ဂြိုဟ်တုသစ်တစ်စင်းက ကမ္ဘာပတ်လမ်းကြောင်းပေါ်၌ အအေးခံလောင်စာရည်များ သိုလှောင်ထိန်းသိမ်းမှုနှင့် လွှဲပြောင်းပေးမှုနည်းပညာများကို စမ်းသပ်မည်

KookieSpace97

News Image

  • ဂြိုဟ်တုသစ်တစ်စင်းက ကမ္ဘာပတ်လမ်းကြောင်းပေါ်၌ အအေးခံလောင်စာရည်များ သိုလှောင် ထိန်းသိမ်းမှုနှင့် လွှဲပြောင်းပေးမှုနည်းပညာများကို စမ်းသပ်မည်

ဝါရှင်တန် မေ ၂၁

အမေရိကန်အစိုးရ အမျိုးသားလေကြောင်းနှင့် အာကာသစီမံခန့်ခွဲရေးအေဂျင်စီ (နာဆာ)၏ ဂြိုဟ်တုသစ်တစ်စင်းသည် ကမ္ဘာပတ်လမ်းကြောင်းပေါ်၌ အအေးခံလောင်စာရည်များသိုလှောင်ထိန်းသိမ်းမှုနှင့် လွှဲပြောင်းပေးမှုနည်းပညာများကို စမ်းသပ်မည်ဖြစ်ကြောင်း မေ ၂၀ ရက်သတင်းများအရ သိရသည်။

LOXSAT အမည်ရှိ အဆိုပါ ဂြိုဟ်တုကို ယခုနှစ်ကုန်ပိုင်းတွင် Rocket Lab ကုမ္ပဏီ၏ အီလက်ထရွန်ဒုံးပျံဖြင့် လွှတ်တင်ရန် နာဆာအဖွဲ့က စီစဉ်ထားသည်။ 

လွှတ်တင်ပြီးချိန်တွင် LOXSAT ဂြိုဟ်တုသည် ကမ္ဘာပတ်လမ်းပေါ်၌ အအေးခံလောင်စာရည် သိုလှောင်ထိန်းသိမ်းမှုနည်းပညာ၊ အခြားအာကာသယာဉ်များသို့ လောင်စာရည်လွှဲပြောင်းပေးမှုနည်းပညာများကို စမ်းသပ်မည်ဖြစ်ကြောင်း သိရသည်။

လကမ္ဘာနှင့် အင်္ဂါဂြိုဟ် အာကာသမစ်ရှင်များကို အထောက်အကူပေးနိုင်ရေးအတွက် အထက်ပါ နည်းပညာများကို LOXSAT ဂြိုဟ်တုဖြင့် စမ်းသပ်ရန် နာဆာအဖွဲ့က စီစဉ်ထားခြင်းဖြစ်သည်။

LOXSAT ဂြိုဟ်တုမစ်ရှင်သည် ကိုးလထိ ကြာမြင့်မည်ဖြစ်ပြီး အအေးခံလောင်စာရည်ထိန်းသိမ်းမှုပုံစံ ကိုးမျိုးကို စမ်းသပ်မည်ဖြစ်ကြောင်း သိရသည်။

စမ်းသပ်မှုအောင်မြင်ခဲ့ပါက LOXSAT ကဲ့သို့ ဂြိုဟ်တုများသည် တစ်နေ့နေ့တစ်ချိန်ချိန်တွင် အာကာသလောင်စာရည်ဖြည့်ဆည်းရေးစခန်းများ ဖြစ်လာနိုင်ကြောင်း နာဆာတာဝန်ရှိသူများက သုံးသပ်ထားသည်။

