အိန္ဒိယနိုင်ငံမြောက်ပိုင်းရှိ လုပ်ငန်းခွင်တစ်ခုတွင် မြေကျင်းရုတ်တရက်ပြိုကျ၊ ခုနစ်ဦးသေဆုံး

dpWEB1234

News Image

  • အိန္ဒိယနိုင်ငံမြောက်ပိုင်းရှိ လုပ်ငန်းခွင်တစ်ခုတွင် မြေကျင်းရုတ်တရက်ပြိုကျ၊ ခုနစ်ဦးသေဆုံး

အိန္ဒိယနိုင်ငံမြောက်ပိုင်း ဟာယာနာပြည်နယ်ရှိ   ပုဂ္ဂလိကဆောက်လုပ်ရေးလုပ်ငန်းခွင်တစ်ခုတွင် မြေကျင်းရုတ်တရက် ပြိုကျမှုကြောင့်  အနည်းဆုံး လူခုနစ်ဦး သေဆုံးပြီး လေးဦးဒဏ်ရာရရှိခဲ့ကြောင်း ဒေသတွင်းရဲတပ်ဖွဲ့က မတ်လ ၁၀ ရက်တွင် အတည်ပြု ပြောကြားသည်။

အဆိုပါမတော်တဆမှုသည် ဂုရုဂရမ်ခရိုင်ရှိ ဆောက်လုပ်ဆဲအိမ်ရာ စီမံကိန်းတစ်ခုတွင် မတ်လ ၉ ရက် ညနေပိုင်းက ဖြစ်ပွားခဲ့ခြင်းဖြစ်သည်။

ထိခိုက်သေဆုံးသူအားလုံးမှာ  အဆိုပါလုပ်ငန်းခွင်တွင် အလုပ်လုပ်ကိုင်နေသော အလုပ်သမားများဖြစ်ကြောင်း   သိရသည်။

Ref: Xinhua

MWD

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

အိန္ဒိယနိုင်ငံမြောက်ပိုင်းရှိ လုပ်ငန်းခွင်တစ်ခုတွင် မြေကျင်းရုတ်တရက်ပြိုကျ၊ ခုနစ်ဦးသေဆုံး
အိန္ဒိယနိုင်ငံမြောက်ပိုင်းရှိ လုပ်ငန်းခွင်တစ်ခုတွင် မြေကျင်းရုတ်တရက်ပြိုကျ၊ ခုနစ်ဦးသေဆုံး
အိန္ဒိယနိုင်ငံမြောက်ပိုင်း ဟာယာနာပြည်နယ်ရှိ   ပုဂ္ဂလိကဆောက်လုပ်ရေးလုပ်ငန်းခွင်တစ်ခုတွင် မြေကျင်းရုတ်တရက် ပြိုကျမှုကြောင့်  အနည်းဆုံး လူခုနစ်ဦး သေဆုံးပြီး လေးဦးဒဏ်ရာရရှိခဲ့ကြောင်း ဒေသတွင်းရဲတပ်ဖွဲ့က မတ်လ ၁၀ ရက်တွင် အတည်ပြု ပြောကြားသည်။အဆိုပါမတော်တဆမှုသည် ဂုရုဂရမ်ခရိုင်ရှိ ဆောက်လုပ်ဆဲအိမ်ရာ စီမံကိန်းတစ်ခုတွင် မတ်လ ၉ ရက် ညနေပိုင်းက ဖြစ်ပွားခဲ့ခြင်းဖြစ်သည်။ထိခိုက်သေဆုံးသူအားလုံးမှာ  အဆိုပါလုပ်ငန်းခွင်တွင် အလုပ်လုပ်ကိုင်နေသော အလုပ်သမားများဖြစ်ကြောင်း   သိရသည်။Ref: XinhuaMWD
Wed, 11-Mar-2026
လူသားချင်းစာနာထောက်ထားမှုဆိုင်ရာအကူအညီများအား အီရန်သို့ အဇာဘိုင်ဂျန်ပေးပို့
လူသားချင်းစာနာထောက်ထားမှုဆိုင်ရာအကူအညီများအား အီရန်သို့ အဇာဘိုင်ဂျန်ပေးပို့
အဇာဘိုင်ဂျန်နိုင်ငံသည် အီရန်နိုင်ငံသို့ အစားအသောက်နှင့်ဆေးဝါးပစ္စည်းများ ပါဝင်သော လူသားချင်းစာနာထောက်ထားမှုဆိုင်ရာ အကူအညီများကိုပေးပို့လိုက်ကြောင်း Azertac သတင်းဌာနက  မတ်လ  ၁၀ ရက်တွင် ဖော်ပြသည်။အဇာဘိုင်ဂျန်သမ္မတ အီဟမ်အာလီယက်ဗ်၏ ညွှန်ကြားချက်အရ အီရန်နိုင်ငံသို့ လူသားချင်းစာနာထောက်ထားမှုဆိုင်ရာ အကူအညီများကို အရေးပေါ် အခြေအနေ စီမံခန့်ခွဲမှုဝန်ကြီးဌာန၏ ယာဉ်တန်းဖြင့် ပေးပို့ခြင်းဖြစ်ပြီး      အစားအသောက် တန် ၃၀ ခန့်ပါဝင်ကြောင်း   အဇာဘိုင်ဂျန်နိုင်ငံ အရန်ပစ္စည်းများဆိုင်ရာအေဂျင်စီ၏ အရန်ပစ္စည်းများထိန်းချုပ်ရေးဌာန ညွှန်ကြားရေးမှူး အမ်မီလ် ဟာဆန်ဇာဒေ့၏ ပြောကြားချက်ကိုကိုးကား၍  သတင်းဌာနက ဖော်ပြထားသည်။အဇာဘိုင်ဂျန်က အီရန်နိုင်ငံသို့ ပေးပို့သည့် အကူအညီပေးအပ်မှုသည် မတ်လ ၈ ရက်တွင် အဇာဘိုင်ဂျန်သမ္မတ အီဟမ် အာလီယက်ဗ်နှင့် အီရန်သမ္မတတို့အကြား တယ်လီဖုန်းမှတစ်ဆင့် ဆွေးနွေးခဲ့ပြီးနောက် ထွက်ပေါ်လာခြင်းဖြစ်သည်။အဆိုပါ အကူအညီပေးရေး ပစ္စည်းများကို တင်ဆောင်သွားသော ကုန်တင်ယာဉ်များသည် နိုင်ငံအတွင်းမှ ထွက်ခွာသွားပြီဖြစ်ပြီး မကြာမီကာလအတွင်း သတ်မှတ်နေရာသို့ ရောက်ရှိမည်ဖြစ်ကြောင်း၊    အဆိုပါအကူအညီပေးရေးပစ္စည်းများတွင် ဂျုံမှုန့် ၁၀ တန်၊ ဆန် ၆ တန်၊  သကြား ၂ ဒသမ ၄ တန်၊ သောက်ရေ ၄ တန်ကျော်၊ လက်ဖက်ခြောက် ၆၀၀ ကီလိုဂရမ်ခန့်နှင့်  ဆေးဝါးနှင့် ဆေးဘက်ဆိုင်ရာပစ္စည်း ၂ တန်ခန့် ပါဝင်ကြောင်း သိရသည်။ ထို့ပြင် အဇာဘိုင်ဂျန်သည် အစောပိုင်းက ရပ်ဆိုင်းထားခဲ့သော  အီရန်နှင့်နယ်စပ်ဖြတ်ကျော် ကုန်စည်သယ်ယူပို့ဆောင်ရေးကို မတ်လ  ၉ ရက်တွင် ပြန်လည် စတင်ခဲ့ကြောင်း  ထုတ်ပြန်ချက်အရ သိရသည်။                                           Ref: IvMWD
Wed, 11-Mar-2026
အဆိုးရွားဆုံးပုံစံဖြင့် ခိုင်းစေခြင်းခံရသော ကလေးအလုပ်သမားများဖယ်ရှားရေးနှင့် ပြန်လည်ကုစားရေးလုပ်ငန်းကော်မတီ အစည်းအဝေးကျင်းပ
အဆိုးရွားဆုံးပုံစံဖြင့် ခိုင်းစေခြင်းခံရသော ကလေးအလုပ်သမားများဖယ်ရှားရေးနှင့် ပြန်လည်ကုစားရေးလုပ်ငန်းကော်မတီ အစည်းအဝေးကျင်းပ
နေပြည်တော် မတ် ၁၀မြန်မာနိုင်ငံ ကလေးအလုပ်သမားပပျောက်ရေးဆိုင်ရာ အမျိုးသားကော်မတီ၏ အဆိုးရွားဆုံးပုံစံဖြင့် ခိုင်းစေခြင်းခံရသော ကလေးအလုပ်သမားများဖယ်ရှားရေးနှင့် ပြန်လည်ကုစားရေး လုပ်ငန်းကော်မတီလုပ်ငန်းညှိနှိုင်းအစည်းအဝေးကို ယနေ့နံနက်ပိုင်းတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၌ကျင်းပရာ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီး ဒေါက်တာ သန်းစိုး၊ ညွှန်ကြားရေးမှူးချုပ်၊ ဌာနဆိုင်ရာကော်မတီဝင်များနှင့် တာဝန်ရှိသူများ တက်ရောက်ကြသည်၊၊ဦးစွာ လုပ်ငန်းကော်မတီဥက္ကဋ္ဌ ဒုတိယဝန်ကြီးက အဆိုးရွားဆုံးပုံစံဖြင့် ခိုင်းစေခြင်းခံရသော ကလေးအလုပ်သမားများဖယ်ရှားရေးနှင့် ပြန်လည်ကုစားရေး လုပ်ငန်းကော်မတီကို ၂၀၂၆ ခုနှစ် ဇန်နဝါရီ ၂၃ ရက်တွင် မြန်မာနိုင်ငံကလေးအလုပ်သမားပပျောက်ရေးဆိုင်ရာ အမျိုးသားကော်မတီ၏ အမိန့်ကြော်ငြာစာအမှတ် ၀၁၅/၂၀၂၆ ဖြင့် ပြင်ဆင်ဖွဲ့စည်းခဲ့ပြီးဖြစ်ပါကြောင်း၊ လုပ်ငန်းဆပ်ကော်မတီ ၁၅ ခုကိုလည်း နေပြည်တော်၊ တိုင်းဒေသကြီး/ပြည်နယ်များအလိုက် ပြင်ဆင်ဖွဲ့စည်းပေးခဲ့ပါကြောင်း၊ လုပ်ငန်းကော်မတီအနေဖြင့် ပုံမှန်အစည်း အဝေးများကျင်းပခြင်း၊ အန္တရာယ်ရှိသောလုပ်ငန်းခွင်မှ ကလေးလုပ်သားများကိုဖယ်ရှား၍ ခိုင်းစေသူကို ဥပဒေနှင့်အညီ စစ်ဆေးအရေးယူခြင်း၊ ညွှန်းပို့ စနစ်ဆောင်ရွက်ခြင်း၊ အရည်အသွေးပြည့်မီသော အခမဲ့ပညာ သင်ကြားနိုင်ရေး ချိတ်ဆက်ပေး ခြင်း၊ ကျောင်းပြင်ပရောက် လူငယ်များအတွက် သက်မွေးပညာသင်တန်းများ စဉ်ဆက်မပြတ်ဖွင့်လှစ်ပေးခြင်း၊ ကလေးအလုပ်သမားများအတွက် ကျောင်းပြင်ပနှင့် တစ်သက်တာ ပညာရေး အစီအစဉ်များကို သက်ဆိုင်ရာဝန်ကြီးဌာန အဖွဲ့အစည်းများဖြင့် ပူးပေါင်းဆောင် ရွက်ခြင်း လုပ်ငန်းတာဝန်များ ချမှတ်ဆောင်ရွက်နေပါကြောင်း။နှစ်စဉ်ဘဏ္ဍာနှစ်အလိုက် ကလေးလုပ်သားစသည့် စစ်တမ်းအစီရင်ခံစာအရ တိုင်းဒေသကြီး/ ပြည်နယ်တို့မှ အန္တရာယ်ရှိသော လုပ်ငန်းခွင်တွင် အလုပ်လုပ်ကိုင်လျက်ရှိသော ကလေးအလုပ် သမားများကို တိုင်းဒေသကြီး/ ပြည်နယ် လူမှုဝန်ထမ်းရုံးများမှ လူမှုဖြစ်ရပ် စီမံခန့်ခွဲသူများက လူမှုဖြစ်ရပ်စီမံခန့်ခွဲမှုနည်းလမ်းများနှင့်အညီ ကွင်းဆင်းစိစစ်၍ လိုအပ်သည့် ပံ့ပိုးကူညီမှုများ ဆောင်ရွက်ပေးလျက်ရှိကြောင်း၊ လုပ်ငန်းကော်မတီ၏ နှစ်စဉ်အစီရင်ခံစာ၊ လစဉ်အစီရင်ခံစာများကို မြန်မာနိုင်ငံကလေးအလုပ် သမားပပျောက်ရေးဆိုင်ရာ အမျိုးသားကော်မတီသို့ ပုံမှန်ပေးပို့ တင်ပြလျက်ရှိကြောင်း၊ မြန်မာနိုင်ငံကလေးအလုပ်သမားပပျောက်ရေးဆိုင်ရာ အမျိုးသားအဆင့် ဒုတိယငါးနှစ်လုပ်ငန်းစီမံချက် (၂၀၂၄-၂၀၂၈) တွင် ပါရှိသော လုပ်ငန်းစဉ်များကို သက်ဆိုင်ရာ ဌာနအဖွဲ့အစည်းများနှင့် ဝိုင်းဝန်းပူးပေါင်းဆောင်ရွက်သွားမည်ဖြစ်ကြောင်း ဆွေးနွေးမှာကြားသည်။ဆွေးနွေးယင်းနောက် လူမှုဝန်ထမ်းဦးစီးဌာန ညွှန်ကြားရေးမှူးချုပ်က အဆိုးရွားဆုံးပုံစံဖြင့် ခိုင်းစေခြင်းခံရသော ကလေးအလုပ်သမားများ ဖယ်ရှားရေးနှင့်ပြန်လည်ကုစားရေး လုပ်ငန်းကော်မတီ၏ ၂၀၂၅-၂၀၂၆ ဘဏ္ဍာနှစ် စတုတ္ထသုံးလပတ် လုပ်ငန်းဆောင်ရွက်ချက်များအား တင်ပြဆွေးနွေးပြီး အစည်းအဝေးသို့ တက်ရောက်လာသူများက သက်ဆိုင်ရာကဏ္ဍအလိုက် ဆောင်ရွက်ထားရှိမှု အခြေအနေများကို တင်ပြဆွေးနွေးကြသည်။ထို့နောက် ဒုတိယဝန်ကြီးက လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနအနေဖြင့် ထိခိုက်လွယ်အုပ်စုများကို ထောက်ပံ့ကူညီမှုများ ဆောင်ရွက်ရာတွင် ကိုယ်ဝန်ဆောင်မိခင်များ အပါအဝင် အသက်အုပ်စုအလိုက် ကာကွယ်စောင့်ရှောက်ရန်လိုအပ်သူများ၊ မသန်စွမ်းသူများ၊ သက်ကြီးပုဂ္ဂိုလ်များကို ကဏ္ဍအလိုက် ကူညီစောင့်ရှောက်မှုများ ပံ့ပိုးပေးလျက်ရှိကြောင်း၊ ကလေးသူငယ်များကို အဆိုးရွားဆုံးပုံစံဖြင့် ခိုင်းစေခြင်းမှ ကာကွယ်တားဆီးရန်နှင့် ခိုင်းစေသူကို ထိရောက်သော ပြစ်ဒဏ်ပေးရန်ဖြစ်ပါကြောင်း၊ ကလေးသူငယ်များအပေါ် ပုံစံအမျိုးမျိုးဖြင့် အသုံးချမှုများ၊ ခေါင်းပုံဖြတ်အမြတ်ထုတ်မှုများမရှိစေရေး ကာကွယ်တားဆီးမှုများ ဆောင်ရွက်သွားရမည်ဖြစ်ကြောင်း၊ အဓိကအားဖြင့် အလုပ်ရှင်များအား ဥပဒေပိုင်းဆိုင်ရာ အသိပညာများပေးရန်နှင့် မိဘများအတွက် ပုံမှန်ဝင်ငွေရရှိစေရေး အစီအစဉ်များ ရေးဆွဲဆောင်ရွက်ရန်လိုအပ်ကြောင်း ဆွေးနွေးမှာကြားခဲ့ကြောင်း သိရသည်၊၊moi
Wed, 11-Mar-2026
