တရုတ်ကိုတုံ့ပြန်ဖို့အတွက် အမေရိကန်အနေနဲ့ တိုက်လေယာဉ်နဲ့ဗုံးကြဲလေယာဉ် အစင်းရေ ၅၀၀ အထိလိုအပ်နိုင်

NoahJune222

News Image

  • တရုတ်ကိုတုံ့ပြန်ဖို့အတွက် အမေရိကန်အနေနဲ့ တိုက်လေယာဉ်နဲ့ဗုံးကြဲလေယာဉ် အစင်းရေ ၅၀၀ အထိလိုအပ်နိုင်

အမေရိကန်နိုင်ငံအနေနဲ့ တရုတ်နိုင်ငံရဲ့ စစ်ရေးအင်အားကြီးထွားလာမှုကို တုံ့ပြန်နိုင်ဖို့အတွက် တိုက်လေယာဉ်နဲ့ ဗုံးကြဲလေယာဉ်အစင်းရေ ၅၀၀ ခန့်အထိ လိုအပ်နိုင်တယ်လို့ စစ်ရေးကျွမ်းကျင်သူတွေက ခန့်မှန်းပြောဆိုနေပါတယ်။ အထူးသဖြင့် ပစိဖိတ်ဒေသတွင်းမှာ တရုတ်ရဲ့ လေကြောင်းရန်ကာကွယ်ရေးနဲ့ ဒုံးကျည်စနစ်တွေက ပိုမိုခေတ်မီလာတာကြောင့် အမေရိကန်လေတပ်ဟာ အဆင့်မြင့်နည်းပညာသုံး လေယာဉ်တွေကို ပိုမိုအားကိုးလာရတာပါ။

ဒီအစီအစဉ်ထဲမှာ အဓိကအားဖြင့် မျိုးဆက်သစ်လေကြောင်းစိုးမိုးရေး တိုက်လေယာဉ်တွေနဲ့ B-21 Raider ကိုယ်ပျောက်ဗုံးကြဲလေယာဉ်တွေ ပါဝင်ပါတယ်။ အဲဒီလေယာဉ်တွေဟာ ရေဒါရှောင်ကွင်းနိုင်စွမ်း အလွန်မြင့်မားသလို ဒရုန်းတွေနဲ့တွဲဖက်ပြီး တိုက်ပွဲဝင်နိုင်တဲ့ စွမ်းရည်တွေလည်းရှိပါတယ်။

လက်ရှိမှာ ဒီလေယာဉ်တွေရဲ့ဒီဇိုင်းတွေကို အဆင့်မြင့်နည်းပညာတွေပေါင်းစပ်ပြီး တိုးမြှင့်ထုတ်လုပ်ဖို့ အမေရိကန်ကာကွယ်ရေး ဝန်ကြီးဌာနက စီစဉ်နေတာပါ။ ဒါပေမဲ့ဒီလောက်များပြားတဲ့ လေယာဉ်တွေကို ထုတ်လုပ်ဖို့ ကုန်ကျစရိတ်က အလွန်ကြီးမားတဲ့အတွက် လွှတ်တော်မှာလည်း ဘဏ္ဍာငွေနဲ့ပတ်သက်ပြီး ဆွေးနွေးငြင်းခုံစရာတွေ ဖြစ်လာနိုင်ပါတယ်။      

Ref: IE

ကိုထက်

MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ၊ အမျိုးသားလုံခြုံရေးဆိုင်ရာအကြံပေးပုဂ္ဂိုလ်က လာရောက်ဂါရဝပြုတွေ့ဆုံ , ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ၊ အမျိုးသားလုံခြုံရေးဆိုင်ရာအကြံပေးပုဂ္ဂိုလ်က လာရောက်ဂါရဝပြုတွေ့ဆုံ , ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ၊ အမျိုးသားလုံခြုံရေးဆိုင်ရာအကြံပေးပုဂ္ဂိုလ်က လာရောက်ဂါရဝပြုတွေ့ဆုံ
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ၊ အမျိုးသားလုံခြုံရေးဆိုင်ရာအကြံပေးပုဂ္ဂိုလ်က လာရောက်ဂါရဝပြုတွေ့ဆုံ
