အမေရိကန်၏ ငြိမ်းချမ်းရေးအစီအစဉ်တောင်းဆိုမှုကို အီရန်ပြောကြား

News Image

အမေရိကန်အစိုးရအနေဖြင့် အချက် ၁၅ ချက်ပါဝင်သည့် ငြိမ်းချမ်းရေးဆွေးနွေးမှုအစီအစဉ်တစ်ရပ်ကို အီရန်နိုင်ငံသို့ ပေးပို့ခဲ့ကြောင်း၊ သို့သော် ယင်းကာလအတွင်း အီရန်နိုင်ငံသည် အမေရိကန်၏ တိုက်ခိုက်မှုများကို ဆက်တိုက်တွန်းလှန်နေရသည့် အခြေအနေဖြစ်ကြောင်း ၎င်းကဆိုသည်။

အဆိုပါ အချက် ၁၅ ချက်ပါ အစီအစဉ်ကို အီရန်က ချက်ချင်းပယ်ချခဲ့ပြီး သဘောတူညီနိုင်ခြင်းမရှိခဲ့ကြောင်း၊ ထို့နောက်တွင် အမေရိကန်အစိုးရကိုယ်တိုင်က ငြိမ်းချမ်းရေးအစီအစဉ်သစ်တစ်ခုရေးဆွဲရန် အီရန်နိုင်ငံအား ကြားခံများမှတစ်ဆင့် တောင်းဆိုအကြံပြုလာခဲ့ခြင်းဖြစ်ကြောင်း Vedomosti သတင်းဌာနနှင့် ပြုလုပ်သည့် တွေ့ဆုံမေးမြန်းခန်းတွင် ဂျာလာလီက ပြောကြားထားသည်။

အီရန်၏ အဆိုပါပြောကြားချက်များသည် အီရန်ကုန်တင်သင်္ဘောတစ်စင်းကို အမေရိကန်စစ်ဘက်က အိုမန်ပင်လယ်ကွေ့အတွင်း သိမ်းဆည်းလိုက်ပြီးနောက်ပိုင်းတွင် ထွက်ပေါ်လာခြင်းဖြစ်သည်။

ထို့ပြင် နှစ်နိုင်ငံအကြား ချမှတ်ထားသည့် အပစ်အခတ်ရပ်စဲရေးမှာလည်း မကြာမီ သက်တမ်းကုန်ဆုံးတော့မည်ဖြစ်သဖြင့် ငြိမ်းချမ်းရေးဆွေးနွေးပွဲများသည် မရေမရာအခြေအနေတွင် ဆက်လက်တည်ရှိနေကြောင်း သုံးသပ်ရသည်။

mwd

MM-News-Category

နိုင်ငံရေးကဏ္ဍသတင်းများ

နိုင်ငံရေး-နိုင်ငံတကာသတင်း

ပြည်ထောင်စုသမ္မတမြန်မာနိုင်ငံတော် အမျိုးသားကာကွယ်ရေးနှင့် လုံခြုံရေးကောင်စီ အစည်းအဝေး ကျင်းပ နိုင်ငံတော်သမ္မတ ဦးမင်းအောင်လှိုင် တက်ရောက်အမှာစကားပြောကြား

