မြောက်ဥက္ကလာပမြို့နယ်၌ မှုခင်းကျဆင်းရေး အသိပညာပေးဟောပြော

NoahJune222

News Image

  • မြောက်ဥက္ကလာပမြို့နယ်၌ မှုခင်းကျဆင်းရေး အသိပညာပေးဟောပြော

ရန်ကုန် မေ ၁၈

 

ရန်ကုန်တိုင်းဒေသကြီး မြောက်ဥက္ကလာပမြို့နယ်၌ ရက်(၁၀၀) စီမံချက်ဖြင့် ပြည်ထဲရေးဝန်ကြီးဌာန မြို့နယ်ရဲတပ်ဖွဲ့က ရပ်ရွာအေးချမ်း သာယာရေးနှင့် တရားဥပဒေစိုးမိုးရေးအတွက် မှုခင်းကျဆင်းရေး အသိပညာပေးဟောပြောခြင်းကို ယနေ့နံနက်ပိုင်းတွင် ရွှေပေါက်ကံ မြို့သစ်ရပ်ကွက်၌ ပြုလုပ်သည်။

 

အသိပညာပေးဟောပြော

‌ထိုသို့ ဟောပြောရာတွင် မြောက်ဥက္ကလာပမြို့နယ် ရဲတပ်ဖွဲ့မှူး ယာယီရဲမှူး မျိုးအောင်က မိမိတို့မြို့နယ်/ရပ်ကွက်များရှိ ပြည်သူများ ရပ်ရွာအေးချမ်းသာယာရေးနှင့် တရားဥပဒေစိုးမိုးရေးအတွက် အားလုံးအတူ ပါဝင်ဆောင်ရွက်ကြစို့ ဆောင်ပုဒ်နှင့်အညီ မှုခင်းကြိုတင်ကာကွယ်ရေး အသိပညာပေးဟောပြောခဲ့ကြောင်း သိရသည်။

သက်လွင်စိုး(ပြန်/ဆက်)

