နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သားများအား သောင်းသောင်းဖြဖြ ဂုဏ်ပြုကြိုဆို

NoahJune222

News Image

  • နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သားများအား သောင်းသောင်းဖြဖြ ဂုဏ်ပြုကြိုဆို

နေပြည်တော် မေ ၂၂

 

နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် မိုးဗြဲဒေသတစ်ဝိုက် နယ်မြေလုံခြုံရေးတာဝန်များကို ထမ်းဆောင်ပြီး ပြန်လည်ရောက်ရှိလာသော ရှေ့တန်းပြန် နိုင်ငံ့သားကောင်း တပ်မတော်သားများအား ဂုဏ်ပြုကြိုဆိုခြင်းကို ယနေ့မွန်းလွဲပိုင်းတွင် ကယား ပြည်နယ် လွိုင်ကော်မြို့ရှိ နယ်မြေခံတပ်ရင်း၌ ပြုလုပ်ရာ အရှေ့ပိုင်းတိုင်းစစ်ဌာနချုပ်မှ တာဝန်ရှိသူများ၊ အရာရှိ၊ စစ်သည်၊ မိသားစုများ၊ ဌာနဆိုင်ရာ တာဝန်ရှိသူများ၊ ဆရာ ဆရာမများ၊ ကျောင်းသား ကျောင်းသူများနှင့် ဒေသခံတိုင်းရင်းသားပြည်သူများ ပါဝင်တက်ရောက် ဂုဏ်ပြုကြိုဆိုကြသည်။

 

တိုင်းဒေသကြီးနှင့်ပြည်နယ်အသီးသီးရှိ တိုင်းရင်းသားပြည်သူများ စိတ်အေးချမ်းသာစွာ နေထိုင် လုပ်ကိုင်စားသောက်နိုင်ရေးနှင့် အသက်အိုးအိမ်စည်းစိမ်ဥစ္စာ လုံခြုံမှုရှိစေရေး၊ နိုင်ငံတော် တည်ငြိမ်ရေး၊ နယ်မြေအေးချမ်းရေးအတွက် ရှေ့တန်းစစ်မျက်နှာများတွင် စစ်ဆင်ရေးတာဝန်များကို နေ့မအား ညမနားစွမ်းစွမ်းတမံ တာဝန်ထမ်းဆောင်ခဲ့သော ရှေ့တန်းပြန်တပ်မတော်သားများအား တိုင်းစစ်ဌာနချုပ်မှ တာဝန်ရှိသူများနှင့် တက်ရောက်လာကြသူများက အောင်သပြေခက်များ၊ ဂုဏ်ပြု ပန်းကုံးများဖြင့်လည်းကောင်း၊ အိုးစည်ဒိုးပတ် အတီး၊ အမှုတ်၊ အက၊ အခုန်များဖြင့်လည်းကောင်း ဝမ်းမြောက်စွာ သောင်းသောင်းဖြဖြ ကြိုဆိုဂုဏ်ပြုခဲ့ကြကြောင်း သိရသည်။

 

သတင်းစဉ်

MDN

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

၂၄ နာရီအတွင်း ဟော်မုရေလက်ကြားမှ ဖြတ်သန်းသည့် သင်္ဘော ၃၅ စင်းအထိရှိလာဟုဆို
၂၄ နာရီအတွင်း ဟော်မုရေလက်ကြားမှ ဖြတ်သန်းသည့် သင်္ဘော ၃၅ စင်းအထိရှိလာဟုဆို
