ဟော်မုရေလက်ကြားတွင် အမေရိကန်နှင့် အီရန်တို့ အပြန်အလှန် တိုက်ခိုက်မှုဖြစ်ပွား

NoahJune222

News Image

  • ဟော်မုရေလက်ကြားတွင် အမေရိကန်နှင့် အီရန်တို့ အပြန်အလှန် တိုက်ခိုက်မှုဖြစ်ပွား

တီဟီရန်၊ စစ်ရေး

     ဟော်မုရေလက်ကြား၌ အမေရိကန်နှင့် အီရန်တို့ကြား မေလ ၇ ရက်တွင် တိုက်ပွဲများ အပြင်းအထန်ဖြစ်ပွားရာ တစ်လကြာ အပစ်အခတ်ရပ်စဲရေးကို အကြီးမားဆုံး စိန်ခေါ်လျက်ရှိကြောင်း သိရသည်။ ယင်းသို့တိုက်ခိုက်မှုများ ဖြစ်ပွားသော်လည်း အခြေအနေများမှာ ပုံမှန်အတိုင်းပြန်ဖြစ်သွားပြီဖြစ်ကြောင်း အီရန်ဘက်က မေလ ၈ ရက်တွင်ဆိုသကဲ့သို့ အမေရိကန်ကလည်း စစ်ပွဲကိုထပ်မံ မချဲ့ထွင်လိုကြောင်း ထုတ်ဖော်ပြောထားသည်။

အမေရိကန်သည် ဟော်မုရေလက်ကြားသို့ ဝင်ရောက်လာသည့် သင်္ဘောနှစ်စင်းကို ပစ်မှတ်ထားခဲ့သည့်အပြင် ကက်ကျွန်းနှင့် ကုန်းတွင်းပိုင်းဒေသများရှိ အရပ်သားနယ်မြေများကိုပါ လေကြောင်းမှ တိုက်ခိုက်မှု လုပ်သည်ဟု အီရန်တပ်မတော်၏ ထုတ်ပြန်ချက်တွင် ဖော်ပြထားသည်။

အလားတူ အီရန်၏ ဒုံးကျည်များ၊ ဒရုန်းများနှင့် စက်လှေငယ်များဖြင့် တိုက်ခိုက်မှုကို တုံ့ပြန်သည့်အနေဖြင့် ပြန်လည်ပစ်ခတ်ခဲ့ခြင်းဖြစ်ကြောင်း အမေရိကန်အလယ်ပိုင်း ဒေသစစ်ဌာနချုပ်ကပြောသည်။ ထို့ပြင်ယင်းတိုက်ခိုက်မှုသည် အပစ်အခတ်ရပ်စဲရေးကို ထိခိုက်မှုမရှိကြောင်းနှင့် အီရန်နှင့် ဆွေးနွေးမှုများ ဆက်လက် လုပ်ဆောင်နေကြောင်း အမေရိကန်သမ္မတ ဒေါ်နယ်ထရမ့်ကပြောသည်။ နှစ်နိုင်ငံကြား စစ်ပွဲအဆုံးသတ်စေရေး အဆိုပြုချက်များကို နှစ်ဖက်စလုံးက လေ့လာသုံးသပ်နေစဉ် တိုက်ခိုက်မှုဖြစ်ပွားခြင်းဖြစ်သည်။

MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ရှမ်းပြည်နယ်(တောင်ပိုင်း) လဲချားမြို့နယ်နှင့် ကျိုင်းတောင်းမြို့အနီး၌ အွန်လိုင်းလိမ်လည် လောင်းကစားမှုကျူးလွန်ရာတွင် အသုံးပြုသည့် အဆောက်အအုံများ၊ ပစ္စည်းများနှင့် အွန်လိုင်းလိမ်လည် လောင်းကစားမှု ကျူးလွန်ရာတွင် ပါဝင်ပတ်သက်သူများအား ဖမ်းဆီးရမိ , ရှမ်းပြည်နယ်(တောင်ပိုင်း) လဲချားမြို့နယ်နှင့် ကျိုင်းတောင်းမြို့အနီး၌ အွန်လိုင်းလိမ်လည် လောင်းကစားမှုကျူးလွန်ရာတွင် အသုံးပြုသည့် အဆောက်အအုံများ၊ ပစ္စည်းများနှင့် အွန်လိုင်းလိမ်လည် လောင်းကစားမှု ကျူးလွန်ရာတွင် ပါဝင်ပတ်သက်သူများအား ဖမ်းဆီးရမိ
