ဟစ်ဇဘိုလာအဖွဲ့၏ ဒရုန်းဖြင့်တိုက်ခိုက်မှုကြောင့် အစ္စရေး မြောက်ပိုင်းတွင် စစ်သည် ၁၂ ဦး ဒဏ်ရာရရှိ

KookieSpace97

News Image

  • ဟစ်ဇဘိုလာအဖွဲ့၏ ဒရုန်းဖြင့်တိုက်ခိုက်မှုကြောင့် အစ္စရေး မြောက်ပိုင်း တွင် စစ်သည် ၁၂ ဦး ဒဏ်ရာရရှိ

ဧပြီ ၃၀ ရက်နေ့ နံနက်ပိုင်းက အစ္စရေးမြောက်ပိုင်းရှိ စစ်ဘက်သုံးယာဉ် တစ်စီးကို ဟစ်ဇဘိုလာအဖွဲ့၏ ဒရုန်းတစ်စင်းဖြင့် ပစ်ခတ်တိုက်ခိုက်ခဲ့ရာ အနည်းဆုံး စစ်သည် ၁၂ ဦး ဒဏ်ရာရရှိခဲ့ကြောင်း အစ္စရေးစစ်တပ်က ပြောကြားခဲ့သည်။ ယင်းဖြစ်ရပ်သည် အီရန်ကျောထောက်နောက်ခံပြု အဖွဲ့အစည်းများထံမှ ဒရုန်းခြိမ်းခြောက်မှု မြင့်တက်လာခြင်းကို မီးမောင်းထိုးပြနေသည်။

အစ္စရေး-လက်ဘနွန် နယ်စပ်အနီးရှိ Shomera မြို့အနီးတွင် ဒရုန်းကျရောက်ခဲ့ခြင်းဖြစ်ကြောင်း အစ္စရေးကာကွယ်ရေးတပ်ဖွဲ့ (IDF) က ပြောကြားခဲ့ပြီး စစ်သည်နှစ်ဦးမှာ ဒဏ်ရာအနည်းပြင်းထန်ခဲ့ကာ ကျန် ၁၀ ဦးမှာ ဒဏ်ရာအနည်းငယ်ရရှိခဲ့ကြသည်ဟု ဆိုသည်။

အစ္စရေး မီးသတ်နှင့်ကယ်ဆယ်ရေးဌာနမှ မျှဝေထားသော ဓာတ်ပုံတစ်ပုံတွင် စစ်ဘက်သုံးယာဉ်တစ်စီး မီးလောင်ကျွမ်းနေပြီး ကောင်းကင်ယံတွင် မီးခိုးများ ထွက်ပေါ်နေသည်ကို တွေ့ရှိရသည်။

ထို့နေ့အတွင်း လက်ဘနွန်ဘက်မှ ပစ်လွှတ်လိုက်သည့် ဒုံးကျည် သို့မဟုတ် ဒရုန်းများအား တားဆီးနိုင်ရန် အစ္စရေးစစ်တပ်က ကြားဖြတ် ဒုံးကျည်များဖြင့် အနည်းဆုံး လေးကြိမ်ခန့်တားဆီးခဲ့ရကြောင်း IDF က ဆိုသည်။ အများစုကို အောင်မြင်စွာ ကြားဖြတ်ဟန့်တားနိုင်ခဲ့သော်လည်း အခြား တိုက်ခိုက်မှုအချို့အား တားဆီးနိုင်ခြင်း ရှိ၊ မရှိကိုမူ ပြန်လည်စစ်ဆေးနေဆဲဖြစ်သည်ဟု IDF က ဆက်လက်ပြောကြားခဲ့သည်။

ဟစ်ဇဘိုလာအဖွဲ့သည် လက်ဘနွန်တောင်ပိုင်းနှင့် အစ္စရေး မြောက်ပိုင်းရှိ အစ္စရေးတပ်ဖွဲ့များကို ပစ်မှတ်ထားရာတွင် ကုန်ကျစရိတ်သက်သာပြီး ထိရောက်မှုရှိသည့် နည်းလမ်းတစ်ခုအဖြစ် ဒရုန်းများကို ပိုမိုအသုံးပြုလာခဲ့သည်။

ကိုးကား- CNN

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

တပ်မတော်စစ်ကြောင်းများက KIA နှင့် PDF အမည်ခံအကြမ်းဖက်သောင်းကျန်းသူများ ယာယီစိုးမိုးထားသည့် မော်လူးမြို့အား ပြန်လည်ထိန်းချုပ်
တပ်မတော်စစ်ကြောင်းများက KIA နှင့် PDF အမည်ခံအကြမ်းဖက်သောင်းကျန်းသူများ ယာယီစိုးမိုးထားသည့် မော်လူးမြို့အား ပြန်လည်ထိန်းချုပ်
နေပြည်တော် မေ ၅တပ်မတော်အနေဖြင့် နိုင်ငံတော်တည်ငြိမ်အေးချမ်းပြီးဖွံ့ဖြိုးတိုးတက်ရေးအတွက် အကြမ်းဖက်သောင်းကျန်းသူများ ယာယီစိုးမိုးထားပြီး အကြမ်းဖက်လုပ်ရပ်များ လုပ်ဆောင်လျက်ရှိသည့်ဒေသများ၌ အကြမ်းဖက်ချေမှုန်းရေးစစ်ဆင်ရေးများကို ဒေသခံပြည်သူများ၏ ပူးပေါင်းပါဝင်မှုနှင့်အတူ ကြိုးပမ်းဆောင်ရွက်ပြီး အဆင့်ဆင့်ပြန်လည်ထိန်းချုပ်လျက်ရှိရာ အကြမ်းဖက်သမားများ ယာယီစိုးမိုးထားသော ကသာခရိုင် အင်းတော်မြို့ကို ဧပြီ ၃၀ ရက်တွင် အလုံးစုံပြန်လည် သိမ်းပိုက်ထိန်းချုပ်နိုင်ခဲ့ပြီး ယနေ့တွင်လည်း အကြမ်းဖက်သောင်းကျန်းသူများ ယာယီစိုးမိုးထားသည့် အင်းတော်မြို့နယ် မော်လူးမြို့အား