မြစ်ကြီးနားမြို့၌ ၂၀၂၆ ခုနှစ် မြန်မာ့ရိုးရာယဉ်ကျေးမှုမဟာသင်္ကြန်ပွဲတော် စည်ကားသိုက်မြိုက်စွာကျင်းပနိုင်ရေး ယိမ်းအဖွဲ့များ လေ့ကျင့်ပြင်ဆင်လျက်ရှိ

KookieSpace97

News Image

  • မြစ်ကြီးနားမြို့၌ ၂၀၂၆ ခုနှစ် မြန်မာ့ရိုးရာယဉ်ကျေးမှုမဟာသင်္ကြန်ပွဲတော် စည်ကားသိုက်မြိုက်စွာကျင်းပနိုင်ရေး ယိမ်းအဖွဲ့များ လေ့ကျင့်ပြင်ဆင်လျက်ရှိ

မြစ်ကြီးနား ဧပြီ ၅

(မြန်မာသက္ကရာဇ် ၁၃၈၇ ခုနှစ်) ၂၀၂၆ ခုနှစ် မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို ကချင်ပြည်နယ်၏ မြို့တော်မြစ်ကြီးနားမြို့၌ မိရိုးဖလာ ယဉ်ကျေးမှုနှင့်အညီ တစ်မူထူးခြား စည်ကားသိုက်မြိုက်စွာ ကျင်းပပြုလုပ်နိုင်ရေး စီစဉ်ဆောင်ရွက်လျက်ရှိသည့်အပြင် ဗဟိုမဏ္ဍပ်၌ ယိမ်းအကပြိုင်ပွဲများဖြင့် ထည့်သွင်းကျင်းပနိုင်ရေး စီမံဆောင်ရွက်လျက်ရှိကြောင်း မဟာသင်္ကြန်ပွဲတော်ဖြစ်မြောက်ရေးကော်မတီထံမှ သိရသည်။

သို့ဖြစ်ပါ၍ ဗဟိုမဏ္ဍပ်တွင် ယိမ်းအကဖြင့် ပါဝင်ယှဉ်ပြိုင်သွားမည့် ပြိုင်ပွဲဝင်ယိမ်းအဖွဲ့များအနေဖြင့် သက်ဆိုင်ရာနေရာအသီးသီး၌ ယိမ်းအကလေ့ကျင့် ပြင်ဆင်ဆောင်ရွက်လျက်ရှိရာ ကချင်ပြည်နယ် အစိုးရအဖွဲ့ယိမ်းအဖွဲ့နှင့် အထွေထွေအုပ်ချုပ်ရေးဦးစီးဌာန ယိမ်းအဖွဲ့တို့က ပြည်နယ်အစိုးရအဖွဲ့ရုံး၌ လေ့ကျင့်လျက်ရှိပြီး စည်ပင်သာယာရေးအဖွဲ့အနေဖြင့် မြို့တော်ခန်းမ၌ လေ့ကျင့်ပြင်ဆင်လျက်ရှိသည်။

ယင်းသို့ ယိမ်းအဖွဲ့များ လေ့ကျင့်ပြင်ဆင်နေမှုများနှင့်စပ်လျဉ်း၍ ပြည်နယ်အစိုးရအဖွဲ့ ကိုယ်စားပြုယိမ်းအဖွဲ့အနေဖြင့် ကိုယ်ပိုင်သံစဉ်/ ကိုယ်ပိုင်စာသား/ ဆိုင်းဝိုင်းနှင့် ယှဉ်ပြိုင်သွားမည်ဖြစ်ပြီး ပြည်နယ်အထွေထွေအုပ်ချုပ်ရေးဦးစီးဌာနရုံး ယိမ်းအဖွဲ့အနေဖြင့် စီဒီတေးသီချင်းဖြင့် ဝင်ရောက်ယှဉ်ပြိုင်သွားမည်ဖြစ်သည့်အပြင် စည်ပင်သာယာရေးအဖွဲ့ ကိုယ်စားပြုယိမ်းအနေဖြင့် ဗဟိုမဏ္ဍပ်ယိမ်းအကပြိုင်ပွဲတွင် ကိုယ်ပိုင်သံစဉ်/ ကိုယ်ပိုင်စာသား/ တီးဝိုင်းနှင့် ဝင်ရောက်ယှဉ်ပြိုင်သွားမည်ဖြစ်ကြောင်း ယိမ်းအဖွဲ့များ၏ အုပ်ချုပ်သူများထံမှ သိရသည်။

အဆိုပါ ဗဟိုမဏ္ဍပ် ယိမ်းအကအလှပြိုင်ပွဲကို ပြည်နယ်အစိုးရအဖွဲ့အပါအဝင် ဝန်ကြီးဌာနအသီးသီး ကိုယ်စားပြုယိမ်းအဖွဲ့များ၊ မြောက်ပိုင်းတိုင်းစစ်ဌာနချုပ်ကိုယ်စားပြုယိမ်းအဖွဲ့နှင့် မြို့ပေါ်ရပ်ကွက်များမှ ယိမ်းအဖွဲ့များက ပါဝင်ယှဉ်ပြိုင်မည်ဖြစ်ပြီး ယိမ်းအကပြိုင်ပွဲကျင်းပရေး ကော်မတီအနေဖြင့် ကိုယ်ပိုင်စာသား/ ကိုယ်ပိုင်အဆို/ ကိုယ်ပိုင်အတီးဖြင့်လည်းကောင်း၊ ကိုယ်ပိုင်စာသား/ စီဒီဖြင့် လည်းကောင်း၊ စီဒီတေးသီချင်းဖြင့်လည်းကောင်း ပြိုင်ပွဲအမျိုးအစားသုံးမျိုးဖြင့် ကျင်းပပြုလုပ်သွား မည်ဖြစ်ပြီးဆုများကိုလည်း ကချင်ပြည်နယ်အစိုးရအဖွဲ့က ထိုက်တန်စွာချီးမြှင့်သွားမည်ဖြစ်ကြောင်း သိရသည်။

ပြည်နယ်(ပြန်/ဆက်)

moi

