ရေကြည်မြို့နယ် မြို့မဈေးကြီး၌ မီးဘေးလုံခြုံရေး ကွင်းဆင်းစစ်ဆေး

NoahJune222

News Image

  • ရေကြည်မြို့နယ် မြို့မဈေးကြီး၌ မီးဘေးလုံခြုံရေး ကွင်းဆင်းစစ်ဆေး

ရေကြည် ဧပြီ ၂၇

 

ဧရာဝတီတိုင်းဒေသကြီး ရေကြည်မြို့နယ် စည်ပင်သာယာရေးကော်မတီပိုင် မြို့မဈေးကြီး၌ ယနေ့နံနက်ပိုင်းက မီးဘေးလုံခြုံရေး ကွင်းဆင်းစစ်‌ဆေးခြင်းကို ဒုတိယမြို့နယ်အုပ်ချုပ်ရေးမှူး ဦးရွှေအေး၊ စည်ပင်သာယာရေးအဖွဲ့ အမှုဆောင်အရာရှိ ဦးစိုးမိုးကျော်၊ မီးသတ်ဦးစီးအရာရှိ ဦးစိုးနိုင်နှင့်တာဝန်ရှိသူများက ပူး‌ပေါင်း၍ ဆောင်ရွက်သည်။

 

ဦးစွာ မီးဘေးကြိုတင်ကာကွယ်ရေး၊ မီးဘေးအန္တရာယ်ဖြစ်ပေါ်ပါက မီးသတ်ဆေးဘူးအသုံးပြုပုံ၊ မီးချိတ်၊ မီးကပ်၊ ရေပုံးများ၊ သဲအိတ်များထားရှိရေးနှင့် မီးဘေးအန္တရာယ် အထူးဂရုပြုကြရန် အသိပညာပေး ဟောပြောပြီး မြို့မဈေးနှင့် ပတ်ဝန်းကျင်ရှိ ဈေးဆိုင်ခန်းများ မီးလောင်မှု၊ မီးလန့်မှု မဖြစ်ပွားစေရေးအတွက် စစ်ဆေး‌ခဲ့ကြောင်း သိရသည်။ 