ထပ်မံ၍ ပြန်လည်ထိန်းချုပ်နိုင်ခဲ့ကြောင်း သိရှိရသည်။မော်လူးမြို့သည် ကသာခရိုင်အင်းတော်မြို့နယ်တွင် ပါဝင်သည့် မြို့တစ်မြို့ဖြစ်ပြီး အင်းတော်မြို့၏ မြောက်ဘက်မိုင် ၂၀ အကွာတွင် တည်ရှိကာ စစ်ကိုင်းတိုင်းဒေသကြီးနှင့် ကချင်ပြည်နယ်ကို ဆက်သွယ်ထားသည့် အချက်အချာကျသည့် ပြည်နယ်ချင်းဆက် လမ်းတစ်လမ်းဖြစ်သော ရွှေဘို- မြစ်ကြီးနား ကားလမ်းဘေး၌ တည်ရှိရာလမ်းပန်းဆက်သွယ်ရေးနှင့် ကုန်စည်စီးဆင်းမှုအတွက် အရေးကြီးသည့်နေရာတွင် တည်ရှိသည့် ဒေသတစ်ခုဖြစ်သည်။တပ်မတော်စစ်ကြောင်းများသည် အင်းတော်မြို့ကို ပြန်လည်သိမ်းပိုက်ထိန်းချုပ်ခဲ့ပြီးနောက် အဆိုပါဒေသတစ်ဝိုက် နယ်မြေရှင်းလင်းခြင်း၊ အောင်မြေချဲ့ခြင်းများ ဆက်လက်ဆောင်ရွက်ခဲ့ပြီး မော်လူးမြို့အား ဆက်လက်သိမ်းပိုက်ထိန်းချုပ်နိုင်ရေး စစ်ကြောင်းများခွဲ၍ စစ်နည်းဗျူဟာမြောက် ချီတက်ရှင်းလင်းခဲ့ရာ အင်းတော်မြို့နှင့် မော်လူးမြို့အကြားရှိ နားမကြိုင်းရွာ၊ ပင့်တင်ရွာနှင့် နဘားကြီးရွာတို့အား မေ ၂ ရက်တွင်လည်းကောင်း၊ ပွိုင့်-၃၀၅ တောင်ကုန်းနှင့် ပင်ဝယ်ရွာသစ်တို့အား မေ ၃ ရက်တွင်လည်းကောင်း၊ တုံလုံရွာနှင့် ဖားပန်ရွာတို့အား မေ ၄ ရက်တွင်လည်းကောင်း အဆင့်ဆင့်ပြန်လည် သိမ်းပိုက်ထိန်းချုပ်ခဲ့ပြီး မေ ၅ ရက် ယနေ့တွင် တပ်မတော် စစ်ကြောင်းများသည် စီပိန်းရွာ၊ နားခွင်းကျင်ရွာ၊ မော်လူးမြို့အား အပြည့်အဝပြန်လည်ထိန်းချုပ်နိုင်ခဲ့သည်။လုံခြုံရေးတပ်ဖွဲ့ဝင်များအနေဖြင့် မော်လူးမြို့နှင့် အဆိုပါဒေသတစ်ဝိုက်အား အလုံးစုံပြန်လည် ထိန်းချုပ်ရန် နယ်မြေရှင်းလင်း ဆောင်ရွက်ခဲ့ရာတွင် အကြမ်းဖက်သောင်းကျန်းသူများနှင့် ထိတွေ့တိုက်ပွဲများရှိခဲ့ပြီး သောင်းကျန်းသူများထံမှ အလောင်း၊ လက်နက်များ သိမ်းဆည်းရရှိခဲ့သည့်အပြင် အကြမ်းဖက်သောင်းကျန်းသူများ တရားမဝင်လုပ်ကိုင်နေသည့် စက်သုံးဆီသိုလှောင်သည့်နေရာများမှ စက်သုံးဆီထည့် သံပီပါခွံများနှင့် ကော်ပီပါခွံများ၊ ဆီလှောင် ကန်များနှင့် မော်တော်ယာဉ်များကို သိမ်းဆည်းရမိခဲ့သည်။အကြမ်းဖက်သောင်းကျန်းသူများ ယာယီစိုးမိုးထားသည့် မြို့/ရွာအချို့ကို ပြန်လည်သိမ်းပိုက်ပြီး နယ်မြေရှင်းလင်းချီတက်လာသော တပ်မတော်စစ်ကြောင်းများအား အကြမ်းဖက်သောင်းကျန်းသူများ၏ မတရားနှိပ်စက်ညှဉ်းပန်းမှုဒဏ်ကို ခါးသီးစွာခံစားခဲ့ရသည့် ဒေသခံပြည်သူများက လမ်းကြောင်းတစ်လျှောက်လုံး၌ အောင်သပြေပန်းများ၊ ပန်းကုံးများကိုင်ဆောင်ကာ သောင်းသောင်းဖြဖြ ဝမ်းပန်းတသာကြိုဆိုခဲ့ကြသည်။တပ်မတော်စစ်ကြောင်းများအနေဖြင့် အဆိုပါဒေသများအတွင်း လိုအပ်သည့် နယ်မြေစိုးမိုးရေးလုပ်ငန်းများ ဆောင်ရွက်ကာ မော်လူး - နန့်စီးအောင်လမ်းပိုင်းအား အမြန်ဆုံးပြန်လည်ထိန်းချုပ်ဖွင့်လှစ်နိုင်ရေး နယ်မြေလုံခြုံရေးနှင့် နယ်မြေစိုးမိုးရေးလုပ်ငန်းများကို အရှိန်အဟုန်မြှင့် ဆက်လက်ဆောင်ရွက်လျက ရှိကြောင်း သတင်းရရှိသည်။moi
Wed, 6-May-2026
နှစ်နိုင်ငံတပ်မတော်နှစ်ရပ်အကြား ချစ်ကြည်ရင်းနှီးစွာဆက်ဆံရေးနှင့် ဆက်လက်ပူးပေါင်း ဆောင်ရွက်ရေးဆိုင်ရာများ တိုးမြှင့်ဆောင်ရွက်နိုင်ရေး ဆွေးနွေး
