မြောင်းမြမြို့နယ်၌ သက်တန့်ရောင်စီမံကိန်းဖြင့် မိုးစပါးဧက ၅၀ စိုက်ပျိုးမည်

NoahJune222

News Image

  • မြောင်းမြမြို့နယ်၌ သက်တန့်ရောင်စီမံကိန်းဖြင့် မိုးစပါးဧက ၅၀ စိုက်ပျိုးမည်

မြောင်းမြ မေ ၃

 

ဧရာဝတီတိုင်းဒေသကြီး မြောင်းမြမြို့နယ် ကြာဖူးငုံလက်ပံကျေးရွာ၌ ကုမုဒြာ စိုက်/ထွေသမဝါယမအသင်းမှတောင်သူများက လူမှုစီးပွား မြှင့်တင်ရေး (သက်တန့်ရောင်) စီမံကိန်းဖြင့် မိုးစပါးဧက ၅၀ စိုက်ပျိုးမည်ဖြစ်သည်။

 

သမဝါယမအသင်းသား တောင်သူများအား ဧရာဝတီတိုင်းဒေသကြီး သမဝါယမဦးစီးဌာန တိုင်းဒေသကြီးဦးစီးမှူး ဦးကျော်စိုးမင်းက ယနေ့နံနက်ပိုင်းတွင် တွေ့ဆုံပြီး လိုအပ်သည်များကို ဆွေးနွေးမှာကြားသည်။

 

အဆိုပါ အသင်းသားများ၏ စိုက်ပျိုးဧက ၅၀ အတွက် တစ်ဧက လျှင်ငွေကျပ် သုည ဒသမ ၂၈၈ သန်းနှုန်းဖြင့် ၁၄ ဒသမ ၄ သန်း တန်ဖိုးရှိ မျိုးနှင့် သွင်းအားစုများအား မိုးစပါးစိုက်ပျိုးချိန်အမီ ပံ့ပိုးဆောင်ရွက်သွားမည်ဖြစ်ကြောင်း သိရသည်။

စန္ဒာ(မြောင်းမြ)