ရှမ်းပြည်နယ်(တောင်ပိုင်း) လဲချားမြို့နယ်နှင့် ကျိုင်းတောင်းမြို့အနီး၌ အွန်လိုင်းလိမ်လည် လောင်းကစားမှုကျူးလွန်ရာတွင် အသုံးပြုသည့် အဆောက်အအုံများ၊ ပစ္စည်းများနှင့် အွန်လိုင်းလိမ်လည် လောင်းကစားမှု ကျူးလွန်ရာတွင် ပါဝင်ပတ်သက်သူများအား ဖမ်းဆီးရမိ
နေပြည်တော် မေ ၈ မြန်မာနိုင်ငံအစိုးရအနေဖြင့် တစ်ကမ္ဘာလုံးကိုအန္တရာယ်ပေးနေသည့် အွန်လိုင်းလိမ်လည်မှုများ၊ အွန်လိုင်း လောင်းကစားမှုများ တိုက်ဖျက်ရေးလုပ်ငန်းစဉ်များကို အမျိုးသားရေးတာဝန်တစ်ရပ် အနေဖြင့် အလေးထားဆောင်ရွက်လျက်ရှိပြီး မြန်မာနိုင်ငံအတွင်း လုံးဝအခြေမပြုနိုင်ရေးအတွက် ပြည်တွင်းအင်အားစုများအပြင် အိမ်နီးချင်းနိုင်ငံ အစိုးရများနှင့်လည်း ပေါင်းစပ်ညှိနှိုင်း၍ တက်ကြွစွာ ဆောင်ရွက် လျက်ရှိသည်။ထိုကဲ့သို့ လုံခြုံရေးပူးပေါင်းအဖွဲ့များက သက်ဆိုင်ရာနယ်မြေများအတွင်း အွန်လိုင်းလိမ်လည် လောင်းကစားမှု လုပ်ကိုင်သူများ အခြေပြုနေထိုင်ခြင်း မရှိစေရန်နှင့် အွန်လိုင်းလိမ်လည် လောင်းကစားမှုများ ဆောင်ရွက်ခြင်းမရှိစေရန်အတွက် နယ်မြေရှင်းလင်းခြင်းနှင့် ရှာဖွ ဖော်ထုတ် စစ်ဆေးခြင်း လုပ်ငန်းများကို ဆောင်ရွက်ခဲ့ရာ ယနေ့နံနက်ပိုင်းတွင် ရှမ်းပြည်နယ် (တောင်ပိုင်း) လဲချားမြို့နယ် ဆီးဆောကျေးရွာ၏ အရှေ့တောင်ဘက် မီတာ ၆၈၀၀ ခန့်အကွာသို့အရောက်၌ အွန်လိုင်းလိမ်လည် လောင်းကစားမှုကျူးလွန်သူ တရုတ်နိုင်ငံသား အမျိုးသား ၁၃ ဦးနှင့် မြန်မာနိုင်ငံသား အမျိုးသမီးငါးဦး စုစုပေါင်း ၁၈ ဦးတို့အား အလျားပေ ၁၂၀ အနံပေ ၃၀ ရှိ လူနေတဲ နှစ်လုံး၊ အလျားပေ ၁၂၀ အနံ ပေ ၃၀ ရှိ လုပ်ငန်းသုံးတဲတစ်လုံး၊ အလျားပေ ၈၀ အနံပေ ၃၀ ရှိ မီးဖိုဆောင် တစ်လုံး၊ All In One နှစ်လုံး၊ မီးစက်အလတ် တစ်လုံး၊ ပါဝါစတေရှင်(အကြီး) နှစ်လုံးနှင့် ဖျက်ဆီးထားသည့် ဖုန်းမျိုးစုံအလုံး ၉၀ တို့နှင့်အတူ ဖမ်းဆီးရမိခဲ့သည်။ဆက်လက်၍ လုံခြုံရေးပူးပေါင်းအဖွဲ့များသည် နယ်မြေရှင်းလင်းခြင်းနှင့် ရှာဖွေဖော်ထုတ်စစ်ဆေးခြင်း လုပ်ငန်းများကို ဆက်လက်ဆောင်ရွက်ခဲ့ရာ ဆီးဆောကျေးရွာ၏ အရှေ့တောင်ဘက် မီတာ ၆၀၀၀ ခန့် အကွာသို့ အရောက်၌ အွန်လိုင်းလိမ်လည် လောင်းကစားမှုကျူးလွန်သူ တရုတ်နိုင်ငံသား အမျိုးသား ၁၂ ဦးတို့အား ထပ်မံဖမ်းဆီးရမိခဲ့သည်။အလားတူ ယနေ့မွန်းလွဲပိုင်းတွင် ရှမ်းပြည်နယ် (တောင်ပိုင်း) မိုင်းပန်မြို့နယ် ကျိုင်းတောင်းမြို့၏ တောင်ဘက် မီတာ ၁၂၀၀၀ ခန့်အကွာ မိုင်းပန် - ကျိုင်းတောင်းသွား ကားလမ်းအနီး၌ တရားမဝင် အွန်လိုင်း လောင်းကစားမှုကျူးလွန်သူ တရုတ်နိုင်ငံသား အမျိုးသားခြောက်ဦးအား ထပ်မံဖမ်းဆီး ရမိခဲ့သည်။အဆိုပါ အွန်လိုင်းလိမ်လည်လောင်းကစားမှုများ လုပ်ကိုင်လျက်ရှိသည့် ဖမ်းဆီးရမိသူများအား လိုအပ်သည့် စစ်ဆေးမှုများဆောင်ရွက်ပြီးစီးပါက တည်ဆဲဥပဒေများနှင့်အညီ ထိရောက်ပြင်းထန်စွာ အရေးယူ ဆောင်ရွက်သွားမည်ဖြစ်ပြီး သိမ်းဆည်းရမိသည့် လုပ်ငန်းသုံးပစ္စည်းများအား လုပ်ထုံး လုပ်နည်းများနှင့်အညီ ဆက်လက်ဆောင်ရွက်သွားမည်ဖြစ်ကြောင်း သိရသည်။နိုင်ငံတော်အနေဖြင့် အွန်လိုင်းလိမ်လည် လောင်းကစားမှုကျူးလွန်ခြင်းများ ပပျောက်စေရေးနှင့် မြန်မာနိုင်ငံအတွင်း အခြေချလုပ်ကိုင်နိုင်မှု မရှိစေရေးအတွက် အိမ်နီးချင်းနိုင်ငံများ၊ ဒေသတွင်း နိုင်ငံများ၊ နိုင်ငံတာကာအဖွဲ့အစည်းများနှင့် ပူးပေါင်း၍ အွန်လိုင်းလိမ်လည် လောင်းကစားမှု တိုက်ဖျက်ရေးလုပ်ငန်းစဉ်များကို တက်ကြွစွာ ဆက်လက်ဆောင်ရွက်လျက်ရှိကြောင်း သိရသည်။သတင်းစဉ်MDN
Sat, 9-May-2026
ဟော်မုရေလက်ကြားတွင် အမေရိကန်နှင့် အီရန်တို့ အပြန်အလှန် တိုက်ခိုက်မှုဖြစ်ပွား
ဟော်မုရေလက်ကြားတွင် အမေရိကန်နှင့် အီရန်တို့ အပြန်အလှန် တိုက်ခိုက်မှုဖြစ်ပွား
