အိန္ဒိယ ဝန်ကြီးချုပ် မိုဒီ ယခုနှစ်အတွင်း ရုရှားသို့ လာရောက်မည်ဟု လာဗရော့ဗ် ပြောကြား

KookieSpace97

News Image

  • အိန္ဒိယဝန်ကြီးချုပ် မိုဒီ ယခုနှစ်အတွင်း ရုရှားသို့ လာရောက်မည်ဟု လာဗရော့ဗ် ပြောကြား

အိန္ဒိယ ဝန်ကြီးချုပ် နာရန်ဒရာ မိုဒီသည် ယခုနှစ်အတွင်း ရုရှားနိုင်ငံသို့ လာရောက်လည်ပတ်ရန် မျှော်လင့်ရကြောင်း ရုရှား နိုင်ငံခြားရေးဝန်ကြီး ဆာဂေး လာဗရော့ဗ်က ပြောကြားခဲ့သည်။ လာဗရော့ဗ်သည် 'ရုရှားနှင့် အိန္ဒိယ နှစ်နိုင်ငံဆက်ဆံရေး အစီအစဉ်သစ်ဆီသို့' အမည်ရှိ ညီလာခံသို့ ပေးပို့ခဲ့သော ဗီဒီယိုမိန့်ခွန်းတွင် ထည့်သွင်းပြောကြားခဲ့ခြင်း ဖြစ်သည်။

"ပြီးခဲ့သည့်နှစ် ဒီဇင်ဘာလက သမ္မတ ပူတင်ရဲ့ နယူးဒေလီ ခရီးစဉ်ရလဒ်တွေအရ ရုရှားနဲ့ အိန္ဒိယတို့ရဲ့ မဟာဗျူဟာမြောက် ရည်မှန်းချက်တွေဟာ ထပ်တူကျနေတာကို အတည်ပြုနိုင်ခဲ့သလို ခိုင်မာသည့်သဘောတူညီချက် စာတမ်းအမြောက်အမြားကိုလည်း လက်မှတ်ရေးထိုးနိုင်ခဲ့ပါတယ်" ဟု လာဗရော့ဗ်က ဆိုသည်။

ထို့အပြင် လာဗရော့ဗ်က ရုရှားနှင့်အိန္ဒိယတို့အကြား အမြင့်ဆုံးအဆင့် ခေါင်းဆောင်များ၏ ဆွေးနွေးမှုကဏ္ဍသည် အရေးကြီးကြောင်း အလေးပေး ပြောကြားခဲ့သည်။ သမ္မတပူတင်သည် ပြီးခဲ့သည့် ဒီဇင်ဘာလက အိန္ဒိယ နိုင်ငံသို့ (၁၀) ကြိမ်မြောက် မှတ်တမ်းဝင်ခရီးစဉ်အဖြစ် သွားရောက်ခဲ့ခြင်း ဖြစ်သည်။

အဆိုပါ ညီလာခံတွင်ပင် အိန္ဒိယနိုင်ငံခြားရေးဝန်ကြီး အက်စ် ဂျိုင်ရှန်ကာ ကလည်း ပူတင်၏ ခရီးစဉ်သည် ကျွမ်းကျင်လုပ်သားများ ရွှေ့ပြောင်းသွားလာမှု၊ ကျန်းမာရေးနှင့် အစားအသောက် ဘေးကင်းလုံခြုံမှု၊ ရေကြောင်းပူးပေါင်းဆောင်ရွက်မှု၊ မြေသြဇာ၊ အကောက်ခွန်နှင့် ကုန်သွယ်ရေး၊ ပညာရေးနှင့် မီဒီယာပူးပေါင်းဆောင်ရွက်မှု အစရှိသည့်နယ်ပယ်စုံတွင် လမ်းသစ်များ ဖော်ဆောင်နိုင်ခဲ့ကြောင်း ဆိုသည်။

