ကျိုက်လတ်မြို့နယ်၌ နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ကို ကြိုဆိုဂုဏ်ပြုသောအားဖြင့် ဆိုင်းဘုတ်စိုက်ထူခြင်းနှင့် အလှူငွေများ သွားရောက်လှူဒါန်း

NoahJune222

News Image

  • ကျိုက်လတ်မြို့နယ်၌ နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ကို ကြိုဆိုဂုဏ်ပြုသောအားဖြင့် ဆိုင်းဘုတ်စိုက်ထူခြင်းနှင့် အလှူငွေများ သွားရောက်လှူဒါန်း

ကျိုက်လတ် မေ ၃

 

ဧရာဝတီတိုင်းဒေသကြီး ကျိုက်လတ်မြို့နယ် မီးသတ်ဦးစီးဌာနက နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ကို ကြိုဆိုဂုဏ်ပြုသောအားဖြင့် ယနေ့နံနက်ပိုင်းတွင် မြို့နယ်မီးသတ်ဦးစီးဌာနရုံးရှေ့၌ ဆိုင်းဘုတ်စိုက်ထူခြင်းနှင့် နဝကမ္မအလှူငွေများ သွားရောက်လှူဒါန်းသည်။

 

အဆိုပါ နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ကို ကြိုဆိုဂုဏ်ပြုသည့် ဆိုင်းဘုတ်တင်အခမ်းအနားကို မြို့နယ်မီးသတ်ဦးစီးမှူး ဦးနိုင်လင်းနှင့် သန္ဓေတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များက မြို့နယ်မီးသတ်တပ်ဖွဲ့ရုံးရှေ့တွင် စိုက်ထူခဲ့ကြပြီး အမွှေးနံ့သာရည်များ ပက်ဖျန်းပေးကြသည်။ ဆက်လက်၍ မြို့နယ်မီးသတ်ဦးစီးဌာနမှူးနှင့် တပ်ဖွဲ့ဝင်များသည် ညောင်ငူပရိယတ္တိစာသင်တိုက် ဆရာတော်အား ပင့်ဖိတ်၍ ငါးပါးသီလခံယူဆောက်တည်ခြင်း၊ ပရိတ်တရားတော်များ နာယူခြင်းနှင့် နဝကမ္မဝတ္ထုငွေကျပ်တစ်သိန်း၊ ဆန်တစ်အိတ်၊ ကြက်သွန်နီ တစ်အိတ်၊ ဆီ ၁၀ ပိဿာ၊ အချိုမှုန့်နှင့် ဆားတို့ကို သွားရောက်လှူဒါန်းခဲ့ကြကြောင်း သိရသည်။

မြို့နယ်(ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ဗုဒ္ဓသာသနာ အဓွန့်ရှည်တည်တံ့ခိုင်မြဲဖို့အတွက် နိုင်ငံတော်အကြီးအကဲတွေနဲ့ ဆရာတော်ကြီးတွေ ဘယ်လိုဆောင်ရွက်ခဲ့ကြသလဲဆိုတာ နောက်မျိုးဆက်သစ်တွေကို သိစေချင်တာပါ ...
ဗုဒ္ဓသာသနာ အဓွန့်ရှည်တည်တံ့ခိုင်မြဲဖို့အတွက် နိုင်ငံတော်အကြီးအကဲတွေနဲ့ ဆရာတော်ကြီးတွေ ဘယ်လိုဆောင်ရွက်ခဲ့ကြသလဲဆိုတာ နောက်မျိုးဆက်သစ်တွေကို သိစေချင်တာပါ ...
ဒေါက်တာကေသီထွေး (ပါမောက္ခချုပ်၊ အမျိုးသားယဉ်ကျေးမှုနှင့်အနုပညာတက္ကသိုလ်-ရန်ကုန်)ရန်ကုန် မေ ၅ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့်အထိမ်းအမှတ်အထူးပြပွဲကို ရန်ကုန်မြို့ မရမ်းကုန်းမြို့နယ် သီရိမင်္ဂလာကမ္ဘာအေးကုန်းမြေ မဟာပါသာဏလိုဏ်ဂူသိမ်တော်ကြီးအတွင်း၌ မေ ၁၀ ရက်နေ့အထိ နေ့စဉ် နံနက် ၉ နာရီမှ ညနေ ၅ နာရီအထိ ဖွင့်လှစ်ပြသလျက်ရှိရာ လာရောက်လေ့လာသူ ရဟန်းရှင်လူပြည်သူများဖြင့် အထူးစည်ကားလျက်ရှိသည်။ယနေ့တွင် အဆိုပါပြပွဲသို့ အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)မှ ကျောင်းသား ကျောင်းသူများ၊ အပြည်ပြည်ဆိုင်ရာထေရဝါဒဗုဒ္ဓ သာသနာပြုတက္ကသိုလ်မှ ဝန်ထမ်းများ၊ ကမ္ဘော ဒီးယားနိုင်ငံမှ သာသနာပြုအဖွဲ့၊ မင်္ဂလာဒုံလေတပ်စခန်းဌာနချုပ်၊ မှော်ဘီတပ်နယ်၊ တိုက်ကြီးတပ်နယ်တို့မှ တပ်မိသားစုဝင်များနှင့် ရဟန်းရှင်လူပြည်သူများ လာရောက်လေ့လာကြသည်။ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့် အထိမ်းအမှတ်အထူးပြပွဲသို့ လာရောက်လေ့လာကြသူများနှင့် တာဝန်ရှိသူများ၏ စကားသံများကို ဖော်ပြလိုက်ပါသည်-ဦးဇော်ဇော်ဦးဒုတိယပါမောက္ခချုပ်(စီမံ)အပြည်ပြည်ဆိုင်ရာထေရဝါဒဗုဒ္ဓသာသနာပြုတက္ကသိုလ်နိုင်ငံတော်သမ္မတကြီးရဲ့ လမ်းညွှန်ချက်အရ ကျင်းပပြီးစီးခဲ့တဲ့ ဆဋ္ဌသင်္ဂါယနာတင် နှစ်(၇၀)ပြည့်အောင်ပွဲ အထိမ်းအမှတ်အထူးပြပွဲကို မဟာပါသာဏ လိုဏ်ဂူသိမ်တော်ကြီး အတွင်းပတ်လမ်းမှာ ပြခန်းပြကွက်များစွာနဲ့ မေလ ၁၀ ရက်အထိ ပြပွဲကို လာရောက်ကြည့်ရှုနိုင်ဖို့ စီစဉ်ဆောင်ရွက်ထားပါတယ်။ ရန်ကုန်တိုင်းဒေသကြီးအတွင်းမှာရှိတဲ့ ခရိုင်၊ မြို့နယ်အလိုက် ဌာနဆိုင်ရာအဖွဲ့အစည်းတွေ၊ ရဟန်းရှင်လူ၊ ပြည်သူတွေ၊ တက္ကသိုလ်၊ ကောလိပ်၊ အခြေခံပညာ အထက်တန်းကျောင်းတွေက ကျောင်းသား ကျောင်းသူတွေ၊ နောက်မျိုးဆက်သစ်တွေ ဆဋ္ဌသင်္ဂါယနာပွဲကြီးကို ဘယ်လိုဆောင်ရွက်ခဲ့ ကြတယ်ဆိုတာ သိထားစေချင်တဲ့အတွက် ပြခန်းဖွင့်လှစ်ပြသတာ ဖြစ်ပါတယ်။ လွန်ခဲ့တဲ့ နှစ် ၇၀ က ဆောင်ရွက်ခဲ့တဲ့ သမိုင်းဝင်ပြခန်း၊ ပြကွက်တွေဖြစ်ပြီး နောက်မျိုးဆက်သစ်တွေအားလုံးကို သိစေချင်၊ မြင်စေချင်တဲ့အတွက်ကြောင့် အားလုံးလာရောက် ကြည့်ရှုလေ့လာကြဖို့ ဖိတ်ခေါ်ချင်ပါတယ်။ဒေါက်တာကေသီထွေးပါမောက္ခချုပ်အမျိုးသားယဉ်ကျေးမှုနှင့်အနုပညာတက္ကသိုလ် (ရန်ကုန်)မဟာပါသာဏလိုဏ်ဂူကြီးမှာ ကျင်းပနေတဲ့ ဆဋ္ဌသင်္ဂါယနာတင် နှစ်(၇၀)ပြည့်အထိမ်းအမှတ် အထူးပြပွဲပြခန်းတွေမှာ ဉာဏ်စမ်းပဟေဠိပြိုင်ပွဲရဲ့ တွဲဖက်အတွင်းရေးမှူးအဖြစ် တာဝန်ယူဆောင်ရွက်လျက် ရှိပါတယ်။ ပြခန်းတွေအနေနဲ့ ဘုရားအလောင်း ပဋိသန္ဓေယူတဲ့အခန်းကစပြီး ဘုရားပရိနိဗ္ဗာန်စံတော်မူတဲ့အထိ ပြခန်းများ၊ သင်္ဂါယနာ ရဲ့အဓိပ္ပာယ်ကို ဖော်ထုတ်ပြသတဲ့ ပထမသင်္ဂါယနာ၊ ဒုတိယသင်္ဂါယနာ၊ တတိယသင်္ဂါယနာကို အိန္ဒိယနိုင်ငံမှာ ကျင်းပခဲ့ပြီး နှုတ်ထွက်အာဂုံဆောင်တဲ့ခေတ်၊ စတုတ္ထသင်္ဂါယနာကို သီရိလင်္ကာနိုင်ငံမှာ ကျင်းပပြီး ပေထက်အက္ခရာတင်တဲ့ကာလ၊ ပဉ္စမနဲ့ ဆဋ္ဌသင်္ဂါယနာကို