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

မြစ်ကြီးနားမြို့၌ ၂၀၂၆ ခုနှစ် မြန်မာ့ရိုးရာယဉ်ကျေးမှုမဟာသင်္ကြန်ပွဲတော် စည်ကားသိုက်မြိုက်စွာကျင်းပနိုင်ရေး ယိမ်းအဖွဲ့များ လေ့ကျင့်ပြင်ဆင်လျက်ရှိ
မြစ်ကြီးနားမြို့၌ ၂၀၂၆ ခုနှစ် မြန်မာ့ရိုးရာယဉ်ကျေးမှုမဟာသင်္ကြန်ပွဲတော် စည်ကားသိုက်မြိုက်စွာကျင်းပနိုင်ရေး ယိမ်းအဖွဲ့များ လေ့ကျင့်ပြင်ဆင်လျက်ရှိ
မြစ်ကြီးနား ဧပြီ ၅(မြန်မာသက္ကရာဇ် ၁၃၈၇ ခုနှစ်) ၂၀၂၆ ခုနှစ် မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို ကချင်ပြည်နယ်၏ မြို့တော်မြစ်ကြီးနားမြို့၌ မိရိုးဖလာ ယဉ်ကျေးမှုနှင့်အညီ တစ်မူထူးခြား စည်ကားသိုက်မြိုက်စွာ ကျင်းပပြုလုပ်နိုင်ရေး စီစဉ်ဆောင်ရွက်လျက်ရှိသည့်အပြင် ဗဟိုမဏ္ဍပ်၌ ယိမ်းအကပြိုင်ပွဲများဖြင့် ထည့်သွင်းကျင်းပနိုင်ရေး စီမံဆောင်ရွက်လျက်ရှိကြောင်း မဟာသင်္ကြန်ပွဲတော်ဖြစ်မြောက်ရေးကော်မတီထံမှ သိရသည်။သို့ဖြစ်ပါ၍ ဗဟိုမဏ္ဍပ်တွင် ယိမ်းအကဖြင့် ပါဝင်ယှဉ်ပြိုင်သွားမည့် ပြိုင်ပွဲဝင်ယိမ်းအဖွဲ့များအနေဖြင့် သက်ဆိုင်ရာနေရာအသီးသီး၌ ယိမ်းအကလေ့ကျင့် ပြင်ဆင်ဆောင်ရွက်လျက်ရှိရာ ကချင်ပြည်နယ် အစိုးရအဖွဲ့ယိမ်းအဖွဲ့နှင့် အထွေထွေအုပ်ချုပ်ရေးဦးစီးဌာန ယိမ်းအဖွဲ့တို့က ပြည်နယ်အစိုးရအဖွဲ့ရုံး၌ လေ့ကျင့်လျက်ရှိပြီး စည်ပင်သာယာရေးအဖွဲ့အနေဖြင့် မြို့တော်ခန်းမ၌ လေ့ကျင့်ပြင်ဆင်လျက်ရှိသည်။ယင်းသို့ ယိမ်းအဖွဲ့များ လေ့ကျင့်ပြင်ဆင်နေမှုများနှင့်စပ်လျဉ်း၍ ပြည်နယ်အစိုးရအဖွဲ့ ကိုယ်စားပြုယိမ်းအဖွဲ့အနေဖြင့် ကိုယ်ပိုင်သံစဉ်/ ကိုယ်ပိုင်စာသား/ ဆိုင်းဝိုင်းနှင့် ယှဉ်ပြိုင်သွားမည်ဖြစ်ပြီး ပြည်နယ်အထွေထွေအုပ်ချုပ်ရေးဦးစီးဌာနရုံး ယိမ်းအဖွဲ့အနေဖြင့် စီဒီတေးသီချင်းဖြင့် ဝင်ရောက်ယှဉ်ပြိုင်သွားမည်ဖြစ်သည့်အပြင် စည်ပင်သာယာရေးအဖွဲ့ ကိုယ်စားပြုယိမ်းအနေဖြင့် ဗဟိုမဏ္ဍပ်ယိမ်းအကပြိုင်ပွဲတွင် ကိုယ်ပိုင်သံစဉ်/ ကိုယ်ပိုင်စာသား/ တီးဝိုင်းနှင့် ဝင်ရောက်ယှဉ်ပြိုင်သွားမည်ဖြစ်ကြောင်း ယိမ်းအဖွဲ့များ၏ အုပ်ချုပ်သူများထံမှ သိရသည်။အဆိုပါ ဗဟိုမဏ္ဍပ် ယိမ်းအကအလှပြိုင်ပွဲကို ပြည်နယ်အစိုးရအဖွဲ့အပါအဝင် ဝန်ကြီးဌာနအသီးသီး ကိုယ်စားပြုယိမ်းအဖွဲ့များ၊ မြောက်ပိုင်းတိုင်းစစ်ဌာနချုပ်ကိုယ်စားပြုယိမ်းအဖွဲ့နှင့် မြို့ပေါ်ရပ်ကွက်များမှ ယိမ်းအဖွဲ့များက ပါဝင်ယှဉ်ပြိုင်မည်ဖြစ်ပြီး ယိမ်းအကပြိုင်ပွဲကျင်းပရေး ကော်မတီအနေဖြင့် ကိုယ်ပိုင်စာသား/ ကိုယ်ပိုင်အဆို/ ကိုယ်ပိုင်အတီးဖြင့်လည်းကောင်း၊ ကိုယ်ပိုင်စာသား/ စီဒီဖြင့် လည်းကောင်း၊ စီဒီတေးသီချင်းဖြင့်လည်းကောင်း ပြိုင်ပွဲအမျိုးအစားသုံးမျိုးဖြင့် ကျင်းပပြုလုပ်သွား မည်ဖြစ်ပြီးဆုများကိုလည်း ကချင်ပြည်နယ်အစိုးရအဖွဲ့က ထိုက်တန်စွာချီးမြှင့်သွားမည်ဖြစ်ကြောင်း သိရသည်။ပြည်နယ်(ပြန်/ဆက်)moi
Mon, 6-Apr-2026