နေပြည်တော် ဧပြီ ၂၁ပြည်ထောင်စုသမ္မတမြန်မာနိုင်ငံတော် အမျိုးသားကာကွယ်ရေးနှင့် လုံခြုံရေးကောင်စီအစည်းအဝေးကို ယနေ့မွန်းလွဲ ၁ နာရီခွဲတွင် နေပြည်တော်ရှိ နိုင်ငံတော်သမ္မတရုံးတော်၊ အမျိုးသားကာကွယ်ရေးနှင့် လုံခြုံရေးကောင်စီအစည်းအဝေးခန်းမ၌ ကျင်းပပြုလုပ်သည်။ တက်ရောက်အစည်းအဝေးသို့ နိုင်ငံတော်သမ္မတ ဦးမင်းအောင်လှိုင်၊ ဒုတိယသမ္မတများဖြစ်ကြသည့် ဦးညိုစောနှင့် ဒေါ်နန်းနီနီအေး၊ ပြည်သူ့လွှတ်တော်ဥက္ကဋ္ဌ ဦးခင်ရီ၊ အမျိုးသားလွှတ်တော်ဥက္ကဋ္ဌ ဦးအောင်လင်းဒွေး၊ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး၊ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဗိုလ်ချုပ်ကြီး ကျော်စွာလင်း၊ ကာကွယ်ရေးဝန်ကြီးဌာန ပြည်ထောင်စု ဝန်ကြီး ဗိုလ်ချုပ်ကြီး ထွန်းအောင်၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေ၊ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ညွန့်ဝင်းဆွေနှင့် နယ်စပ်ရေးရာ ဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ဖုန်းမြတ်တို့ တက်ရောက်ကြသည်။ တိုင်းပြည်တည်ငြိမ်အေးချမ်းမှုရှိမှသာ ပြည်သူများ၏ လူမှုစီးပွားဘဝများဖွံ့ဖြိုးတိုးတက်ရေးနှင့် နိုင်ငံတော်၏ စီးပွားရေး ဖွံ့ဖြိုးတိုးတက်အောင် ဆောင်ရွက်နိုင်မည်ဦးစွာ နိုင်ငံတော်သမ္မတက အဖွင့်အမှာစကား ပြောကြားရာတွင် ယခုအစည်းအဝေးသည် မိမိတို့ အစိုးရအဖွဲ့၏ ပထမဆုံးအမျိုးသားကာကွယ်ရေးနှင့် လုံခြုံရေးကောင်စီ အစည်းအဝေးဖြစ်ကြောင်း၊ ငြိမ်းချမ်းရေးနှင့်ပတ်သက်၍ ဆောင်ရွက်သွားမည်ဟု ပြည်ထောင်စုအစိုးရအဖွဲ့အစည်းအဝေးကျင်းပ ပြုလုပ်စဉ် မိမိအနေဖြင့် ပြောကြားခဲ့ပြီးဖြစ်ကြောင်း၊ တိုင်းပြည်တည်ငြိမ်အေးချမ်းမှုရှိမှသာ ပြည်သူများ ၏ လူမှုစီးပွားဘဝများ ဖွံ့ဖြိုးတိုးတက်ရေးနှင့် နိုင်ငံတော်၏ စီးပွားရေးဖွံ့ဖြိုးတိုးတက်အောင် ဆောင်ရွက် နိုင်မည်ဖြစ်ကြောင်း၊ နိုင်ငံတည်ငြိမ်အေးချမ်းမှု ဆောင်ရွက်ရာတွင် PDF အမည်ခံအကြမ်းဖက်သမား များနှင့်ပတ်သက်သည့် အပိုင်းနှင့် EAO များနှင့် ပတ်သက်သည့် အပိုင်းဟူ၍ နှစ်ပိုင်းရှိကြောင်း။ PDF အမည်ခံအကြမ်းဖက်သမားများသည် ၂၀၂၀ ပြည့်နှစ် ပါတီစုံဒီမိုကရေစီအထွေထွေ ရွေးကောက်ပွဲ တွင် မဲမသမာမှုများဖြစ်ပေါ်ခဲ့ပြီး အဆိုပါအချိန်တွင် တာဝန်ယူဆောင်ရွက်လျက်ရှိသည့် အစိုးရအဖွဲ့ အနေဖြင့် ဥပဒေနှင့်အညီ ဖြေရှင်းဆောင်ရွက်မှုမရှိခဲ့ခြင်းကြောင့် တပ်မတော်မှ ဖွဲ့စည်းပုံအခြေခံဥပဒေ (၂၀၀၈ ခုနှစ်)နှင့်အညီ နိုင်ငံတော်တာဝန်ထမ်းဆောင်ခဲ့ရမှုအပေါ် နိုင်ငံရေးအရ သဘောထားကွဲလွဲမှုများ ကြောင့် ပေါ်ပေါက်လာခဲ့ ခြင်းဖြစ်ကြောင်း၊ တပ်မတော်မှ နိုင်ငံတော်တာဝန်များကို စတင်ထမ်းဆောင် ချိန်တွင် ၎င်းတို့အနေဖြင့် ဆူပူဆန္ဒပြမှုများသာပြုလုပ်ခဲ့သော်လည်း နောက်ပိုင်းတွင် ပြည်တွင်းတည်ငြိမ် အေးချမ်းရေးနှင့် ဖွံ့ဖြိုးတိုးတက်ရေးကို မလိုလားသည့် ပြည်တွင်း ပြည်ပအဖွဲ့အစည်းများနှင့် လူပုဂ္ဂိုလ် များ၏ သွေးထိုးလှုံ့ဆော်မှုများကြောင့် ၎င်းတို့အနေဖြင့် နိုင်ငံရေးအရ ဖြစ်ပေါ်လာသည့် ပြဿနာကို နိုင်ငံရေးနည်းလမ်းအရ ဖြေရှင်းမှုမရှိဘဲ လက်နက်ကိုင်အကြမ်းဖက်လမ်းစဉ်ကို ရွေးချယ်လုပ်ဆောင်ခဲ့ကြ ခြင်း ဖြစ်ကြောင်း။ ထိုသို့အကြမ်းဖက်လမ်းစဉ်ကို လျှောက်လှမ်းခဲ့ခြင်းမှာ အကောင်းအဆိုး၊ အကြောင်းအကျိုးကို ခွဲခြား သိမြင်နိုင်စွမ်း အားနည်းမှုနှင့် ပြည်တွင်းပြည်ပမှ လှုံ့ဆော်သွေးထိုးမှုများကို တွန်းလှန်နိုင်သည့် အသိအမြင် အားနည်းမှုများကြောင့် ဖြစ်ကြောင်း၊ ၎င်းတို့အနေဖြင့် ပွဲလန့်တုန်းဖျာခင်းလိုသည့် အချို့ သော တိုင်းရင်းသားလက်နက်ကိုင် အဖွဲ့အစည်းများ၏ နယ်မြေများသို့ရောက်ရှိကြပြီး ပြည်ပမှ ထောက်ပံ့မှုများဖြင့် အကြမ်းဖက်သင်တန်းများ တက်ရောက်ခြင်း၊ လက်နက်ခဲယမ်းများဝယ်ယူခြင်း၊ အကြမ်းဖက်လုပ်ရပ်များ လုပ်ဆောင်ခြင်းတို့ကို လုပ်ဆောင်ခဲ့ကြခြင်းဖြစ်ကြောင်း၊ PDF အမည်ခံ အကြမ်းဖက်သမားများအနေဖြင့် ၂၀၂၁ ခုနှစ်မှ ၂၀၂၃ ခုနှစ်အထိ အချို့သောနယ်မြေဒေသများတွင် အဖျက် အမှောင့်လုပ်ရပ်များကို ကျူးလွန်ခဲ့ကြခြင်းဖြစ်ကြောင်း၊ ၂၀၂၄ ခုနှစ်နောက်ပိုင်းတွင် ၎င်းတို့ အနေဖြင့် နိုင်ငံတော်၏ သဘောထားနှင့် တပ်မတော်၏ သဘောထားအမှန်များကို နားလည်သဘော ပေါက်လာကာ ဥပဒေဘောင်အတွင်းသို့ တဖြည်းဖြည်းဖြင့် ဝင်ရောက်လာခဲ့ကြသည်ကို တွေ့မြင်ရမည် ဖြစ်ကြောင်း၊ ယခုအခါ မိမိတို့အနေဖြင့် ပြည်သူများလိုလားသည့် ပါတီစုံဒီမိုကရေစီစနစ်နှင့်အညီ ဆက်လက်လျှောက်လှမ်းလျက်ရှိကြောင်း၊ ထို့ကြောင့် တိုင်းပြည်တည်ငြိမ်အေးချမ်းရေးအတွက် PDF အမည်ခံ အကြမ်းဖက်သောင်းကျန်းသူများအား ငြိမ်းချမ်းရေးလမ်းကြောင်းပေါ်သို့ ပါဝင်လာရေး ဆောင်ရွက်သွားရန်လိုကြောင်း။ အလားတူ EAO အဖွဲ့များနှင့် ပတ်သက်၍ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တွင် လက်မှတ်ရေးထိုးထားသည့် အဖွဲ့များရှိသကဲ့သို့ လက်မှတ်ရေးထိုးခြင်းမပြုရသေးသည့် အဖွဲ့များလည်းရှိကြောင်း၊ ပြီးခဲ့သည့်ကာလများအတွင်း မိမိတို့နှင့် အချို့တိုင်းရင်းသားလက်နက်ကိုင် အဖွဲ့များ တွေ့ဆုံဆွေးနွေး ညှိနှိုင်းမှုများ ဆောင်ရွက်ခဲ့ပြီး နှစ်ဖက်သဘောတူညီချက်များ ရရှိခဲ့ကြောင်း၊ အဆိုပါ သဘောတူညီချက်များကို ပြည်ထောင်စုလွှတ်တော်တွင် ထည့်သွင်းဆွေးနွေး အတည်ပြု ဆောင်ရွက်သွားမည်ဖြစ်ကြောင်း၊ အချို့တိုင်းရင်းသားလက်နက်ကိုင် အဖွဲ့များအနေဖြင့် ငြိမ်းချမ်းရေး ဆွေးနွေးလိုသည်များရှိပြီး အချို့တိုင်းရင်းသားလက်နက်ကိုင်အဖွဲ့များမှာ ၎င်းတို့၏အကျိုးအတွက် လက်နက်ကိုင်၍ ဆောင်ရွက်နေခြင်းဖြစ်သည်ကို တွေ့ရှိရကြောင်း။နိုင်ငံတော်ကာကွယ်ရေးအတွက် တပ်မတော်နှင့်မြန်မာနိုင်ငံရဲတပ်ဖွဲ့တို့၏ စွမ်းရည်နှင့်စွမ်းအားများ မြှင့်တင်တစ်ဆက်တည်းတွင် လုံခြုံရေးပိုင်းနှင့် ပတ်သက်၍ တပ်မတော်နှင့် မြန်မာနိုင်ငံရဲတပ်ဖွဲ့တို့၏ စွမ်းရည်နှင့် စွမ်းအားမြှင့်တင်ရေးကို ဆက်လက်ဆောင်ရွက်ရမည်ဖြစ်ကြောင်း၊ ပြည်တွင်းလုံခြုံရေး နှင့်ပတ်သက်၍ မြန်မာနိုင်ငံရဲတပ်ဖွဲ့တွင် တာဝန်ရှိသော်လည်း မိမိတို့နိုင်ငံတွင် ဖြစ်ပေါ်နေသည့် အခြေအနေအရ တပ်မတော်အနေဖြင့် ရဲတပ်ဖွဲ့ဝင်များနှင့်ပူးပေါင်း၍ ပါဝင်ဖြေရှင်းဆောင်ရွက်နေရ ခြင်းဖြစ်ကြောင်း၊ အခြားနိုင်ငံများတွင်လည်း ပြည်တွင်းလက်နက်ကိုင်ပဋိပက္ခများကို တပ်မတော်က ဖြေရှင်းဆောင်ရွက် သည်ကို တွေ့ရှိနိုင်ကြောင်း။ ရဲတပ်ဖွဲ့တွင် နယ်မြေထိန်းသိမ်းသည့် ရဲတပ်ဖွဲ့ (Armed Force Police) နှင့် ဥပဒေစည်းကမ်းပိုင်းဆိုင်ရာ ထိန်းသိမ်းသည့်ရဲတပ်ဖွဲ့ (Law Force Police) ဟူ၍ နှစ်မျိုးရှိကြောင်း၊ လွန်ခဲ့သည့် ၅ နှစ်တာကာလ အတွင်း မြန်မာနိုင်ငံရဲတပ်ဖွဲ့ဝင်များအနေဖြင့် ပြည်တွင်းလုံခြုံရေးနှင့် ပဋိပက္ခနှိမ်နင်းရေးလုပ်ငန်း များ ဆောင်ရွက်ရာတွင် အောင်မြင်မှုများစွာရရှိခဲ့သည်ကို တွေ့မြင်ရကြောင်း၊ စနစ်တကျလေ့ကျင့် ဆောင်ရွက်ပေးသွားမည်ဆိုပါက ရဲတပ်ဖွဲ့ဝင်များ၏ စွမ်းပကားများ ယခုထက်ပိုမို တိုးတက်လာမည်ဖြစ် ကြောင်း၊ တပ်မတော်သားများနှင့် ရဲတပ်ဖွဲ့ဝင်များ၏ အင်အားတည်ဆောက်ရေးနှင့် စွမ်းရည်မြှင့်တင်ရေး လုပ်ငန်းများကို ဆောင်ရွက်သွားရန်လိုကြောင်း။ ယခု မိမိတို့တာဝန်ထမ်းဆောင်ချိန် ၅ နှစ်တာကာလအတွင်း နိုင်ငံတည်ငြိမ်အေးချမ်းရေးအတွက် တပ်မတော်နှင့် မြန်မာနိုင်ငံရဲတပ်ဖွဲ့တို့၏ စွမ်းရည်နှင့် စွမ်းအားများ မြှင့်တင်ပေးသွားရန်လိုကြောင်း၊ စည်းကမ်းပိုင်းဆိုင်ရာများနှင့်ပတ်သက်၍ ကောင်းမွန်သည့်အကျင့် (Good Practice) များရှိအောင် လေ့ကျင့်ဆောင်ရွက်ပေးရမည်ဖြစ်ကြောင်း၊ သွားလာနေထိုင်မှုနှင့် ဝတ်စားဆင်ယင်မှုများ စည်းကမ်းများ ကောင်းမွန်ရန်နှင့် အဂတိတရားကင်းရှင်းမှုများ ရှိအောင် ဆောင်ရွက်ပေးရမည်ဖြစ်ကြောင်း။ စွမ်းရည်ရှိသည့် အုပ်ချုပ်ရေးအဖွဲ့များဖြစ်အောင်စနစ်တကျ လေ့ကျင့်ဆောင်ရွက်အုပ်ချုပ်ရေးအဖွဲ့အစည်းများနှင့် ပတ်သက်၍ ပြည်သူများနှင့် အဓိကထိတွေ့ဆောင်ရွက်လျက် ရှိသည့် ရပ်ကွက်ကျေးရွာအဆင့်၊ မြို့နယ်အဆင့်များ၌ တာဝန်ယူထားရသည့် အုပ်ချုပ်ရေးအဖွဲ့အစည်းများ အနေဖြင့်လည်း နိုင်ငံတော်မှချမှတ်ထားသည့် စည်းမျဉ်းစည်းကမ်းများ၊ ဥပဒေများ၊ အုပ်ချုပ်ရေး အခြေခံ သဘောတရားများကို သိရှိနားလည်သောစွမ်းရည်ရှိသည့် အုပ်ချုပ်ရေးအဖွဲ့အစည်းများ ဖြစ်ကြရန် လိုကြောင်း၊ ထို့ပြင် အုပ်ချုပ်ရေးအဖွဲ့များအနေဖြင့် အဂတိများ ကင်းရှင်းရန်လိုကြောင်း၊ ထို့ကြောင့် စွမ်းရည်ရှိသည့် အုပ်ချုပ်ရေးအဖွဲ့များဖြစ်အောင် စနစ်တကျ လေ့ကျင့်ဆောင်ရွက်ပေး သွားရန် လိုကြောင်း။ အာဆီယံအဖွဲ့အတွင်း အကောင်းဆုံးဖြစ်အောင်ပူးပေါင်းဆောင်ရွက်လျက်ရှိအာဆီယံနှင့်ပတ်သက်၍ အကောင်းဆုံးဖြစ်အောင် ပူးပေါင်းဆောင်ရွက်သွားမည်ဟု မိမိ သမ္မတအဖြစ် ကျမ်းသစ္စာကျိန်ဆိုသည့်အချိန်က မိန့်ခွန်းပြောကြားရာတွင် ထည့်သွင်းပြောကြားထားပြီးဖြစ်ကြောင်း၊ မိမိတို့အနေဖြင့် အာဆီယံဘုံသဘော တူညီချက်(၅)ရပ်ပါအချက်များတွင် ပါဝင်သည့် လူသားချင်းစာနာ ထောက်ထားမှုဆိုင်ရာ ကိစ္စရပ်များနှင့် အခြားအချက်များကို မိမိတို့အနေဖြင့် အတတ်နိုင်ဆုံး ပူးပေါင်း ဆောင်ရွက်လျက်ရှိကြောင်း၊ လူမှုကွန်ရက်တွင် ဖော်ပြထားသည့် မှားယွင်းသော သတင်းအချက်အလက် များကိုအခြေခံပြီး မိမိတို့အပေါ် ဖိအားပေးလုပ်ဆောင်နေခြင်းများလည်းရှိကြောင်း၊ အချို့အာဆီယံ အဖွဲ့ဝင်နိုင်ငံများက ပြင်ဆင်လိုကြသည်များလည်းရှိကြောင်း၊ အာဆီယံအဖွဲ့အတွင်း အကောင်းဆုံး ပူးပေါင်းဆောင်ရွက်နိုင်ရေး မိမိတို့အနေဖြင့် ဆက်လက်ကြိုးပမ်း ဆောင်ရွက်သွားရမည်ဖြစ်ကြောင်း၊ တက်ရောက်လာကြသည့် အမျိုးသားကာကွယ်ရေးနှင့် လုံခြုံရေးကောင်စီအဖွဲ့ဝင်များအနေဖြင့် ဝိုင်းဝန်း ဆွေးနွေးဆောင်ရွက်ကြစေလိုကြောင်း ပြောကြားသည်။ တက်ရောက်လာကြသူများက ဆွေးနွေးတင်ပြထို့နောက် ဒုတိယသမ္မတ ဦးညိုစောက အာဆီယံ ဘုံသဘောတူညီချက် (၅) ရပ်နှင့်ပတ်သက်၍ မြန်မာ နိုင်ငံအနေဖြင့် အကောင်းဆုံးဖြစ်အောင် ဆောင်ရွက်လျက်ရှိပြီး ပြည်တွင်းငြိမ်းချမ်းမှုရရှိရေးအတွက် လည်း နည်းလမ်းမျိုးစုံဖြင့် ကြိုးပမ်းဆောင်ရွက်လျက်ရှိမှု၊ အာဆီယံအနေဖြင့် သဘာဝဘေးအန္တရာယ် ကျရောက်သည့်ဒေသများသို့ လူသားချင်းစာနာ ထောက်ထားမှုဆိုင်ရာ အကူအညီများပေးအပ်လျက် ရှိမှုနှင့် အာဆီယံအဖွဲ့ဝင်နိုင်ငံများအနေဖြင့် မြန်မာနိုင်ငံအပေါ် အပြုသဘောဆောင်သည့် သဘောထား အမြင်များ ပြောင်းလဲထားရှိလာမှု အခြေအနေများကိုလည်းကောင်း၊ ဒုတိယသမ္မတ ဒေါ်နန်းနီနီအေးက အရည်အချင်းရှိသည့် အုပ်ချုပ်ရေးအဖွဲ့အစည်းများ ဖြစ်ပေါ်လာစေရေး၊ စီမံခန့်ခွဲမှုစွမ်းရည်များ တိုးတက် ကောင်းမွန်စေရေးတို့အတွက် စွမ်းရည်မြှင့်တင်ခြင်းနှင့် လေ့ကျင့်သင်ကြားပေးသွားရန် လိုအပ်မှုတို့ကို လည်းကောင်း ဆွေးနွေးပြောကြားကြသည်။ ယင်းနောက် ပြည်သူ့လွှတ်တော်ဥက္ကဋ္ဌ ဦးခင်ရီက ပြည်တွင်းငြိမ်းချမ်းရေးရရှိရေးအတွက် နိုင်ငံတော် သမ္မတ၏ ဖိတ်ခေါ်ထားရှိမှုနှင့်ပတ်သက်၍ လွှတ်တော် စင်မြင့်တွင် ထည့်သွင်းဆွေးနွေးသွားမည့် အခြေ အနေများ၊ ပြည်တွင်းငြိမ်းချမ်းမှုရရှိရေးအတွက် အားလုံးပါဝင်သည့် တွေ့ဆုံဆွေးနွေးမှုများ ဆောင်ရွက် သွားရန်လိုအပ်သည့် အခြေအနေများ၊ အမျိုးသား လွှတ်တော်ဥက္ကဋ္ဌ ဦးအောင်လင်းဒွေးက မြန်မာနိုင်ငံ အနေဖြင့် ပြည်တွင်းတည်ငြိမ်အေးချမ်းရေးနှင့် တရားဥပဒေစိုးမိုးရေးကို အလေးထားဆောင်ရွက် လျက်ရှိမှုအခြေအနေများ၊ မြန်မာနိုင်ငံနှင့် အာဆီယံလွှတ်တော်အချင်းချင်း‌ တွေ့ဆုံဆွေးနွေး ဆောင်ရွက် နိုင်မည့် အခြေအနေများကိုလည်းကောင်း၊ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦးက နယ်မြေဒေသအလိုက် စစ်ဆင်ရေး၊ လုံခြုံရေး၊နယ်မြေ စိုးမိုးရေးနှင့် တရားဥပဒေစိုးမိုးရေးလုပ်ငန်းများ ဆောင်ရွက်နိုင်မှု အခြေအနေများ၊ တိုင်းရင်းသားလက်နက်ကိုင် အဖွဲ့အစည်းများနှင့် တွေ့ဆုံဆွေးနွေး မှုများ ဆောင်ရွက်သွားမည့်အခြေအနေများ၊ အကြမ်းဖက်လက်နက်ကိုင်အဖွဲ့ဝင်များ အနေဖြင့် ဥပဒေဘောင်အတွင်းသို့ စဉ်ဆက်မပြတ် ဝင်ရောက်လာနေမှုအခြေအနေများ၊ နယ်မြေဒေသအလိုက် မူးယစ်ဆေးဝါးတားဆီးနှိမ်နင်းရေးနှင့် အွန်လိုင်းလိမ်လည်လောင်းကစားမှု တိုက်ဖျက်ရေးလုပ်ငန်းများ အား ကြိုးပမ်းဆောင်ရွက်လျက်ရှိသည့် အခြေအနေများ၊ ပြည်သူ့စစ်မှုထမ်းတာဝန် ထမ်းဆောင်မှု ကာလပြည့်မြောက်ခဲ့သူများအား တိုင်းစစ်ဌာနချုပ်များအလိုက် ဂုဏ်ပြုပေးခဲ့သည့် အခြေအနေများကို လည်းကောင်း။ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဗိုလ်ချုပ်ကြီး ကျော်စွာ လင်းက တပ်မတော်အနေဖြင့် နိုင်ငံတော်ကာကွယ်ရေးတာဝန်များကို ထမ်းဆောင်ရာတွင် တရားဥပဒေ နှင့်အညီ ဆောင်ရွက်လျက်ရှိမှု အခြေအနေများကို လည်းကောင်း၊ ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး ထွန်းအောင်က ပြည်သူ့စစ်မှုထမ်းသင်တန်းများအား စဉ်ဆက်မပြတ် ဖွင့်လှစ်ဆောင်ရွက်လျက်ရှိမှု အခြေအနေများကိုလည်းကောင်း၊ နိုင်ငံခြားရေးဝန်ကြီးဌာန ပြည်ထောင်စု ဝန်ကြီး