နှင်းမုန်တိုင်းကြောင့် အမေရိကန်အရှေ့မြောက်ပိုင်းတွင် လေကြောင်းခရီးစဉ် ထောင်ပေါင်းများစွာ ဖျက်သိမ်းရ

dpWEB1234

News Image

  • နှင်းမုန်တိုင်းကြောင့် အမေရိကန်အရှေ့မြောက်ပိုင်းတွင် လေကြောင်းခရီးစဉ် ထောင်ပေါင်းများစွာ ဖျက်သိမ်းရ

အမေရိကန်နိုင်ငံ နယူးယောက်မြို့နှင့် အရှေ့မြောက်ပိုင်းဒေသများ၌ ဖေဖော်ဝါရီ လ ၂၃ ရက်တွင် ပြင်းထန်သောနှင်းမုန်တိုင်းကျရောက်မှုကြောင့် လေကြောင်းခရီးစဉ် ထောင်ပေါင်းများစွာကို ဖျက်သိမ်းလိုက်ရပြီး နှင်းထုသည် ၆၀ စင်တီမီတာအထိ ကျဆင်းနိုင်ကြောင်း မိုးလေဝသခန့်မှန်းချက်များတွင်သတိပေးထားသည်။ လေကြောင်းခရီးစဉ် စောင့်ကြည့်ရေးဝက်ဆိုက် FlightAware ၏ဖော်ပြချက်အရ ဖေဖော်ဝါရီလ ၂၃ ရက်တွင်ခရီးစဉ်ပေါင်း ၅၀၀၀ ကျော် ဖျက်သိမ်းထားရသည်ကိုတွေ့ရသည်။

နယူးယောက်ပြည်နယ်အုပ်ချုပ်ရေးမှူး ကေသီဟိုချူးသည်   ပြင်းထန်သောနှင်းကျဆင်းမှုနှင့်   ကမ်းရိုးတန်းလေပြင်းများတိုက်ခတ်မှုဒဏ်ကို  အဆိုးရွားဆုံးခံစားရနိုင်သည့် လောင်းအိုင်လန်၊ နယူးယောက်စီးတီးနှင့် လိုဝါဟတ်ဆန်တောင်ကြားဒေသများတွင် ကူညီရန်  အမျိုးသားအစောင့်တပ်ဖွဲ့ဝင် ၁၀၀ ကို ဖေဖော်ဝါရီလ ၂၃ ရက်တွင် တာဝန်ပေးစေလွှတ်လိုက်သည်။

ဝါရှင်တန်မှ နယူးအင်္ဂလန်အထိ အရှေ့ဘက်ကမ်းရိုးတန်း တစ်လျှောက် သွားလာရေးများ ပြတ်တောက်နေသဖြင့် ပြည်သူများ လမ်းပေါ်မထွက်ကြရန် တာဝန်ရှိသူများက တိုက်တွန်းထားသည်။ အမျိုးသားမိုးလေဝသဌာနကလည်း မေရီလန်းမှ နယူးအင်္ဂလန် အရှေ့တောင်ပိုင်းအထိဒေသများတွင် နှင်းမုန်တိုင်း အခြေအနေများကြောင့် ခရီးသွားလာရန် အလွန်အန္တရာယ်များကြောင်း ခန့်မှန်းထားသည်။

MWD

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

PHEV ကားများက သတ်မှတ်ထားသည်ထက် စက်သုံးဆီပမာဏကို လေးဆပိုမို သုံးစွဲနေကြောင်း တွေ့ရှိရ
PHEV ကားများက သတ်မှတ်ထားသည်ထက် စက်သုံးဆီပမာဏကို လေးဆပိုမို သုံးစွဲနေကြောင်း တွေ့ရှိရ