EV Mechanics သင်တန်း (၁/၂၀၂၆) ဖွင့်လှစ်
EV Mechanics သင်တန်း (၁/၂၀၂၆) ဖွင့်လှစ်
နေပြည်တော် မတ် ၁၀EV Mechanics သင်တန်း (၁/၂၀၂၆) ဖွင့်ပွဲ အခမ်းအနားကို ယနေ့‌နံနက်ပိုင်းတွင် နည်းပညာ၊ သက်မွေးပညာနှင့် လေ့ကျင့်ရေး ဆရာအတတ်သင်ကောလိပ် (ဘယ်လင်း)၌ Hybrid စနစ်ဖြင့် ကျင်းပသည်။ဖွင့်ပွဲအခမ်းအနားသို့ သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ဇေယျက ဗီဒီယိုကွန်ဖရင့်ဖြင့်တက်ရောက်၍ အမှာစကားပြောကြားရာတွင် “နိုင်ငံတော်သာယာဖို့ သဘာဝ ပတ်ဝန်းကျင် ထိန်းကြစို့” ဟူသော အမျိုးသားရေး ဆောင်ပုဒ်နှင့်အညီ အဖိုးတန် သဘာဝပတ်ဝန်းကျင် အရင်းအမြစ်များ ရေရှည်တည်တံ့ အောင်ထိန်းသိမ်း၍ စဉ်ဆက်မပြတ် ဖွံ့ဖြိုးတိုးတက်သည့် နိုင်ငံ့အနာဂတ်ကောင်းများကို ဖော်ဆောင်နိုင်ရေး၊ ကာဗွန်လျှော့ချရေးနှင့် အဆင့်မြင့်နည်းပညာသုံး လျှပ်စစ်ကား (EV) များ သုံးစွဲနိုင်မှုမှသည် လေထုနှင့် အသံညစ်ညမ်းမှုများ လျှော့ချနိုင်ပြီး ကျန်းမာရေးကောင်းမွန်ခြင်း၊ စက်သုံးဆီနှင့် အင်ဂျင်ပြုပြင် ထိန်းသိမ်းရမှုများအတွက် ကုန်ကျစရိတ်များ လျှော့ချနိုင်ခြင်း စသောအကျိုးကျေးဇူးများကို ပြည်သူများရရှိနိုင်ရေးအတွက် အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေး ဦးဆောင်ကော်မတီ၏ ၂၀၅၀ လမ်းပြမြေပုံနှင့် မူဝါဒနှင့် ညွှန်ကြားချက်များအတိုင်း လုပ်ငန်းကော်မတီ ငါးခုတို့က တက်ညီလက်ညီ ပူးပေါင်းဆောင်ရွက်နေကြောင်း။ပြည်သူများ၏ လျှပ်စစ်ကား (EV) သုံးစွဲမှုများ တစ်ရှိန်ထိုးမြင့်တက်လာသဖြင့် ပြုပြင်ထိန်းသိမ်းခြင်းဆိုင်ရာ ပြည်သူ့ဝန်ဆောင်မှုများပေးနိုင်ရေးနှင့် ဘေးအန္တရာယ်ကင်းရှင်းစွာ သက်တမ်းပြည့်အောင် သုံးစွဲနိုင်ရေးတို့အတွက် အရည်အသွေး စံနှုန်းပြည့်မီသည့် နည်းပညာရှင်များ လိုအပ်ချက်ရှိလာကြောင်း၊ ထို့ပြင် အာဆီယံ၊ အာရှနှင့် နိုင်ငံအချို့၌ လျှပ်စစ်ကားပြုပြင်ခြင်းကို MSME အဖြစ် ဆောင်ရွက်လာကြရာ အလုပ်အကိုင် အခွင့်အလမ်းဖော်ဆောင်ပေးနိုင်ပြီး လူမှုစီးပွားဘဝ ဖွံ့ဖြိုးတိုးတက်မှုကို တစ်တပ်တစ်အား အထောက်အကူပြုနိုင်ပါကြောင်း၊ ထို့ကြောင့် နိုင်ငံတော်နှင့် ပြည်သူများ အမှန်တကယ် အားထားရမည့် လျှပ်စစ်ကားနည်းပညာရှင်များဖြစ်စေရေးအတွက် သင်တန်းသားများအနေဖြင့် ကြိုးစားလေ့ကျင့်သင်ယူကြရန် လိုအပ်ပါကြောင်း တိုက်တွန်းပြောကြားသည်။အဆိုပါ သင်တန်းတွင် မန္တလေးတိုင်းဒေသကြီးအတွင်းရှိ ဌာနများ၊ ကားဝပ်ရှော့များမှ သင်တန်းသား ၂၃ ဦး တက်ရောက်ကြပြီး အဆင့်မြင့် သင်ထောက်ကူမော်ကျူးများ အသုံးပြုကာ လက်တွေ့လေ့ကျင့်ပေးမည်ဖြစ်ကြောင်း၊ လုပ်ငန်းကော်မတီအနေဖြင့် စံနှုန်းပြည့်မီစွာ လက်တွေ့ကျကျ ပြုပြင်နိုင်ရေးကို အလေးထားကာ ပုံမှန်သင်တန်းများအပြင် အကြံပြုချက်များ၊ စစ်တမ်းကောက်ယူချက်များနှင့် နည်းပညာတောင်းခံမှုတို့အရ စိတ်ကြိုက်သင်တန်းများကိုပါ စဉ်ဆက်မပြတ် တိုးချဲ့ဖွင့်လှစ် ဆောင်ရွက်ပေးလျက်ရှိကြောင်း သိရသည်။moi
