အွန်လိုင်းလိမ်လည်မှုတိုက်ဖျက်ရေးဆိုင်ရာဥပဒေကြမ်း
News Image
MM-News-Category
ဆက်စပ်သတင်းများ
, 
, 
, 
, 
14 May 2026 အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများ ထိခိုက်ဒဏ်ရာရရှိစေရန်နှင့် အကြောက်တရားများ လွှမ်းမိုးစေရန် ရည်ရွယ်ချက်များဖြင့် ဖမ်းဆီးသတ်ဖြတ်ခြင်း၊ ရပ်ကွက်၊ ကျေးရွာများအတွင်းသို့ လက်နက်ကြီး၊ လက်နက်ငယ်များ၊ Drone ဖြင့် Drop Bomb များ ပစ်ချတိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်လျက်ရှိသည်။ ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ မေ ၁၂ ရက် နံနက် ၁၁ နာရီ ၄၅ မိနစ်တွင် စစ်ကိုင်းတိုင်းဒေသကြီး၊ အင်းတော်မြို့နယ်၊ အောင်ဇေယျရပ်ကွက်ရှိ အခြေခံပညာအထက်တန်း ကျောင်းခွဲဝင်းအတွင်းသို့ PDF အမည်ခံ အကြမ်းဖက်သမားများက အများပြည်သူထိခိုက်စေရန် ရည်ရွယ်၍ ပစ်ချလိုက်သည့် Drop Bomb နှစ်လုံး ကျရောက်ပေါက်ကွဲခဲ့မှုကြောင့် အဆိုပါကျောင်းဝင်းအတွင်း နေထိုင်ကြသူများဖြစ်သည့် ကျောင်းအုပ်ဆရာကြီးဖြစ်သူ ဦးတင်မောင်ဝင်း၊ ကျောင်းရုံးအကူဖြစ်သူ ဒေါ်ဇင်ဖြိုးဝေနှင့် ကျောင်းသန့်ရှင်းရေးဝန်ထမ်းဖြစ်သူ ဒေါ်လင်းနွယ်အေးတို့တွင် ဗုံးသီးပေါက်ကွဲစ ထိမှန်ဒဏ်ရာများရရှိခဲ့၍ ဆေးကုသပေးလျက်ရှိကြောင်း သိရသည်။ ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော ရပ်ကွက်၊ ကျေးရွာများအတွင်းသို့ လက်နက်ကြီး၊ လက်နက်ငယ်၊ Drop Bomb များဖြင့် ပစ်ခတ်တိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်နေမှုများကြောင့် ပညာရေးဝန်ထမ်းများ ထိခိုက်ဒဏ်ရာ ရရှိခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။MOHA
Thu, 14-May-2026
, 
, 
, 
, 
Thu, 14-May-2026
အစ္စတန်ဘူလ် မေ ၁၂တူကီယဲရဲတပ်ဖွဲ့ဝင်များသည် နိုင်ငံအတွင်း အိုင်အက်စ်အကြမ်းဖက်အဖွဲ့အား ငွေကြေးထောက်ပံ့ပေးနေသည့် ဒစ်ဂျစ်တယ်ငွေကြေးကွန်ရက်တစ်ခုအား နှိမ်နင်းရာတွင် ဒေသခံ ၄၃ ဦးကို မေ ၁၂ ရက်က ဖမ်းဆီးခဲ့ကြောင်း အစ္စတန်ဘူလ် တရားရေးဌာနရုံးအကြီးအကဲက ပြောကြားသည်။ အစ္စတန်ဘူလ်၊ အန်ကာရာနှင့် အန်တာရာအပါအဝင် ပြည်နယ် ၁၆ ခုတွင် စစ်ဆင်ရေးဆင်နွှဲကာ စီးနင်းမှုများဆောင်ရွက်ခဲ့ကြောင်း သိရသည်။ ၎င်းဒစ်ဂျစ်တယ်ငွေကြေးကွန်ရက်သည် ၂၀၂၁ ခုနှစ်မှ ၂၀၂၅ ခုနှစ်အတွင်း ဒစ်ဂျစ်တယ်ငွေကြေးစနစ်ဖြင့် ငွေကြေးကောက်ခံကာ လူသားချင်းစာနာ ထောက်ထားမှု အကူအညီအသွင်ဖြင့် ကန်ဒေါ်လာ ၁၇၀၀၀၀ အား လူမှုကွန်ရက်မှနေ၍ ဆီးရီးယားနိုင်ငံ အကျဉ်းစခန်းများမှ အိုင်အက်စ်အဖွဲ့ဝင်များ၏ မိသားစုများထံ ပေးပို့ခဲ့သည်။ယင်းစစ်ဆင်ရေးအတွင်း အိုင်အက်စ်များနှင့်ပတ်သက်သည့် မှတ်တမ်းများကို သိမ်းဆည်းခဲ့သည်။ တူကီယဲနိုင်ငံတွင် ၂၀၁၃ ခုနှစ်မှစတင်၍ အိုင်အက်စ်အဖွဲ့အား အကြမ်းဖက်အဖွဲ့အစည်းအဖြစ် သတ်မှတ်ခဲ့ပြီးနောက် အိုင်အက်စ်အဖွဲ့ကလည်း နိုင်ငံအတွင်း အကြမ်းဖက်မှုများဆောင်ရွက်ခဲ့ရာ စစ်ဆင်ရေးများ ဆင်နွှဲ၍ အရေးယူမှုများ ဆောင်ရွက်ခဲ့သည်။ကိုးကား-ဆင်ဟွာဘာသာပြန်-စိုးသူရMDN
Wed, 13-May-2026
ဂျေရုဆလင် မေ ၁၂အစ္စရေးတပ်ဖွဲ့ဝင်များသည် လက်ဘနွန်နိုင်ငံရှိ လီတာနီမြစ်ကို ဖြတ်ကူးလာပြီးနောက် အစ္စရေး နယ်စပ်အနီး ၁၀ ကီလိုမီတာအကွာအဝေးတွင် တည်ရှိသည့်ဒေသ၌ စစ်ဆင်ရေးများ ဆောင်ရွက်ခဲ့ကြောင်း အစ္စရေးတပ်ဖွဲ့က မေ ၁၂ ရက်တွင် ပြောကြားသည်။အဆိုပါမြစ်အား ကြည်းတပ် တပ်ဖွဲ့များ ဖြတ်ကူးလာပြီး တင့်ကားများဖြင့် စစ်ဆင်ရေးဆောင်ရွက်ခဲ့ကြောင်း ရုပ်မြင်သံကြားမှတ်တမ်းများနှင့် ဓာတ်ပုံများအရ သိရသည်။ ပြီးခဲ့သည့် သီတင်းပတ်အတွင်း ဂိုလန်တပ်မမှ တပ်ဖွဲ့များသည် လီတာနီဒေသအတွင်း ဟဇ်ဘိုလာများနှင့် အနီးကပ်တိုက်ပွဲများဖြစ်ပွားခဲ့ကြောင်း အစ္စရေးတပ်ဖွဲ့က ပြောကြားသည်။ ၎င်းစစ်ဆင်ရေးအတွက် အစ္စရေးလေတပ်မှ ဒေသအတွင်းရှိ နေရာ ၁၀၀ ကျော်ကို ဗုံးကြဲတိုက်ခိုက်ခြင်းဖြင့် မြေပြင်တပ်ဖွဲ့များအား အကူအညီပေးခဲ့ကြောင်းနှင့် မြေအောက်ရှိ ဟဇ်ဘိုလာအဖွဲ့၏ အခြေခံအဆောက်အအုံများကို တိုက်ခိုက်ရန် စက်ရုပ်များအကူအညီဖြင့် ဆောင်ရွက်ခဲ့ကြောင်း အစ္စရေးတပ်ဖွဲ့က ပြောကြားသည်။အစ္စရေးတပ်ဖွဲ့ဝင်များက ဟဇ်ဘိုလာအဖွဲ့ဝင်များအား ချေမှုန်းနိုင်ခဲ့ပြီး ၎င်းတို့၏ ဥမင်များ၊ လက်နက်သိုလှောင်ရာနေရာများကို တိုက်ခိုက်ဖျက်ဆီးခဲ့သည်။ အစ္စရေး၏ တိုက်ခိုက်မှုများအတွင်း အနည်းဆုံး ဒေသခံ ၂၈၈၂ ဦး သေဆုံးပြီး ၈၇၆၈ ဦး ထိခိုက်ဒဏ်ရာရရှိခဲ့ကြောင်း လက်ဘနွန် ကျန်းမာရေးဝန်ကြီးဌာနက ပြောကြားသည်။ ကိုးကား-ဆင်ဟွာဘာသာပြန်-စိုးသူရMDN
Wed, 13-May-2026
, 