မြို့နယ်(ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

မာလီစစ်ရာဇဝတ်မှုကျူးလွန်သူ Al Hassan အား ယူရို ၇.၂ သန်း လျော်ကြေး ပေးရန် ICC အမိန့်ချမှတ်
မာလီစစ်ရာဇဝတ်မှုကျူးလွန်သူ Al Hassan အား ယူရို ၇.၂ သန်း လျော်ကြေးပေးရန် ICC အမိန့်ချမှတ်
လွန်ခဲ့သော ဆယ်စုနှစ်တစ်ခုကျော်က မာလီနိုင်ငံမြောက်ပိုင်းတွင် ကျူးလွန်ခဲ့သည့် ရက်စက်ကြမ်းကြုတ်မှုများအတွက် ပြစ်မှုထင်ရှား စီရင်ခြင်းခံထားရသော အယ်လ်ကိုင်ဒါနှင့် ဆက်နွှယ်သည့် ဂျီဟတ် ခေါင်းဆောင်တစ်ဦးကြောင့် နစ်နာခဲ့ရသူများအား လျော်ကြေးငွေအဖြစ် ယူရို ၇.၂ သန်း (အမေရိကန်ဒေါ်လာ ၈.၄ သန်းခန့်) ပေးအပ်ရန် အပြည်ပြည်ဆိုင်ရာ ရာဇဝတ်မှုခုံရုံး (ICC) က ဆုံးဖြတ်လိုက်သည်။အစ္စလာမ္မစ်ရဲတပ်ဖွဲ့ အကြီးအကဲဟောင်း အသက် ၄၉ နှစ်အရွယ် Al Hassan Ag Abdoul Aziz Ag Mohamed Ag Mahmoud သည် ၂၀၁၂ ခုနှစ် မှ ၂၀၁၃ ခုနှစ်အထိ အယ်လ်ကိုင်ဒါနှင့် ဆက်နွှယ်သော လက်နက်ကိုင်အဖွဲ့များက တင်ဘတ်တူးမြို့ကို ထိန်းချုပ်ထားစဉ်အတွင်း ညှင်းပန်းနှိပ်စက်မှု၊ လိင်ပိုင်းဆိုင်ရာ ကျွန်ပြုမှုနှင့် ဘာသာရေးဆိုင်ရာ ဖိနှိပ်မှုများအပါအဝင် စစ်ရာဇဝတ်မှုများနှင့် လူသားမျိုးနွယ်အပေါ်ကျူးလွန်သည့် ရာဇဝတ်မှုများဖြင့် ၂၀၂၄ ခုနှစ်တွင် ပြစ်မှုထင်ရှားစီရင်းခံခဲ့ရခြင်းဖြစ်ပြီး ၎င်းကို ထောင်ဒဏ် (၁၀) နှစ် ချမှတ်ခဲ့ပြီး ဖြစ်သည်။သဘာပတိတရားသူကြီး Kimberly Prost က “နစ်နာသူတွေကို ထိခိုက်နစ်နာမှုဖြစ်စေခဲ့တဲ့ ရာဇဝတ်မှုတွေအတွက် Al Hassan မှာ တာဝန်ရှိတာကြောင့် ဒီနစ်နာမှုတွေကို ပြန်လည်ကုစားပေးဖို့ ကုန်ကျစရိတ်တွေအတွက် ၎င်းမှာ ငွေကြေးအရပေးလျော်ရန် တာဝန်ရှိပါတယ်” ဟု ပြောကြားခဲ့သည်။Al Hassan တွင် ထိုသို့ပေးလျော်ရန် တာဝန်ရှိသော်လည်း ၎င်းသည် ဆင်းရဲနွမ်းပါးပြီး ပေးလျော်နိုင်စွမ်းမရှိကြောင်း ကြေညာထားသည်။ ထို့ကြောင့် အဆိုပါလျော်ကြေးငွေများကို ရောမစာချုပ် (Rome Statute) အရ ဖွဲ့စည်းထားသည့် နစ်နာသူများအတွက် ယုံကြည်မှုရန်ပုံငွေအဖွဲ့ (Trust Fund for Victims) မှ ကျခံပေးမည်ဖြစ်သည်။ အဆိုပါ ရန်ပုံငွေများကို နစ်နာသူများအတွက် စိတ်ပိုင်းဆိုင်ရာ ပံ့ပိုးမှု၊ အသက်မွေးဝမ်းကျောင်း သင်တန်းများ၊ ပညာရေးနှင့် လူမှုစီးပွားရေးဆိုင်ရာအစီအစဉ်များတွင် အသုံးပြုသွားမည်ဖြစ်ပြီး၊ အလွဲသုံးစားပြုမှုဒဏ်ကို ပိုမိုခံစားခဲ့ရသည့် အမျိုးသမီးများနှင့် မိန်းကလေးငယ်များကို အထူးဦးစားပေးဆောင်ရွက်သွားမည်ဖြစ်ကြောင်း ရုံးတော်မှတ်တမ်းများအရ သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