နှစ်နိုင်ငံတပ်မတော်နှစ်ရပ်အကြား ချစ်ကြည်ရင်းနှီးစွာဆက်ဆံရေးနှင့် ဆက်လက်ပူးပေါင်း ဆောင်ရွက်ရေးဆိုင်ရာများ တိုးမြှင့်ဆောင်ရွက်နိုင်ရေး ဆွေးနွေး
 နေပြည်တော် မေ ၄ တပ်မတော် ကာကွယ်ရေးဦးစီးချုပ် ဗိုလ်ချုပ်ကြီးရဲဝင်းဦးသည် အိန္ဒိယရေတပ်ဦးစီးချုပ် Admiral Dinesh Kumar Tripathi ဦးဆောင်သော ကိုယ်စားလှယ်အဖွဲ့အား ယနေ့ညနေပိုင်းတွင် နေပြည်တော်ရှိ ဇေယျာသီရိဗိမာန် ဧည့်ခန်းမ၌ လက်ခံတွေ့ဆုံသည်။ တွေ့ဆုံပွဲသို့ တပ်မတော် ကာကွယ်ရေးဦးစီးချုပ်နှင့်အတူ ကာကွယ်ရေးဦးစီးချုပ် (ရေ) ဗိုလ်ချုပ်ကြီးထိန်ဝင်း၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဒုတိယဗိုလ်ချုပ်ကြီး ကိုကိုဦး၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ တက်ရောက်ကြပြီး အိန္ဒိယရေတပ် ဦးစီးချုပ်နှင့်အတူ မြန်မာနိုင်ငံဆိုင်ရာ အိန္ဒိယသံမတ်ကြီး H.E. Mr. Abhay Thakur ၊ မြန်မာနိုင်ငံဆိုင်ရာ အိန္ဒိယကြည်းတပ် စစ်သံမှူး Colonel Jaswinder Singh Gill ၊ မြန်မာနိုင်ငံဆိုင်ရာ အိန္ဒိယရေတပ် စစ်သံမှူး Captain Manoj Kumar Pandey နှင့် တာဝန်ရှိသူများ တက်ရောက်ကြသည်။ တွေ့ဆုံစဉ် နှစ်နိုင်ငံနှင့် နှစ်နိုင်ငံတပ်မတော်နှစ်ရပ်အကြား ချစ်ကြည်ရင်းနှီးစွာ ဆက်ဆံရေးနှင့် ဆက်လက် ပူးပေါင်းဆောင်ရွက်ရေးဆိုင်ရာများကို တိုးမြှင့်ဆောင်ရွက်နိုင်မည့် အခြေအနေများ၊ နှစ်နိုင်ငံခေါင်းဆောင်များနှင့် တပ်မတော်ခေါင်းဆောင်များ အပြန်အလှန် လည်ပတ်ခြင်းဖြင့် ခိုင်မာ ချစ်ကြည်ရင်းနှီးသော ဆက်ဆံရေးကို တည်ဆောက်နိုင်ခဲ့မှု အခြေအနေများ၊ နှစ်နိုင်ငံ တပ်မတော် နှစ်ရပ်အကြား အဆင့်လိုက် ချစ်ကြည်ရေးခရီးစဉ်များ အပြန်အလှန် စေလွှတ်ရေးဆိုင်ရာ ကိစ္စရပ်များ၊ တပ်မတော်နှစ်ရပ်အကြား ယဉ်ကျေးမှုအဖွဲ့များနှင့် အားကစားအဖွဲ့များ အပြန်အလှန် အလည်အပတ် စေလွှတ်မည့် အခြေအနေများ၊ ပင်လယ်ရေကြောင်း ကုန်သွယ်မှုဆိုင်ရာ ကိစ္စရပ်များ၊ သင်တန်းသားများ စေလွှတ်ရေးဆိုင်ရာ ကိစ္စရပ်များ၊ နှစ်နိုင်ငံရေတပ်များအကြား စွမ်းဆောင်မှုဆိုင်ရာ မြှင့်တင်ရေး စစ်ရေးလေ့ကျင့်ခန်းများတွင် ပူးပေါင်းဆောင်ရွက်သွားမည့် အခြေအနေများ၊ နယ်စပ်ဒေသလုံခြုံရေးနှင့် တည်ငြိမ်အေးချမ်းရေးဆိုင်ရာ ကိစ္စရပ်များ တိုးမြှင့်ဆောင်ရွက်သွားမည့် အခြေအနေများ၊ နှစ်နိုင်ငံနယ်စပ်ဒေသအတွင်း အကြမ်းဖက်သောင်းကျန်းသူများ မရှိစေရေး လုံခြုံရေးအရ ပူးပေါင်းဆောင်ရွက်သွားမည့် အခြေအနေများနှင့် မြန်မာနိုင်ငံတွင် တရားမျှတ၍ သိက္ခာရှိသော ရွေးကောက်ပွဲပြီးမြောက်ကာ ပြည်သူကို ကိုယ်စားပြုသည့် အစိုးရအနေဖြင့် အိမ်နီးချင်းနိုင်ငံများနှင့် ငြိမ်းချမ်းစွာ အတူယှဉ်တွဲနေထိုင်ရေး မူကြီး (၅) ရပ်နှင့်အညီ ဆက်လက် လျှောက်လှမ်းကာ ဒေသတွင်းအကျိုးစီးပွားကို ဟန်ချက်ညီ ဆက်လက်ဖော်ဆောင်သွားမည့် အခြေအနေများနှင့် ပတ်သက်၍ ရင်းနှီးပွင့်လင်းစွာ ဆွေးနွေးခဲ့ကြပြီး အမှတ်တရ လက်ဆောင် ပစ္စည်းများ အပြန်အလှန် လဲလှယ်ခဲ့ကြကြောင်း သိရသည်။ သတင်းစဉ်MDN
Tue, 5-May-2026
