ပြစ်ဒဏ်လွတ်ငြိမ်းခွင့်အမိန့် (၄၀/၂၀၂၆)
News Image
MM-News-Category
ဆက်စပ်သတင်းများ
ဥရောပသမဂ္ဂအဖွဲ့သည် ယူကရိန်းနိုင်ငံသို့ ယူရို ၉၀ ဘီလီယံ (ဒေါ်လာ ၁၀၆ ဘီလီယံ) တန်ဖိုးရှိ ချေးငွေများပေးအပ်ရန် သဘောတူညီလိုက်ပြီဖြစ်ကြောင်း ဥရောပကောင်စီဥက္ကဋ္ဌ အန်တိုနီယို ကော့စတာက ဧပြီ ၂၃ ရက်တွင် ပြောကြားခဲ့သည်။ဥရောပသမဂ္ဂအဖွဲ့သည် အဆိုပါချေးငွေများကို ယူကရိန်းသို့ပေးအပ်နိုင်ရန်အတွက် ဟန်ဂေရီနိုင်ငံနှင့် လပေါင်းများစွာ အချေအတင်ဖြစ်ပွားပြီးနောက် ဧပြီ ၂၂ ရက်တွင် အတည်ပြုနိုင်ခဲ့ခြင်းဖြစ်သည်။ဟန်ဂေရီနိုင်ငံတွင် ၁၆ နှစ်ကြာ အုပ်ချုပ်ခဲ့သော ဝန်ကြီးချုပ် ဗစ်တာ အော်ဘန်သည် ၂၀၂၆ ခုနှစ် ဧပြီ ၁၂ ရက် ရွေးကောက်ပွဲတွင် ရှုံးနိမ့်ခဲ့ပြီးနောက် ဝန်ကြီးချုပ်အသစ်အဖြစ် တာဝန်ယူမည့် ပီတာ မေဂျာက တောင်းဆိုထားသည့်အတိုင်း ဆိုဗီယက်ခေတ်အတွင်းက တည်ဆောက်ခဲ့သော ဒရူဇဘာ ရေနံပိုက်လိုင်းမှတစ်ဆင့် ရေနံပြန်လည်ပေးပို့မှုကို ယူကရိန်းနိုင်ငံဘက်က ပြန်လည်စတင်လိုက်ပြီးနောက်တွင် ယခုကဲ့သို့ ချေးငွေအတွက် ဟန်ဂေရီနိုင်ငံက သဘောတူညီလိုက်ခြင်းဖြစ်ကြောင်း သိရသည်။ထို့ပြင် ဥရောပသမဂ္ဂအဖွဲ့သည် ဆလိုဗက်ကီးယားနှင့် ဟန်ဂေရီနိုင်ငံတို့နှင့်အတူ ရုရှားနိုင်ငံအပေါ် အကြိမ် ၂၀ မြောက် ပိတ်ဆို့မှုများ ထပ်မံချမှတ်ရန် စီစဉ်လျက်ရှိသည်။Ref: RTMWD
Fri, 24-Apr-2026
အရှေ့အလယ်ပိုင်းနှင့် ယူကရိန်းနိုင်ငံတို့ရှိ ပဋိပက္ခများသည် အနောက်နိုင်ငံများ၏ လက်ချက်ဖြင့် စတင်ခဲ့ခြင်းဖြစ်ကြောင်း ရုရှားနိုင်ငံခြားရေးဝန်ကြီး ဆာဂျီ လက်ရော့က ဧပြီလ ၂၂ ရက်တွင် ပြောကြားခဲ့သည်။အရှေ့အလယ်ပိုင်းဒေသတွင် နှစ်ပေါင်းများစွာကြာ ပဋိပက္ခကြီးများ ဖြစ်ပွားနေခဲ့ကြောင်း၊ အဆိုပါ ပဋိပက္ခများအနက် အတော်များများသည် အနောက်ဥရောပနှင့် အနောက်နိုင်ငံကြီးများ၏ ဖန်တီးမှုကြောင့် ဖြစ်ပွားခဲ့ခြင်းဖြစ်ကြောင်း လက်ရော့က ဘာသာရေးအထိမ်းအမှတ် ဧည့်ခံပွဲတစ်ခု၌ ပြောကြားခဲ့သည်။သို့ရာတွင် အကြမ်းဖက်အဖွဲ့များနှင့် အစွန်းရောက်အဖွဲ့များက ဘာသာရေးအကြောင်းပြချက်များအပါအဝင် လုယက်မှုများနှင့် လူသတ်မှုများကို ကျူးလွန်နေခြင်းကို ရုရှားနိုင်ငံအနေဖြင့် လက်ပိုက်ကြည့်နေမည်မဟုတ်ကြောင်း ၎င်းက ဆက်လက်ပြောကြားခဲ့သည်။အမေရိကန်ဦးဆောင်သော အနောက်နိုင်ငံများ၏ မှားယွင်းသော လုပ်ဆောင်မှုများကြောင့် နိုင်ငံတကာဆက်ဆံရေးတွင် ဖရိုဖရဲဖြစ်မှုနှင့် မတည်ငြိမ်မှုများ ဆက်လက်ဖြစ်ပေါ်နေပြီး အမေရိကန်နှင့် အစ္စရေးနိုင်ငံတို့က အီရန်နိုင်ငံအပေါ် တိုက်ခိုက်မှုများ ပြုလုပ်ခြင်းသည် အဆိုပါ လားရာကို သက်သေပြနေခြင်းဖြစ်ကြောင်း လက်ရော့က ထပ်လောင်းပြောကြားခဲ့သည်။Ref: IvMWD
Thu, 23-Apr-2026
အမေရိကန်ပြည်ထောင်စုသည် အီရန်နိုင်ငံ၏ တုံ့ပြန်မှုအပေါ် မရေမရာဖြစ်လျက်ရှိသော်လည်း နှစ်နိုင်ငံအကြား စေ့စပ်ညှိနှိုင်းမှုများ ဆက်လက်လုပ်ဆောင်နိုင်ရန် အချိန်ပိုမိုရရှိစေရေးအတွက် အီရန်နှင့် အပစ်အခတ်ရပ်စဲရေးကို ထပ်မံသက်တမ်းတိုးခဲ့ကြောင်း သိရသည်။အဆိုပါ အပစ်အခတ်ရပ်စဲရေး သက်တမ်းတိုးခြင်းကို အမေရိကန်သမ္မတ ဒေါ်နယ်ထရမ့်က ဧပြီလ ၂၁ ရက် ညနေပိုင်းတွင် ဆောင်ရွက်ခဲ့ခြင်းဖြစ်သည်။ အီရန်အစိုးရဘက်မှ ၎င်းတို့၏ အဆိုပြုချက်များကို တင်ပြပြီး နှစ်ဦးနှစ်ဖက်အကြား ညှိနှိုင်းမှုများ အပြီးသတ်လုပ်ဆောင်နိုင်ခြင်း မတိုင်မီအထိ အပစ်အခတ်ရပ်စဲမှုကို ဆက်လက်ထားရှိမည်ဖြစ်ကြောင်း ထရမ့်က ကြေညာခဲ့သည်။ထရမ့်၏ ဆုံးဖြတ်ချက်သည် ချက်ချင်းဖြစ်ပွားလာနိုင်သည့် ပဋိပက္ခအရှိန်အဟုန်ကို လျှော့ချပေးနိုင်ခဲ့သော်လည်း နှစ်နိုင်ငံအကြားရှိ အဓိကသဘောထားကွဲလွဲမှုများကိုမူ မဖြေရှင်းနိုင်သေးကြောင်း သိရသည်။သို့ရာတွင် ထရမ့်၏ ထုတ်ပြန်ချက် ထွက်ပေါ်လာပြီးနောက် အီရန်အနေဖြင့် အပစ်အခတ်ရပ်စဲမှု သက်တမ်းတိုးခြင်းကို အသိအမှတ်မပြုကြောင်းနှင့် ၎င်းတို့၏ အမျိုးသားအကျိုးစီးပွားကို အခြေခံ၍ အပစ်အခတ်ရပ်စဲမှုကို လိုက်နာရန် သို့မဟုတ် မလိုက်နာရန်မှာ အီရန်နိုင်ငံ၏ ရွေးချယ်မှုသာဖြစ်ကြောင်း ရပ်တည်ချက်ကို ထုတ်ဖော်ပြောကြားထားသည်။အမေရိကန်အစိုးရအနေဖြင့် အီရန်နှင့် ၎င်းတို့အကြား သဘောတူညီချက်တစ်ရပ် ချမှတ်နိုင်သည့် အချိန်အထိ အပစ်အခတ်ရပ်စဲမှုကို အချိန်ကာလအကန့်အသတ်မရှိ သက်တမ်းတိုးမြှင့်ထားရန် ဆန္ဒရှိနေကြောင်း သိရသည်။တစ်ချိန်တည်းမှာပင် အီရန်နိုင်ငံအပေါ် တိုက်ခိုက်မှုများ ထပ်မံမလုပ်ဆောင်ရန် အမေရိကန်အစိုးရအား ကြားဝင်စေ့စပ်ပေးနေသည့် ပါကစ္စတန်နိုင်ငံကလည်း တောင်းဆိုထားသည်။Ref: Iv, TaMWD
Thu, 23-Apr-2026
အိန္ဒိယအား ရုရှားနိုင်ငံနှင့် ပိုမိုနီးကပ်လာစေပြီး ရုရှားကိုလည်း အိန္ဒိယသမုဒ္ဒရာဒေသအတွင်းသို့သာမက အရှေ့တောင်အာရှဒေသသို့ပါ ဝင်ရောက်လာနိုင်စေရန် လမ်းဖွင့်ပေးနိုင်ခဲ့သည့် အပြန်အလှန်ထောက်ပံ့ပို့ဆောင်ရေးဆိုင်ရာ ဖလှယ်မှုသဘောတူစာချုပ်၏ အသေးစိတ်အချက်အလက်များကို ရုရှားနိုင်ငံက ပြီးခဲ့သည့် ရက်သတ္တပတ်အတွင်း ထုတ်ပြန်ခဲ့သည်။အဆိုပါ သဘောတူညီချက်သည် ကာလရှည်ကြာ စောင့်မျှော်နေခဲ့ရသော သဘောတူညီချက်တစ်ရပ်ဖြစ်ပြီး ၎င်းအရ နှစ်နိုင်ငံစလုံးအနေဖြင့် စစ်ရေးပဋိပက္ခများ ဖြစ်ပွားနေစဉ်အတွင်းတွင်ပင် တစ်နိုင်ငံ၏ ပိုင်နက်အတွင်းသို့ အခြားတစ်နိုင်ငံက ၎င်းတို့၏ တပ်ဖွဲ့ဝင်များ၊ စစ်သင်္ဘောများနှင့် စစ်လေယာဉ်များကို စေလွှတ်ခွင့်ပြုထားခြင်းဖြစ်သည်။စိတ်ဝင်စားစရာကောင်းသည့်အချက်မှာ အမေရိကန်ပြည်ထောင်စုက ပါကစ္စတန်နိုင်ငံဘက်သို့ ပိုမိုယိမ်းယိုင်လာနေချိန်တွင် ရုရှားနှင့် အိန္ဒိယနိုင်ငံတို့အကြား ချုပ်ဆိုထားသော အပြန်အလှန်ထောက်ပံ့ပို့ဆောင်ရေးဆိုင်ရာ ဖလှယ်မှုသဘောတူညီချက်သည် ယခုအခါ ပိုမိုအရှိန်အဟုန်ကောင်းမွန်လာခြင်းဖြစ်သည်။အဆိုပါ သဘောတူစာချုပ်သည် နှစ်နိုင်ငံအကြား စစ်ဘက်ရေးရာပူးပေါင်းဆောင်ရွက်မှုများကို ပိုမိုနက်ရှိုင်းစေသည့်အပြင် အိန္ဒိယနိုင်ငံအတွက် ဗလာဒီဗော့စတော့မြို့မှ မာမန့်စ်အထိ မြောက်ပိုင်းပင်လယ်ရေကြောင်းလမ်းတစ်လျှောက်ရှိ ဆိပ်ကမ်းများကို