OPEC အဖွဲ့မှ နုတ်ထွက်ပြီးနောက် အခြားအဖွဲ့အစည်းများမှ နုတ်ထွက်ရန် မစဉ်းစားထားကြောင်း UAE တာဝန်ရှိသူတစ်ဦး က CNN သို့ ပြောကြား
OPEC အဖွဲ့မှ နုတ်ထွက်ပြီးနောက် အခြားအဖွဲ့အစည်းများမှနုတ်ထွက်ရန် မစဉ်းစားထားကြောင်း UAE တာဝန်ရှိသူတစ်ဦး က CNN သို့ ပြောကြား
အာရပ်စော်ဘွားများပြည်ထောင်စု (UAE) သည် ရေနံတင်ပို့သည့်နိုင်ငံများအဖွဲ့ (OPEC) မှ နုတ်ထွက်ပြီးနောက် လက်ရှိအချိန်တွင် အခြားသော နိုင်ငံတကာအဖွဲ့အစည်းများမှ နုတ်ထွက်ရန် စဉ်းစားနေခြင်းမရှိကြောင်း UAE တာဝန်ရှိသူတစ်ဦးက ဗုဒ္ဓဟူးနေ့ (ဧပြီ ၂၉) တွင် CNN သို့ ပြောကြားခဲ့သည်။UAE ၏ နုတ်ထွက်မှုအပြီးတွင် ဒေသတွင်းအင်အားကြီးနိုင်ငံဖြစ်သော ၎င်းတို့အနေဖြင့် အခြားအဓိကအဖွဲ့အစည်းများမှလည်း နုတ်ထွက်နိုင်သည် ဟူသော ခန့်မှန်းချက်များ ထွက်ပေါ်လာခဲ့သည်။သို့သော် UAE အနေဖြင့် အခြားအဖွဲ့အစည်းများမှ နုတ်ထွက်နိုင်ခြင်း ရှိ၊ မရှိ မေးမြန်းရာတွင် အဆိုပါတာဝန်ရှိသူက ၎င်းတို့နိုင်ငံအနေဖြင့် နယ်ပယ် အသီးသီးရှိ ၎င်းတို့၏ အခန်းကဏ္ဍနှင့် ပါဝင်ကူညီမှုများ၏ ဆီလျော်မှုနှင့် အသုံးဝင်မှုတို့ကို ပြန်လည်သုံးသပ်နေခြင်းသာဖြစ်သည်ဟု ဖြေကြားခဲ့သည်။ ၎င်းက “လက်ရှိအချိန်မှာတော့ ဘယ်အဖွဲ့အစည်းကမှ နုတ်ထွက်ဖို့ စဉ်းစားနေတာမျိုးမရှိပါဘူး” ဟု ထပ်လောင်းပြောဆိုခဲ့သည်။OPEC မှ နုတ်ထွက်ကြောင်း ကြေညာချက်သည် ဂျက်ဒါမြို့ (Jeddah) တွင် ပြုလုပ်သည့် ပင်လယ်ကွေ့ပူးပေါင်းဆောင်ရွက်ရေးကောင်စီ (GCC) ၏ အထူးအစည်းအဝေးနှင့် တိုက်ဆိုင်နေသည်။ UAE တာဝန်ရှိသူက CNN သို့ ပြောကြားရာတွင် “မနေ့ကကျင်းပခဲ့တဲ့ အစည်းအဝေးဟာ မှန်ကန်တဲ့ လမ်းကြောင်းပေါ်ကိုလျှောက်လှမ်းတဲ့ ပထမဆုံးခြေလှမ်းကောင်းတစ်ခုဖြစ်ပါတယ်” ဟု ဆိုသော်လည်း “မရေရာတဲ့ နောက်ခံအခြေအနေတွေ ကြားမှာ လုပ်ဆောင်ရမယ့်အရာတွေ အများကြီး ကျန်ရှိနေပါသေးတယ်” ဟု ဖြည့်စွက်ပြောကြားခဲ့သည်။UAE သည် အစ္စလာမ္မစ်ပူးပေါင်းဆောင်ရွက်ရေးအဖွဲ့ (OIC) နှင့် အာရပ် အဖွဲ့ချုပ် (League of Arab States) အပါအဝင် ဒေသတွင်းနှင့် နိုင်ငံတကာ အဖွဲ့အစည်းများစွာ၏ အဖွဲ့ဝင်ဖြစ်ပြီး အမေရိကန်၏ အဓိက မဟာမိတ်လည်းဖြစ်သကဲ့သို့ အစ္စရေးနိုင်ငံနှင့်လည်း ဆက်ဆံရေး ပိုမိုတိုးတက် ကောင်းမွန်လျက်ရှိသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
နေ့စဉ်မိုးလေဝသသတင်း (၂၀၂၆ ခုနှစ်၊ ဧပြီလ ၂၉ ရက်နေ့ ညနေ ၄:၀၀ နာရီအချိန် ထုတ်ပြန်ချက်)
နေ့စဉ်မိုးလေဝသသတင်း (၂၀၂၆ ခုနှစ်၊ ဧပြီလ ၂၉ ရက်နေ့ ညနေ ၄:၀၀ နာရီအချိန် ထုတ်ပြန်ချက်)