Wed, 11-Mar-2026
(၃၅) ကြိမ်မြောက် အာဆီယံလူမှု-ယဉ်ကျေးမှု အသိုက်အဝန်းကောင်စီဝန်ကြီးများအဆင့် အစည်းအဝေး ဒုတိယဝန်ကြီး ဒေါ်နုမြဇံ တက်ရောက်
(၃၅) ကြိမ်မြောက် အာဆီယံလူမှု-ယဉ်ကျေးမှု အသိုက်အဝန်းကောင်စီဝန်ကြီးများအဆင့် အစည်းအဝေး ဒုတိယဝန်ကြီး ဒေါ်နုမြဇံ တက်ရောက်
နေပြည်တော် မတ် ၁၀သာသနာရေးနှင့် ယဉ်ကျေးမှုဝန်ကြီးဌာန ဒုတိယဝန်ကြီး ဒေါ်နုမြဇံ ဦးဆောင်သော မြန်မာကိုယ်စားလှယ်အဖွဲ့သည် ၂၀၂၆ ခုနှစ် အာဆီယံအလှည့်ကျဥက္ကဋ္ဌ တာဝန်ယူထားသည့် ဖိလစ်ပိုင်နိုင်ငံကကြီးမှူး၍ ၂၀၂၆ ခုနှစ် မတ် ၃ ရက်မှ ၇ ရက်အထိ ဖိလစ်ပိုင်နိုင်ငံ Makati မြို့၌ ကျင်းပခဲ့သည့် (၃၅) ကြိမ်မြောက် အာဆီယံလူမှု-ယဉ်ကျေးမှု အသိုက်အဝန်း ကောင်စီဝန်ကြီးများအဆင့် အစည်းအဝေး (The 35th Meeting of the ASEAN Socio-Cultural Comm-unity (ASCC) Council) သို့ တက်ရောက်ခဲ့သည်။အစည်းအဝေးသို့ အာဆီယံအဖွဲ့ဝင်နိုင်ငံများမှ အာဆီယံ လူမှု-ယဉ်ကျေးမှု အသိုက်အဝန်း ကောင်စီဝန်ကြီးများ၊ ဒုတိယဝန်ကြီးများ၊ အာဆီယံ လူမှု-ယဉ်ကျေးမှု အသိုက်အဝန်းဆိုင်ရာ ဒုတိယအတွင်းရေးမှူးချုပ်၊ အာဆီယံအတွင်းရေးမှူးချုပ်ရုံးမှ တာဝန်ရှိသူများနှင့် အာဆီယံနိုင်ငံများမှ ကိုယ်စားလှယ်များ တက်ရောက်ကြပြီး ဒေသတွင်း ဖွံ့ဖြိုးတိုးတက်မှုကို အဓိကရည်ရွယ်၍ အာဆီယံပြည်သူများအား လုပ်ပိုင်ခွင့်တာဝန်ပေး၍ စုပေါင်းတာဝန်ရှိမှုကို ဦးစားပေး ကဏ္ဍအဖြစ် ဆောင်ရွက်ရာတွင် အပြုသဘောဆောင်သည့် အားလုံးအတွက် အကျိုးရှိမည့် ဖွံ့ဖြိုးတိုးတက်မှု ကြံ့ကြံ့ခံမှုနှင့် ဂုဏ်သိက္ခာရှိမှုတို့ကို ဆောင်ရွက်ရေး၊ ကြံ့ကြံ့ခံနိုင်ရည်ရှိပြီး စွမ်းဆောင်ရည်ရှိသည့် အာဆီယံ၏ မိသားစုဝင်များဖြစ်လာအောင် ဦးစားပေးဆောင်ရွက်ရေး၊ ခိုင်မာသည့် လူမှု ကာကွယ်စောင့်ရှောက်ရေးနှင့် ကူညီပံ့ပိုးမှုစနစ်များရရှိရေး၊ ‘အားလုံးပါဝင်သည့် ဖွံ့ဖြိုးတိုးတက်မှု’ (Inclusive Develo-pment) ကို တစိုက်မတ်မတ် အလေးအနက်ထားပြီး အကောင်အထည်ဖော်ဆောင်ရွက်ရေး၊ ထူးချွန်ထက်မြက်ပြီး တီထွင်ဆန်းသစ်မှုရှိသည့် လူငယ်များ (Smart Youth and Innovation) ကို မွေးထုတ်ပေးရေး၊ သဘာဝပတ်ဝန်းကျင် ရေရှည်တည်တံ့ရေးနှင့် အနာဂတ်တွင် လုံခြုံစိတ်ချရသည့် အစားအသောက်များ ရရှိရေးတို့အတွက် ဦးစားပေးလုပ်ငန်းစဉ်များ သတ်မှတ်ရန် ရည်ရွယ်ကျင်းပခဲ့ခြင်းဖြစ်သည်။မတ် ၃ ရက်တွင် ဒုတိယဝန်ကြီး ဦးဆောင်သည့် မြန်မာကိုယ်စားလှယ်အဖွဲ့သည် ဖိလစ်ပိုင်နိုင်ငံ Makati မြို့သို့ရောက်ရှိပြီး Peninsula Manila Hotel ၌ ကျင်းပပြုလုပ်သည့် အာဆီယံ လူမှု-ယဉ်ကျေးမှုအသိုက်အဝန်းကောင်စီ အလုပ်သဘောညစာ စားပွဲသို့ တက်ရောက်ခဲ့သည်။မတ် ၄ ရက်တွင် ဒုတိယဝန်ကြီးသည် ဖိလစ်ပိုင်နိုင်ငံက