မြန်မာနိုင်ငံမှာ ကျင်းပခဲ့တယ်။ ပဉ္စမသင်္ဂါယနာကို မန္တလေးမှာ ကျင်းပခဲ့ပြီး ဆဋ္ဌသင်္ဂါယနာကို အခုမဟာပါသာဏလိုဏ်ဂူမှာ ကျင်းပ ခဲ့ပါတယ်။ နိုင်ငံတော်အကြီးအကဲတွေနဲ့ သံဃရာဇာတွေ ဘယ်လိုဆောင်ရွက်ခဲ့တာကို စနစ်တကျပြသထားတယ်။ သင်္ဂါယနာတင်ဖို့ မဟာပါသာဏလိုဏ်ဂူ တည်ဆောက်ခဲ့ပုံအဆင့်ဆင့်၊ ကျင်းပခဲ့ပုံတွေကို ပြသထားပါတယ်။ ဒီနေ့လေ့လာတဲ့ ကျောင်းသား ကျောင်းသူတွေက အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)က အချိန်ပိုင်းအနုပညာ ဒီပလိုမာကို သင်ယူနေကြတဲ့ ကျောင်းသား ကျောင်းသူတွေ ဖြစ်ပါတယ်။ လေ့လာကြဖို့ခေါ်ယူရတဲ့ ရည်ရွယ်ချက်က ဗုဒ္ဓသာသနာ အဓွန့်ရှည်တည်တံ့ခိုင်မြဲဖို့အတွက် နိုင်ငံတော်အကြီးအကဲတွေနဲ့ ဆရာတော်ကြီးတွေ ဘယ်လိုဆောင်ရွက်ခဲ့ကြသလဲဆိုတာ နောက်မျိုးဆက်သစ်တွေကို သိစေချင်တာပါ။ မရတနာမေရုပ်ရှင်၊ ပြဇာတ်အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)အလွန်စိတ်ဝင်စားစရာကောင်းတဲ့ ပန်းချီကားတွေ၊ ရှေးဟောင်းအနုပညာလက်ရာတွေကို ဒီပြခန်းတွေမှာ တွေ့ရပါတယ်။ ဆရာတော်ကြီးတွေရဲ့ ဆဋ္ဌသင်္ဂါယနာတင်ခဲ့ပုံအဆင့်ဆင့်ကိုလည်း သိရပါတယ်။ ဆရာတော်ကြီးတွေရဲ့ ဗုဒ္ဓဘာသာသာသနာ အဓွန့်ရှည်ရေးအတွက် သာသနာကို စောင့်ရှောက်ထိန်းသိမ်း ခဲ့ပုံတွေ၊ ယဉ်ကျေးမှုအမွေအနှစ်တွေကိုလည်း ထိန်းသိမ်းထားပုံကိုလည်း သိခဲ့ရပါတယ်။မအိမ့်သက်မှူးခင်ပန်းချီအမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)ဒီမှာမြင်ရတဲ့ ဗုဒ္ဓဝင်ပန်းချီကားတွေနဲ့ပတ်သက်ပြီး အသိပညာဗဟုသုတတွေ များစွာရရှိခဲ့ပါတယ်။ ဒီပြခန်းကိုကြည့်ရှုနိုင်ဖို့ ဆောင်ရွက်ပေးခဲ့တဲ့ ဆရာ ဆရာမများနဲ့ သက်ဆိုင်ရာဝန်ကြီးဌာနက တာဝန်ရှိသူတွေကို ကျေးဇူးတင်ပါတယ်။ ဒီပြခန်းကနေ ဗုဒ္ဓဘာသာ သာသနာအတွက် ရှေးအဆက်ဆက် ဆရာတော်ကြီးတွေ ထိန်းသိမ်းစောင့်ရှောက်ခဲ့ပုံကို သိခဲ့ရပါတယ်။မောင်မြင့်သိန်း(ဂီတ)အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)ပထမသင်္ဂါယနာမှ ဆဋ္ဌသင်္ဂါယနာအထိ အဆင့် ဆင့်တင်ခဲ့ပုံတွေ၊ အကြောင်းအရာတွေ၊ ဘာကြောင့် တင်ခဲ့ရတယ်ဆိုတဲ့ ဗဟုသုတတွေနဲ့ ဆဋ္ဌသင်္ဂါယနာ တင်တဲ့အတွက်ကြောင့် ကျွန်တော်တို့သာသနာတော်ကြီးက အဓွန့်ရှည်တည်တံ့မယ်၊ ကမ္ဘာအနှံ့ကို ပျံ့နှံ့မယ်၊ သာသနာတော်ကြီးလည်း အရှည်တည်တံ့ ခိုင်မြဲမယ်လို့ ယုံကြည်ပါတယ်။ ဒီလိုလေ့လာရတဲ့ အတွက်ကြောင့် ဒီသာသနာတော်ကြီးကို လူငယ်တွေအနေနဲ့ ဆက်လက်ထိန်းသိမ်းရမယ်၊ နောက်ထပ်လူငယ်တွေကို မျှဝေရမယ်လို့ သိရှိရပါတယ်။မောင်ချမ်းအေးဇော်ပန်းပုအမျိုးသားယဉ်ကျေးမှုနှင့်အနုပညာတက္ကသိုလ် (ရန်ကုန်)သံဃာတွေစုပေါင်းပြီး မြတ်ဗုဒ္ဓရဲ့တရားတော် တွေကို မပျောက်ကွယ်စေဖို့အတွက် ပထမကနေ ဆဋ္ဌသင်္ဂါယနာအထိ သေသေချာချာ စုပေါင်းပြီး မှတ်တမ်းတင်ထားတာကို တွေ့ရတယ်။ နောက် မျိုးဆက်သစ်တွေအတွက် လက်ဆင့်ကမ်းနိုင်အောင် နှုတ်ရွတ်ကနေ စပြီး နောက်ပိုင်းပုံနှိပ်အထိ ပုံနှိပ် ပစ္စည်းတွေ၊ နည်းပညာဆိုင်ရာတွေနဲ့ ဗုဒ္ဓသာသနာ ပြန့်ပွားဖို့အတွက် မှတ်တမ်းတွေကို ထိန်းသိမ်းထား တာတွေ့ရပါတယ်။ ဒီလို လေ့လာဖို့အတွက် စီစဉ် ပေးတဲ့တာဝန်ရှိသူတွေကို ကျေးဇူးတင်ပါတယ်။ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့် အထိမ်းအမှတ်အထူးပြပွဲတွင် လာရောက်ကြည့်ရှု လေ့လာကြသည့် ရဟန်းရှင်လူပြည်သူများအနေဖြင့် ပြခန်းများတွင် ပြသထားသည့် ပြကွက်များကို ကြည့်ရှုလေ့လာပြီး ဉာဏ်စမ်းပဟေဠိပြိုင်ပွဲတွင် ဝင်ရောက်ဖြေဆိုနိုင်ကြောင်း သိရသည်။moi
Wed, 6-May-2026
ပြည်ထောင်စုဝန်ကြီး ဒေါက်တာသက်ခိုင်ဝင်း မြန်မာနိုင်ငံဆိုင်ရာ ပါကစ္စတန်သံအမတ်ကြီး H.E. Mr. Tariq Karim အား လက်ခံတွေ့ဆုံ
ပြည်ထောင်စုဝန်ကြီး ဒေါက်တာသက်ခိုင်ဝင်း မြန်မာနိုင်ငံဆိုင်ရာ ပါကစ္စတန်သံအမတ်ကြီး H.E. Mr. Tariq Karim အား လက်ခံတွေ့ဆုံ
နေပြည်တော် မေ ၅ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်းသည် မြန်မာနိုင်ငံဆိုင်ရာ ပါကစ္စတန်နိုင်ငံသံအမတ်ကြီး H.E. Mr. Tariq Karim အား ယနေ့မွန်းလွဲပိုင်းတွင် နေပြည်တော်ရှိ ကျန်းမာရေးဝန်ကြီးဌာန၌ လက်ခံတွေ့ဆုံသည်။အမြင်ချင်းဖလှယ်ဆွေးနွေးတွေ့ဆုံစဉ် နှစ်နိုင်ငံအကြား ကျန်းမာရေးကဏ္ဍ ပူးပေါင်းဆောင်ရွက်မှုတိုးမြှင့်ရေး၊ ဆေးပညာရှင်များ အပြန်အလှန်စေလွှတ်၍ အတွေ့အကြုံဖလှယ်ရေး၊ ဆေးဘက်ဆိုင်ရာ သုတေသနလုပ်ငန်းများ ပူးပေါင်း ဆောင်ရွက်ရေး၊ နှစ်နိုင်ငံဆေးတက္ကသိုလ်များအကြား ပညာရပ်ဆိုင်ရာ ပူးပေါင်းဆောင်ရွက်ရေး၊ ပါကစ္စတန်နိုင်ငံမှ ဆေးဝါးနှင့်ခွဲစိတ်ခန်းသုံးပစ္စည်းများ တင်သွင်း လျက်ရှိသည့်ကိစ္စရပ်များနှင့် မြန်မာနိုင်ငံတွင် ဆေးဝါးစက်ရုံများတည်ဆောက်၍ ရင်းနှီးမြှုပ်နှံနိုင်ရေးဆိုင်ရာ ကိစ္စရပ်များကို ချစ်ကြည်ရင်းနှီးစွာ အမြင်ချင်းဖလှယ် ဆွေးနွေးခဲ့ကြသည်။တွေ့ဆုံပွဲသို့ ကျန်းမာရေးဝန်ကြီးဌာန ဒုတိယဝန်ကြီးနှင့် ညွှန်ကြားရေးမှူးချုပ်များ၊ ပါကစ္စတန်နိုင်ငံသံရုံးမှ ကိုယ်စားလှယ်များ တက်ရောက်ခဲ့ကြောင်း သိရသည်။moi
Wed, 6-May-2026
ဒုတိယသမ္မတ ဦးညိုစော နှစ်(၈၀)ပြည့် မြန်မာနိုင်ငံ မီးသတ်တပ်ဖွဲ့နေ့အခမ်းအနားသို့ တက်ရောက်အမှာစကားပြောကြား
ဒုတိယသမ္မတ ဦးညိုစော နှစ်(၈၀)ပြည့် မြန်မာနိုင်ငံ မီးသတ်တပ်ဖွဲ့နေ့အခမ်းအနားသို့ တက်ရောက်အမှာစကားပြောကြား
နေပြည်တော် မေ ၅နှစ်(၈၀)ပြည့် မြန်မာနိုင်ငံ မီးသတ်တပ်ဖွဲ့နေ့အခမ်းအနားကို ယနေ့နံနက်ပိုင်းတွင် နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန - ၁ (MICC – I)၌ ကျင်းပရာ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဦးညိုစော တက်ရောက်အမှာစကားပြောကြားသည်။အခမ်းအနားသို့ ပြည်ထောင်စုဝန်ကြီးများနှင့် အဆင့်တူပုဂ္ဂိုလ်များ၊ ဒုတိယဝန်ကြီးများ၊ မြန်မာနိုင်ငံ စစ်မှုထမ်းဟောင်းအဖွဲ့ဥက္ကဋ္ဌနှင့် တာဝန်ရှိသူများ၊ တပ်မတော်အရာရှိကြီးများ၊ ဌာနဆိုင်ရာအကြီးအကဲများ၊ မြန်မာနိုင်ငံမီးသတ်တပ်ဖွဲ့ဌာနချုပ်မှအရာရှိများနှင့် တပ်ဖွဲ့ဝင်များ၊ အငြိမ်းစားမီးသတ်တပ်ဖွဲ့ဝင် အရာရှိကြီးများ၊ လူမှုရေးအသင်းအဖွဲ့များမှ တာဝန်ရှိသူများ၊ တိုင်းဒေသကြီးနှင့် ပြည်နယ်အသီးသီးမှ သန္ဓေ၊ အရန်၊ သီးသန့်မီးသတ်တပ်ဖွဲ့ဝင်များ၏ ကိုယ်စားလှယ်များ၊ ထူးချွန်ဆုရရှိကြသည့် မီးသတ်တပ်ဖွဲ့ဝင်များနှင့် ဖိတ်ကြားထားသူများ တက်ရောက် ကြသည်။ဦးစွာ ဒုတိယသမ္မတ ဦးညိုစောက အမှာစကားပြောကြားရာတွင် ယနေ့သည် တိုင်းရင်းသားမိဘ ပြည်သူများ၏ အသက်အိုးအိမ်ဥစ္စာပစ္စည်းများကို မီးဘေးအန္တရာယ်နှင့် အခြားသော ဘေးအန္တရာယ်အသွယ်သွယ်မှ ခေတ်အဆက်ဆက် ကာကွယ်​စောင့်ရှောက်ခဲ့ပြီး သမိုင်းဂုဏ်ဒြပ် အစဉ်အလာကြီးမားစွာဖြင့် ရပ်တည်လာခဲ့သည့် မြန်မာနိုင်ငံမီးသတ်တပ်ဖွဲ့၏ နှစ်(၈၀)ပြည့် မီးသတ်တပ်ဖွဲ့နေ့ နေ့ထူးနေ့မြတ် အခါသမယဖြစ်ကြောင်း၊ နိုင်ငံတော်တွင် ဘေးအန္တရာယ်များနှင့် ရင်ဆိုင်ကြုံတွေ့ရသည့် အချိန်တိုင်းတွင် မီးသတ်တပ်ဖွဲ့အနေဖြင့် မီးဘေးကာကွယ်ရေးသာမက ကူညီကယ်ဆယ်ရေးနှင့် ပြန်လည်ထူထောင်ရေးလုပ်ငန်းများကိုပါ သက်စွန့်ကြိုးပမ်း အစွမ်းကုန်အားထုတ်ဆောင်ရွက်ခဲ့ကြသည်ကို အသိအမှတ်ပြု မှတ်တမ်းတင်ဂုဏ်ပြုပါကြောင်း။မီးသတ်တပ်ဖွဲ့သည် ပြည်ထဲရေးဝန်ကြီးဌာန၏ ဦးဆောင်လမ်းညွှန်မှုများနှင့်အညီ ရည်မှန်းချက်တာဝန်ကြီး(၄)ရပ်ကို ချမှတ်ဆောင်ရွက်လျက်ရှိပြီး မီးသတ်လုပ်ငန်းတာဝန်ဆိုသည်မှာ အချိန် နှင့်တစ်ပြေးညီ အရေးပေါ်ချက်ချင်း တုံ့ပြန်ဖြေရှင်းဆောင်ရွက်ရသည့် လုပ်ငန်းဖြစ်ကြောင်း၊ ယနေ့ ခေတ် မီးသတ်တပ်ဖွဲ့သည် မီးငြှိမ်းသတ်ရေးလုပ်ငန်းတစ်ခု တည်းသာမက ရှာဖွေကယ်ဆယ် ရေးလုပ်ငန်းအပြင် သဘာဝဘေးအန္တရာယ် စီမံခန့်ခွဲမှုလုပ်ငန်းနှင့် အ ရေးပေါ်ဆေးအကာအကွယ်ပေး ခြင်းလုပ်ငန်းစသည့် ပြည်သူ့ဝန်ဆောင်မှု လုပ်ငန်းများကို ချက်ချင်းတုံ့ပြန်ဆောင်ရွက်ရခြင်း ဖြစ်ကြောင်း၊ သို့ဖြစ်၍ မီးသတ် တပ်ဖွဲ့က ဆောင်ရွက်ရသည့် လုပ်ငန်းများသည် မိမိတို့ကိုယ်တိုင် လုပ်ကိုင်ဆောင်ရွက်နေရုံမျှနှင့် ပြီးပြည့်စုံသည်မရှိဘဲ ပြည်သူလူထုပူးပေါင်းပါဝင်မှသာ ပိုမိုခိုင်မာအားကောင်းနိုင်မည် ဖြစ် ကြောင်း။သဘာဝဘေးအန္တရာယ်ဖြစ်စဉ်များနှင့်ပတ်သက်ပြီး သဘာဝဘေးကျရောက်သည့် ဒေသများတွင် နိုင်ငံတော်အစိုးရ၏ စီမံခန့်ခွဲမှုနှင့် မီးသတ်တပ်ဖွဲ့ဝင်များသည် တပ်မတော်၊ မြန်မာနိုင်ငံရဲတပ်ဖွဲ့၊ အခြားသော ဌာနဆိုင်ရာများ၊ လူမှုရေးအသင်းအဖွဲ့များနှင့်အတူ တွေ့ကြုံခဲ့ရသည့် ဘေးအန္တရာယ်တိုင်းတွင် ထိရောက်လျင်မြန်စွာ အကောင်းဆုံး ပူးပေါင်းချိတ်ဆက် ဆောင်ရွက်နိုင်ခဲ့ကြောင်း၊ မန္တလေး ငလျင်ဖြစ်စဉ်အပေါ် သင်ခန်းစာ ဖော်ထုတ်ပြီး နိုင်ငံတကာနည်းတူ မြို့ပြရှာဖွေကယ်ဆယ်ရေးအဖွဲ့ (Urban Search Rescue) Medium Team အဆင့် အဖွဲ့ (၂)ဖွဲ့ကိုလည်း ဖွဲ့စည်းနိုင်ရေး နိုင်ငံတော်က ခွင့်ပြုပေးထားပြီး ဖြစ်ကြောင်း၊ မီးသတ်တပ်ဖွဲ့ဝင်များ၏ လုပ်ငန်းစွမ်းဆောင်ရည် တိုးတက်မြင့်မား စေရေးစဉ်ဆက်မပြတ် လေ့ကျင့်ပြင်ဆင်ဆောင်ရွက်သွားကြရမည် ဖြစ်ကြောင်း၊ နိုင်ငံတကာစွမ်းရည် ပြိုင်ပွဲများ၌ မီးသတ်တပ်ဖွဲ့ဝင် များအနေဖြင့် ဆုတံဆိပ်များရယူပြီး နိုင်ငံ့ဂုဏ်ဆောင်နိုင်ခဲ့ခြင်း အပေါ်၌လည်း များစွာကျေနပ်အားရမိပါကြောင်းနှင့် ထိုကဲ့သို့ အစဉ်အလာကောင်းများကို ဆက်လက်ထိန်းသိမ်းသွားကြရန် အလေးအနက်ထား တိုက်တွန်းမှာကြားလိုကြောင်း။အနာဂတ်မီးသတ်တပ်ဖွဲ့သည် ပိုမိုခိုင်မာအားကောင်းသည့် ဖွဲ့စည်းပုံ၊ ပိုမိုမြင့်မားသည့် စွမ်းဆောင်ရည်များနှင့် နိုင်ငံတကာကို ရင်ပေါင်တန်းနိုင်သည့် အဖွဲ့အစည်းတစ်ရပ်အဖြစ် ဆက်လက် ရပ်တည်နိုင်ရန် လိုအပ်ကြောင်း၊ ထို့ကြောင့် မီးသတ်တပ်ဖွဲ့ဝင် အားလုံးသည် စည်းကမ်းတကျနှင့် လေ့ကျင့်မှုမပျက်စေဘဲ တစ်ဦးချင်းကိုယ်ရည်ကိုယ်သွေး တိုးတက်စေရန် ကြိုးပမ်းကြရမည်ဖြစ်သကဲ့သို့ ပြည်သူ့ဝန်ထမ်းကောင်းများအဖြစ် တာဝန်သိစိတ် မြင့်မားစွာ ဆက်လက်ကြိုးပမ်းဆောင်ရွက် ကြရမည်ဖြစ်ကြောင်း၊ မိမိတို့အသက်နှင့် ခန္ဓာကိုယ်ကို အရင်းတည်ပြီး ကူညီကယ်တင်ဆောင် ရွက်ရခြင်းကြောင့် ခေတ်အဆက်ဆက် တာဝန်ထမ်းဆောင်ရင်း စွန့်လွှတ်စွန့်စားသွားကြသည့် မီးသတ်တပ်ဖွဲ့ဝင်များ၏ ဂုဏ်ဒြပ်ကို လေးစားဂုဏ်ယူပြီး ပြည်သူများ၏ အသက်အိုးအိမ်စည်းစိမ်ကို စောင့်ရှောက်ကာကွယ်နိုင်သည့် ပြည်သူအားကိုးရသော တပ်ဖွဲ့ကြီးအဖြစ် နောင်နှစ်ပေါင်းများစွာ အဓွန့်ရှည်ကြာအောင် ကြိုးစားတည်ဆောက်သွားကြရန် လို