အသုံးပြုခွင့်ရရှိစေမည့် အရေးပါသော အခွင့်အလမ်းကိုလည်း ပေးစွမ်းနိုင်မည်ဖြစ်သည်။အပြန်အလှန်ထောက်ပံ့ပို့ဆောင်ရေးဆိုင်ရာ ဖလှယ်မှုသဘောတူစာချုပ် ချုပ်ဆိုနိုင်ရေးအတွက် နှစ်နိုင်ငံအကြား ဆွေးနွေးမှုများကို ၂၀၁၈ ခုနှစ်တွင် စတင်ခဲ့ပြီး နှစ်နိုင်ငံထိပ်သီးအစည်းအဝေးများတွင် ပုံမှန် ထည့်သွင်းဆွေးနွေးခဲ့ကြသည်။ ၂၀၂၁ ခုနှစ် ဒီဇင်ဘာလတွင် ၎င်းစာချုပ်မှာ နောက်ဆုံးအဆင့်သို့ ရောက်ရှိနေပြီဟု သတင်းထွက်ပေါ်ခဲ့သော်လည်း နည်းပညာပိုင်းဆိုင်ရာ ကိစ္စရပ်များနှင့် အသုံးအနှုန်းကွဲလွဲမှုများကြောင့် ကြန့်ကြာခဲ့ရသည်။ထို့ပြင် ယူကရိန်းလက်နက်ကိုင်ပဋိပက္ခ စတင်ခဲ့ခြင်းကြောင့်လည်း ရုရှားနှင့် အိန္ဒိယတို့အကြား ညှိနှိုင်းမှုများမှာ ပိုမိုရှည်ကြာခဲ့သည်။သို့သော်လည်း ၂၀၂၅ ခုနှစ် ဖေဖော်ဝါရီလတွင် အဆိုပါ သဘောတူညီချက်ကို ရုရှားနိုင်ငံ မော်စကိုမြို့၌ လက်မှတ်ရေးထိုးနိုင်ခဲ့သည်။ ရုရှားနိုင်ငံက ၎င်းသဘောတူညီချက်ကို ၂၀၂၅ ခုနှစ် ဒီဇင်ဘာလတွင် အတည်ပြုခဲ့ပြီး သမ္မတ ဗလာဒီမာပူတင်က ဥပဒေအဖြစ် လက်မှတ်ရေးထိုးခဲ့သည်။အဆိုပါ သဘောတူစာချုပ်သည် ၂၀၂၆ ခုနှစ် ဇန်နဝါရီလ ၁၂ ရက်တွင် စတင်အသက်ဝင်လာခဲ့ပြီး ၎င်းသည် အိန္ဒိယနိုင်ငံ၏ ပြတ်သားမှု၊ ရုရှားနိုင်ငံ၏ ဇွဲလုံ့လရှိမှုနှင့် အင်ဒို-ပစိဖိတ်ဒေသအတွင်း ပိုမိုရှုပ်ထွေးလာသော အင်အားချိန်ခွင်လျှာဆီသို့ ဦးတည်ရွေ့လျားမှုကို ထင်ဟပ်စေခဲ့သည်ဟု ဆိုနိုင်သည်။အပြန်အလှန်ထောက်ပံ့ပို့ဆောင်ရေးဆိုင်ရာ ဖလှယ်မှုသဘောတူစာချုပ်၏ ပဋိညာဉ်အရ ရုရှားနှင့် အိန္ဒိယနှစ်နိုင်ငံစလုံးသည် ထောက်ပံ့ပို့ဆောင်ရေးဆိုင်ရာ အကူအညီများအတွက် တစ်နိုင်ငံ၏ စစ်အခြေစိုက်စခန်းများ၊ ဆိပ်ကမ်းများနှင့် လေယာဉ်ကွင်းများကို အခြားတစ်နိုင်ငံက အသုံးပြုနိုင်ရန် ခွင့်ပြုပေးထားသည်။ထို့ကြောင့် အဆိုပါ ပဋိညာဉ်သည် ငြိမ်းချမ်းသည့်ကာလနှင့် စစ်မက်ဖြစ်ပွားသည့် ကာလနှစ်ခုစလုံးတွင် စစ်သင်္ဘောများနှင့် လေယာဉ်များအတွက် လောင်စာဆီဖြည့်တင်းခြင်း၊ ပြုပြင်ထိန်းသိမ်းခြင်းနှင့် ရိက္ခာထောက်ပံ့ခြင်းတို့ကို လွယ်ကူချောမွေ့စွာ ဆောင်ရွက်နိုင်စေမည်ဖြစ်သည်။လတ်တလော ထုတ်ပြန်ချက်များအရ အဆိုပါ သဘောတူညီချက်အရ တစ်နိုင်ငံ၏ နယ်မြေအတွင်းသို့ အခြားတစ်နိုင်ငံက တပ်ဖွဲ့ဝင် ၃၀၀၀ အထိ၊ စစ်သင်္ဘော ငါးစင်းနှင့် လေယာဉ် ၁၀ စင်းအထိ တစ်ပြိုင်နက်တည်း တပ်ဖြန့်ထားနိုင်မည်ဖြစ်သည်။ထို့ပြင် စစ်ရေးလေ့ကျင့်မှုများ ပြုလုပ်နေစဉ်အတွင်း ထောက်ပံ့ပို့ဆောင်ရေးနှင့် အဆောက်အအုံများ အသုံးပြုနိုင်ရေးအတွက်လည်း ယခုသဘောတူညီချက်သည် အလွန်အသုံးဝင်လာစေမည်ဖြစ်သည်။သဘောတူညီချက်တွင် ထောက်ပံ့ပို့ဆောင်ရေးဆိုင်ရာ အကူအညီများအပြင် တည်းခိုနေထိုင်ရေး၊ ဆေးကုသမှု၊ သယ်ယူပို့ဆောင်ရေး၊ ရိက္ခာ၊ ရေ၊ လျှပ်စစ်၊ ပြုပြင်ထိန်းသိမ်းမှု၊ လေကြောင်းထိန်းချုပ်မှု၊ လမ်းကြောင်းပြထောက်ကူမှု၊ လေယာဉ်ရပ်နားမှုနှင့် လေယာဉ်များအတွက် မြေပြင်ဝန်ဆောင်မှုများလည်း ပါဝင်မည်ဖြစ်သည်။ထို့အတူ သဘောတူညီချက်အရ ကုန်ကျစရိတ်များကို ပေးချေရာတွင် ငွေသားဖြင့်ပေးချေမည့်အစား ပစ္စည်းချင်း ဖလှယ်သည့် ဘာတာစနစ်ကိုလည်း အသုံးပြုနိုင်မည်ဖြစ်သည်။အပြန်အလှန်ထောက်ပံ့ပို့ဆောင်ရေးဆိုင်ရာ ဖလှယ်မှုသဘောတူစာချုပ်သည် ရုရှားနှင့် အိန္ဒိယနှစ်နိုင်ငံတပ်မတော်များအကြား အပြန်အလှန်လေ့ကျင့်သင်ကြားမှုများကို အထောက်အကူပြုစေမည်ဖြစ်သည်။ ထို့အတူ နှစ်နိုင်ငံ၏ အကျိုးစီးပွားရှိရာ နယ်မြေများအတွင်း လူသားချင်းစာနာထောက်ထားမှုဆိုင်ရာ အကူအညီပေးရေးနှင့် သဘာဝဘေးအန္တရာယ်ကယ်ဆယ်ရေး လုပ်ငန်းစဉ်များကို များစွာလွယ်ကူချောမွေ့စေမည်ဖြစ်ပြီး ရှာဖွေရေးနှင့် ကယ်ဆယ်ရေးလုပ်ငန်းများတွင်လည်း အပြန်အလှန် ကူညီပံ့ပိုးပေးနိုင်မည်ဖြစ်သည်။အချုပ်အားဖြင့် အပြန်အလှန်ထောက်ပံ့ပို့ဆောင်ရေးဆိုင်ရာ ဖလှယ်မှုသဘောတူစာချုပ်သည် လက်တွေ့ကျသော မဟာဗျူဟာမြောက်ရလဒ်များနှင့်အတူ အိန္ဒိယနိုင်ငံအား ကမ္ဘာ့အင်အားကြီး ရုရှားနိုင်ငံနှင့် ပိုမိုနီးကပ်လာစေရန် အခွင့်အလမ်းများ ဖန်တီးပေးနိုင်ခဲ့သည့်အပြင် ရုရှားနိုင်ငံအတွက်လည်း အိန္ဒိယသမုဒ္ဒရာဒေသအတွင်းသို့သာမက အရှေ့တောင်အာရှဒေသအတွင်းသို့ပါ ဝင်ရောက်လာနိုင်စေရန် လမ်းဖွင့်ပေးနိုင်ခဲ့ကြောင်း တွေ့ရှိရသည်။Ref: RTMWD