ဟော်မုရေလက်ကြားအနီး အမေရိကန်ကင်းလှည့်ရေယာဉ်ကို အီရန်က ဒုံးကျည်များဖြင့် ပစ်ခတ်ဟုဆို
ဟော်မုရေလက်ကြားအနီး အမေရိကန်ကင်းလှည့်ရေယာဉ်ကို အီရန်က ဒုံးကျည်များဖြင့် ပစ်ခတ်ဟုဆို
ဟော်မုရေလက်ကြားအနီးတွင် သတိပေးချက်များကို လျစ်လျူရှုပြီး လုံခြုံရေးနှင့် ရေကြောင်းသွားလာမှုဆိုင်ရာ စည်းကမ်းများကို ချိုးဖောက်ခဲ့သည့် အမေရိကန်ရေတပ် ကင်းလှည့်ရေယာဉ်တစ်စင်းကို အီရန်က ဒုံးကျည်နှစ်စင်းဖြင့် ပစ်ခတ်ခဲ့ကြောင်း Fars သတင်းဌာနက မေလ ၄ ရက်တွင် ဖော်ပြသည်။ထိုရေယာဉ်သည် ဒုံးကျည်ထိမှန်မှုကြောင့် လမ်းကြောင်းအတိုင်း ဆက်မသွားနိုင်ဘဲ နယ်မြေအတွင်းမှ ဆုတ်ခွာသွားရကြောင်း အီရန်ဘက်က ဆိုသည်။သို့သော် အမေရိကန်အလယ်ပိုင်းစစ်ဌာနချုပ် (CENTCOM) ကမူ အမေရိကန်သင်္ဘောများ ဒုံးကျည်ထိမှန်ခြင်းမရှိဘဲ အီရန်ဆိပ်ကမ်းများကို ပိတ်ဆို့ထားသည့် Project Freedom စစ်ဆင်ရေးကိုသာ ဆောင်ရွက်နေကြောင်း ငြင်းဆိုထားသည်။အမေရိကန်သမ္မတ ဒေါ်နယ်ထရမ့်က ဖေဖော်ဝါရီလနှောင်းပိုင်းမှစ၍ ဟော်မုရေလက်ကြား၌ ပိတ်မိနေသည့် သင်္ဘောများကို လွတ်မြောက်အောင် ကူညီမည်ဟု မေလ ၃ ရက်တွင် ပြောကြားခဲ့ပြီးနောက် ယခုကဲ့သို့ အခြေအနေတင်းမာလာခြင်း ဖြစ်သည်။အီရန်ကလည်း ၎င်းတို့နယ်မြေအတွင်း ချဉ်းကပ်လာသည့် မည်သည့်ပြည်ပတပ်ဖွဲ့ကိုမဆို တိုက်ခိုက်မည်ဟု သတိပေးထားသည်။ အမေရိကန်က အီရန်ဆိပ်ကမ်းများကို ရေတပ်ဖြင့် ပိတ်ဆို့ထားခြင်းသည် စစ်ကြေညာခြင်းဖြစ်ကာ အပစ်အခတ်ရပ်စဲရေးကို ချိုးဖောက်ခြင်းဖြစ်ကြောင်း အီရန်ဘက်က ပြောထားသည်။Ref: RTMWD
Tue, 5-May-2026
အိမ်ထောင်စုလူဦးရေစာရင်း၊ နိုင်၊ ဧည့်၊ ပြု ကတ်ပြားများကို Online တွင် ကြော်ငြာ၍ စာရွက်စာတမ်းအတုများ ထုတ်ပေးလျက်ရှိသဖြင့် ပွဲစားများ၊ အကောင့်အတု (Fake Account) များနှင့် လုံးဝဆက်သွယ်ခြင်းမပြုရန် အများပြည်သူသို့ အသိပေးကြေညာ
အိမ်ထောင်စုလူဦးရေစာရင်း၊ နိုင်၊ ဧည့်၊ ပြု ကတ်ပြားများကို Online တွင် ကြော်ငြာ၍ စာရွက်စာတမ်းအတုများ ထုတ်ပေးလျက်ရှိသဖြင့် ပွဲစားများ၊ အကောင့်အတု (Fake Account) များနှင့် လုံးဝဆက်သွယ်ခြင်းမပြုရန် အများပြည်သူသို့ အသိပေးကြေညာ
နေပြည်တော် မေ ၄၁။ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနအနေဖြင့် နိုင်ငံတော်သမ္မတ၏ မိန့်ခွန်းပါလမ်းညွှန်ချက်များနှင့်အညီ နိုင်ငံတော်အစိုးရ၏ ရက် (၁၀၀) ကာလအတွင်း ပြည်သူများအတွက် လက်ငင်းဦးစားပေးလုပ်ငန်းအဖြစ် အသက် (၁၈) နှစ်ပြည့်ပြီးသော်လည်း အကြောင်းအမျိုးမျိုးကြောင့် နိုင်ငံသားစိစစ်ရေးကတ်ပြားမရရှိသေးသည့် နိုင်ငံသားများအား သက်ဆိုင်ရာ လဝကရုံးများတွင်လည်းကောင်း၊ အသက် (၁၀) နှစ်ပြည့် ကျောင်းသား၊ ကျောင်းသူများအား ဥပဒေနှင့်အညီ နိုင်ငံသားစိစစ်ရေးကတ်ပြား ထုတ်ပေးခြင်းနှင့် e-ID စနစ်ဖြင့် UID ကောက်ယူခြင်းလုပ်ငန်းများကို သက်ဆိုင်ရာစာသင်ကျောင်းများတွင်လည်းကောင်း လမင်းစီမံချက်ဖြင့် ကြိုးပမ်းဆောင်ရွက်လျက်ရှိပါသည်။၂။ ထို့ပြင် သဘာဝဘေးအန္တရာယ်နှင့် အကြမ်းဖက်ဖြစ်စဉ်များကြောင့် အိမ်ထောင်စု