ဦးတင်မောင်ဆွေက အချို့သောအာဆီယံနိုင်ငံများအနေဖြင့် မြန်မာနိုင်ငံ၏ ပကတိအခြေအနေ အပေါ် အပြုသဘောဆောင်သည့် ရှုမြင်သုံးသပ်ချက်များအား တွေ့မြင်ရရှိလာမှု အခြေအနေများနှင့် ဆက်လက်ဆောင်ရွက်သွားနိုင်မည့် အကြံပြုတင်ပြချက်များကိုလည်းကောင်း၊ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ညွန့်ဝင်းဆွေက မြန်မာနှစ်သစ်ကူး အတာသင်္ကြန်ကာလ အတွင်း အမှုအခင်းများဖြစ်ပွားခဲ့မှုနှင့် ယခင်ကာလတူ နှိုင်းယှဉ်သုံးသပ်တင်ပြချက်များ၊ နယ်မြေတည်ငြိမ် အေးချမ်းရေးနှင့် တရားဥပဒေစိုးမိုးရေးအတွက် နယ်မြေဒေသလုံခြုံရေးနှင့် အကြမ်းဖက်နှိမ်နင်းရေး အဖွဲ့များ တိုးတက်ဖွဲ့စည်းနိုင်ခဲ့မှု၊ မူးယစ်ဆေးဝါးများ စိစစ်ဖော်ထုတ်ဖမ်းဆီးနိုင်ခဲ့မှု၊ ရပ်ကွက်၊ ကျေးရွာများအလိုက် အုပ်ချုပ်ရေးမှူးများ၏ စွမ်းဆောင်ရည်များ တိုးတက်လာစေရေး စီမံဆောင်ရွက် လျက်ရှိမှု အခြေအနေများကိုလည်းကောင်း၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ဖုန်းမြတ်က အချို့သောနယ်မြေဒေသများ၌ ယာယီနေရပ်‌စွန့်ခွာနေရသူများအား ၎င်းတို့၏ နေရပ်အသီးသီးသို့ ပြန်လည်ဝင်ရောက်နေထိုင်နိုင်ရေး စီမံဆောင်ရွက်လျက်ရှိမှုနှင့် ယာယီခိုလှုံရေးစခန်းများအား အပြီးတိုင်ပိတ်သိမ်းနိုင်ရေး ကြိုးပမ်းဆောင်ရွက်လျက်ရှိမှု၊ နိုင်ငံဖြတ်ကျော် မီးခိုးမြူငွေ့ပပျောက်ရေးဆိုင်ရာလုပ်ငန်းများ ဆောင်ရွက်လျက်ရှိမှုတို့နှင့် ပတ်သက်၍လည်းကောင်း ဆွေးနွေးတင်ပြကြသည်။ထို့နောက် နိုင်ငံတော်သမ္မတက ဆွေးနွေးချက်များနှင့်ပတ်သက်၍ ပြန်လည်သုံးသပ်ဆွေးနွေးပြီး နိဂုံးချုပ် အမှာစကားပြောကြားရာတွင် မိမိတို့အနေဖြင့် လွတ်လပ်၍တရားမျှတသော ပါတီစုံဒီမိုကရေစီ ရွေးကောက်ပွဲတစ်ရပ်ကို နိုင်ငံတကာမှ စောင့်ကြည့်လေ့လာသူများ၏ ရှေ့မှောက်၌ အဆင့်မီမီကျင်းပ နိုင်ခဲ့ပြီး ပေါ်ထွက်လာခဲ့သည့် ဒီမိုကရေစီအစိုးရ တစ်ရပ်ဖြစ်ကြောင်း၊ လက်ရှိဖြစ်ပေါ်နေသည့် ကမ္ဘာ့ နိုင်ငံရေး အခင်းအကျင်းများနှင့် ပဋိပက္ခများကြောင့် နောက်ဆက်တွဲအနေဖြင့် နိုင်ငံတကာတွင် လောင်စာဆီ အခက်အခဲများ ကြုံတွေ့ရလျက်ရှိသကဲ့သို့ မိမိတို့ နိုင်ငံအနေဖြင့်လည်း ရင်ဆိုင်ကြုံတွေ့ရ လျက်ရှိကြောင်း၊ မိမိတို့နိုင်ငံအနေဖြင့်လည်း ပြည်တွင်း လောင်စာဆီ အခက်အခဲ၊ အကျပ်အတည်းများကို ဖြေရှင်းပေးနိုင်ရေး၊ စိုက်ပျိုးမွေးမြူရေးနှင့် ကုန်ထုတ် လုပ်ငန်းများအတွက် လိုအပ်သည့် လောင်စာဆီနှင့် သွင်းအားစုများ ရရှိနိုင်ရေး နည်းလမ်းမျိုးစုံဖြင့် ကြိုတင်စုဆောင်း ဖြည့်တင်းထားရှိရန်လိုကြောင်း။ ယခင်နှစ်များအတွင်း ရင်ဆိုင်ကြုံတွေ့ခဲ့ကြရသည့် အွန်လိုင်းလိမ်လည်လောင်းကစားမှုများနှင့် ပတ်သက်၍လည်း မိမိတို့အနေဖြင့် ဖိဖိစီးစီးကိုင်တွယ် ဖြေရှင်းတိုက်ဖျက်သွားကြရန်လိုကြောင်း၊ မူးယစ် ဆေးဝါးတားဆီးနှိမ်နင်းရေးနှင့် ပတ်သက်၍လည်း အဓိကထုတ်လုပ်နေသည့် နေရာများကို ဖော်ထုတ် ရှင်းလင်း တိုက်ဖျက်သွားနိုင်ရန်လိုကြောင်း။ နိုင်ငံတကာဆက်ဆံရေးနှင့်ပတ်သက်၍ ဖွဲ့စည်းပုံအခြေခံဥပဒေ (၂၀၀၈ ခုနှစ်)တွင် နိုင်ငံတော်သည် လွတ်လပ်၍ တက်ကြွပြီး ဘက်မလိုက်သော နိုင်ငံခြားရေးမူဝါဒကို ကျင့်သုံးသည်၊ ကမ္ဘာ့ငြိမ်းချမ်းရေးနှင့် နိုင်ငံအချင်းချင်းမိတ်ဝတ်မပျက်ပေါင်းဖက် ဆက်ဆံရေးကို ရှေးရှုသည်၊ နိုင်ငံအချင်းချင်း ငြိမ်းချမ်းစွာ အတူယှဉ်တွဲနေထိုင်ရေးမူများကို စောင့်ထိန်းသည် ဟုဖော်ပြပါရှိကြောင်း၊ သို့ဖြစ်၍ မိမိတို့အနေဖြင့် နိုင်ငံခြားရေးမူဝါဒ အဓိပ္ပာယ်ဖော်ပြချက်များကို တိတိကျကျသိရှိနားလည်ထားကြရန်နှင့် ၎င်းအပေါ် တွင် ရပ်တည်၍ ဆက်ဆံဆောင်ရွက်သွားရမည် ဖြစ်ကြောင်း။ နယ်စပ်ဒေသများနှင့်ပတ်သက်၍ နယ်စပ်ဒေသများ ဖွံ့ဖြိုးတိုးတက်ရေးသည် တိုင်းပြည်တည်ငြိမ် အေးချမ်းရေးနှင့် ဆက်စပ်လျက်ရှိပြီး အရေးကြီးသည့် ကိစ္စရပ်တစ်ခုဖြစ်သဖြင့် အလေးထားဆောင်ရွက် သွားမှသာလျှင် ငြိမ်းချမ်းရေးတည်ဆောက်မှုကိုလည်း အထောက်အကူဖြစ်စေနိုင်မည်ဖြစ်ကြောင်း၊ နယ်စပ်ဒေသများ ဖွံ့ဖြိုးတိုးတက်ရေးဆောင်ရွက်မှုများနှင့် ငြိမ်းချမ်းရေးလုပ်ငန်းစဉ်များ ရောထွေးမှု မရှိစေရေးအတွက်လည်း တိုင်းရင်းသားလက်နက်ကိုင်အဖွဲ့များအနေဖြင့် ကွဲပြားစွာ သိရှိထားကြရန် လိုကြောင်းဖြင့် မှာကြားခဲ့ပြီး အစည်းအဝေးကို ရုပ်သိမ်းခဲ့ကြောင်း သတင်းရရှိသည်။သတင်းစဉ်MDN

