ကျောက်ဆည်မြို့၌ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ဗဟိုရေကစားမဏ္ဍပ်နှင့် လမ်းလျှောက်သင်္ကြန် ဖွင့်ပွဲအခမ်းအနား စည်ကားသိုက်မြိုက်စွာ ကျင်းပ

KookieSpace97 Tue, 04/14/2026 - 20:55

News Image

ကျောက်ဆည်မြို့၌ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ဗဟိုရေကစားမဏ္ဍပ်နှင့် လမ်းလျှောက်သင်္ကြန် ဖွင့်ပွဲအခမ်းအနား စည်ကား သိုက်မြိုက်စွာ ကျင်းပ

ကျောက်ဆည် ဧပြီ ၁၃

မန္တလေးတိုင်းဒေသကြီး၊ ကျောက်ဆည်ခရိုင် ကျောက်ဆည်မြို့တွင် မြန်မာသက္ကရာဇ် ၁၃၈၇ခုနှစ် မြန်မာ့ရိုးရာ ယဉ်ကျေးမှု မဟာသင်္ကြန်ပွဲတော် ဗဟို‌ရေကစားမဏ္ဍပ်နှင့် လမ်းလျှောက်သင်္ကြန်ဖွင့်ပွဲ အခမ်းအနားကို ယနေ့ မွန်းလွဲ ၃ နာရီက ကံဦးရပ်၊ ဒေါ်သိုက်ကြီးကွေ့ ရန်ကုန်-မန္တလေး ကားလမ်း ဗဟိုရေကစားမဏ္ဍပ်၌ ကျင်းပခဲ့သည်။

အခမ်းအနားကို အမျိုးသားလွှတ်တော်ကိုယ်စားလှယ် ဦးခင်မောင်ဝင်း၊ တိုင်းဒေသကြီးလွှတ်တော် ကိုယ်စားလှယ် ဦးစိုးစိုး၊ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးဇော်ဟိန်းအောင်၊ အဖွဲ့ဝင်ဦးအောင်သူ၊ မြို့နယ်စီမံ ခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးထိုက်ထိုက်ဇော်၊ မြို့မိ မြို့ဖ ဦးကျော်ထူးတို့က ဖဲကြိုးဖြတ်ဖွင့်လှစ် ပေးခဲ့ပြီးခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌက နှစ်သစ်ကူး နှုတ်ခွန်းဆက် အမှာစကား ပြောကြား ခဲ့သည်။

ဆက်လက်ပြီး ယိမ်းအကအဖွဲ့များမှ “မြူမှောင်ဝေကင်း” သီချင်းဖြင့် ကပြဖျော်ဖြေခဲ့ကြောင်းနှင့် ကျောက်ဆည် ခရိုင်မြန်မာ့ယဉ်ကျေးမှုမဟာသင်္ကြန်ပွဲတော်တွင် ဌာနဆိုင်ရာများ၊ ရပ်ကွက်၊ကျေးရွာများမှ ယိမ်းအဖွဲ့ ၈ ဖွဲ့၊ ဟိန်းသူ ဆိုင်းအဖွဲ့၊ ခေတ်ပေါ်တေးဂီတ အဖွဲ့များမှ နေ့စဉ် သီဆိုကပြ ဖျော်ဖြေပေးသွားမည်ဖြစ်ပြီး အလှူရှင် များမှ စတုဒီသာများ ကျွေးမွေးသွားမည်ဖြစ်ကြောင်း သိရသည်။

သက်မောင် (ကျောက်ဆည်)

MM-News-Category

လူမှုရေးကဏ္ဍသတင်း

လူမှုရေး-ယဉ်ကျေးမှု

နေပြည်တော်ကောင်စီဥက္ကဋ္ဌ နေပြည်တော်ကောင်စီက ကျင်းပသည့် ဇီဝိတဒါနငါးလွှတ်ပွဲနှင့် သက်ကြီးဘိုးဘွားများ ပူဇော်ကန်တော့ပွဲတက်ရောက်

နေပြည်တော် ဧပြီ ၁၇နေပြည်တော်ကောင်စီက ကြီးမှူးကျင်းပသည့် ဇီဝိတဒါနငါးလွှတ်ပွဲကို ယနေ့နံနက်ပိုင်းတွင် ပြည်ထောင်စုနယ်မြေ နေပြည်တော် ဇမ္ဗူသီရိမြို့နယ်ရှိ မင်္ဂလာကန်၌ ကျင်းပရာ နေပြည်တော်ကောင်စီဥက္ကဋ္ဌ ဦးကံမြင့်သန်းနှင့် ဇနီး၊ နေပြည်တော်ကောင်စီဝင်များနှင့် ၎င်းတို့၏ ဇနီးများ၊ နေပြည်တော် စည်ပင်သာယာရေးကော်မတီဝင်များနှင့် ၎င်းတို့၏ ဇနီးများ၊ နေပြည်တော် ဌာနဆိုင်ရာတာဝန်ရှိသူများ တက်ရောက်ကြသည်။ဦးစွာ နေပြည်တော်ကောင်စီဥက္ကဋ္ဌနှင့် တာဝန်ရှိသူများက သတ်မှတ်ထားသည့်နေရာမှနေ၍ ရွှေဝါငါးကြင်းနှင့် ထိုင်းငါးခုံးမအကောင်ရေ စုစုပေါင်း ၁၈၀၀၀ ကို ကန်ရေပြင်အတွင်းသို့ ဘေးမဲ့လွှတ်လှူကာ ဇီဝိတဒါန ကုသိုလ်ယူကြသည်။ယခုကဲ့သို့ ငါးမျိုးစိုက်ထည့်ခြင်းသည် မြန်မာ့ရိုးရာယဉ်ကျေးမှုအစဉ်အလာနှင့်အညီ သတ္တဝါဝေနေယျတို့ ဘေးမဲ့လုံခြုံရာရရှိစေရန်၊ ကုသိုလ်ကောင်းမှု ပွားများစေရန်နှင့် သဘာဝပတ်ဝန်းကျင် ဂေဟစနစ်ထိန်းသိမ်းရာရောက်သည့်အပြင် မင်္ဂလာကန်အတွင်း ငါးသယံဇာတများ ပိုမိုတိုးပွား လာစေရန် ရည်ရွယ်ဆောင်ရွက်ခြင်းဖြစ်သည်။ဆက်လက်၍ နေပြည်တော်ကောင်စီဥက္ကဋ္ဌသည် နေပြည်တော်ကောင်စီရုံး ဇမ္ဗူသီရိခန်းမ၌ ကျင်းပသည့် သက်ကြီးဘိုးဘွားများအား ပူဇော်ကန်တော့ပွဲသို့ တက်ရောက်သည်။ဦးစွာ နေပြည်တော်ကောင်စီဥက္ကဋ္ဌနှင့်ဇနီး၊ နေပြည်တော်ကောင်စီဝင်များနှင့် ၎င်းတို့၏ ဇနီးများ၊ ဌာနဆိုင်ရာ တာဝန်ရှိသူများက ဘိုးဘွားများထံ ကန်တော့ခံပစ္စည်းများပေးအပ်၍ ကန်တော့ချိုးဖြင့် ကန်တော့ကြရာ ကန်တော့ခံဘိုးဘွားများကိုယ်စား အဘိုးတစ်ဦးက မေတ္တာစကား ပြန်လည် ပြောကြားကာ အခမ်းအနားကို ရုပ်သိမ်းခဲ့သည်။အဆိုပါ သက်ကြီးဘိုးဘွားများ ပူဇော်ကန်တော့ပွဲအခမ်းအနားတွင် နေပြည်တော်အတွင်းရှိ အသက် ၈၅ နှစ်နှင့်အထက် သက်ကြီးဘိုးဘွား ၄၀ အား တစ်ဦးလျှင် ငွေကျပ် တစ်သိန်းနှုန်းနှင့် အာဟာရဖြည့်စားသောက်ဖွယ်ရာများ လှူဒါန်းပေးအပ်ပြီး နေပြည်တော်ကောင်စီဥက္ကဋ္ဌနှင့် တာဝန်ရှိသူများက သက်ကြီးဘိုးဘွားများအား ကျန်းမာရေးစောင့်ရှောက်မှုပေးနေမှုအခြေအနေများကို ကြည့်ရှုအားပေးခဲ့ကြောင်း သိရသည်။အောင်သူရဦး(ဒက္ခိဏ)MDN

Sat, 18-Apr-2026

ယနေ့ကစားမည့်ပွဲတွင် ဖိလစ်ပိုင်အသင်းကို အနိုင်ကစားနိုင်ရုံဖြင့် မြန်မာ ယူ-၁၇ အသင်း ဆီမီးဖိုင်နယ် တက်ရောက်ခွင့်ရမည်