    အီရန်နိုင်ငံ၏ အစ္စလာမ်မစ်တော်လှန်ရေး အစောင့်တပ်ဖွဲ့မှ ရေတပ်နှင့်ချိတ်ဆက်ကာ ဟော်မုရေလက်ကြားမှ ဘေးကင်းစွာ ဖြတ်သန်းသွာသည့် သင်္ဘောအရေအတွက်သည် ပြီးခဲ့သည့် ၂၄ နာရီအတွင်း ၃၅ စင်းရှိကြောင်း အစောင့်တပ်ဖွဲ့က မေလ ၂၂ ရက်တွင် ထုတ်ပြန်ထားသည်။ ဖြတ်သန်းသွားသည့်သင်္ဘောများတွင် ရေနံတင်သင်္ဘောများ၊ ကုန်တင်သင်္ဘောများပါဝင်ကြောင်း ထုတ်ပြန်ချက်တွင် ဖော်ပြထားသည်။အမေရိကန်နှင့် အစ္စရေးတို့ပူးပေါင်း၍ အီရန်နိုင်ငံအပေါ် တိုက်ခိုက်မှုများလုပ်ပြီးနောက် အခြေအနေများ ရှုပ်ထွေးနေစဉ်မှာပင် အီရန်တပ်ဖွဲ့များသည် သင်္ဘောများ ဘေးကင်းစွာဖြတ်သန်း သွားလာနိုင်စေရန်နှင့် ကမ္ဘာ့ကုန်စည်စီးဆင်းမှု ပြတ်လပ်မှုမရှိစေရန် ဘေးကင်းသောလမ်းကြောင်းကို ဖန်တီးပေးနိုင်ခဲ့ကြောင်း ရေတပ်၏ ထုတ်ပြန်ချက်တွင် ဆက်လက်ဖော်ပြထားသည်။ထို့ပြင် မေလ ၂၀ ရက်အထိ ၂၄ နာရီအတွင်း သင်္ဘော ၂၆ စင်း၊ မေလ ၂၁ ရက်အထိ ၂၄ နာရီအတွင်း သင်္ဘော ၃၁ စင်းတို့သည်လည်း ဟော်မုရေလက်ကြားမှနေ၍ ဘေးကင်းစွာဖြတ်သန်း သွားကြောင်း ရေတပ်ကပြောသည်။ သို့ရာတွင် ရေလက်ကြားမှသင်္ဘောများ ဖြတ်သန်းမှုနှင့်ပတ်သက်၍ အီရန်တပ်ဖွဲ့များ၏ ပူးပေါင်းဆောင်ရွက်မှုနှင့် အတည်ပြုမှုရရှိရန် လိုအပ်မည်ဖြစ်ကြောင်း ထုတ်ပြန်ချက်တွင် ဖော်ပြထားသည်ဟု သိရသည်။MWD
Sat, 23-May-2026
အမေရိကန်သမ္မတ ဒေါ်နယ်ထရမ့်က ပိုလန်နိုင်ငံသို့ တပ်ဖွဲ့ဝင် ၅၀၀၀ ထပ်မံစေလွှတ်မည်
အမေရိကန်သမ္မတ ဒေါ်နယ်ထရမ့်က ပိုလန်နိုင်ငံသို့ တပ်ဖွဲ့ဝင် ၅၀၀၀ ထပ်မံစေလွှတ်မည်
ဝါရှင်တန် မေ ၂၂ အမေရိကန်သမ္မတ ဒေါ်နယ်ထရမ့်က ပိုလန်နိုင်ငံသို့ တပ်ဖွဲ့ဝင် ၅၀၀၀ ထပ်မံစေလွှတ်မည်ဖြစ်ကြောင်း ယမန်နေ့က ပြောကြားခဲ့သည်။ ယင်းသို့ အမေရိကန်တပ်ဖွဲ့ဝင်များ ထပ်မံစေလွှတ်ခြင်းမှာ ပိုလန်သမ္မတသစ် ကာရိုလ်နော်ရော့ခ်ကီနှင့် အမေရိကန်တို့၏ ဆက်ဆံရေးအပေါ် အခြေခံထားကြောင်း သမ္မတထရမ့်က