ရေနံနှင့်စွမ်းအင်ကဏ္ဍတွင် အဓိကအရေးပါသည့် ဆော်ဒီ၏ဂျူဘေးရေနံဓာတု အဆောက်အအုံကို အီရန်တိုက်ခိုက်

NoahJune222

News Image

  • ရေနံနှင့်စွမ်းအင်ကဏ္ဍတွင် အဓိကအရေးပါသည့် ဆော်ဒီ၏ဂျူဘေးရေနံဓာတု အဆောက်အအုံကို အီရန်တိုက်ခိုက်

     ဆော်ဒီအာရေဗျနိုင်ငံ၏ ရေနံနှင့်စွမ်းအင်ကဏ္ဍတွင် အဓိကအရေးပါသည့် ဂျူဘေးရေနံဓာတု အဆောက်အအုံကို  အီရန်က တိုက်ခိုက်ခဲ့ကြောင်း အီရန်အစ္စလာမ်မစ်တော်လှန်ရေး အစောင့်တပ်ဖွဲ့က ဧပြီလ ၇ ရက်တွင် ကြေညာသည်။

အဆိုပါအဆောက်အအုံသည် ဒေါ်လာဘီလီယံနှင့်ချီတန်ဖိုးရှိသော  ဖက်စပ်လုပ်ငန်းများ တည်ရှိရာမြို့တစ်ခုဖြစ်သည်။

အဆိုပါ ဂျူဘေးစက်မှုမြို့တော်တွင် ဆော်ဒီအစိုးရပိုင် ဆော်ဒီအာရမ်ကို ရေနံကုမ္ပဏီ၊ ၎င်း၏ရေနံဓာတု လုပ်ငန်းခွဲတစ်ခုဖြစ်သည့် SABIC နှင့် အနောက်နိုင်ငံများမှ စွမ်းအင်ကုမ္ပဏီကြီးများအကြား ပူးပေါင်းဆောင်ရွက်သည့် ဖက်စပ်လုပ်ငန်းကြီးများလည်း တည်ရှိကြောင်းသိရသည်။

ယခုလုပ်ဆောင်သည့် တိုက်ခိုက်မှုများသည် အီရန်နိုင်ငံရှိ ရေနံဓာတုစက်ရုံများအပေါ် တိုက်ခိုက်မှုများအတွက် တုံ့ပြန်ခြင်း ဖြစ်ကြောင်း အီရန်အစ္စလာမ်မစ်တော်လှန်ရေး အစောင့်တပ်ဖွဲ့က ပြောကြားထားသည်။ 

အီရန်က တိုက်ခိုက်ခဲ့သည့်ပစ်မှတ်များတွင် ပြီးခဲ့သည့်အပတ်က ပိတ်သိမ်းခဲ့ရသည့် Sadara ဓာတုပစ္စည်းကုမ္ပဏီအဆောက်အအုံအပါအဝင် ExxonMobil ကုမ္ပဏီပိုင် အဆောက်အအုံများလည်း ပါဝင်ကြောင်းသိရသည်။

နိုင်ငံ၏အရှေ့ပိုင်းဒေသသို့ဦးတည်ပစ်ခတ်လာသည့် ပဲ့ထိန်းဒုံးကျည်ခုနစ်စင်းကို ဆော်ဒီလေကြောင်းရန် ကာကွယ်ရေးတပ်ဖွဲ့က ကြားဖြတ်ဖျက်ဆီးခဲ့သော်လည်း ကြားဖြတ်ဟန့်တားလိုက်သည့် ဒုံးကျည်အပိုင်းအစများသည်   အဆိုပါဒေသရှိ စွမ်းအင်အဆောက်အအုံများ အနီးသို့ ကျရောက်ခဲ့ကြောင်း ဆော်ဒီကာကွယ်ရေး ဝန်ကြီးဌာနက အစောပိုင်းတွင် ထုတ်ပြန်ထားကြောင်း သိရသည်။ 
MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ဟော်မုဇ်ရေလက်ကြားတွင် တိုက်ခိုက်ခံခဲ့ရသော ထိုင်းကုန်တင်သင်္ဘောပေါ်မှ သင်္ဘောသားသုံးဦး သေဆုံးကြောင်း အတည်ပြု