အမေရိကန်တိုက်လေယာဉ်တစ်စင်းကို အီရန်ပစ်ချ ကယ်ဆယ်ရေး လုပ်ဆောင်သည့် ရဟတ်ယာဉ်နှစ်စင်းအား ထပ်မံတိုက်ခိုက်
အမေရိကန်တိုက်လေယာဉ်တစ်စင်းကို အီရန်ပစ်ချ ကယ်ဆယ်ရေး လုပ်ဆောင်သည့် ရဟတ်ယာဉ်နှစ်စင်းအား ထပ်မံတိုက်ခိုက်
     အီရန်တပ်မတော်သည် ၎င်းတို့၏ နိုင်ငံပိုင်နက်အတွင်း အမေရိကန်တို့၏ F-35 တိုက်လေယာဉ်တစ်စင်းကို ပစ်ချနိုင်ခဲ့ကြောင်း တက်စနင်သတင်းဌာန အပါအဝင် ဒေသတွင်းသတင်းမီဒီယာများက ဖော်ပြသည်။အမေရိကန်တိုက်လေယာဉ်ပျက်ကျသည့် နေရာဟုယူဆရသောနေရာမှ ဓာတ်ပုံများနှင့် ဗီဒီယိုဖိုင်များ ထွက်ပေါ်လာခဲ့ရာ ယင်းနေရာတွင် လေယာဉ်အပျက်အစီးများနှင့် လေယာဉ်မှူး ထိုင်ခုံတို့ပါဝင်သည်။ ထို့ပြင် ဓာတ်ပုံများအနက်တွင် ဥရောပရှိ အမေရိကန်လေတပ်မတော်ဟု ရေးသားထားသော   အမှတ်အသားပါဝင်သည့် လေယာဉ်အမြီးပိုင်းနှင့်  အခြားအစိတ်အပိုင်းများကို တွေ့ရှိရကြောင်းသိရသည်။သို့သော်လည်း ပျက်ကျသွားသည့်လေယာဉ်မှာ F-15 အမျိုးအစားဖြစ်ကြောင်း အမေရိကန်အရာရှိများက အတည်ပြုခဲ့ပြီး လေယာဉ်မှူးတစ်ဦးကို ကယ်ဆယ်နိုင်ခဲ့ကြောင်း ထုတ်ပြန်ထားသည်။ဗြိတိန်နိုင်ငံထုတ် ဂါဒီးယန်းသတင်းစာ၏ ဖော်ပြချက်အရ အဆိုပါပျက်ကျခဲ့သည့်လေယာဉ်မှာ ဗြိတိန်နိုင်ငံ လေကင်ဟိသ်ဒေသရှိ   ဗြိတိန်တော်ဝင်လေတပ်ဖွဲ့၏ အခြေစိုက်စခန်းတွင်အခြေပြုသည့် အမှတ် ၄၉၄ အမေရိကန်လေယာဉ်အုပ်မှ လေယာဉ် တစ်စင်းဖြစ်နိုင်ကြောင်း ဖော်ပြထားသည်။ထို့ပြင်  ပျက်ကျသွားသော  တိုက်လေယာဉ်မှာ F-35 အမျိုးအစားမဟုတ်ဘဲ F-15 အမျိုးအစား တိုက်လေယာဉ်ဖြစ်ကြောင်း လေယာဉ်ပေါ်တွင်လိုက်ပါသွားသည့် လေယာဉ်မှူးနှစ်ဦးအနက် တစ်ဦးကို ကယ်ဆယ်နိုင်ခဲ့ပြီး   ကျန်တစ်ဦးကို ကယ်ဆယ်နိုင်ရန်အတွက် ဆက်လက်ရှာဖွေ နေသည့်  ကယ်ဆယ်ရေးရဟတ်ယာဉ်နှစ်စင်းအား အီရန်တပ်မတော်က ပစ်ခတ်တိုက်ခိုက်ခဲ့သည်ဟု NBC သတင်းဌာနက ဖော်ပြထားသည်။အဆိုပါကယ်ဆယ်ရေးရဟတ်ယာဉ်များသည် အီရန်နိုင်ငံအတွင်း ပျက်ကျခဲ့သည့် F-15 တိုက် လေယာဉ်မှလေယာဉ်မှူးတစ်ဦးကို ရှာဖွေနေစဉ်အတွင်း ပစ်ခတ်ခံခဲ့ရခြင်းဖြစ်သည်။ကယ်ဆယ်ရေး ရဟတ်ယာဉ်များ ပစ်ခတ်ခံခဲ့ရသော်လည်း ရဟတ်ယာဉ်နှစ်စင်းလုံးသည်  စခန်းသို့ ဘေးကင်းစွာ ပြန်လည်ရောက်ရှိခဲ့ကြောင်း၊ သို့သော် အီရန်၏ပစ်ခတ်မှုကြောင့် ရဟတ်ယာဉ်ပေါ်တွင် လိုက်ပါလာသည့် အမေရိကန်တပ်ဖွဲ့ဝင်အချို့ ထိခိုက်ဒဏ်ရာများ ရရှိခဲ့ကြောင်း   အမေရိကန်အရာရှိများက အတည်ပြုထားသည်။ MWD
Sun, 5-Apr-2026
ဇီလန်စကီးက ကားလက်စ်ကို ခရစ်ယာန်ဘာသာအခြေပြု ဆုတံဆိပ် ချီးမြှင့်ခြင်းမှာ 'စေတန်ဝါဒ' သာဖြစ်ကြောင်း မော်စကိုက ဝေဖန်
ဇီလန်စကီးက ကားလက်စ်ကို ခရစ်ယာန်ဘာသာအခြေပြု ဆုတံဆိပ် ချီးမြှင့်ခြင်းမှာ 'စေတန်ဝါဒ' သာဖြစ်ကြောင်း မော်စကိုက ဝေဖန်