လူဦးရေစာရင်းနှင့် နိုင်ငံသား၊ ဧည့်နိုင်ငံသား၊ နိုင်ငံသားပြုခွင့်ရသူလက်မှတ်များ ပျက်စီး/ ပျောက်ဆုံးမှုများအား e-ID စနစ်ဖြင့် ပြန်လည်တိုက်ဆိုင်စစ်ဆေး၍ မြို့နယ်အဆင့် (၅) ဦး ကော်မတီဖြင့် အိမ်ထောင်စုလူဦးရေစာရင်း၊ နိုင်၊ ဧည့်၊ ပြု ကတ်များ ပြန်လည်ဆောင်ရွက် ထုတ်ပေးလျက်ရှိပါသည်။၃။ သို့ရာတွင် အချို့သောပြည်သူများသည် ရုံးလုပ်ငန်းများ ဆောင်ရွက်တတ်ခြင်းမရှိသဖြင့် ပွဲစားများအသုံးပြုဆောင်ရွက်ခဲ့ရာ မလိုလားအပ်သည့်ပြဿနာများ၊ စာရွက်စာတမ်းအတုများ ရရှိခဲ့ကြပါသည်။၄။ သို့ဖြစ်၍ နိုင်ငံသားစိစစ်ရေးကတ်ပြားနှင့် အိမ်ထောင်စုလူဦးရေ ဆိုင်ရာလုပ်ငန်းများ ဆောင်ရွက်ကြမည့် ပြည်သူများအနေဖြင့် သက်ဆိုင်ရာလဝကမြို့နယ်ရုံးများသို့ လာရောက်သည့် အခါ ရုံးများအဝင်ရှိ ဧည့်ကြိုကောင်တာတွင် လဝကဝန်ထမ်းများမှ စိစစ်စာရင်းသွင်းပြီးနောက် အခက်အခဲရှိသည့်ပြည်သူများအတွက် အတူလိုက်ပါပြီး ကူညီဆောင်ရွက်ပေးလျက်ရှိပါသည်။ အထောက်အထားပြည့်စုံပါက လုပ်ငန်းဆောင်ရွက်မှုအား နေ့ချင်းပြီးဆောင်ရွက်ပေးမည်ဖြစ်ပြီး အထောက်အထား အချက်အလက်မပြည့်စုံပါက လိုအပ်သည့်အထောက်အထားများကို သက်ဆိုင်ရာ လဝကမြို့နယ်ရုံးအချင်းချင်း ချိတ်ဆက်ကာ ညှိနှိုင်းဆောင်ရွက်ပေးသွားမည်ဖြစ်ပါသည်။ ကာယကံရှင်များအတွက် သိရှိလိုသည်များ၊ ယူဆောင်လာရမည့် အထောက်အထားများနှင့်ပတ်သက်၍ လဝကမြို့နယ်ရုံးအသီးသီး၌ ဗီနိုင်းများချိတ်ဆွဲခြင်းနှင့် လက်ကမ်းစာစောင်များဖြန့်ဝေခြင်းတို့ကို ဆောင်ရွက်ထားရှိပြီးဖြစ်ပါသည်။၅။ ဝန်ကြီးဌာနမှ ဝန်ဆောင်မှုပေးသည့် အိမ်ထောင်စုလူဦးရေစာရင်း၊ နိုင်၊ ဧည့်၊ ပြု ကတ်ပြားများကို အောက်ဖော်ပြပါအကောင့်အတု (Fake Account) များမှ Online တွင် ကြော်ငြာ၍ စာရွက်စာတမ်းအတုများ ထုတ်ပေးလျက်ရှိသဖြင့် အမှုဖွင့်တရားစွဲ ဆောင်ရွက်လျက် ရှိသောကြောင့် ပွဲစားများ၊ အကောင့်အတု (Fake Account) များနှင့် လုံးဝဆက်သွယ်ဆောင်ရွက်ခြင်းမပြုပါရန်နှင့် သက်ဆိုင်ရာလဝကမြို့နယ်ရုံးများသို့ ကာယကံရှင်ကိုယ်တိုင် လာရောက်ဆောင်ရွက်နိုင်ပါရန် မေတ္တာရပ်ခံအပ်ပါသည်-(က) Account Name          - Shwe yamin (09-444810929 ၊ 09-968720062၊ 09-955550231)https://www.tiktok.com/@shwe.yamin297?_r=1&_t=ZS-964iVHFlPIm( ခ )   Account Name        -         Phyu zin (မှတ်ပုံတင်ရုံး)(09-962738756၊ 09-952733267)https://www.tiktok.com/@phyu.zin5906?_r=1&_t=ZS-964iZOY0OeY( ဂ ) Account Name          - ရတီမေဦးမှတ်ပုံတင်ဝန်ဆောင်မှု (09-985955682၊ 09-971355796)https://www.tiktok.com/@wai.yan.moe537?_r=1&_t=ZS-964ikTbUEZM(ဃ)    Account Name        -         မှတ်ပုံတင်ဝန်ဆောင်မှု (09-780788106 ၊ 09-798700781)https://www.tiktok.com/@user26765611615576?_r=1&_t=ZS-964j5cRwwcM( င )   Account Name        -         Oomin (09-764180425)https://www.tiktok.com/@ooye852?