လက်ခံကျင်းပသည့် အာဆီယံ လူမှု- ယဉ်ကျေးမှု အသိုက်အဝန်း အဆင့်မြင့်ဖိုရမ် (၂၀၂၆) (ASEAN Socio-Cultural Community High-Level Forum 2026) သို့ တက်ရောက်ခဲ့သည်။အဆိုပါ ဖိုရမ်တွင် Panel နှစ်ခုဖြင့် ဆွေးနွေးမှုများပါဝင်ရာ ဒုတိယဝန်ကြီးသည် မြန်မာနိုင်ငံ ကိုယ်စားပြုဆွေးနွေးသူအဖြစ် “ယဉ်ကျေးမှု၊ စံတန်ဖိုးထားမှုများနှင့် လူမှုသဟဇာတဖြစ်မှုသည် ကဏ္ဍစုံပူးပေါင်းဆောင်ရွက်မှုများမှတစ်ဆင့် အာဆီယံ၏ လူမှုပေါင်းစည်း ယှက်နွှယ်မှုကို ခိုင်မာ စေခြင်း” ခေါင်းစဉ် (Culture, Values, and Social Harmony: Strengthening ASEAN's Social Fabric through Cross - Sectoral engagement) ဖြင့် ဆွေးနွေးပြောကြားခဲ့ပြီး ကြေညာချက်ကို အခြားအာဆီယံနိုင်ငံ လူမှု-ယဉ်ကျေးမှုအသိုက်အဝန်း ဝန်ကြီးများနှင့်အတူ လက်ခံခဲ့သည်။ညနေပိုင်းတွင် အာဆီယံအလှည့်ကျ သဘာပတိအဖြစ် ဆောင်ရွက်သည့် ဖိလစ်ပိုင်နိုင်ငံ အာဆီယံ လူမှု-ယဉ်ကျေးမှု အသိုက်အဝန်းကောင်စီဝန်ကြီးက တည်ခင်းသည့်ကြိုဆိုညစာစားပွဲသို့ တက်ရောက်ခဲ့သည်။မတ် ၅ ရက်တွင် ဒုတိယဝန်ကြီးသည် (၃၅) ကြိမ်မြောက် အာဆီယံ လူမှု-ယဉ်ကျေးမှု အသိုက်အဝန်း ကောင်စီဝန်ကြီးများအဆင့် အစည်းအဝေး (The 35th Meeting of the ASEAN Socio-Cultural Community (ASCC) Council) သို့ တက်ရောက်ပြီး အာဆီယံလူမှု- ယဉ်ကျေးမှု အသိုက်အဝန်း၏ မဟာဗျူဟာ လားရာနှင့်စပ်လျဉ်း၍ နိုင်ငံအလိုက် အမြင်သဘောထားများကို ဆွေးနွေးပြောကြားရာ၌ မြန်မာနိုင်ငံ၏ အမြင်သဘောထားများကို ဆွေးနွေးပြောကြားခဲ့သည်။ညနေပိုင်းတွင် National Museum of Natural History ၌ အာဆီယံအလှည့်ကျ သဘာပတိ အဖြစ် ဆောင်ရွက်သည့် ဖိလစ်ပိုင်နိုင်ငံ အာဆီယံလူမှု-ယဉ်ကျေးမှု အသိုက်အဝန်း ကောင်စီဝန်ကြီးက တည်ခင်းသည့်ဂုဏ်ပြုညစာစားပွဲသို့ တက်ရောက်ခဲ့သည်။ညစာစားပွဲအပြီးတွင် ဖိလစ်ပိုင်နိုင်ငံ အာဆီယံလူမှု-ယဉ်ကျေးမှု အသိုက်အဝန်း ကောင်စီဝန်ကြီးက အာဆီယံအဖွဲ့ဝင်နိုင်ငံများ၏ အာဆီယံ လူမှု-ယဉ်ကျေးမှု အသိုက်အဝန်း ကောင်စီဝန်ကြီးများအား အမှတ်တရ လက်ဆောင်ပစ္စည်းများ ပေးအပ်ခဲ့သည်။ဂုဏ်ပြုညစာစားပွဲမတိုင်မီ ဒုတိယဝန်ကြီးသည် National Museum of Natural History ၏ ပြခန်းများကို လှည့်လည်ကြည့်ရှုခဲ့သည်။မတ် ၆ ရက်တွင် ဒုတိယဝန်ကြီး ခေါင်းဆောင်သော မြန်မာကိုယ်စားလှယ်အဖွဲ့သည် ယဉ်ကျေး မှုလေ့လာရေးခရီးစဉ် (Culture Visit) အဖြစ် ယဉ်ကျေးမှုအမွေ အနှစ်နေရာများဖြစ်သည့် Fort Santiago, Rizal Park နှင့် Intramuros များသို့ သွားရောက်လေ့လာခဲ့ပြီး မတ် ၇ ရက်တွင် ဖိလစ်ပိုင်နိုင်ငံမှ ပြန်လည်ထွက်ခွာခဲ့ရာ ညနေပိုင်းတွင် မြန်မာနိုင်ငံသို့ ရောက်ရှိခဲ့ကြောင်း သတင်းရရှိသည်။moi
Wed, 11-Mar-2026
အရှေ့အလယ်ပိုင်းပဋိပက္ခများအကြား တရုတ်နိုင်ငံက ရုရှား ဓာတ်ငွေ့ ပိုမိုရရှိရေး ဦးစားပေးလုပ်ဆောင်လာ