Thu, 23-Apr-2026
ကုလသမဂ္ဂ ဧပြီ ၂၂ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ်က အမေရိကန်နှင့် အီရန်အပစ်အခတ်ရပ်စဲရေး သက်တမ်းတိုးမှုကို ကြိုဆိုကြောင်း ယနေ့ ပြောကြားခဲ့သည်။အမေရိကန်နှင့် အီရန်တို့အကြား သံတမန်လမ်းကြောင်းမှတစ်ဆင့် ယုံကြည်မှုတည်ဆောက်ရေးအတွက် ယခုအပစ်အခတ်ရပ်စဲရေး သက်တမ်းတိုးမှုသည် အရေးကြီးသည့် ခြေလှမ်းတစ်ခုဖြစ် သည်။အပစ်အခတ်ရပ်စဲရေးကို ထိခိုက်စေနိုင်သည့် လုပ်ရပ်များကို ရှောင်ကြဉ်ပြီး ရေရှည်တည်တံ့ခိုင်မြဲသော ဆုံးဖြတ်ချက်တစ်ရပ်ရရှိစေရေး ကြိုးပမ်းရန်လိုအပ်ကြောင်း ပြောရေးဆိုခွင့်ရှိသူ စတီဖန်ဒူဂျာရစ်က ထုတ်ပြန်ချက်တွင် ဖော်ပြထားသည်။ထို့ပြင် အမေရိကန်နှင့် အီရန်တို့အကြား နောက်ထပ်ဆွေးနွေးပွဲများ အဆင်ပြေချောမွေ့စေရန် ပါကစ္စတန်၏ ကြိုးပမ်းမှုများကို အန်တိုနီယို ဂူတာရက်စ်က အပြည့်အဝထောက်ခံပြီး အဆိုပါ ကြိုးပမ်းမှုများသည် ပဋိပက္ခ၏ ကျယ်ကျယ်ပြန့်ပြန့်နှင့် တာရှည်ခံသော ဖြေရှင်းမှုတစ်ရပ်အတွက် အထောက်အကူဖြစ်စေမည့် အခြေအနေများကို ဖန်တီးပေးမည်ဟု မျှော်လင့်ပါကြောင်း ထုတ်ပြန်ချက်တွင် ဖော်ပြထားသည်။အမေရိကန်သမ္မတ ဒေါ်နယ်ထရမ့်က အီရန်နှင့် ၎င်း၏ အပစ်အခတ်ရပ်စဲရေးကို သက်တမ်းတိုးရန် ပါကစ္စတန်၏ တောင်းဆိုမှုကို အပစ်အခတ်ရပ်စဲရေး သဘောတူညီချက် မကုန်ဆုံးမီ နာရီပိုင်းအလိုတွင် သဘောတူညီခဲ့ကြောင်း သိရသည်။အပစ်အခတ်ရပ်စဲရေး သက်တမ်းတိုးမှုသည် နှစ်နိုင်ငံအကြား တွေ့ဆုံဆွေးနွေးပြီးနောက် ရလဒ်တစ်ခု ထွက်ပေါ်လာသည့်အချိန်အထိ သက်ရောက်မှုရှိနိုင်ကြောင်း နိုင်ငံရေးစောင့်ကြည့်လေ့လာသူများက သုံးသပ်ပြောကြားသည်။ကိုးကား - ဆင်ဟွာဘာသာပြန် - အောင်ကျော်ကျော်MDN
Thu, 23-Apr-2026