MDN

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

သီပေါမြို့နယ်၌ ဆောင်းပဲပုပ်စံကွက်ရိတ်သိမ်း
သီပေါမြို့နယ်၌ ဆောင်းပဲပုပ်စံကွက်ရိတ်သိမ်း
သီပေါ မေ ၃ ရှမ်းပြည်နယ်(မြောက်ပိုင်း) သီပေါမြို့နယ် ဘော်ကြိုကျေးရွာအုပ်စု ဆားတွင်းကျေးရွာ၌ ဆောင်းပဲပုပ်စံကွက်ရိတ်သိမ်းပွဲကို ဧပြီ ၂၈ ရက် နံနက်ပိုင်းက တောင်သူ ဦးနန္ဒော၏လယ်မြေတွင် ဆောင်ရွက်ခဲ့သည်။ အဆိုပါ ဆောင်းပဲပုပ်စံကွက်ရိတ်သိမ်းခြင်းကို စံပြကွက် ဧက ၁၀၀ ၏ ကိုယ်စားပြုစံကွက်ဖြစ်သော တောင်သူ ဦးနန္ဒော၏ လယ်မြေနှစ်ဧကတွင်စိုက်ပျိုးထားသည့် ဆောင်းပဲပုပ် ၆ ဒသမ ၆ စံကွက်ငယ်ကို ရိတ်သိမ်းခဲ့ရာ အထွက်နှုန်းမိတ်ဖက် (Y-Method)အရ ၃၄ ဒသမ ၅၀ တင်းထွက်ရှိကြောင်း သိရသည်။မြို့နယ်(ပြန်/ဆက်)MDN
Mon, 4-May-2026
မြောင်းမြမြို့နယ်၌ သက်တန့်ရောင်စီမံကိန်းဖြင့် မိုးစပါးဧက ၅၀ စိုက်ပျိုးမည်
မြောင်းမြမြို့နယ်၌ သက်တန့်ရောင်စီမံကိန်းဖြင့် မိုးစပါးဧက ၅၀ စိုက်ပျိုးမည်
မြောင်းမြ မေ ၃ ဧရာဝတီတိုင်းဒေသကြီး မြောင်းမြမြို့နယ် ကြာဖူးငုံလက်ပံကျေးရွာ၌ ကုမုဒြာ စိုက်/ထွေသမဝါယမအသင်းမှတောင်သူများက လူမှုစီးပွား မြှင့်တင်ရေး (သက်တန့်ရောင်) စီမံကိန်းဖြင့် မိုးစပါးဧက ၅၀ စိုက်ပျိုးမည်ဖြစ်သည်။ သမဝါယမအသင်းသား တောင်သူများအား ဧရာဝတီတိုင်းဒေသကြီး သမဝါယမဦးစီးဌာန တိုင်းဒေသကြီးဦးစီးမှူး ဦးကျော်စိုးမင်းက ယနေ့နံနက်ပိုင်းတွင် တွေ့ဆုံပြီး လိုအပ်သည်များကို ဆွေးနွေးမှာကြားသည်။ အဆိုပါ အသင်းသားများ၏ စိုက်ပျိုးဧက ၅၀ အတွက် တစ်ဧက လျှင်ငွေကျပ် သုည ဒသမ ၂၈၈ သန်းနှုန်းဖြင့် ၁၄ ဒသမ ၄ သန်း တန်ဖိုးရှိ မျိုးနှင့် သွင်းအားစုများအား မိုးစပါးစိုက်ပျိုးချိန်အမီ ပံ့ပိုးဆောင်ရွက်သွားမည်ဖြစ်ကြောင်း သိရသည်။စန္ဒာ(မြောင်းမြ)MDN
Mon, 4-May-2026
ပြည်ထောင်စုဝန်ကြီး ဒေါက်တာကံဇော် (၂၉) ကြိမ်မြောက် အာဆီယံ+၃ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများအစည်းအဝေး တက်ရောက်
ပြည်ထောင်စုဝန်ကြီး ဒေါက်တာကံဇော် (၂၉) ကြိမ်မြောက် အာဆီယံ+၃ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများအစည်းအဝေး တက်ရောက်
နေပြည်တော် မေ ၃ ဘဏ္ဍာရေးနှင့်အခွန်ဝန်ကြီးဌာန ပြည်ထောင်စုဝန်ကြီး ဒေါက်တာကံဇော် ဦးဆောင်သော ကိုယ်စားလှယ်အဖွဲ့သည် ဥဇဘက်ကစ္စတန်နိုင်ငံ Samarkand မြို့တွင် ယနေ့နံနက်ပိုင်းက ကျင်းပသည့် (၂၉) ကြိမ်မြောက် အာဆီယံ+၃ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေးသို့ Virtual စနစ်ဖြင့် တက်ရောက်သည်။ နံနက်ပိုင်းတွင် ကျင်းပသည့် ဘဏ္ဍာရေးဆိုင်ရာအမြင်ချင်းဖလှယ်မှု (Fiscal Exchange) အစီအစဉ်၌ အာဆီယံ+၃ မေခရိုစီးပွားရေးသုတေသနရုံး (ASEAN+3 Macroeconomic Research Office – AMRO) မှ ကိုယ်စားလှယ်က ရသုံးမှန်းခြေဆိုင်ရာစီမံခန့်ခွဲမှုနှင့် လူဦးရေပြောင်းလဲမှုများနှင့် စပ်လျဉ်း၍ အခွန်ရငွေစီမံခန့်ခွဲမှုဆိုင်ရာ အစီအစဉ်များကို ရှင်းလင်းတင်ပြပြီး အာဆီယံ+၃ နိုင်ငံများမှ ဘဏ္ဍာရေးဝန်ကြီးများက အကြံပြုဆွေးနွေးကြရာ ပြည်ထောင်စုဝန်ကြီးက မြန်မာနိုင်ငံ၏ ရသုံးမှန်းခြေ ငွေစာရင်းရေးဆွဲခြင်းကို နှစ်လတ်ဘဏ္ဍာရေးမူဘောင် (Medium Term Fiscal Framework – MTFF) ကို အခြေခံ၍ ရေးဆွဲထားပြီး ပြည်သူ့ရေးရာမူဝါဒများနှင့် သင့်လျော်သောစီမံကိန်းများကို ညှိနှိုင်းရေးဆွဲထားခြင်းဖြစ်ကြောင်း၊ ပြည်ထောင်စုနှင့် တိုင်းဒေသကြီး/ပြည်နယ်အစိုးရများအကြားရှိ ဘဏ္ဍာရေးချိတ်ဆက်မှုနှင့် ဘတ်ဂျက်ခွဲဝေမှုများကိုလည်း MTFF မှတစ်ဆင့် မူဝါဒအခြေခံသည့် ဘတ်ဂျက်နှင့် စည်းမျဉ်းအပေါ် အခြေခံသည့်ဘတ်ဂျက်တို့ဖြင့် ဆောင်ရွက်လျက်ရှိကြောင်းနှင့် ဘဏ္ဍာရေးဆောင်ရွက်ချက်များကို ဆွေးနွေးပြောကြားသည်။ လူဦးရေပြောင်းလဲမှုများနှင့် အခွန်ရငွေစီမံခန့်ခွဲမှုတို့နှင့် စပ်လျဉ်း၍ ပြည်ထောင်စုဝန်ကြီးက မြန်မာနိုင်ငံတွင် အသက် ၁၅ နှစ်မှ ၆၄ နှစ်အတွင်းရှိလူဦးရေမှာ ၆၆ ဒသမ ၉ ရာခိုင်နှုန်းရှိနေသည့်အတွက် အခွန်ရငွေတိုးတက်ရရှိရေးအခွင့်အလမ်းဖြစ်ပြီး ထိုအခွင့်အရေးကို အောင်မြင်စွာအသုံးချနိုင်ရန် နိုင်ငံတော်၏ အခွန်တိုးတက်ကောက်ခံရရှိရေးအတွက် မဟာဗျူဟာများ ချမှတ်ဆောင်ရွက်လျက်ရှိကြောင်း၊ လတ်တလောတွင် အခွန်နှုန်းထားများကို တိုးမြှင့်ခြင်းမပြုဘဲ အခွန်အခြေချဲ့ထွင်နိုင်ရေးကို တိုးမြှင့်ဆောင်ရွက်လျက်ရှိကြောင်း ဆွေးနွေးပြောကြားသည်။ မွန်းလွဲပိုင်းတွင် ကျင်းပသည့် (၂၉) ကြိမ်မြောက် အာဆီယံ+၃ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေး၌ စီးပွားရေးသုံးသပ်မှုနှင့် မူဝါဒဆိုင်ရာတို့နှင့် စပ်လျဉ်း၍ အာရှဖွံ့ဖြိုးရေးဘဏ်၊ အပြည်ပြည်ဆိုင်ရာ ငွေကြေးရန်ပုံငွေအဖွဲ့နှင့် အာဆီယံ+၃ မေခရိုစီးပွားရေးသုတေသနရုံးတို့မှ ကိုယ်စားလှယ်များက ကမ္ဘာနှင့်ဒေသဆိုင်ရာ စီးပွားရေးသုံးသပ်မှုများကို ရှင်းလင်းတင်ပြကြရာ အာဆီယံ+၃ နိုင်ငံများမှ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများက အကြံပြုဆွေးနွေးကြသည်။ ဆက်လက်၍ အာဆီယံ+၃ ဘဏ္ဍာရေးပူးပေါင်းဆောင်ရွက်မှု ခိုင်မာအားကောင်းရေးအစီအစဉ်ကို ကျင်းပရာ အာဆီယံ+၃ မဟာဗျူဟာလမ်းညွှန်နှင့် ရှေ့ဆက်ဆောင်ရွက်မည့်အစီအစဉ်များ၊ ချင်းမိုင်အစီအစဉ်တွင် နိုင်ငံစုံပါဝင်လာရေးအစီအစဉ်အပါအဝင် ဒေသတွင်း ဘဏ္ဍာရေးပူးပေါင်းဆောင်ရွက်မှုများ ခိုင်မာလာစေရေးကိစ္စရပ်များနှင့် စပ်လျဉ်း၍ အာဆီယံ+၃ မေခရိုစီးပွားရေးသုတေသနရုံးမှ ဆောင်ရွက်နေမှုအခြေအနေများ၊ အာရှငွေချေးစာချုပ်ဈေးကွက်အစီအစဉ် အကောင်အထည်ဖော်မှုအခြေအနေများ၊ သဘာဝဘေးအန္တရာယ်များကြောင့် ဆုံးရှုံးနိုင်ခြေရှိမှုများနှင့်စပ်လျဉ်း၍ ဘဏ္ဍာငွေဖြည့်ဆည်း ပေးနိုင်ရေးဆိုင်ရာကိစ္စရပ်များ၊ အရှေ့တောင်အာရှသဘာဝဘေးအန္တရာယ်ဆိုင်ရာ အာမခံပံ့ပိုးပေးမှုအစီအစဉ်များကို အာရှဖွံ့ဖြိုးရေးဘဏ်၊ အပြည်ပြည်ဆိုင်ရာ ငွေကြေးရန်ပုံငွေအဖွဲ့နှင့် အာဆီယံ+၃ မေခရိုစီးပွားရေးသုတေသနရုံးတို့မှ ကိုယ်စားလှယ်များက ရှင်းလင်းတင်ပြကြရာ အာဆီယံ+၃ နိုင်ငံများမှ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများက အကြံပြုဆွေးနွေးကြသည်။ ထို့နောက် (၂၉) ကြိမ်မြောက် အာဆီယံ+၃ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေးပူးတွဲကြေညာချက်ကို အပြီးသတ်ဆွေးနွေးအတည်ပြုကြပြီး အစည်းအဝေးကို ညနေပိုင်းတွင် ရုပ်သိမ်းသည်။ (၂၉) ကြိမ်မြောက် အာဆီယံ+၃ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေးကို ဥဇဘက်ကစ္စတန်နိုင်ငံ Samarkand မြို့တွင် မေ ၃ ရက်မှ ၆ ရက်အထိကျင်းပလျက်ရှိသည့် (၅၉) ကြိမ်မြောက် အာရှဖွံ့ဖြိုးရေးဘဏ်နှစ်ပတ်လည် အစည်းအဝေးကာလအတွင်း ကျင်းပခြင်းဖြစ်ပြီး အစည်းအဝေးသို့ အပေါင်းသုံးနိုင်ငံများဖြစ်ကြသည့် ကိုရီးယားသမ္မတနိုင်ငံမှ ဒုတိယဝန်ကြီးချုပ် Mr. Yuncheol Koo ၊ ဂျပန်နိုင်ငံမှ ဘဏ္ဍာရေးဝန်ကြီး Ms. Satsuki Katayama နှင့် တရုတ်နိုင်ငံမှ လက်ထောက်ဘဏ္ဍာရေးဝန်ကြီး Ms. Junhong Chang ၊ အာဆီယံအဖွဲ့ဝင်နိုင်ငံများမှ ဘဏ္ဍာရေးဝန်ကြီးများ၊ ဒုတိယဝန်ကြီးများ၊ ဗဟိုဘဏ်ဥက္ကဋ္ဌများနှင့် ဒုတိယဥက္ကဋ္ဌများ၊ အာရှဖွံ့ဖြိုးရေးဘဏ်ဥက္ကဋ္ဌ Mr. Masato Kanda ၊ အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) မှ Deputy Managing Director Mr. Kenji Okamura နှင့် အာဆီယံ+၃ မေခရိုစီးပွား ရေးသုတေသနရုံးမှ Director/ CEO Mr. Yasuto Watanabe တို့ တက်ရောက်ခဲ့ကြကြောင်း သိရသည်။ သတင်းစဉ်MDN
Mon, 4-May-2026
ရွှေပြည်သာမြို့နယ်၌ နွေစပါးစံကွက်ရိတ်သိမ်းမှု တောင်သူကွင်းသရုပ်ပြပွဲကျင်းပ
ရွှေပြည်သာမြို့နယ်၌ နွေစပါးစံကွက်ရိတ်သိမ်းမှု တောင်သူကွင်းသရုပ်ပြပွဲကျင်းပ