တီဟီရန်၊ စစ်ရေး     ဟော်မုရေလက်ကြား၌ အမေရိကန်နှင့် အီရန်တို့ကြား မေလ ၇ ရက်တွင် တိုက်ပွဲများ အပြင်းအထန်ဖြစ်ပွားရာ တစ်လကြာ အပစ်အခတ်ရပ်စဲရေးကို အကြီးမားဆုံး စိန်ခေါ်လျက်ရှိကြောင်း သိရသည်။ ယင်းသို့တိုက်ခိုက်မှုများ ဖြစ်ပွားသော်လည်း အခြေအနေများမှာ ပုံမှန်အတိုင်းပြန်ဖြစ်သွားပြီဖြစ်ကြောင်း အီရန်ဘက်က မေလ ၈ ရက်တွင်ဆိုသကဲ့သို့ အမေရိကန်ကလည်း စစ်ပွဲကိုထပ်မံ မချဲ့ထွင်လိုကြောင်း ထုတ်ဖော်ပြောထားသည်။အမေရိကန်သည် ဟော်မုရေလက်ကြားသို့ ဝင်ရောက်လာသည့် သင်္ဘောနှစ်စင်းကို ပစ်မှတ်ထားခဲ့သည့်အပြင် ကက်ကျွန်းနှင့် ကုန်းတွင်းပိုင်းဒေသများရှိ အရပ်သားနယ်မြေများကိုပါ လေကြောင်းမှ တိုက်ခိုက်မှု လုပ်သည်ဟု အီရန်တပ်မတော်၏ ထုတ်ပြန်ချက်တွင် ဖော်ပြထားသည်။အလားတူ အီရန်၏ ဒုံးကျည်များ၊ ဒရုန်းများနှင့် စက်လှေငယ်များဖြင့် တိုက်ခိုက်မှုကို တုံ့ပြန်သည့်အနေဖြင့် ပြန်လည်ပစ်ခတ်ခဲ့ခြင်းဖြစ်ကြောင်း အမေရိကန်အလယ်ပိုင်း ဒေသစစ်ဌာနချုပ်ကပြောသည်။ ထို့ပြင်ယင်းတိုက်ခိုက်မှုသည် အပစ်အခတ်ရပ်စဲရေးကို ထိခိုက်မှုမရှိကြောင်းနှင့် အီရန်နှင့် ဆွေးနွေးမှုများ ဆက်လက် လုပ်ဆောင်နေကြောင်း အမေရိကန်သမ္မတ ဒေါ်နယ်ထရမ့်ကပြောသည်။ နှစ်နိုင်ငံကြား စစ်ပွဲအဆုံးသတ်စေရေး အဆိုပြုချက်များကို နှစ်ဖက်စလုံးက လေ့လာသုံးသပ်နေစဉ် တိုက်ခိုက်မှုဖြစ်ပွားခြင်းဖြစ်သည်။MWD
Sat, 9-May-2026
အိန္ဒိယနိုင်ငံက ပြည်တွင်းထုတ် လေဟုန်စီး လက်နက်စနစ်ကို ပထမဆုံးအကြိမ် အောင်မြင်စွာစမ်းသပ်
အိန္ဒိယနိုင်ငံက ပြည်တွင်းထုတ် လေဟုန်စီး လက်နက်စနစ်ကို ပထမဆုံးအကြိမ် အောင်မြင်စွာစမ်းသပ်
    အိန္ဒိယနိုင်ငံက ပြည်တွင်း၌ ကိုယ်တိုင်ထုတ်လုပ်ထားသည့် လေဟုန်စီးလက်နက်စနစ် (Glide Weapon System) ကို ပထမဆုံးအကြိမ် စမ်းသပ်ပျံသန်းမှု ပြုလုပ်ခဲ့ကြောင်း သိရသည်။ အိန္ဒိယကာကွယ်ရေး သုတေသနနှင့် ဖွံ့ဖြိုးရေးအဖွဲ့နှင့် အိန္ဒိယလေတပ်တို့ကထိုစမ်းသပ်မှုကို သြရိဿကမ်းလွန်ပင်လယ်ပြင်၌ အောင်မြင်စွာ ဆောင်ရွက်နိုင်ခြင်းဖြစ်သည်။Tactical Advanced Range Augmen-tation (TARA) ဟု အမည်ပေးထားသည့် ယင်းစနစ်သည် လမ်းညွှန်မှုစနစ်မပါသော ထိပ်ဖူးများကို တိကျမှုမြင့်မားသည့် လမ်းညွှန်လက်နက်များအဖြစ် ပြောင်းလဲပေးနိုင်ကြောင်း