အီးယူ နိုင်ငံခြားရေးမူဝါဒအကြီးအကဲ ကာဂျာ ကားလက်စ် (Kaja Kallas) သည် စစ်ပွဲကို ရှည်ကြာစေရန် အားပေးခြင်း၊ အတင်းအဓမ္မ စစ်သားစုဆောင်းခြင်းနှင့် ယူကရိန်း၏ အကြီးဆုံး ခရစ်ယာန်ဂိုဏ်းခွဲအပေါ်နှိမ်နင်းမှုများကို ထောက်ခံခြင်းတို့ကြောင့် ထင်ရှားသော ယူကရိန်း ဆုတံဆိပ်တစ်ခုကို လက်ခံရရှိခဲ့ကြောင်း ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာရီယာ ဇာခါရိုဗာ (Maria Zakharova) က ပြောကြား လိုက်သည်။ယခုသီတင်းပတ်အစောပိုင်းတွင် ဇီလန်စကီးသည် ရုရှားဆန့်ကျင်ရေး ဝါဒီတစ်ဦးအဖြစ် လူသိများသော ကားလက်စ်အား Order of Princess Olga ဆုတံဆိပ်ကို အပ်နှင်းခဲ့ပြီး ယူကရိန်းအတွက် အီးယူ၏ ထောက်ပံ့ကူညီမှုများကို ဆွေးနွေးခဲ့ကြသည်။ကီဗန် ရုစ် (Kievan Rus) ၏ မင်းသမီး အော်လ်ဂါ (Olga) သည် ထိုဒေသ၏ ပထမဆုံးသော ခရစ်ယာန်ဘုရင်မဖြစ်ပြီး ၁၀ ရာစုတွင် ဘိုင်ဇန်တိုင်း (Byzantium) နှင့် ဆက်သွယ်မှုထူထောင်ကာ ၎င်း၏မြေးတော် မင်းသား ဗလာဒီမာ (Vladimir) လက်ထက် အေဒီ ၉၈၈ တွင် ရုစ်ပြည်သူများ အစုလိုက်အပြုံလိုက် ခရစ်ယာန်ဘာသာသို့ ကူးပြောင်းနိုင်ရန် လမ်းခင်းပေးခဲ့သူဖြစ်သည်။ကားလက်စ်က ၎င်းအနေဖြင့် ယခုဆုအတွက် ဂုဏ်ယူကြောင်း ပြောကြားခဲ့ပြီး "ရုရှားရဲ့ ကျူးကျော်စစ်စတင်ကတည်းက ယူကရိန်းအရေးဟာ ကျွန်မရဲ့စိတ်ထဲမှာ နေ့တိုင်းရှိနေခဲ့တာပါ" ဟု ဖြည့်စွက်ပြောဆိုခဲ့သည်။ သို့သော်လည်း ယူကရိန်းအတွက် အီးယူ၏ ယူရို ၉၀ ဘီလီယံ ချေးငွေနှင့်ပတ်သက်၍မူ ထူးခြားသည့်သတင်းကောင်း မရှိသေးကြောင်း သူမက ဝန်ခံခဲ့သည်။တယ်လီဂရမ်တွင် တင်ထားသော ပို့စ်တစ်ခု၌ ဇာခါရိုဗာက ယင်းဆုပေးပွဲကို လှောင်ပြောင်သရော်ခဲ့ပြီး ကားလက်စ်သည် ယူကရိန်းအတွက် "ထူးချွန်ပြောင်မြောက်သော" အောင်မြင်မှုများရရှိခဲ့သည်ဟု ဆိုခဲ့သည်။ ယင်းအောင်မြင်မှုများထဲတွင် စစ်သားစုဆောင်းမှုကို အရှိန်မြှင့်ရန် တိုက်တွန်းခြင်း၊ အမျိုးသမီးများကို စစ်တပ်အတွင်းသို့ ဆွဲသွင်းခြင်း၊ ကိယက်ဗ်အစိုးရအနေဖြင့် ငြိမ်းချမ်းရေးရယူရန် ကြိုးပမ်းမှုမှန်သမျှကို စွန့်လွှတ်ရန်တောင်းဆိုခြင်းနှင့် ယူကရိန်းနိုင်ငံကို နောက်ဆုံးသော ယူကရိန်းနိုင်ငံသားတစ်ဦးအထိ တိုက်ခိုက်မည့် လက်နက်ကိရိယာတစ်ခု အဖြစ် ပြောင်းလဲပစ်ခြင်းတို့ ပါဝင်သည်ဟု သူမက ပြောကြားခဲ့သည်။ထို့အပြင် ကားလက်စ်သည် အမုန်းတရားများကို လှုံ့ဆော်ခဲ့ပြီး အထိန်းအကွပ်မဲ့သော ငွေကြေးထောက်ပံ့မှုများမှတစ်ဆင့် ယူကရိန်းတွင် ဆိုးရွားနေပြီးဖြစ်သော အကျင့်ပျက်ခြစားမှုကို ပိုမိုဆိုးရွားစေခဲ့သည်ဟု ဇာခါရိုဗာ က ဖြည့်စွက်ပြောဆိုသည်။ ဇာခါရိုဗာက ယခုဆုတံဆိပ်၏ ဘာသာရေး ဆိုင်ရာ အထိမ်းအမှတ်ပုံဖော်မှုကို အထူးပြုထောက်ပြခဲ့ပြီး ယူကရိန်း အပေါ်ထားရှိသော အီးယူ၏ လူသတ်မူဝါဒသည် ခရစ်ယာန် သူတော်စင် တစ်ဦးနှင့် လားလားမျှမသက်ဆိုင်ကြောင်း ငြင်းဆိုခဲ့သည်။"ဘုရားကျောင်းတော်ကို နှိပ်ကွပ်တဲ့ ကိယက်ဗ်အစိုးရရဲ့ မူဝါဒကိုထောက်ခံတဲ့ ကားလက်စ်ဟာ ခရစ်ယာန်မဟုတ်သူတွေရဲ့ လက်ထဲကနေ စိန့်အော်လ်ဂါ (Saint Olga) ဘွဲ့တံဆိပ်ကို လက်ခံရယူခဲ့တယ်၊ ဒါဟာ တကယ့်ကို စေတန်ဝါဒပါပဲ" ဟု သူမက ဆိုသည်။ဇီလန်စကီးအစိုးရသည် ၂၀၂၂ ခုနှစ်တွင် မော်စကိုနှင့် အဆက်အသွယ်အားလုံး ဖြတ်တောက်ခဲ့သော်လည်း ရုရှားနှင့်ဆက်နွှယ်မှုရှိသည်ဟူသော စွပ်စွဲချက်များဖြင့် Ukrainian Orthodox Church (ယူကရိန်း အော်သိုဒေါ့စ် ဘုရားကျောင်းတော်) ကို နှစ်ရှည်လများ နှိပ်ကွပ်ခဲ့သည်။ ယင်းနှိမ်နင်းမှု များတွင် ဘုန်းကြီးကျောင်းများကို ဝင်ရောက်စီးနင်းခြင်း၊ ပူးပေါင်းကြံစည်မှုစွဲချက်များဖြင့် ရာဇဝတ်မှုပေါင်းများစွာအမှုဖွင့်ခြင်းနှင့် ပိုင်ဆိုင်မှုများကို သိမ်းဆည်းခြင်းတို့ ပါဝင်သည်။ ကိယက်ဗ်အစိုးရသည် ရုရှား အော်သိုဒေါ့စ် အသင်းတော်က ဂိုဏ်းခွဲအဖြစ် သတ်မှတ်ထားသောပြိုင်ဘက် Orthodox Church of Ukraine ကိုသာ ထောက်ခံအားပေးခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sun, 5-Apr-2026
ချစ်ကြည်ရေးခရီးလည်ပတ်ရန် ရောက်ရှိနေသည့် ထိုင်းဘုရင့်ရေတပ်မှ စစ်ရေယာဉ်ပြန်လည်ထွက်ခွာ
ချစ်ကြည်ရေးခရီးလည်ပတ်ရန် ရောက်ရှိနေသည့် ထိုင်းဘုရင့်ရေတပ်မှ စစ်ရေယာဉ်ပြန်လည်ထွက်ခွာ
နေပြည်တော် ဧပြီ ၄ပြည်ထောင်စုသမ္မတ မြန်မာနိုင်ငံတော်သို့ ချစ်ကြည်ရေးခရီးအလည် အပတ်ရောက်ရှိနေသည့် ထိုင်းဘုရင့်ရေတပ်မှ စစ်ရေယာဉ် HTMS Kraburi(FFG-457)သည် ယနေ့ညနေပိုင်းတွင် ရန်ကုန်မြို့ သီလဝါဆိပ်ကမ်းမှ ပြန်လည်ထွက်ခွာရာ တပ်မတော်(ရေ)မှ အရာရှိကြီးများ၊ အရာရှိ၊ စစ်သည် များနှင့် မြန်မာနိုင်ငံဆိုင်ရာ ထိုင်းရေတပ်စစ်သံမှူးတို့က ပို့ဆောင်နှုတ်ဆက်ကြသည်။အဆိုပါ စစ်ရေယာဉ်အား အဖွဲ့ခေါင်းဆောင်ဖြစ်သူ ထိုင်းဘုရင့်ရေတပ် 3rd Naval Area Command မှ Captain Nat-thawat Wichakul ဦးဆောင်၍ ချစ်ကြည်ရေး ခရီးရောက်ရှိလာခြင်းဖြစ်ပြီး မတ် ၃၁ ရက်မှ ယနေ့ထိ ငါးရက်ကြာခရီးစဉ်အတွင်း ရန်ကုန်မြို့ရှိ အထင်ကရနေရာများသို့ လေ့လာရေးခရီးသွားရောက်ခြင်းနှင့် နှစ်နိုင်ငံရေတပ်ချစ်ကြည်ရေး အားကစားပြိုင်ပွဲများ ပြုလုပ်ခဲ့ကြကြောင်း သတင်းရရှိသည်။         moi
Sun, 5-Apr-2026
နယ်စပ်ဖြတ်ကျော် မီးခိုးမြူငွေ့ညစ်ညမ်းမှုနှင့်စပ်လျဉ်း၍ သတင်းထုတ်ပြန်ချက်
နယ်စပ်ဖြတ်ကျော် မီးခိုးမြူငွေ့ညစ်ညမ်းမှုနှင့်စပ်လျဉ်း၍ သတင်းထုတ်ပြန်ချက်
၁။      နယ်စပ်ဖြတ်ကျော်မီးခိုးမြူငွေ့ ဖြစ်ပေါ်နိုင်သည့် အခြေအနေများနှင့် စပ်လျဉ်း၍ စင်ကာပူနိုင်ငံအခြေစိုက် အာဆီယံမိုးလေဝသစောင့်ကြည့်လေ့လာရေးဗဟိုဌာန (ASEAN Specialized Meteoro-logical Center - ASMC) မှ ထုတ်ပြန်ချက်များအရ-(က) မြန်မာနိုင်ငံအပါအဝင် အာဆီယံမြောက်ပိုင်းဒေသဖြစ်သည့် မဲခေါင်ဒေသခွဲနိုင်ငံများတွင် ၂၀၂၆ ခုနှစ်၊ မတ်လ ၂၇ ရက်နေ့မှစ၍ Fire Hotspot နှင့် မီးခိုးမြူငွေ့ဖြစ်ပေါ်မှု သတိပေးချက်အဆင့် (၃) (Alert