MDN

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

နိုင်ငံအတွင်း ဝင်ရောက်လာသော ဒရုန်းသုံးစင်းကို ဆော်ဒီအာရေဗျ ကြားဖြတ်ပစ်ချ
နိုင်ငံအတွင်း ဝင်ရောက်လာသော ဒရုန်းသုံးစင်းကို ဆော်ဒီအာရေဗျ ကြားဖြတ်ပစ်ချ
ရီယာ့ဒ်  မေ  ၁၈ဆော်ဒီအာရေဗျ    ကာကွယ်ရေးဝန်ကြီးဌာနသည် အီရတ်နိုင်ငံဘက်မှ    နိုင်ငံ့လေပိုင်နက်အတွင်းသို့ ဝင်ရောက်လာသော  ဒရုန်းသုံးစင်းကို ကြားဖြတ် ဟန့်တားပစ်ချခဲ့ကြောင်း မေ ၁၇ ရက်တွင် ထုတ်ပြန်ကြေညာထားသည်။ကာကွယ်ရေးဝန်ကြီးဌာန၏ တရားဝင်ပြောရေးဆိုခွင့်ရှိသူ   ဗိုလ်မှူးချုပ်  တာကီအယ်မာလီကီက ကာကွယ်ရေးဝန်ကြီးဌာနအနေဖြင့်  ယင်းဖြစ်ရပ်နှင့်ပတ်သက်ပြီး သင့်တော်သည့်အချိန်၊ သင့်တော်သည့်နေရာတွင် တုံ့ပြန်ဆောင်ရွက်သွားမည်ဖြစ်ကြောင်း၊ ထို့ပြင် နိုင်ငံ၏ အချုပ်အခြာအာဏာ၊ လုံခြုံရေး၊ နိုင်ငံသားများနှင့် အခြေချနေထိုင်သူများ၏ ဘေးကင်းလုံခြုံမှုကို ပစ်မှတ်ထားတိုက်ခိုက်ရန် ကြိုးပမ်းမှုမှန်သမျှကိုလည်း ပြန်လည်တုံ့ပြန်ဆောင်ရွက်သွားမည်ဖြစ်ကြောင်း ၎င်းက ပြောသည်။ဆော်ဒီအာရေဗျကာကွယ်ရေးဝန်ကြီးဌာနသည် မကြာသေးမီလများအတွင်း နိုင်ငံ့လေပိုင်နက်အတွင်းသို့   ဝင်ရောက်လာသော  ဒရုန်းအမြောက်အမြားကို  ကြားဖြတ်ဟန့်တားဖျက်ဆီးနိုင်ခဲ့သည်ဟု ထုတ်ပြန်ကြေညာထားသည်။           ဆင်ဟွာMDN
Tue, 19-May-2026
တရုတ်နှင့် မွန်ဂိုလီးယားတို့ ဒုတိယအကြိမ်မြောက် ပူးတွဲစစ်ရေးလေ့ကျင့်မည်
တရုတ်နှင့် မွန်ဂိုလီးယားတို့ ဒုတိယအကြိမ်မြောက် ပူးတွဲစစ်ရေးလေ့ကျင့်မည်
ပေကျင်း  မေ  ၁၈တရုတ်နှင့်  မွန်ဂိုလီးယားနိုင်ငံတို့သည်  Steppe Partner 2026 ဟု အမည်ပေးထားသော ပူးတွဲ စစ်ရေးလေ့ကျင့်မှုကို မေလနှောင်းပိုင်းမှ ဇွန်လအစောပိုင်းအထိ တရုတ်နိုင်ငံမြောက်ပိုင်း အတွင်းမွန်ဂိုလီးယားတွင် ပြုလုပ်သွားမည်ဖြစ်ကြောင်း တရုတ်ကာကွယ်ရေးဝန်ကြီးဌာန  ပြောရေးဆိုခွင့်ရှိသူတစ်ဦးက မေ ၁၈ ရက်တွင် ပြောသည်။ကာကွယ်ရေးဝန်ကြီးဌာန ပြောရေးဆိုခွင့်ရှိသူ ကျန်ပင်းက  သတင်းစာရှင်းလင်းပွဲတွင်   အဆိုပါ ပူးတွဲစစ်ရေးလေ့ကျင့်မှုသည် တရားမဝင်လက်နက်ကိုင်အဖွဲ့များကို ပူးတွဲနှိမ်နင်းတိုက်ခိုက်မှုအပေါ်   အလေးထားလုပ်ဆောင်မည့်   စစ်ရေးလေ့ကျင့်မှုဖြစ်ကြောင်း ပြောသည်။ယခုပူးတွဲစစ်ရေးလေ့ကျင့်မှုမှာ ဒုတိယအကြိမ် မြောက်ပြုလုပ်ခြင်းဖြစ်ကြောင်း၊ နှစ်နိုင်ငံအကြား ချစ်ကြည်ရင်းနှီးမှုနှင့် အပြန်အလှန်ယုံကြည်မှုကို ဆက်လက်နက်ရှိုင်းစေရန်၊ လက်တွေ့ကျသော ပူးပေါင်းဆောင်ရွက်မှုများကို မြှင့်တင်ရန်၊ ဒေသတွင်းငြိမ်းချမ်းရေးနှင့် တည်ငြိမ်မှုကို ပူးပေါင်းထိန်းသိမ်းစောင့်ရှောက်နိုင်မည့်  နှစ်နိုင်ငံစလုံး၏ စွမ်းဆောင်ရည်များကို  အားကောင်းလာစေရန်  ရည်ရွယ်ခြင်းဖြစ်ကြောင်း ကျန်ပင်းက ပြောသည်။             ဆင်ဟွာMDN
Tue, 19-May-2026