_r=1&_t=ZS-964jDC ybqh0( စ )   Account Name        -         Ko Hein (09-971355796 ၊ 09-985955682၊ 09-785068854)https://www.tiktok.com/@..kohein0?_r=1&_t=ZS-964tO P1yZ3n၆။      ပြည်သူများအနေဖြင့် အိမ်ထောင်စုလူဦးရေစာရင်းနှင့် နိုင်ငံသားဆိုင်ရာကိစ္စရပ်များနှင့် ပတ်သက်၍ သိရှိလိုသည်များ၊ လုပ်ငန်းအဆင်မပြေမှုများနှင့် အခက်အခဲတစ်စုံတစ်ရာရှိပါက အောက်ဖော်ပြပါ ဖုန်းနံပါတ်များသို့ ရုံးချိန်အတွင်း ဆက်သွယ်မေးမြန်း ဆောင်ရွက် နိုင်ပါကြောင်း အသိပေးနှိုးဆော်တိုက်တွန်းအပ်ပါသည်-          -         အမျိုးသားမှတ်ပုံတင်နှင့် နိုင်ငံသားဦးစီးဌာန         -         ၀၆၇-၃၄၃၁၀၄၅/ ၃၄၃၁၀၅၆          -         အီလက်ထရောနစ် မှတ်ပုံတင်စနစ်ဦးစီးဌာန         -         ၀၆၇-၃၄၃၁၅၅၁          -         ကချင်ပြည်နယ်ဦးစီးမှူးရုံး                                 -         ၀၉-၂၆၃၅၁၉၇၈၇          -         ကယားပြည်နယ်ဦးစီးမှူးရုံး                               -         ၀၉-၂၅၀၀၆၄၀၅၀          -         ကရင်ပြည်နယ်ဦးစီးမှူးရုံး                                 -         ၀၉-၄၂၂၄၆၈၉၈၂          -         ချင်းပြည်နယ်ဦးစီးမှူးရုံး                                   -         ၀၉-၄၀၀၃၁၀၈၂၀          -         စစ်ကိုင်းတိုင်းဒေသကြီးဦးစီးမှူးရုံး                    -         ၀၉-၇၆၂၆၄၁၄၆၉          -         တနင်္သာရီတိုင်းဒေသကြီးဦးစီးမှူးရုံး                   -         ၀၉-၂၅၀၉၅၀၅၅၀          -         ပဲခူးတိုင်းဒေသကြီးဦးစီးမှူးရုံး                            -         ၀၉-၄၂၁၀၆၀၃၇၀          -         မကွေးတိုင်းဒေသကြီးဦးစီးမှူးရုံး                        -         ၀၉-၄၅၀၀၆၄၉၈၅          -         မန္တလေးတိုင်းဒေသကြီးဦးစီးမှူးရုံး                      -         ၀၉-၄၀၇၅၉၀၆          -         မွန်ပြည်နယ်ဦးစီးမှူးရုံး                                    -         ၀၉-၆၉၂၂၇၆၃၅၈          -         ရခိုင်ပြည်နယ်ဦးစီးမှူးရုံး                                  -         ၀၉-၄၃၀၇၀၇၈၉          -         ရန်ကုန်တိုင်းဒေသကြီးဦးစီးမှူးရုံး                      -         ၀၉-၄၃၀၃၅၈၂၉          -         ရှမ်းပြည်နယ်ဦးစီးမှူးရုံး                                   -         ၀၉-၆၉၉၀၃၂၈၀၅          -         ဒုတိယပြည်နယ်ဦးစီးမှူးရုံး(ရှမ်းမြောက်)            -         ၀၉-၆၇၇၆၁၈၂၂၈          -         ဒုတိယပြည်နယ်ဦးစီးမှူးရုံး(ရှမ်းအရှေ့)               -         ၀၉-၄၂၈၂၃၅၁၄၈          -         ဧရာဝတီတိုင်းဒေသကြီးဦးစီးမှူးရုံး                    -         ၀၉-၈၉၈၉၄၂၀၆၉          -         ပြည်ထောင်စုနယ်မြေဦးစီးမှူးရုံး                       -         ၀၉-၄၂၇၂၂၇၀၁၁ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနmoi
Tue, 5-May-2026