ဟော်မုဇ်ရေလက်ကြားတွင် တိုက်ခိုက်ခံခဲ့ရသော ထိုင်းကုန်တင်သင်္ဘောပေါ်မှ သင်္ဘောသားသုံးဦး သေဆုံးကြောင်း အတည်ပြု
ဘန်ကောက်   ဧပြီ   ၈လွန်ခဲ့သည့်လက ဟော်မုဇ်ရေလက်ကြားတွင် တိုက်ခိုက်ခံခဲ့ရသော ထိုင်းအလံတင် ကုန်တင်သင်္ဘောပေါ်မှ သင်္ဘောသားသုံးဦး သေဆုံးခဲ့ကြောင်း   ထိုင်းနိုင်ငံခြားရေးဝန်ကြီး  ဆီဟာဆက်   ဖုန်ကတ်ကရောင်းက  ဧပြီ  ၈ ရက်တွင် ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။ထိုင်းကုန်တင်သင်္ဘောတစ်စင်းသည် ဟော်မုဇ်ရေလက်ကြားတွင် မတ် ၁၁ ရက်က ခုတ်မောင်းသွားနေစဉ် တိုက်ခိုက်ခံခဲ့ရခြင်းဖြစ်သည်။ တိုက်ခိုက်ခံရပြီးနောက် သင်္ဘောသား  ၂၀ ကို ကယ်တင်နိုင်ခဲ့ပြီး ၎င်းတို့၏ လုပ်ဖော်ကိုင်ဖက်သုံးဦး ပျောက်ဆုံးခဲ့သည်။ ကယ်တင်ခံရသူအားလုံး မတ်လလယ်ခန့်တွင်  ထိုင်းနိုင်ငံသို့ ပြန်လည်ရောက်ရှိခဲ့ကြသည်။ပျောက်ဆုံးနေသော သင်္ဘောသားသုံးဦး သေဆုံးသွားပြီဖြစ်ကြောင်း မကြာသေးမီက  နိုင်ငံခြားရေးဝန်ကြီးဌာနထံ အကြောင်းကြားခဲ့သည်ဟု ဆီဟာဆက်က ဧပြီ ၈ ရက်တွင် ပြောကြားခဲ့ပြီး သေဆုံးသူများ၏   မိသားစုများအတွက် အထူးဝမ်းနည်းကြောင်း ထုတ်ဖော်ပြောကြားခဲ့သည်။လက်ရှိအချိန်အထိ  ထိုင်းကုန်တင်သင်္ဘောတစ်စင်းသာ ဟော်မုဇ်ရေလက်ကြားကို ဘေးကင်းစွာဖြတ်သန်းနိုင်ခဲ့ပြီး ထိုင်းနိုင်ငံသို့ ရောက်ရှိလာခဲ့သည်။ အရေးကြီးသော ဓာတ်မြေသြဇာများတင်ဆောင်လာသည့် သင်္ဘောတစ်စင်းအပါအဝင် ကျန်သင်္ဘောကိုးစင်းသည် သက်ဆိုင်ရာ အာဏာပိုင်များ၏  ခွင့်ပြုချက်ရရှိရန် စောင့်ဆိုင်းနေဆဲဖြစ်သည်။ဆီဟာဆက်သည် ဧပြီ ၁၅ ရက်မှ ၁၆ ရက်အထိ အိုမန်သို့ သွားရောက်ရန် စီစဉ်ထားသည်ဟု ဆိုသည်။ အပစ်အခတ်ရပ်စဲရေးကာလအတွင်း ကျန်ရှိသည့် ထိုင်းရေယာဉ်များကို ဟော်မုဇ် ရေလက်ကြားမှ  ဖြတ်သန်းသွားလာခွင့်ပြုရန် အီရန်နှင့် ညှိနှိုင်းဆောင်ရွက်မှုများ ပြုလုပ်နိုင်ရေးအတွက်  ထိုင်းနိုင်ငံသည်  အိုမန်နိုင်ငံ၏  အကူအညီကို  ရယူသွားမည်ဖြစ်သည်။         ဆင်ဟွာMDN
Thu, 9-Apr-2026