ကမ္ဘာတစ်ဝန်းမှ  မော်တော်ကားထုတ်လုပ်ရေး ကုမ္ပဏီတွေဟာ လောင်စာဆီသုံးအင်ဂျင်နဲ့ ဘက်ထရီတွဲသုံးထားတဲ့ Plug-in hybrid(PHEV)ကားတွေကို အနာဂတ်အတွက် အကောင်းဆုံးနည်းပညာတစ်ခုအဖြစ် ကြော်ငြာနေပေမယ့် တကယ်တမ်းမှာဒီကားတွေဟာ သတ်မှတ်ထားတာထက် စက်သုံးဆီကိုလေးဆပိုမိုသုံးစွဲနေတယ်လို့ Fraunhofer အဖွဲ့အစည်းရဲ့ လေ့လာမှုအသစ်က ဖော်ပြလိုက်ပါတယ်။ ဥရောပတစ်လွှားရှိကားအစီးရေ တစ်သန်းနီးပါးကို လေ့လာရာမှာ ဒီကားတွေဟာ အစိုးရရဲ့ စစ်ဆေးချက်တွေမှာ ဖော်ပြထားတာထက် ဆီပမာဏ ၃၀၀ ရာခိုင်နှုန်းကျော် ပိုမိုအသုံးပြုနေတာကိုတွေ့ရှိခဲ့ရတာပါ။WLTP စစ်ဆေးချက်တွေအရ ဒီကားတွေဟာ ကီလိုမီတာ ၁၀၀ ကို ဆီ ၁ ဒသမ ၅၇ လီတာပဲ   သုံးစွဲရမှာဖြစ်ပေမယ့် လက်တွေ့မှာတော့ ခြောက်လီတာကျော်အထိအသုံးပြုနေတာကြောင့် ကြော်ငြာထားတာထက် လေးဆနီးပါးပိုများနေတာပါ။ ဒီလိုဖြစ်ရတာဟာ  ကားအရှိန်မြှင့်တဲ့အခါ ဒါမှမဟုတ်  အပူပေးစက်ဖွင့်တဲ့ အခါမျိုးတွေမှာ  အင်ဂျင်ကပိုရုန်းရတာကြောင့်ဖြစ်ပါတယ်။ ဒါ့အပြင် ဘက်ထရီစွမ်းအင်ကိုရယူ အသုံးပြုသည့်တိုင်  ဆီစားနှုန်းက ၁၀၀ ကီလိုမီတာကို သုံးလီတာနီးပါးရှိနေဆဲဖြစ်တာကို တွေ့ရတယ်လို့ ဆိုပါတယ်။MWD
Thu, 26-Feb-2026
၂၀၂၆ ခုနှစ် ဖေဖော်ဝါရီလအတွင်း (၂၃-၂-၂၀၂၆ ရက်နေ့မှ ၂၄-၂-၂၀၂၆ ရက်နေ့အထိ) ရန်ကုန်မြို့၏ ဝန်းကျင်လေထုအရည်အသွေး လေ့လာဆန်းစစ်ခြင်းနှင့်ပတ်သက်၍ သတင်းထုတ်ပြန်ချက် , ၂၀၂၆ ခုနှစ် ဖေဖော်ဝါရီလအတွင်း (၂၃-၂-၂၀၂၆ ရက်နေ့မှ ၂၄-၂-၂၀၂၆ ရက်နေ့အထိ) ရန်ကုန်မြို့၏ ဝန်းကျင်လေထုအရည်အသွေး လေ့လာဆန်းစစ်ခြင်းနှင့်ပတ်သက်၍ သတင်းထုတ်ပြန်ချက်
၂၀၂၆ ခုနှစ် ဖေဖော်ဝါရီလအတွင်း (၂၃-၂-၂၀၂၆ ရက်နေ့မှ ၂၄-၂-၂၀၂၆ ရက်နေ့အထိ) ရန်ကုန်မြို့၏ ဝန်းကျင်လေထုအရည်အသွေး လေ့လာဆန်းစစ်ခြင်းနှင့်ပတ်သက်၍ သတင်းထုတ်ပြန်ချက်
ရန်ကုန်တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာနအနေဖြင့် ရန်ကုန်မြို့အတွင်း အောက်ဖော်ပြပါ တိုင်းတာမှတ် (၃) နေရာတွင် Ambient Air Quality Monitoring Station with Mobile Car- (AQMS Mobile Car) ၊ Compact Air Quality Monitoring Station- (AQM 65) စက်များကို အသုံးပြု၍ Particulate Matter 2.5 (PM2.5) ၊ Particulate