အောင်ပွဲနေ့အခမ်းအနားကို နှောင့်ယှက်ပါက ဒုံးကျည်မိုးရွာမည်ဟု ရုရှားက ယူကရိန်းကို သတိပေး

NoahJune222

News Image

  • အောင်ပွဲနေ့အခမ်းအနားကို နှောင့်ယှက်ပါက ဒုံးကျည်မိုးရွာမည်ဟု ရုရှားက ယူကရိန်းကို သတိပေး

ရုရှားနိုင်ငံ၏ အောင်ပွဲနေ့အခမ်းအနားများကိုနှောင့်ယှက်ရန် ကြိုးပမ်းလာပါက ကိယက်မြို့ကို ဒုံးကျည်မိုးရွာမည်ဟု ရုရှားနိုင်ငံခြားရေး ဝန်ကြီးဌာနက ယူကရိန်းကိုသတိပေးစကားပြောလိုက်သည်။ ရုရှားနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ မာရီယာဇာခါရိုဗာက မေလ ၉ ရက်တွင်ကျရောက်မည့် (၈၁) နှစ်မြောက်မဟာမျိုးချစ်စစ်ပွဲ အောင်ပွဲနေ့အခမ်းအနားကို ယူကရိန်းဘက်က နှောင့်ယှက်ဖျက်ဆီးရန် စီစဉ်လာပါက တုံ့ပြန်မှုများပြုလုပ်မည်ဟုပြောထားခြင်းဖြစ်သည်။

ထို့ကြောင့် ကိယက်မြို့ရှိ အရပ်သားများနှင့် နိုင်ငံခြားသံတမန်များသည် မြို့အတွင်းမှ အချိန်မီထွက်ခွာရန် ရုရှားကာကွယ်ရေး ဝန်ကြီးဌာန၏ အကြံပြုချက်ကို   အလေးအနက်ထား လိုက်နာသင့်ကြောင်း ၎င်းက ဆိုသည်။

ရုရှားသမ္မတ ဗလာဒီမာပူတင်သည် ထိုအောင်ပွဲနေ့ကိုဂုဏ်ပြုသောအားဖြင့် မေလ၈ ရက်နှင့် ၉ ရက်တို့တွင် အပစ်အခတ်ရပ်စဲရန် ကြေညာထားသည်။ ထိုအပစ်အခတ်ရပ်စဲရေးအစီအစဉ်ကို အမေရိကန်သမ္မတ ဒေါ်နယ်ထရမ့်က ဧပြီလ ၂၉ ရက်တွင်ပြုလုပ်သည့် တယ်လီဖုန်းဖြင့်ဆွေးနွေးမှုတွင် ထောက်ခံခဲ့သော်လည်း ယူကရိန်းသမ္မတ ဇီလန်စကီက  ပယ်ချခဲ့သည့်အပြင် ရုရှားနိုင်ငံ၏ အခမ်းအနားများကို ဒရုန်းများဖြင့် တိုက်ခိုက်မည်ဟု ခြိမ်းခြောက်ထားကြောင်း ရုရှားအစိုးရက ပြောသည်။

Ref: Sputnik

MWD


 

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ပဲခူးတိုင်းဒေသကြီး၊ အုတ်ဖိုမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး သေဆုံး , ပဲခူးတိုင်းဒေသကြီး၊ အုတ်ဖိုမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး သေဆုံး
ပဲခူးတိုင်းဒေသကြီး၊ အုတ်ဖိုမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး သေဆုံး
