တရုတ်သမ္မတ ရှီကျင့်ဖျင်နှင့် ရုရှားသမ္မတ ပူတင်တို့ တွေ့ဆုံဆွေးနွေး ချစ်ကြည်ရေးစာချုပ်ကို ထပ်မံသက်တမ်းတိုးရန် သဘောတူ

NoahJune222

News Image

  • တရုတ်သမ္မတ ရှီကျင့်ဖျင်နှင့် ရုရှားသမ္မတ ပူတင်တို့ တွေ့ဆုံဆွေးနွေး ချစ်ကြည်ရေးစာချုပ်ကို ထပ်မံသက်တမ်းတိုးရန် သဘောတူ

     တရုတ်နိုင်ငံသမ္မတ ရှီကျင့်ဖျင်သည် ပေကျင်းမြို့သို့ရောက်ရှိနေသော ရုရှားနိုင်ငံသမ္မတ ဗလာဒီမာပူတင်နှင့် မေလ ၂၀ ရက်တွင် တွေ့ဆုံဆွေးနွေးပြီး   တရုတ်-ရုရှား အိမ်နီးချင်းကောင်းပီသမှုနှင့် ချစ်ကြည်ရင်းနှီးစွာ ပူးပေါင်းဆောင်ရွက်ရေး စာချုပ်ကို  ထပ်မံသက်တမ်းတိုးရန်  နှစ်နိုင်ငံခေါင်းဆောင်များက သဘောတူကြောင်း သိရသည်။

ယခုနှစ်က တရုတ်-ရုရှား မဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေး ထူထောင်သည့် နှစ် (၃၀) ပြည့်နှစ်ပတ်လည်နေ့နှင့် တရုတ်-ရုရှား အိမ်နီးချင်းကောင်းနှင့်  မိတ်ဆွေကောင်း ပူးပေါင်းဆောင်ရွက်မှု သဘောတူစာချုပ် လက်မှတ်ရေးထိုးသည့် (၂၅) နှစ်မြောက် နှစ်ပတ်လည်ဖြစ်ကြောင်း သမ္မတရှီကျင့်ဖျင်က ပြောသည်။

ကုလသမဂ္ဂလုံခြုံရေးကောင်စီ၏ အမြဲတမ်းအဖွဲ့ဝင်များနှင့် ကမ္ဘာ့နိုင်ငံကြီးများဖြစ်သည့် အားလျော်စွာ မဟာဗျူဟာမြောက် ရေရှည်မျှော်မှန်းချက်ကိုထားရှိကာ ပိုမိုအရည်အသွေးမြင့်မားသော ဘက်စုံမဟာဗျူဟာမြောက် ညှိနှိုင်းဆောင်ရွက်မှုများဖြင့် နိုင်ငံများ၏ ဖွံ့ဖြိုးတိုးတက်မှုကို တွန်းအားပေးရန်နှင့် ကမ္ဘာ့အုပ်ချုပ်ရေးစနစ်ကို တရားမျှတဆီလျော်စေရန် ဆောင်ရွက်ရမည်ဟု ရှီကျင့်ဖျင်ကပြောသည်။

ထို့ပြင် ကုန်သွယ်ရေး၊ စီးပွားရေး၊ ရင်းနှီးမြှုပ်နှံမှု၊ စွမ်းအင်၊ သိပ္ပံနှင့်နည်းပညာ၊ ပြည်သူအချင်းချင်း ဖလှယ်မှုစသည့် ကဏ္ဍစုံတွင် ဆက်လက်တိုးတက်နေပြီး နှစ်နိုင်ငံဆက်ဆံရေးက ပိုမိုမြန်ဆန်သော ဖွံ့ဖြိုးတိုးတက်မှု အဆင့်သစ်သို့ ရောက်ရှိနေပြီဖြစ်ကြောင်း ရှီကျင့်ဖျင်က ပြောသည်။

MWD