အိန္ဒိယနှင့် ရုရှားတို့သည် လက်ရှိနှစ်စဉ် ကုန်သွယ်မှုပမာဏ $68.7 ဘီလီယံမှ ၂၀၃၀ ပြည့်နှစ်တွင် $100 ဘီလီယံအထိ တိုးမြှင့်ရန် ကတိပြုထားကြကြောင်းလည်း ဂျိုင်ရှန်ကာက ပြောကြားခဲ့သည်။ "ဒါကို အကောင်အထည်ဖော်ဖို့အတွက် အိန္ဒိယ-EAEU (ယူရေးရှား စီးပွားရေးသမဂ္ဂ) လွတ်လပ်သောကုန်သွယ်မှုသဘောတူညီချက်ကို အပြီးသတ်နိုင်ဖို့ ဆက်လက် ကြိုးပမ်းရမှာဖြစ်သလို အခွန်မဟုတ်သည့် ကုန်သွယ်ရေးအတားအဆီးတွေနဲ့ စည်းမျဉ်းစည်းကမ်းဆိုင်ရာ အခက်အခဲတွေကိုဖြေရှင်းပြီး ကျွမ်းကျင်အိန္ဒိယလုပ်သားအင်အားစုကို အသုံးချသွားရမှာ ဖြစ်ပါတယ်" ဟု ၎င်းက ဆက်လက်ပြောကြားခဲ့သည်။

"အိန္ဒိယရဲ့ စွမ်းအင်ဆိုင်ရာ ရည်မှန်းချက်တွေပြည့်မီဖို့အတွက် ရုရှားဟာ ယုံကြည်အားကိုးထိုက်သည့် မိတ်ဖက်အဖြစ်ရှိနေလိမ့်မယ်လို့ ကျွန်တော် ယုံကြည်ပါတယ်" ဟု ဂျိုင်ရှန်ကာက အတည်ပြု ပြောကြားခဲ့သည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အမေရိကန်သမ္မတ ဒေါ်နယ်ထရမ့် ထိပ်သီးဆွေးနွေးမှုများလုပ်ရန် တရုတ်နိုင်ငံသို့ ချစ်ကြည်ရေးခရီးရောက်ရှိ
အမေရိကန်သမ္မတ ဒေါ်နယ်ထရမ့် ထိပ်သီးဆွေးနွေးမှုများလုပ်ရန် တရုတ်နိုင်ငံသို့ ချစ်ကြည်ရေးခရီးရောက်ရှိ
အမေရိကန်သမ္မတ ဒေါ်နယ်ထရမ့်သည် တရုတ်သမ္မတ ရှီကျင့်ဖျင်နှင့် ထိပ်သီးဆွေးနွေးမှုများ ပြုလုပ်ရန် မေလ ၁၃ ရက် ညပိုင်းတွင် တရုတ်နိုင်ငံ ပေကျင်းမြို့သို့ ရောက်ရှိလာပြီဖြစ်သည်။ ဒေါ်နယ်ထရမ့်သည် မေလ ၁၄ ရက်တွင် ရှီကျင့်ဖျင်နှင့် တွေ့ဆုံ၍ ဆွေးနွေးမှုများ ပြုလုပ်သွားမည်ဖြစ်သည်။ဒေါ်နယ်ထရမ့်သည် တရုတ်နိုင်ငံသို့ လာရောက်စဉ် ရှီကျင့်ဖျင်အနေဖြင့် တရုတ်နိုင်ငံအတွင်း အမေရိကန်စီးပွားရေးလုပ်ငန်းများ ဆောင်ရွက်နိုင်ရေးအတွက် လမ်းဖွင့်ပေးရန် တောင်းဆိုထားသည်။ ထို့ပြင် လာမည့်ဆွေးနွေးပွဲများတွင် နှစ်နိုင်ငံကြား စီးပွားရေးဆိုင်ရာ ဆက်ဆံရေး ပိုမိုခိုင်မာစေရေးအတွက် အဓိကထား ဆွေးနွေးသွားမည်ဖြစ်ကြောင်း ထရမ့်က ပြောသည်။ယခုခရီးစဉ်တွင် အမေရိကန်သမ္မတနှင့်အတူ Tesla နှင့် SpaceX လုပ်ငန်းများ တည်ထောင်သူ အီလွန်မက်စ်နှင့် Apple ကုမ္ပဏီ၏ အမှုဆောင်ချုပ် တင်ကွတ်ကဲ့သို့သော ထိပ်တန်းစီးပွားရေးလုပ်ငန်းရှင်များ လိုက်ပါလာပြီး ရှီကျင့်ဖျင်နှင့် ထိပ်သီးဆွေးနွေးပွဲတွင် ပါဝင်တက်ရောက်သွားမည်ဟု ထရမ့်က လူမှုကွန်ရက်တွင် ရေးသားထားသည်။ဒေါ်နယ်ထရမ့်သည် တရုတ်သမ္မတ ရှီကျင့်ဖျင်၏ ဖိတ်ကြားချက်အရ တရုတ်နိုင်ငံသို့ လာရောက်ခြင်းဖြစ်ပြီး ယခုခရီးစဉ်သည် ၎င်း၏ ဒုတိယအကြိမ် သမ္မတသက်တမ်းအတွင်း ပထမဆုံးသော တရုတ်နိုင်ငံခရီးစဉ်ဖြစ်ကြောင်း သိရသည်။Ref: FTMWD
Thu, 14-May-2026
သြစတြီးယားမှ ယူကရိန်းသို့ ဒေါ်လာ ၂၂ ဘီလီယံနီးပါး လျှို့ဝှက်ပေးပို့မှုရှိ
သြစတြီးယားမှ ယူကရိန်းသို့ ဒေါ်လာ ၂၂ ဘီလီယံနီးပါး လျှို့ဝှက်ပေးပို့မှုရှိ
သြစတြီးယားနိုင်ငံမှ ယူကရိန်းနိုင်ငံသို့ ၂၀၂၂ ခုနှစ်မှစ၍ ဒေါ်လာ ၂၂ ဘီလီယံနီးပါးတန်ဖိုးရှိ ငွေသားနှင့်ရွှေများ လျှို့ဝှက်ပေးပို့မှုရှိကြောင်းနှင့် ယင်းကိစ္စနှင့်ပတ်သက်၍ ရှင်းလင်းချက်ပေးရန် သြစတြီးယားနိုင်ငံရေးသမားတစ်ဦးက ဘဏ္ဍာရေးဝန်ကြီးဌာနကို တောင်းဆိုကြောင်း သိရသည်။ ယူကရိန်းနိုင်ငံသို့ ယူရို ၁၂ ဘီလီယံ (ဒေါ်လာ ၁၄ ဘီလီယံခန့်) နှင့် ဒေါ်လာ ၇ ဒသမ ၇၅ ဘီလီယံခန့်ရှိသော ငွေသားနှင့် ရွှေတင်ပို့မှု ပေါင်းအကြိမ်ရေ ၁၀၃၀ ကို စစ်ဇုန်အတွင်းသို့ သယ်ယူပို့ဆောင်ခဲ့ခြင်း ဖြစ်ကြောင်း သြစတြီးယားလွတ်မြောက်ရေးပါတီ၏ အထွေထွေအတွင်းရေးမှူး ခရစ္စတီယန်ဟာဖနက်ကာကပြောသည်။သာမန်နိုင်ငံသားတစ်ဦးအနေဖြင့် ယူရို ၁၂၀၀၀ ထုတ်ယူပါက ငွေကြေးအရင်းအမြစ်ကိုသက်သေပြရပြီး ယူရို ၁၀၀၀၀ ထက်ပို၍ နယ်စပ်ဖြတ်ကျော်ပါက ကြေညာရသော်လည်း ယူကရိန်းသို့ အလုံးအရင်းဖြင့်ပေးပို့မှုများကိုမူ ဘဏ္ဍာရေးဝန်ကြီးဌာနက စုံစမ်းစစ်ဆေးခြင်း မရှိဘဲ လျစ်လျူရှုထားကြောင်း ၎င်းကဝေဖန်သည်။ယင်းကိစ္စနှင့်ပတ်သက်၍ အပြည်ပြည်ဆိုင်ရာ   ငွေကြေးခဝါချမှုတိုက်ဖျက်ရေး စည်းမျဉ်းအတိုင်းစစ်ဆေးပြီး လွှတ်တော်သို့ အစီရင်ခံတင်ပြရန် ၎င်းကတောင်းဆိုထားသည်။ ယူကရိန်းနိုင်ငံတွင် အဂတိလိုက်စားမှုနှင့် ငွေအလွဲသုံးစားမှု သတင်းထွက်ပေါ်နေစဉ် ၎င်းက ယခုကဲ့သို့တောင်းဆိုခြင်း ဖြစ်သည်။                           Ref: RTMWD
Wed, 13-May-2026
တတိယအကြိမ် ပြည်ထောင်စုလွှတ်တော် ဒုတိယပုံမှန်အစည်းအဝေးကျင်းပရန် ခေါ်ယူ
တတိယအကြိမ် ပြည်ထောင်စုလွှတ်တော် ဒုတိယပုံမှန်အစည်းအဝေးကျင်းပရန် ခေါ်ယူ
Wed, 13-May-2026
တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး ကျင်းပရန် ခေါ်ယူ
တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး ကျင်းပရန် ခေါ်ယူ
Wed, 13-May-2026
တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးကျင်းပရန် ခေါ်ယူ
တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးကျင်းပရန် ခေါ်ယူ
Wed, 13-May-2026
ခံဝန်ဖြင့်လွတ်မြောက်မှုက သက်ဆင်ကို နိုင်ငံရေးမှ ဟန့်တား နိုင်ဖွယ်မရှိဟု ဆို
ခံဝန်ဖြင့်လွတ်မြောက်မှုက သက်ဆင်ကို နိုင်ငံရေးမှ ဟန့်တား နိုင်ဖွယ်မရှိဟု ဆို
ဝန်ကြီးချုပ်ဟောင်း သက်ဆင်ရှင်နာဝပ်သည် ၎င်း၏ခံဝန်ကာလအတွင်း နိုင်ငံရေးတွင် ပါဝင်ပတ်သက်ခြင်းမရှိဘဲ ငြိမ်သက်နေမည်မဟုတ်ကြောင်း၊ လက်ရှိတွင် နိုင်ငံရေးမှ အပြီးတိုင် အနားမယူသေးဘဲ ပြစ်ဒဏ်ကာလ ကုန်ဆုံးသည်အထိသာ သိုသိပ်စွာနေနေခြင်းဖြစ်ကြောင်း ပညာရှင်တစ်ဦး က သုံးသပ်ပြောကြားခဲ့သည်။တစ်နှစ်ထောင်ဒဏ်အနက် ၂၄၃ ရက် ကျခံပြီးနောက် တနင်္လာနေ့ (မေ ၁၁) တွင် ခံဝန်ဖြင့် လွတ်မြောက်လာခဲ့သည့် သက်ဆင်သည် နိုင်ငံရေး လောက ၏အာရုံစိုက်မှုကို တစ်ကျော့ပြန် ရရှိလာခဲ့သည်။ချူလာလောင်ကွန်းတက္ကသိုလ်မှ နိုင်ငံရေးသိပ္ပံပညာရှင် စတီသွန်း သာနာနီ သီချော့ (Stithorn Thananithichot) က သက်ဆင်သည် လွတ်မြောက် လာပြီးနောက် စိတ်အားထက်သန်ပြီး တက်ကြွနေသည်ကို တွေ့ရကြောင်း မှတ်ချက်ပြုခဲ့သည်။ သက်ဆင်၏ နိုင်ငံရေးအခန်းကဏ္ဍသည် နေအိမ်မှ တစ်ဆင့် အလွတ်သဘော တိုင်ပင်ဆွေးနွေးမှုများ ပြုလုပ်ခြင်းကဲ့သို့သော သွယ်ဝိုက်သည့်နည်းလမ်းများဖြင့် တဖြည်းဖြည်း ပြန်လည်ပေါ်ထွက်လာ နိုင်ကြောင်း ၎င်းကခန့်မှန်းခဲ့သည်။ ထို့အပြင် သက်ဆင်၏ နိုင်ငံရေးကွန်ရက်နှင့် မိသားစုဝင်များသည် ၎င်း၏ဩဇာအာဏာကို ဆက်လက် မျှော်လင့်နေကြပြီး ၎င်း၏လမ်းစဉ်အတိုင်း အနီးကပ် လျှောက်လှမ်းနေကြဆဲဖြစ်ကြောင်း ဖြည့်စွက်ပြောကြားခဲ့သည်။"သူက ဘာမှမလုပ်ဘဲ ငြိမ်ငြိမ်လေးထိုင်ပြီး မြေးတွေကိုပဲ ကြည့်နေမယ် လို့ ထင်နေတဲ့သူတွေရှိရင်တော့ မှားပါလိမ့်မယ်" ဟု စတီသွန်းက ဆိုသည်။နိုင်ငံရေးတက်ကြွလှုပ်ရှားသူ ဂျာတူပွန် ပရွန်ပန် (Jatuporn Prompan) ကမူ ပိုမိုပြတ်သားသော သဘောထားကိုဖော်ပြခဲ့ပြီး နိုင်ငံရေးတွင် ဆက်လက်ပါဝင်ပတ်သက်နေပါက သက်ဆင်၏ လူထုထောက်ခံမှုကို ကျဆင်းစေနိုင်သည့်အပြင် ဥပဒေကြောင်းအရ အန္တရာယ်များနှင့် ထပ်မံ ရင်ဆိုင်ရနိုင်ကြောင်း သတိပေးခဲ့သည်။ အကယ်၍ သက်ဆင်သည် ကြားခံလူများမှတစ်ဆင့် ဩဇာလွှမ်းမိုးရန် ကြိုးပမ်းနေသည်ဟု ယူဆ ရပါက အငြင်းပွားမှုများ တစ်ကျော့ပြန် အားကောင်းလာနိုင်ကြောင်းလည်း ၎င်းက ဆိုသည်။တစ်ချိန်တည်းမှာပင် ဝန်ကြီးချုပ် အနုတင် ချန်ဗီရာကူးလ် (Anutin Charnvirakul) က သက်ဆင်နှင့်တွေ့ဆုံရန် အသင့်ရှိကြောင်း တနင်္လာနေ့ (မေ ၁၁) တွင် အတည်ပြုပြောကြားခဲ့သည်။ အနုတင်က ၎င်းသည် သက်ဆင် လက်ထက်တွင် လက်အောက်အရာရှိအဖြစ် တာဝန်ထမ်းဆောင်ခဲ့ဖူးသူဖြစ်ကြောင်း ပြောကြားကာ တွေ့ဆုံမှုကြောင့် နိုင်ငံရေးတင်းမာမှုများ မြင့်တက်လာနိုင်သည် ဟူသော ခန့်မှန်းချက်များကို ပယ်ချခဲ့သည်။ကလောင်ပရမ်ဗဟိုအကျဉ်းထောင်မှ လွတ်မြောက်လာပြီးနောက် သက်ဆင်ကို အီလက်ထရွန်နစ် ခြေချုပ်ကိရိယာ (EM) တပ်ဆင်ပေးခဲ့ပြီး ခံဝန်စည်းကမ်းချက်များကို အသိပေးခဲ့သည်။ အဆိုပါ စည်းကမ်းချက်များတွင် မှတ်ပုံတင်ထားသော နေအိမ်လိပ်စာတွင်သာ နေထိုင်ရန်၊ လစဉ် ခံဝန်အရာရှိထံ အစီရင်ခံရန် ၊ ဘန်ကောက်မြို့ပြင်ပသို့ သွားလာလိုပါက ခွင့်ပြုချက်တောင်းခံရန်နှင့် ပြည်ပသို့ ထွက်ခွာခြင်းမပြုရန်တို့ ပါဝင်သည်။၎င်း၏လှုပ်ရှားမှုများကို စောင့်ကြည့်ကြီးကြပ်သွားမည်ဖြစ်ပြီး ဆွေမျိုးမတော်စပ်သည့် အကျဉ်းသားဟောင်းများနှင့် ဆက်သွယ်ခြင်းကို ရှောင်ကြဉ်ရမည်ဖြစ်သည်။ အဆိုပါ စည်းကမ်းချက်တစ်စုံတစ်ရာကို ဖောက်ဖျက်ပါက ၎င်း၏ခံဝန်အခြေအနေကို ပြန်လည်သုံးသပ်သွားမည်ဖြစ်သည်။ရှေ့နေဖြစ်သူ၏ ပြောကြားချက်အရ သက်ဆင်သည် မေလ ၂၅ ရက်၊ ဇွန်လ ၂၇ ရက်၊ ဇူလိုင်လ ၂၉ ရက်နှင့် ဩဂုတ်လ ၃၁ ရက်နေ့တို့တွင် အစီ ရင်ခံရမည်ဖြစ်ပြီး ခံဝန်ကာလသည် စက်တင်ဘာလ ၉ ရက်နေ့တွင် ကုန်ဆုံးမည်ဟု မျှော်လင့်ရသည်။ ထို့အပြင် သက်ဆင်သည် ဘန်ကောက် ရှိ ဆေးရုံတစ်ခုတွင် ကျန်းမာရေးစစ်ဆေးမှုများ ခံယူရန်လည်း ရှိနေသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 12-May-2026
© Copyright 2024 SAC All Rights Reserved.