နေပြည်တော် ဇွန် ၁အိန္ဒိယနိုင်ငံ၊ နယူးဒေလီမြို့တွင် တရားဝင်ခရီးစဉ်ရောက်ရှိနေသည့် ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ၊ အမျိုးသားလုံခြုံရေးဆိုင်ရာအကြံပေးပုဂ္ဂိုလ် H.E. Mr. Ajit Doval က မေလ ၃၁ ရက်နေ့ ညနေပိုင်းတွင် လာရောက်ဂါရဝပြုတွေ့ဆုံသည်။ထိုသို့တွေ့ဆုံရာတွင် နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ မြှင့်တင်ရေးဆိုင်ရာကိစ္စရပ်များ၊ နယ်စပ်ဒေသလုံခြုံရေးနှင့် တည်ငြိမ်အေးချမ်းရေးဆိုင်ရာ ကိစ္စရပ်များ၊ မြန်မာနိုင်ငံနှင့် အိန္ဒိယနိုင်ငံတို့အကြား ကဏ္ဍပေါင်းစုံ၌ ပူးပေါင်းဆောင်ရွက်မှုများ ဆက်လက်မြှင့်တင်ဆောင်ရွက်သွားမည့် ကိစ္စရပ်များနှင့်ပတ်သက်၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြသည်။အဆိုပါတွေ့ဆုံပွဲတွင် နိုင်ငံတော်သမ္မတနှင့်အတူ ခရီးစဉ်တွင်လိုက်ပါသွားသည့် ပြည်ထောင်စုဝန်ကြီးများဖြစ်ကြသော ဦးခင်မောင်ရီ၊ ဦးတင်မောင်ဆွေနှင့် တာဝန်ရှိသူများတက်ရောက်ကြပြီး အိန္ဒိယနိုင်ငံ၊ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်နှင့်အတူ မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး H.E. Shri Abhay Thakur နှင့်တာဝန်ရှိသူများ တက်ရောက်ခဲ့ကြကြောင်းသတင်းရရှိသည်။MOI
Tue, 2-Jun-2026
ပြင်သစ်နှင့် UK ရေတပ်တို့ ပူးပေါင်း၍ ရုရှား၏ Shadow Fleet ရေနံတင်သင်္ဘောတစ်စီးကို ကြားဖြတ်ဖမ်းဆီး
ပြင်သစ်နှင့် UK ရေတပ်တို့ ပူးပေါင်း၍ ရုရှား၏ Shadow Fleet ရေနံတင်သင်္ဘောတစ်စီးကို ကြားဖြတ်ဖမ်းဆီး
UK ရေတပ်၏ ပံ့ပိုးကူညီမှုဖြင့် ပြင်သစ်ရေတပ်သည် ရုရှားအပေါ် ချမှတ်ထားသော နိုင်ငံတကာပိတ်ဆို့အရေးယူမှုများကို ရှောင်လွှဲရန် ကြိုးပမ်းနေသည့် ရုရှား၏ Shadow Fleet အုပ်စုတွင် ပါဝင်သော Tagor အမည်ရှိ ရေနံတင်သင်္ဘောတစ်စီးကို အတ္တလန္တိတ်သမုဒ္ဒရာအတွင်း ကြားဖြတ်ဖမ်းဆီးလိုက်ကြောင်း ပြင်သစ်သမ္မတ အီမန်နျူရယ် မက်ခရွန်က ထုတ်ပြန်ခဲ့သည်။အဆိုပါသင်္ဘောသည် ရုရှားနိုင်ငံမြောက်ပိုင်းမှထွက်ခွာလာပြီး ကင်မရွန်း နိုင်ငံအလံကို အယောင်ဆောင်လွှင့်ထူကာ မောင်းနှင်နေခြင်းဖြစ်ပြီး ဖမ်းဆီးရမိချိန်တွင် သင်္ဘောအတွင်း၌ ရေနံစိမ်းများမပါရှိကြောင်း သိရှိရသည်။ ဥရောပသမဂ္ဂနှင့်အမေရိကန်တို့၏ ပိတ်ဆို့အရေးယူမှုခံထားရသည့် ၎င်းသင်္ဘောကို ဖမ်းဆီးရခြင်းမှာ လွှင့်ထူထားသည့်အလံ တရားဝင်မှု ရှိ၊ မရှိ စစ်ဆေးရန်ဖြစ်ပြီး