မန္တလေးမြို့၌ ခန့်မှန်းတန်ဖိုးငွေကျပ် ၁၅ ဒသမ ၀၂ ဘီလီယံခန့် တန်ဖိုးရှိ မူးယစ်ဆေးဝါးများ သိမ်းဆည်းရမိ
မန္တလေးမြို့၌ ခန့်မှန်းတန်ဖိုးငွေကျပ် ၁၅ ဒသမ ၀၂ ဘီလီယံခန့် တန်ဖိုးရှိ မူးယစ်ဆေးဝါးများ သိမ်းဆည်းရမိ
နေပြည်တော် ဧပြီ ၇  နိုင်ငံတော် အစိုးရအနေဖြင့် အနာဂတ်မျိုးဆက်သစ် လူငယ်များအပါအဝင် လူသားမျိုးနွယ်စု တစ်ခုလုံးအား အန္တရာယ်ဖြစ်စေသည့် မူးယစ်ဆေးဝါးတိုက်ဖျက်ရေး လုပ်ငန်းစဉ်များကို အမျိုးသားရေးတာဝန်တစ်ရပ်အဖြစ် သတ်မှတ်၍ အရှိန်အဟုန်မြှင့်ဆောင်ရွက်လျက်ရှိရာ မူးယစ်ဆေးဝါး သယ်ဆောင်ရောင်းဝယ် သုံးစွဲမှုများကို စစ်ဆေးရှာဖွေ ဖော်ထုတ်ဖမ်းဆီးမှုများ တိုးမြှင့်လုပ်ဆောင်နေသကဲ့သို့ အိမ်နီးချင်းနိုင်ငံများနှင့် ပူးပေါင်း၍ မူးယစ်ဆေးဝါး တားဆီးနှိမ်နင်းရေး ပူးတွဲစစ်ဆင်ရေးများကိုလည်း အင်တိုက်အားတိုက် ဆောင်ရွက်လျက်ရှိသည်။  ထိုသို့ ဆောင်ရွက်လျက်ရှိရာ မန္တလေးတိုင်းဒေသကြီး မန္တလေးမြို့ ပြည်ကြီးတံခွန်မြို့နယ်အတွင်း မူးယစ်ဆေးဝါးရောင်းချနေသူများ ရောက်ရှိနေကြောင်း တာဝန်သိ ပြည်သူတစ်ဦး၏ သတင်းပေးချက်အရ လုံခြုံရေးတပ်ဖွဲ့ဝင်များက ဖမ်းဆီးရမိရေး ဆောင်ရွက်ခဲ့ရာ ၂၀၂၆ ခုနှစ် ဧပြီ ၆ ရက် နံနက် ၈ နာရီခွဲခန့်တွင် ပြည်ကြီးတံခွန်မြို့နယ် (ဆ) ရပ်ကွက် ၅၄ (ဘီ) လမ်း ၁၂၈ x ၁၂၉ လမ်းကြား၌ မူးယစ်ဆေးဝါးများ ဖြန့်ဖြူးရောင်းချသူများ ဖြစ်သည့် အောင်ကျော်စိုးနှင့် ဇနီးဖြစ်သူ သူဇာသန်း (ခ) သီတာ တို့အား ဖမ်းဆီးရမိခဲ့ပြီး အမရပူရမြို့နယ် ဒေါင်းရွေးကျေးရွာရှိ ၎င်းတို့၏ နေအိမ်အား သွားရောက်ရှာဖွေခဲ့ရာ စိတ်ကြွရူးသွပ်ဆေးပြား ၉၉ ဒသမ ၂၂ သိန်း (ခန့်မှန်းတန်ဖိုး တစ်ပြားလျှင် ကျပ် ၁၅၀၀)၊ ဘိန်းဖြူ ၅ ဒသမ ၅ ကီလိုဂရမ် (ခန့်မှန်းတန်ဖိုး တစ်ကီလိုဂရမ်လျှင် ငွေကျပ်သိန်း ၂၅၀)၊ စုစုပေါင်း ခန့်မှန်းတန်ဖိုး ငွေကျပ် ၁၅ ဒသမ ၀၂ ဘီလီယံခန့် ကို တွေ့ရှိ သိမ်းဆည်းရမိခဲ့သည်။ ဖမ်းဆီးရမိသူများ၏ ထွက်ဆို ချက်အရ ဖမ်းဆီးရန်ကျန်ရှိသည့် ရှမ်းပြည်နယ် (မြောက်ပိုင်း) ကွတ်ခိုင်မြို့နေ အိုက်ချွမ် (ဖမ်းဆီးရန်ကျန်) က မူးယစ်ဆေးဝါးများကို မန္တလေးမြို့အတွင်း ပြန်လည်ရောင်းချရန် ၎င်း၏ အစီအစဉ်ဖြင့် အမရပူရမြို့နယ် ဒေါင်းရွေးကျေးရွာရှိ အောင်ကျော်စိုးနှင့် ဇနီးဖြစ်သူ သူဇာသန်း (ခ) သီတာ တို့၏နေအိမ်သို့ ပို့ဆောင်ပေးခဲ့ကြောင်း၊ အိုက်ချွမ် (ဖမ်းဆီးရန်ကျန်) ပို့ဆောင်ပေးသည့် မူးယစ်ဆေးဝါးများကို အောင်ကျော်စိုး နှင့် ဇနီးဖြစ်သူ သူဇာသန်း (ခ) သီတာတို့က မန္တလေးမြို့တွင် ပြန်လည်ဖြန့်ဖြူးရောင်းချခဲ့ကြောင်း သိရသည်။ အဆိုပါ မူးယစ်ဆေးဝါးနှင့်အတူ ဖမ်းဆီးရမိသူများအား ဥပဒေအရ ထိရောက်စွာအရေးယူနိုင်ရေး ဆက်လက်ဆောင်ရွက်သွားမည်ဖြစ်ပြီး ဆက်စပ်ပါဝင်ပတ်သက်သူများအား ဖော်ထုတ်ဖမ်းဆီးရမိရေး ဆောင်ရွက်လျက်ရှိကြောင်း၊ လူသားမျိုးနွယ် တစ်ရပ်လုံးနှင့် နိုင်ငံတော်၏ အနာဂတ်မျိုးဆက်သစ် လူငယ်များအတွက် ပျက်စီးဒုက္ခရောက်စေနိုင်သော မူးယစ်ဆေးဝါးနှင့် ပတ်သက်သည့်သတင်းများ ရရှိပါက သက်ဆိုင်ရာသို့ လျှို့ဝှက်စွာ သတင်းပေးတိုင်ကြားနိုင်ပါကြောင်းနှင့် သတင်းပေးသူနှင့် ပူးပေါင်းပါဝင်ဖမ်းဆီးပေးသူများအား လျှို့ဝှက်၍ ဆုငွေများ ထိုက်တန်စွာ ချီးမြှင့်ပေးမည်ဖြစ်ကြောင်း အသိပေးသတင်းထုတ်ပြန်အပ်ပါသည်။  MDN
Wed, 8-Apr-2026
မွန်ပြည်နယ်၊ ရေးမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ သုံးဦး သေဆုံးကာ တစ်ဦး ထိခိုက်ဒဏ်ရာရရှိ , မွန်ပြည်နယ်၊ ရေးမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ သုံးဦး သေဆုံးကာ တစ်ဦး ထိခိုက်ဒဏ်ရာရရှိ , မွန်ပြည်နယ်၊ ရေးမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ သုံးဦး သေဆုံးကာ တစ်ဦး ထိခိုက်ဒဏ်ရာရရှိ , မွန်ပြည်နယ်၊ ရေးမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ သုံးဦး သေဆုံးကာ တစ်ဦး ထိခိုက်ဒဏ်ရာရရှိ
မွန်ပြည်နယ်၊ ရေးမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ သုံးဦး သေဆုံးကာ တစ်ဦး ထိခိုက်ဒဏ်ရာရရှိ