တရားဝင်သတင်း ထုတ်ပြန်ချက်အရ သိရသည်။သုတေသနဌာနများက ပူးပေါင်းဖန်တီးထားသည့် အဆိုပါ TARA ကိရိယာသည် ကုန်ကျစရိတ်သက်သာသော လက်နက်များ၏ ဖျက်အားနှင့်တိကျမှုကို မြှင့်တင်ပေးနိုင်ရန် ဒီဇိုင်းထုတ်ထားခြင်းဖြစ်သည်။ ယခုအခါ အိန္ဒိယတပ်ဖွဲ့များအတွက် အဆိုပါကိရိယာများကို စတင်ထုတ်လုပ်နေပြီဖြစ်ကြောင်း သုတေသနဌာနကပြောသည်။ ထိုကိရိယာများကိုအသုံးပြုခြင်းအားဖြင့် လေယာဉ်များကလည်း ပစ်မှတ်နှင့် အလှမ်းဝေးသောနေရာမှ ပစ်ခတ်နိုင်မည်ဖြစ်သောကြောင့် အန္တရာယ်ဖြစ်နိုင်ခြေကို လျှော့ချပေးနိုင်မည်ဖြစ်သည်။ လက်ရှိတွင် ရုရှား၊ အမေရိကန်၊ တရုတ်၊ ပါကစ္စတန်၊ အစ္စရေးနှင့်ပြင်သစ်နိုင်ငံတို့က အလားတူ ကိရိယာများကိုပိုင်ဆိုင်ထားသည်။ MWD
Sat, 9-May-2026
ပဲခူးတိုင်းဒေသကြီး၊ အုတ်ဖိုမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး သေဆုံး , ပဲခူးတိုင်းဒေသကြီး၊ အုတ်ဖိုမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး သေဆုံး
ပဲခူးတိုင်းဒေသကြီး၊ အုတ်ဖိုမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး သေဆုံး
08 May 2026     အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်အဖွဲ့များကို ဖွဲ့စည်း၍ အချို့သော ဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများနှင့် အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ မေ ၆ ရက် မွန်းလွဲ ၃ နာရီ ၃၀ မိနစ်တွင် ပဲခူးတိုင်းဒေသကြီး၊ အုတ်ဖိုမြို့နယ်၊ ပြည်တော်အေးကျေးရွာနေ ဦးအောင်ဇော်(၄၇)နှစ်သည် ကျေးရွာရှိ ၎င်းပိုင်ကွမ်းယာဆိုင်၌ တစ်ရွာတည်းနေ ဦးကျော်ဦး(၅၅)နှစ်နှင့်အတူ ရှိနေစဉ် PDF အမည်ခံ အကြမ်းဖက်သမား လေးဦးက ဆိုင်ကယ် နှစ်စီးဖြင့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်ကာ ဆိုင်ရှေ့တွင် ရပ်ထားသည့် ဦးကျော်ဦး၏ဆိုင်ကယ် တစ်စီးအား လုယက်ယူဆောင်သွားခဲ့သဖြင့် ၎င်းတို့ နှစ်ဦးတွင် ကျည်ထိမှန် ဒဏ်ရာများရရှိကာ သေဆုံးသွားခဲ့ကြောင်း သိရသည်။  