အရှေ့အလယ်ပိုင်းပဋိပက္ခများအကြား တရုတ်နိုင်ငံက ရုရှား ဓာတ်ငွေ့ ပိုမိုရရှိရေး ဦးစားပေးလုပ်ဆောင်လာ
တရုတ်နိုင်ငံသည် ရုရှားနိုင်ငံထံမှ သဘာဝဓာတ်ငွေ့ပိုမိုရရှိရန် အဓိက တွန်းအားပေးလုပ်ဆောင်မည်ဖြစ်ကြောင်း အရိပ်အယောင်များပြသ လိုက်ပြီး ၎င်း၏ နောက်ဆုံးငါးနှစ်စီမံကိန်း (၂၀၂၆-၂၀၃၀) မူကြမ်းတွင် ပိုက်လိုင်းသစ်နှစ်ခုအကြောင်း ထည့်သွင်းဖော်ပြခဲ့သည်။ အရှေ့အလယ်ပိုင်း ရှိ ပဋိပက္ခများကြောင့် အဓိကစွမ်းအင်လမ်းကြောင်းဖြစ်သော ဟော်မုဇ် ရေလက်ကြားကို ဖြတ်သန်းသည့် LNG တင်ပို့မှုများ ခြိမ်းခြောက်ခံ နေရချိန်တွင် ယခုခြေလှမ်းပေါ်ထွက်လာခြင်းဖြစ်သည်။ပြီးခဲ့သည့်သီတင်းပတ်က အမျိုးသားပြည်သူ့ကွန်ဂရက် (NPC) သို့ တင်သွင်းခဲ့သည့် ၂၀၂၆-၂၀၃၀ ခုနှစ်အတွက် တရုတ်နိုင်ငံ၏ ဖွံ့ဖြိုးတိုးတက်ရေး မူဘောင်တွင် ပေကျင်းအနေဖြင့် “တရုတ်-ရုရှား သဘာဝ ဓာတ်ငွေ့ပိုက်လိုင်း၏ ဗဟိုလမ်းကြောင်း” အတွက် ပြင်ဆင်မှုလုပ်ငန်းများကို မြှင့်တင်ဆောင်ရွက်သွားမည်ဟု မှတ်ချက်ပြုထားကြောင်း South China Morning Post (SCMP) က တနင်္လာနေ့ (မတ် ၉) တွင် ဖော်ပြခဲ့သည်။အဆိုပါမူကြမ်းတွင် စီမံကိန်းအမည်ကို တိတိကျကျဖော်ပြထားခြင်း မရှိသော်လည်း ဈေးကွက်လေ့လာစောင့်ကြည့်သူများက ၎င်းမှာ Power of Siberia 2 ပိုက်လိုင်းကို ရည်ညွှန်းခြင်းဖြစ်ကြောင်း သုံးသပ်ကြသည်။ ထို့ပြင် အရှေ့အလယ်ပိုင်းအခြေအနေများကြောင့် ၎င်းပိုက်လိုင်း တည်ဆောက်ရေးလုပ်ငန်းများကို အရှိန်မြှင့်တင်နိုင်ခြေရှိကြောင်းလည်း ခန့်မှန်းထားကြသည်။ဆယ်စုနှစ်တစ်ခုနီးပါးကြာ ဆွေးနွေးခဲ့ကြပြီးနောက် ပြီးခဲ့သည့် စက်တင်ဘာလတွင် ရုရှားနှင့် တရုတ်နိုင်ငံတို့သည် အဆိုပါပိုက်လိုင်း တည်ဆောက်ရန်အတွက် ဥပဒေကြောင်းအရ အတည်ဖြစ်စေသော နားလည်မှုစာချွန်လွှာကို လက်မှတ်ရေးထိုးခဲ့ကြသည်။ သမ္မတ ဗလာဒီမာ ပူတင်၏ ပေကျင်း ခရီးစဉ်အတွင်း အဆိုပါသဘောတူညီချက်ကို ကြေညာခဲ့ခြင်းဖြစ်သည်။ အဆိုပါ ပိုက်လိုင်းသည် ဆိုက်ဘေးရီးယား အနောက်ပိုင်းမှတစ်ဆင့် မွန်ဂိုလီးယားကို ဖြတ်ကျော်ကာ တရုတ်နိုင်ငံမြောက်ပိုင်းသို့ တစ်နှစ်လျှင် သဘာဝဓာတ်ငွေ့ ကုဗမီတာ ဘီလီယံ ၅၀ အထိ ပို့လွှတ်နိုင်ရန် ရည်ရွယ်တည်ဆောက်ထားခြင်းဖြစ်သည်။ရုရှားနိုင်ငံသည် ၂၀၁၉ ခုနှစ်တွင် စတင်လည်ပတ်ခဲ့ပြီး ၂၀၂၄ ခုနှစ် ဒီဇင်ဘာလတွင် အပြည့်အဝ လည်ပတ်နိုင်ခဲ့သည့် Power of Siberia ပိုက်လိုင်းမှတစ်ဆင့် တရုတ်နိုင်ငံသို့ သဘာဝဓာတ်ငွေ့များ ပေးပို့လျက်ရှိနေပြီဖြစ်သည်။ ထို့ပြင် မော်စကိုသည် ကာတာနိုင်ငံပြီးလျှင် ပေကျင်း အတွက် ဒုတိယအကြီးဆုံး LNG တင်သွင်းရာ အရင်းအမြစ်လည်း ဖြစ်လာခဲ့သည်။ တရုတ်နိုင်ငံသည် ၎င်း၏ LNG လိုအပ်ချက်၏ ၁၈ ရာခိုင်နှုန်းခန့် ကို ကာတာနိုင်ငံမှလည်းကောင်း၊ ၅ ရာခိုင်နှုန်းခန့်ကို