ရွှေပြည်သာ မေ ၃ ရန်ကုန်တိုင်းဒေသကြီး ရွှေပြည်သာမြို့နယ် အမှတ်(၂၁)ရပ်ကွက် (လိန်ကုန်း)ကျေးရွာတွင် နွေစပါး စံကွက်ရိတ်သိမ်းမှု တောင်သူ ကွင်းသရုပ်ပြပွဲကို တောင်သူ ဒေါ်သန်းသန်းအေး၏ စိုက်ခင်း၌ စိုက်ပျိုးထားသော ရက် ၉၀ စပါး အစေ့ချစိုက်ခင်း ဧရိယာခြောက်ဧက၌ ယနေ့နံနက်ပိုင်းက ကျင်းပသည်။ တက်ရောက်အဆိုပါ ကွင်းသရုပ်ပြပွဲသို့ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးမြင့်ဦးနှင့် အဖွဲ့ဝင်များ၊ ဌာနဆိုင်ရာများ၊ ရွှေပြည်သာမြို့နယ် စိုက်ပျိုးရေးဦးစီးဌာနမှ ဦးစီးအရာရှိ ဦးအေးလွင် နှင့်ဝန်ထမ်းများ၊ စက်မှုလယ်ယာဦးစီးဌာနမှ ဦးစီးအရာရှိ ဦးထွန်းထွန်းဝင်း၊ အမှတ်(၂၁)ရပ်ကွက် (လိန်ကုန်း)ကျေးရွာ အုပ်ချုပ်ရေးမှူးနှင့် တောင်သူများ တက်ရောက်ကြပြီး တစ်ဧက အစိုအထွက်နှုန်း ၁၀၈ ဒသမ ၄၈ တင်း (အခြောက် ၁၀၅ ဒသမ ၇ တင်း) ထွက်ရှိကြောင်း သိရသည်။မေမွန်ထွဋ်(ပြန်/ဆက်)MDN
Mon, 4-May-2026
(၄.၅.၂၀၂၆) ရက်နေ့ ဓာတ်သတ္တု(ရွှေ)ရည်ညွှန်းဈေး (Market Rate)
(၄.၅.၂၀၂၆) ရက်နေ့ ဓာတ်သတ္တု(ရွှေ)ရည်ညွှန်းဈေး (Market Rate)
သိပ်သည်းဆ ၁၉.၂၅ ဂရမ်/ ကုဗစင်တီမီတာနှင့်အထက်ရှိ စံချိန်မီရွှေ ၁ ကျပ်သား (၁၆.၃၂၉၃၂၅ ဂရမ်) ၏ ဈေးနှုန်း (၇,၁၀၀,၀၀၀) ကျပ် ဓာတ်သတ္တု(ရွှေ)ရည်ညွှန်းဈေးသတ်မှတ်ရေးကော်မတီ
Mon, 4-May-2026
ဇလွန်မြို့နယ်၌ လူမှုစီးပွားမြှင့်တင်ရေး(သက်တန့်ရောင်) စီမံကိန်းဆောင်ရွက်ရန် ကွင်းဆင်းဆွေးနွေး
ဇလွန်မြို့နယ်၌ လူမှုစီးပွားမြှင့်တင်ရေး(သက်တန့်ရောင်) စီမံကိန်းဆောင်ရွက်ရန် ကွင်းဆင်းဆွေးနွေး
ဇလွန် မေ ၃ ဧရာဝတီတိုင်းဒေသကြီး ဇလွန်မြို့နယ် အုတ်ရှစ်ကွင်းကျေးရွာ၌ အောင်မင်္ဂလာစိုက်ပျိုးထုတ်လုပ်ရေး သမဝါယမအသင်းသားတောင်သူများအား မိုးစပါးအချိန်မီစိုက်ပျိုးနိုင်ရေးနှင့် မျိုးကောင်းမျိုးသန့် အသုံးပြုနိုင်ရေးအတွက် ဧရာဝတီတိုင်းဒေသကြီး ဦးစီးမှူး ဦးကျော်စိုးမင်းနှင့် တာဝန်ရှိသူများက ယမန်နေ့မွန်းလွဲပိုင်းက ညှိနှိုင်းဆွေးနွေး ဆောင်ရွက်ခဲ့ကြသည်။ ဆွေးနွေးပွဲကို အုတ်ရှစ်ကွင်းကျေးရွာ စာသင်ကျောင်း၌ ပြုလုပ်ရာ မြို့နယ်သမဝါယမဦးစီးဌာန မြို့နယ်ဦးစီးမှူး ဒေါ်ယဉ်စိုးအေးက အသင်းသားတောင်သူ ၂၅ ဦး၊ စိုက်ပျိုးဧက ၅၀ အတွက် မိုးစပါးစိုက်ပျိုးအကောင်အထည်ဖော်မည့်အခြေအနေ၊ မျိုးနှင့် သွင်းအားစု လိုအပ်ချက်၊ စက်သုံးဆီလိုအပ်မှုများနှင့်ပတ်သက်၍ ဆောင်ရွက်မှုအခြေအနေကို ရှင်းလင်းပြောကြားခဲ့ပြီး အသင်းသား တောင်သူ ဦးသောင်းအေး၏ လယ်မြေငါးဧကတွင် မြေပြုပြင်ထားရှိမှုကို တိုင်းဒေသကြီးဦးစီးမှူး ဦးကျော်စိုးမင်းနှင့် တာဝန်ရှိသူများက ကွင်းဆင်းကြည့်ရှုအားပေးခဲ့ကြောင်း သိရသည်။ဇလွန်(ပြန်/ဆက်)MDN
Mon, 4-May-2026
© Copyright 2024 SAC All Rights Reserved.