Matter 10 (PM10) ၊ Sulphur Dioxide (SO2) ၊ Nitrogen Dioxide (NO2)၊ Ozone (O3) နှင့် Carbon Monoxide (CO) စသည့် အဓိက Parameter (၆) မျိုးကို (၂၄) နာရီ ပုံမှန်တိုင်းတာပြီး လေ့လာဆန်းစစ်လျက်ရှိပါသည်။လေထုအပူချိန်၊ လေတိုက်နှုန်း၊ လေတိုက်ခတ်ရာလမ်းကြောင်း၊ စိုထိုင်းမှု၊ မိုးရွာသွန်းမှုအခြေအနေ၊ မော်တော်ယာဉ်အသုံးပြုမှုအခြေအနေ၊ ပူပြင်းခြောက်သွေ့မှုကြောင့် ဖုန်မှုန့်ပျံ့လွင့်မှု၊ စက်ရုံများမှ ထုတ်လွှတ်အခိုးအငွေ့များ ထုတ်လွှတ်မှုအခြေအနေနှင့် ဝန်းကျင်လေထုအရည်အသွေး တိုင်းတာသည့်နေရာအနီးဝန်းကျင် အခြေအနေတို့အပေါ်မူတည်၍ တိုင်းတာရရှိသည့် ဝန်းကျင်လေထုအရည်အသွေးရလဒ်များသည် ပြောင်းလဲမှုရှိနိုင်ပါကြောင်း သုံးသပ်ရရှိပါသည်။ပတ်ဝန်းကျင်ထိန်းသိမ်းရေးဦးစီးဌာနmoi
Thu, 26-Feb-2026
ကရသူရိဒီရေတောကြိုးပြင်ကာကွယ်တော သတ်မှတ်ခြင်း
ကရသူရိဒီရေတောကြိုးပြင်ကာကွယ်တော သတ်မှတ်ခြင်း
ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနသည် ၂၀၁၈ ခုနှစ် ပြဋ္ဌာန်းထားသည့် သစ်တောဥပဒေပုဒ်မ-(၆) ပုဒ်မခွဲ(င) အရ အပ်နှင်းထားသော လုပ်ပိုင်ခွင့်များကိုကျင့်သုံးလျက် တနင်္သာရီတိုင်းဒေသကြီး၊ ဘုတ်ပြင်းခရိုင်၊ ဘုတ်ပြင်းမြို့နယ်၊ ကရသူရိမြို့အတွင်း ကျရောက်နေသည့် ဧရိယာအကျယ်အဝန်း (၄၁,၈၅၅.၉၆) ဧကရှိသောနယ်မြေကို “ကရသူရိဒီရေတောကြိုးပြင်ကာကွယ်တော” အဖြစ် အမိန့်ကြော်ငြာစာအမှတ် (၁၀/၂၀၂၆) အရ (၁၃၈၇) ခုနှစ်၊ တပေါင်းလဆန်း (၃) ရက်၊ (၂၀၂၆ ခုနှစ်၊ ဖေဖော်ဝါရီလ ၁၈ ရက်) မှစ၍ သတ်မှတ်ကြောင်း ကြေညာလိုက်သည်။သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနသည် ဒီရေတောသစ်မျိုးများနှင့် ဒီရေတောဂေဟစနစ် ရေရှည်တည်တံ့စေရန်၊ သဘာဝဒီရေတောများ ပျက်စီးပြုန်းတီးခြင်းမှ ကာကွယ်ရန်၊ ရေသယံဇာတနှင့်ဇီဝမျိုးစုံမျိုးကွဲများ ပေါကြွယ်ဝစေရန်၊ ပင်လယ်ပြင်မှ ဖြစ်ပေါ်လာသော လှိုင်းဒဏ်၊ လေမုန်တိုင်းခံစားရမှုများအား သဘာဝတံတိုင်းကြီးများသဖွယ် ကာကွယ်ရန်၊ ဒေသခံပြည်သူများအတွက် ငါး၊ ကဏန်း၊ ပုစွန်စသည့် ရေသယံဇာတများ ထုတ်ယူသုံးစွဲနိုင်ရန်၊ ကုန်းတွင်းပိုင်းသို့ ဆားငန်ရေဝင်ရောက်မှုများမှ တားဆီးကာကွယ်နိုင်ရန်၊ ကမ်းရိုးတန်းဒေသ ဘက်စုံစီမံအုပ်ချုပ်လုပ်ကိုင်မှု အထောက်အကူပြုနိုင်ရန်နှင့် ဒီရေတောဂေဟစနစ် စီမံအုပ်ချုပ်လုပ်ကိုင်မှု ပိုမိုကောင်းမွန်လာစေပြီး သစ်တောဖုံးလွှမ်းမှုဧရိယာ တိုးပွားလာစေရန်ရည်ရွယ်၍ ဒီရေတောကြိုးပြင် ကာကွယ်တောအဖြစ် ဖွဲ့စည်းသတ်မှတ်ခြင်းဖြစ်ပါ သည်။“ကရသူရိဒီရေတောကြိုးပြင်ကာကွယ်တော” သတ်မှတ်ခြင်းဖြင့် သဘာဝပတ်ဝန်းကျင် ရာသီဥတုနှင့် ဒေသအတွက် အကျိုးပြုသော ဒီရေတောများ ဖြစ်ထွန်းလာမည်ဖြစ်ခြင်း၊ ဒီရေတော ဂေဟစနစ်ကို ရေရှည်တည်တံ့စေခြင်း၊ ပင်လယ်ရေမျက်နှာပြင် မြင့်တက်မှု၊ ကမ်းရိုးတန်း ရေတိုက်စားမှုနှင့် မုန်တိုင်းဒဏ်စသည့် သဘာဝဘေးအန္တရာယ်များ ကာကွယ်ပေးနိုင်ခြင်း၊ ဒီရေတောသစ်မျိုးများဖြစ်သော ဗြူးခြေထောက်၊ ဗြူးအုပ်ဆောင်း၊ သမဲ့ကြီး၊ သမဲ့ကျက်တက်၊ လမု၊ လဘ၊ ပင်လယ်အုန်း၊ ကျန၊ သမဲ့ဖြူနှင့် ဓနိပင်စသည့်ဒေသသစ်မျိုးများ ထိန်းသိမ်း နိုင်မည်ဖြစ်ခြင်း၊ ဗျိုင်း၊ ခရုစုတ်ငှက်၊ စွန်ခေါင်းဖြူ၊ မျောက်၊ တင်ကျီးငှက်စသည့် ငှက်မျိုးများနှင့် မိကျောင်းများ၏ နေရင်းဒေသအား ထိန်းသိမ်းနိုင်မည်ဖြစ်ခြင်း၊ ငါး၊ ကဏန်း၊ ပုစွန်စသည့် ရေနေသတ္တဝါများ၏ ရှင်သန်ပေါက်ဖွားရာ အဏ္ဏဝါဂေဟစနစ် ပိုမိုကောင်းမွန်လာစေခြင်း၊ ဒေသခံပြည်သူများ၏ လူမှုစီးပွားရေးဖွံ့ဖြိုးတိုးတက်မှုများကို အထောက်အကူပြုနိုင်ခြင်း၊ ဒီရေတောထိန်းသိမ်းမည့် ဒေသခံပြည်သူအစုအဖွဲ့ပိုင်သစ်တောများ တည်ထောင်နိုင်မည်ဖြစ်ခြင်းနှင့် သစ်တောဖုံးလွှမ်းမှု တိုးတက်လာပြီး ရာသီဥတုမျှတကောင်းမွန်လာနိုင်ခြင်းစသည့် အကျိုးကျေးဇူးများရရှိနိုင်မည်ဖြစ်ပါသည်။သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနmoi
Thu, 26-Feb-2026
မြစ်ကြီးနားလေဆိပ်မှ ခရီးသည်တင်လေယာဉ်အား KIA အဖွဲ့နှင့် PDF အမည်ခံ အကြမ်းဖက်သောင်းကျန်းသူ ပူးပေါင်းအဖွဲ့များက ယုတ်မာပက်စက်စွာ FPV suicide drone များဖြင့် ပစ်ခတ်တိုက်ခိုက်ခဲ့မှုအပေါ် ပြင်းထန်စွာ ကန့်ကွက်ရှုတ်ချကြောင်း သဘောထားထုတ်ပြန်ချက်များ ထပ်မံထုတ်ပြန်
