောင်း၊ ထို့ပြင် ဝန်ကြီးဌာနမှ ဆောင်ရွက်လျက်ရှိသည့် လူဝင်မှုကြီးကြပ်ရေးလုပ်ငန်းနှင့် ပြည်သူ့အင်အား စာရင်းကောက်ယူထိန်းသိမ်းရေး လုပ်ငန်းစသည့် သမားရိုးကျလုပ်ငန်း များကိုလည်း ရက် (၁၀၀)ကာလအတွင်း နိုင်ငံနှင့် ပြည်သူ့အကျိုးအတွက် လက်ငင်းဦးစားပေး ဆောင်ရွက်ပေးနိုင်မည့် လုပ်ငန်းစဉ်များကို လျင်မြန်ထိရောက်စွာ အကောင်အထည်ဖော် ဆောင်ရွက်ကြရမည်ဖြစ်ကြောင်း၊ ပြည်သူက ရွေးကောက်တင်မြှောက်ထားသည့် အစိုးရဖြစ်သည်နှင့်အညီ ပြည်သူကိုဗဟိုပြု၊ ပြည်သူ့အကျိုးကိုရှေးရှုကာ ဝန်ထမ်းများ၏ ဆောင်ရွက်ချက်တိုင်း၌ ဥပဒေနှင့်အညီ ယဉ်ကျေးပျူငှာစွာဆောင်ရွက်ကြရန် အရေးကြီးကြောင်း၊ ပြည်သူကို ဝန်ဆောင်မှုပေးရသည့် ဌာနဖြစ်သည်နှင့်အညီ နိုင်ငံနှင့်ပြည်သူအတွက် လက်ငင်းအကျိုးဖြစ်ထွန်းစေမည့် ထိရောက်သော ဝန်ဆောင်မှုလုပ်ငန်းများဖြစ်စေရေး ကြိုးပမ်း ဆောင်ရွက်ကြစေလိုကြောင်း ပြောကြားသည်။ ထို့နောက် အမြဲတမ်းအတွင်းဝန်နှင့် ညွှန်ကြားရေးမှူးချုပ်များက လုပ်ငန်းကဏ္ဍအလိုက် အကောင်အထည်ဖော် ဆောင်ရွက်နေမှုနှင့် အစိုးရအဖွဲ့၏ ရက်(၁၀၀)ကာလအတွင်း ဝန်ကြီးဌာနအနေဖြင့် အကောင်အထည်ဖော်ဆောင်ရွက် မည့် လုပ်ငန်းစဉ်များ၊ လုပ်ငန်းလိုအပ်ချက်များကို ရှင်းလင်းတင်ပြ ကြသည်။ ယင်းနောက် ဒုတိယဝန်ကြီး ဦးလင်းဇော်ထွန်းနှင့် ဒေါက်တာခိုင်ခိုင်စိုးတို့က ဖြည့်စွက်ဆွေးနွေးတင်ပြကြရာ ပြည်ထောင်စု ဝန်ကြီးက လိုအပ်သည်များ ဖြည့်ဆည်းဆောင်ရွက်ပေးခဲ့ကြောင်း သိရသည်။သတင်းစဉ် MDN
Wed, 22-Apr-2026
© Copyright 2024 SAC All Rights Reserved.