သမ္မတ မက်ခရွန်က ယခုကဲ့သို့သော သင်္ဘောများက နိုင်ငံတကာဥပဒေကို ချိုးဖောက်ကာ ယူကရိန်းစစ်ပွဲအတွက် ရုရှားကို ရန်ပုံငွေရှာပေးနေခြင်းနှင့် ပင်လယ်ရေကြောင်း လုံခြုံရေး၊ သဘာဝပတ်ဝန်းကျင်ကို ခြိမ်းခြောက်နေခြင်းတို့အပေါ် ပြင်းထန်စွာ ဝေဖန်ခဲ့သည်။ရုရှားသည် စစ်ပွဲစရိတ်အတွက် အဓိကဝင်ငွေဖြစ်သော ရေနံရောင်းဝယ်မှုကို ဆက်လက်လုပ်ဆောင်နိုင်ရန် သင်္ဘောအစင်းပေါင်း ရာနှင့်ချီ ပါဝင်သည့် Shadow Fleet များကို အသုံးပြုနေသည်ဟုယူဆရသဖြင့် ပြင်သစ်နိုင်ငံအနေဖြင့် စက်တင်ဘာလနောက်ပိုင်းမှစ၍ ရုရှားနှင့်ဆက်နွှယ်သည့် သင်္ဘော ၃ စီးထက်မနည်းကို ဖမ်းဆီးထိန်းသိမ်းခြင်း၊ ဒဏ်ငွေရိုက်ခြင်းနှင့် တရားစွဲဆိုခြင်းများပြုလုပ်ကာ နှိမ်နင်းမှုများ တိုးမြှင့်ဆောင်ရွက်လျက်ရှိသည်။ ထို့အပြင် ပြင်သစ်အစိုးရက စည်းကမ်းမလိုက်နာသည့် သင်္ဘောများအတွက် ပြစ်ဒဏ်များကို နှစ်ဆတိုးမြှင့်ရန် စီစဉ်နေသည်။ တစ်ဖက်တွင်လည်း ရုရှားသမ္မတ ဗလာဒီမာ ပူတင်က အနောက်အုပ်စုနိုင်ငံများ၏ ရုရှားနှင့်ဆက်နွှယ်သော သင်္ဘောများကို ယခုကဲ့သို့ ဖမ်းဆီးထိန်းသိမ်းသည့်လုပ်ရပ်များအပေါ် ‘ပင်လယ်ဓားပြလုပ်ရပ်’ ဟု သတ်မှတ်ကာ ပြင်းပြင်းထန်ထန် ရှုတ်ချထားသည်။ကိုးကား- Al Jazeeraဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 1-Jun-2026
ပြည်ထောင်စုဝန်ကြီး ဗိုလ်ချုပ်ကြီးထွန်းအောင် ဦးဆောင်သော မြန်မာကိုယ်စားလှယ်အဖွဲ့ စစ်ဘက်ဆိုင်ရာ ပူးပေါင်းဆောင်ရွက်မှုကိစ္စရပ်များ ဆောင်ရွက်ရန် ဘယ်လာရုစ်နိုင်ငံသို့သွားရောက်
ပြည်ထောင်စုဝန်ကြီး ဗိုလ်ချုပ်ကြီးထွန်းအောင် ဦးဆောင်သော မြန်မာကိုယ်စားလှယ်အဖွဲ့ စစ်ဘက်ဆိုင်ရာ ပူးပေါင်းဆောင်ရွက်မှုကိစ္စရပ်များ ဆောင်ရွက်ရန် ဘယ်လာရုစ်နိုင်ငံသို့သွားရောက်
ရန်ကုန် မေ ၃၁ ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး ထွန်းအောင် ဦးဆောင်သော မြန်မာ ကိုယ်စားလှယ်အဖွဲ့သည် ဘယ်လာရုစ်သမ္မတနိုင်ငံ ကာကွယ်ရေးဝန်ကြီးဌာနဝန်ကြီး ဒုတိယဗိုလ်ချုပ် ကြီး ဗစ်တာ ဂနေဒီယာဗိချ် ခရမ်နင် (Lt General Viktar Ganediavich Khrenin) ၏ နှစ်နိုင်ငံ ကာကွယ် ရေးဝန်ကြီးဌာနများအကြား စစ်ဘက်ဆိုင်ရာပူးပေါင်း ဆောင်ရွက်မှုကိစ္စရပ်များ ဆောင်ရွက်ရန် ဖိတ်ကြားချက်အရ မေ ၂၅ ရက်မှ ၃၀ ရက်အထိ ဘယ်လာရုစ် နိုင်ငံ မင့်စ်မြို့သို့ သွားရောက်ခဲ့သည်။ ခရီးစဉ်အတွင်း ဘယ်လာရုစ်နိုင်ငံ ကာကွယ်ရေး ဝန်ကြီး ဒုတိယဗိုလ်ချုပ်ကြီး ဗစ်တာခရမ်နင်က အရာရှိများ ဗဟိုရိပ်သာ (Central House of Officers of the Armed Forces of the Republic of Belarus) ၌ ဂုဏ်ပြုတပ်ဖွဲ့ဖြင့် ကြိုဆိုခဲ့ပြီး နှစ်နိုင်ငံ ကာကွယ်ရေးဝန်ကြီးများ တွေ့ဆုံ၍ မြန်မာ-ဘယ်လာရုစ် နှစ်နိုင်ငံကာကွယ်ရေးဆိုင်ရာ ပူးပေါင်းဆောင်ရွက်မှု ကိစ္စရပ်များကို ဆွေးနွေးခဲ့ကြသည်။ ထို့နောက် နှစ်နိုင်ငံ ကာကွယ်ရေးဝန်ကြီးများသည် Victory Square Obelisk Monument သို့ သွားရောက်၍ ဂုဏ်ပြုပန်းခြင်းချ အလေးပြုကြပြီး ညနေပိုင်းတွင် ဘယ်လာရုစ်နိုင်ငံ ကာကွယ်ရေးဝန်ကြီးက တည်ခင်းဧည့်ခံသော ဂုဏ်ပြုညစာစားပွဲ အခမ်းအနား တက်ရောက်ခဲ့သည်။ ခရီးစဉ်အတွင်း ကာကွယ်ရေးဝန်ကြီးဌာန ပြည်ထောင်စုဝန်ကြီး ဦးဆောင်သော မြန်မာကိုယ်စား လှယ်အဖွဲ့သည် ဘယ်လာရုစ်နိုင်ငံရှိ စစ်ဘက် နည်းပညာဆိုင်ရာစက်ရုံ၊ အလုပ်ရုံများနှင့် အထည် အလိပ်လုပ်ငန်းများကို လှည့်လည်ကြည့်ရှုခဲ့သည်။ ယင်းနောက် ဘယ်လာရုစ်နိုင်ငံ စစ်ဘက်ဆိုင်ရာ စက်မှုလုပ်ငန်း အာဏာပိုင်အဖွဲ့ရုံး၌ ဥက္ကဋ္ဌဖြစ်သူ မစ္စတာ ဒီမိထရီ ပန်တုစ် (Mr. Dimitry Pantus) ဦးဆောင်သော ကိုယ်စားလှယ်အဖွဲ့နှင့် တွေ့ဆုံပြီး နှစ်နိုင်ငံပူးပေါင်းဆောင်ရွက်ရေးဆိုင်ရာ ကိစ္စရပ်များကို ဆွေးနွေးခဲ့သည်။ ဆက်လက်၍ ပြည်ထောင်စုသမ္မတမြန်မာနိုင်ငံတော် မြန်မာသံရုံး (မင့်စ်မြို့) သို့ သွားရောက်ပြီး သံရုံး ဝန်ထမ်း မိသားစုဝင်များနှင့် သင်တန်းသားများအား တွေ့ဆုံနှုတ်ဆက်ခဲ့ကြောင်း သိရသည်။ သတင်းစဉ်MDN
Mon, 1-Jun-2026
ဟစ်ဇဘိုလာအဖွဲ့အနေဖြင့် အစ္စရေး၏ ကျူးကျော်ဝင်ရောက်မှုကို မတားဆီးနိုင်သော်လည်း အထိအခိုက်အကျဆုံးများပြီး ပေးဆပ်မှု ကြီးမားရန် လုပ်ဆောင်နိုင်
ဟစ်ဇဘိုလာအဖွဲ့အနေဖြင့် အစ္စရေး၏ ကျူးကျော်ဝင်ရောက်မှုကို မတားဆီးနိုင်သော်လည်း အထိအခိုက်အကျဆုံးများပြီး ပေးဆပ်မှု ကြီးမားရန် လုပ်ဆောင်နိုင်