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ ပြည်ပရေးရာဝန်ကြီး လာရောက်ဂါရဝပြုတွေ့ဆုံ , ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ ပြည်ပရေးရာဝန်ကြီး လာရောက်ဂါရဝပြုတွေ့ဆုံ
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ ပြည်ပရေးရာဝန်ကြီး လာရောက်ဂါရဝပြုတွေ့ဆုံ
နေပြည်တော် မေ ၃၀အိန္ဒိယနိုင်ငံ နယူးဒေလီမြို့၌ တရားဝင်ခရီးစဉ် ရောက်ရှိနေသည့် ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ ပြည်ပရေးရာဝန်ကြီး H.E. Dr. Subrahmanyam Jaishankar က ယနေ့ညနေပိုင်းတွင် လာရောက်ဂါရဝပြုတွေ့ဆုံသည်။ထိုသို့တွေ့ဆုံရာတွင် မြန်မာ - အိန္ဒိယ နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ တိုးတက်ကောင်းမွန်လျက်ရှိမှုအခြေအနေများ၊ ယခုကဲ့သို့ တရားဝင်ခရီးစဉ်မှတစ်ဆင့် နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ပိုမိုတိုးတက်ကောင်းမွန်လာမည့်အခြေအနေများ၊ အိန္ဒိယနိုင်ငံအနေဖြင့် မြန်မာနိုင်ငံတွင် ကျင်းပ ပြုလုပ်ခဲ့သည့် ပါတီစုံဒီမိုကရေစီ အထွေထွေရွေးကောက်ပွဲအပေါ် ထောက်ခံမှုအခြေအနေများ၊ နှစ်နိုင်ငံအကြား ဖွံ့ဖြိုးတိုးတက်ရေးစီမံကိန်းများကို ဆက်လက်အကောင်အထည်ဖော်ဆောင်ရွက်သွားမည့်အခြေအနေများ၊ နှစ်နိုင်ငံအကြား ကုန်သွယ်ရေးကဏ္ဍ၊ ကာကွယ်ရေးကဏ္ဍ၊ လုံခြုံရေး ကဏ္ဍ၊ ယဉ်ကျေးမှုကဏ္ဍ၊ ပညာရေးကဏ္ဍ၊ ဖွံ့ဖြိုးတိုးတက်ရေးကဏ္ဍများနှင့် နယ်စပ်ဒေသတည်ငြိမ် အေးချမ်းရေးဆိုင်ရာ ကိစ္စရပ်များကို ဆက်လက်အကောင်အထည်ဖော်ဆောင်ရွက်သွားမည့်အခြေအနေများ၊ မြန်မာနိုင်ငံ၏ နိုင်ငံရေးဖြစ်ပေါ်ပြောင်းလဲမှုအခြေအနေများနှင့် အိန္ဒိယနိုင်ငံအနေဖြင့် မြန်မာနိုင်ငံဘက်မှ ရပ်တည်ဆောင်ရွက်လျက်ရှိမှုအခြေအနေများ၊ မြန်မာနိုင်ငံအနေဖြင့် အာဆီယံအဖွဲ့အတွင်း အကောင်းဆုံးဖြစ်အောင် ပူးပေါင်းဆောင်ရွက်လျက်ရှိမှုအခြေအနေများနှင့် အခြားနှစ်နိုင်ငံအကြား ကဏ္ဍပေါင်းစုံ၌ ပူးပေါင်းဆောင်ရွက်မှုများ မြှင့်တင်ဆောင်ရွက်သွားမည့်အခြေအနေများနှင့်ပတ်သက်၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြသည်။အဆိုပါတွေ့ဆုံပွဲတွင် နိုင်ငံတော်သမ္မတနှင့်အတူ ခရီးစဉ်တွင် လိုက်ပါသွားသည့် ပြည်ထောင်စုဝန်ကြီးများဖြစ်ကြသော ဦးခင်မောင်ရီ၊ ဦးတင်မောင်ဆွေနှင့် တာဝန်ရှိသူများ၊ အိန္ဒိယနိုင်ငံဆိုင်ရာ မြန်မာနိုင်ငံသံအမတ်ကြီးတို့ တက်ရောက်ကြပြီး အိန္ဒိယနိုင်ငံ ပြည်ပရေးရာဝန်ကြီးနှင့်အတူ မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး H.E. Shri Abhay Thakur နှင့် တာဝန်ရှိသူများ တက်ရောက်ခဲ့ကြကြောင်း သတင်းရရှိသည်။သတင်းစဉ်MOI
Sun, 31-May-2026
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့ အိန္ဒိယနိုင်ငံသို့ တရားဝင်ခရီးစဉ်ထွက်ခွာ
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့ အိန္ဒိယနိုင်ငံသို့ တရားဝင်ခရီးစဉ်ထွက်ခွာ
Sat, 30-May-2026
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ဦးဆောင်သည့် မြန်မာအဆင့်မြင့် ကိုယ်စားလှယ်အဖွဲ့ အိန္ဒိယနိုင်ငံသို့ တရားဝင်ခရီးစဉ်ရောက်ရှိ , ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ဦးဆောင်သည့် မြန်မာအဆင့်မြင့် ကိုယ်စားလှယ်အဖွဲ့ အိန္ဒိယနိုင်ငံသို့ တရားဝင်ခရီးစဉ်ရောက်ရှိ
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ဦးဆောင်သည့် မြန်မာအဆင့်မြင့် ကိုယ်စားလှယ်အဖွဲ့ အိန္ဒိယနိုင်ငံသို့ တရားဝင်ခရီးစဉ်ရောက်ရှိ
Sat, 30-May-2026
ဥပဒေ၏အကာအကွယ်အောက်တွင် ပြည်သူများ အေးချမ်းလုံခြုံစွာနေထိုင်ပြီး အကျိုးစီးပွား ဖြစ်ထွန်းစေရန် ဝိုင်းဝန်းဆောင်ရွက် အွန်လိုင်းလိမ်လည်မှုတိုက်ဖျက်ရေးဆိုင်ရာဥပဒေကို ဆောလျင်စွာ ပြဋ္ဌာန်းနိုင်ရေး ဦးစားပေးဆောင်ရွက်သွားမည်
ဥပဒေ၏အကာအကွယ်အောက်တွင် ပြည်သူများ အေးချမ်းလုံခြုံစွာနေထိုင်ပြီး အကျိုးစီးပွား ဖြစ်ထွန်းစေရန် ဝိုင်းဝန်းဆောင်ရွက် အွန်လိုင်းလိမ်လည်မှုတိုက်ဖျက်ရေးဆိုင်ရာဥပဒေကို ဆောလျင်စွာ ပြဋ္ဌာန်းနိုင်ရေး ဦးစားပေးဆောင်ရွက်သွားမည်