အီရန်ကို ဟော်မုဇ်ရေလက်ကြား ဖြတ်သန်းခပေးဆောင်သည့် သင်္ဘောကုမ္ပဏီများကို အရေးယူပိတ်ဆို့မှုများပြုလုပ်မည်ဟု အမေရိကန် ခြိမ်းခြောက်
အီရန်ကို ဟော်မုဇ်ရေလက်ကြား ဖြတ်သန်းခပေးဆောင်သည့် သင်္ဘောကုမ္ပဏီများကို အရေးယူပိတ်ဆို့မှုများပြုလုပ်မည်ဟု အမေရိကန် ခြိမ်းခြောက်
ဖေဖော်ဝါရီလနှောင်းပိုင်းမှစ၍ အမေရိကန်နှင့်အစ္စရေးတို့၏ အီရန် အပေါ်တိုက်ခိုက်မှုများကြောင့် မဟာဗျူဟာမြောက်အရေးပါသော ဟော်မုဇ် ရေလက်ကြားတွင် ရေကြောင်းသွားလာမှုများ ရပ်ဆိုင်းလုနီးပါး ဖြစ်ပေါ်လျက်ရှိသည်။ လက်ရှိတွင် အီရန်တော်လှန်ရေးအစောင့်တပ် (IRGC) သည် ယင်းရေလက်ကြား၌ လမ်းကြောင်းတစ်ခုကိုသာ ဖွင့်လှစ်ပေးထားပြီး ဖြတ်သန်းခွင့် ကုဒ်နံပါတ်နှင့် အစောင့်အရှောက်များအတွက် အခကြေးငွေ တောင်းခံနေသည့် ‘Toll Booth’ စနစ်ကို ကျင့်သုံးလျက်ရှိသည်။ Lloyd’s List ၏ အဆိုအရ အချို့သင်္ဘောများသည် ဖြတ်သန်းခအဖြစ် တစ်စင်းလျှင် အမေရိကန်ဒေါ်လာ ၁ သန်းမှ ၂ သန်းအထိ တန်ဖိုးနှင့်ညီမျှသော တရုတ် ယွမ်ငွေများဖြင့် ပေးဆောင်နေရကြောင်း သိရှိရသည်။ယင်းလုပ်ရပ်အပေါ် အမေရိကန် နိုင်ငံခြားပိုင်ဆိုင်မှုထိန်းချုပ်ရေးရုံး (OFAC)က ပြင်းထန်စွာ သတိပေးချက်ထုတ်ပြန်ခဲ့ပြီး အီရန်သို့ ဖြတ်သန်းခပေးဆောင်သည့် မည်သည့်သင်္ဘောကုမ္ပဏီမဆို အမေရိကန်၏ ဒဏ်ခတ်ပိတ်ဆို့မှုကိုခံရမည်ဖြစ်ကြောင်း ပြောကြားခဲ့သည်။ အကယ်၍ ငွေပေးချေမှုတွင် အမေရိကန်နှင့်ဆက်နွှယ်သော အာမခံ (သို့မဟုတ်) ဘဏ္ဍာရေးအဖွဲ့အစည်းများ ပါဝင်ပတ်သက်ပါက ပြည်ပအဖွဲ့အစည်းများအနေဖြင့် ရာဇဝတ်မှုဖြင့်ပင် အရေးယူခံရနိုင်သည်ဟု ဆိုသည်။ သို့သော်လည်း အီရန်ဘက်ကမူ ဟော်မုဇ်ရေလက်ကြားသည် နိုင်ငံတကာရေလမ်းကြောင်းမဟုတ်ဘဲ မိမိတို့၏ အချုပ်အခြာအာဏာပိုင် နယ်နိမိတ်သာဖြစ်ကြောင်း တုံ့ပြန်ထားသည်။လက်ရှိတွင် ရေလက်ကြားတစ်ဝိုက်၌ သင်္ဘောအစင်းရေ ၂,၀၀၀ ခန့်နှင့် သင်္ဘောသား ၂၀,၀၀၀ ကျော်သည် ရိက္ခာပြတ်လတ်မှုဘေးအန္တရာယ်နှင့် ရင်ဆိုင်နေရကာ သောင်တင်နေကြသည်။ ယင်းအခြေအနေကို ဖြေရှင်းရန်အတွက် အမေရိကန်သမ္မတ ဒေါ်နယ်ထရမ့်က ‘Project Freedom’ အမည်ရှိ လူသားချင်းစာနာထောက်ထားမှုဆိုင်ရာ စီမံချက်သစ်တစ်ခုကို တနင်္ဂနွေနေ့ (မေ ၃) တွင် ကြေညာခဲ့သည်။ အဆိုပါစီမံချက်တွင် စစ်သည်အင်အား ၁၅,၀၀၀၊ ပဲ့ထိန်းဒုံးကျည်စနစ် တပ်ဆင်ထားသောဖျက်သင်္ဘောများနှင့် လေယာဉ် ၁၀၀ ကျော် ပါဝင်မည်ဖြစ်ပြီး ပိတ်မိနေသော ကြားနေနိုင်ငံများမှ ကုန်သွယ်ရေးသင်္ဘောများ လွတ်လပ်စွာပြန်လည်သွားလာနိုင်ရေးအတွက် အမေရိကန် အလယ်ပိုင်း စစ်ဌာနချုပ် (CENTCOM) က ကူညီဆောင်ရွက်ပေးသွားမည်ဖြစ်ကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 4-May-2026
ဟစ်ဇဘိုလာက အစ္စရေးထောက်လှမ်းရေးစနစ်ကို ကျော်ဖြတ်နိုင်သော ဖိုင်ဘာအော်ပတစ် ဒရုန်းသစ်များကို အသုံးပြုလာ
ဟစ်ဇဘိုလာက အစ္စရေးထောက်လှမ်းရေးစနစ်ကို ကျော်ဖြတ်နိုင်သော ဖိုင်ဘာအော်ပတစ် ဒရုန်းသစ်များကို အသုံးပြုလာ