08 May 2026     အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်အဖွဲ့များကို ဖွဲ့စည်း၍ အချို့သော ဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများနှင့် အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ မေ ၆ ရက် မွန်းလွဲ ၃ နာရီ ၃၀ မိနစ်တွင် ပဲခူးတိုင်းဒေသကြီး၊ အုတ်ဖိုမြို့နယ်၊ ပြည်တော်အေးကျေးရွာနေ ဦးအောင်ဇော်(၄၇)နှစ်သည် ကျေးရွာရှိ ၎င်းပိုင်ကွမ်းယာဆိုင်၌ တစ်ရွာတည်းနေ ဦးကျော်ဦး(၅၅)နှစ်နှင့်အတူ ရှိနေစဉ် PDF အမည်ခံ အကြမ်းဖက်သမား လေးဦးက ဆိုင်ကယ် နှစ်စီးဖြင့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်ကာ ဆိုင်ရှေ့တွင် ရပ်ထားသည့် ဦးကျော်ဦး၏ဆိုင်ကယ် တစ်စီးအား လုယက်ယူဆောင်သွားခဲ့သဖြင့် ၎င်းတို့ နှစ်ဦးတွင် ကျည်ထိမှန် ဒဏ်ရာများရရှိကာ သေဆုံးသွားခဲ့ကြောင်း သိရသည်။  အထက်ပါဖြစ်စဉ်တွင် လက်နက်ကိုင်အကြမ်းဖက်သမားများသည် ပြည်သူလူထုအကြား အကြောက်တရားများ လွှမ်းမိုးစေရန် ရည်ရွယ်၍ အပြစ်မဲ့ အရပ်သားပြည်သူများအား ဆင်ခြင်တုံတရားကင်းမဲ့စွာ သေနတ်ဖြင့် ပစ်ခတ်သတ်ဖြတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချလျက်ရှိကြောင်းနှင့် လုံခြုံရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့်ပူးပေါင်း၍ အကြမ်းဖက်သမားများအား အမြန်ဆုံး ဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။MOHA
Fri, 8-May-2026
ဂျာမနီနိုင်ငံ၏ စစ်သားစုဆောင်းရေးလုပ်ငန်းစဉ်များ အဆင်မပြေဖြစ်နေမှုကြောင့် ဒဏ်ရိုက်မည့်အစီအစဉ်ကို စဉ်းစားသုံးသပ်နေကြောင်း Spiegel သတင်းတွင် ဖော်ပြ
ဂျာမနီနိုင်ငံ၏ စစ်သားစုဆောင်းရေးလုပ်ငန်းစဉ်များ အဆင်မပြေဖြစ်နေမှုကြောင့် ဒဏ်ရိုက်မည့်အစီအစဉ်ကို စဉ်းစားသုံးသပ်နေကြောင်း Spiegel သတင်းတွင် ဖော်ပြ
ဂျာမနီနိုင်ငံတွင် စစ်သားစုဆောင်းရေး အစီအစဉ်သစ်အရ စစ်မှုထမ်းရန် မဖြစ်မနေ ဖြည့်စွက်ရမည့်မေးခွန်းလွှာများကို မဖြည့်စွက်သည့် လူငယ် များကို ဒဏ်ရိုက်ရန် စဉ်းစားနေကြောင်း Der Spiegel သတင်းဌာန၏ ဖော်ပြချက်အရ သိရှိရသည်။ဘာလင်အစိုးရသည် ဥရောပသမဂ္ဂ၏ စစ်ရေးအင်အားတိုးချဲ့မှု တစ်စိတ် တစ်ပိုင်းအနေဖြင့် ဂျာမန်တပ်မတော် (Bundeswehr) ကို အလျင်အမြန် ချဲ့ထွင်ရန် ကြိုးပမ်းနေပြီး လက်ရှိရှိရင်းစွဲ စစ်သည်အင်အား ၁၈၆,၀၀၀ မှ ၂၀၃၀ ပြည့်နှစ်လယ်ပိုင်းတွင် ၂၆၀,၀၀၀ ကျော်အထိ တိုးမြှင့်ရန် ရည်မှန်း ထားသည်။ ဂျာမနီတာဝန်ရှိသူများက ရုရှား၏ခြိမ်းခြောက်မှု ရှိနေသည် ဟု အကြောင်းပြကာ ယခုအစီအစဉ်ကို လုပ်ဆောင်နေခြင်း ဖြစ်သော်လည်း