လူမှုကွန်ရက်တွင် ရေးသားခဲ့သည်။ သို့သော် သမ္မတထရမ့်က တပ်ဖွဲ့ဝင်များတပ်ဖြန့်မည့် အချိန်ကဲ့သို့သော အသေးစိတ်အချက်အလက်များကို ထုတ်ဖော်ပြောကြားခြင်း မရှိသေးပေ။ ယမန်နှစ် ပိုလန်သမ္မတ ရွေးကောက်ပွဲ မဲဆွယ်မှုအတွင်း ကာရိုလ် နော်ရော့ခ်ကီက ထရမ့်၏ “အမေရိကန်သည်သာ ပထမ” ဟူသည့် မူဝါဒကို ထောက်ခံကြောင်း ပြောကြားခဲ့သည်။  ကာရိုလ် နော်ရော့ခ်ကီ ရွေးကောက်ပွဲတွင် အနိုင်ရခဲ့ပြီးနောက် သမ္မတထရမ့်က အမေရိကန် တပ်ဖွဲ့ဝင်များအား ပိုလန်နိုင်ငံသို့ စေလွှတ်ရန် ဆုံးဖြတ်ခဲ့ခြင်းဖြစ်သည်။ ဂျာမနီနိုင်ငံမှ အမေရိကန် တပ်ဖွဲ့ဝင် ၅၀၀၀ ခန့် လျှော့ချရန်စီစဉ်နေကြောင်း ယခုလအစောပိုင်းတွင် သမ္မတထရမ့်က ပြောကြားခဲ့သည်။ ဂျာမနီ အဓိပတိ ဖရက်ဒရစ်ချ်မာ့ဇ် က အီရန် နှင့် ပဋိပက္ခတွင် ဝါရှင်တန်၏ ချဉ်းကပ် ကိုင်တွယ်ပုံနှင့်ပတ်သက်ပြီး မေးခွန်းထုတ်ပြီးနောက် ထရမ့်က အထက်ပါအတိုင်း စီစဉ်ခဲ့ခြင်းဖြစ်သည်။  ထရမ့်က အီရန်ပဋိပက္ခနှင့်ပတ်သက်၍ နေတိုးအဖွဲ့ဝင်နိုင်ငံများအပေါ် ဝေဖန်မှုများ အရှိန်မြှင့်လျက် ရှိသည်။ အီတလီနှင့် စပိန်တို့တွင် တပ်စွဲထားသော အမေရိကန်တပ်ဖွဲ့ဝင် အရေအတွက်ကို လျှော့ချနိုင် ဖွယ်ရှိကြောင်းလည်း ၎င်းက ပြောကြားခဲ့သည်။ အီရန်စစ်ပွဲကို ထောက်ခံမှုမရှိသည့်အတွက် နေတိုးအဖွဲ့ဝင်နိုင်ငံများအား အပြစ်ပေးရန်အတွက် ဥရောပတွင် အမေရိကန်တပ်များ တပ်စွဲထားရှိမှုကို လျှော့ချရန်ရည်ရွယ်ခြင်းဖြစ်ကြောင်းနှင့် ထရမ့်အစိုးရက ဥရောပ၏ ကာကွယ်ရေးကဏ္ဍတွင် မည်ကဲ့သို့ပါဝင်လာမည်လဲဆိုသည်ကို ဆက်လက်စောင့်ကြည့်ရမည်ဖြစ်ကြောင်း လေ့လာသူများက သုံးသပ်ပြောကြားခဲ့သည်။ ကိုးကား - အင်န်အိတ်ချ်ကေ၊ ဘာသာပြန် - အောင်ကျော်ကျော်MDN
Sat, 23-May-2026
အမေရိကန်နှင့် ဂျပန် လူကုန်ကူးမှုအပါအဝင် မူးယစ်ဆေးဝါးထိန်းချုပ်ရေး အချက်အလက်များ မျှဝေရေးဆိုင်ရာ နားလည်မှုစာချွန်လွှာ လက်မှတ်ရေးထိုး
