ထိုင်းနိုင်ငံတွင် ဆေးခြောက်ဆိုင်များအပေါ် စည်းမျဉ်းစည်းကမ်းများ တင်းကျပ်စွာ ကိုင်တွယ်ဆောင်ရွက်လာ

KookieSpace97

News Image

  • ထိုင်းနိုင်ငံတွင် ဆေးခြောက်ဆိုင်များအပေါ် စည်းမျဉ်းစည်းကမ်းများ တင်းကျပ်စွာ ကိုင်တွယ်ဆောင်ရွက်လာ

အစိုးရသစ် တာဝန်မယူမီ ဆေးခြောက်နှင့်ပတ်သက်သည့် ဝန်ကြီးဌာန စည်းမျဉ်းအသစ်ကို ပြဋ္ဌာန်းနိုင်ရန် ထိုင်းနိုင်ငံ ပြည်သူ့ ကျန်းမာရေး ဝန်ကြီး ဌာနက တွန်းအားပေးဆောင်ရွက်လျက်ရှိပြီး ယခုအခါ အဆိုပါမူကြမ်းကို နိုင်ငံတော်ကောင်စီရုံး (Office of the Council of State) က ပြန်လည် စစ်ဆေးနေပြီဖြစ်သည်။

ဥပဒေကြောင်းအရ စိစစ်ရန် မကြာသေးမီကပေးပို့ခဲ့သော အဆိုပါ စည်းမျဉ်းသည် ဆေးခြောက်ကဏ္ဍတွင် ကြီးမားသော အပြောင်းအလဲ တစ်ခု ဖြစ်လာမည်ဖြစ်သည်။ ယင်းစည်းမျဉ်းအရ ဆေးခြောက် ရောင်းချ မှုကို ဆေးရုံများ၊ ဆေးခန်းများ၊ ဆေးဝါးကျွမ်းကျင် အရောင်းဆိုင်များ၊ တိုင်းရင်းဆေးခန်းများနှင့် ခွင့်ပြုချက်ရရှိထားသော တိုင်းရင်းဆေး ကုသရာ နေရာများကဲ့သို့ သတ်မှတ်ထားသော နေရာများတွင်သာ ကန့်သတ် ရောင်းချ ရမည် ဖြစ်သည်။ ရောင်းချသူများသည် ထိုင်းနိုင်ငံ တိုင်းရင်းဆေးနှင့် အစားထိုးဆေးပညာဦးစီးဌာနထံမှ လိုင်စင်ရယူရန် လိုအပ်သည့်အပြင် မဖြစ်မနေတက်ရောက်ရမည့် သင်တန်းများကိုလည်း တက်ရောက်ရမည် ဖြစ်သည်။

ပြည်သူ့ကျန်းမာရေးဝန်ကြီး Pattana Promphat က ဝန်ကြီးဌာနအနေဖြင့် အဆိုပါမူကြမ်းကို စဉ်းစားအတည်ပြုရန် တင်ပြထားပြီး ဖြစ်သော်လည်း အချိန်မီ အတည်ပြုချက်ရရှိ၊ မရှိမှာမူ မသေချာသေးကြောင်း ပြောကြားခဲ့သည်။ "အဆိုပါစည်းမျဉ်းက မိမိဆီရောက်လာသည်နှင့် ချက်ချင်း လက်မှတ်ရေးထိုး သွားမည်ဖြစ်ပြီး အတည်ဖြစ်လာမှာပါ" ဟု ၎င်းက ဆိုသည်။

"အစိုးရသစ်လက်ထက်မှာ ဆေးခြောက်ဆိုင်ရာ မူဝါဒတွေပြောင်းလဲသွားမလား ဆိုသည်ကို မိမိ ကြိုတင်ခန့်မှန်း၍ မရသော်လည်း လက်ရှိ လမ်းကြောင်းအတိုင်းပဲ ဆက်သွားမည်ဆိုပါက အဆိုပါ ဥပဒေကြမ်း သည် ဆက်လက်အသက်ဝင်သွားမှာပါ" ဟု ၎င်းက ပြောကြားခဲ့သည်။

အဆိုပါ မူကြမ်းသည် ကြန့်ကြာမှုများရှိနေခဲ့လျှင်ပင် အစိုးရအဖွဲ့ (Cabinet) ထံသို့ ပြန်လည်တင်ပြရန်မလိုအပ်ကြောင်း ၎င်းက မှတ်ချက်ပြုခဲ့သည်။ ဝန်ကြီးအသစ်တစ်ဦး တက်လာပါက မူဝါဒလမ်းစဉ်အပေါ်မူတည်၍ အဆိုပါ မူကြမ်းကို ဆက်လက်အကောင်အထည်ဖော်ခြင်း သို့မဟုတ် ဖျက်သိမ်းခြင်းတို့ကို ပြုလုပ်နိုင်မည်ဖြစ်သည်။