ကြောင်း ပြောကြားသည်။ထို့နောက် ဒုတိယသမ္မတ ဦးညိုစောက “မီးသတိပြု” ဂန္ထဝင်တေးသီချင်းသီဆိုသူ နိုင်ငံကျော် တေးသံရှင်ဦးထွန်းရွှေ၊ မီးသတ်လုပ်ငန်းများတွင် အသက် ၉၀ နှစ် နှင့်အထက်သန္ဓေ၊ အရန်မီးသတ်တပ်ဖွဲ့ဝင် ဝန်ထမ်းဟောင်းများ ဖြစ်ကြသည့် မီးသတ်တပ်ကြပ်ကြီး ဦးထွန်းကြည်နှင့် ဦးသောင်းမြင့်၊ အရန်ဒုတိယတပ်ရင်းမှူး(ငြိမ်း) ဦးချစ်လှိုင်နှင့် ဒုတိယမီးသတ် ဦးစီးမှူး(ငြိမ်း) ဦးတင်ညွန့်တို့ကို ဂုဏ်ပြုဆုများ ပေးအပ်ချီးမြှင့်သည်။ယင်းနောက် ဒုတိယသမ္မတ ဦးညိုစောထံသို့ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ညွန့်ဝင်းဆွေက နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ အထိမ်းအမှတ် ဂါရဝပြုအမှတ်တရလက်ဆောင်ပေးအပ်သည်။ဆက်လက်၍ ပြည်ထဲရေးဝန်ကြီးဌာန ပြည်ထောင်စုဝန်ကြီးက စွမ်းရည်သတ္တိဆိုင်ရာ ရဲဗလတံဆိပ်ရရှိကြသူများကို ဂုဏ်ပြုဆုများပေးအပ်ချီးမြှင့်သည်။ထို့နောက် ဒုတိယသမ္မတ ဦးညိုစောသည် အခမ်းအနားသို့ တက်ရောက်လာကြသူများနှင့်အတူ နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့အထိမ်းအမှတ် မှတ်တမ်း Video Clip ကို ကြည့်ရှုအားပေးကြပြီး စုပေါင်းမှတ်တမ်း တင်ဓာတ်ပုံရိုက်၍ ခန်းမအတွင်း ခင်းကျင်းပြသထားသည့် တိုင်း ဒေသကြီးနှင့် ပြည်နယ်များမှ မှတ်တမ်းဓာတ်ပုံများ၊ ရှေးဟောင်း သမိုင်းဝင် မီးသတ်ပစ္စည်းများ ကိရိယာပြခန်းများ၊ အဆင့်မြင့်အရေးပေါ်တုံ့ပြန်မှု ဆက်သွယ်ရေး စနစ်များ၊ ခေတ်မီ မီးငြှိမ်းသတ်ရေးနှင့် ရှာဖွေကယ်ဆယ်ရေး လုပ်ငန်းသုံးပစ္စည်းကိရိယာ ပြခန်းများနှင့် ခန်းမအရှေ့တွင် ခင်းကျင်းပြသထားသည့် ခေတ်အဆက်ဆက် မီးသတ်ယာဉ်များ၊ စက်များနှင့် ရှာဖွေရေးခွေး (Search Dog) သရုပ်ပြမှုတို့အား လိုက်လံကြည့်ရှုအားပေးကြသည်။moi
Wed, 6-May-2026
ပြည်ထောင်စုဝန်ကြီး ဦးအောင်ကျော်ဟိုး အမျိုးသားမှတ်တမ်းများ မော်ကွန်းတိုက်ဦးစီးဌာန၏လုပ်ငန်းများ ကြည့်ရှုစစ်ဆေး
ပြည်ထောင်စုဝန်ကြီး ဦးအောင်ကျော်ဟိုး အမျိုးသားမှတ်တမ်းများ မော်ကွန်းတိုက်ဦးစီးဌာန၏လုပ်ငန်းများ ကြည့်ရှုစစ်ဆေး
နေပြည်တော် မေ ၅အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးသည် ဒုတိယဝန်ကြီးများ၊ အမြဲတမ်းအတွင်းဝန်၊ တာဝန်ရှိသူများနှင့်အတူ ယနေ့မွန်းလွဲပိုင်းတွင် အမျိုးသားမှတ်တမ်းများ မော်ကွန်းတိုက်ဦးစီးဌာန၏ လုပ်ငန်းဆောင်ရွက်မှုအခြေအနေကို ကြည့်ရှုစစ်ဆေးသည်။ဦးစွာ အမျိုးသားမှတ်တမ်းများ မော်ကွန်းတိုက်ဦးစီးဌာန ညွှန်ကြားရေးမှူးချုပ်က အမျိုးသားမှတ်တမ်းများ မော်ကွန်းတိုက်ဦးစီးဌာန၏ လုပ်ငန်းများကို ရှင်းလင်းတင်ပြသည်။ထို့နောက် ပြည်ထောင်စုဝန်ကြီးသည် တာဝန်ရှိသူများနှင့်အတူ အမျိုးသားမှတ်တမ်းများ မော်ကွန်းတိုက်ဦးစီးဌာန၏ မှတ်တမ်းနှင့် မော်ကွန်းစာမျက်နှာပေါင်း နှစ်သိန်းအား Digitization ပြုလုပ်ဆောင်ရွက်မှုအခြေအနေကို လည်းကောင်း၊ ဝန်ကြီးဌာနများမှ ဝန်ထမ်းများအား မှတ်တမ်းနှင့် မော်ကွန်းစီမံခန့်ခွဲမှုအခြေခံသင်တန်းဖွင့်လှစ်ရန် စီစဉ်ဆောင်ရွက်မှုအခြေအနေကို လည်းကောင်း၊ ဝန်ကြီးဌာနများမှ မှတ်တမ်းများ ကွင်းဆင်းရယူရေးနှင့် မှတ်တမ်းသိမ်းဆည်းထားရှိနိုင်မည့် အခြေအနေကိုလည်းကောင်း ကြည့်ရှုစစ်ဆေးပြီး လိုအပ်သည်များ မှာကြားသည်။ယင်းနောက် အမျိုးသားမှတ်တမ်းများ မော်ကွန်းတိုက်ဦးစီးဌာနတွင် ပြသထားသည့် မော်ကွန်းပြခန်း၊ Non-Paper Record Room ၊ ရည်ညွှန်းစာဖတ်ခန်း၊ မော်ကွန်းသိမ်းဆည်းခန်းများ၊ မှတ်တမ်းသိမ်းဆည်းခန်းများ၊ မော်ကွန်းပြုပြင် ထိန်းသိမ်းခြင်းလုပ်ငန်းများဖြစ်သည့် Conservation နှင့် Digitization အခန်းများကို လိုက်လံကြည့်ရှုခဲ့ကြောင်း သိရသည်။moi
Wed, 6-May-2026
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ၂၀၂၅-၂၀၂၆ ပညာသင်နှစ် လူရည်ချွန်မောင်မယ်များအား တွေ့ဆုံဩဝါဒအမှာစကားပြောကြား
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ၂၀၂၅-၂၀၂၆ ပညာသင်နှစ် လူရည်ချွန်မောင်မယ်များအား တွေ့ဆုံဩဝါဒအမှာစကားပြောကြား
နေပြည်တော် မေ ၅၂၀၂၅-၂၀၂၆ ပညာသင်နှစ် လူရည်ချွန်မောင်မယ်များ ပြည်ထောင်စုသမ္မတမြန်မာနိုင်ငံတော် နိုင်ငံတော် သမ္မတထံမှ ဩဝါဒခံယူပွဲအခမ်းအနားကို ယနေ့နံနက်ပိုင်းတွင် နေပြည်တော်ရှိ Naypyitaw State Academy ၌ ကျင်းပပြုလုပ်ရာ နိုင်ငံတော်သမ္မတ ဦးမင်းအောင်လှိုင် တက်ရောက်၍ ဩဝါဒအမှာစကား ပြောကြားသည်။အခမ်းအနားသို့ ဒုတိယသမ္မတ ဒေါ်နန်းနီနီအေး၊ ပြည်သူ့လွှတ်တော်ဥက္ကဋ္ဌ ဦးခင်ရီ၊ အမျိုးသားလွှတ်တော်ဥက္ကဋ္ဌ ဦးအောင်လင်းဒွေး၊ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီးရဲဝင်းဦး၊ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဗိုလ်ချုပ်ကြီး ကျော်စွာလင်း၊ ပြည်ထောင်စုဝန်ကြီးများနှင့် ပြည်ထောင်စုအဆင့်ပုဂ္ဂိုလ်များ၊ နေပြည်တော်ကောင်စီဥက္ကဋ္ဌ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ဒုတိယဝန်ကြီးများ၊ နေပြည်တော်တိုင်းစစ်ဌာနချုပ်တိုင်းမှူး၊ ဒုတိယဝန်ကြီးများ၊ ပညာရေးဝန်ကြီးဌာနမှ တာဝန်ရှိသူများ၊ အခြေခံပညာကျောင်းများမှ ဆရာ ဆရာမများနှင့် ၂၀၂၅-၂၀၂၆ ပညာသင်နှစ် လူရည်ချွန်မောင်မယ်များ၊ ရေကြောင်းလူငယ်နှင့် လေကြောင်းလူငယ်များ တက်ရောက်ကြသည်။ဦးစွာ နိုင်ငံတော်သမ္မတသည် အခမ်းအနားကျင်းပပြုလုပ်မည့် Naypyitaw State Academy သို့ ရောက်ရှိရာ တာဝန်ရှိသူများနှင့် လူရည်ချွန်မောင်မယ်များ၊ ရေကြောင်းလူငယ်နှင့် လေကြောင်း လူငယ်မောင်မယ်များက လှိုက်လှဲနွေးထွေးစွာကြိုဆို နှုတ်ဆက်ကြသည်။စက်ခလုတ်နှိပ် ဖွင့်လှစ်ပေးထို့နောက် နိုင်ငံတော်သမ္မတက “နိုင်ငံတော်သစ်၏ စွမ်းအားရှင်များ” အစီအစဉ်ကို စက်ခလုတ်နှိပ် ဖွင့်လှစ်ပေးသည်။ယင်းနောက် နိုင်ငံတော်သမ္မတနှင့် အခမ်းအနားတက်ရောက်လာကြသူများသည် ၂၀၂၅-၂၀၂၆ ပညာသင်နှစ် လူရည်ချွန်မောင်မယ်များ ဩဝါဒခံယူပွဲအခမ်းအနားတွင် ဝန်ကြီးဌာနများအလိုက် ပြသထားသည့် ပြခန်းများအား စိတ်ပါဝင်စားစွာဖြင့် လှည့်လည်ကြည့်ရှုကြသည်။ဆက်လက်၍ အခမ်းအနားဒုတိယပိုင်းကို ကျင်းပပြုလုပ်ရာ နိုင်ငံတော်သမ္မတနှင့် အခမ်းအနား တက်ရောက်လာကြသူများသည် ပြည်ထောင်စုသမ္မတမြန်မာနိုင်ငံတော်အလံအား အလေးပြုကြသည်။ထို့နောက် ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန၊ အနုပညာဦးစီးဌာနမှ အနုပညာရှင်ဝန်ထမ်းများက “ထာဝရပညာ” တေးသီချင်းဖြင့် သီဆိုကပြဖျော်ဖြေကြသည်။ယင်းနောက် နိုင်ငံတော်သမ္မတနှင့် အခမ်းအနားတက်ရောက်လာကြသူများသည် “လူရည်ချွန် မောင်မယ်များမှသည် ဖွံ့ဖြိုးတိုးတက်သော အနာဂတ်နိုင်ငံတော်ဆီသို့” Video Clip အား ကြည့်ရှုကြသည်။ဆက်လက်၍ နိုင်ငံတော်သမ္မတက ဩဝါဒအမှာ စကားပြောကြားရာတွင် ဒီမိုကရေစီနိုင်ငံတော်သစ်ကို စတင်လျှောက်လှမ်းသည့် အချိန်ကာလတွင် နိုင်ငံတော်ကအားထားရသည့် လူရည်ချွန်မောင်မယ်များနှင့်တွေ့ဆုံပြီး အမှာစကား ပြောကြားရသည့်အတွက် ဝမ်းသာဂုဏ်ယူမိကြောင်း၊ နိုင်ငံတော်သစ်တည်ဆောက်သည့်အခါတွင် မောင်တို့မယ်တို့ကဲ့သို့ လူတော်လူကောင်း၊ လူရည်ချွန်လူရည်မွန်များ၏ စွမ်းအားနှင့် ပူးပေါင်းပါဝင်မှုသည် အထူးအရေးကြီးသည့်အတွက် လိုအပ်သည်များမှာကြားလိုကြောင်း။ပင်ကိုစွမ်းရည်မြင့်မားသူများဖြစ်“လူရည်ချွန်” ဆိုသည်မှာ ထူးချွန်ထက်မြက်သူ၊ အသိဉာဏ်ပညာပြည့်ဝသူ၊ အများထက်သာလွန်အောင် ကြိုးစားအားထုတ်နိုင်သူ၊ ပင်ကိုစွမ်းရည် မြင့်မားသူများဖြစ်ကြောင်း၊ မောင်တို့မယ်တို့သည် ထိုသို့အရည်အချင်းများနှင့် ပြည့်စုံကြသူများဖြစ်ကြောင်း၊ ထို့ကြောင့် “လူရည်ချွန်” ဆိုသည့် ဂုဏ်ဒြပ်ကို ထိုက်ထိုက်တန်တန် အပ်နှင်းခြင်းခံရပြီး ယခုအချိန်တွင် ဂုဏ်သတင်းကောင်းနှင့် ကျော်ဇောသည့်သူများ ဖြစ်သကဲ့သို့ အနာဂတ်နိုင်ငံတော်ကြီးကို ထုဆစ်ပုံဖော်ကြမည့် မျိုးဆက်သစ်လူငယ်များလည်း ဖြစ်ကြကြောင်း။မိမိဒေသအတွက် ဂုဏ်ဆောင်နိုင်ခဲ့ခြင်းဖြစ်မောင်တို့မယ်တို့သည် စာပေဘာသာရပ်များကိုသာ ကျွမ်းကျင်ပိုင်နိုင်ခြင်းမဟုတ်ဘဲ ကျန်းမာကြံ့ခိုင်မှု၊ စိတ်ဓာတ်၊ စည်းကမ်းကောင်းမွန်မှု၊ ဇွဲ၊ လုံ့လ၊ ဝီရိယရှိမှု၊ တစိုက်မတ်မတ်လေ့ကျင့်မှု စသည့်ကာယ၊ ဉာဏစွမ်းအားများနှင့် စစ်ဆေးအကဲဖြတ်မှုအဆင့်ဆင့်ကို ယှဉ်ပြိုင်ကျော်ဖြတ်နိုင်ခဲ့ကြသူများ ဖြစ်ကြောင်း၊ ခိုင်မာတည်ကြည်သည့် စိတ်ဓာတ်နှင့်ရည်မှန်းချက်ပန်းတိုင်ကို အရောက်လှမ်းနိုင်ခဲ့သဖြင့် အောင်မြင်မှုများရရှိပြီး မိမိ မိသားစု၊ မိမိ ကျောင်း၊ မိမိဒေသအတွက် ဂုဏ်ဆောင်နိုင်ခဲ့ခြင်းဖြစ်ကြောင်း၊ ထို့ကြောင့် နိုင်ငံတော်အနေဖြင့် အများကစံပြုထိုက်သည့် မောင်တို့မယ်တို့ကို ယခုကဲ့သို့ အခမ်းအနားကျင်းပပြီး တွေ့ဆုံဂုဏ်ပြုရခြင်းပင်ဖြစ်ကြောင်း။နိုင်ငံဖွံ့ဖြိုးတိုးတက်ရန်အတွက် ကျန်းမာကြံ့ခိုင်ပြီး ထူးချွန်ထက်မြက်သည့် လူငယ်များ၏အင်အားဖြင့် တည်ဆောက်ရခြင်းဖြစ်ကြောင်း၊ လူငယ်တိုင်းသည် နိုင်ငံကို ဦးဆောင်နိုင်သူမဖြစ်သော်လည်း လူငယ် အားလုံးသည် နိုင်ငံတော်၏ အနာဂတ်ကို အကောင် အထည်ဖော်ကြမည့် နိုင်ငံတော်၏ လူ့စွမ်းအားအရင်း အမြစ်များပင်ဖြစ်ကြောင်း၊ ထို့ကြောင့် နိုင်ငံတော်အစိုးရအနေဖြင့် အကျင့်စာရိတ္တ ကောင်းမွန်ပြီး ဗလငါးတန်ပြည့်စုံသည့် ပညာတတ်လူရည်ချွန်လူရည်မွန်များ ပေါ်ထွက်လာအောင် လူငယ်ကဏ္ဍနှင့် ပညာရေးကဏ္ဍကို အလေးထားမြှင့်တင်ဆောင်ရွက်ပေးလျက်ရှိကြောင်း။ထိန်းသိမ်းကာကွယ်စောင့်ရှောက်လူငယ်များသည် နိုင်ငံ၏အနာဂတ်၊ နိုင်ငံ၏အဓိက အင်အားစုဖြစ်သည့်အတွက် အသိပညာ အတတ်ပညာ ပြည့်ဝရန်လိုအပ်သကဲ့သို့ မျိုးချစ်စိတ်၊ တိုင်းချစ်ပြည်ချစ်စိတ်ရှိပြီး အများအကျိုး၊ နိုင်ငံ့ အကျိုးသယ်ပိုးကြရမည်ဖြစ်ကြောင်း၊ အမျိုးဂုဏ်၊ ဇာတိဂုဏ်နှင့် မိမိတို့နိုင်ငံ၏ ကောင်းမြတ်သည့်အစဉ် အလာနှင့် ဓလေ့ထုံးစံများ၊ သမိုင်းကြောင်းများ၊ သဘာဝတောတောင်ရေမြေများ၊ သယံဇာတအရင်းအမြစ်များကို တန်ဖိုးထားပြီး ထိန်းသိမ်းကာကွယ်စောင့်ရှောက်သွားကြရန်လည်း လိုအပ်ကြောင်း။နိုင်ငံတော်ကို ချစ်မြတ်နိုးသည့်စိတ်၊ ထိန်းသိမ်းကာကွယ်လိုသည့်စိတ် လူငယ်ထုအတွင်း ထာဝရကိန်းအောင်းနေရန်အတွက် ရေကြောင်းလူငယ်၊ လေကြောင်းလူငယ်၊ ကင်းထောက်လူငယ်၊ လူရည်ချွန် စသည်ဖြင့် လူငယ်လူရွယ်များကို နယ်ပယ်အစုံတွင် နှစ်ပေါင်းများစွာ လေ့ကျင့်မွေးထုတ်ပေးနေခြင်း ဖြစ်ကြောင်း၊ အကြောင်းအမျိုးမျိုးကြောင့် အချို့နှစ်များတွင် ဆောင်ရွက်နိုင်ခြင်း