အမေရိကန်နှင့် ဂျပန် လူကုန်ကူးမှုအပါအဝင် မူးယစ်ဆေးဝါးထိန်းချုပ်ရေး အချက်အလက်များ မျှဝေရေးဆိုင်ရာ နားလည်မှုစာချွန်လွှာ လက်မှတ်ရေးထိုး
တိုကျို မေ ၂၂ လူကုန်ကူးမှု အပါအဝင် မူးယစ်ဆေးဝါး ထိန်းချုပ်ရေးနှင့် စုံစမ်းစစ်ဆေးရေးဆိုင်ရာ အချက်အလက်များ မျှဝေခြင်းအတွက် အမေရိကန် မူးယစ်ဆေးဝါးတားဆီးကာကွယ်ရေးအဖွဲ့နှင့် ဂျပန် ကမ်းရိုးတန်းစောင့်တပ်တို့သည် ၎င်းတို့၏ ပူးပေါင်းဆောင်ရွက်မှုကို မြှင့်တင်ခဲ့ကြောင်း သိရသည်။  နှစ်နိုင်ငံ အချက်အလက်များ မျှဝေရေးဆိုင်ရာ ပူးပေါင်းဆောင်ရွက်မှုစာချွန်လွှာကို တိုကျိုမြို့ရှိ အမေရိကန်သံရုံးတွင် ယနေ့လက်မှတ်ရေးထိုးခဲ့သည်။ ဂျပန်နိုင်ငံမှတစ်ဆင့် အမေရိကန်နိုင်ငံသို့ ခိုးသွင်းနိုင်သည့် ဖန်တနယ်လ်ဆေးနှင့် ပါဝင်ပစ္စည်းများဆိုင်ရာ သတင်းအချက်အလက်များကိုလည်း မျှဝေမည်ဖြစ်ကြောင်း သိရသည်။ အမေရိကန်ပြည်ထောင်စုတွင် ယမန်နှစ်က မူးယစ်ဆေးဝါး အလွန်အကျွံသုံးစွဲမှုကြောင့် သေဆုံးသူ အရေအတွက် ၇၀၀၀၀ ခန့်ရှိသည်။ အမေရိကန်သမ္မတ ဒေါ်နယ်ထရမ့် အစိုးရအဖွဲ့က တရားမဝင် မူးယစ်ဆေးဝါး တိုက်ဖျက်ရေး စီမံချက်များကို တိုးမြှင့်ဆောင်ရွက်လျက်ရှိသည်။  ဂျပန်နိုင်ငံတွင် လူငယ်လူရွယ်များကြားတွင် ဆေးခြောက်သုံးစွဲမှုသည် ဆိုးရွားသောပြဿနာတစ်ခု ဖြစ်လာပြီး နိုင်ငံရပ်ခြား ရာဇ၀တ်မှုကွန်ရက်များ ပါ၀င်သည်ဟုယူဆရသည့် မူးယစ်ဆေးဝါး မှောင်ခိုဈေးကွက်သည်လည်း နိုင်ငံအတွင်း ဆက်လက်ဖြစ်ပွားနေဆဲဖြစ်သည်။  ဂျပန်နိုင်ငံဆိုင်ရာ အမေရိကန်သံအမတ်ကြီး ဂျော့ရှ်ဂလက်စ်က သမ္မတထရမ့်အစိုးရအဖွဲ့သည် တရားမဝင် မူးယစ်ဆေးဝါး ရောင်းဝယ်ဖောက်ကားမှုကို ဆန့်ကျင်ကြောင်း အခိုင်အမာ ပြောကြားခဲ့သည်။ အမေရိကန်နှင့် ဂျပန်နှစ်နိုင်ငံ ပူးပေါင်းဆောင်ရွက်မှုနှင့် ပေါင်းစပ်ညှိနှိုင်းမှု တိုးမြှင့် ခြင်းသည် ရာဇဝတ်မှုဆိုင်ရာ ကွန်ရက်များကို ဖျက်သိမ်းရာတွင် အထောက်အကူဖြစ်စေကြောင်းလည်း ၎င်းက ဆက်လက် ပြောကြားခဲ့သည်။ ဂျပန်ကမ်းခြေစောင့်တပ်၏ စစ်ဆင်ရေးဆိုင်ရာ ဒုတိယတပ်မှူး ကာနိုဆူ ဟီရိုကီက ဂျပန်နိုင်ငံ၏ အခြေအနေနှင့် ပတ်သက်ပြီး ခွဲခြမ်းစိတ်ဖြာမှု အချက်အလက်များကိုပေးမည်ဖြစ်ကြောင်းနှင့် နှစ်နိုင်ငံ သတင်းအချက်အလက်မျှဝေခြင်းသည် တန်ပြန်ဆောင်ရွက်ရေးဆိုင်ရာ နည်းလမ်းများချမှတ်ရာတွင် အထောက်အကူဖြစ်စေမည်ဟု ၎င်းက ပြောကြားခဲ့သည်။  ကိုးကား - အင်န်အိတ်ချ်ကေ  ဘာသာပြန် - အောင်ကျော်ကျော်MDN
Sat, 23-May-2026
နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သားများအား သောင်းသောင်းဖြဖြ ဂုဏ်ပြုကြိုဆို
နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သားများအား သောင်းသောင်းဖြဖြ ဂုဏ်ပြုကြိုဆို
နေပြည်တော် မေ ၂၂ နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် မိုးဗြဲဒေသတစ်ဝိုက် နယ်မြေလုံခြုံရေးတာဝန်များကို ထမ်းဆောင်ပြီး ပြန်လည်ရောက်ရှိလာသော ရှေ့တန်းပြန် နိုင်ငံ့သားကောင်း တပ်မတော်သားများအား ဂုဏ်ပြုကြိုဆိုခြင်းကို ယနေ့မွန်းလွဲပိုင်းတွင် ကယား ပြည်နယ် လွိုင်ကော်မြို့ရှိ နယ်မြေခံတပ်ရင်း၌ ပြုလုပ်ရာ အရှေ့ပိုင်းတိုင်းစစ်ဌာနချုပ်မှ တာဝန်ရှိသူများ၊ အရာရှိ၊ စစ်သည်၊ မိသားစုများ၊ ဌာနဆိုင်ရာ တာဝန်ရှိသူများ၊ ဆရာ ဆရာမများ၊ ကျောင်းသား ကျောင်းသူများနှင့် ဒေသခံတိုင်းရင်းသားပြည်သူများ ပါဝင်တက်ရောက် ဂုဏ်ပြုကြိုဆိုကြသည်။ တိုင်းဒေသကြီးနှင့်ပြည်နယ်အသီးသီးရှိ တိုင်းရင်းသားပြည်သူများ စိတ်အေးချမ်းသာစွာ နေထိုင် လုပ်ကိုင်စားသောက်နိုင်ရေးနှင့် အသက်အိုးအိမ်စည်းစိမ်ဥစ္စာ လုံခြုံမှုရှိစေရေး၊ နိုင်ငံတော် တည်ငြိမ်ရေး၊ နယ်မြေအေးချမ်းရေးအတွက် ရှေ့တန်းစစ်မျက်နှာများတွင် စစ်ဆင်ရေးတာဝန်များကို နေ့မအား ညမနားစွမ်းစွမ်းတမံ တာဝန်ထမ်းဆောင်ခဲ့သော ရှေ့တန်းပြန်တပ်မတော်သားများအား တိုင်းစစ်ဌာနချုပ်မှ တာဝန်ရှိသူများနှင့် တက်ရောက်လာကြသူများက အောင်သပြေခက်များ၊ ဂုဏ်ပြု ပန်းကုံးများဖြင့်လည်းကောင်း၊ အိုးစည်ဒိုးပတ် အတီး၊ အမှုတ်၊ အက၊ အခုန်များဖြင့်လည်းကောင်း ဝမ်းမြောက်စွာ သောင်းသောင်းဖြဖြ ကြိုဆိုဂုဏ်ပြုခဲ့ကြကြောင်း သိရသည်။ သတင်းစဉ်MDN