အဆိုပါဌာန၏ ထုတ်ပြန်ချက်အရ ထိုင်းနိုင်ငံတွင် လက်ရှိ၌ မှတ်ပုံတင် ထားသော ဆေးခြောက်အရောင်းဆိုင်ပေါင်း ၁၈,၄၃၃ ဆိုင် ရှိကြောင်း သိရှိရသည်။ အဆိုပါဆိုင်များအနက် ၈,၆၃၆ ဆိုင်မှာ ပြီးခဲ့သည့်နှစ်တွင် လိုင်စင်သက်တမ်း ကုန်ဆုံးသွားခဲ့ပြီး ဆိုင်ပေါင်း ၁,၃၃၉ ဆိုင်သာ လိုင်စင်သက်တမ်း ပြန်လည်တိုးမြှင့်ခဲ့ကြသည်။

ကိုးကား- Bangkok Post

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ဂုဏ်ထူးဆောင်ကောင်စစ်ဝန်များနှင့် မိသားစုဝင်များ ရန်ကုန်မြို့ပြည်သူ့ရင်ပြင် လမ်းလျှောက်သင်္ကြန်ပွဲတော်၊ ရန်ကုန်မြို့တော် မဟာသင်္ကြန်မဏ္ဍပ်နှင့် မဟာဗန္ဓုလပန်းခြံလမ်းရှိ လမ်းလျှောက်သင်္ကြန်ပွဲတော် ပျော်ရွှင်စွာဆင်နွှဲ
ဂုဏ်ထူးဆောင်ကောင်စစ်ဝန်များနှင့် မိသားစုဝင်များ ရန်ကုန်မြို့ပြည်သူ့ရင်ပြင် လမ်းလျှောက်သင်္ကြန်ပွဲတော်၊ ရန်ကုန်မြို့တော် မဟာသင်္ကြန်မဏ္ဍပ်နှင့် မဟာဗန္ဓုလပန်းခြံလမ်းရှိ လမ်းလျှောက်သင်္ကြန်ပွဲတော် ပျော်ရွှင်စွာဆင်နွှဲ
ရန်ကုန် ဧပြီ ၁၄မဟာသင်္ကြန်အကျနေ့တွင် ရန်ကုန်မြို့အခြေစိုက်သံတမန်များနှင့် မိသားစုဝင်များ၊ ကုလသမဂ္ဂနှင့် လက်အောက်ခံအဖွဲ့အစည်းများမှကိုယ်စားလှယ်များ၊ ဂုဏ်ထူးဆောင်ကောင်စစ်ဝန်များနှင့် မိသားစုဝင်များသည် ယနေ့နံနက်ပိုင်းတွင် ရန်ကုန်မြို့ ပြည်သူ့ရင်ပြင် လမ်းလျှောက်သင်္ကြန်ပွဲတော်၊ ရန်ကုန်မြို့တော် မဟာသင်္ကြန်မဏ္ဍပ်နှင့် မဟာဗန္ဓုလပန်းခြံလမ်းရှိ လမ်းလျှောက်သင်္ကြန်ပွဲတော်တို့ကို သင်္ကြန်ချစ်သူ ပြည်သူများနှင့်အတူ ပျော်ရွှင်စွာဆင်နွှဲကြသည်။ဦးစွာ နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်နှင့်ဇနီး ဦးဆောင်သည့် သံတမန်များနှင့် ဧည့်သည်တော်များသည် ပြည်သူ့ရင်ပြင် လမ်းလျှောက်သင်္ကြန်ပွဲတော်သို့ ရောက်ရှိရာ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူနှင့်ဇနီး၊ ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးဌေးအောင်၊ ရန်ကုန်တိုင်းဒေသကြီး စည်ပင်သာယာရေးဝန်ကြီး၊ ရန်ကုန်မြို့တော်ဝန် ဦးမျိုးမြင့်အောင်နှင့်ဇနီးနှင့် တာဝန်ရှိသူများက ကြိုဆိုကြသည်။ထို့နောက် တိုင်းဒေသကြီးဝန်ကြီးချုပ်နှင့်ဇနီး၊ ဒုတိယဝန်ကြီးနှင့်ဇနီး၊ သံတမန်များနှင့် ဧည့်သည်တော်များသည် ပြည်သူ့ရင်ပြင် လမ်းလျှောက်သင်္ကြန်ပွဲတော်၌ သင်္ကြန်ချစ်သူ ပြည်သူများနှင့်အတူ ပျော်ရွှင်စွာရေကစားကြပြီး မြန်မာ့ရိုးရာသနပ်ခါးကို အပြန်အလှန် လိမ်းခြယ်ပေးကြသည်။ယင်းနောက် တိုင်းဒေသကြီးဝန်ကြီးချုပ်၊ ဒုတိယဝန်ကြီး၊ သံတမန်များနှင့် ဧည့်သည်တော်များသည် Royal Apex မဏ္ဍပ်၌ နိုင်ငံခြားရေးဝန်ကြီးဌာန (ရန်ကုန်) ယိမ်းအဖွဲ့၏ ကပြဖျော်ဖြေတင်ဆက်မှုကို ကြည့်ရှုအားပေးပြီး တိုင်းဒေသကြီးဝန်ကြီးချုပ်က ယိမ်းအဖွဲ့အား ဂုဏ်ပြုချီးမြှင့်ငွေများပေးအပ်ကာ တေးသံရှင် စိုးညီညီနှင့်အဖွဲ့၏ တေးသီချင်းများဖြင့် ဖျော်ဖြေမှု၊ မြန်မာနိုင်ငံရုပ်ရှင်အစည်းအရုံးမှ မမများအဖွဲ့က ယိမ်းအကဖြင့်ဖျော်ဖြေမှုတို့ကို ကြည့်ရှုအားပေးကြသည်။ဆက်လက်၍ မြန်မာနိုင်ငံဆိုင်ရာ နီပေါနိုင်ငံသံအမတ်ကြီး H.E.Mr. Harishchandra Ghimire က နှစ်သစ်ကူးဆုတောင်းစကားပြောကြားသည်။ထို့နောက် တိုင်းဒေသကြီးဝန်ကြီးချုပ်နှင့်ဇနီး၊ ဒုတိယဝန်ကြီးနှင့်ဇနီး ဦးဆောင်သည့် သံတမန်များနှင့် ဧည့်သည်တော်များသည် မန်းတောင်ရိပ်ခိုတေးသီချင်းကို နိုင်ငံကျော်တေးသံရှင်များနှင့်အတူ စုပေါင်းသီဆိုကြသည်။ယင်းနောက် ဒုတိယဝန်ကြီးနှင့်ဇနီး ဦးဆောင်သည့် သံတမန်များနှင့် ဧည့်သည်တော်များသည် ရန်ကုန်မြို့တော်မဟာသင်္ကြန်မဏ္ဍပ်သို့ရောက်ရှိကြပြီး မဟာဗန္ဓုလပန်းခြံလမ်းရှိ လမ်းလျှောက်သင်္ကြန်ပွဲတော်တွင် သင်္ကြန်ချစ်သူပြည်သူများနှင့်အတူ ပျော်ရွှင်စွာပါဝင်ဆင်နွှဲကြသည်။ဆက်လက်၍ ရန်ကုန်မြို့တော်မဟာသင်္ကြန်မဏ္ဍပ်တွင် နိုင်ငံခြားရေးဝန်ကြီးဌာန ယိမ်းအဖွဲ့များ၊ ရွှေဂုဏ်သူယိမ်းအဖွဲ့များ၊ ရှမ်းတိုင်းရင်းသား ကိုယ်စားပြုအကအဖွဲ့တို့၏ ကပြဖျော်ဖြေမှုတို့ကို ကြည့်ရှုအားပေးကြပြီး တိုင်းဒေသကြီးဝန်ကြီးချုပ်နှင့်ဇနီး၊ ရန်ကုန်တိုင်းဒေသကြီးလွှတ်တော်ဥက္ကဋ္ဌ၊ ဒုတိယဝန်ကြီးနှင့်ဇနီးတို့က ဂုဏ်ပြုချီးမြှင့်ငွေများ ပေးအပ်ကြသည်။နှစ်သစ်ကူး ဂုဏ်ပြုအမှာစကားပြောကြားထို့နောက် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံအမတ်ကြီး မစ္စမာကျားနှင့် သီရိလင်္ကာသံအမတ်ကြီး H.E.Mrs Ponnamperuma Arachchige Prabashini Ponnam-Peruma တို့က နှစ်သစ်ကူးဆုတောင်းစကားပြောကြားပြီး တိုင်းဒေသကြီးဝန်ကြီးချုပ်က သံတမန်များနှင့် ဧည့်သည်တော်များအား