အထက်ပါဖြစ်စဉ်တွင် လက်နက်ကိုင်အကြမ်းဖက်သမားများသည် ပြည်သူလူထုအကြား အကြောက်တရားများ လွှမ်းမိုးစေရန် ရည်ရွယ်၍ အပြစ်မဲ့ အရပ်သားပြည်သူများအား ဆင်ခြင်တုံတရားကင်းမဲ့စွာ သေနတ်ဖြင့် ပစ်ခတ်သတ်ဖြတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချလျက်ရှိကြောင်းနှင့် လုံခြုံရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့်ပူးပေါင်း၍ အကြမ်းဖက်သမားများအား အမြန်ဆုံး ဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။MOHA
Fri, 8-May-2026
ဂျာမနီနိုင်ငံ၏ စစ်သားစုဆောင်းရေးလုပ်ငန်းစဉ်များ အဆင်မပြေဖြစ်နေမှုကြောင့် ဒဏ်ရိုက်မည့်အစီအစဉ်ကို စဉ်းစားသုံးသပ်နေကြောင်း Spiegel သတင်းတွင် ဖော်ပြ
ဂျာမနီနိုင်ငံ၏ စစ်သားစုဆောင်းရေးလုပ်ငန်းစဉ်များ အဆင်မပြေဖြစ်နေမှုကြောင့် ဒဏ်ရိုက်မည့်အစီအစဉ်ကို စဉ်းစားသုံးသပ်နေကြောင်း Spiegel သတင်းတွင် ဖော်ပြ
ဂျာမနီနိုင်ငံတွင် စစ်သားစုဆောင်းရေး အစီအစဉ်သစ်အရ စစ်မှုထမ်းရန် မဖြစ်မနေ ဖြည့်စွက်ရမည့်မေးခွန်းလွှာများကို မဖြည့်စွက်သည့် လူငယ် များကို ဒဏ်ရိုက်ရန် စဉ်းစားနေကြောင်း Der Spiegel သတင်းဌာန၏ ဖော်ပြချက်အရ သိရှိရသည်။ဘာလင်အစိုးရသည် ဥရောပသမဂ္ဂ၏ စစ်ရေးအင်အားတိုးချဲ့မှု တစ်စိတ် တစ်ပိုင်းအနေဖြင့် ဂျာမန်တပ်မတော် (Bundeswehr) ကို အလျင်အမြန် ချဲ့ထွင်ရန် ကြိုးပမ်းနေပြီး လက်ရှိရှိရင်းစွဲ စစ်သည်အင်အား ၁၈၆,၀၀၀ မှ ၂၀၃၀ ပြည့်နှစ်လယ်ပိုင်းတွင် ၂၆၀,၀၀၀ ကျော်အထိ တိုးမြှင့်ရန် ရည်မှန်း ထားသည်။ ဂျာမနီတာဝန်ရှိသူများက ရုရှား၏ခြိမ်းခြောက်မှု ရှိနေသည် ဟု အကြောင်းပြကာ ယခုအစီအစဉ်ကို လုပ်ဆောင်နေခြင်း ဖြစ်သော်လည်း မော်စကိုဘက်ကမူ ယင်းမှာ အဓိပ္ပာယ်မရှိသော စွပ်စွဲချက်သာဖြစ်ကြောင်း ပယ်ချထားသည်။အစိုးရ၏ အွန်လိုင်းစစ်တမ်းကိုဖြည့်စွက်ရန် သတိပေးချက်များ ပေးပို့ထားသော်လည်း လိုက်နာခြင်းမရှိသည့် အမျိုးသား ၁၀,၀၀၀ ခန့်မှာ ယခုအခါ ယူရို ၂၅၀ (ဒေါ်လာ ၂၉၄ ခန့်) ဒဏ်ရိုက်ခံရမည့်အခြေအနေနှင့် ရင်ဆိုင်နေရကြောင်း ကြာသပတေးနေ့ (မေ ၇) က