Sat, 23-May-2026
တာချီလိတ်မြို့ ပန်စလိကျေးရွာနှင့် မြဝတီမြို့ မယ်ထော်သလေးကျေးရွာတို့၌ အွန်လိုင်းလိမ်လည် လောင်းကစားမှု ကျူးလွန်သူ တရားမဝင်တရုတ်နိုင်ငံသားများအား လုပ်ငန်းသုံးပစ္စည်းများနှင့်အတူ ဖမ်းဆီးရမိ , တာချီလိတ်မြို့ ပန်စလိကျေးရွာနှင့် မြဝတီမြို့ မယ်ထော်သလေးကျေးရွာတို့၌ အွန်လိုင်းလိမ်လည် လောင်းကစားမှု ကျူးလွန်သူ တရားမဝင်တရုတ်နိုင်ငံသားများအား လုပ်ငန်းသုံးပစ္စည်းများနှင့်အတူ ဖမ်းဆီးရမိ , တာချီလိတ်မြို့ ပန်စလိကျေးရွာနှင့် မြဝတီမြို့ မယ်ထော်သလေးကျေးရွာတို့၌ အွန်လိုင်းလိမ်လည် လောင်းကစားမှု ကျူးလွန်သူ တရားမဝင်တရုတ်နိုင်ငံသားများအား လုပ်ငန်းသုံးပစ္စည်းများနှင့်အတူ ဖမ်းဆီးရမိ
တာချီလိတ်မြို့ ပန်စလိကျေးရွာနှင့် မြဝတီမြို့ မယ်ထော်သလေးကျေးရွာတို့၌ အွန်လိုင်းလိမ်လည် လောင်းကစားမှု ကျူးလွန်သူ တရားမဝင်တရုတ်နိုင်ငံသားများအား လုပ်ငန်းသုံးပစ္စည်းများနှင့်အတူ ဖမ်းဆီးရမိ
နေပြည်တော် မေ ၂၂ မြန်မာနိုင်ငံအစိုးရအနေဖြင့် တစ်ကမ္ဘာလုံးကို အန္တရာယ်ပေးနေသည့် အွန်လိုင်းလိမ်လည်မှုများ၊ အွန်လိုင်းလောင်းကစားမှုများ တိုက်ဖျက်ရေးလုပ်ငန်းစဉ်များကို အမျိုးသားရေးတာဝန်တစ်ရပ် အနေဖြင့် အလေးထားတိုက်ဖျက် ဆောင်ရွက်လျက်ရှိပြီး မြန်မာနိုင်ငံအတွင်း လုံးဝအခြေမပြုနိုင်ရေး အတွက် ပြည်တွင်းအင်အားစုများအပြင် အိမ်နီးချင်းနိုင်ငံ အစိုးရများနှင့်လည်း ပေါင်းစပ်ညှိနှိုင်း၍ တက်ကြွစွာ ဆောင်ရွက်လျက်ရှိ သည်။ ထိုကဲ့သို့ လုံခြုံရေးပူးပေါင်းအဖွဲ့များက သက်ဆိုင်ရာနယ်မြေများအတွင်း အွန်လိုင်းလိမ်လည် လောင်းကစားမှု လုပ်ကိုင်သူများ အခြေပြုနေထိုင်ခြင်း မရှိစေရန်နှင့် အွန်လိုင်းလိမ်လည်လောင်းကစား မှုများ ဆောင်ရွက်ခြင်းမရှိစေရန်အတွက် နယ်မြေရှင်းလင်းခြင်းနှင့် ရှာဖွေဖော်ထုတ်စစ်ဆေးခြင်း လုပ်ငန်းများကိုဆောင်ရွက်ခဲ့ရာ ယနေ့နံနက်ပိုင်းတွင် ရှမ်းပြည်နယ် (အရှေ့ပိုင်း) တာချီလိတ်မြို့၏ အနောက်မြောက်ဘက် မီတာ ၇၈၀၀ ခန့်အကွာ လွယ်စတုံကျေးရွာအုပ်စု ပန်စလိကျေးရွာရှိ နေအိမ် အား သတင်းအရ ဝင်ရောက်ရှာဖွေရာ အွန်လိုင်းလိမ်လည်လောင်းကစားမှုကျူးလွန်သူ တရားမဝင် တရုတ်နိုင်ငံသား အမျိုးသား ၃၃ ဦးအား အွန်လိုင်းလိမ်လည် လောင်းကစားမှု ကျူးလွန်ရာတွင် အသုံးပြုသည့် All In One ကွန်ပျူတာ ၃၂ လုံး၊ စားပွဲအလုံး ၂၀၊ ထိုင်ခုံ ၃၅ လုံးတို့နှင့်အတူ ဖမ်းဆီး ရမိခဲ့သည်။အလားတူ ယနေ့နံနက်ပိုင်းတွင်လည်း ကရင်ပြည်နယ် မြဝတီမြို့ မယ်ထော်သလေးကျေးရွာ၏ အနောက်မြောက်ဘက် မီတာ ၁၈၀၀ ခန့်အကွာသို့အရောက်၌ နှစ်ထပ်တိုက်အဆောက်အအုံ တစ်လုံးအတွင်း၌ အွန်လိုင်းလိမ်လည် လောင်းကစားမှု ကျူးလွန်သူ တရားမဝင် တရုတ် နိုင်ငံသား အမျိုးသား ၂၇ ဦးအား အွန်လိုင်းလိမ်လည် လောင်းကစား မှု ကျူးလွန်ရာတွင် အသုံးပြုသည့် All In One ကွန်ပျူတာ လေးလုံး၊ Monitor ၁၄ လုံး၊ CPU အလုံး ၂၀ နှင့် ဖုန်းမျိုးစုံ ၄၃ လုံးတို့နှင့်အတူ ဖမ်းဆီးရမိခဲ့သည်။ အဆိုပါ အွန်လိုင်းလိမ်လည် လောင်းကစားမှုကျူးလွန်ရာတွင် ပါဝင်ပတ်သက်ခဲ့သည့် တရားမဝင် ပြည်ပနိုင်ငံသားများအား လိုအပ်သည့်စစ်ဆေးမှုများ ဆောင်ရွက်ပြီးစီးပါက တည်ဆဲဥပဒေများ နှင့်အညီ ထိရောက်ပြင်းထန်စွာ အရေးယူဆောင်ရွက်သွားမည် ဖြစ်ကြောင်း သိရသည်။ နိုင်ငံတော်အနေဖြင့် အွန်လိုင်းလိမ်လည် လောင်းကစားမှုကျူးလွန်ခြင်းများ ပပျောက်စေရေးနှင့် မြန်မာနိုင်ငံအတွင်း အခြေချလုပ်ကိုင်နိုင်မှု မရှိစေရေးအတွက် အိမ်နီးချင်းနိုင်ငံများ၊ ဒေသတွင်း နိုင်ငံများ၊ နိုင်ငံတာကာအဖွဲ့အစည်းများနှင့်ပူးပေါင်း၍ အွန်လိုင်းလိမ်လည် လောင်းကစားမှု တိုက်ဖျက်ရေးလုပ်ငန်းစဉ်များကို တက်ကြွစွာ ဆက်လက်ဆောင်ရွက်လျက်ရှိကြောင်း သိရသည်။ သတင်းစဉ်MDN
Sat, 23-May-2026