08 April 2026    အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်အဖွဲ့များကို ဖွဲ့စည်း၍ အချို့သောဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများနှင့် အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။    ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ ဧပြီ ၅ ရက် ည ၁၀ နာရီတွင် မွန်ပြည်နယ်၊ ရေးမြို့နယ်၊ မီးတိုင်တက်ကျေးရွာနေ ကိုမင်း(၂၆)နှစ်၊ ကိုဇင်ကိုကို(၂၆)နှစ်၊ ဦးသိန်းငွေ(၅၇)နှစ်နှင့် ဦးသန်းလှိုင်(၃၂)နှစ်တို့သည် ၎င်းတို့၏နေအိမ်အသီးသီး၌ ရှိနေစဉ် PDF အမည်ခံ အကြမ်းဖက်သမားများ ၂၀ ဦးခန့်က ဆိုင်ကယ်များဖြင့် ရောက်ရှိလာပြီး “ဒလန်များ” ဟုစွပ်စွဲပြောဆို၍ ဖမ်းဆီးခေါ်ဆောင်၍ မီးတိုင်တက်ကျေးရွာတောင်ဘက် တစ်မိုင်ခန့်အကွာ ခေါဇာ-ကျုံညဲကားလမ်းပေါ်အရောက်၌ သေနတ်ဖြင့် ပစ်ခတ်သွားခဲ့သဖြင့် ကိုမင်း၊ ကိုဇင်ကိုကိုနှင့် ဦးသိန်းငွေတို့ သုံးဦးတွင် ကျည်ထိမှန် ဒဏ်ရာများရရှိကာ သေဆုံးသွားခဲ့ပြီး ဦးသန်းလှိုင်တွင် ကျည်ထိမှန် ဒဏ်ရာများရရှိခဲ့၍ ဆေးကုသနိုင်ရေး ရေးမြို့နယ်ပြည်သူ့ဆေးရုံသို့ ပို့ဆောင်ထားရှိကြောင်း သိရသည်။    အထက်ပါဖြစ်စဉ်တွင် လက်နက်ကိုင်အကြမ်းဖက်သမားများသည် ပြည်သူလူထုအကြား အကြောက်တရားများ လွှမ်းမိုးစေရန် ရည်ရွယ်၍ အပြစ်မဲ့ အရပ်သားပြည်သူများအား ဆင်ခြင်တုံ တရားကင်းမဲ့စွာ သေနတ်ဖြင့် ပစ်ခတ်သတ်ဖြတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချ လျက်ရှိကြောင်းနှင့် လုံခြုံရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့်ပူးပေါင်း၍ အကြမ်းဖက်သမားများအား အမြန်ဆုံး ဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။MOHA
Wed, 8-Apr-2026
ရေနံနှင့်စွမ်းအင်ကဏ္ဍတွင် အဓိကအရေးပါသည့် ဆော်ဒီ၏ဂျူဘေးရေနံဓာတု အဆောက်အအုံကို အီရန်တိုက်ခိုက်
ရေနံနှင့်စွမ်းအင်ကဏ္ဍတွင် အဓိကအရေးပါသည့် ဆော်ဒီ၏ဂျူဘေးရေနံဓာတု အဆောက်အအုံကို အီရန်တိုက်ခိုက်