သတင်းတွင် ဖော်ပြခဲ့သည်။ တာဝန်ရှိသူများက ယခင်က ဒဏ်ငွေ ယူရို ၁,၀၀၀ အထိ ချမှတ်နိုင်ကြောင်း သတိပေးခဲ့ဖူးသည်။ကာကွယ်ရေးဝန်ကြီး Boris Pistorius က တွန်းအားပေးနေသည့် စစ်မှုထမ်းစနစ်သစ်၏ အစိတ်အပိုင်းအဖြစ် ယခုနှစ်အစောပိုင်းတွင်အဆိုပါမေးခွန်းလွှာကို စတင်မိတ်ဆက်ခဲ့ခြင်းဖြစ်သည်။ ယင်းမေးခွန်းလွှာတွင် ကိုယ်ကာယကြံ့ခိုင်မှု၊ ကျန်းမာရေးအခြေအနေနှင့် စစ်မှုထမ်းရန် ဆန္ဒရှိ၊ မရှိတို့ကို မေးမြန်းထားသည်။ စစ်မှုထမ်းဥပဒေအသစ်အရ အသက် ၁၈ နှစ်ပြည့်ပြီးသည့် ဂျာမန်အမျိုးသားအားလုံးသည် အဆိုပါပုံစံကိုဖြည့်စွက်ပြီး ဆေးစစ်မှုခံယူကာ စစ်မှုထမ်းရန်အတွက် စာရင်းပေးသွင်းရန် တာဝန်ရှိသည်။ယခုဥပဒေတွင် လက်နက်ကိုင်တပ်ဖွဲ့များ၌ လူအင်အားလိုအပ်ချက်နှင့်ရင်ဆိုင်ရပါက စစ်သားသစ်များကို မဲနှိုက်စနစ်ဖြင့် ဆင့်ခေါ်နိုင်ခြေရှိကြောင်းလည်း ပြဋ္ဌာန်းထားသည်။ ပြီးခဲ့သည့်မတ်လအတွင်းက အထက်တန်းကျောင်းသားထောင်ပေါင်းများစွာသည် စစ်မှုမထမ်းမနေရစနစ် ပြန်လည်ကျင့်သုံးလာစေမည့် လုပ်ဆောင်ချက်များကိုဆန့်ကျင်ရန် ဘာလင်မြို့ လမ်းမများပေါ်ထွက်၍ ဆန္ဒပြခဲ့ကြသည်။ဂျာမနီနိုင်ငံသည် ၂၀၁၁ ခုနှစ်တွင် စစ်မှုမထမ်းမနေရစနစ်ကို ဖျက်သိမ်းခဲ့သည်။ သို့သော်လည်း ဝန်ကြီး Pistorius အပါအဝင် အဆင့်မြင့်အရာရှိကြီးများက ယင်းစနစ်ကို ပြန်လည်ကျင့်သုံးရန် မကြာသေးမီက အရိပ်အမြွက် ပြောကြားခဲ့ကြသည်။ ရုရှားသည် ၂၀၂၈ ခုနှစ် ခန့်တွင် NATO အဖွဲ့ဝင် နိုင်ငံတစ်ခုကို တိုက်ခိုက်လာနိုင်ကြောင်း Pistorius က ပြီးခဲ့သည့်နှစ်တွင် ပြောကြားခဲ့ပြီး ကုန်ကျစရိတ်များပြားမည့် စစ်အင်အားတိုးချဲ့မှုကို လုပ်ဆောင်ရန် တိုက်တွန်းခဲ့သည်။ ဝန်ကြီးချုပ် Friedrich Merz ကလည်း ၎င်း၏နိုင်ငံ တပ်မတော်ကို ဥရောပသမဂ္ဂတွင် အင်အားအကြီးဆုံး သမားရိုးကျ လက်နက်ကိုင်တပ်ဖွဲ့ဖြစ်လာစေရန် ရည်မှန်းထားကြောင်း အလားတူ ပြောဆိုထားသည်။မော်စကိုဘက်ကမူ ၎င်းတို့အနေဖြင့် အနောက်နိုင်ငံ အိမ်နီးချင်းများအပေါ် ကျူးကျော်လိုသည့် ရည်ရွယ်ချက်မရှိကြောင်း အစဉ်တစိုက် ငြင်းဆို