မြို့တော်ခန်းမရှိ ပထမထပ်မြေညီခန်းမ၌ နေ့လယ်စာဖြင့်တည်ခင်းဧည့်ခံကာ တိုင်းဒေသကြီးဝန်ကြီးချုပ်က နှစ်သစ်ကူးဂုဏ်ပြု အမှာစကားပြောကြားသည်။ယနေ့ မဟာသင်္ကြန်အကျနေ့တွင် ပြည်သူ့ရင်ပြင် လမ်းလျှောက်သင်္ကြန်ပွဲတော်၊ ရန်ကုန်မြို့တော် မဟာသင်္ကြန်မဏ္ဍပ်နှင့် မဟာဗန္ဓုလပန်းခြံလမ်းရှိ လမ်းလျှောက်သင်္ကြန်တို့တွင် သင်္ကြန်ချစ်သူပြည်သူများဖြင့် စည်ကားလျက်ရှိကြောင်း သိရသည်။သတင်း၊ ဓာတ်ပုံ-နေဇော်moi
Wed, 15-Apr-2026
မြန်မာနိုင်ငံအတွင်း ဆောင်ရွက်နေသော ရေအား၊ ဆိုလာ၊ လေအားနှင့် LNG သုံးဓာတ်အားပေးစက်ရုံ စီမံကိန်းများ အရှိန်အဟုန်မြှင့်တင်ဆောင်ရွက်ရန် ဆွေးနွေး
မြန်မာနိုင်ငံအတွင်း ဆောင်ရွက်နေသော ရေအား၊ ဆိုလာ၊ လေအားနှင့် LNG သုံးဓာတ်အားပေးစက်ရုံ စီမံကိန်းများ အရှိန်အဟုန်မြှင့်တင်ဆောင်ရွက်ရန် ဆွေးနွေး
နေပြည်တော် ဧပြီ ၁၃ လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည် ရုရှားဖက်ဒရေးရှင်းနိုင်ငံ သမ္မတ၏ အကြံပေးပုဂ္ဂိုလ် H.E. Mr. Anton Kobyakov နှင့် ရုရှားဖက်ဒရေးရှင်းနိုင်ငံ စွမ်းအင်ဝန်ကြီး H.E. Mr. S.E.Tsivilev တို့၏ ဖိတ်ကြားမှုအရ မြန်မာနိုင်ငံနှင့် ရုရှားနိုင်ငံတို့အကြား လျှပ်စစ်နှင့် စွမ်းအင်ကဏ္ဍ ပူးပေါင်းဆောင်ရွက်မှုကို မြှင့်တင်နိုင်ရန် ၂ဝ၂၆ ခုနှစ် ဧပြီ ၁၂ ရက်မှ ၁၈ ရက်အထိ ရုရှားဖက်ဒရေးရှင်းနိုင်ငံသို့ တရုတ်နိုင်ငံမှတစ်ဆင့် သွားရောက်ရန်အတွက် ဧပြီ ၁၂ ရက် မွန်းလွဲပိုင်းက မန္တလေးအပြည်ပြည် ဆိုင်ရာလေဆိပ်မှ ထွက်ခွာသွားသည်။ ပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့သည် တရုတ်နိုင်ငံ ကူမင်းမြို့သို့ ညနေပိုင်းတွင်ရောက်ရှိရာ ယူနန်ပြည်နယ် ဒုတိယအုပ်ချုပ်ရေးမှူး Mr. Liu Yong ဦးဆောင်သောအဖွဲ့ က အလုပ်သဘောညစာစားပွဲဖြင့် တည်ခင်းဧည့်ခံခဲ့ပြီး ညစာစားပွဲတွင် လျှပ်စစ်နှင့် စွမ်းအင်ကဏ္ဍ ဆိုင်ရာ ပူးပေါင်းဆောင်ရွက်ရေး ကိစ္စရပ်များအား အမြင်ချင်းဖလှယ် ဆွေးနွေးခဲ့ကြသည်။ ထို့ပြင် ပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့သည် ကူမင်းမြို့သို့ ရောက်ရှိ နေစဉ်အတွင်း လျှပ်စစ်နှင့်စွမ်းအင်ဝန်ကြီးဌာနနှင့် ပူးပေါင်းဆောင်ရွက်လျက်ရှိသော တရုတ်အစိုးရပိုင် ကုမ္ပဏီများဖြစ်သည့် China Southern Power Grid၊ Yunnan Energy Group ၊ Union Resources & Engineering Co., Ltd. ၊ Yunnan Xianshang Export and Import Co.,Ltd. တို့မှ တာဝန်ရှိသူများနှင့် တွေ့ဆုံဆွေးနွေးသည်။ China Southern Power Grid နှင့် တွေ့ဆုံဆွေးနွေးရာတွင် တရုတ် - မြန်မာ နယ်စပ်ဖြတ်ကျော် ဓာတ်အားလိုင်းဆောင်ရွက်နေမှု၊ မဲခေါင်မြစ်ကြောင်း တစ်လျှောက် မြန်မာ - လာအို နယ်စပ်တွင် ရေအားလျှပ်စစ်စီမံကိန်းများ စူးစမ်းလေ့လာမှု လုပ်ငန်းဆောင်ရွက်ရန် စီမံထားရှိမှု၊ လာအို -မြန်မာနယ်စပ် မဲခေါင်မြစ်တစ်လျှောက်တွင် ရေအားလျှပ်စစ်စီမံကိန်းများ စူးစမ်းလေ့လာမှု လုပ်ငန်း ဆောင်ရွက်ရန် စီမံထားရှိမှု၊ လာအို - မြန်မာ ဖြတ်ကျော်ဓာတ်အားလိုင်း တည်ဆောက်ရေးလုပ်ငန်းတွင် ပါဝင်ဆောင်ရွက်နိုင်မည့် အခြေအနေများ၊ မြန်မာနိုင်ငံမြောက်ပိုင်း ရေအားလျှပ်စစ်စီမံကိန်းများ ပြီးစီးပါက တောင်ပိုင်းဓာတ်အားသုံးစွဲသည့် ဒေသများသို့ ဓာတ်အားပေးပို့နိုင်ရေးအတွက် ဓာတ်အားလိုင်း ကွန်ရက်တည်ဆောက်ရန် ကြိုတင်အစီအမံပြုလုပ်၍ စီမံချက်ရေးဆွဲသွားရန် လိုအပ်မှု အခြေအနေ၊ ရန်ကုန်မြို့တွင်း ဓာတ်အားဖြန့်ဖြူးရေးတွင် ဓာတ်အားပျောက်ဆုံးမှုလျော့ကျစေရေး ဦးစားပေးဆောင်ရွက်လိုသည့် အခြေအနေ၊ စက်သုံးဆီသုံးစွဲမှု လျော့ကျစေရေး EV Charging Stations များကိုဆိုလာနှင့် ပေါင်းစပ်ပြီး မြန်မာဓာတ်အားစနစ်နှင့် ကိုက်ညီသည့် လက်တွေ့ကျသည့် System Design တစ်ခုကို ဆောင်ရွက်သွားလိုသည့် အခြေအနေနှင့် စပ်လျဉ်း၍ ဆွေးနွေးခဲ့ကြသည်။ တွေ့ဆုံဆွေးနွေးYunnan Energy Group ၊ Union Resources & Engineering Co.,Ltd. နှင့် တွေ့ဆုံဆွေးနွေးရာတွင် မြန်မာနိုင်ငံတွင် နေရောင်ခြည်စွမ်းအင်၊ လေအား စွမ်းအင် တို့ဖြင့် ဓာတ်အားပေးစက်ရုံ တည်ဆောက် နိုင်မည့်အခြေအနေ၊ ကုမ္ပဏီမှ မြန်မာနိုင်ငံအတွင်း ဆောင်ရွက်နေသော ရေအား၊ ဆိုလာ၊ လေအားနှင့် LNG သုံးဓာတ်အားပေးစက်ရုံစီမံကိန်းများ အရှိန် အဟုန်မြှင့်တင် ဆောင်ရွက်ရန် ကိစ္စရပ်များကို လည်းကောင်း၊ Yunnan Xianshang Export and Import Co.,Ltd. နှင့် တွေ့ဆုံဆွေးနွေးရာတွင် မြန်မာ နိုင်ငံအတွင်းသို့ စက်သုံးဆီတင်သွင်းရာတွင် သက်သာသောနှုန်းထားဖြင့် ရေရှည်တင်သွင်းနိုင်ရေး ကိုလည်းကောင်း ဆွေးနွေးခဲ့ကြောင်း သတင်းရရှိသည်။MDN
Tue, 14-Apr-2026