အွန်လိုင်းလိမ်လည်မှုလုပ်ငန်းများအား ဆက်လက်စစ်ဆေး ဆောင်ရွက်လျက်ရှိ တရုတ်နိုင်ငံသား တစ်ဦး ထပ်မံဖော်ထုတ်ထိန်းသိမ်းနိုင်ခဲ့ပြီး ပြည်နှင်နိုင်ရေး စစ်ဆေးနိုင်ခဲ့
အွန်လိုင်းလိမ်လည်မှုလုပ်ငန်းများအား ဆက်လက်စစ်ဆေး ဆောင်ရွက်လျက်ရှိ တရုတ်နိုင်ငံသား တစ်ဦး ထပ်မံဖော်ထုတ်ထိန်းသိမ်းနိုင်ခဲ့ပြီး ပြည်နှင်နိုင်ရေး စစ်ဆေးနိုင်ခဲ့
နေပြည်တော် မေ ၁၈ နိုင်ငံတော်အစိုးရအနေဖြင့် နယ်စပ်ဒေသများ၌ တရားမဝင် ဝင်ရောက်နေထိုင်ပြီး အွန်လိုင်းလောင်းကစားမှု၊ အွန်လိုင်းလိမ်လည်မှုအပါအဝင် ဒုစရိုက်မှုလုပ်ငန်းများတွင် ပါဝင်ဆောင်ရွက်ခဲ့ကြသည့် ပြည်ပနိုင်ငံသားများကို စုံစမ်းစစ်ဆေးဖော်ထုတ်၍ သက်ဆိုင်ရာနိုင်ငံများသို့ ဥပဒေ၊ လုပ်ထုံးလုပ်နည်းများနှင့်အညီ စနစ်တကျ ပြည်နှင်လွှဲပြောင်းပေးအပ်လျက်ရှိသည်။ ထိုသို့ ပြည်နှင်လွှဲပြောင်းပေးလျက်ရှိရာ ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ ကရင်ပြည်နယ် မြဝတီမြို့ဝန်းကျင်ရှိ ဆိုက်အတွင်းသို့ တရားမဝင်လမ်းကြောင်းမှတစ်ဆင့် ဝင်ရောက်နေခဲ့သည့် တရုတ်နိုင်ငံသား တစ်ဦး ထပ်မံဖော်ထုတ် ထိန်းသိမ်းနိုင်ခဲ့ပြီး ပြည်နှင်နိုင်ရေး စစ်ဆေးနိုင်ခဲ့သည်။ ၂၀၂၅ ခုနှစ် ဇန်နဝါရီ ၃၀ ရက်မှ ၂၀၂၆ ခုနှစ် မေ ၁၈ ရက်အထိ မြဝတီမြို့နယ်အတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား စုစုပေါင်း ၁၄၆၅၈ ဦး ထိန်းသိမ်းနိုင်ခဲ့ကြောင်းနှင့် ယင်းနိုင်ငံသား အားလုံးကို စစ်ဆေးပြီးစီးခဲ့ပြီး ၎င်းတို့အနက်မှ ၁၃၄၂၂ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေ၊ လုပ်ထုံးလုပ်နည်းများနှင့်အညီ စနစ်တကျ ပြည်နှင်လွှဲပြောင်းပေးခဲ့သည်။ လွှဲပြောင်းပေးအပ်ရန်ကျန်ရှိသည့် ပြည်ပ နိုင်ငံသား ၁၂၃၆ ဦးတွင် မြန်မာနိုင်ငံ လူဝင်မှုကြီးကြပ်ရေး (လတ်တလော) ပြဋ္ဌာန်းချက်များ အက်ဥပဒေပုဒ်မ ၃ (၁) / ၁၃ (၁) နှင့် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အပြစ်ပေးအရေးယူခဲ့သည့် ပြည်ပနိုင်ငံသား ၇၆၆ ဦးရှိသည့်အတွက် ကျန်ရှိသည့် ပြည်ပနိုင်ငံသား ၄၇၀ တို့အား သက်ဆိုင်ရာနိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်းနှင့် ၎င်းတို့ကို ကောင်းမွန်စွာ ထိန်းသိမ်းစောင့်ရှောက် ထားရှိသည်။ နိုင်ငံတော်အနေဖြင့် Online Scam Center လုပ်ငန်းများတွင် ပါဝင်ပတ်သက်နေသူများနှင့် နောက်ကွယ်မှကြိုးကိုင်သော နိုင်ငံခြားသားများကို ဖော်ထုတ်ဖမ်းဆီးပြီး ထိထိရောက်ရောက် ပြင်းပြင်းထန်ထန် အရေးယူနိုင်ရေး အိမ်နီးချင်းနှင့် ဒေသတွင်းနိုင်ငံများ၊ နိုင်ငံတကာအဖွဲ့အစည်းများနှင့် တက်ကြွစွာ ပူးပေါင်းဆောင်ရွက်လျက်ရှိသည့်အပြင် အကြောင်းအမျိုးမျိုးကြောင့် ဒုက္ခရောက်နေကြသော နိုင်ငံခြားသားများနှင့် လူကုန်ကူးခံရသည့် နိုင်ငံခြားသားများကို သက်ဆိုင်ရာနိုင်ငံများသို့ အမြန်ဆုံးပြည်နှင်လွှဲပြောင်းပေးနိုင်ရေး ထိရောက်စွာ ညှိနှိုင်းဆောင်ရွက်လျက်ရှိကြောင်း သိရသည်။ သတင်းစဉ် MDN