ရန်ကုန် မေ ၂၉ ပြည်သူ့လွှတ်တော်ဥက္ကဋ္ဌ ဦးခင်ရီသည် ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးဌေးအောင်၊ ဒုတိယဥက္ကဋ္ဌ ဦးကျော်ကျော်စိုး၊ ဥပဒေကြမ်းကော်မတီ၊ ဥပဒေရေးရာနှင့် အထူးကိစ္စရပ်များ လေ့လာသုံး သပ်ရေးအဖွဲ့ဝင်များ၊ ဥပဒေပညာရှင်(အငြိမ်းစား)များအား ယနေ့မွန်းလွဲပိုင်းတွင် ရန်ကုန်တိုင်း ဒေသကြီးလွှတ်တော်ရုံး ပုလဲခန်းမ၌ တွေ့ဆုံသည်။ ဦးစွာ ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးဌေးအောင်က ဥပဒေရေးရာနှင့် အထူးကိစ္စရပ်များ လေ့လာသုံးသပ်ရေးအဖွဲ့ ဖွဲ့စည်းထားရှိမှုနှင့် စပ်လျဉ်း၍ ရှင်းလင်းတင်ပြပြီး အဖွဲ့ဝင်များက တစ်ဦးချင်း မိတ်ဆက်စကားပြောကြားသည်။ ထို့နောက် ပြည်သူ့လွှတ်တော်ဥက္ကဋ္ဌက ပြည်သူများ၏ အကျိုးစီးပွားအား အကာအကွယ်ပေးနိုင်ရေး ဥပဒေပြဋ္ဌာန်းရာ၌ အထောက်အကူဖြစ်စေရန်နှင့် ထိရောက်စေရန်အတွက် ယခုကဲ့သို့ ရန်ကုန်တိုင်း ဒေသကြီးလွှတ်တော်ရှိ ဥပဒေပညာရှင်များနှင့် တွေ့ဆုံရခြင်းဖြစ်ပါကြောင်း၊ မိမိအနေဖြင့် ဥပဒေ ပညာရှင်များနှင့်တွေ့ဆုံပြီး ဥပဒေစကားဝိုင်းပြုလုပ် ရန် အမြဲစဉ်းစားခဲ့ပါကြောင်း၊ ဥပဒေပညာရှင်များ အနေဖြင့် တည်ဆဲဥပဒေများနှင့်ပတ်သက်ပြီး ခေတ်နှင့်မလျော်ညီတော့သည့် ဥပဒေများကို ပြင်ဆင် ခြင်း၊ ဖြည့်စွက်ခြင်း၊ အစားထိုးခြင်း၊ ခေတ်နှင့်အညီ အသစ်ပြဋ္ဌာန်းသင့်သည့် ဥပဒေများကို အကြံပြု ဆွေးနွေးပေးစေလိုပါကြောင်း၊ ဥပဒေ၏ အကာအကွယ်အောက်တွင် ပြည်သူများ အေးချမ်းလုံခြုံစွာ နေထိုင်ပြီး အကျိုးစီးပွားဖြစ်ထွန်းစေရန်အတွက် မိမိတို့အနေဖြင့် ဝိုင်းဝန်းဆောင်ရွက်ကြရမည် ဖြစ်ပါကြောင်း၊ ဒေသတွင်းနှင့် နိုင်ငံတကာဆက်ဆံရေးများတွင် မိမိတို့နိုင်ငံ၏ အမျိုးသားအကျိုးစီးပွား အတွက် လိုအပ်သည့်ဥပဒေများ ပြဋ္ဌာန်းရမည်ဖြစ်ပါကြောင်း၊ လတ်တလောအနေဖြင့် နိုင်ငံ‌တော်အတွက် လက်ရှိ အခြေအနေများနှင့်ကိုက်ညီမည့် အွန်လိုင်းလိမ်လည် မှုတိုက်ဖျက်ရေးဆိုင်ရာဥပဒေကို ဆောလျင်စွာ ပြဋ္ဌာန်းနိုင်ရေး ဦးစားပေးဆောင်ရွက်သွားမည်ဖြစ်ပါကြောင်း၊ ထို့ကြောင့် ဥပဒေပညာရှင် များအနေဖြင့် ဝိုင်းဝန်းအကြံပြု ဆွေးနွေးပေးစေလိုပါကြောင်း