ရန်ကုန် ဧပြီ ၁၇ အင်ဒိုနီးရှားနိုင်ငံက အိမ်ရှင်အဖြစ် လက်ခံကျင်းပလျက်ရှိသည့် ၂၀၂၆ အာဆီယံ ယူ-၁၇ ချန်ပီယံရှစ်ပြိုင်ပွဲ အုပ်စု(B) နောက်ဆုံးနေ့ကို ဧပြီ ၁၈ ရက်တွင် ဆက်လက်ကျင်းပမည်ဖြစ်ပြီး မြန်မာအသင်းသည် ဖိလစ်ပိုင်အသင်းကို အနိုင်ကစားနိုင်ရုံဖြင့် ဆီမီးဖိုင်နယ်တက်ရောက် ခွင့်ရမည်ဖြစ်သည်။ အုပ်စု(B) နောက်ဆုံးနေ့ကို ဧပြီ ၁၈ ရက် မြန်မာစံတော်ချိန် ညနေ ၃ နာရီတွင် တစ်ချိန်တည်းကျင်းပမည်ဖြစ်ပြီး မြန်မာအသင်းနှင့် ဖိလစ်ပိုင်အသင်း၊ လာအိုအသင်းနှင့် ထိုင်းအသင်းတို့ ယှဉ်ပြိုင်ကစားမည် ဖြစ်သည်။ ပြိုင်ပွဲကို အုပ်စုသုံးခုခွဲကျင်းပနေပြီး အုပ်စုတစ်ခုစီက အမှတ်အများဆုံးတစ်သင်းစီနှင့် ဒုတိယနေရာရအသင်းများအနက် အကောင်းဆုံးတစ်သင်း စုစုပေါင်း လေးသင်း ဆီမီးဖိုင်နယ် တက်ရောက်ခွင့်ရမည်ဖြစ်ရာ အုပ်စု (A) နှင့် (C) အနေအထားကြောင့် မြန်မာအသင်းသည် အနိုင်ကစားနိုင်ရုံဖြင့် ရမှတ် ခုနစ်မှတ်ရပြီး ဆီမီးဖိုင်နယ် တက်ရောက်ခွင့်ရမည်ဖြစ်သည်။ အုပ်စု (B) တွင် လာအိုအသင်းနှင့် မြန်မာအသင်းက လေးမှတ်စီ၊ ထိုင်းအသင်းက သုံးမှတ်ရထားပြီး ဖိလစ်ပိုင်အသင်းက နှစ်ပွဲစလုံးရှုံးကာ အုပ်စုမှထွက်ရပြီဖြစ်သည်။ လာအို အသင်းသည် ထိုင်းနှင့် ပွဲကျပ်ကစားရမည်ဖြစ်ပြီး မြန်မာအသင်းသည် ဖိလစ်ပိုင်အသင်းကို ဂိုးပြတ်အနိုင်ကစားနိုင်ပါက အုပ်စုပထမနေရာရယူနိုင်ရန်ပါ အခွင့်အရေးရှိနေသည်။ အုပ်စု (C) ပွဲစဉ်များမှာ ဧပြီ ၁၇ ရက်က ပြီးဆုံးသွားပြီး သြစတြေးလျ အသင်းက ရမှတ် ကိုးမှတ်ဖြင့် အုပ်စုပထမရကာ ဆီမီးဖိုင်နယ်တက်ရောက် သွားပြီဖြစ်ပြီး အုပ်စုဒုတိယနေရာတွင် စင်ကာပူအသင်းက ရမှတ် လေးမှတ်ဖြင့် ရပ်တည်နေသည်။ အုပ်စု (A) တွင်လည်း အုပ်စုဒုတိယရနိုင်သည့်အသင်းက အများဆုံး ခြောက်မှတ်သာရရှိမည်ဖြစ်ရာ မြန်မာအသင်းအနေဖြင့် ဖိလစ်ပိုင် အသင်းကို အနိုင်ကစားနိုင်ရုံဖြင့် ရမှတ်ခုနစ်မှတ်ရရှိမည်ဖြစ်ရာ အကောင်းဆုံး အုပ်စုဒုတိယနေရာရရန် သေချာသွားပြီဖြစ်သည်။ လာအိုအသင်း အနိုင်မရပါက မြန်မာအသင်းအနေဖြင့် အုပ်စုပထမနေရာပင် ရယူနိုင်မည်ဖြစ်သည်။ သတင်း-ကိုညီလေး၊ဓာတ်ပုံ-MFF mdn