မြစ်ကြီးနားလေဆိပ်မှ ခရီးသည်တင်လေယာဉ်အား KIA အဖွဲ့နှင့် PDF အမည်ခံ အကြမ်းဖက်သောင်းကျန်းသူ ပူးပေါင်းအဖွဲ့များက ယုတ်မာပက်စက်စွာ FPV suicide drone များဖြင့် ပစ်ခတ်တိုက်ခိုက်ခဲ့မှုအပေါ် ပြင်းထန်စွာ ကန့်ကွက်ရှုတ်ချကြောင်း သဘောထားထုတ်ပြန်ချက်များ ထပ်မံထုတ်ပြန်
မြစ်ကြီးနားလေဆိပ်မှ ခရီးသည်တင်လေယာဉ်အား KIA အဖွဲ့နှင့် PDF အမည်ခံ အကြမ်းဖက်သောင်းကျန်းသူ ပူးပေါင်းအဖွဲ့များက ယုတ်မာပက်စက်စွာ FPV suicide drone များဖြင့် ပစ်ခတ်တိုက်ခိုက်ခဲ့မှုအပေါ် ပြင်းထန်စွာ ကန့်ကွက်ရှုတ်ချကြောင်း သဘောထားထုတ်ပြန်ချက်များ ထပ်မံထုတ်ပြန်https://www.moi.gov.mm/news/80405
Thu, 26-Feb-2026
မြန်မာ့တိုင်းရင်းဆေးသမားတော်နေ့အထိမ်းအမှတ် အခမ်းအနား ကျင်းပ
မြန်မာ့တိုင်းရင်းဆေးသမားတော်နေ့အထိမ်းအမှတ် အခမ်းအနား ကျင်းပ
နေပြည်တော် ဖေဖော်ဝါရီ ၂၅တပေါင်းလပြည့်နေ့တွင် ကျရောက်မည့် မြန်မာ့တိုင်းရင်းဆေးသမားတော်နေ့အထိမ်းအမှတ်အခမ်းအနားကို ယနေ့နံနက်ပိုင်းက ကျန်းမာရေးဝန်ကြီးဌာန တိုင်းရင်းဆေးပညာဦးစီးဌာန အစည်းအဝေးခန်းမ၌ ကျင်းပသည်။အခမ်းအနားတွင် သဘာပတိအဖြစ် ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခ ဒေါက်တာသက်ခိုင်ဝင်းက ဆောင်ရွက်ပြီး အခမ်းအနားကို နဝရတ်ကတိသစ္စာ သံပြိုင်ရွတ်ဆို၍ ဖွင့်လှစ်သည်။ထို့နောက် ပြည်ထောင်စုဝန်ကြီးက မြန်မာ့တိုင်းရင်းဆေးသမားတော်နေ့သည် ပြည်သူလူထု၏ ကျန်းမာရေးကိုတိုင်းရင်းဆေးပညာဖြင့် စောင့်ရှောက်ခဲ့ကြသော တိုင်းရင်းဆေးသမားတော်ကြီးများ၏ ကြိုးစားအားထုတ်မှုများကို အမှတ်တရပြုဂုဏ်ပြု ချီးမြှင့်ခြင်းဖြစ်ကြောင်း၊ ခေတ်အဆက်ဆက် သမားတော်ကြီးများက မြန်မာ့တိုင်းရင်းဆေးသမားတော်နေ့ကို အစဉ်အလာမပျက် ကျင်းပခဲ့ကြောင်း၊ တိုင်းရင်းဆေးသမားတော်များ၏ တိုင်းရင်းဆေးပညာရပ်ဆိုင်ရာ အဖိုးတန်အမွေအနှစ်များကို မျိုးဆက်သစ်တိုင်းရင်းဆေးဆရာများထံ လက်ဆင့်ကမ်းရန်၊ မျိုးဆက်သစ်လူငယ်များအကြား တိုင်းရင်းဆေးပညာကို စိတ်ဝင်စားလာစေပြီး