13 May 2026 အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများအသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများကို ပြုလုပ်လျက်ရှိပါသည်။ ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ မေ ၁၁ ရက် မွန်းလွဲ ၁၂ နာရီ ၁၅ မိနစ်တွင် မကွေးတိုင်းဒေသကြီး၊ စလင်းမြို့နယ်ပြည်သူ့ဆေးရုံသို့ မိုင်းပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ နံနက် ၈ နာရီတွင် စလင်းမြို့နယ်၊ အရှေ့ကန်ဘောင်ကျေးရွာနေ ဦးစန်းဌေး(၆၁)နှစ်သည် ကျေးရွာအနောက်ဘက်ရှိ လယ်ကွင်းသို့ ခြေလျင်ထွက်ခွာလာစဉ် လယ်ကွင်းအနီးအရောက်၌ PDF အမည်ခံ အကြမ်းဖက်သမားများ ထောင်ထားသည့် နင်းမိုင်း တစ်လုံးအား နင်းမိပေါက်ကွဲခဲ့မှုကြောင့် ၎င်းတွင် ထိခိုက်ဒဏ်ရာများ ရရှိခဲ့ခြင်းဖြစ်ကြောင်း သိရသည်။ အလားတူ ညနေ ၅ နာရီ ၃၀ မိနစ်တွင် မန္တလေးတိုင်းဒေသကြီး၊ ပြင်ဦးလွင်ခရိုင်ပြည်သူ့ဆေးရုံကြီးသို့ မိုင်းပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ နံနက် ၁၁ နာရီ ၃၀ မိနစ်တွင် ရှမ်းပြည်နယ်၊ နောင်ချိုမြို့နယ်၊ အုမ္မသီးကျေးရွာနေ ဦးစိုင်းလောင်သျှမ်း(၃၄)နှစ်သည် ကျေးရွာမြောက်ဘက်ရှိ ၎င်းပိုင်တောင်ယာစိုက်ခင်းအတွင်း အလုပ်လုပ်ကိုင်နေစဉ် TNLA အကြမ်းဖက်အဖွဲ့ ထောင်ထားသည့် နင်းမိုင်း တစ်လုံးအား နင်းမိပေါက်ကွဲခဲ့မှုကြောင့် ၎င်းတွင် ထိခိုက်ဒဏ်ရာများ ရရှိခဲ့ခြင်းဖြစ်ကြောင်း သိရသည်။ အထက်ပါဖြစ်စဉ်များမှ အကြမ်းဖက်မှု ကျူးလွန်ခဲ့သူများအား ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိပါသည်။MOHA
Wed, 13-May-2026
နေပြည်တော် မေ ၁၃နိုင်ငံတစ်နိုင်ငံဖွံ့ဖြိုးတိုးတက်ရန်အတွက် ပညာရေးကဏ္ဍသည် အလွန်အရေးကြီးသည့် အခြေခံတစ်ရပ်ဖြစ်သည်။ ပညာရေးကပင် လူ့စွမ်းအားအရင်းအမြစ်များကို တိုးတက်စေပြီး စီးပွားရေး၊ လူမှုရေး၊ နည်းပညာနှင့် နိုင်ငံရေးကဏ္ဍများအားလုံးကို တိုးတက်အောင်ဆောင်ရွက်ပေးနိုင်ကာ နိုင်ငံ၏အနာဂတ်ကို တည်ဆောက်ပေးနိုင်သော အင်အားတစ်ရပ်ဖြစ်သည်။ ထို့ကြောင့် နိုင်ငံတော်အစိုးရအနေဖြင့် နိုင်ငံ၏ အနာဂတ်ဖြစ်သည့် မျိုးဆက်သစ်ရင်သွေးငယ်များ၏ ပညာရေးတွင် နောက်ကျကျန်ရစ်မှုမဖြစ်ပေါ်စေရေးအတွက် ပညာသင်ကြားနိုင်မှု အခွင့်အလမ်းကို ပြည့်ဝစွာအသုံးချနိုင်စေရန်နှင့် လာမည့်ကျောင်းဖွင့်ရာသီတွင် အခြေခံပညာကျောင်းများ ပြန်လည်ဖွင့်လှစ်နိုင်ရေး တပ်မတော်သားများ၊ သက်ဆိုင်ရာအဖွဲ့အစည်းများနှင့် ပူးပေါင်း၍ အားသွန်ခွန်စိုက်ကြိုးပမ်းဆောင်ရွက်လျက်ရှိသည်။သို့ရာတွင် NUG အမည်ခံအကြမ်းဖက်အဖွဲ့နှင့် ၎င်း၏ လက်အောက်ခံ PDF အမည်ခံအကြမ်းဖက်သမားများသည် အနာဂတ်ရင်သွေးငယ်များ၏ ပညာသင်ကြားသင်ယူခွင့် အခွင့်အလမ်းများပျက်ပြား၍ ပညာမဲ့လူတန်းစားများဖြစ်ပေါ်လာစေရန်နှင့် ၎င်းတို့ကို အကြောက်တရားဖြင့် ထောက်ခံအားပေးလာစေရန် ယုတ်မာရိုင်းစိုင်းသော ရည်ရွယ်ချက်များဖြင့် စစ်ရေးနှင့်သက်ဆိုင်ခြင်းမရှိသည့် စာသင်ကျောင်းများအား အဝေးမှလက်နက်ကြီးများ၊ DRONE များဖြင့် ပစ်ခတ်တိုက်ခိုက်ခြင်း၊ ကျောင်းသား၊ ဆရာ၊ မိဘများအား ခြိမ်းခြောက်အကျပ်ကိုင်ခြင်း၊ ဖမ်းဆီးသတ်ဖြတ်ခြင်း၊ ပညာရေးဆိုင်ရာအဆောက်အဦများအား မီးရှို့ဖျက်ဆီးခြင်း၊ မိုင်းထောင်ဖောက်ခွဲခြင်း၊ အထောက်အကူပြုပစ္စည်းများနှင့် ကျောင်းသုံးပုံနှိပ်စာအုပ်များ၊ ကျောင်းသုံးစာအုပ်များအား မီးရှို့ဖျက်ဆီးခြင်းစသည့် နည်းလမ်းမျိုးစုံအသုံးပြုကာ ပညာရေးကဏ္ဍမြင့်မားရေးကို နှောင့်ယှက်ဖျက်ဆီးလျက်ရှိသည်။ထိုသို့လုပ်ဆောင်လျက်ရှိရာ မေ ၁၂ ရက်တွင် စစ်ကိုင်းတိုင်းဒေသကြီး၊ အင်းတော်မြို့ရှိ အခြေခံပညာအထက်တန်းကျောင်း(ခွဲ)(အောင်ဇေယျ)၌ ဆရာ၊ ဆရာမများနှင့် ရုံးအဖွဲ့များက ကျောင်းဖွင့်ရာသီတွင် ကျောင်းသား၊ ကျောင်းသူများ ကျောင်းအပ်နှံခြင်း၊ စာသင်ခန်းများနှင့် သင်ထောက်ကူပစ္စည်းများ စနစ်တကျရှိစေရေး စသည့် ကြိုတင်ပြင်ဆင်မှုလုပ်ငန်းများ ဆောင်ရွက်နေစဉ် နံနက် ၁၁ နာရီ ၄၅ မိနစ် အချိန်ခန့်တွင် PDF အမည်ခံ အကြမ်းဖက်သောင်းကျန်းသူများက အင်းတော်မြို့၏ အနောက်ဘက် မီတာ ၂၆၀၀ ခန့်အကွာမှနေ၍ FPV Suicide Drone ၂ စီးဖြင့် ပစ်လွှတ်တိုက်ခိုက်ခဲ့ရာ ကျောင်းဝန်းအတွင်း ကျရောက်ပေါက်ကွဲခဲ့သဖြင့် စာသင်ဆောင်များ ထိခိုက်ပျက်စီးခဲ့ကာ မူလတန်းကျောင်းအုပ် ဆရာ ၁ ဦးနှင့် ရုံးဝန်ထမ်း ၂ ဦးတို့တွင် ဗုံးစထိမှန်၍ မစိုးရိမ်ရဒဏ်ရာများရရှိခဲ့သဖြင့် လိုအပ်သည့် ကျန်းမာရေးစောင့်ရှောက်မှုများ ဆောင်ရွက်ပေးလျက်ရှိကြောင်း သိရှိရသည်။PDF အမည်ခံအကြမ်းဖက်သောင်းကျန်းသူများအနေဖြင့် ယခုကဲ့သို့ စစ်ရေးနှင့်သက်ဆိုင်သော ပစ်မှတ်များမဟုတ်ဘဲ ကျောင်းသား၊ ကျောင်းသူများ အေးချမ်းစွာ ပညာသင်ကြားသည့် ပညာရေးဆိုင်ရာအဆောက်အဦများကို ရည်ရွယ်ချက်ရှိရှိ တိုက်ခိုက်ခြင်းသည် ဂျီနီဗာကွန်ဗင်းရှင်းများနှင့် အပြည်ပြည်ဆိုင်ရာဥပဒေတို့အရ စစ်ရာဇဝတ်မှုကျူးလွန်ခြင်းဖြစ်ပြီး အဆိုပါအကြမ်းဖက်လုပ်ရပ်အပေါ် ဒေသခံပြည်သူများက ပြင်းပြင်းထန်ထန် ကန့်ကွက်ရှုတ်ချလျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သည့် နယ်မြေလုံခြုံရေးလုပ်ငန်းများ တိုးမြှင့်ဆောင်ရွက်လျက်ရှိကြောင်း သတင်းရရှိသည်။moi
Wed, 13-May-2026