ပြောကြားသည်။ ယင်းနောက် ရန်ကုန်ဒေသကြီးလွှတ်တော်ဥက္ကဋ္ဌ၊ ဒုတိယဥက္ကဋ္ဌနှင့် ဥပဒေကြမ်းကော်မတီ၊ ဥပဒေရေးရာ နှင့် အထူးကိစ္စရပ်များ လေ့လာသုံးသပ်ရေးအဖွဲ့ဝင်များ၊ ဥပဒေပညာရှင် (အငြိမ်းစား)များက ဥပဒေပြု ရေးနှင့်စပ်လျဉ်း၍ သက်ဆိုင်ရာကဏ္ဍအလိုက် အသီးသီးဆွေးနွေးတင်ပြကြပြီး ပြည်သူ့လွှတ်တော် ဥက္ကဋ္ဌက ဆွေးနွေးတင်ပြချက်များအပေါ် ပြန်လည်ရှင်းလင်းဆွေးနွေးကာ နိဂုံးချုပ်အမှာစကား ပြောကြားသည်။ ထို့နောက် ပြည်သူ့လွှတ်တော်ဥက္ကဋ္ဌ ဦးခင်ရီသည် ရန်ကုန်တိုင်းဒေသကြီး လွှတ်တော်ရုံးသင်တန်း ခန်းမ၌ပြုလုပ်သည့် စီမံကိန်း၊ ရသုံးမှန်းခြေငွေစာရင်းနှင့် ငွေကြေးစီမံခန့်ခွဲမှုဆိုင်ရာ အလုပ်ရုံဆွေးနွေး ပွဲသို့ တက်ရောက်နေကြသည့် လွှတ်တော်ကိုယ်စားလှယ်များအား တွေ့ဆုံအားပေးစကားပြောကြားကာ ရင်းရင်းနှီးနှီး လိုက်လံနှုတ်ဆက်သည်။ သတင်းစဉ် MDN
Sat, 30-May-2026
အမေရိကန်က ကျူးဘားနိုင်ငံ၌ အစိုးရ အပြောင်းအလဲဖြစ်ရန် လုပ်နေဟုဆို
အမေရိကန်က ကျူးဘားနိုင်ငံ၌ အစိုးရ အပြောင်းအလဲဖြစ်ရန် လုပ်နေဟုဆို
    အမေရိကန်သမ္မတ ဒေါ်နယ်ထရမ့်၏ အစိုးရအဖွဲ့သည် ကျူးဘားနိုင်ငံ၌ အစိုးရအပြောင်းအလဲဖြစ်ရန် အရှိန်တိုးမြှင့်လုပ်ဆောင်နေကြောင်း၊ အထူးသဖြင့် ကျူးဘားနိုင်ငံအပေါ် စီးပွားရေးအရ ဖိအားပေးရန် လုပ်ဆောင်နေခြင်းဖြစ်ကြောင်း သတင်းအရင်းအမြစ်များ၏   ပြောဆိုချက်ကိုကိုးကား၍ Axio သတင်းဌာနက မေလ ၂၉ ရက်တွင်ထုတ်ပြန်ထားသည်။ ကျွန်းနိုင်ငံဖြစ်သည့်  ကျူးဘားနိုင်ငံ၌ လက်ရှိတွင်လောင်စာဆီ ပြတ်လပ်မှုဖြစ်ပေါ်နေသည့်အတွက်  နေ့စဉ်လျှပ်စစ်မီး ပြတ်တောက်မှုမှာ  နာရီ ၂၀ နီးပါးအထိ ရှိလာနေပြီဖြစ်သည်။ထိုအချိန်တွင် အမေရိကန်အစိုးရသည် ကျူးဘားနိုင်ငံသို့ စစ်ရေးအရ တိုက်ရိုက်ဝင်ရောက်ခြင်းမပြုဘဲ ယင်းနိုင်ငံအတွင်း အခက်အခဲများ  ပိုမိုဖြစ်ပေါ်လာစေရန် လုပ်ဆောင်သွားမည်ဖြစ်ကြောင်း အမည်မဖော်လိုသူ သတင်းအရင်းအမြစ်များကပြောသည်။ လက်ရှိအချိန်တွင်အမေရိကန်သမ္မတအနေဖြင့်   တစ်ဖက်၌  အီရန်နှင့်ဆွေးနွေးမှုများ လုပ်နေရသည့်အတွက် ကျူးဘားကိစ္စကို အချိန်ဆွဲနေရခြင်းသာ ဖြစ်ကြောင်းနှင့်   အခြေအနေပေးသည့်အချိန်တွင်  လိုအပ်သည့်အဆင့်များကို အရှိန်အဟုန်ပြင်းစွာ  အကောင်အထည် ဖော်ဆောင်ရွက်သွားရန် ပြင်ဆင်ထားပြီး ဖြစ်ကြောင်း သိရသည်။ MWD