Wed, 22-Apr-2026

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ထံ တရုတ်ပြည်သူ့သမ္မတ နိုင်ငံ ဟေလုံကျန်းပြည်နယ် ပြည်သူ့ကွန်ဂရက်အမြဲတမ်းကော်မတီဥက္ကဋ္ဌနှင့် တရုတ်ကွန်မြူနစ်ပါတီ၏ ဟေလုံကျန်းပြည်နယ်ဆိုင်ရာ ကော်မတီအတွင်းရေးမှူး ဦးဆောင်သော ကိုယ်စားလှယ်အဖွဲ့ လာရောက် ဂါရဝပြုတွေ့ဆုံ

နေပြည်တော် ဧပြီ ၂၁ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ တရုတ်ပြည်သူ့သမ္မတ နိုင်ငံ ဟေလုံကျန်းပြည်နယ် ပြည်သူ့ကွန်ဂရက် အမြဲတမ်းကော်မတီဥက္ကဋ္ဌနှင့် တရုတ်ကွန်မြူနစ် ပါတီ၏ ဟေလုံကျန်းပြည်နယ်ဆိုင်ရာ ကော်မတီအတွင်းရေးမှူး H.E. Mr. Xu Qin ဦးဆောင်သော ကိုယ်စားလှယ် အဖွဲ့က ယနေ့နံနက်ပိုင်းတွင် နေပြည်တော်ရှိ နိုင်ငံတော်သမ္မတ၏ ဧည့်ဆောင်တော်၌ လာရောက် ဂါရဝပြုတွေ့ဆုံသည်။ ရင်းရင်းနှီးနှီး ဆွေးနွေးထိုသို့တွေ့ဆုံရာတွင် နှစ်နိုင်ငံနှင့် နှစ်နိုင်ငံ ခေါင်းဆောင်များအကြား ချစ်ကြည်ရင်းနှီးမှုနှင့် ပူးပေါင်း ဆောင်ရွက်မှုများ ရှည်ကြာကောင်းမွန်ခဲ့ပြီး ဆွေမျိုးပေါက်ဖော် ချစ်ကြည်ရေးရှိသည့် အခြေအနေများ၊ နှစ်နိုင်ငံအကြား ငြိမ်းချမ်းစွာအတူယှဉ်တွဲနေထိုင်ရေးမူကြီး ၅ ရပ်နှင့်အညီ အေးအတူပူအမျှ အသိုက်အဝန်း တည်ဆောက်လျက်ရှိမှု အခြေအနေများ၊ မြန်မာနိုင်ငံနှင့် ဟေလုံကျန်းပြည်နယ်တို့ အကြား ပူးပေါင်းဆောင်ရွက်မှုများမြှင့်တင်ပြီး နှစ်နိုင်ငံဆက်ဆံရေးကို ပိုမိုမြှင့်တင်ဆောင်ရွက်နိုင်မှု အခြေအနေများ၊ နှစ်နိုင်ငံ အဆင့်မြင့်ခေါင်းဆောင် များ ချစ်ကြည်ရေးခရီးစဉ်များ အပြန်အလှန်လည်ပတ် ခဲ့မှုအခြေအနေများ၊ သိပ္ပံနှင့်နည်းပညာကဏ္ဍ၊ စက်မှုကဏ္ဍ၊ စိုက်ပျိုးရေးကဏ္ဍ၊ လုံခြုံရေးကဏ္ဍ၊ ခရီးသွားလာရေးကဏ္ဍ၊ ကျန်းမာရေးကဏ္ဍ၊ ယဉ်ကျေး မှုကဏ္ဍ၊ လူငယ်ကဏ္ဍနှင့် ပညာရေးကဏ္ဍများအပါ အဝင် ကဏ္ဍပေါင်းစုံ၌ ပူးပေါင်းဆောင်ရွက်မှုများ ပိုမိုမြှင့်တင်ဆောင်ရွက်သွားမည့် အခြေအနေများ၊ စိုက်ပျိုးရေးလုပ်ငန်းများတိုးတက်စေရေး နှစ်နိုင်ငံအကြား လယ်ယာထုတ်ကုန်ပစ္စည်းများ ထုတ်လုပ် ရေးနှင့် စိုက်ပျိုးရေးနည်းပညာများ တိုးတက်စေရေး ပူးပေါင်းဆောင်ရွက်နိုင်သည့် အခြေအနေများ၊ စွမ်းအင်ကဏ္ဍ ပူးပေါင်းဆောင်ရွက်မှုများ မြှင့်တင်နိုင်မှုအခြေအနေများ၊ နှစ်နိုင်ငံအကြား ရင်းနှီးမြှုပ်နှံမှု နှင့် ကုန်သွယ်မှုများတိုးတက်စေရေး မြန်မာ-တရုတ် ရင်းနှီးမြှုပ်နှံမှုနှင့် ကုန်သွယ်မှုမြှင့်တင်ရေးအသင်း (MCITP)မှ တစ်ဆင့် ပူးပေါင်းဆောင်ရွက်မှုများ တိုးမြှင့်ဆောင်ရွက်လျက်ရှိမှုအခြေအနေများ၊ တရုတ် နိုင်ငံ ဟာဘင်းမြို့နှင့် မြန်မာနိုင်ငံ ရန်ကုန်မြို့တို့ကို ညီအစ်မမြို့များအဖြစ် သတ်မှတ်ဆောင်ရွက်နိုင်မှု အခြေအနေများ၊ မြန်မာနိုင်ငံနှင့် တရုတ်ပြည်သူ့သမ္မတနိုင်ငံ ဟေလုံကျန်းပြည်နယ်တို့အကြား ကဏ္ဍ ပေါင်းစုံ၌ ပူးပေါင်းဆောင်ရွက်မှုများ ပိုမိုမြှင့်တင်ဆောင်ရွက်သွားမည့် အခြေအနေများနှင့် ပတ်သက်၍ ရင်းရင်းနှီးနှီး ဆွေးနွေးခဲ့ကြသည်။ယင်းနောက် နိုင်ငံတော်သမ္မတနှင့် တရုတ်ပြည်သူ့သမ္မတနိုင်ငံ ဟေလုံကျန်းပြည်နယ် ပြည်သူ့ကွန်ဂရက် အမြဲတမ်းကော်မတီဥက္ကဋ္ဌနှင့် တရုတ်ကွန်မြူနစ်ပါတီ၏ ဟေလုံကျန်းပြည်နယ်ဆိုင်ရာ ကော်မတီအတွင်း ရေးမှူးတို့သည် အမှတ်တရလက်ဆောင်ပစ္စည်းများ အပြန်အလှန်ပေးအပ်ပြီး တက်ရောက်လာကြသူ များနှင့်အတူ စုပေါင်းမှတ်တမ်းတင်ဓာတ်ပုံရိုက်ကြသည်။ တက်ရောက်အဆိုပါတွေ့ဆုံပွဲသို့ နိုင်ငံတော်သမ္မတနှင့်အတူ နိုင်ငံတော်သမ္မတရုံး ပြည်ထောင်စုဝန်ကြီး ဦးခင်မောင်ရီ၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေနှင့် နေပြည်တော်ကောင်စီဥက္ကဋ္ဌ ဦးကံမြင့်သန်းတို့ တက်ရောက်ကြပြီး တရုတ်ပြည်သူ့သမ္မတနိုင်ငံ ဟေလုံကျန်းပြည်နယ် ပြည်သူ့ ကွန်ဂရက်အမြဲတမ်းကော်မတီဥက္ကဋ္ဌနှင့် တရုတ်ကွန်မြူနစ်ပါတီ၏ ဟေလုံကျန်းပြည်နယ်ဆိုင်ရာ ကော်မတီအတွင်းရေးမှူးနှင့်အတူ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး H.E. Ms. Ma Jia နှင့် ကိုယ်စားလှယ်အဖွဲ့ဝင်များ တက်ရောက်ခဲ့ကြကြောင်း သတင်းရရှိသည်။ သတင်းစဉ်MDN