မော်စကိုဘက်ကမူ ယင်းမှာ အဓိပ္ပာယ်မရှိသော စွပ်စွဲချက်သာဖြစ်ကြောင်း ပယ်ချထားသည်။အစိုးရ၏ အွန်လိုင်းစစ်တမ်းကိုဖြည့်စွက်ရန် သတိပေးချက်များ ပေးပို့ထားသော်လည်း လိုက်နာခြင်းမရှိသည့် အမျိုးသား ၁၀,၀၀၀ ခန့်မှာ ယခုအခါ ယူရို ၂၅၀ (ဒေါ်လာ ၂၉၄ ခန့်) ဒဏ်ရိုက်ခံရမည့်အခြေအနေနှင့် ရင်ဆိုင်နေရကြောင်း ကြာသပတေးနေ့ (မေ ၇) က သတင်းတွင် ဖော်ပြခဲ့သည်။ တာဝန်ရှိသူများက ယခင်က ဒဏ်ငွေ ယူရို ၁,၀၀၀ အထိ ချမှတ်နိုင်ကြောင်း သတိပေးခဲ့ဖူးသည်။ကာကွယ်ရေးဝန်ကြီး Boris Pistorius က တွန်းအားပေးနေသည့် စစ်မှုထမ်းစနစ်သစ်၏ အစိတ်အပိုင်းအဖြစ် ယခုနှစ်အစောပိုင်းတွင်အဆိုပါမေးခွန်းလွှာကို စတင်မိတ်ဆက်ခဲ့ခြင်းဖြစ်သည်။ ယင်းမေးခွန်းလွှာတွင် ကိုယ်ကာယကြံ့ခိုင်မှု၊ ကျန်းမာရေးအခြေအနေနှင့် စစ်မှုထမ်းရန် ဆန္ဒရှိ၊ မရှိတို့ကို မေးမြန်းထားသည်။ စစ်မှုထမ်းဥပဒေအသစ်အရ အသက် ၁၈ နှစ်ပြည့်ပြီးသည့် ဂျာမန်အမျိုးသားအားလုံးသည် အဆိုပါပုံစံကိုဖြည့်စွက်ပြီး ဆေးစစ်မှုခံယူကာ စစ်မှုထမ်းရန်အတွက် စာရင်းပေးသွင်းရန် တာဝန်ရှိသည်။ယခုဥပဒေတွင် လက်နက်ကိုင်တပ်ဖွဲ့များ၌ လူအင်အားလိုအပ်ချက်နှင့်ရင်ဆိုင်ရပါက စစ်သားသစ်များကို မဲနှိုက်စနစ်ဖြင့် ဆင့်ခေါ်နိုင်ခြေရှိကြောင်းလည်း ပြဋ္ဌာန်းထားသည်။ ပြီးခဲ့သည့်မတ်လအတွင်းက အထက်တန်းကျောင်းသားထောင်ပေါင်းများစွာသည် စစ်မှုမထမ်းမနေရစနစ် ပြန်လည်ကျင့်သုံးလာစေမည့် လုပ်ဆောင်ချက်များကိုဆန့်ကျင်ရန် ဘာလင်မြို့ လမ်းမများပေါ်ထွက်၍ ဆန္ဒပြခဲ့ကြသည်။ဂျာမနီနိုင်ငံသည် ၂၀၁၁ ခုနှစ်တွင် စစ်မှုမထမ်းမနေရစနစ်ကို ဖျက်သိမ်းခဲ့သည်။ သို့သော်လည်း ဝန်ကြီး Pistorius အပါအဝင် အဆင့်မြင့်အရာရှိကြီးများက ယင်းစနစ်ကို ပြန်လည်ကျင့်သုံးရန် မကြာသေးမီက အရိပ်အမြွက် ပြောကြားခဲ့ကြသည်။ ရုရှားသည် ၂၀၂၈ ခုနှစ် ခန့်တွင် NATO အဖွဲ့ဝင် နိုင်ငံတစ်ခုကို တိုက်ခိုက်လာနိုင်ကြောင်း Pistorius က ပြီးခဲ့သည့်နှစ်တွင် ပြောကြားခဲ့ပြီး ကုန်ကျစရိတ်များပြားမည့် စစ်အင်အားတိုးချဲ့မှုကို လုပ်ဆောင်ရန် တိုက်တွန်းခဲ့သည်။ ဝန်ကြီးချုပ် Friedrich Merz ကလည်း ၎င်း၏နိုင်ငံ တပ်မတော်ကို ဥရောပသမဂ္ဂတွင် အင်အားအကြီးဆုံး သမားရိုးကျ လက်နက်ကိုင်တပ်ဖွဲ့ဖြစ်လာစေရန် ရည်မှန်းထားကြောင်း အလားတူ ပြောဆိုထားသည်။မော်စကိုဘက်ကမူ ၎င်းတို့အနေဖြင့် အနောက်နိုင်ငံ အိမ်နီးချင်းများအပေါ် ကျူးကျော်လိုသည့် ရည်ရွယ်ချက်မရှိကြောင်း အစဉ်တစိုက် ငြင်းဆို ထားသည်။ ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Maria Zakharova က ဂျာမနီ၏ အဆက်မပြတ်လုပ်ဆောင်နေသည့် စစ်ရေးချဲ့ထွင်မှု များအပေါ် မှတ်ချက်ပေးရာတွင် ယင်းသည် ဒုတိယကမ္ဘာစစ်ကဲ့သို့ ကမ္ဘာလုံးဆိုင်ရာအတိုင်းအတာဖြင့် နောက်ထပ်အဖြစ်ဆိုးတစ်ခုဆီသို့ ဦးတည်သွားနိုင်ကြောင်း သတိပေးပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
ဟော်မုဇ်ရေလက်ကြားတွင် အမေရိကန်နှင့် အီရန်တပ်ဖွဲ့များ အပြန်အလှန် ပစ်ခတ်မှုဖြစ်ပွားခဲ့ပြီးနောက် အခြေအနေများ ပြန်လည်တည်ငြိမ်
ဟော်မုဇ်ရေလက်ကြားတွင် အမေရိကန်နှင့် အီရန် တပ်ဖွဲ့များ အပြန်အလှန်ပစ်ခတ်မှုဖြစ်ပွားခဲ့ပြီးနောက် အခြေအနေများ ပြန်လည်တည်ငြိမ်
ဟော်မုဇ်ရေလက်ကြားအတွင်းနှင့် ရေလက်ကြားတစ်လျှောက်တွင် အမေရိကန်နှင့် အီရန်တပ်ဖွဲ့များအကြား အပြန်အလှန်ပစ်ခတ်မှုများဖြစ်ပွားခဲ့သော်လည်း လက်ရှိတွင် အခြေအနေများ ပြန်လည်တည်ငြိမ်သွားပြီဖြစ်ကြောင်း အီရန်နိုင်ငံပိုင်မီဒီယာများက ဖော်ပြခဲ့ကြသည်။ လွန်ခဲ့သည့် နာရီပိုင်းအတွင်းက နှစ်ဖက်တပ်ဖွဲ့များအကြား တင်းမာမှုများရှိခဲ့သော်လည်း ယခုအခါ ရေလက်ကြားအနီးရှိ အီရန် ကျွန်းများနှင့် ကမ်းရိုးတန်းမြို့များ၏ အခြေအနေမှာ ပုံမှန်အတိုင်း ပြန်လည် တည်ငြိမ်နေပြီဖြစ်ကြောင်း Press TV သတင်းဌာနက အတည်ပြု ပြောကြားခဲ့သည်။အဆိုပါ ပစ်ခတ်မှုဖြစ်စဉ်နှင့်ပတ်သက်၍ အီရန် တော်လှန်ရေးအစောင့်တပ်ဖွဲ့ (IRGC) က သတင်းထုတ်ပြန်ရာတွင် ယခုအချိန်အထိ အရပ်သား ထိခိုက်သေဆုံးမှု တစ်စုံတစ်ရာ မရှိသေးကြောင်း သိရှိရသည်။ အီရန် နိုင်ငံတောင်ပိုင်း ဟော်မုဇ်ရေလက်ကြားနှင့် ထိစပ်နေသော ကမ်းရိုးတန်းနှင့် ကျွန်းစုများတည်ရှိရာ Hormozgan ပြည်နယ်ရှိ နိုင်ငံပိုင်မီဒီယာသတင်းထောက်၏ တင်ပြချက်အရ ဒေသတွင်း၌ စိုးရိမ်ဖွယ်ရာအခြေအနေများ မရှိတော့ကြောင်းနှင့် အခြေအနေအားလုံးကို ထိန်းချုပ်ထားနိုင်ပြီဖြစ်ကြောင်း သိရှိရပါသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
ဟော်မုဇ်ရေလက်ကြား၌ အမေရိကန်စစ်သင်္ဘောများ တိုက်ခိုက်ခံရပြီးနောက် အီရန်စစ်အခြေစိုက်စခန်းများကို အမေရိကန် ပြန်လည်တိုက်ခိုက်