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နေပါသည်။မနက်ဖြန်နံနက်အထိခန့်မှန်းချက်။ ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်နှင့် ကရင် ပြည်နယ်တို့တွင် နေရာကျဲကျဲ၊ ရန်ကုန်တိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီး၊ မွန် ပြည်နယ်နှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ် တို့တွင် နေရာအနှံ့အပြား မိုးထစ်ချုန်းရွာမည်။  ရွာရန်ရာနှုန်း ၈၀ ဖြစ်ပါသည်။မိုးတိမ်တောင်ဖြစ်ပေါ်မှုအခြေအနေ။ နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ မကွေး တိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် မိုးတိမ်တောင်များ ဖြစ်ထွန်းလျက်ရှိပြီး အဆိုပါ မိုးတိမ်တောင်များရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။မြန်မာ့ပင်လယ်ပြင်။ လှိုင်းအနည်းငယ်မှ လှိုင်းအသင့်အတင့်ရှိမည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၄ ပေမှ ၇ ပေခန့် ရှိနိုင်ပါသည်။နောက် ၂ ရက်အတွက်ခန့်မှန်းချက်။ နေပြည်တော်၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်း တိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာကျဲကျဲမှ နေရာစိပ်စိပ် မိုးထစ်ချုန်းရွာနိုင်ပါသည်။နေပြည်တော်နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။      နေရာကွက်ကျား မိုးထစ်ချုန်းရွာ မည်။ ရွာရန်ရာနှုန်းပြည့် ဖြစ်ပါသည်။ရန်ကုန်မြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။          နေရာကွက်ကျား မိုးထစ်ချုန်းရွာ မည်။ ရွာရန်ရာနှုန်း ၈၀ ဖြစ်ပါသည်။မန္တလေးမြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။         နေရာကွက်ကျား မိုးထစ်ချုန်းရွာ မည်။ ရွာရန်ရာနှုန်း ၈၀ ဖြစ်ပါသည်။dmh
Wed, 29-Apr-2026
ပြင်းထန်သည့်ရထားတိုက်မှုဖြစ်ပွားပြီးနောက် အင်ဒိုနီးရှား၌ ရထားလမ်းကူး ၁၈၀၀ ခန့် ပြန်လည်ပြုပြင်ရန်စီစဉ်
ပြင်းထန်သည့်ရထားတိုက်မှုဖြစ်ပွားပြီးနောက် အင်ဒိုနီးရှား၌ ရထားလမ်းကူး ၁၈၀၀ ခန့် ပြန်လည်ပြုပြင်ရန်စီစဉ်
ဂျကာတာ ဧပြီ ၂၈ အင်ဒိုနီးရှားအစိုးရသည် ဧပြီ ၂၇ ရက် ညပိုင်းက ဘီကာစီမြို့၌ ဖြစ်ပွားခဲ့သော ရထားတိုက်မှုကြောင့် လူ ၁၄ ဦးထက်မနည်း သေဆုံးပြီး ၈၄ ဦး ဒဏ်ရာရရှိခဲ့မှုဖြစ်စဉ် ဖြစ်ပွားပြီးနောက် နိုင်ငံတစ်ဝန်းရှိ ရထားလမ်းကူး ၁၈၀၀ ခန့်ကို ပြန်လည်ပြုပြင်မွမ်းမံရန် စီစဉ်နေကြောင်း သမ္မတ ပရာဘိုဝီ ဆူဘီယန်တိုက ဧပြီ ၂၈ ရက်တွင် ပြောကြားသည်။ သမ္မတသည် ဘီကာစီဒေသန္တရ ပြည်သူ့ဆေးရုံတွင် ရထားမတော် တဆမှုဖြစ်စဉ်မှ အသက်ရှင်လွတ် မြောက်သူများအား သွားရောက်တွေ့ဆုံပြီးနောက် အလားတူဖြစ်ရပ်များ ထပ်မံမဖြစ်ပွားစေရေး အမြန်ဆုံးဆောင်ရွက်ရန် ညွှန်ကြားထားကြောင်း သိရသည်။ ထို့ပြင် လုံခြုံရေးဂိတ်များထားရှိခြင်း