Sat, 18-Apr-2026

အက်စ်တွန်ဗီလာနဲ့ နော်တင်ဟမ်ဖောရက်စ်တို့ ယူရိုပါလိဂ်ဆီမီးဖိုင်နယ်တက်လှမ်း

ယူရိုပါလိဂ်ပြိုင်ပွဲ ကွာတားဖိုင်နယ်အဆင့်ပွဲစဉ်တွေကို ဧပြီ ၁၇ ရက် နံနက်ပိုင်းက ယှဉ်ပြိုင်ကစားခဲ့ရာ အက်စ်တွန်ဗီလာအသင်းနဲ့ နော်တင်ဟမ်ဖောရက်စ်အသင်းတို့ဟာ ပြိုင်ဘက်အသင်းအသီးသီးကို အနိုင်ရပြီး ဆီမီးဖိုင်နယ်အဆင့်တက်လှမ်းခွင့်ရရှိခဲ့ပါတယ်။အက်စ်တွန်ဗီလာအသင်းဟာ ယူရိုပါလိဂ်ကွာတားဖိုင်နယ် ဒုတိယ အကျော့ပွဲစဉ်မှာ ဘိုလော့ဂ်နာအသင်းကို လေးဂိုးပြတ်ဖြင့် အနိုင်ရရှိခဲ့တာကြောင့် နှစ်ကျော့ပေါင်းရလဒ် ခုနစ်ဂိုး-တစ်ဂိုးဖြင့် အနိုင်ရပြီး ဆီမီး ဖိုင်နယ်တက်လှမ်းခွင့်ရရှိခဲ့တာ ဖြစ်ပါတယ်။နော်တင်ဟမ်ဖောရက်စ်အသင်းကတော့ ပေါ်တိုအသင်းကို ယူရိုပါလိဂ် ကွာတားဖိုင်နယ်အဆင့် ပထမအကျော့ပွဲစဉ်မှာ တစ်ဖက်တစ်ဂိုးစီသရေ၊ ဒုတိယအကျော့ပွဲစဉ်မှာ တစ်ဂိုး-ဂိုးမရှိ အနိုင်ရရှိခဲ့လို့ နှစ်ကျော့ပေါင်းရလဒ် နှစ်ဂိုး-တစ်ဂိုးဖြင့် အနိုင်ရရှိကာ ဆီမီးဖိုင်နယ်အဆင့်ကို တက်လှမ်းခွင့်ရရှိခဲ့တာ ဖြစ်ပါတယ်။နော်တင်ဟမ်ဖောရက်စ်အသင်းအနေနဲ့ အခုလို ယူရိုပါလိဂ်ဆီမီးဖိုင်နယ် အဆင့်တက်လှမ်းခွင့်ရရှိခဲ့ခြင်းဟာ ၁၉၈၄ ခုနှစ်နောက်ပိုင်း ဥရောပပြိုင်ပွဲ ဆီမီးဖိုင်နယ်အဆင့်ကို ပထမဆုံးအကြိမ်တက်လှမ်းခွင့်ရရှိခဲ့ခြင်းလည်းဖြစ် ပါတယ်။ နော်တင်ဟမ်ဖောရက်စ်အသင်းဟာ ယူရိုပါလိဂ် ဆီမီးဖိုင်နယ်အဆင့် ပွဲစဉ်မှာ ပရီမီယာလိဂ်ကလပ် အက်စ်တွန်ဗီလာအသင်းနဲ့ ယှဉ်ပြိုင်ကစား ရမှာဖြစ်ပါတယ်။အခြားသော ယူရိုပါလိဂ်ကွာတားဖိုင်နယ်အဆင့်ပွဲစဉ်တွေမှာတော့ ဘရာဂါအသင်းနဲ့ ဖရိုင်းဘတ်အသင်းတို့ဟာ ပြိုင်ဘက်အသင်းအသီးသီးကို အနိုင်ရကာ ဆီမီးဖိုင်နယ်အဆင့် တက်လှမ်းခဲ့ပြီး ဒီနှစ်သင်းဟာ ဆီမီးဖိုင်နယ် အဆင့်မှာ ထိပ်တိုက်တွေ့ဆုံနေတာဖြစ်ပါတယ်။ယူရိုပါလိဂ်ပြိုင်ပွဲ ဆီမီးဖိုင်နယ်အဆင့် ပထမအကျော့ပွဲစဉ်တွေကို မေ ၁ ရက်မှာ ယှဉ်ပြိုင်ကစားမှာဖြစ်ပြီး ဒုတိယအကျော့ပွဲစဉ်တွေကို မေ ၈ ရက်မှာ ယှဉ်ပြိုင်ကစားမှာဖြစ်ပါတယ်။ငွေကြယ်MDN