အမေရိကန်ဒေါ်လာ ၅ ဒသမ ၈၇ ဘီလီယံ ရင်းနှီးမြှုပ်နှံမှုဖြင့် ဗီယက်နမ်၏ ပထမဆုံးမြန်နှုန်းမြင့် ရထားလမ်း စတင်တည်ဆောက်
အမေရိကန်ဒေါ်လာ ၅ ဒသမ ၈၇ ဘီလီယံ ရင်းနှီးမြှုပ်နှံမှုဖြင့် ဗီယက်နမ်၏ ပထမဆုံးမြန်နှုန်းမြင့် ရထားလမ်း စတင်တည်ဆောက်
ဟနွိုင်း ဧပြီ ၁၂ ဗီယက်နမ်နိုင်ငံသည် ဟနွိုင်းမြို့ ဘက်နင်းပြည်နယ် ဟိုင်ဖုန်းမြို့နှင့် ကွမ်နင်းပြည်နယ်တို့ကို ဆက်သွယ်ထားသော ကီလိုမီတာ ၁၂၀ ရှည်လျားသည့်နိုင်ငံ၏ ပထမဆုံးမြန်နှုန်းမြင့် ရထားလမ်းကို ဧပြီ ၁၂ ရက် နံနက်ပိုင်းတွင် စတင်တည်ဆောက်နေပြီဖြစ်ကြောင်း ပြည်တွင်းမီဒီယာ VnExpress တွင် ဖော်ပြထားသည်။ ၂၀၂၈ ခုနှစ်တွင် အပြီး တည်ဆောက်ရန် လျာထားအဆိုပါရထားလမ်းမှာ စံနှုန်းမီလမ်းအကျယ်ရှိပြီး တစ်နာရီလျှင် ကီလိုမီတာ ၃၅၀ အမြင့်ဆုံး မောင်းနှင်နိုင်မည့် နှစ်လမ်းသွား လျှပ်စစ်ရထားလမ်းအဖြစ် ဒီဇိုင်းထုတ်ထားကြောင်း သိရသည်။ စုစုပေါင်း ရင်းနှီးမြှုပ်နှံမှု ဗီယက်နမ် ဒေါင် ၁၄၇ ဒသမ ၃၇ ထရီလီယံ ဝန်းကျင် (အမေရိကန်ဒေါ်လာ ၅ ဒသမ ၈၇ ဘီလီယံခန့်) ရှိသော ယင်းစီမံကိန်းသည် ၂၀၂၈ ခုနှစ်တွင် အပြီးတည်ဆောက်ရန် လျာထားသည်။ ကြာမြင့်ချိန်လျှော့ချပေးနိုင်မည်တည်ဆောက်မှုပြီးစီးပါက ဟနွိုင်းမြို့မှ ကွမ်နင်းပြည်နယ်အကြား ခရီးသွားလာမှု ကြာမြင့်ချိန်ကို ၂ နာရီမှ ၂ နာရီခွဲကြာမြင့်မှု မှ ၂၅ မိနစ်မှ မိနစ် ၃၀ အထိ လျှော့ချပေးနိုင်တော့မည် ဖြစ်သည်။ ဒေသတွင်း ချိတ်ဆက်မှုများ မြှင့်တင်ပေးမည်ထို့အပြင် ဒေသတွင်း ချိတ်ဆက်မှုများနှင့် စီးပွားရေး ဖွံ့ဖြိုးတိုးတက်မှုများကိုလည်း မြှင့်တင်ပေးနိုင်မည် ဖြစ်သည်။ ဆင်ဟွာMDN
Mon, 13-Apr-2026
၁၃၈၇ ခုနှစ် မြန်မာ့ရိုးရာမဟာသင်္ကြန်ပွဲတော်၌ ပါဝင်ဖျော်ဖြေမည့် ကိုရီးယားအနုပညာရှင်များ ရောက်ရှိ
၁၃၈၇ ခုနှစ် မြန်မာ့ရိုးရာမဟာသင်္ကြန်ပွဲတော်၌ ပါဝင်ဖျော်ဖြေမည့် ကိုရီးယားအနုပညာရှင်များ ရောက်ရှိ
ရန်ကုန် ဧပြီ ၁၂ မြန်မာသက္ကရာဇ် ၁၃၈၇ ခုနှစ် မဟာသင်္ကြန်ရေသဘင်ပွဲတော်၊ ဖျော်ဖြေရေးများနှင့် လမ်းလျှောက် သင်္ကြန်ကို စည်ကားသိုက်မြိုက်စွာ ကျင်းပသွားမည်ဖြစ်ရာ မြန်မာ့အသံနှင့် ရုပ်မြင်သံကြား နှင့် KK Media (CST Myanmar) တို့ပူးပေါင်းပြီး မြန်မာ့ရိုးရာမဟာသင်္ကြန်ပွဲတော်တွင် ပါဝင်ဖျော်ဖြေ တင်ဆက်ရန်အတွက် ကိုရီးယားအနုပညာရှင်များသည် ယနေ့ညပိုင်းတွင် လေကြောင်းခရီးစဉ်ဖြင့် ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိသည်။ ပါဝင်ဆင်နွှဲဖျော်ဖြေသီဆိုကြမည်အဆိုပါ K- Pop အနုပညာရှင်များမှာ ရန်ကုန်၊ နေပြည်တော်နှင့် မန္တလေးမြို့များရှိ မဟာသင်္ကြန်ပွဲတော် ဖျော်ဖြေရေးမဏ္ဍပ်နှင့် လမ်းလျှောက်သင်္ကြန်မဏ္ဍပ်များတွင် ပျော်ရွှင်စွာ ပါဝင်ဆင်နွှဲဖျော်ဖြေ သီဆိုကြမည် ဖြစ်ကြောင်း သိရသည်။MDN
Mon, 13-Apr-2026
နိုင်ငံခြားခရီးသွားတွေအတွက် ဂျပန်ရထားလက်မှတ် (JR Pass) ဈေးနှုန်းများ အောက်တိုဘာလမှစ ထပ်မံမြင့်တက်မည်
နိုင်ငံခြားခရီးသွားတွေအတွက် ဂျပန်ရထားလက်မှတ် (JR Pass) ဈေးနှုန်းများ အောက်တိုဘာလမှစတင်၍ ထပ်မံမြင့်တက်မည်
ဂျပန်နိုင်ငံတစ်ဝန်းရှိ ကျည်ဆန်ရထား (Shinkansen) အပါအဝင် ရထားလိုင်းတွေကို အကန့်အသတ်မရှိ စီးနင်းနိုင်တဲ့ Japan Rail Pass (JR Pass) ဈေးနှုန်းတွေကို နိုင်ငံခြား ခရီးသွားတွေအတွက် လာမယ့် အောက်တိုဘာ (၁) ရက်မှစကာ တိုးမြှင့်သတ်မှတ်တော့မှာဖြစ်တယ်လို့ ဂျပန်ရထားလုပ်ငန်းစု (JR Group) က ဧပြီလ (၁၁) ရက် က ထုတ်ပြန်ခဲ့ပါတယ်။ယခုတစ်ကြိမ် ဈေးနှုန်းပြင်ဆင်မှုမှာ လက်မှတ်အမျိုးအစားအလိုက် (၅) ရာခိုင်နှုန်းမှ (၆) ရာခိုင်နှုန်း ဝန်းကျင်အထိ မြင့်တက်လာမှာဖြစ်ပြီး ပြီးခဲ့တဲ့ ၂၀၂၃ ခုနှစ်၊ အောက်တိုဘာလက ဈေးနှုန်းတွေကို (၇၀) ရာခိုင်နှုန်းခန့်အထိ မြှင့်တင်ခဲ့ပြီးနောက်ပိုင်း လည်ပတ်မှုကုန်ကျစရိတ်တွေကြောင့် အခုလို ထပ်မံတိုးမြှင့်လိုက်ရ ခြင်းဖြစ်တယ်လို့ သိရပါတယ်။ အသုံးအများဆုံးဖြစ်တဲ့ ရိုးရိုးတန်း (Ordinary Car) လက်မှတ်ဈေးနှုန်းတွေဟာ (၇) ရက် သက်တမ်းရှိ လက်မှတ် - ယန်း ၅၀,၀၀၀ မှ ယန်း ၈၀,၀၀၀ ထိ ( ယန်း ၃,၀၀၀ တိုးမြှင့်)၊ (၁၄) ရက် သက်တမ်းရှိ လက်မှတ်ကို ယန်း ၈၀,၀၀၀ မှ ယန်း ၈၄,၀၀၀ ( ယန်း ၄,၀၀၀ တိုးမြှင့်)၊ (၂၁) ရက် သက်တမ်းရှိ လက်မှတ်ကို ယန်း ၁၀၀,၀၀၀ မှ ယန်း ၁၀၅,၀၀၀ ထိ (ယန်း ၅,၀၀၀) တိုးမြှင့်မယ်လို့ သိရပါတယ်။အလားတူ အထူးတန်း (Green Car) လက်မှတ်တွေကိုလည်း ဈေးနှုန်းအသီးသီးမြင့်တက်သွားမှာဖြစ်ပြီး (၇) ရက်သက်တမ်းရှိ အထူးတန်းလက်မှတ်ဟာ - ယန်း ၇၄,၀၀၀ ယန်းအထိ ဖြစ်လာမယ်လို့ သိရပါတယ်။JR Group ရဲ့ထုတ်ပြန်ချက်အရ အရှေ့ဂျပန်ရထားလုပ်ငန်း (East Japan Railway) က ရထားလက်မှတ်ခ တွေကို (၇.