     ဆော်ဒီအာရေဗျနိုင်ငံ၏ ရေနံနှင့်စွမ်းအင်ကဏ္ဍတွင် အဓိကအရေးပါသည့် ဂျူဘေးရေနံဓာတု အဆောက်အအုံကို  အီရန်က တိုက်ခိုက်ခဲ့ကြောင်း အီရန်အစ္စလာမ်မစ်တော်လှန်ရေး အစောင့်တပ်ဖွဲ့က ဧပြီလ ၇ ရက်တွင် ကြေညာသည်။အဆိုပါအဆောက်အအုံသည် ဒေါ်လာဘီလီယံနှင့်ချီတန်ဖိုးရှိသော  ဖက်စပ်လုပ်ငန်းများ တည်ရှိရာမြို့တစ်ခုဖြစ်သည်။အဆိုပါ ဂျူဘေးစက်မှုမြို့တော်တွင် ဆော်ဒီအစိုးရပိုင် ဆော်ဒီအာရမ်ကို ရေနံကုမ္ပဏီ၊ ၎င်း၏ရေနံဓာတု လုပ်ငန်းခွဲတစ်ခုဖြစ်သည့် SABIC နှင့် အနောက်နိုင်ငံများမှ စွမ်းအင်ကုမ္ပဏီကြီးများအကြား ပူးပေါင်းဆောင်ရွက်သည့် ဖက်စပ်လုပ်ငန်းကြီးများလည်း တည်ရှိကြောင်းသိရသည်။ယခုလုပ်ဆောင်သည့် တိုက်ခိုက်မှုများသည် အီရန်နိုင်ငံရှိ ရေနံဓာတုစက်ရုံများအပေါ် တိုက်ခိုက်မှုများအတွက် တုံ့ပြန်ခြင်း ဖြစ်ကြောင်း အီရန်အစ္စလာမ်မစ်တော်လှန်ရေး အစောင့်တပ်ဖွဲ့က ပြောကြားထားသည်။ အီရန်က တိုက်ခိုက်ခဲ့သည့်ပစ်မှတ်များတွင် ပြီးခဲ့သည့်အပတ်က ပိတ်သိမ်းခဲ့ရသည့် Sadara ဓာတုပစ္စည်းကုမ္ပဏီအဆောက်အအုံအပါအဝင် ExxonMobil ကုမ္ပဏီပိုင် အဆောက်အအုံများလည်း ပါဝင်ကြောင်းသိရသည်။နိုင်ငံ၏အရှေ့ပိုင်းဒေသသို့ဦးတည်ပစ်ခတ်လာသည့် ပဲ့ထိန်းဒုံးကျည်ခုနစ်စင်းကို ဆော်ဒီလေကြောင်းရန် ကာကွယ်ရေးတပ်ဖွဲ့က ကြားဖြတ်ဖျက်ဆီးခဲ့သော်လည်း ကြားဖြတ်ဟန့်တားလိုက်သည့် ဒုံးကျည်အပိုင်းအစများသည်   အဆိုပါဒေသရှိ စွမ်းအင်အဆောက်အအုံများ အနီးသို့ ကျရောက်ခဲ့ကြောင်း ဆော်ဒီကာကွယ်ရေး ဝန်ကြီးဌာနက အစောပိုင်းတွင် ထုတ်ပြန်ထားကြောင်း သိရသည်။ MWD
Wed, 8-Apr-2026
တူကီယဲရှိ အစ္စရေးကောင်စစ်ဝန်ရုံးအနီး ဖြစ်ပွားခဲ့သော ပစ်ခတ်မှုအတွင်း သေနတ်သမားသုံးဦး သေဆုံးပြီး ရဲအရာရှိနှစ်ဦး ဒဏ်ရာရ
တူကီယဲရှိ အစ္စရေးကောင်စစ်ဝန်ရုံးအနီး ဖြစ်ပွားခဲ့သော ပစ်ခတ်မှုအတွင်း သေနတ်သမားသုံးဦး သေဆုံးပြီး ရဲအရာရှိနှစ်ဦး ဒဏ်ရာရ