ထားသည်။ ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Maria Zakharova က ဂျာမနီ၏ အဆက်မပြတ်လုပ်ဆောင်နေသည့် စစ်ရေးချဲ့ထွင်မှု များအပေါ် မှတ်ချက်ပေးရာတွင် ယင်းသည် ဒုတိယကမ္ဘာစစ်ကဲ့သို့ ကမ္ဘာလုံးဆိုင်ရာအတိုင်းအတာဖြင့် နောက်ထပ်အဖြစ်ဆိုးတစ်ခုဆီသို့ ဦးတည်သွားနိုင်ကြောင်း သတိပေးပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
ဟော်မုဇ်ရေလက်ကြားတွင် အမေရိကန်နှင့် အီရန်တပ်ဖွဲ့များ အပြန်အလှန် ပစ်ခတ်မှုဖြစ်ပွားခဲ့ပြီးနောက် အခြေအနေများ ပြန်လည်တည်ငြိမ်
ဟော်မုဇ်ရေလက်ကြားတွင် အမေရိကန်နှင့် အီရန် တပ်ဖွဲ့များ အပြန်အလှန်ပစ်ခတ်မှုဖြစ်ပွားခဲ့ပြီးနောက် အခြေအနေများ ပြန်လည်တည်ငြိမ်
ဟော်မုဇ်ရေလက်ကြားအတွင်းနှင့် ရေလက်ကြားတစ်လျှောက်တွင် အမေရိကန်နှင့် အီရန်တပ်ဖွဲ့များအကြား အပြန်အလှန်ပစ်ခတ်မှုများဖြစ်ပွားခဲ့သော်လည်း လက်ရှိတွင် အခြေအနေများ ပြန်လည်တည်ငြိမ်သွားပြီဖြစ်ကြောင်း အီရန်နိုင်ငံပိုင်မီဒီယာများက ဖော်ပြခဲ့ကြသည်။ လွန်ခဲ့သည့် နာရီပိုင်းအတွင်းက နှစ်ဖက်တပ်ဖွဲ့များအကြား တင်းမာမှုများရှိခဲ့သော်လည်း ယခုအခါ ရေလက်ကြားအနီးရှိ အီရန် ကျွန်းများနှင့် ကမ်းရိုးတန်းမြို့များ၏ အခြေအနေမှာ ပုံမှန်အတိုင်း ပြန်လည် တည်ငြိမ်နေပြီဖြစ်ကြောင်း Press TV သတင်းဌာနက အတည်ပြု ပြောကြားခဲ့သည်။အဆိုပါ ပစ်ခတ်မှုဖြစ်စဉ်နှင့်ပတ်သက်၍ အီရန် တော်လှန်ရေးအစောင့်တပ်ဖွဲ့ (IRGC) က သတင်းထုတ်ပြန်ရာတွင် ယခုအချိန်အထိ အရပ်သား ထိခိုက်သေဆုံးမှု တစ်စုံတစ်ရာ မရှိသေးကြောင်း သိရှိရသည်။ အီရန် နိုင်ငံတောင်ပိုင်း ဟော်မုဇ်ရေလက်ကြားနှင့် ထိစပ်နေသော ကမ်းရိုးတန်းနှင့် ကျွန်းစုများတည်ရှိရာ Hormozgan ပြည်နယ်ရှိ နိုင်ငံပိုင်မီဒီယာသတင်းထောက်၏ တင်ပြချက်အရ ဒေသတွင်း၌ စိုးရိမ်ဖွယ်ရာအခြေအနေများ မရှိတော့ကြောင်းနှင့် အခြေအနေအားလုံးကို ထိန်းချုပ်ထားနိုင်ပြီဖြစ်ကြောင်း သိရှိရပါသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
© Copyright 2024 SAC All Rights Reserved.