Sat, 18-Apr-2026

ဟိုပုံးမြို့နယ်၌ သက်ကြီးဘိုးဘွားပူဇော်ကန်တော့ပွဲ ကျင်းပ

ဟိုပုံး ဧပြီ ၁၇ရှမ်းပြည်နယ်(တောင်ပိုင်း) ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့နယ်တွင် သက်ကြီးဘိုးဘွား ပူဇော်ကန်တော့ပွဲအခမ်းအနားကို ယနေ့နံနက်ပိုင်းက သီရိမင်္ဂလာ ရွှေချမ်းသာမွေတော်ဘုရားကြီး၌ ကျင်းပသည်။ဦးစွာ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ ဦးခွန်ဖိုးစိန်နှင့်အဖွဲ့ဝင်များ၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌ ဦးခွန်သိန်းရွှေနှင့် အဖွဲ့ဝင်များ၊ ဒေသအဆင့်၊ မြို့နယ်အဆင့် ဌာနဆိုင်ရာအကြီးအကဲများနှင့် တာဝန်ရှိသူများက သက်ကြီးဘိုးဘွားများအား ရှိခိုးကန်တော့ကြပြီး အသက် ၈၀ နှင့်အထက် သက်ကြီးဘိုးဘွား ၈၇ ဦးတို့အား ကန်တော့ငွေများ ပေးအပ်ခဲ့ကြကြောင်း သိရသည်။ပအိုဝ်းဒေသ(ပြန်/ဆက်)MDN

Sat, 18-Apr-2026

ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူ ရွှေတိဂုံစေတီတော်နှင့် ကျောက်တော်ကြီးဘုရားတို့အား ဖူးမြော်ကြည်ညို၊ ဇီဝိတဒါနငါးနှင့် ငှက်ဘေးမဲ့လွှတ်

ရန်ကုန် ဧပြီ ၁၇ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူနှင့် ဇနီးတို့သည့် တိုင်းဒေသကြီးလွှတ်တော် ဥက္ကဋ္ဌ၊ ရန်ကုန်တိုင်းစစ်ဌာနချုပ် တိုင်းမှူး၊ တိုင်းဒေသကြီးဝန်ကြီးများ၊ တာဝန်ရှိသူများနှင့်အတူ ယနေ့နံနက်ပိုင်းတွင် ရွှေတိဂုံစေတီတော်မြတ်ကြီးအား ဖူးမြော်ကြည်ညိုပြီး ပန်း၊ ရေချမ်း၊ ဆီမီး ဆက်ကပ်လှူဒါန်းကာ အလှူငွေများ ပေးအပ်လှူဒါန်းသည်။ထို့နောက် တိုင်းဒေသကြီးဝန်ကြီးချုပ်နှင့် ဇနီးနှင့် တာဝန်ရှိသူများသည် ဗဟန်းမြို့နယ် ကန်တော်ကြီး သဘာဝဥယျာဉ်ကန်အတွင်း ရွှေဝါငါးကြင်းကောင် ရေ ၃၀၀၀၀၊ စာကလေး ငှက်ကောင်ရေ ၁၀၀၀ နှင့် ချိုးငှက် ၃၆ ကောင်ကို ဇီဝိတဒါနအဖြစ် ဘေးမဲ့လွှတ်ပေးကြသည်။ယင်းနောက် အင်းစိန်မြို့နယ် မင်းဓမ္မကုန်းတော်ပေါ်တွင် တည်ထားကိုးကွယ်တော်မူသော လောကချမ်းသာ အဘယလာဘမုနိ ရုပ်ပွားတော်မြတ်ကြီးအား ဖူးမြော်ကြည်ညိုကာ ဆွမ်း၊ ပန်း၊ ရေချမ်းနှင့် ဆီမီးဆက်ကပ်လှူဒါန်းကြပြီး ဘုရားရင်ပြင်ပေါ်တွင် စာကလေးငှက်အကောင် ၁၀၀ နှင့် ချိုးငှက် ၁၀ ကောင်တို့ကို ဇီဝိတဒါနအဖြစ် ဘေးမဲ့လွှတ်ပေးကြသည်။ဆက်လက်၍ တိုင်းဒေသကြီး ဝန်ကြီးချုပ်သည် အဖွဲ့ဝင်များနှင့်အတူ ဗဟန်းမြို့နယ် နှင်းဆီကုန်းဘိုးဘွားရိပ်သာ သီရိရတနာခန်းမ၌ ကျင်းပသည့် သက်ကြီးဘိုဘွားများအား ပူဇော်ကန်တော့ပွဲသို့ တက်ရောက်ပြီး ကန်တော့ခံ သက်ကြီးဘိုးဘွားများအား စုပေါင်းကန်တော့ကြပြီး ဂါရဝပြုအလှူငွေ နှင့် ဂါရဝပြုပစ္စည်းများ ပေးအပ်လှူဒါန်းကြသည်။ထို့နောက် သက်ကြီးဘိုးဘွားများကိုယ်စား အဘိုးတစ်ဦးက ဆုတောင်းမေတ္တာပို့သပြီး နှင်းဆီကုန်းဘိုးဘွားရိပ်သာစောင့်ရှောက်ရေးအဖွဲ့ဥက္ကဋ္ဌက ကျေးဇူးတင်ဝမ်းမြောက်စကားပြောကြားကာ အခမ်းအနားကို ရုပ်သိမ်းလိုက်ကြောင်း သိရသည်။ဇွဲထက်ကို(ပြန်/ဆက်)MDN