Level 3) အခြေအနေသို့ စတင်ရောက်ရှိပြီဖြစ်ပါကြောင်း၊(ခ) မဲခေါင်ဒေသတွင် ခြောက်သွေ့ရာသီဥတု ဆက်လက်ဖြစ်ပေါ်နေပြီး Fire Hotspot နှင့် မီးခိုးမြူငွေ့ဖြစ်ပေါ်မှု အခြေအနေသည် ပိုမိုများပြားလာနိုင်ပါကြောင်း၊(ဂ) NOAA-20 ဂြိုဟ်တုမှ စောင့်ကြည့်လေ့လာမှုအရ ၂၀၂၆ ခုနှစ်၊ မတ်လ ၂၅ ရက်နေ့နှင့် ၂၆ ရက်နေ့များတွင် မဲခေါင်ဒေသအတွင်း Fire Hotspot ၂၈၀၆ ခုနှင့် ၃၁၃၉ ခု ဖြစ်ပေါ်ခဲ့သည်ကို တွေ့ရှိပြီး မြန်မာနိုင်ငံနှင့် လာအို နိုင်ငံတို့တွင် နေရာအနှံ့အပြား၌ တွေ့ရှိရပါကြောင်း၊(ဃ) မဲခေါင်ဒေသခွဲတွင် အလယ်အလတ်မှ သိပ်သည်းသည့် မီးခိုးမြူငွေ့ ဖြစ်ပေါ်မှုများကို လေ့လာတွေ့ရှိခဲ့ပါကြောင်း၊(င) လာမည့်သီတင်းပတ်များအတွင်း မဲခေါင်ဒေသခွဲ၏ နေရာအများစုတွင် မိုးခေါင်သော အခြေအနေများ ဆက်လက်တည်ရှိမည်ဟု ခန့်မှန်းထားပြီး လေတိုက်ခတ်မှုများသည် အများအားဖြင့် တောင်ဘက် သို့မဟုတ် အနောက်တောင်ဘက်မှ တိုက်ခတ်မည်ဟု ခန့်မှန်းထားပါကြောင်း၊ Fire Hotspot များနှင့် မီးခိုးမြူငွေ့ဖြစ်ပေါ်မှုလည်း ပိုမိုဆိုးရွားလာနိုင်ပြီး မဲခေါင်ဒေသအတွင်း နယ်စပ်ဖြတ်ကျော်မီးခိုးမြူငွေ့ဖြစ်ပေါ်မှုအန္တရာယ်မှာ ပိုမိုမြင့်တက်လာနိုင်ပါကြောင်း ခန့်မှန်းထားပါသည်။၂။ မြန်မာနိုင်ငံသည် နယ်စပ်ဖြတ်ကျော် မီးခိုးမြူငွေ့ညစ်ညမ်းမှု ထိန်းချုပ်ရေးဆိုင်ရာ အာဆီယံသဘောတူညီချက် (ASEAN Agree-ment on Transboundary Haze Pollution-AATHP) တွင် ၂၀၀၃ ခုနှစ်၌ အဖွဲ့ဝင်နိုင်ငံအဖြစ် ပါဝင်ဆောင်ရွက်လျက်ရှိပြီး အဆိုပါသဘော တူညီချက်အရ ၂၀၃၀ ပြည့်နှစ်တွင် မီးခိုးမြူငွေ့ကင်းစင်သောအာဆီယံဖြစ်စေရေး မျှော်မှန်းချက်ဖြင့် နယ်စပ်ဖြတ်ကျော် မီးခိုးမြူငွေ့ညစ်ညမ်း မှုထိန်းချုပ်ရေးဆိုင်ရာ အာဆီယံပူးပေါင်းဆောင်ရွက်ရေးလမ်းပြမြေပုံ (၂၀၂၃-၂၀၃၀) ကိုလည်းကောင်း၊ မဲခေါင်ဒေသခွဲနိုင်ငံများအတွက် Fire Hotspot ဖြစ်ပေါ်မှုလျှော့ချရမည့် အညွှန်းကိန်းများသတ်မှတ်၍ ၂၀၁၇ ချင်းရိုင်လုပ်ငန်းစီမံချက်ကိုလည်းကောင်း ချမှတ်အကောင် အထည်ဖော်ဆောင်ရွက်လျက်ရှိပါသည်။၃။ ၂၀၂၃ ခုနှစ် ဧပြီလ ၇ ရက်နေ့၌ လာအိုနိုင်ငံ၊ မြန်မာနိုင်ငံနှင့် ထိုင်းနိုင်ငံတို့၏ ခေါင်းဆောင်များအကြား ဆွေးနွေးခဲ့သည့် နယ်စပ်ဖြတ်ကျော် မီးခိုးမြူငွေ့ ညစ်ညမ်းမှုဆိုင်ရာ (၃) နိုင်ငံညှိနှိုင်းဆွေးနွေးပွဲ၏ ရည်မှန်းချက်များနှင့် ရည်ရွယ်ချက်များကို အကောင်အထည်ဖော် ရန်အတွက် လာအိုနိုင်ငံ၊ မြန်မာနိုင်ငံနှင့် ထိုင်းနိုင်ငံတို့ပူးပေါင်း၍ နယ်စပ်ဖြတ်ကျော်မီးခိုးမြူငွေ့ညစ်ညမ်းမှုထိန်းချုပ်ရေးဆိုင်ရာ ပူးတွဲ လုပ်ငန်းစီမံချက် (Joint Plan of Action - CLEAR Sky Strategy) ကို ချမှတ်အကောင်အထည်ဖော်ဆောင်ရွက်လျက်ရှိပါသည်။၄။ မြန်မာနိုင်ငံတွင် Fire Hotspot ဖြစ်ပေါ်မှု လျှော့ချရေးနှင့် မီးခိုးမြူငွေ့ ညစ်ညမ်းမှုထိန်းချုပ်ရေးအတွက် နိုင်ငံအဆင့်အနေဖြင့် ပတ်ဝန်းကျင်ထိန်းသိမ်းရေးကော်မတီ၊ မြန်မာ-ထိုင်း နယ်နိမိတ်ဖြတ်ကျော် မီးခိုးမြူငွေ့လေထုညစ်ညမ်းမှု တားဆီးကာကွယ်ရေးဆိုင်ရာ ပူးပေါင်းဖြေရှင်းဆောင်ရွက်ရေးကော်မတီ၊ တိုင်းဒေသကြီး/ ပြည်နယ်တို့တွင် လုပ်ငန်းအဖွဲ့များကို အဆင့်အလိုက်ဖွဲ့စည်းပြီး မီးခိုးမြူငွေ့လေထုညစ်ညမ်းမှုထိန်းချုပ်ရေးလုပ်ငန်းများကို အကောင်အထည်ဖော် ဆောင်ရွက်လျက်ရှိပါသည်။၅။ ၂၀၂၅ ခုနှစ်မှစတင်၍ အထွေထွေအုပ်ချုပ်ရေးဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနနှင့် ဆက်စပ်ဌာနများပါဝင်သည့် မြေပြင်ကွင်းဆင်းစစ်ဆေးရေးအဖွဲ့များကို ခရိုင်အဆင့် (၈၅) ဖွဲ့၊ မြို့နယ်အဆင့် (၂၂၀) ဖွဲ့ ဖွဲ့စည်းကာ Fire Hotspot များကို မြေပြင်တွင် ဖြစ်ပေါ်မှုရှိ/မရှိ စစ်ဆေးပြီး မီးလောင်မှုဖြစ်ပေါ်သည့် နေရာများတွင် ဒေသခံပြည်သူများအား အသိပညာပေးခြင်း၊ Fire Hotspot အခြေ အနေများအား စောင့်ကြည့်လေ့လာခြင်း၊ ဝန်းကျင်လေထုအရည် အသွေး စောင့်ကြည့်တိုင်းတာခြင်း၊ ဟောပြောပွဲများကျင်းပခြင်း၊ လက်ကမ်းစာစောင်များ ဖြန့်ဝေခြင်း၊ လူမှုကွန်ရက်စာမျက်နှာများမှ တစ်ဆင့် Talk Show များကျင်းပခြင်း စသည်တို့ကို ဆောင်ရွက်လျက် ရှိပါသည်။၆။ မြန်မာနိုင်ငံ၊ ထိုင်းနိုင်ငံနှင့် လာအိုနိုင်ငံတို့၏ နယ်နိမိတ်တစ်လျှောက်တွင် လက်ရှိဖြစ်ပေါ်လျက်ရှိသော နယ်စပ်ဖြတ်ကျော် မီးခိုးမြူငွေ့ညစ်ညမ်းမှုကို ဖြေရှင်းဆောင်ရွက်နိုင်ရေးအတွက် မြန်မာနိုင်ငံအနေဖြင့် ထိုင်းနိုင်ငံ၊ လာအိုနိုင်ငံတို့နှင့် ပူးပေါင်းဆောင်ရွက်သွားမည် ဖြစ်ပါသည်။၇။ ပြည်သူများအနေဖြင့်လည်း စွန့်ပစ်အမှိုက်များကို မီးရှို့ခြင်း မပြုလုပ်ပဲ မီးခိုးမြူငွေ့ညစ်ညမ်းမှု ထိန်းချုပ်ရေးကဏ္ဍတွင် ဝိုင်းဝန်း ပူးပေါင်းဆောင်ရွက်ပေးကြပါရန် တိုက်တွန်းနှိုးဆော်အပ်ပါသည်။မြန်မာ-ထိုင်း နယ်နိမိတ်ဖြတ်ကျော် မီးခိုးမြူငွေ့လေထုညစ်ညမ်းမှုတားဆီးကာကွယ်ရေးဆိုင်ရာ ပူးပေါင်းဖြေရှင်း ဆောင်ရွက်ရေးကော်မတီmoi
Sun, 5-Apr-2026
ပြည်သူ့လွှတ်တော် ဒုတိယဥက္ကဋ္ဌ ဦးမောင်မောင်အုန်း နေပြည်တော်ရင်ပြင်၌ လမ်းလျှောက်သင်္ကြန်ကျင်းပနိုင်ရေး ကြိုတင်ပြင်ဆင်မှုများ ကြည့်ရှုစစ်ဆေး
ပြည်သူ့လွှတ်တော် ဒုတိယဥက္ကဋ္ဌ ဦးမောင်မောင်အုန်း နေပြည်တော်ရင်ပြင်၌ လမ်းလျှောက်သင်္ကြန်ကျင်းပနိုင်ရေး ကြိုတင်ပြင်ဆင်မှုများ ကြည့်ရှုစစ်ဆေး
နေပြည်တော် ဧပြီ ၄ယခုနှစ်ကျင်းပမည့် မဟာသင်္ကြန်ပွဲတော်သည် သာမန်ပျော်ပွဲရွှင်ပွဲ တစ်ခုထက်ပို၍ နိုင်ငံတော်အစိုးရ၊ လွှတ်တော်ကိုယ်စားလှယ်များ၊ ဝန်ထမ်းများ၊ ပြည်သူများအားလုံး ပူးပေါင်းပြီး စိတ်သစ်၊ လူသစ်၊ နိုင်ငံရေးအခင်းအကျင်းသစ်များဖြင့် အတူတကွပျော်ရွှင်စွာ ဆင်နွှဲနိုင်ရန်၊ အနှစ်သာရရှိသည့် မြန်မာ့ရိုးရာပွဲတော်တစ်ခုဖြစ်စေရန် ရည်ရွယ်ကျင်းပသွားမည်ဖြစ်ရာ ပြည်သူ့လွှတ်တော်ဒုတိယဥက္ကဋ္ဌဦးမောင်မောင်အုန်းသည် တာဝန်ရှိသူများနှင့်အတူ ယနေ့တွင် နေပြည်တော်ရင်ပြင်၌ လမ်းလျှောက်သင်္ကြန်ကျင်းပနိုင်ရေး ကြိုတင်ပြင်ဆင်မှုများကို သွားရောက်ကြည့်ရှု စစ်ဆေးသည်။ပြည်သူ့လွှတ်တော် ဒုတိယဥက္ကဋ္ဌနှင့်အဖွဲ့သည် နေပြည်တော်ရင်ပြင်၌ လမ်းလျှောက်သင်္ကြန် မုခ်ဦးတည်ဆောက်နေမှု၊ ဖွင့်ပွဲအခမ်းအနားကျင်းပနိုင်ရေး စီမံဆောင်ရွက်နေမှု၊ ဖွင့်ပွဲအခမ်းအနားတွင် ယိမ်းအဖွဲ့များ သီဆိုကပြဖျော်ဖြေတင်ဆက်နိုင်ရေး ဆောင်ရွက်ထားရှိမှု၊ မြန်မာ့ရိုးရာသနပ်ခါးနှင့် လက်ဖက်ပွဲတော်မဏ္ဍပ်နှင့် ထမနဲမဏ္ဍပ် တည်ဆောက်နေမှု၊ ဝန်ကြီးဌာနများအလိုက် မဟာသင်္ကြန်မဏ္ဍပ်များ တည်ဆောက်နေမှု၊ စတုဒိသာကျွေးမွေးနိုင်ရန် ပြင်ဆင်ဆောင်ရွက်နေမှု၊ လမ်းလျှောက်သင်္ကြန်ကျင်းပမည့် ဧရိယာအတွင်း မီးဘေးအန္တရာယ်မဖြစ်ပေါ်စေရေးနှင့် ရေပြတ်တောက်မှုမရှိစေရေးစီမံဆောင်ရွက်နေမှု၊ လမ်းလျှောက်သင်္ကြန်လာ ရောက်လည်ပတ်ကြသည့် ပြည်သူများအား ကျန်းမာရေးစောင့်ရှောက်မှုပေးနိုင်ရေး စီမံဆောင်ရွက်မှုတို့ကို ကြည့်ရှုစစ်ဆေးပြီး ကော်မတီအသီးသီးအနေဖြင့် မိမိတို့ ဆောင်ရွက်ရမည့် လုပ်ငန်းများအလိုက် အချိန်မီပြီးစီးစေရေးပူးပေါင်းဆောင်ရွက်သွားကြရန် မှာကြားသည်။ နေပြည်တော်ရင်ပြင်၌ ကျင်းပမည့် လမ်းလျှောက်သင်္ကြန်တွင် ပြည်တွင်းမှ နိုင်ငံကျော်အနုပညာရှင်များဖြစ်သည့် အကယ်ဒမီများရှင် ရန်အောင်၊ ထပ်ဆင့်အကယ်ဒမီရဲအောင်၊ အကယ်ဒမီနေအောင်၊ အကယ်ဒမီများရှင် စိုးမြတ်သူဇာနှင့် စည်သူလွင်၊ ဖိုးကာ၊ ဖြိုးကြီး၊ ဂျီလတ်၊ နောနော်၊ ဝေလ၊ လွှမ်းပိုင်၊ ရွှေထူး၊ G Fatt ၊ ဝန၊ ဇွဲထက်၊ Project K အဖွဲ့၊ မေခလာ၊ ကော်နီ၊ ထွန်းအိန္ဒြာဗိုလ်၊ ချောစုခင်၊ ဆုန် သင်းပါရ်၊ နန်းစုရတီစိုး၊ ရတနာ မိုင်၊ Bobby Soxer ၊ ယွန်းမြတ် သူ၊ အယွန်းတို့က Mercury IX Music Band ၊ New Paper Music Band တို့နှင့် တွဲဖက်၍ ပြည်သူအကြိုက် တေးသီချင်းများဖြင့် ရက်အလိုက် ပါဝင်သီဆိုဖျော်ဖြေ သွားကြမည်ဖြစ်ပြီး လာရောက် လည်ပတ်ကြမည့် ပြည်သူများအား ရွှေသံလွင်မိသားစုက စတုဒိသာ အကျွေးအမွေးများဖြင့်လည်း ဧည့်ခံသွားမည်ဖြစ်ကြောင်း သိရသည်။ ၂၀၂၆ ခုနှစ် (၁၃၈၇ ခုနှစ်) သင်္ကြန်တွင် နိုင်ငံတစ်ဝန်း၌ လမ်းလျှောက်သင်္ကြန်ပွဲတော်များကို ဦးစားပေးဆောင်ရွက်သွားမည်ဖြစ်ပြီး အလှပြယာဉ်များ၊ ရေပက်ခံကားများဖြင့် ရေပက်ကစားခြင်းမပြုလုပ်ကြရန် စီမံထားရှိကြောင်း၊ ယိမ်းအကအဖွဲ့များ ကပြခြင်း၊ စတုဒိသာကျွေးမွေးခြင်း၊ လူကြီးသူမများအား ခေါင်းလျှော်၊ လက်သည်း ညှပ်ပေးခြင်း၊ ဆေးဝါးများ လှူဒါန်းခြင်း၊ ငါးလွှတ်ခြင်း စသည့်မြန်မာ့ရိုးရာ ယဉ်ကျေးမှုအနှစ်သာရမပျက် အလှူဒါနပြုလုပ်ခြင်းများကိုလည်း ဆောင်ရွက်သွားမည်ဖြစ်ကြောင်း သိရှိရသည်။moi
Sun, 5-Apr-2026
© Copyright 2024 SAC All Rights Reserved.