မပြုနိုင်ခဲ့သော်လည်း ယခုလူငယ်များအတွက် စိတ်ဓာတ်၊ စည်းကမ်း၊ စွမ်းရည်အရည်အသွေးမြင့်မားရေးကို အလေးထားဆောင်ရွက်နေပြီဖြစ်ကြောင်း။အဘက်ဘက်မှ လေ့လာသင်ယူလူရည်ချွန်စီမံကိန်းဆိုသည်မှာ ကျန်းမာသန်စွမ်းပြီး အကျင့်စာရိတ္တကောင်းမွန်သည့်၊ ထူးချွန်ထက်မြက်ပြီး ဗလငါးတန်ပြည့်ဝသည့် လူကောင်းလူတော်များ၊ ပညာရေးလက်တွေ့ဖွံ့ဖြိုးမှုလုပ်ငန်းများမှတစ်ဆင့် နိုင်ငံအကျိုးပြုလုပ်ငန်းများတွင် ပါဝင်ဆောင်ရွက်နိုင်သည့် ပညာတတ်လူငယ်များ ပေါ်ထွန်းလာရန် ရည်ရွယ်ခြင်းဖြစ်ကြောင်း၊ ကျောင်းသား ကျောင်းသူအချင်းချင်း လူရည်ချွန်ရွေးချယ်ခံရသူများကို အားကျအတုယူလိုစိတ်၊ မိမိကိုယ်တိုင် လူရည်ချွန်ဖြစ်အောင် ကြိုးစားလိုစိတ်များနှင့် ကောင်းသောယှဉ်ပြိုင်မှုများနှင့် အဘက်ဘက်မှ လေ့လာသင်ယူလိုစိတ်များကို မြှင့်တင်ပေးခြင်းလည်းဖြစ်ကြောင်း၊ ထိုသို့ကောင်းမြတ်သည့် ရည်ရွယ်ချက်ဖြင့် ဆောင်ရွက်နေသည့် လူရည်ချွန်စီမံကိန်းသည် ဆယ်စုနှစ်များစွာ သန္ဓေတည်ဖွံ့ဖြိုးလာခဲ့ပြီး နိုင်ငံ့သားကောင်းရတနာများ မွေးထုတ်ပေးရာ အစဉ်အလာကောင်းသည့် ပညာရေးစီမံကိန်းတစ်ခုလည်းဖြစ်ကြောင်း၊ ယခင်က လူရည်ချွန်အဖြစ် ရွေးချယ်ခံခဲ့ရသူများသည် ယခုအချိန်တွင် နိုင်ငံ့တာဝန်များကို အဆင့်မြင့်စွာ ထမ်းဆောင်နေကြသူများရှိသကဲ့သို့ သက်ဆိုင်ရာလုပ်ငန်းနယ်ပယ်များနှင့် အဖွဲ့အစည်းများတွင်လည်း ပါဝင်အကျိုးပြုနေပြီကို မောင်တို့ မယ်တို့ အသိပင်ဖြစ်ကြောင်း၊ မိမိတို့အစိုးရအဖွဲ့ အသီးသီးတို့၌ လူရည်ချွန်ရွေးချယ်ခံခဲ့ရသူ ၁၂ ဦး ပါဝင်ကြောင်းကိုလည်း ဝမ်းမြောက်ဂုဏ်ယူနိုင်ရေး အသိပေးပြောကြားလိုကြောင်း။နိုင်ငံတော်အနေဖြင့် ၂၀၂၃ ခုနှစ်တွင် လူရည်ချွန် ၄၇၈ ဦး၊ ၂၀၂၄ ခုနှစ်တွင် လူရည်ချွန် ၅၅၄ ဦး၊ ၂၀၂၅ ခုနှစ်တွင် လူရည်ချွန် ၇၂၈ ဦး ရွေးချယ်နိုင်ခဲ့ကြောင်း။ယခုနှစ် အခြေခံပညာကဏ္ဍတွင် နဝမတန်းလူရည်ချွန် ၉၆ ဦး၊ ဒသမတန်း လူရည်ချွန် ၁၃၂ ဦး၊ ဧကာဒသမတန်း လူရည်ချွန် ၁၃၃ ဦး၊ ဒွါဒသမတန်း လူရည်ချွန် ၉၉ ဦးနှင့် အဆင့်မြင့်ပညာကဏ္ဍတွင် ပထမနှစ်လူရည်ချွန် ၁၄၈ ဦး၊ ဒုတိယနှစ်လူရည်ချွန် ၁၄၃ ဦး ရွေးချယ်နိုင်ခဲ့ပြီး စုစုပေါင်း လူရည်ချွန် ၇၅၁ ဦး မွေးထုတ်နိုင်ခဲ့ကြောင်း၊ လူရည်ချွန် ၇၅၁ ဦးတွင် ၅ ထပ်ကွမ်းနှစ်ဦး၊ ၄ ထပ်ကွမ်း ၃၁ ဦး၊ ၃ ထပ်ကွမ်း ၆၈ ဦး၊ ၂ ထပ်ကွမ်း ၁၉၆ ဦးနှင့် ပထမအကြိမ် ရွေးချယ်ခံရသူ ၄၅၄ ဦး ပါဝင်ကြောင်း။လူရည်ချွန်များကို အစဉ်လေ့ကျင့် မွေးထုတ်ပေးနေထိုသို့ ထူးချွန်ထက်မြက်သည့် လူရည်ချွန်များကို အစဉ်လေ့ကျင့် မွေးထုတ်ပေးနေပြီး နိုင်ငံအတွက် လိုအပ်သည့် “အသိပညာအဆောက်အအုံ” တောင့်တင်းခိုင်မာအောင် အုတ်မြစ်ချဆောင်ရွက် ပေးနေသည့် ပညာရေးဝန်ကြီးဌာနကိုလည်း အသိအမှတ်ပြုသည်ကို ပြောလိုကြောင်း။နိုင်ငံတော်အစိုးရအနေဖြင့် ယခုနှစ်လူရည်ချွန် ကျောင်းသားလူငယ်များ၏ ထူးချွန်ထက်မြက်မှု၊ ကြိုးစားအားထုတ်မှုကို ဂုဏ်ပြုသည့်အနေဖြင့် နဝမတန်း လူရည်ချွန်များကို ပြင်ဦးလွင်လူရည်ချွန်စခန်း၊ ဒသမတန်းလူရည်ချွန်များကို အင်းလေးလူရည်ချွန်စခန်း၊ ဧကာဒသမတန်း လူရည်ချွန်များကို ငွေဆောင်လူရည်ချွန်စခန်း၊ ဒွါဒသမတန်း လူရည်ချွန်များကို နေပြည်တော်လူရည်ချွန်စခန်း၊ တက္ကသိုလ် ပထမနှစ်နှင့် ဒုတိယနှစ် လူရည်ချွန်များကို ချောင်းသာ လူရည်ချွန်စခန်းတို့သို့ ပို့ဆောင်သွားမည်ဖြစ်ကြောင်း။ယခုခရီးစဉ်သည် မိမိတို့၏ ကြိုးစားမှု၊ အရည်အချင်းနှင့် အစွမ်းအစများကြောင့် နိုင်ငံတော်မှ ဂုဏ်ပြုချီးမြှင့်ခြင်းဖြစ်သဖြင့် ယခုခရီးစဉ်တွင် ပါဝင်ခွင့်ရသည်ကို ဂုဏ်ယူတန်ဖိုးထားစေချင်ကြောင်း၊ ခရီးစဉ်တစ်လျှောက်တွင်လည်း မိဘပြည်သူများ၊ တာဝန်ရှိသူများက လူရည်ချွန်မောင်မယ်များကို ထိုက်ထိုက်တန်တန် ဂုဏ်ပြုကြိုဆိုကြမည် ဖြစ်ကြောင်း။ဒေသန္တရဗဟုသုတများ ရှာဖွေနိုင်ထို့အပြင် ခရီးစဉ်အတွင်း ဒေသအသီးသီးမှ ပညာကို တန်ဖိုးထားသည့် သက်တူရွယ်တူသူငယ်ချင်းများ နှင့်တွေ့ဆုံပြီး အသိပညာများ ဖလှယ်နိုင်ကြမည်ဖြစ်သကဲ့သို့ ဒေသန္တရဗဟုသုတများ ရှာဖွေနိုင်ကြမည် ဖြစ်ကြောင်း၊ အသင်းအဖွဲ့နှင့် စုပေါင်းဆောင်ရွက်တတ်မှု၊ အများနှင့်လိုက်လျောညီထွေ နေထိုင်တတ် လာတတ်မှုနှင့် အပြန်အလှန်နားလည်မှု၊ အချင်းချင်းယုံကြည်လေးစားမှုနှင့် ခင်မင်ရင်းနှီးမှုများ ရရှိလာနိုင်မည်ဖြစ်သဖြင့် မိမိတို့ဘဝအတွက် အတွေ့အကြုံကောင်းများ ရနိုင်မည်ဖြစ်ကြောင်း။မောင်တို့မယ်တို့အနေဖြင့် မိမိတို့ရရှိထားသည့် လူရည်ချွန်ဟူသည့် ဂုဏ်ပုဒ်၊ အဆင့်အတန်းနှင့်အညီ ပြောဆိုနေထိုင်ပြုမူလုပ်ကိုင်မှုများကို မြှင့်တင်နိုင်အောင် ကြိုးစားသွားကြရမည်ဖြစ်ကြောင်း၊ “အတ္တနှင့်ပရ” မျှတမှုရှိအောင် ကျင့်ကြံနေထိုင်ကြရန်နှင့် ခေတ်စနစ်၏ တိုးတက်မှုနည်းလမ်းများကို အမြဲမပြတ်ရှာဖွေနေရန် လိုအပ်သကဲ့သို့ မြန်မာမှု၊ မြန်မာ့ဟန်၊ မြန်မာ့ရိုးရာယဉ်ကျေးမှု ဓလေ့စရိုက်များ မှေးမှိန်ပျောက်ကွယ်မသွားအောင်လည်း ထိန်းသိမ်းစောင့်ရှောက်သွားကြရန် လိုအပ်ကြောင်း၊ လူငယ်ဘဝတွင်ရှိသင့်သည့် ကျင့်ဝတ်များဖြစ်သည့် သားသမီးကျင့်ဝတ်၊ တပည့်ကျင့်ဝတ်များကို လိုက်နာနေထိုင်ကြရန်နှင့် မိဘ၊ ဆရာသမားတို့ကို