ဒုတိယရဲအုပ်လောင်းသင်တန်း အမှတ်စဉ် (၁၂၅) သင်တန်းဆင်းပွဲကျင်းပ
ဒုတိယရဲအုပ်လောင်းသင်တန်း အမှတ်စဉ် (၁၂၅) သင်တန်းဆင်းပွဲကျင်းပ
နေပြည်တော် မေ ၂၂ ပြည်ထဲရေးဝန်ကြီးဌာန မြန်မာနိုင်ငံရဲတပ်ဖွဲ့ ဒုတိယရဲအုပ်လောင်း သင်တန်းအမှတ်စဉ် (၁၂၅) ရဲသီဟ တပ်ခွဲ၏ သင်တန်းဆင်းပွဲ အခမ်းအနားကို ယနေ့နံနက် ၇ နာရီခွဲ တွင် မန္တလေးတိုင်းဒေသကြီး ပြင်ဦးလွင်မြို့နယ် ရဲအရာရှိ လေ့ကျင့်ရေးကျောင်း စစ်ရေးပြကွင်း၌ ကျင်းပသည်။ ဦးစွာ မြန်မာနိုင်ငံရဲတပ်ဖွဲ့ရဲချုပ် ဗိုလ်ချုပ်စိုးလှိုင်သည် ဒုတိယ ရဲအုပ်လောင်းများ၏ အလေးပြုခြင်းကို ခံယူကာ သင်တန်းဆင်းတပ်ခွဲများကို စစ်ဆေးပြီး အနှေးလျှောက်၊ အမြန်လျှောက်ဖြင့် ချီတက် အလေးပြုခြင်းကိုခံယူသည်။ ထို့နောက် အကောင်းဆုံး ကျောင်းသားဆုရ ဒုတိယရဲအုပ်လောင်း အိအိဖြူ၊ လေ့ကျင့်ရေးထူးချွန်ဆုရ ဒုတိယရဲအုပ်လောင်း မင်းခန့်လွင်၊ ဥပဒေဘာသာရပ် ထူးချွန်ဆုရ ဒုတိယရဲအုပ်လောင်း အိအိဖြူ၊ ကွန်ပျူတာဘာသာရပ် ထူးချွန်ဆုရ ဒုတိယရဲအုပ်လောင်း အိန္ဒြေသူ၊ အင်္ဂလိပ်စာဘာသာရပ် ထူးချွန်ဆုရ ဒုတိယရဲအုပ်လောင်း ထက်ထက်မျိုးအောင်တို့အား ဆုများပေးအပ်ချီးမြှင့်သည်။ ယင်းနောက် မြန်မာနိုင်ငံရဲတပ်ဖွဲ့ရဲချုပ် ဗိုလ်ချုပ်စိုးလှိုင်က သင်တန်းဆင်း ဂုဏ်ပြု အမှာစကား ပြောကြားသည်။ သင်တန်းဆင်းပွဲ အခမ်းအနား သို့ မြန်မာနိုင်ငံရဲတပ်ဖွဲ့ ဒုတိယ ရဲချုပ် (၂) ရဲဗိုလ်ချုပ်မျိုးမင်းထိုက်နှင့် ရဲအရာရှိကြီးများ၊ နိုင်ငံ့ဝန်ထမ်းတက္ကသိုလ် (အထက် မြန်မာပြည်) ပါမောက္ခချုပ်၊ ဗဟိုမီးသတ် သင်တန်းကျောင်းမှ ကျောင်းအုပ်ကြီးနှင့် ဖိတ်ကြားထားသူများ တက်ရောက်ကြပြီး အဆိုပါ ဒုတိယ ရဲအုပ်လောင်း သင်တန်းအမှတ်စဉ် (၁၂၅) ရဲသီဟတပ်ခွဲတွင် တပ်ဖွဲ့တွင်းမှ ဘွဲ့ရအမျိုးသား ၂၄၉ ဦး၊ အမျိုးသမီး ၁၁၄ ဦး စုစုပေါင်း ၃၆၃ ဦးတို့ကို သင်တန်းဆင်းပေးခဲ့ကြောင်း သိရသည်။ သတင်းစဉ်MDN
Sat, 23-May-2026
© Copyright 2024 SAC All Rights Reserved.