ဟော်မုဇ်ရေလက်ကြား၌ အမေရိကန်စစ်သင်္ဘောများ တိုက်ခိုက်ခံရပြီးနောက် အီရန်စစ်အခြေစိုက်စခန်းများကို အမေရိကန် ပြန်လည်တိုက်ခိုက်
မေလ ၇ ရက်နေ့က ဟော်မုဇ်ရေလက်ကြားကို ဖြတ်သန်းမောင်းနှင်နေသည့် အမေရိကန် ရေတပ်ဖျက်သင်္ဘောများကို အီရန်ဘက်က ဒုံးကျည်များ၊ ဒရုန်းများနှင့် ရေယာဉ်ငယ်များအသုံးပြု၍ အကြောင်းမဲ့ ရန်စတိုက်ခိုက်ခဲ့သည့်အတွက် အမေရိကန်တပ်ဖွဲ့များက အီရန် စစ်ဘက်ဆိုင်ရာ အဆောက်အအုံများကို ပြန်လည်တိုက်ခိုက်ခဲ့ကြောင်း အမေရိကန် အလယ်ပိုင်းစစ်ဌာနချုပ် (CENTCOM) က သတင်းထုတ်ပြန်ခဲ့သည်။ အဆိုပါ ဖြစ်စဉ်အတွင်း အမေရိကန်ပိုင် USS Truxtun၊ USS Rafael Peralta နှင့် USS Mason ဖျက်သင်္ဘော ၃ စီးမှာ နိုင်ငံတကာရေကြောင်း လမ်းအတိုင်း အိုမန်ပင်လယ်ကွေ့သို့ ဦးတည်ခုတ်မောင်းနေစဉ် တိုက်ခိုက်ခံခဲ့ရခြင်းဖြစ်ပြီး အမေရိကန်ဘက်မှ ထိခိုက်ပျက်စီးမှု တစ်စုံတစ်ရာမရှိဘဲ အီရန်၏တိုက်ခိုက်မှုများကို ကြားဖြတ်ဟန့်တားနိုင်ခဲ့ကြောင်း သိရှိရသည်။တုံ့ပြန်မှုအနေဖြင့် အမေရိကန်တပ်ဖွဲ့များသည် အီရန် နိုင်ငံအတွင်းရှိ ဒုံးကျည်နှင့် ဒရုန်းလွှတ်တင်ရေးစခန်းများ၊ စစ်ဆင်ရေးကွပ်ကဲမှုဌာနများနှင့် ထောက်လှမ်းရေးစခန်းများကို ‘မိမိကိုယ်ကို ခုခံကာကွယ်သည့် အနေဖြင့်’ ပစ်မှတ်ထားတိုက်ခိုက်ခဲ့သည်။ တစ်ဖက်တွင်လည်း အီရန်နိုင်ငံပိုင် သတင်းဌာနက Qeshm ကျွန်းရှိ Bahman ဆိပ်ခံတံတားအနီးမှ ကုန်သွယ်ရေးအဆောက်အအုံများ ပစ်မှတ်ထားခံခဲ့ရကြောင်း ထုတ်ပြန်ခဲ့သည်။ CENTCOM က ၎င်းတို့အနေဖြင့် ပဋိပက္ခများပိုမိုကြီးထွားလာစေရန် ဆန္ဒမရှိသော်လည်း မိမိတို့၏တပ်ဖွဲ့ဝင်များကို အကာအကွယ်ပေးရန် အတွက်မူ အမြဲတမ်းအသင့်ရှိနေကြောင်း ပြတ်ပြတ်သားသား သတိပေးပြောကြားထားသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
အောင်ပွဲနေ့အခမ်းအနားကို နှောင့်ယှက်ပါက ဒုံးကျည်မိုးရွာမည်ဟု ရုရှားက ယူကရိန်းကို သတိပေး
အောင်ပွဲနေ့အခမ်းအနားကို နှောင့်ယှက်ပါက ဒုံးကျည်မိုးရွာမည်ဟု ရုရှားက ယူကရိန်းကို သတိပေး