အစ္စရေးစစ်တပ်သည် စစ်ရေးအရ ရှေ့တိုးလာနိုင်ခဲ့ပြီး နယ်မြေအချို့ကို သိမ်းပိုက်ရရှိထားသည်။ ယခုအခါ အစ္စရေးတို့သည် ခေတ်လယ်ပိုင်း ရဲတိုက်တစ်ခုတည်ရှိရာ မဟာဗျူဟာမြောက် ကုန်းမြင့်ဒေသကို ထိန်းချုပ်ထားပြီး ဖြစ်သည်။ ယင်းနေရာသည် လက်ဘနွန်တောင်ပိုင်းကို အစ္စရေး စစ်တပ်က ကျူးကျော်သိမ်းပိုက်ထားစဉ် ၂၀၀၀ ပြည့်နှစ်၌ မဆုတ်ခွာမီအထိ ဆယ်စုနှစ်နှစ်ခုကြာ စစ်အခြေစိုက်စခန်းအဖြစ် အသုံးပြုခဲ့သည့်နေရာလည်းဖြစ်သည်။ အစ္စရေးဝန်ကြီးချုပ်ကမူ လက်ဘနွန်နိုင်ငံအတွင်းသို့ ပိုမိုနက်ရှိုင်းစွာ ထိုးဖောက်ဝင်ရောက်ရန် စစ်တပ်ကို အမိန့်ပေးထားကြောင်း ပြောကြားခဲ့သည်။အဆိုပါ မဟာဗျူဟာမြောက်ကုန်းမြင့်မှနေ၍ လက်ဘနွန်တောင်ပိုင်း တစ်ခုလုံးအပါအဝင် ကမ်းရိုးတန်းဒေသအထိသာမက ဟစ်ဇဘိုလာတို့ အားကောင်းရာ တောင်ပိုင်းမြို့ဖြစ်သော နာဗာတီးယား (Nabatieh) မြို့အထိပါ စီးမိုးကြည့်ရှုနိုင်သည့် အချက်အချာကျသော အားသာချက်ကို ရရှိထားသည်။အစ္စရေးစစ်တပ်နှင့် နိုင်ငံရေးခေါင်းဆောင်ပိုင်းတို့သည် မြေပြင်တွင် ရလဒ်တစ်ခုခု ထွက်ပေါ်လာစေရန် ကြိုးပမ်းနေကြခြင်းဖြစ်သည်။ အထူးသဖြင့် လက်ဘနွန်တောင်ပိုင်းရှိ မြို့များကို သိမ်းပိုက်ထားသည့် အစ္စရေး စစ်သားများနှင့် အစ္စရေးမြောက်ပိုင်းရှိ တပ်ဖွဲ့ဝင်များကို ဟစ်ဇဘိုလာ တို့က ဒရုန်းများဖြင့် ပစ်မှတ်ထားတိုက်ခိုက်မှုများပိုမိုပြုလုပ်လာပြီး စစ်သည်များ သေကျေဒဏ်ရာရမှုများရှိလာသောကြောင့် အစ္စရေးအစိုးရ အနေဖြင့် ဝေဖန်မှုအမြောက်အမြားနှင့် ရင်ဆိုင်နေရပြီးနောက် ယခုကဲ့သို့ မြေပြင်တွင် အသာစီးရရန် ကြိုးပမ်းလာခြင်း ဖြစ်သည်။မကြာသေးမီရက်ပိုင်းအတွင်း ဟစ်ဇဘိုလာအဖွဲ့သည် အစ္စရေးနိုင်ငံအတွင်းပိုင်း ပိုမိုနက်ရှိုင်းသည့် နေရာများကိုပစ်မှတ်ထား၍ ရော့ကတ်ဖြင့် တိုက်ခိုက်မှုများကိုလည်း တိုးမြှင့်လုပ်ဆောင်လာခဲ့သည်။ ဟစ်ဇဘိုလာ အနေဖြင့် ယင်းဒရုန်းများကို ဆက်လက်အသုံးပြုနေဦးမည် ဖြစ်သော်လည်း ကျူးကျော်ဝင်ရောက်လာသည့် စစ်တပ်ကို တားဆီးနိုင်မည်မဟုတ်သကဲ့သို့ စစ်ပွဲ၏ ဦးတည်ချက်ကို ပြောင်းလဲပစ်ရန်လည်း အမှန်တကယ်မလုံလောက်နိုင်ပေ။ဟစ်ဇဘိုလာအဖွဲ့လုပ်ဆောင်နိုင်သည်မှာ အစ္စရေးစစ်တပ်အတွက် ယခုစစ်ဆင်ရေးကို အထိအခိုက်အကျအဆုံးများပြားပြီး ပေးဆပ်မှုကြီးမားစေရန် ပြုလုပ်ခြင်းသာဖြစ်သည်။ ထို့ကြောင့် အစ္စရေးအတွက်မူ ယခု လုပ်ရပ်သည် ဟစ်ဇဘိုလာတို့အား တိုက်ခိုက်မှုများ ရပ်တန့်စေရန်နှင့် လက်နက်ဖြုတ်သိမ်းရေး သဘောတူညီလာစေရန် ဖိအားပေးခြင်းဖြစ်သည်။ သို့သော်လည်း လက်ရှိအချိန်အထိ ဟစ်ဇဘိုလာအဖွဲ့က ယင်းသို့ လုပ်ဆောင်ရန် ငြင်းဆန်ထားဆဲဖြစ်သည်။ကိုးကား- Al Jazeeraဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 1-Jun-2026