ယူအေအီး (UAE) နိုင်ငံမှလည်းကောင်း တင်သွင်းနေခြင်းဖြစ်ပြီး ထိုကုန်စည်များကို ပုံမှန်အားဖြင့် ဟော်မုဇ်ရေလက်ကြားမှတစ်ဆင့် သယ်ယူပို့ဆောင်ရခြင်း ဖြစ်သည်။ Tencent News ၏ ဖော်ပြချက်အရ အဆိုပါ မူကြမ်းတွင် “တရုတ်-ရုရှား အရှေ့ဖျားဒေသ သဘာဝဓာတ်ငွေ့ပိုက်လိုင်း” အကြောင်းကိုလည်း ထည့်သွင်းဖော်ပြထားသည်။ ရုရှား၏ Gazprom နှင့် တရုတ်၏ CNPC တို့ ပူးပေါင်းတည်ဆောက်ထားသည့် ထိုပိုက်လိုင်းသည် တရုတ် နယ်စပ် နှင့် ၅ ကီလိုမီတာခန့်သာ ဝေးကွာသော Dalnerechensk မြို့မှ စတင်သွယ်တန်းထားခြင်းဖြစ်ပြီး တစ်နှစ်လျှင် ကုဗမီတာ ၁၂ ဘီလီယံ ပို့လွှတ်နိုင်စွမ်းရှိသည်။ ၎င်းပိုက်လိုင်းမှာ တည်ဆောက်မှုအပြည့်အဝ ပြီးစီးနေပြီဖြစ်ကာ ၂၀၂၇ ခုနှစ် ဇန်နဝါရီလတွင် စတင်လည်ပတ်ရန် သတ်မှတ် ထားသည်။ရုရှားသမ္မတ ဗလာဒီမာ ပူတင်က ဥရောပသမဂ္ဂ (EU) အနေဖြင့် ၂၀၂၇ ခုနှစ်တွင် ရုရှားဓာတ်ငွေ့ကို ပိတ်ပင်ရန် စီစဉ်ထားသည့်အတိုင်း မလုပ် ဆောင်မီ မော်စကိုဘက်မှ ဓာတ်ငွေ့ပေးပို့မှုများကို ကြိုတင် ဖြတ်တောက်ပြီး ယုံကြည်စိတ်ချရသောမိတ်ဖက်များထံသို့ လမ်းကြောင်းပြောင်းလဲ ပို့လွှတ် သွားနိုင်ကြောင်း ပြီးခဲ့သည့်သီတင်းပတ်က သတိပေးခဲ့သည်။ ထို့နောက် ဒုတိယဝန်ကြီးချုပ် အလက်ဇန္ဒား နိုဗက်ခ်ကလည်း ရုရှားသည် ဥရောပ သို့ ပို့လွှတ်နေသည့် LNG အချို့ကို တရုတ်နိုင်ငံအပါအဝင် အာရှ-ပစိဖိတ် ဈေးကွက်များသို့ လမ်းကြောင်းပြောင်းလဲမည်ဖြစ်ကြောင်း အတည်ပြု ခဲ့သည်။ အဆိုပါပြောကြားချက်များကြောင့် ဥရောပ၏ စွမ်းအင်လုံခြုံရေးအတွက် စိုးရိမ်မှုများမြင့်တက်လာခဲ့ပြီး နိုင်ငံရေးသမားအချို့က ရုရှား စွမ်းအင်အပေါ်ချမှတ်ထားသည့် ပိတ်ဆို့အရေးယူမှုများကို ပြန်လည် ရုပ်သိမ်းရန် တောင်းဆိုမှုများ ရှိလာခဲ့သည်။အနောက်အုပ်စု၏ ကျယ်ပြန့်သော ကန့်သတ်ပိတ်ဆို့မှုများ ရှိနေသော်လည်း တရုတ်နိုင်ငံသည် ရုရှားနှင့်စွမ်းအင်ကုန်သွယ်မှုကို ပိုမိုခိုင်မာအောင် လုပ်ဆောင်ခဲ့သည်။ ပေကျင်းနှင့် မော်စကိုတို့သည် ၂၀၂၂ ခုနှစ်တွင် “အကန့်အသတ်မရှိ” (No-limits) မိတ်ဖက်ဖြစ်မှုကို ကြေညာခဲ့ကြသည်။ ပြီးခဲ့သည့်လက သမ္မတ ရှီကျင့်ဖျင်နှင့် ဖုန်းဖြင့် ဆွေးနွေးရာတွင် ပူတင်က နှစ်နိုင်ငံကုန်သွယ်မှုမှာ တစ်နှစ်လျှင် ဒေါ်လာ ဘီလီယံ ၂၀၀ ကျော်လွန်နေပြီဖြစ်ကြောင်းနှင့် တရုတ်အတွက် အဓိက စွမ်းအင်တင်သွင်းသူအဖြစ် ရုရှား၏ အခန်းကဏ္ဍကို အလေးပေး ပြောကြားခဲ့သည်။ သမ္မတ ရှီကျင့်ဖျင် ကလည်း နိုဝင်ဘာလက ပေကျင်းတွင် ပြုလုပ်ခဲ့သည့် တရုတ်-ရုရှား စွမ်းအင်စီးပွားရေးဖိုရမ်တွင် စွမ်းအင်ဆိုင်ရာ ပူးပေါင်း ဆောင်ရွက်မှုများကို ပိုမိုနက်ရှိုင်းအောင် လုပ်ဆောင်သွားမည်ဟု ကတိပြုခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 10-Mar-2026
© Copyright 2024 SAC All Rights Reserved.