ရုရှားနိုင်ငံ၏ အောင်ပွဲနေ့အခမ်းအနားများကိုနှောင့်ယှက်ရန် ကြိုးပမ်းလာပါက ကိယက်မြို့ကို ဒုံးကျည်မိုးရွာမည်ဟု ရုရှားနိုင်ငံခြားရေး ဝန်ကြီးဌာနက ယူကရိန်းကိုသတိပေးစကားပြောလိုက်သည်။ ရုရှားနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ မာရီယာဇာခါရိုဗာက မေလ ၉ ရက်တွင်ကျရောက်မည့် (၈၁) နှစ်မြောက်မဟာမျိုးချစ်စစ်ပွဲ အောင်ပွဲနေ့အခမ်းအနားကို ယူကရိန်းဘက်က နှောင့်ယှက်ဖျက်ဆီးရန် စီစဉ်လာပါက တုံ့ပြန်မှုများပြုလုပ်မည်ဟုပြောထားခြင်းဖြစ်သည်။ထို့ကြောင့် ကိယက်မြို့ရှိ အရပ်သားများနှင့် နိုင်ငံခြားသံတမန်များသည် မြို့အတွင်းမှ အချိန်မီထွက်ခွာရန် ရုရှားကာကွယ်ရေး ဝန်ကြီးဌာန၏ အကြံပြုချက်ကို   အလေးအနက်ထား လိုက်နာသင့်ကြောင်း ၎င်းက ဆိုသည်။ရုရှားသမ္မတ ဗလာဒီမာပူတင်သည် ထိုအောင်ပွဲနေ့ကိုဂုဏ်ပြုသောအားဖြင့် မေလ၈ ရက်နှင့် ၉ ရက်တို့တွင် အပစ်အခတ်ရပ်စဲရန် ကြေညာထားသည်။ ထိုအပစ်အခတ်ရပ်စဲရေးအစီအစဉ်ကို အမေရိကန်သမ္မတ ဒေါ်နယ်ထရမ့်က ဧပြီလ ၂၉ ရက်တွင်ပြုလုပ်သည့် တယ်လီဖုန်းဖြင့်ဆွေးနွေးမှုတွင် ထောက်ခံခဲ့သော်လည်း ယူကရိန်းသမ္မတ ဇီလန်စကီက  ပယ်ချခဲ့သည့်အပြင် ရုရှားနိုင်ငံ၏ အခမ်းအနားများကို ဒရုန်းများဖြင့် တိုက်ခိုက်မည်ဟု ခြိမ်းခြောက်ထားကြောင်း ရုရှားအစိုးရက ပြောသည်။Ref: SputnikMWD 
Fri, 8-May-2026
တနင်္သာရီတိုင်းဒေသကြီးနှင့် မန္တလေးတိုင်းဒေသကြီးတို့ရှိ မြို့နယ်အချို့၌ PDF အမည်ခံ အကြမ်းဖက်သမားများ ထောင်ထားသည့် မိုင်းများ ပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ တစ်ဦး သေဆုံးကာ သုံးဦး ထိခိုက်ဒဏ်ရာရရှိ , တနင်္သာရီတိုင်းဒေသကြီးနှင့် မန္တလေးတိုင်းဒေသကြီးတို့ရှိ မြို့နယ်အချို့၌ PDF အမည်ခံ အကြမ်းဖက်သမားများ ထောင်ထားသည့် မိုင်းများ ပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ တစ်ဦး သေဆုံးကာ သုံးဦး ထိခိုက်ဒဏ်ရာရရှိ , တနင်္သာရီတိုင်းဒေသကြီးနှင့် မန္တလေးတိုင်းဒေသကြီးတို့ရှိ မြို့နယ်အချို့၌ PDF အမည်ခံ အကြမ်းဖက်သမားများ ထောင်ထားသည့် မိုင်းများ ပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ တစ်ဦး သေဆုံးကာ သုံးဦး ထိခိုက်ဒဏ်ရာရရှိ
တနင်္သာရီတိုင်းဒေသကြီးနှင့် မန္တလေးတိုင်းဒေသကြီးတို့ရှိ မြို့နယ်အချို့၌ PDF အမည်ခံ အကြမ်းဖက်သမားများ ထောင်ထားသည့် မိုင်းများ ပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ တစ်ဦး သေဆုံးကာ သုံးဦး ထိခိုက်ဒဏ်ရာရရှိ