လက်ဘနွန်အခြေစိုက် ဟစ်ဇဘိုလာလက်နက်ကိုင်အဖွဲ့သည် အစ္စရေး၏ အဆင့်မြင့်နည်းပညာသုံး အီလက်ထရွန်နစ် ထောက်လှမ်းရေးနှင့် လှိုင်း နှောင့်ယှက်မှုစနစ်များကို ရှောင်တိမ်းနိုင်သည့် ဖိုင်ဘာအော်ပတစ် (Fiber-optic) နည်းပညာသုံး ဒရုန်းသစ်များကို စစ်မြေပြင်တွင် စတင် အသုံးပြုလာကြောင်း သိရှိရသည်။ အဆိုပါဒရုန်းများသည် ဝိုင်ဖိုင် (Wireless) အချက်ပြလှိုင်းအစား အလွန်ပါးလွှာသော ဖိုင်ဘာကြိုးဖြင့် တိုက်ရိုက် ထိန်းချုပ်မောင်းနှင်ခြင်းဖြစ်သောကြောင့် အစ္စရေးစစ်တပ်၏ လှိုင်းနှောင့်ယှက်မှု (Jamming) စနစ်များကို ကျော်လွှားနိုင်ပြီး မည်သည့်နေရာမှ လွှတ်တင် သည်ကိုလည်း ထောက်လှမ်းရန် အလွန်ခက်ခဲစေသည်။မကြာသေးမီက ဟစ်ဇဘိုလာမှထုတ်ပြန်ခဲ့သည့် ရုပ်သံမှတ်တမ်းများအရ အလေးချိန် ကီလိုဂရမ်အနည်းငယ်သာရှိပြီး ပေါက်ကွဲစေတတ်သော ပစ္စည်းများ တပ်ဆင်ထားသည့် ကွာဒေါ့ကော်ပတာဒရုန်းတစ်စင်းသည် ၁၅ကီလိုမီတာအထိ ရှည်လျားသော ဖိုင်ဘာကြိုးမှတစ်ဆင့် တိကျစွာ ပျံသန်းကာ အစ္စရေးစစ်သားများကို အလစ်အငိုက် တိုက်ခိုက်ခဲ့ကြောင်း တွေ့ရှိရသည်။အဆိုပါ တိုက်ခိုက်မှုကြောင့် အသက် ၁၉ နှစ်အရွယ် အစ္စရေး စစ်သား တစ်ဦး သေဆုံးကာ အခြားသူများ ဒဏ်ရာရရှိခဲ့ပြီး၊ ဒဏ်ရာရသူများကို လာရောက်ကယ်ဆယ်သည့် ရဟတ်ယာဉ်ကိုပါ ဒရုန်းများဖြင့် ထပ်မံ တိုက်ခိုက်ခဲ့သည်။ အဆိုပါနည်းပညာသည် ယူကရိန်းစစ်မြေပြင်တွင် ရုရှား တပ်ဖွဲ့များ အောင်မြင်စွာအသုံးပြုခဲ့သည့် နည်းဗျူဟာဖြစ်ပြီး ယခုအခါ ဟစ်ဇဘိုလာက Asymmetric warfare တွင် အထိရောက်ဆုံး လက်နက် တစ်ခုအဖြစ် အသုံးချလာခြင်းဖြစ်သည်။အစ္စရေးစစ်တပ် (IDF) အနေဖြင့် ယခင်က ဒရုန်းများကို လှိုင်းနှောင့်ယှက်ခြင်းဖြင့် တားဆီးနိုင်ခဲ့သော်လည်း ယခု ဖိုင်ဘာဒရုန်းများတွင်လှိုင်းအချက်ပြမှုမရှိခြင်းကြောင့် အီလက်ထရွန်နစ်နည်းလမ်းဖြင့် တားဆီးရန် မဖြစ်နိုင်သလောက် ရှိနေသည်။ အစ္စရေးစစ်ဘက်ဆိုင်ရာ ကျွမ်းကျင်သူ Yehoshua Kalisky က အဆိုပါဒရုန်းများသည် ပစ်မှတ်ကို အထူးကြည်လင်ပြတ်သားစွာမြင်တွေ့နိုင်ပြီး အချက်ပြလှိုင်းလည်း ထွက်ပေါ်ခြင်းမရှိသည့်အတွက် စစ်မြေပြင်တွင် ကြီးမားသော ခြိမ်းခြောက်မှုဖြစ်ကြောင်း ထောက်ပြခဲ့သည်။ လက်ရှိတွင် IDF အနေဖြင့် ပိုက်ကွန်များကဲ့သို့ ရုပ်ပိုင်းဆိုင်ရာ အတားအဆီးများဖြင့်သာ ကာကွယ်နေရပြီး ထို "Low-tech" နည်းပညာကို ထိရောက်စွာ တုံ့ပြန်နိုင်ရန် နည်းလမ်းသစ်များကို ရှာဖွေနေရဆဲဖြစ်သည်။ဟစ်ဇဘိုလာသည် ၎င်းတို့၏ ဒုံးကျည်နှင့်ရော့ကတ် လက်နက်တိုက်အများစု ပျက်စီးသွားခြင်း သို့မဟုတ် အသုံးပြုပြီးဖြစ်ခြင်းတို့ကြောင့် အစ္စရေး၏စစ်အင်အားကို တုံ့ပြန်ရန်အတွက် တရုတ် သို့မဟုတ် အီရန် နိုင်ငံထုတ် အရပ်ဘက်သုံးဒရုန်းများကို လက်နက်အဖြစ် ပြောင်းလဲအသုံးပြု လာခြင်း ဖြစ်သည်။ အဆိုပါဒရုန်းများသည် ကုန်ကျစရိတ်နည်းသော်လည်း အဖွဲ့လိုက်တစ်ပြိုင်နက် လွှတ်တင်တိုက်ခိုက်ပါက အစ္စရေး၏ ကာကွယ်ရေး စနစ်ကို အကြီးအကျယ် စိန်ခေါ်နိုင်ဖွယ်ရှိနေကြောင်း စစ်ရေးလေ့လာသူများက သုံးသပ်ထားကြသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 4-May-2026
© Copyright 2024 SAC All Rights Reserved.