အစ္စရေးက လက်ဘနွန်တောင်ပိုင်းရှိ နေရာများစွာကို တိုက်ခိုက်
အစ္စရေးက လက်ဘနွန်တောင်ပိုင်းရှိ နေရာများစွာကို တိုက်ခိုက်
ဘေရွတ်မြို့တောင်ပိုင်း ဆင်ခြေဖုံးရပ်ကွက်များကို ပစ်မှတ်ထားတိုက်ခိုက်မည် ဟူသော နေတန်ယာဟု၏ကြေညာချက် ထွက်ပေါ်လာပြီးနောက်လက်ဘနွန်တောင်ပိုင်းတွင် အစ္စရေး၏ တိုက်ခိုက်မှုများ ဆက်လက် ဖြစ်ပွားနေပြီး ဆိုင်ဒွန်ခရိုင် (Sidon district) ရှိ မာဝါနီယာ (Marwaniyeh) မြို့နယ်ကို လေကြောင်းမှ ဗုံးကြဲတိုက်ခိုက်ခဲ့ကြောင်း အယ်လ်ဂျာဇီးယား အာရပ်သတင်းဌာန (Al Jazeera Arabic) ရှိ သတင်းထောက်များက သတင်းပေးပို့ထားသည်။အလားတူ အယ်လ်ရှာဟာဘီယာ (al-Shahabiya) ရွာနှင့် မဂ်ျဒယ်လ်ဇောင် (Majdal Zoun) မြို့နယ်တို့ကို အစ္စရေးက နှစ်ကြိမ် တိုက်ခိုက်ခဲ့သကဲ့သို့ နာဘာတီးယားခရိုင် (Nabatieh district) ရှိ ကဖာတက်ဘနစ် (Kfar Tebnit) မြို့နယ်နှင့် ဇောတာရ် အာလ်ရှာကီယာ (Zawtar al-Sharqiya) ပတ်ဝန်းကျင် ဧရိယာတို့ကိုလည်း နောက်ထပ်နှစ်ကြိမ် တိုက်ခိုက်ခဲ့ကြောင်း သိရှိရသည်။ထို့အပြင် နာဘာတီးယားခရိုင်အတွင်းရှိ အာရပ်ဆလင်း (Arab Salim) မြို့နယ်ကိုလည်း လေကြောင်းမှတစ်ကြိမ် ဗုံးကြဲတိုက်ခိုက်ခဲ့ပြီး လက်ဘနွန်တောင်ပိုင်း၏ အရှေ့ဘက်စစ်မျက်နှာ ဝေဟင်တွင်မူ အစ္စရေး ကြားဖြတ်ဒုံးကျည်တစ်စင်း ပေါက်ကွဲခဲ့သည်။ကိုးကား- Al Jazeeraဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 1-Jun-2026
ပြင်ဆင်ချက်များကြောင့် အမေရိကန်-အီရန် ဆွေးနွေးပွဲ ကြန့်ကြာနေစဉ် စစ်ရေးအရ အပြန်အလှန် ပစ်ခတ်မှုများ ပြန်လည်ဖြစ်ပွား
ပြင်ဆင်ချက်များကြောင့် အမေရိကန်-အီရန် ဆွေးနွေးပွဲ ကြန့်ကြာနေစဉ် စစ်ရေးအရ အပြန်အလှန် ပစ်ခတ်မှုများ ပြန်လည်ဖြစ်ပွား
အရှေ့အလယ်ပိုင်းဒေသတွင် လက်ရှိဖြစ်ပွားနေသော ပဋိပက္ခများကို အဆုံးသတ်ရန်၊ အပစ်အခတ်ရပ်စဲရေး သက်တမ်းတိုးရန်နှင့် ဟော်မုဇ်ရေ လက်ကြား ပြန်လည်ဖွင့်လှစ်ရန်အတွက် အမေရိကန်နှင့် အီရန်တို့အကြား နားလည်မှုစာချွန်လွှာမူကြမ်းအပေါ် ညှိနှိုင်းနေကြသော်လည်း မကြာ သေးမီက နှစ်ဖက်အကြား စစ်ရေးအရအပြန်အလှန်တိုက်ခိုက်မှုများ ပြန်လည်ပြင်းထန်လာခဲ့သည်။ အမေရိကန် အလယ်ပိုင်းစစ်ဌာနချုပ် (CENTCOM) ၏ ထုတ်ပြန်ချက်အရ နိုင်ငံတကာရေပိုင်နက်ပေါ်တွင် ပျံသန်းနေသော အမေရိကန် MQ-1 ဒရုန်းတစ်စင်းကို အီရန်ဘက်ကပစ်ချခဲ့မှုအပါအဝင် ရန်လိုသော လုပ်ရပ်များကို တုံ့ပြန်သည့်အနေဖြင့် အမေရိကန်တိုက်လေယာဉ်များသည် ပြီးခဲ့သည့် ရက်သတ္တပတ်ကုန်ပိုင်းက အီရန်နိုင်ငံအတွင်းရှိ ရေဒါများ၊ ကွပ်ကဲမှုစခန်းများနှင့် လေကြောင်းရန်ကာကွယ်ရေးစနစ်များကို မိမိကိုယ်ကို ခုခံကာကွယ်သည့် တိုက်ခိုက်မှုများပြုလုပ်ကာ ချေမှုန်းခဲ့သည်။တစ်ချိန်တည်းမှာပင် အီရန်အစ္စလာမ္မစ်တော်လှန်ရေးအစောင့်တပ်ဖွဲ့ (IRGC) ကလည်း ၎င်းတို့၏ ဆီရစ်ခ်ကျွန်းကို တိုက်ခိုက်ရာတွင် အသုံးပြုခဲ့သည့် အမေရိကန်လေတပ်စခန်းတစ်ခုကို ပြန်လည်တိုက်ခိုက်ခဲ့ကြောင်းကြေညာခဲ့ပြီး ယင်းကြေညာချက်သည် ကူဝိတ်နိုင်ငံက ဒရုန်းနှင့် ဒုံးကျည် တိုက်ခိုက်မှုများကို ကာကွယ်ခဲ့ရကြောင်း သတင်းထုတ်ပြန်ချိန်နှင့် တိုက်ဆိုင်နေသည်။ ဧပြီလဆန်းပိုင်းကစတင်ခဲ့သည့် မရေရာသော အပစ်အခတ်ရပ်စဲရေးကာလအတွင်း ဒေသတွင်းတင်းမာမှုများ စိုးရိမ်ဖွယ်မြင့်တက်နေသော်လည်း လက်ရှိအချိန်အထိ အပစ်အခတ်ရပ်စဲရေး လုံးဝပျက်ပြားသွားခြင်း မရှိသေးပေ။အဆိုပါ စစ်ရေးအရထိတွေ့မှုများမဖြစ်ပွားမီ သမ္မတ ဒေါ်နယ်ထရမ့်က သဘောတူညီချက်သည် အတော်အတန် အပြီးသတ်လုနီးပါးဖြစ်နေပြီဟု ပြောကြားခဲ့သော်လည်း ပြီးခဲ့သည့် သောကြာနေ့ (မေ ၂၉) အကြံပေးများနှင့် အစည်းအဝေးအပြီးတွင် သဘောတူညီချက်မူကြမ်းအပေါ် ပြင်ဆင်ချက်အချို့ ထပ်မံတောင်းဆိုလိုက်ခြင်းကြောင့် ငြိမ်းချမ်းရေးဆွေးနွေးပွဲမှာ နောက်ထပ်တစ်ပတ်အထိ ကြန့်ကြာသွားခဲ့ရသည်။ ထရမ့်အနေဖြင့် အီရန်၏ နျူကလီးယားကတိကဝတ်များနှင့် ဟော်မုဇ် ရေလက်ကြား ဖွင့်လှစ်ရေးတို့တွင် ပိုမိုတင်းကျပ်သော စာသားများ ထည့်သွင်းရန် အခိုင်အမာတောင်းဆိုထားပြီး အိုဘားမားလက်ထက်ကဲ့သို့ အီရန်အပေါ် ငွေကြေးအရသက်သာခွင့် အလွန်အကျွံပေးမိမည်ကို စိုးရိမ်လျက်ရှိသည်။ ထရမ့်က အမေရိကန်အနေဖြင့် အီရန်၏ သန့်စင်ပြီး ယူရေနီယံ သိုလှောင်မှုများကို သိမ်းဆည်းဖျက်ဆီးမည်ဟု လူမှုကွန်ရက်တွင် ဆိုထားသော်လည်းအီရန်ဘက်ကမူ လက်ရှိဆွေးနွေးပွဲတွင် နျူကလီးယားအသေးစိတ်ကိုထည့်သွင်းဆွေးနွေးမည်မဟုတ်ကြောင်းနှင့် သဘောတူညီချက်တွင်ထိန်းချုပ်ထားသောပိုင်ဆိုင်မှုများကို