ရိုသေလေးစားပြီး ဘာသာတရား၏ အဆုံးအမနှင့်အညီ ကိုယ်ချင်းစာမှု၊ သည်းခံခွင့်လွှတ်မှုဟူသည့် အခြေခံစိတ်ဓာတ်ကောင်းများ မွေးမြူကြရမည်ဖြစ်ကြောင်း၊ အများက လေးစားအတုယူရမည့် စံပြပုဂ္ဂိုလ်များဖြစ်အောင် အပတ်တကုတ် ကြိုးစားအားထုတ်ကြရန် မှာကြားလိုကြောင်း။စွမ်းဆောင်ရည်ပြည့်ဝနေရန်လိုယခုကဲ့သို့ ၂၁ ရာစု အသိပညာခေတ်၏ စိန်ခေါ်မှုများကို ရင်ဆိုင်နိုင်ရန်မှာ ဘဝတစ်သက်တာ လေ့လာသင်ယူနေရန်၊ စွမ်းဆောင်ရည်ပြည့်ဝနေရန်လိုကြောင်း၊ ထိုသို့ဆိုပါက မိမိတို့ကိုယ်တိုင် အစဉ်အမြဲလေ့လာသင်ယူနေရန်နှင့် ပြင်ပဗဟုသုတနှင့် အသိပညာအတွက် စာအုပ်စာပေများ ဖတ်ရှုရမည်ဖြစ်ကြောင်း၊ “ဖတ်လျှင် အမြင်ကျယ်၊ မှတ်လျှင် ပညာမြင့်၊ ကျင့်သော် အောင်မြင်၊ သင်သော် ထူးချွန်၊ ဘဝအတွက် စာကောင်းပေမွန်” ဆိုသည့် စကားအတိုင်း စာပေလေ့လာဖတ်ရှုသည့် အလေ့အကျင့်ကို စွဲစွဲမြဲမြဲလုပ်ဆောင်သွားကြရန် မှာကြားလိုကြောင်း။ထို့အပြင် ပညာသင်ရာဌာနများဖြစ်သည့် အခြေခံပညာကျောင်းများနှင့် တက္ကသိုလ်များတွင်လည်း လူငယ်စကားဝိုင်းများ၊ စာပေဟောပြောပွဲများ၊ သုတေသနစာတမ်းဖတ်ပွဲများ၊ ပညာရေးနှီးနှော ဖလှယ်ပွဲများနှင့် လူငယ်များကို ဘက်ပေါင်းစုံထူးချွန်စေမည့်၊ ဗလငါးတန်ပြည့်ဝစေမည့် လှုပ်ရှားဆောင်ရွက်မှုများ ကျင်းပပေးကြရန် လေးလေးနက်နက် မှာကြားလိုကြောင်း။တစိုက်မတ်မတ် အလေးထားဆောင်ရွက်မိမိတို့နိုင်ငံကို ကဏ္ဍစုံဖွံ့ဖြိုးတိုးတက်သည့် ဒီမိုကရေစီပြည်ထောင်စုအဖြစ် တည်ဆောက်နိုင်ရေးအတွက် ထူးချွန်ထက်မြက်သည့် အသိပညာရှင်၊ အတတ်ပညာရှင် လူ့စွမ်းအားအရင်းအမြစ်များ အများကြီးလိုအပ်ကြောင်း၊ ထို့ကြောင့် “နိုင်ငံတော် ဖွံ့ဖြိုးဖို့ ပညာရေးကိုအားပေးစို့” ဟူသည့် ဆောင်ပုဒ်နှင့်အညီ ပညာရေးကဏ္ဍ ဘက်စုံဖွံ့ဖြိုးတိုးတက်အောင် နိုင်ငံတော်အစိုးရနှင့်အတူ မိဘများ၊ ဆရာများအပါအဝင် တာဝန်ရှိသူများနှင့် နိုင်ငံသားအားလုံးက တစိုက်မတ်မတ် အလေးထားဆောင်ရွက်ကြရန် တိုက်တွန်းမှာကြားလိုကြောင်း။“လူရည်ချွန်” ဟူသည့် ဂုဏ်သိက္ခာနှင့် လျော်ကန်သင့်မြတ်သည့် တာဝန်ဝတ္တရားကို ကျေပွန်အောင်ထမ်းဆောင်ကြရန်၊ အမျိုးသားအကျိုးစီးပွား တိုးတက်မြင့်မားရေးအတွက် ကျရာအခန်းကဏ္ဍမှ တစ်တပ်တစ်အား ပူးပေါင်းပါဝင်ကြရန်၊ နိုင်ငံတကာအသိုက်အဝန်းတွင် ခေတ်မီဖွံ့ဖြိုးတိုးတက်သည့် နိုင်ငံအဖြစ်ခံ့ညားထည်ဝါစွာ ရပ်တည်နိုင်ရေး အစဉ်တစိုက်ကြိုးပမ်းကြရန်၊ မျိုးချစ်စိတ်ဓာတ်၊ နိုင်ငံချစ်စိတ်များနှင့် စည်းလုံးညီညွတ်ပြီး အနာဂတ် နိုင်ငံတော်ကြီး တည်ငြိမ်အေးချမ်းပြီး ဖွံ့ဖြိုးတိုးတက်အောင် ကြိုးစားဆောင်ရွက်ပေးကြရန် တိုက်တွန်းမှာကြားလိုကြောင်း ပြောကြားသည်။အထိမ်းအမှတ်အလံများပေးအပ်ထို့နောက် နိုင်ငံတော်သမ္မတက ၂၀၂၆ ခုနှစ် လူရည်ချွန်စခန်းအလိုက် အထိမ်းအမှတ်အလံများကို လူရည်ချွန်မောင်မယ်များထံပေးအပ်ပြီး လူရည်ချွန်မောင်မယ်များက အထိမ်းအမှတ်လက်ဆောင် ပြန်လည်ပေးအပ်သည်။ယင်းနောက် ၂၀၂၅-၂၀၂၆ ပညာသင်နှစ် လူရည်ချွန်မောင်မယ်များကိုယ်စား နေပြည်တော်ကောင်စီနယ်မြေ ဇမ္ဗူသီရိမြို့နယ် အမှတ်(၅) အခြေခံပညာ အထက်တန်းကျောင်း ဒွါဒသမတန်းမှ မောင်စွမ်းသူအောင်က ဂါရဝပြုကျေးဇူးတင်စကားပြန်လည် ပြောကြားသည်။ဆက်လက်၍ ပြန်ကြားရေးဝန်ကြီးဌာန မြန်မာ့အသံနှင့်ရုပ်မြင်သံကြားမှ အနုပညာရှင်ဝန်ထမ်းများက လူရည်ချွန်မောင်မယ်များနှင့်အတူ “လူရည်ချွန်စွမ်းအား” တေးသီချင်း၊ “လူငယ်စွမ်းရည်” တေးသီချင်းတို့ဖြင့် စုပေါင်းသီဆိုဖျော်ဖြေတင်ဆက်ကြသည်။ထို့နောက် နိုင်ငံတော်သမ္မတနှင့် အခမ်းအနားတက်ရောက်လာကြသူများ၊ လူရည်ချွန်မောင်မယ်များသည် စုပေါင်းမှတ်တမ်းတင် ဓာတ်ပုံရိုက်ကြသည်။ယင်းနောက် နိုင်ငံတော်သမ္မတနှင့် အဖွဲ့ဝင်များသည် ၂၀၂၅-၂၀၂၆ ပညာသင်နှစ် လူရည်ချွန် မောင်မယ်များ၊ ရေကြောင်းလူငယ်၊ လေကြောင်းလူငယ်များနှင့် နေ့လယ်စာကို အတူတကွ သုံးဆောင်ကြသည်။နေ့လယ်စာ သုံးဆောင်အပြီးတွင် နိုင်ငံတော်သမ္မတသည် လူရည်ချွန်မောင်မယ်များကို ရင်းရင်းနှီးနှီးနှုတ်ဆက်ခဲ့ကြောင်း သတင်းရရှိသည်။moi
Wed, 6-May-2026
အများပြည်သူ သယ်ယူပို့ဆောင်ရေးလုပ်ငန်းများသို့ စက်သုံးဆီများ အဆင်ပြေချောမွေ့စွာ ဖြန့်ဖြူးပေးနိုင်ရေးနှင့် ပြည်တွင်းစက်သုံးဆီ တင်သွင်းသိုလှောင်ဖြန့်ဖြူးရောင်းချမှု အခြေအနေများဆိုင်ရာ လုပ်ငန်းညှိနှိုင်းအစည်းအဝေးကျင်းပ
အများပြည်သူ သယ်ယူပို့ဆောင်ရေးလုပ်ငန်းများသို့ စက်သုံးဆီများ အဆင်ပြေချောမွေ့စွာ ဖြန့်ဖြူးပေးနိုင်ရေးနှင့် ပြည်တွင်းစက်သုံးဆီ တင်သွင်းသိုလှောင်ဖြန့်ဖြူးရောင်းချမှု အခြေအနေများဆိုင်ရာ လုပ်ငန်းညှိနှိုင်းအစည်းအဝေးကျင်းပ