ရတနာပုံ

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

ပြည်ထောင်စုဝန်ကြီး ဒေါက်တာမျိုးသိန်းကျော် Nizhny Novgorod State Technical University သို့ သွားရောက်လေ့လာ၊ မြန်မာပညာတော်သင် ကျောင်းသားများနှင့် တွေ့ဆုံ
ပြည်ထောင်စုဝန်ကြီး ဒေါက်တာမျိုးသိန်းကျော် Nizhny Novgorod State Technical University သို့ သွားရောက်လေ့လာ၊ မြန်မာပညာတော်သင် ကျောင်းသားများနှင့် တွေ့ဆုံ
နေပြည်တော် မေ ၂၂ ရုရှားဖက်ဒရေးရှင်းနိုင်ငံ Nizhny Novgorod မြို့၌ ရောက်ရှိနေသော သိပ္ပံနှင့် နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိန်းကျော်သည် ယနေ့နံနက်ပိုင်းက Nizhny Novgorod State Technical University(NNSTU) တက္ကသိုလ် အစည်းအဝေးခန်းမ၌ ပါမောက္ခချုပ်၊ ဒုတိယ ပါမောက္ခချုပ်နှင့် ပါမောက္ခများ၊ တာဝန်ရှိသူများနှင့် တွေ့ဆုံပြီး မြန်မာနိုင်ငံရှိ တက္ကသိုလ်များနှင့် NNSTU တို့အကြား ပူးပေါင်းဆောင်ရွက်နိုင်မည့် ကိစ္စရပ်များကို အပြန်အလှန် ဆွေးနွေးကြသည်။ ထို့နောက် ပြည်ထောင်စုဝန်ကြီး သည် တက္ကသိုလ်ရှိ စာသင်ခန်းများ နှင့် လက်တွေ့ခန်းများကို ကြည့်ရှု လေ့လာသည်။ ယင်းနောက် Nizhny Novgorod မြို့၌ ပညာတော်သင်ရောက်ရှိနေကြသော ကျောင်းသား ကျောင်းသူ များအား တွေ့ဆုံအားပေးစကား ပြောကြားသည်။ ဆက်လက်၍ ANO Gorky Tech သို့ သွားရောက်ပြီး ဒေသတွင်း အိုင်တီကုမ္ပဏီများနှင့် ချိတ်ဆက် ဆောင်ရွက်နေမှု အခြေအနေကို ကြည့်ရှုလေ့လာသည်။ ANO Gorky Tech သည် အစိုးရမဟုတ်သော အကျိုးအမြတ်မယူသည့် အဖွဲ့အစည်း(Autonomous Non-Profit Organization– ANO) ဖြစ်ပြီး ဒေသတွင်းအိုင်တီကုမ္ပဏီများကို အကူအညီပေးရန်၊ နည်းပညာကုမ္ပဏီအသစ်များကို မြေတောင်မြှောက်ပေးရန်၊ ဒေသ၏ ဒီဂျစ်တယ်ကဏ္ဍတစ်ခုလုံးကို ပေါင်းစပ်ညှိနှိုင်းဆောင်ရွက်ရန် ဖွဲ့စည်းထားသည့် အိုင်တီဖွံ့ဖြိုးတိုးတက်ရေး ဗဟိုဌာနတစ်ခု ဖြစ်ကြောင်း သိရသည်။ သတင်းစဉ်MDN
Sat, 23-May-2026
ဓာတ်ခွဲခန်းအတွင်းဖန်တီးထားသည့် ကြက်ဥအိမ်တုများဖြင့် ကြက်သားပေါက်များကို သိပ္ပံပညာရှင်များက အောင်မြင်စွာမွေးထုတ်ပေးနိုင်ခဲ့
ဓာတ်ခွဲခန်းအတွင်းဖန်တီးထားသည့် ကြက်ဥအိမ်တုများဖြင့် ကြက်သားပေါက်များကို သိပ္ပံပညာရှင်များက အောင်မြင်စွာမွေးထုတ်ပေးနိုင်ခဲ့