      တူကီယဲနိုင်ငံ    အစ္စတန်ဘူလ်မြို့ရှိ အစ္စရေးကောင်စစ်ဝန်ရုံးအနီးတွင် ဖြစ်ပွားခဲ့သော ပစ်ခတ်မှုအတွင်း သေနတ်သမားသုံးဦးသေဆုံးပြီး ရဲအရာရှိနှစ်ဦးဒဏ်ရာ ရရှိသွားကြောင်း သိရသည်။အဆိုပါပစ်ခတ်မှုသည် ဘက်ဆီတက်ခရိုင်ရှိ ကောင်စစ်ဝန်ရုံးအနီးတွင်   ဒေသစံတော်ချိန် မွန်းလွဲ ၁၂ နာရီ ၁၅ မိနစ်ခန့်တွင် ဖြစ်ပွားခဲ့ခြင်းဖြစ်ပြီး ဒဏ်ရာရရှိထားသည့် သေနတ်သမားနှစ်ဦးကို ရဲတပ်ဖွဲ့ကဖမ်းဆီးရမိထားကြောင်း သိရသည်။ဖမ်းဆီးခံထားရသည့် သေနတ်သမားများသည် နောက်ပိုင်းတွင် ဒဏ်ရာကြောင့် သေဆုံးသွားခြင်းဖြစ်ကြောင်း တူကီယဲသတင်းဌာနတစ်ခုဖြစ်သည့်     NTV ကထုတ်ပြန်သည်။အဆိုပါသေနတ်သမားများသည် အခင်းဖြစ်ပွားရာနေရာ၌ လုံခြုံရေးတာဝန်ယူထားသည့် ရဲတပ်ဖွဲ့ဝင်များကို  တိုက်ခိုက်ခဲ့ခြင်းဖြစ်ပြီး ယင်းတိုက်ခိုက်မှုအတွင်း ရဲအရာရှိများဒဏ်ရာများ ရရှိခဲ့ခြင်းဖြစ်သည်။ထို့ပြင် သေနတ်သမားများအနက် တစ်ဦးမှာ ဘာသာရေးကိုအသုံးချသည့် အဖွဲ့အစည်းတစ်ခုနှင့် ဆက်နွှယ်မှုရှိကြောင်း တွေ့ရှိရပြီး အခြားတစ်ဦးတွင်   မူးယစ်ဆေးဝါးနှင့် ပတ်သက်သည့် နောက်ကြောင်းရာဇဝင်ရှိကြောင်း     အာဏာပိုင်အဖွဲ့ကထုတ်ပြန်ထားသည်။တိုက်ခိုက်မှုဖြစ်ပွားချိန်တွင် အစ္စတန်ဘူလ်မြို့ရှိ    ကောင်စစ်ဝန်ရုံးအပါအဝင် တူကီယဲနိုင်ငံအတွင်း၌ အစ္စရေးသံအမှုထမ်းများရှိမနေခဲ့ကြောင်း    အန်ကာရာမြို့ရှိ အစ္စရေးသံရုံးက ထုတ်ပြန်သည်။ အစ္စရေးတပ်မတော်က ဂါဇာကမ်းမြောင်ဒေသတွင် တိုက်ခိုက်မှုများပြန်လည်စတင်ချိန်မှစ၍ အစ္စတန်ဘူလ်ရှိ အဆိုပါကောင်စစ်ဝန်ရုံး တည်ရှိရာနေရာသည် ဆန္ဒပြမှုများ၏ ဗဟိုချက်ဖြစ်လာခြင်းကြောင့် တူကီယဲရဲတပ်ဖွဲ့က လုံခြုံရေးကို တင်းကျပ်စွာ ချထားခဲ့ခြင်းဖြစ်ကြောင်း သိရသည်။ MWD
Wed, 8-Apr-2026
အစ္စတန်ဘူလ်မြို့ရှိ အစ္စရေးကောင်စစ်ဝန်ရုံးအနီးတွင် သေနတ်ပစ်ခတ်မှုဖြစ်ပွား
အစ္စတန်ဘူလ်မြို့ရှိ အစ္စရေးကောင်စစ်ဝန်ရုံးအနီးတွင် သေနတ်ပစ်ခတ်မှုဖြစ်ပွား
တူရကီနိုင်ငံ၊ အစ္စတန်ဘူလ်မြို့ရှိ အစ္စရေးကောင်စစ်ဝန်ရုံးအနီးတွင် အင်္ဂါနေ့ (ဧပြီ ၇) က ရဲတပ်ဖွဲ့နှင့် လက်နက်ကိုင်ဆောင်ထားသူများအကြား သေနတ်ပစ်ခတ်မှုဖြစ်ပွားခဲ့ကြောင်း ဒေသတွင်း သတင်းမီဒီယာများက ဖော်ပြခဲ့ကြသည်။ အဆိုပါကောင်စစ်ဝန်ရုံးအဆောက်အအုံမှာ လပေါင်းများစွာပိတ်ထားခဲ့ပြီး ဝန်ထမ်းများလည်းမရှိကြောင်း