Sat, 30-May-2026
အမေရိကန်နှင့် မည်သည့်နားလည်မှု စာချွန်လွှာမျှ ရရှိထားခြင်းမရှိဟု အီရန်ငြင်းဆို
အမေရိကန်နှင့် မည်သည့်နားလည်မှု စာချွန်လွှာမျှ ရရှိထားခြင်းမရှိဟု အီရန်ငြင်းဆို
         အမေရိကန်နိုင်ငံနှင့် အီရန်နိုင်ငံတို့ကြားမည်သည့် နားလည်မှုစာချွန်လွှာမျှ ရရှိထားခြင်းမရှိကြောင်း အီရန်အစိုးရတာဝန်ရှိသူများ၏ ပြောဆိုချက်ကိုကိုးကား၍ Tasnimသတင်းဌာနက ထုတ်ပြန်ထားသည်။ ထိုနှစ်နိုင်ငံကြား အဆိုပြုထားသော နားလည်မှုစာချွန်လွှာကို အပြီးသတ်နိုင်ခဲ့ပြီဖြစ်ပြီး အမေရိကန်သမ္မတ ဒေါ်နယ်ထရမ့်ဘက်က အတည်ပြုမှုတစ်ခုသာ ကျန်တော့ကြောင်း သတင်းများ ထွက်ပေါ်လာပြီးနောက် ထိုသတင်းများကို အီရန်ဘက်က ငြင်းဆိုခြင်းဖြစ်သည်။ထို့ပြင် အဆိုပါနားလည်မှုစာချွန်လွှာပါ အချက်အလက်များနှင့်   ပတ်သက်၍ တစ်ဖက်နှင့်တစ်ဖက် ဆွေးနွေးဆဲဖြစ်ကြောင်းနှင့် အပြီးမသတ်နိုင်သေးကြောင်း အီရန်၏ ဆွေးနွေးပွဲ ကိုယ်စားလှယ်အဖွဲ့နှင့် နီးကပ်သော   သတင်းအရင်းအမြစ်တစ်ခုကပြောထားသည်။အမေရိကန်နိုင်ငံနှင့် အီရန်နိုင်ငံတို့က လက်ရှိအသက်ဝင်နေဆဲဖြစ်သော အပစ်အခတ်ရပ်စဲရေးကို နောက်ထပ်ရက်ပေါင်း ၆၀ သက်တမ်းတိုးရန်နှင့် အီရန်နျူကလီးယား အစီအစဉ်နှင့်ပတ်သက်၍ စတင်ဆွေးနွေးရန် သဘောတူညီချက်တစ်ခု ရရှိခဲ့ပြီဖြစ်ကြောင်း၊ သို့သော် အမေရိကန်သမ္မတဒေါ်နယ်ထရမ့်၏ အတည်ပြုမှုကျန်ရှိနေသေးကြောင်း Axio သတင်းဌာနက အမေရိကန် တာဝန်ရှိသူများ၏ ပြောဆိုချက်ကို ကိုးကား၍ မေလ ၂၈ ရက်တွင် ထုတ်ပြန်ထားသည်။ ထို့ပြင် နားလည်မှု စာချွန်လွှာတွင် ဟော်မုရေလက်ကြားကို မည်သည့်အတားအဆီးမျှမရှိဘဲ ပြန်ဖွင့်ရေး ဆောင်ရွက်ရန် ပါဝင်ကြောင်း သိရသည်။MWD
Sat, 30-May-2026
© Copyright 2024 SAC All Rights Reserved.