Wed, 22-Apr-2026

ပြည်ထောင်စုသမ္မတမြန်မာနိုင်ငံတော် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုကော်မတီ ကြေညာချက်အမှတ် ၁ / ၂၀၂၆

Tue, 21-Apr-2026

နေတိုးအဖွဲ့ဝင်အဖြစ်မှနုတ်ထွက်ရန်နှင့် အစ္စရေးနှင့်ဆက်ဆံရေးဖြတ်တောက်ရန် စပိန်တွင်တောင်းဆိုမှုများပေါ်ပေါက်

စပိန်နိုင်ငံအနေဖြင့် နေတိုးအဖွဲ့ဝင်အဖြစ်မှ နုတ်ထွက်ရန်နှင့် အစ္စရေးနိုင်ငံနှင့် စီးပွားရေး၊ သံတမန်ရေးနှင့် ယဉ်ကျေးမှုဆိုင်ရာ ဆက်ဆံရေးအားလုံးကို ချက်ချင်းဖြတ်တောက်ရန် အစိုးရအား လက်ဝဲယိမ်းပိုဒီမို့စ်ပါတီမှ ကိုယ်စားလှယ် ပက်ဘလိုဖာနန်ဒက်စ်က ဧပြီလ ၂၀ ရက်တွင် တောင်းဆိုခဲ့သည်။ထို့ပြင် ပိုဒီမို့စ်ပါတီသည် စပိန်ဝန်ကြီးချုပ် ပီဒရိုဆန်းချက်၏ ရပ်တည်ချက်ကို ဝေဖန်ခဲ့ပြီး ဥရောပသမဂ္ဂနှင့် အစ္စရေးနိုင်ငံတို့အကြား ချုပ်ဆိုထားသည့် သဘောတူညီချက်ကို ရပ်ဆိုင်းရန် လုပ်ဆောင်သည့် ကနဦးခြေလှမ်းများမှာ လူထုအာရုံစိုက်စေရန် ရည်ရွယ်သည့် နိုင်ငံရေးလှည့်ကွက်သာဖြစ်ကြောင်း ဖာနန်ဒက်စ်က သတင်းစာရှင်းလင်းပွဲတွင် ပြောကြားခဲ့သည်။ထို့အတူ စပိန်အစိုးရအနေဖြင့် ဥရောပသမဂ္ဂ၏ ဆုံးဖြတ်ချက်များကို မစောင့်ဆိုင်းဘဲ အစ္စရေးနှင့် ကုန်သွယ်ရေး၊ အားကစားနှင့် သံတမန်ရေးပူးပေါင်းဆောင်ရွက်မှုများကို ရပ်တန့်သင့်ကြောင်း ၎င်းက တိုက်တွန်းခဲ့သည်။ တစ်ချိန်တည်းတွင် စပိန်၏ နေတိုးနှင့် အမေရိကန်အပေါ် မှီခိုမှုကိုလည်း ဝေဖန်ပြောဆိုခဲ့သည်။ထို့အပြင် စပိန်နိုင်ငံရှိ ရိုတာနှင့် မိုရွန်အခြေစိုက်စခန်းများမှ အမေရိကန်စစ်သည်များကို ရုပ်သိမ်းပေးရန်နှင့် စပိန်နိုင်ငံအနေဖြင့် နေတိုးအဖွဲ့မှ နုတ်ထွက်ရန် သို့မဟုတ် အဆိုပါကိစ္စနှင့်ပတ်သက်၍ ပြည်သူ့ဆန္ဒခံယူပွဲတစ်ရပ် ကျင်းပပေးရန်လည်း ဖာနန်ဒက်စ်က တောင်းဆိုထားသည်။MWD

Tue, 21-Apr-2026

အမေရိကန်၏ ငြိမ်းချမ်းရေးအစီအစဉ်တောင်းဆိုမှုကို အီရန်ပြောကြား

အရှေ့အလယ်ပိုင်းဒေသတွင် ဖြစ်ပွားနေသည့် စစ်ပွဲများကို အဆုံးသတ်နိုင်မည့် ငြိမ်းချမ်းရေးအစီအစဉ်တစ်ရပ်ရေးဆွဲရန် အမေရိကန်အစိုးရက အီရန်နိုင်ငံအား တောင်းဆိုထားကြောင်း ရုရှားနိုင်ငံဆိုင်ရာ အီရန်သံအမတ်ကြီး ကာဇင်ဂျာလာလီက ဧပြီလ ၂၀ ရက်တွင် ပြောကြားခဲ့သည်။အမေရိကန်အစိုးရအနေဖြင့် အချက် ၁၅ ချက်ပါဝင်သည့် ငြိမ်းချမ်းရေးဆွေးနွေးမှုအစီအစဉ်တစ်ရပ်ကို အီရန်နိုင်ငံသို့ ပေးပို့ခဲ့ကြောင်း၊ သို့သော် ယင်းကာလအတွင်း အီရန်နိုင်ငံသည် အမေရိကန်၏ တိုက်ခိုက်မှုများကို ဆက်တိုက်တွန်းလှန်နေရသည့် အခြေအနေဖြစ်ကြောင်း ၎င်းကဆိုသည်။အဆိုပါ အချက် ၁၅ ချက်ပါ အစီအစဉ်ကို အီရန်က ချက်ချင်းပယ်ချခဲ့ပြီး သဘောတူညီနိုင်ခြင်းမရှိခဲ့ကြောင်း၊ ထို့နောက်တွင် အမေရိကန်အစိုးရကိုယ်တိုင်က ငြိမ်းချမ်းရေးအစီအစဉ်သစ်တစ်ခုရေးဆွဲရန် အီရန်နိုင်ငံအား ကြားခံများမှတစ်ဆင့် တောင်းဆိုအကြံပြုလာခဲ့ခြင်းဖြစ်ကြောင်း Vedomosti သတင်းဌာနနှင့် ပြုလုပ်သည့် တွေ့ဆုံမေးမြန်းခန်းတွင် ဂျာလာလီက ပြောကြားထားသည်။အီရန်၏ အဆိုပါပြောကြားချက်များသည် အီရန်ကုန်တင်သင်္ဘောတစ်စင်းကို အမေရိကန်စစ်ဘက်က အိုမန်ပင်လယ်ကွေ့အတွင်း သိမ်းဆည်းလိုက်ပြီးနောက်ပိုင်းတွင် ထွက်ပေါ်လာခြင်းဖြစ်သည်။ထို့ပြင် နှစ်နိုင်ငံအကြား ချမှတ်ထားသည့် အပစ်အခတ်ရပ်စဲရေးမှာလည်း မကြာမီ သက်တမ်းကုန်ဆုံးတော့မည်ဖြစ်သဖြင့် ငြိမ်းချမ်းရေးဆွေးနွေးပွဲများသည် မရေမရာအခြေအနေတွင် ဆက်လက်တည်ရှိနေကြောင်း သုံးသပ်ရသည်။mwd