သိရှိရသည်။ ယခုတိုက်ခိုက်မှုသည် ကောင်စစ်ဝန်ရုံးကို ပစ်မှတ်ထားခြင်း ဟုတ်၊ မဟုတ် မှာမူ ရှင်းလင်းစွာ မသိရှိရသေးပေ။သတင်းပေးပို့ချက်များအရ ဒေသစံတော်ချိန် နေ့လယ် ၁၂:၁၅ နာရီခန့်တွင် ကောင်စစ်ဝန်ရုံးသို့ ရဲတပ်ဖွဲ့ဝင်အများအပြား စေလွှတ်ခဲ့ရသည်။ ပြောင်းရှည်သေနတ်များ ကိုင်ဆောင်ထားသည့် တိုက်ခိုက်သူများအနက် တစ်ဦးမှာ သေဆုံးသွားခဲ့ပြီး အခြားနှစ်ဦးမှာ ဒဏ်ရာများဖြင့် ဖမ်းဆီးရမိ ခဲ့ကြောင်း CNN ၏ တူရကီပိုင်းသတင်းဌာနက ဖော်ပြခဲ့သည်။ အပြန်အလှန် ပစ်ခတ်မှုအတွင်း ရဲအရာရှိနှစ်ဦးလည်း ဒဏ်ရာရရှိခဲ့သည်။အစ္စရေးကောင်စစ်ဝန်ရုံးမှာ လက်ရှိတွင်လုပ်ငန်းလည်ပတ်နေခြင်းမရှိသောကြောင့် အဆိုပါတိုက်ခိုက်မှုသည် ထိုနေရာတွင် အမြဲတမ်း အစောင့် အကြပ် ချထားလေ့ရှိသည့် တူရကီရဲတပ်ဖွဲ့ကို ပစ်မှတ်ထားခြင်းဖြစ်နိုင်ကြောင်း ကနဦးတွေ့ရှိချက်များအရ သိရသည်ဟု Anadolu သတင်းအေဂျင်စီက ဆိုသည်။ AFP နှင့် Reuters သတင်းဌာနများကလည်း လက်ရှိတွင် အစ္စတန်ဘူလ် သို့မဟုတ် အန်ကာရာမြို့များ၌ အစ္စရေးသံတမန်များ နေထိုင်ခြင်းမရှိကြောင်း အတည်ပြုခဲ့ကြသည်။တူရကီပြည်ထဲရေးဝန်ကြီး မူစတာဖာ ချစ်ဖ်ချီ (Mustafa Ciftci) က တိုက်ခိုက်သူ သုံးဦးစလုံးကို ရှင်းလင်းနိုင်ခဲ့ပြီဟုအတည်ပြုခဲ့ပြီး ၎င်းတို့၏ အချက်အလက်များကိုလည်း စစ်ဆေးဖော်ထုတ်နိုင်ခဲ့ပြီဟု ဆိုသည်။ တိုက်ခိုက်သူများအနက်တစ်ဦးမှာ ဘာသာရေးကို အလွဲသုံးစားလုပ်သည့်အဖွဲ့အစည်းတစ်ခုနှင့်ဆက်နွှယ်မှုရှိပြီး ကျန်နှစ်ဦးမှာ ညီအစ်ကိုများဖြစ်ကာ ၎င်းတို့အနက်တစ်ဦးမှာ မူးယစ်ဆေးဝါးမှုဖြင့် ပြစ်မှုမှတ်တမ်းရှိသူ ဖြစ်ကြောင်း သိရှိရသည်။ယခုဖြစ်စဉ်နှင့်ပတ်သက်၍ ရာဇဝတ်မှုဆိုင်ရာစုံစမ်းစစ်ဆေးမှုများ စတင်နေပြီဖြစ်ပြီး အမှုအားကိုင်တွယ်ရန် စုံစမ်းစစ်ဆေးရေးမှူး သုံးဦးကို တာဝန်ပေးအပ်ထားကြောင်း တူရကီတရားရေးဝန်ကြီး အာကင် ဂါးလက်ခ် (Akin Gurlek) က ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 7-Apr-2026
© Copyright 2024 SAC All Rights Reserved.