မြန်မာ့တိုင်းရင်းဆေးပညာ၏အတိတ်၊ ပစ္စုပ္ပန်၊ အနာဂတ်ကိုဆက်စပ်ကာ ခေတ်မီဆေးပညာနှင့်ပေါင်းစပ်၍ ပြည်သူ၏ ကျန်းမာရေးစနစ်အတွင်း တိုင်းရင်းဆေးပညာ၏ အခန်းကဏ္ဍကို မြှင့်တင်နိုင်ရန်ဖြစ်ကြောင်း၊ ရှေးတိုင်းရင်းဆေးသမားတော်ကြီးများ၏ အတွေ့အကြုံ၊ စူးစမ်းလေ့လာမှု၊ အနစ်နာခံဆောင်ရွက်မှုတို့မှ မွေးဖွားလာသော မြန်မာ့တိုင်းရင်းဆေးပညာကို ယနေ့အချိန်တွင် တိုင်းရင်းဆေးသိပ္ပံမှ တိုင်းရင်းဆေးတက္ကသိုလ်အဆင့်အထိ တည်ထောင်နိုင်ခဲ့ခြင်းကြောင့် တိုင်းရင်းဆေးရုံ၊ ဆေးခန်းများဖြင့် ဖွံ့ဖြိုးလာပြီဖြစ်ကြောင်း၊ အနာဂတ်ကာလတွင် မြန်မာ့တိုင်းရင်းဆေးပညာကို သိပ္ပံနည်းကျသုတေသနများဖြင့် အထောက်အထားပြုလုပ်ခြင်း၊ ခေတ်မီဆေးပညာနှင့် ပေါင်းစပ်အသုံးချခြင်း၊ လူငယ်မျိုးဆက်များကို စနစ် တကျပညာပေးသင်ကြားခြင်း၊ နိုင်ငံတကာအဆင့်နှင့်အညီ မြှင့်တင်ခြင်းတို့ကို ဆက်လက်ကြိုးပမ်းဆောင်ရွက်ရန်လိုအပ်ကြောင်း၊ ယနေ့အခမ်းအနားမှ မြန်မာ့တိုင်းရင်းဆေးပညာကို ပြည်သူ့ကျန်းမာရေးအတွက် အမြဲအားထားရမည့် အင်အားတစ်ရပ်အဖြစ် တည်တံ့ခိုင်မြဲစေရန် ဆုမွန်ကောင်းတောင်းပါကြောင်း ပြောကြားသည်။ယင်းနောက် တိုင်းရင်းဆေးပညာဦးစီးဌာန ညွှန်ကြားရေးမှူးချုပ် ဒေါက်တာစုစုဒွေးက မြန်မာ့တိုင်းရင်းဆေးသမားတော်နေ့ ကျင်းပရခြင်းနှင့်ပတ်သက်၍ ရှင်းလင်းပြောကြားပြီး ပြည်ထောင်စုဝန်ကြီးက သက်ကြီး၊ ဝါကြီး တိုင်းရင်းဆေးသမားတော်ကြီးများအား ဂါရဝပြုလက်ဆောင်နှင့် သိပ္ပကျော်စွာဘွဲ့ရ မြန်မာနိုင်ငံတိုင်းရင်းဆေးကောင်စီ နာယကတိုင်းရင်းဆေး ဆရာကြီးဦးမြင့်လွင်အား ဂုဏ်ပြုဆုပေးအပ်ချီးမြှင့်သည်။ ဆက်လက်၍ တိုင်းရင်းဆေးပညာဦးစီးဌာန ညွှန်ကြားရေးမှူးချုပ်၊ မြန်မာနိုင်ငံတိုင်းရင်းဆေးကောင်စီ၊ မြန်မာနိုင်ငံတိုင်းရင်းဆေးဆရာအသင်း၊ တိုင်းရင်းဆေးဝါးထုတ်လုပ်သူများနှင့် ဆေးပစ္စည်းလုပ်ငန်းရှင်များအသင်းတို့မှ တာဝန်ရှိသူများက သက်ကြီး၊ ဝါကြီးတိုင်းရင်းဆေး သမားတော်ကြီးများအား ဂါရဝပြုလက်ဆောင်ပေးအပ်ပြီး စွမ်းဆောင်ရည်ဆုနှင့် သင်တန်းထူးချွန်ဆုရရှိသူ တိုင်းရင်းဆေးဆရာများအား ဆုများပေးအပ်ချီးမြှင့်ရာ စွမ်းဆောင်ရည်ဆုရ ရန်ကုန်တိုင်းဒေသကြီး ဒလမြို့နယ်တိုင်းရင်း ဆေးကုဌာနမှ ဒုတိယတိုင်းရင်းဆေးမှူးက ကျေးဇူးတင်စကားပြောကြားခဲ့ကြောင်း သိရသည်။moi