Tue, 21-Apr-2026

အမေရိကန်နှင့် အစ္စရေးတို့၏ နိုင်ငံရေးအရ တရားမျှတမှုမရှိသည့် ဆောင်ရွက်ချက်များကို ကာကွယ်သွားမည်ဟု အီရန်သမ္မတပြောကြား

တီဟီရန် ဧပြီ ၂၀အီရန်နိုင်ငံသည် အမေရိကန်နှင့် အစ္စရေးတို့၏ နိုင်ငံရေးအရ တရားမျှတမှုမရှိသည့် ဆောင်ရွက်ချက်များကို ကာကွယ်သွားမည်ဖြစ်ကြောင်း သမ္မတ မာဆော့ ပီဇက်ရှ်ကီရှန်က ပြောကြားခဲ့သည်။ ဒေသတွင်း လက်ရှိအခြေအနေများ၊ တီဟီရန်နှင့် ဝါရှင်တန်အကြား ငြိမ်းချမ်းရေးဆွေးနွေးပွဲများနှင့် နှစ်ပတ်ကြာ အပစ်အခတ်ရပ်စဲရေးနှင့် ဆက်စပ်သောကိစ္စရပ်များကို အီရန်သမ္မတနှင့် ပါကစ္စတန် ဝန်ကြီးချုပ် ရှာဗတ်ရှာရစ်တို့ကြား ဖုန်းဖြင့် ဆွေးနွေးခဲ့ရာတွင် အထက်ပါအတိုင်း ပြောကြားခဲ့ ကြောင်း သိရသည်။အမေရိကန်နှင့် အစ္စရေးတို့၏ အီရန်ဆန့်ကျင်ရေး ဆောင်ရွက်ချက်များနှင့်ပတ်သက်၍ ပီဇက်ရှ် ကီရှန်က သတိပေးခဲ့သည်။ အမေရိကန်သည် ငြိမ်းချမ်းရေးဆွေးနွေးပွဲများနှင့် အပစ်အခတ်ရပ်စဲရေး ကာလအတွင်း ၎င်း၏ ကတိများကို အဆက်မပြတ် ချိုးဖောက်ခဲ့ကြောင်းနှင့် အီရန်အပေါ် ရေတပ် ပိတ်ဆို့မှုလုပ်ရပ်ကို ဆက်လက်လုပ်ဆောင်ခြင်းဖြင့် အပစ်အခတ်ရပ်စဲရေး သဘောတူညီချက်ကို ချိုးဖောက်ခြင်းအပြင် ကုလသမဂ္ဂပဋိညာဉ်စာတမ်းအား ချိုးဖောက်ကြောင်း ၎င်းက ပြောကြားခဲ့သည်။အမေရိကန် တာဝန်ရှိသူများ၏ အီရန်အပေါ် ထိုကဲ့သို့သော လုပ်ဆောင်ချက်များသည် ဝါရှင်တန်အပေါ် တီဟီရန်၏ သံသယများ ပိုမိုတိုးပွားလာစေကာ အမေရိကန်သည် သံတမန်ရေးကို ချိုးဖောက်ရန် ကြိုးပမ်းနေသည်ဟူသောအချက်ကို ပေါ်လွင်စေကြောင်း အီရန်သမ္မတက ပြောကြား ခဲ့သည်။အမေရိကန်နှင့် ဒုတိယအကြိမ်ပြုလုပ်မည့် ငြိမ်းချမ်းရေးဆွေးနွေးပွဲတွင် အီရန်နိုင်ငံက ပါဝင်ဆွေးနွေးမည်မဟုတ်ကြောင်း အီရန်တရားဝင်သတင်းအေဂျင်စီအိုင်နာက ဧပြီ ၁၉ ရက်တွင် ပြောကြားသည်။အီရန် ပါဝင်ဆွေးနွေးခြင်းမပြုသည့်အကြောင်းရင်းမှာ ဝါရှင်တန်၏ တောင်းဆိုချက်များ များပြားခြင်း၊ ဆွေးနွေးပွဲအပေါ် ဖြစ်နိုင်ချေမရှိသည့် မျှော်မှန်းချက်များထားရှိခြင်းနှင့် အမေရိကန်ရေတပ်ဖွဲ့များက အီရန်အပေါ် ပိတ်ဆို့မှုများဆောင်ရွက်ခြင်းတို့ကြောင့်ဖြစ်ကြောင်း ဆိုရှယ်မီဒီယာ အိက်စ် တွင် အိုင်နာသတင်းအေဂျင်စီက ပြောကြားသည်။ထို့အပြင် အစ္စလာမ္မာဘတ်တွင် ငြိမ်းချမ်းရေးဆွေးနွေးပွဲကျင်းပမည့် အကြောင်းရင်းမှာ အီရန်နိုင်ငံအပေါ် ဖိအားပေးရန် အမေရိကန်၏ မီဒီယာကစား ကွက်ဖြစ်ပြီး အမေရိကန်၏ များပြားသည့် တောင်းဆိုချက်များနှင့် မကြာခဏ အပြောင်းအလဲပြုလုပ်သည့် သဘာဝကြောင့် ညှိနှိုင်းဆွေးနွေးရေး လုပ်ငန်းများကို ရှေ့တိုးရန် အဟန့်အတားဖြစ်စေကြောင်း အီရန်ဘက်မှ ပြောကြားသည်။အီရန်နှင့် အမေရိကန်ကြား ယခုနှစ် ဧပြီ ၈ ရက်တွင် အပစ်အခတ်ရပ်စဲရေး သဘောတူညီချက် စတင်ရရှိခဲ့ပြီးနောက် အစ္စလာမ္မာဘတ်တွင် ဧပြီ ၁၁ ရက်နှင့် ၁၂ ရက်တို့တွင် ငြိမ်းချမ်းရေးဆွေးနွေးပွဲ ကျင်းပခဲ့သော်လည်း ညှိနှိုင်းဆွေးနွေးမှုများ မအောင်မြင်ခဲ့ပြီးနောက် အမေရိကန်ရေတပ်ဖွဲ့က အီရန်အပေါ် ရေကြောင်းပိတ်ဆို့ခြင်းများ ဆောင်ရွက်ခဲ့သည်။အီရန်အနေဖြင့် အမေရိကန်၏ တောင်းဆိုချက်များကို လိုက်နာဆောင်ရွက်ခြင်းမရှိပါက တိုက်ခိုက်မှုများကို ဆက်လက်ဆောင်ရွက်မည်ဟု အမေရိကန်သမ္မတ ထရမ့်က ပြောကြားသည်။ကိုးကား - ဆင်ဟွာဘာသာပြန် - စိုးသူရMDN

Tue, 21-Apr-2026

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

အမေရိကန်၏ ငြိမ်းချမ်းရေးအစီအစဉ်တောင်းဆိုမှုကို အီရန်ပြောကြား

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link