ဝါရှင်တန် မေ ၂၁အမေရိကန်နိုင်ငံ အခြေစိုက် Colossal Biosciences ကုမ္ပဏီမှ သိပ္ပံပညာရှင်များသည် ဓာတ်ခွဲခန်းအတွင်း အပြည့်အဝဖန်တီးထားသည့် ကြက်ဥအိမ်တုများဖြင့် ကြက်သားပေါက်များကို အောင်မြင်စွာ မွေးထုတ်ပေးနိုင်ခဲ့ကြောင်း မေ ၂၀ ရက် သတင်းများအရ သိရသည်။Colossal Biosciences ကုမ္ပဏီမှ သိပ္ပံပညာရှင်များသည် သဘာဝကြက်ဥများနှင့် တူနိုင်သမျှတူစေရန် ဖန်တီးထားသော ဥအိမ်တစ်မျိုးဖြင့် ကြက်သားပေါက်များကို အောင်မြင်စွာ မွေးထုတ်ပေးနိုင်ခဲ့ခြင်းဖြစ်သည်။အဆိုပါ ဥအိမ်တုကို ဖန်တီးခဲ့ပြီးနောက် အမေရိကန်သိပ္ပံပညာရှင်များသည် အဆိုပါဥအိမ်တု အတွင်းသို့ ကြက်သန္ဓေသားများ ထည့်သွင်းပေးခဲ့ရာ ၁၈ ရက်အကြာတွင် ကြက်သားပေါက်ငယ်များကို အောင်မြင်စွာမွေးထုတ်ပေးနိုင်ခဲ့သည်။အထက်ပါ အောင်မြင်မှုသည် မျိုးသုဉ်းပျောက်ကွယ်သွားပြီဖြစ်သော သက်ရှိများကို ပြန်လည်မွေးထုတ်နိုင်ရေးအတွက် အထောက်အကူပြုနိုင်မည်ဖြစ်ကြောင်း အမေရိကန် သိပ္ပံပညာရှင်များက ပြောကြားသည်။Colossal Biosciences ကုမ္ပဏီသည် မိုအာခေါ် မျိုးသုဉ်းပျောက်ကွယ်သွားပြီဖြစ်သော ငှက်ကြီးတစ်မျိုးကို ပြန်လည်မွေးထုတ်ရန် စီစဉ်ထားသည်။ထို့ပြင် Colossal Biosciences ကုမ္ပဏီသည် ရှေးခေတ် အမွေးထူဆင်ကြီးများကို ပြန် လည်မွေးထုတ်ရန်လည်း ကြိုးပမ်းနေကြောင်း သိရသည်။ရတနာပုံPhoto: Fox News
Fri, 22-May-2026
ပြည်ထောင်စုဝန်ကြီး ဒေါက်တာမျိုးသိန်းကျော် Digitalization of Industrial Russia ၂၀၂၆ ဖိုရမ် နည်းပညာပြခန်းများအား ကြည့်ရှုလေ့လာ
ပြည်ထောင်စုဝန်ကြီး ဒေါက်တာမျိုးသိန်းကျော် Digitalization of Industrial Russia ၂၀၂၆ ဖိုရမ် နည်းပညာပြခန်းများအား ကြည့်ရှုလေ့လာ
နေပြည်တော် မေ ၂၁ ရုရှားဖက်ဒရေးရှင်းနိုင်ငံ Nizhny Novgorod မြို့၌ရောက်ရှိနေသော သိပ္ပံနှင့် နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိန်းကျော်သည် ယမန်နေ့ညနေပိုင်းက Digitalization of Industrial Russia ၂၀၂၆ ဖိုရမ်တွင် ခင်းကျင်းပြသထားသော ပြခန်းများအား သွားရောက်ကြည့်ရှုလေ့လာသည်။ အဆိုပါပြခန်းများတွင် ရုရှားနိုင်ငံမှ နည်းပညာကုမ္ပဏီများက လူမှုစီးပွားဘဝကဏ္ဍစုံတွင် ဉာဏ်ရည်တုနည်းပညာ၊ ဇီဝအချက်အလက်နည်းပညာ၊ ဆိုက်ဘာလုံခြုံရေးနည်းပညာများ အသုံးပြုဆောင်ရွက်နေမှု၊ ဆက်သွယ်ရေးနှင့် ဆက်စပ်ပစ္စည်းများထုတ်လုပ်နေမှု၊ အသုံးပြုသည့်ပစ္စည်းများနှင့် ဆက်စပ် Application များကို ရာနှုန်းပြည့် ရုရှားနိုင်ငံ၌ထုတ်လုပ်နိုင်ရေး ကြိုးပမ်းဆောင်ရွက်နေမှု၊ Digital Twin နည်းပညာကို မော်စကိုမြို့၏ မြို့ပြစီမံခန့်ခွဲမှုတွင် အသုံးပြုဆောင်ရွက်နေမှု၊ ဇီဝအချက်အလက်နည်းပညာကို နယ်ပယ်စုံတွင် အသုံးချဆောင်ရွက်နေမှုကို ခင်းကျင်းပြသထားသည်။ ကြည့်ရှုလေ့လာထို့နောက် Astra Group ကုမ္ပဏီ၏ပြခန်း၌ ပြည်ပမှီခိုမှုကင်းသော Operating System၊ ဆိုက်ဘာလုံခြုံရေးနှင့် အချက်အလက်စီမံခန့်ခွဲမှုဆိုင်ရာ Application များ၊ နည်းပညာဆိုင်ရာပစ္စည်းများနှင့် Software များအကြောင်းကို ကြည့်ရှုလေ့လာကြသည်။ ယင်းနောက် Astra Group ကုမ္ပဏီနှင့်ဆွေးနွေးပွဲပြုလုပ်ရာ မြန်မာနိုင်ငံတွင် Operating System နှင့် Software များ အမှီအခိုကင်းစွာ ထုတ်လုပ်နိုင်ရေးအတွက် Astra Group ကုမ္ပဏီမှနည်းပညာပိုင်းဆိုင်ရာ အကူအညီအထောက်အပံ့ပေးနိုင်ရေး၊ လူသားအရင်းအမြစ် ဖွံ့ဖြိုးတိုးတက်ရေး၊ နည်းပညာပိုင်းဆိုင်ရာသုတေသနပြု အကောင်အထည်ဖော်နိုင်ရေးအတွက် Moscow Technical University of Communications and Informatics (MTUCI) နှင့် Naypyitaw State Polytechnic University (NSPU) တို့အကြား နားလည်မှုစာချွန်လွှာရေးထိုး၍ အကောင်အထည်ဖော်ဆောင်ရွက်နိုင်ရေးတို့နှင့်စပ်လျဉ်း၍ ဆွေးနွေးခဲ့ကြောင်း သိရသည်။သတင်းစဉ်MDN
Fri, 22-May-2026
ဂြိုဟ်တုသစ်တစ်စင်းက ကမ္ဘာပတ်လမ်းကြောင်းပေါ်၌ အအေးခံလောင်စာရည်များ သိုလှောင် ထိန်းသိမ်းမှုနှင့် လွှဲပြောင်းပေးမှုနည်းပညာများကို စမ်းသပ်မည်
ဂြိုဟ်တုသစ်တစ်စင်းက ကမ္ဘာပတ်လမ်းကြောင်းပေါ်၌ အအေးခံလောင်စာရည်များ သိုလှောင်ထိန်းသိမ်းမှုနှင့် လွှဲပြောင်းပေးမှုနည်းပညာများကို စမ်းသပ်မည်
ဝါရှင်တန် မေ ၂၁အမေရိကန်အစိုးရ အမျိုးသားလေကြောင်းနှင့် အာကာသစီမံခန့်ခွဲရေးအေဂျင်စီ (နာဆာ)၏ ဂြိုဟ်တုသစ်တစ်စင်းသည် ကမ္ဘာပတ်လမ်းကြောင်းပေါ်၌ အအေးခံလောင်စာရည်များသိုလှောင်ထိန်းသိမ်းမှုနှင့် လွှဲပြောင်းပေးမှုနည်းပညာများကို စမ်းသပ်မည်ဖြစ်ကြောင်း မေ ၂၀ ရက်သတင်းများအရ သိရသည်။LOXSAT အမည်ရှိ အဆိုပါ ဂြိုဟ်တုကို ယခုနှစ်ကုန်ပိုင်းတွင် Rocket Lab ကုမ္ပဏီ၏ အီလက်ထရွန်ဒုံးပျံဖြင့် လွှတ်တင်ရန် နာဆာအဖွဲ့က