၁) ရာခိုင်နှုန်းခန့် တိုးမြှင့်လိုက်ခြင်းနဲ့ အခြားသော ဝန်ဆောင်မှုစရိတ်တွေ မြင့်တက်လာခြင်းတို့ကြောင့် ယခုလို လိုက်ပါပြင်ဆင်ရခြင်း ဖြစ်တယ်လို့ ဆိုပါတယ်။ ဒါပေမယ့် မြန်နှုန်းမြင့် ရထားတွေဖြစ်တဲ့ Nozomi နဲ့ Mizuho ရထားလိုင်းတွေကို စီးနင်းလိုရင်တော့ ယခင်အတိုင်း ထပ်ဆောင်းအခကြေးငွေ (Extra Supplement Ticket) ပေးဆောင်ရမယ်လို့ သိရပါတယ်။ဂျပန်နိုင်ငံကိုသွားရောက်မယ့်ခရီးသွားတွေအနေနဲ့ အောက်တိုဘာလမတိုင်မီ လက်မှတ် ကြိုတင်ဝယ်ယူ ထားနိုင်ပြီး မြင့်တက်လာမယ့် ဈေးနှုန်းဒဏ်ကို ရှောင်လွှဲနိုင်မယ်လို့ ခရီးသွားလုပ်ငန်း ကျွမ်းကျင်သူတွေက အကြံပြုထားပါတယ်။Np News
Mon, 13-Apr-2026
အပူချိန်မြင့်တက်လာမှုများကြောင့် ပြင်းထန်သည့် အယ်နီညိုဖြစ်စဉ်အတွက် စိုးရိမ်ရ
အပူချိန်မြင့်တက်လာမှုများကြောင့် ပြင်းထန်သည့် အယ်နီညိုဖြစ်စဉ်အတွက် စိုးရိမ်ရ
လော့အိန်ဂျလိ၊ ရာသီဥတုအီကွေတာတစ်လျှောက်ရှိ ပစိဖိတ်သမုဒ္ဒရာ၌ အပူချိန်မြင့်တက်လာမှုများကြောင့် ယခုနှစ်နှောင်းပိုင်းတွင် ပုံမှန်ထက် ပိုမိုပြင်းထန်သည့် အယ်နီညိုဖြစ်စဉ် ဖြစ်ပေါ်နိုင်ကြောင်း စိုးရိမ်ရသည်ဟု အမေရိကန် အမျိုးသားသမုဒ္ဒရာနှင့် လေထုစီမံခန့်ခွဲမှုဌာန (NOAA) နှင့် ဥရောပ မိုးလေဝသဌာနတို့က သတိပေးထားသည်။ထိုရာသီဥတုဖြစ်စဉ်ကြောင့် ကယ်လီဖိုးနီးယားပြည်နယ် တောင်ပိုင်းတွင် မိုးသည်းထန်ခြင်းနှင့် မုန်တိုင်းဒဏ်များကို ခံစားရနိုင်သလို အာရှတိုက် အရှေ့တောင်ပိုင်းအထိပါ ရာသီဥတုဆိုင်ရာ ဂယက်ရိုက်မှုများ ရှိလာနိုင်ကြောင်း ထုတ်ပြန်ချက်တွင် ဖော်ပြထားသည်။အယ်နီညိုဖြစ်စဉ် ပြင်းထန်လာပါက ကယ်လီဖိုးနီးယားတွင် ရေကြီးခြင်း၊ မြေပြိုခြင်းနှင့် ကမ်းခြေတိုက်စားခြင်းများ ဖြစ်ပေါ်နိုင်သလို တစ်ကမ္ဘာလုံး အပူချိန် အလွန်မြင့်တက်လာခြင်းနှင့် သန္တာကျောက်တန်းများ ပျက်စီးခြင်းတို့လည်း ဖြစ်နိုင်ကြောင်း ပညာရှင်များက ဆိုသည်။ထို့ပြင် ဖန်လုံအိမ်ဓာတ်ငွေ့များကြောင့် ကမ္ဘာကြီး ပူနွေးလာမှုနှင့်အတူ အလွန်ပြင်းထန်သည့် အယ်နီညိုဖြစ်စဉ်များ ပိုမိုအဖြစ်များလာနိုင်ပြီး လူထုကျန်းမာရေးနှင့် လျှပ်စစ်ဓာတ်အား ဖြန့်ဖြူးမှုကဏ္ဍများတွင်ပါ အကျပ်အတည်းများ ဖြစ်ပေါ်လာနိုင်ကြောင်း ပညာရှင်များက သတိပေးထားသည်။Ref: XinhuaMWD
Sun, 12-Apr-2026
© Copyright 2024 SAC All Rights Reserved.