07 May 2026     အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများအသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများကို ပြုလုပ်လျက်ရှိပါသည်။     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ မေ ၅ ရက် နံနက် ၈ နာရီတွင် တနင်္သာရီတိုင်းဒေသကြီး၊ ထားဝယ်မြို့နယ်၊ ပျားသားချောင်းကျေးရွာနေ ဦးစောဆာဆေး(၄၅)နှစ်သည် ကျေးရွာအနောက်မြောက်ဘက် သုံးမိုင်ခန့်အကွာ ဥယျာဉ်ခြံအတွင်း အလုပ်လုပ်ကိုင်နေစဉ် PDF အမည်ခံ အကြမ်းဖက်သမားများ ထောင်ထားသည့် နင်းမိုင်း တစ်လုံးအား နင်းမိပေါက်ကွဲခဲ့မှုကြောင့် ၎င်းတွင် မိုင်းပေါက်ကွဲစ ထိမှန်ဒဏ်ရာများရရှိခဲ့၍ ဆေးကုသနိုင်ရေး ထားဝယ်ပြည်သူ့ဆေးရုံကြီးသို့ ပို့ဆောင်ထားရှိကြောင်း သိရသည်။     အလားတူ မွန်းလွဲ ၂ နာရီ ၂၅ မိနစ်တွင် မန္တလေးတိုင်းဒေသကြီး၊ ပုသိမ်ကြီးမြို့နယ်၊ မရိုးကုန်းကျေးရွာနေ ဦးဇော်လင်းအောင်(၄၃)နှစ်သည် ၎င်းကောက်ယူလာခဲ့သည့် သံတိုသံစများအား ရောင်းချရန် နေအိမ်၌ထုခွဲနေစဉ် သံတိုသံစများအတွင်း ရောနှောပါလာသည့် ဗုံးသီးဟောင်း တစ်လုံးအား ထုရိုက်မိရာမှ ပေါက်ကွဲခဲ့မှုကြောင့် ၎င်းတွင် ဗုံးသီးပေါက်ကွဲစ ထိမှန်ဒဏ်ရာများ ရရှိကာ သေဆုံးသွားခဲ့ပြီး ပေါက်ကွဲမှုဖြစ်ပွားသည့်နေရာအနီး၌ ရောက်ရှိနေသည့် တစ်ရွာတည်းနေ မောင်ဇွဲမောင်မောင်(၄)နှစ်တွင် ထိခိုက်ဒဏ်ရာများရရှိခဲ့၍ ဆေးကုသနိုင်ရေး မန္တလေးပြည်သူ့ဆေးရုံကြီးသို့ ပို့ဆောင်ထားရှိကြောင်း သိရသည်။      အလားတူ ည ၉ နာရီ ၃၀ မိနစ်တွင် မန္တလေးတိုင်းဒေသကြီး၊ ပြင်ဦးလွင်ခရိုင်ပြည်သူ့ ဆေးရုံကြီး၌ မိုင်းပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ ညနေ ၅ နာရီတွင် ရှမ်းပြည်နယ်၊ နောင်ချိုမြို့နယ်၊ ယာပြင်ကျေးရွာနေ ကိုသန်းနိုင်ဦး(၂၆)နှစ်သည် ယာပြင်ကျေးရွာအရှေ့ဘက် တစ်မိုင်ခန့်အကွာရှိ ကြံခင်းအတွင်း အလုပ်လုပ်ကိုင်နေစဉ် PDF အမည်ခံ အကြမ်းဖက်သမားများ ထောင်ထားသည့် တိုက်မိုင်း တစ်လုံးအား တိုက်မိပေါက်ကွဲခဲ့မှုကြောင့် ၎င်းတွင် ထိခိုက်ဒဏ်ရာများ ရရှိခဲ့ခြင်းဖြစ်ကြောင်း သိရသည်။      အထက်ပါဖြစ်စဉ်များမှ အကြမ်းဖက်မှု ကျူးလွန်ခဲ့သူများအား ဥပဒေနှင့်အညီ ထိရောက်စွာအရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိပါသည်။MOHA
Thu, 7-May-2026
© Copyright 2024 SAC All Rights Reserved.