စီစဉ်ထားသည်။ လွှတ်တင်ပြီးချိန်တွင် LOXSAT ဂြိုဟ်တုသည် ကမ္ဘာပတ်လမ်းပေါ်၌ အအေးခံလောင်စာရည် သိုလှောင်ထိန်းသိမ်းမှုနည်းပညာ၊ အခြားအာကာသယာဉ်များသို့ လောင်စာရည်လွှဲပြောင်းပေးမှုနည်းပညာများကို စမ်းသပ်မည်ဖြစ်ကြောင်း သိရသည်။လကမ္ဘာနှင့် အင်္ဂါဂြိုဟ် အာကာသမစ်ရှင်များကို အထောက်အကူပေးနိုင်ရေးအတွက် အထက်ပါ နည်းပညာများကို LOXSAT ဂြိုဟ်တုဖြင့် စမ်းသပ်ရန် နာဆာအဖွဲ့က စီစဉ်ထားခြင်းဖြစ်သည်။LOXSAT ဂြိုဟ်တုမစ်ရှင်သည် ကိုးလထိ ကြာမြင့်မည်ဖြစ်ပြီး အအေးခံလောင်စာရည်ထိန်းသိမ်းမှုပုံစံ ကိုးမျိုးကို စမ်းသပ်မည်ဖြစ်ကြောင်း သိရသည်။စမ်းသပ်မှုအောင်မြင်ခဲ့ပါက LOXSAT ကဲ့သို့ ဂြိုဟ်တုများသည် တစ်နေ့နေ့တစ်ချိန်ချိန်တွင် အာကာသလောင်စာရည်ဖြည့်ဆည်းရေးစခန်းများ ဖြစ်လာနိုင်ကြောင်း နာဆာတာဝန်ရှိသူများက သုံးသပ်ထားသည်။ရတနာပုံ
Fri, 22-May-2026
AI ပြိုင်ဆိုင်မှု ပြင်းထန်လာချိန်တွင် ဂူဂဲလ်က Gemini AI အေးဂျင့်သစ် လုပ်ဆောင်ချက်များ မိတ်ဆက်
AI ပြိုင်ဆိုင်မှု ပြင်းထန်လာချိန်တွင် ဂူဂဲလ်က Gemini AI အေးဂျင့်သစ် လုပ်ဆောင်ချက်များ မိတ်ဆက်
ဝါရှင်တန် မေ ၂၀ အမေရိကန် နည်းပညာကုမ္ပဏီကြီးဂူဂဲလ် က ၎င်း၏ Gemini AI အေးဂျင့်လုပ်ဆောင်ချက်များကို အဆင့်မြှင့်တင်ကာ သုံးစွဲသူတစ်ဦးချင်းစီထံ တိုးချဲ့ပံ့ပိုးပေးသွားမည်ဖြစ်ကြောင်း ကြေညာခဲ့သည်။ ကမ္ဘာတစ်ဝန်း AI ဖွံ့ဖြိုးတိုးတက်ရေးနယ်ပယ်တွင် ပြိုင်ဆိုင်မှုများ ပိုမိုပြင်းထန်လာချိန်၌ ယင်းကြေညာချက် ထွက်ပေါ်လာခြင်း ဖြစ်သည်။ လူတိုင်းအဆင်ပြေစွာ အသုံးပြုနိုင်ရန် AI အေးဂျင့်များ၏ စွမ်းဆောင်ရည်ကို ဘေးကင်းလုံခြုံသည့် နည်းလမ်းဖြင့် သုံးစွဲသူများထံ ပို့ဆောင်ပေးနိုင်ရေးကို အထူးအာရုံစိုက်ဆောင်ရွက်လျက်ရှိကြောင်း ကုမ္ပဏီ၏ အမှုဆောင်အရာရှိ ချုပ် ဆန်ဒါပီချိုင်းက ပြောကြားခဲ့သည်။ Developer များအတွက် ကယ်လီဖိုးနီးယားပြည်နယ်၌ ကျင်းပပြုလုပ်သည့် နှစ်ပတ်လည် နည်းပညာမိတ်ဆက် ညီလာခံတွင် Gemini AI အေးဂျင့်၏ ပြောင်းလဲတိုးတက်မှုများကို ဂူဂဲလ် က ထုတ်ဖော်ကြေညာခဲ့ခြင်းဖြစ်သည်။ ခေတ်မီ AI အေးဂျင့်သစ်သည် လုပ်ငန်းတာဝန်အမျိုးမျိုးကို အလိုအလျောက် ဆောင်ရွက်ပေးနိုင်မည်ဖြစ်ကြောင်း သိရသည်။ ကုမ္ပဏီ၏ ပြောကြားချက်အရ AI အေးဂျင့်သစ်သည် သုံးစွဲသူ၏ ခွင့်ပြုချက်ဖြင့် အက်ပလီကေးရှင်း အများအပြားမှ အချက်အလက်များကို တစ်နေ့တာလုံး စုဆောင်းနိုင်မည်ဖြစ်ပြီး စာရွက်စာတမ်းများ ဖန်တီးခြင်းနှင့် ပေးပို့ခြင်းတို့ကိုလည်း ဆောင်ရွက်ပေးနိုင်မည်ဖြစ်သည်။  ဥပမာအားဖြင့် Gemini သည် ကလေးများ၏ ကျောင်းများမှ နောက်ဆုံးရသတင်း အချက်အလက်များကို အလိုအလျောက် စစ်ဆေးပေးနိုင်မည်ဖြစ်ပြီး အရေးကြီးသည့် အကြောင်းအရာအလိုက် သတ်မှတ်ရက်များကို ခွဲခြားထုတ်ယူကာ စုစည်းထားသော နေ့စဉ်မှတ်တမ်းများကို မိသားစုဝင်များထံ ပေးပို့နိုင်မည်ဖြစ်ကြောင်း သိရသည်။  ထို့ပြင် AI အေးဂျင့်သစ်သည် လစဉ် ခရက်ဒစ်ကတ် ထုတ်ပြန်ချက်များကို စိစစ် ပိုင်းခြားနိုင်မည်ဖြစ်ပြီး လစဉ်ကြေး၊ နှစ်စဉ်ကြေးအသစ်များ သို့မဟုတ် လျို့ဝှက်စာရင်းသွင်း ထားသည့် ငွေကြေးစာရင်းများကိုလည်း သတိပေးနိုင်မည်ဖြစ်ကြောင်း ကုမ္ပဏီက ဆိုသည်။ လာမည့်သီတင်းပတ်မှ စတင်၍ ဂူဂဲလ်သည် ၎င်း၏အခကြေးငွေပေးသွင်း အသုံးပြုသူများအတွက် AI အေးဂျင့်သစ်ကို စတင်မိတ်ဆက်ပေးသွားမည်ဖြစ်ပြီး နောက်ပိုင်းတွင် ပိုမိုကျယ်ပြန့်သော သုံးစွဲသူများထံ တိုးချဲ့ပံ့ပိုးပေးသွားမည် ဖြစ်သည်။  လက်ရှိအချိန်တွင် AI အေးဂျင့် ဖွံ့ဖြိုးတိုးတက်ရေးနယ်ပယ်၌ ပြိုင်ဆိုင်မှုများ ပြင်းထန်လျက်ရှိပြီး OpenAI နှင့် Anthropic တို့အပါအဝင် နည်းပညာ ကုမ္ပဏီများကလည်း အပြိုင်အဆိုင် ဖွံ့ဖြိုးတိုးတက်ရေးလုပ်ငန်းများ ဆောင်ရွက်လျက်ရှိကြောင်း သိရသည်။  အင်န်အိတ်ချ်ကေ
Thu, 21-May-2026
ထိုင်းစစ်တပ်က AI နှင့် အလိုအလျောက်မောင်းနှင်စနစ်သုံး ခေတ်သစ် စစ်ဆင်ရေးစီမံကိန်းကို အကောင်အထည်ဖော်မည်
ထိုင်းစစ်တပ်က AI နှင့် အလိုအလျောက်မောင်းနှင်စနစ်သုံး ခေတ်သစ်စစ်ဆင်ရေးစီမံကိန်းကို အကောင်အထည်ဖော်မည်
ထိုင်းတော်ဝင်စစ်တပ်သည် လျင်မြန်စွာပြောင်းလဲနေသော လုံခြုံရေးနှင့် နည်းပညာဆိုင်ရာစိန်ခေါ်မှုများကို ရင်ဆိုင်နိုင်ရန်အတွက် ခေတ်သစ်စစ်ပွဲများတွင် AI နှင့် အလိုအလျောက်ထိန်းချုပ်မောင်းနှင်စနစ်သုံးနည်းပညာများ (Autonomous Technologies) ကို မြှင့်တင်အသုံးပြုသွားမည့် စစ်မဟာဗျူဟာစီမံကိန်းကို ချမှတ်လိုက်သည်။ စစ်သေနာပတိချုပ် ဗိုလ်ချုပ်ကြီး ဥခရစ် ဘွန်တာနွန်ဒါ ဦးဆောင်ပါဝင်သော ကြည်း၊ ရေ၊ လေ တပ်ဖွဲ့အရာရှိချုပ်များနှင့် အမျိုးသားရဲတပ်ဖွဲ့ချုပ်တို့၏ ၂၀၂၆ ခုနှစ် ဘဏ္ဍာရေးနှစ် စတုတ္ထအကြိမ်မြောက် အစည်းအဝေးတွင် ထိုင်းစစ်ဌာနချုပ်က ကြည်း၊ ရေ၊ လေ၊ အာကာသနှင့် ဆိုက်ဘာနယ်ပယ် အားလုံး အကျုံးဝင်သည့် နယ်ပယ်စုံစစ်ဆင်ရေး (All Domain Operations) ဆိုင်ရာ မျှော်မှန်းချက်ကိုချပြခဲ့ပြီး လာမည့်ဘဏ္ဍာရေးနှစ်တွင် ပူးတွဲ စွမ်းဆောင်ရည်ကွပ်ကဲမှုဌာန (Joint Capabilities Command - JCC) အသစ်တစ်ခုကို တည်ထောင်ရန်စီစဉ်နေကြောင်း ထုတ်ပြန်ခဲ့သည်။ထိုမဟာဗျူဟာသည် စစ်ဆင်ရေးတိကျမှုကို မြှင့်တင်ရန်၊ စစ်သည်အကျအဆုံးလျှော့ချရန်နှင့် စစ်ဆင်ရေးများကို ၂၄ နာရီပတ်လုံး အဆက်မပြတ် ဆောင်ရွက်နိုင်ရန် ရည်ရွယ်ခြင်း ဖြစ်သည်။အဆိုပါ အလိုအလျောက်ထိန်းချုပ်မောင်းနှင်စနစ်များ ဖွံ့ဖြိုးတိုးတက်ရေးအတွက် ထိုင်းစစ်တပ်သည် အဆင့်သုံးဆင့်ပါဝင်သော မူဘောင်တစ်ခုကို သတ်မှတ်ထားသည်။ ပထမအဆင့်တွင် တိုက်ခိုက်ရေးဒရုန်းများနှင့် ဗုံးရှင်းလင်းရေးစက်ရုပ်များကဲ့သို့ လူသားများကသာ နောက်ဆုံးဖြတ်ချက်ချမည့် စနစ်၊ ဒုတိယအဆင့်တွင် မောင်းသူမဲ့ရေယာဉ်များနှင့် အလိုအလျောက် မောင်းနှင်သည့်ယာဉ်တန်းများကဲ့သို့ လူသားများ၏ ရံဖန်ရံခါ ကြီးကြပ်မှုဖြင့် လည်ပတ်မည့်စနစ်နှင့် တတိယအဆင့်တွင် လူသားများဝင်ရောက်ရန် မဖြစ်နိုင်သည့် အန္တရာယ်ကြီးမားသော ပတ်ဝန်းကျင်များအတွက် အလို အလျောက်ထိန်းချုပ်မောင်းနှင်သည့် ဒရုန်းအုပ်စုများ (Drone Swarms) ကဲ့သို့ အပြည့်အဝ ကိုယ်ပိုင်ထိန်းချုပ်မောင်းနှင်စနစ်များ ဖြစ်သည်။ လက်ရှိတွင် JCC မူဘောင်အောက်၌ ပူးတွဲကိုယ်ပိုင်အုပ်ချုပ်ခွင့်ရစနစ်များနှင့် လေကြောင်းရန်ကာကွယ်ရေးတပ်ဖွဲ့တစ်ခုကို တည်ထောင်ထားပြီးဖြစ်သည့်အပြင် AI အခြေပြု ဆိုက်ဘာခြိမ်းခြောက်မှုရှာဖွေရေးစနစ်များနှင့် ဘေးအန္တရာယ်ကယ်ဆယ်ရေးဒရုန်းများကိုလည်း စတင်လက်တွေ့ အသုံးချနေပြီ ဖြစ်သည်။ ထို့အပြင် ကာကွယ်ရေးနည်းပညာတွင် ရေရှည်ကိုယ်ထူကိုယ်ထ ရပ်တည်နိုင်ရေးအတွက် ပြည်တွင်းကာကွယ်ရေးစက်မှုကဏ္ဍ၊ ချူလာလောင်ကွန်းတက္ကသိုလ်၊ မဟီဒေါတက္ကသိုလ်နှင့် ချင်းမိုင်တက္ကသိုလ်ကဲ့သို့သော ထိပ်တန်းတက္ကသိုလ်များနှင့်လည်း ပိုမိုနီးကပ်စွာ ပူးပေါင်းဆောင်ရွက်သွားမည် ဖြစ်ကြောင်း သိရှိရသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 19-May-2026
© Copyright 2024 SAC All Rights Reserved.