Thu, 26-Feb-2026
ပြည်ထောင်စုဝန်ကြီး ဦးသန်းဆွေ မြန်မာသံတမန်သင်တန်းကျောင်းအဆောက်အအုံ တည်ဆောက်ခြင်း ပန္နက်တင်မင်္ဂလာအခမ်းအနား တက်ရောက် , ပြည်ထောင်စုဝန်ကြီး ဦးသန်းဆွေ မြန်မာသံတမန်သင်တန်းကျောင်းအဆောက်အအုံ တည်ဆောက်ခြင်း ပန္နက်တင်မင်္ဂလာအခမ်းအနား တက်ရောက်
ပြည်ထောင်စုဝန်ကြီး ဦးသန်းဆွေ မြန်မာသံတမန်သင်တန်းကျောင်းအဆောက်အအုံ တည်ဆောက်ခြင်း ပန္နက်တင်မင်္ဂလာအခမ်းအနား တက်ရောက်
နေပြည်တော် ဖေဖော်ဝါရီ ၂၅နိုင်ငံခြားရေးဝန်ကြီးဌာန မြန်မာသံတမန်သင်တန်းကျောင်းအဆောက်အအုံ ပန္နက်တင်မင်္ဂလာအခမ်းအနားကို ယနေ့ နံနက် ၈ နာရီတွင် နေပြည်တော်ရှိ နိုင်ငံခြားရေးဝန်ကြီးဌာန ပရိဝုဏ်၌ ကျင်းပသည်။အခမ်းအနားသို့ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ ဒုတိယဝန်ကြီး ဦးကိုကိုကျော်နှင့် ဦးနိုင်မင်းကျော်၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဆောက်လုပ်ရေး ကုမ္ပဏီမှ တာဝန်ရှိသူများနှင့် ဌာနဆိုင်ရာဝန်ထမ်းများ တက်ရောက်ကြသည်။ဦးစွာ ပြည်ထောင်စုဝန်ကြီး၊ ဒုတိယဝန်ကြီးများနှင့် Mother Development Co.,Ltd. မှ တာဝန် ရှိသူများက သတ်မှတ်နေရာများတွင် ပန္နက်တိုင်များ စိုက်ထူပေးကာ အမွှေးနံ့သာရည်ဖြင့် ပက်ဖျန်းပေးကြသည်။အဆိုပါမြန်မာသံတမန်သင်တန်းကျောင်း ဖွင့်လှစ်ပြီးပါက နိုင်ငံခြားရေးဝန်ကြီးဌာနမှ ဝန်ထမ်းများကို အရည်အသွေးပြည့်ဝသော မျိုးဆက်သစ်သံတမန်များအဖြစ် စနစ်တကျ လေ့ကျင့်ပျိုးထောင်ပေးနိုင်မည်ဖြစ်ကာ အစိုးရအဖွဲ့အစည်းအသီးသီးနှင့် ဝန်ကြီးဌာနများမှ ဝန်ထမ်းများအပါအဝင် နိုင်ငံတကာရေးရာနှင့် သံတမန်ရေးရာကဏ္ဍများကို စိတ်ပါဝင်စားသူများအား အသိပညာ မျှဝေခြင်းတို့အတွက် သင်တန်းများနှင့် လေ့ကျင့်ရေးအစီအစဉ်များကို တိုးမြှင့်ဆောင်ရွက်သွားနိုင်မည်ဖြစ်ကြောင်း သိရသည်။moi
Thu, 26-Feb-2026
© Copyright 2024 SAC All Rights Reserved.