သို့မဟုတ် ခုံးကျော်တံတားများ တည်ဆောက်ခြင်းဖြင့် ရထားလမ်းကူးအားလုံးကို ပြုပြင်မွမ်းမံသွားမည်ဖြစ်ကြောင်းနှင့် ဘီကာစီမြို့ရှိ ခုံးကျော်တံတားများ တည်ဆောက်ရေးအား အရှိန်မြှင့်တင်ခြင်းကိုလည်း ပြုလုပ်မည်ဖြစ်ကြောင်း ၎င်းက ဆက်လက်ပြောကြားသည်။ ဂျကာတာ – ဘီကာစီ လမ်းကြောင်းတွင် ပြေးဆွဲနေသော ရထားတစ်စင်းသည် ဂျကာတာ–ဆူရာဘာယား လမ်းကြောင်းမှ ခရီးဝေးရထားတစ်စင်းနှင့် ဧပြီ ၂၇ ရက် ဒေသစံတော်ချိန် ည ၈ နာရီ မိနစ် ၅၀ ခန့်တွင် တိုက်မိခဲ့ခြင်းဖြစ်သည်။ ယခုအခါ ရှာဖွေရေးနှင့် ကယ်ဆယ်ရေးလုပ်ငန်းများ ပြီးဆုံးသွားပြီဖြစ်ပြီး ဒဏ်ရာရရှိသူများအား အနီးရှိ ဆေးရုံများ၌ ဆေးကုသမှုပေးအပ်လျက်ရှိကြောင်း သိရသည်။  ဆင်ဟွာMDN
Wed, 29-Apr-2026
ဂျပန်နိုင်ငံ ဟီရိုရှီးမားစီရင်စုရှိ ဆေးဝါးစက်ရုံပေါက်ကွဲမှုကြောင့် ငါးဦး ဒဏ်ရာရရှိ
ဂျပန်နိုင်ငံ ဟီရိုရှီးမားစီရင်စုရှိ ဆေးဝါးစက်ရုံပေါက်ကွဲမှုကြောင့် ငါးဦး ဒဏ်ရာရရှိ
ဧပြီ ၂၈ဂျပန်နိုင်ငံ ဟီရိုရှီးမားစီရင်စုရှိ ဆေးဝါးစက်ရုံတွင် သိုလှောင်ကန်တစ်ခု ပေါက်ကွဲမှုဖြစ်ပွားပြီးနောက် လူ ငါးဦး ဒဏ်ရာရရှိခဲ့ကြောင်း ဒေသခံမီဒီယာများက ဖော်ပြခဲ့သည်။ဒဏ်ရာရရှိသူ ငါးဦးအနက် ပြင်းထန်စွာ ဒဏ်ရာရရှိသူ နှစ်ဦးရှိကြောင်းနှင့်၎င်းတို့အားလုံးကို ဆေးရုံသို့ ပို့ဆောင်ခဲ့ကြောင်း ကျိုဒိုနယူးစ်၏ ပြောကြားချက်အရ သိရသည်။အဆိုပါပေါက်ကွဲမှုသည် မီယိုရှီမြို့တွင် ဒေသစံတော်ချိန် နံနက် ၁၁ နာရီ ၃၅ မိနစ်ခန့်တွင် ဖြစ်ပွားခဲ့ခြင်းဖြစ်ရာ သတင်းပို့သည့် ဖုန်းခေါ်ဆိုမှုကို ဒေသခံ အရေးပေါ်ဌာနများက လက်ခံရရှိခဲ့ကြောင်း ဖော်ပြထားသည်။မီးသတ်သမားများက မီးငြှိမ်းသတ်မှုလုပ်ဆောင်နေဆဲဖြစ်ပြီး ဖြစ်ပွားသည့်အကြောင်းရင်းကို ရဲတပ်ဖွဲ့က စုံစမ်းစစ်ဆေးနေပြီဖြစ်ကြောင်း သိရသည်။ကိုးကား-ဆင်ဟွာဘာသာပြန်-မြင့်မြင့်ချိုMDN
Wed, 29-Apr-2026
နိုင်ငံတော်သမ္မတ ဦးမင်းအောင်လှိုင်ထံသို့ အီသီယိုးပီးယား ဖက်ဒရယ်ဒီမိုကရက်တစ်သမ္မတ မစ္စတာ တေရီ အက်စကီဆီလက်စ်စီထံမှ ဝမ်းမြောက်ကြောင်းသဝဏ်လွှာပေးပို့
နိုင်ငံတော်သမ္မတ ဦးမင်းအောင်လှိုင်ထံသို့ အီသီယိုးပီးယား ဖက်ဒရယ်ဒီမိုကရက်တစ်သမ္မတ မစ္စတာ တေရီ အက်စကီဆီလက်စ်စီထံမှ ဝမ်းမြောက်ကြောင်းသဝဏ်လွှာပေးပို့
နေပြည်တော် ဧပြီ ၂၈ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသော နိုင်ငံတော်သမ္မတ ဦးမင်းအောင်လှိုင်ထံသို့ အီသီယိုးပီးယား ဖက်ဒရယ်ဒီမိုကရက်တစ်သမ္မတ မစ္စတာ တေရီ အက်စကီဆီလက်စ်စီထံမှ ဝမ်းမြောက်ကြောင်းသဝဏ်လွှာပေးပို့သည်။သတင်းစဉ်MOI
Wed, 29-Apr-2026
© Copyright 2024 SAC All Rights Reserved.