နေပြည်တော် မေ ၄အများပြည်သူ သယ်ယူပို့ဆောင်ရေးလုပ်ငန်းများသို့ စက်သုံးဆီများ အဆင်ပြေချောမွေ့စွာ ဖြန့်ဖြူးပေးနိုင်ရေးနှင့် ပြည်တွင်း စက်သုံးဆီ တင်သွင်းသိုလှောင် ဖြန့်ဖြူးရောင်းချမှု အခြေအနေများဆိုင်ရာ လုပ်ငန်းညှိနှိုင်း အစည်းအဝေးကို ယနေ့ညနေပိုင်းတွင် လျှပ်စစ်နှင့် စွမ်းအင်ဝန်ကြီးဌာန ရုံးအမှတ်(၆) ၌ ကျင်းပသည်။တက်ရောက်အစည်းအဝေးသို့ လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်၊ ဒုတိယဝန်ကြီး ဦးကျော်နိုင်ဝင်း၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ တာဝန်ရှိသူများနှင့် မြန်မာနိုင်ငံ စက်သုံးဆီ တင်သွင်းရောင်းချ ဖြန့်ဖြူးရေးအသင်းမှ တာဝန်ရှိသူများ၊ ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ (YRTC)၊ အများပြည်သူ သယ်ယူပို့ဆောင်ရေး လုပ်ငန်း ဆောင်ရွက်လျက်ရှိသည့် YCTA နှင့် YBS တို့မှ တာဝန်ရှိသူများ တက်ရောက်ကြပြီး နေပြည်တော် ကောင်စီဝင်နှင့် တိုင်းဒေသကြီး/ ပြည်နယ်အစိုးရ အဖွဲ့များမှ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီးများနှင့် ကြီးကြပ်မှုအောက် တိုင်းဒေသကြီး/ပြည်နယ်များရှိ ကြီးကြပ်စစ်ဆေးရေး အရာရှိများက ဗီဒီယိုကွန်ဖရင့်စနစ်ဖြင့် ပါဝင် တက်ရောက်ကြသည်။ အစည်းအဝေးတွင် ပြည်ထောင်စုဝန်ကြီးက နိုင်ငံအလိုက် စက်သုံးဆီ အခက်အခဲများကို ရင်ဆိုင်ဖြေရှင်း နေသကဲ့သို့ မိမိတို့နိုင်ငံတွင် နိုင်ငံတော်အစိုးရ၏ ဦးဆောင်မှု၊ သက်ဆိုင်ရာ အဖွဲ့အစည်းများနှင့် ပြည်သူလူထု၏ ပူးပေါင်း ဆောင်ရွက်မှုတို့ကြောင့် စက်သုံးဆီ တင်သွင်းဖြန့်ဖြူးရေးလုပ်ငန်း စဉ်များသည် တည်ငြိမ်လာခဲ့ပြီး ဈေးနှုန်းများကို မျှတစွာ စီမံ ဆောင်ရွက် ပေးနိုင်လျက်ရှိကြောင်း၊ ယနေ့အစည်းအဝေးတွင် အများပြည်သူသုံး သယ်ယူပို့ဆောင်ရေး အခန်းကဏ္ဍများအတွက် စက်သုံးဆီများကို စနစ်တကျ စီမံခန့်ခွဲ သွားမည့် အစီအမံများကို ဆွေးနွေး ပြောကြားမည်ဖြစ်ကြောင်း၊ အများပြည်သူ သယ်ယူပို့ဆောင်ရေး ကဏ္ဍအတွက် အရေးပါသည့် YBS ယာဉ်များနှင့် Taxi ယာဉ်များသို့ သဘာဝဓာတ်ငွေ့(CNG) များကို ၁ ကီလိုဂရမ်လျှင် ၂၇၃ ကျပ် ၂၅ ပြားနှုန်းဖြင့် ၂၀၀၇ ခုနှစ်မှစ၍ ဈေးနှုန်းမပြောင်းလဲဘဲ ရောင်းချ ပေးနေပါကြောင်း၊ ယင်းဈေးနှုန်းသည် နိုင်ငံတကာဈေးနှုန်းနှင့် နှိုင်းယှဉ်ပါက လွန်စွာသက်သာမှု ရှိသည့်အပြင် အာဆီယံနိုင်ငံများထဲတွင် အချိုသာဆုံးဖြစ်ပါကြောင်း၊ CNG သုံး Taxi ယာဉ်များကို သုံးစွဲခြင်းဖြင့် လောင်စာဆီ ကုန်ကျမှုမှာ သက်သာမှုရှိသည့် အတွက် CNG သုံး Taxi ယာဉ်များ အနေဖြင့် နိုင်ငံတော်မှ စိုက်ထုတ်ပေးထားသည့် အခွင့်အရေးကို ပြည်သူများ ခံစားခွင့်ရရှိစေရန် ပူးပေါင်း ဆောင်ရွက်ကြစေလိုကြောင်း၊ YBS ယာဉ်များအနေဖြင့် အများပြည်သူ သယ်ယူပို့ဆောင်ရေးအတွက် ခွင့်ပြုထားသည့် လမ်းကြောင်းများ အတွင်း၌သာ မောင်းနှင်၍ ဝန်ဆောင်မှုပေးနိုင်ရေး တာဝန်ရှိသူများက ကြပ်မတ် ဆောင်ရွက်ရန် လိုအပ်ပါကြောင်း။ စက်သုံးဆီ သယ်ယူဖြန့်ဖြူးမှု ပိုမိုစနစ်တကျဖြစ်စေရေး မျှောစာ ထုတ်ပေးရာတွင် Application ရေးဆွဲပြီး QR Code စနစ် အသုံးပြု နိုင်ပြီဖြစ်သဖြင့် စစ်ဆေးရေးဂိတ်များတွင် Scan ဖတ်၍ စစ်ဆေးနေပြီ ဖြစ်ပါကြောင်း၊ ဆက်လက်၍ ဆိပ်ကမ်းရှိ သိုလှောင်ကန်စခန်းများတွင် Auto Tank Gauging စနစ်တပ်ဆင်စေပြီး ဆီသယ်ယာဉ်များတွင် GPS တပ်ဆင်စေလျက်ရှိခြင်းတို့ ပြီးစီးပါက စက်သုံးဆီ တင်သွင်းဖြန့်ဖြူးသည့် စနစ်တစ်ခုလုံးအား ဒီဂျစ်တယ်စနစ်ဖြင့် ထိန်းချုပ်နိုင်တော့မည်ဖြစ်ရာ နိုင်ငံတော်အနေဖြင့် စက်သုံးဆီ ဝယ်ယူတင်သွင်းရမှု များစွာ လျော့နည်းသွားမည်ဖြစ်ပါကြောင်း၊ ဆက်လက်ပြီး မြစ်တွင်းသွား ရေယာဉ်များအတွက် စက်သုံးဆီ ဖြန့်ဖြူးပေးရန်အတွက် စံလုပ်ထုံးလုပ်နည်းများ ရေးဆွဲပြီးဖြစ်၍ မကြာမီ ထုတ်ပြန်ဆောင်ရွက် သွားမည်ဖြစ်ကြောင်း၊ နိုင်ငံတော် ဖွံ့ဖြိုးတိုးတက်ရေးအတွက် ပြည်သူလူထု၏ ပူးပေါင်းပါဝင် ဆောင်ရွက်မှုသည် အဓိကဖြစ်ရာ ပြည်သူလူထုကို အကျိုးဖြစ်ထွန်းမှသာ ပြည်သူလူထု လေးစားအားကိုး ယုံကြည်မှုရရှိမည် ဖြစ်သည့် အတွက် နိုင်ငံတော်အတွက် တစ်ထောင့်တစ်နေရာမှ အကျိုးပြုနေသည့် ဝန်ထမ်းများ၊ Stake-holder များအနေဖြင့် စေတနာ ထားဆောင်ရွက်ကြရန် ဖြစ်ပါကြောင်း ပြောကြားသည်။ ထို့နောက် နေပြည်တော် ကောင်စီဝင်နှင့် တိုင်းဒေသကြီး/ပြည်နယ် အစိုးရအဖွဲ့များမှ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီးများက တိုင်းဒေသကြီး/ ပြည်နယ် များအလိုက် စက်သုံးဆီသုံးစွဲမှု စနစ်အား ကြပ်မတ်ထိန်းကျောင်း ပေးနေမှု၊ မလိုလားအပ်သော နေရာများသို့ စက်သုံးဆီများ ရောက်ရှိမှု မရှိစေရေး ဝိုင်းဝန်းဆောင်ရွက်ပေးနေမှု အခြေအနေကို လည်းကောင်း၊ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC)၊ ရန်ကုန်စီးတီး တက္ကစီအသင်း(YCTA)နှင့် YBS ခရီးသည်တင်ယာဉ်လိုင်းကုမ္ပဏီတို့မှ တာဝန်ရှိသူများက အများပြည်သူ သယ်ယူပို့ဆောင်ရေးကဏ္ဍ အဆင်ပြေချောမွေ့စေရေး ဆောင်ရွက်သွားမည့် အခြေအနေကို လည်းကောင်း၊ ကမ်းရိုးတန်းသွား သင်္ဘောပိုင်ရှင်များအသင်း၊ ပင်လယ်ကမ်းဝေးငါးဖမ်းလုပ်ငန်း ရှင်များအသင်း၊ ပြည်တွင်း ရေကြောင်းသွား ရေယာဉ်ပိုင်ရှင်များအသင်းမှ တာဝန်ရှိသူများက လုပ်ငန်းဆောင်ရွက်မှု အခြေအနေကို လည်းကောင်း ဆွေးနွေး တင်ပြကြပြီး ဒုတိယဝန်ကြီးက စက်သုံးဆီ တင်သွင်းသိုလှောင် ဖြန့်ဖြူးရောင်းချမှု အခြေအနေကို ဖြည့်စွက် ရှင်းလင်းတင်ပြသည်။ တင်ပြမှုများအပေါ် ပြည်ထောင်စုဝန်ကြီးက လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။ သတင်းစဉ်MDN
Tue, 5-May-2026
© Copyright 2024 SAC All Rights Reserved.