ပြန်လည်ပေးအပ်ရေးကိစ္စ ပါဝင်ရမည်ဟု တုံ့ပြန်ထားရာ နှစ်ဖက်အကြား ကွဲလွဲမှုများရှိနေဆဲဖြစ်သည်။ ထို့ပြင် အီရန်လွှတ်တော်ဥက္ကဋ္ဌ ဂါလီဘတ်ကလည်း မိမိတို့၏ အခွင့်အရေးများ အပြည့်အဝမရမချင်း ရန်သူ၏ ကတိကဝတ်များကို ယုံကြည်မည်မဟုတ်ကြောင်း ပြောကြားထားသည်။ အထက်လွှတ်တော်အမတ် ခရစ်ကိုးန်စ်ကလည်း ထရမ့်၏ အစီအစဉ်သည် စာရွက်ပေါ်တွင် ကောင်းမွန် သော်လည်း အီရန်၏ ဒရုန်းနှင့်ရေမြှုပ်ဗုံးစွမ်းရည်များကြောင့် ဟော်မုဇ် ရေလက်ကြားကို လက်တွေ့ကာကွယ်ရန် တင်းကျပ်သော သဘောတူညီ ချက်မျိုး လိုအပ်လိမ့်မည်ဟု ထောက်ပြထားသည်။လက်ရှိတွင် အမေရိကန်သည် အီရန်ဆိပ်ကမ်းများကို စစ်ရေးအရ ဆက်လက် ပိတ်ဆို့ထားဆဲဖြစ်ပြီး မကြာသေးမီကပင် ပိတ်ဆို့မှုကိုချိုးဖောက်သည့် ဂမ်ဘီယာအလံတင် ကုန်တင်သင်္ဘောတစ်စင်းကို ဗုံးကြဲတားဆီးခဲ့ရာ ယင်းသည် ပိတ်ဆို့မှုစတင်ကတည်းက ပဉ္စမမြောက်တားဆီးခံရသည့် ကုန်သွယ်မှုသင်္ဘောဖြစ်သည်။အဆိုပါစစ်ပွဲနှင့် ရေလမ်းကြောင်းပိတ်ဆို့မှုများကြောင့် ကမ္ဘာ့စွမ်းအင်ကုန်သွယ်မှုကို ထိခိုက်စေကာ အမေရိကန်ပြည်တွင်း၌ စက်သုံးဆီ စျေးနှုန်း များ သိသိသာသာမြင့်တက်လျက်ရှိပြီး မဟာဗျူဟာမြောက် ရေနံသိုလှောင်မှု (SPR) မှ ရေနံစည်သန်းနှင့်ချီ၍ စံချိန်တင်ထုတ်ယူ သုံးစွဲနေရသည်။ အမျိုးသားစီးပွားရေးကောင်စီ ညွှန်ကြားရေးမှူး ကီဗင်ဟာဆက်က အစိုးရနှင့် ပုဂ္ဂလိကတွင် အရန်ရေနံစည် ဘီလီယံနှင့်ချီ၍ရှိနေသေးသဖြင့် ရေနံစျေးနှုန်းကိုထိန်းညှိနိုင်ပြီး ထရမ့်၏ စည်းကမ်းချက်များကို အီရန် လက်ခံလာစေရန် ဖိအားဖြစ်စေကြောင်း၊ သဘောတူညီချက်ရရှိပါက ရေနံစျေးကွက် ပုံမှန်ပြန်ဖြစ်ရန် နှစ်လခန့် ကြာမည်ဖြစ်ကြောင်း ပြောကြားခဲ့သည်။ စွမ်းအင်စျေးနှုန်းကြီးမြင့်မှုကြောင့် အမေရိကန်ပြည်သူအများစုက စီးပွားရေးအခြေအနေအပေါ် စိတ်ပျက်မှုများရှိနေသော်လည်း ဟာဆက် ကမူ လုပ်ခလစာတိုးတက်မှုနှင့် စတော့စျေးကွက်အခြေအနေများကြောင့် ပြည်သူများ၏ လက်ဝယ်တွင် ငွေကြေးပိုမိုကျန်ရှိနေဆဲဖြစ်ကြောင်း တုံ့ပြန်ပြောကြားခဲ့ပြီး စီးပွားရေးအလားအလာအပေါ် အကောင်းမြင်နေဆဲဖြစ်သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 1-Jun-2026
© Copyright 2024 SAC All Rights Reserved.