Sat, 18-Apr-2026

ဆရာတော်ကြီးများက ပြည်ထောင်စုနယ်မြေ နေပြည်တော်ဝေဟင်မှ ရဟတ်ယာဉ်ဖြင့် အန္တရာယ်ကင်းပရိတ်တရားတော်များ ရွတ်ဖတ်ပူဇော်၍ ပရိတ်ရေများ ပက်ဖျန်းပေး

နေပြည်တော် ဧပြီ ၁၇ပြည်သူများ ဘေးအန္တရာယ်အပေါင်းကင်းရှင်းပြီး ငြိမ်းချမ်းသာယာစေရေးအတွက် ယနေ့နံနက် ၇ နာရီခွဲတွင် ဆရာတော်ကြီးများက ပြည်ထောင်စုနယ်မြေ နေပြည်တော်ဝေဟင်မှ ရဟတ်ယာဉ်ဖြင့် အန္တရာယ်ကင်းပရိတ်တရားတော်များ ရွတ်ဖတ်တော်မူကြပြီး ဝေဟင်မှ ပရိတ်ရေများ ပက်ဖျန်းပေးကြသည်။ဦးစွာ ဒက္ခိဏသီရိမြို့နယ် မာရဝိဇယကျောင်းတိုက် ဆရာတော် ဘဒ္ဒန္တနေမိန္ဒ အမှူးပြုသော ဆရာတော်ကြီး ခြောက်ပါးတို့က တပ်မတော်ရဟတ်ယာဉ်ဖြင့် ပြည်ထောင်စုနယ်မြေ နေပြည်တော်ဝေဟင်မှ အန္တရာယ်ကင်းပရိတ်တရားတော်များ လှည့်လည်ရွတ်ဖတ်တော်မူကြသည်။ကုသိုလ်ယူ ပါဝင်ဆောင်ရွက်ထိုသို့ ရဟတ်ယာဉ်ဖြင့် အန္တရာယ်ကင်းပရိတ်တရားတော်များ လှည့်လည်ရွတ်ဖတ်ပူဇော်၍ သာသနာရေးဝန်ကြီးဌာန သာသနာရေးဦးစီးဌာနမှ ညွှန်ကြားရေးမှူးချုပ်နှင့်တာဝန်ရှိသူများ၊ တပ်မတော်မှ တာဝန်ရှိသူများနှင့် ကျန်းမာရေးဝန်ကြီးဌာနမှ တာဝန်ရှိသူများက ဆရာတော်ကြီး များ၏ ကပ္ပိယကာရကအဖြစ်လိုက်ပါ၍ ပရိတ်ရေများကို နေပြည်တော် ဝေဟင်ရဟတ်ယာဉ်ပေါ်မှ ပက်ဖျန်း၍ ကုသိုလ်ယူ ပါဝင်ဆောင်ရွက်ခဲ့ကြကြောင်း သိရသည်။ သတင်းစဉ်MDN

Sat, 18-Apr-2026

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link