Tue, 19-May-2026
မြောက်ဥက္ကလာပမြို့နယ်၌ မှုခင်းကျဆင်းရေး အသိပညာပေးဟောပြော
မြောက်ဥက္ကလာပမြို့နယ်၌ မှုခင်းကျဆင်းရေး အသိပညာပေးဟောပြော
ရန်ကုန် မေ ၁၈ ရန်ကုန်တိုင်းဒေသကြီး မြောက်ဥက္ကလာပမြို့နယ်၌ ရက်(၁၀၀) စီမံချက်ဖြင့် ပြည်ထဲရေးဝန်ကြီးဌာန မြို့နယ်ရဲတပ်ဖွဲ့က ရပ်ရွာအေးချမ်း သာယာရေးနှင့် တရားဥပဒေစိုးမိုးရေးအတွက် မှုခင်းကျဆင်းရေး အသိပညာပေးဟောပြောခြင်းကို ယနေ့နံနက်ပိုင်းတွင် ရွှေပေါက်ကံ မြို့သစ်ရပ်ကွက်၌ ပြုလုပ်သည်။ အသိပညာပေးဟောပြော‌ထိုသို့ ဟောပြောရာတွင် မြောက်ဥက္ကလာပမြို့နယ် ရဲတပ်ဖွဲ့မှူး ယာယီရဲမှူး မျိုးအောင်က မိမိတို့မြို့နယ်/ရပ်ကွက်များရှိ ပြည်သူများ ရပ်ရွာအေးချမ်းသာယာရေးနှင့် တရားဥပဒေစိုးမိုးရေးအတွက် အားလုံးအတူ ပါဝင်ဆောင်ရွက်ကြစို့ ဆောင်ပုဒ်နှင့်အညီ မှုခင်းကြိုတင်ကာကွယ်ရေး အသိပညာပေးဟောပြောခဲ့ကြောင်း သိရသည်။သက်လွင်စိုး(ပြန်/ဆက်)MDN
Tue, 19-May-2026
အစ္စရေး အစွန်းရောက်တစ်ဦးက ပါလက်စတိုင်း လယ်သမားတစ်ဦးကို တိုက်ခိုက်နေသည့် ရုပ်သံမှတ်တမ်း ထွက်ပေါ်
အစ္စရေး အစွန်းရောက်တစ်ဦးက ပါလက်စတိုင်း လယ်သမားတစ်ဦးကို တိုက်ခိုက်နေသည့် ရုပ်သံမှတ်တမ်းထွက်ပေါ်
သိမ်းပိုက်ခံ West Bank ဒေသ၌ အစ္စရေးအခြေချနေထိုင်သူတစ်ဦးက ပါလက်စတိုင်းလယ်သမားတစ်ဦးအား ပြန်ပေးဆွဲချုပ်နှောင်ကာ ကိုယ်ထိ လက်ရောက် တိုက်ခိုက်နှိပ်စက်နေသည့် ရုပ်သံမှတ်တမ်းတစ်ခု အင်တာနက်ပေါ်တွင် ထွက်ပေါ်လာခဲ့သည်။ပါလက်စတိုင်းအစိုးရ မီဒီယာရုံးက စနေနေ့ (မေ ၁၆) တွင် ထုတ်ပြန်ခဲ့သော အဆိုပါဗီဒီယို၌ မျက်နှာအဝတ်စည်းခံထားရသည့် လယ်သမားတစ်ဦးအား လက်နက်ကိုင်ဆောင်ထားသူများက ဝန်းရံထားသည့် မြင်ကွင်းကိုတွေ့မြင်ရပြီး ယင်းမှာ ပါလက်စတိုင်းအရပ်သားများကို ပစ်မှတ်ထားသည့် နောက်ဆုံးပေါ်ပေါက်လာသော အကြမ်းဖက်မှု စွပ်စွဲချက်တစ်ခုဖြစ်သည်။ ထို့အပြင် တနင်္ဂနွေနေ့ (မေ ၁၇) ကလည်း ဆူရစ်ဖ် (Surif) မြို့၌ အစွန်းရောက်အခြေချနေထိုင်သူများ၏ တိုက်ခိုက်မှုကြောင့် မော်တော်ယာဉ်အချို့ မီးလောင်ပျက်စီးခဲ့ရသည့် ပုံရိပ်များကို ပါလက်စတိုင်း အစိုးရက ထပ်မံမျှဝေခဲ့သည်။မျက်မြင်သက်သေများ၏အဆိုအရ လက်ရှိတွင် West Bank တစ်ခွင်၌ အကြမ်းဖက်မှုများ စိုးရိမ်ဖွယ်မြင့်တက်နေပြီး အစ္စရေး အခြေချနေထိုင် သူများသည် ပါလက်စတိုင်းတို့နေထိုင်ရာနေရာများကို အကြိမ်ကြိမ် ဝင်ရောက်စီးနင်းကာ နေအိမ်နှင့်မော်တော်ယာဉ်များကို မီးရှို့ခြင်း၊ ပိုင်ဆိုင်မှုများကို ဖျက်ဆီးခြင်းနှင့် ဒေသခံများကို ကိုယ်ထိလက်ရောက် တိုက်ခိုက်ခြင်းများ လုပ်ဆောင်နေကြသည်။ လူ့အခွင့်အရေးအဖွဲ့များ၊ ကုလသမဂ္ဂနှင့် လေ့လာသူများက အခြေချနေထိုင်သူအချို့သည် ပါလက်စတိုင်းလူမျိုးများကို ၎င်းတို့၏ မြေယာများပေါ်မှ မောင်းထုတ်ရန် သို့မဟုတ် လက်တုံ့ပြန်ရန်အတွက် ယခုကဲ့သို့ အကြမ်းဖက်ခြိမ်းခြောက်သည့် နည်းလမ်းများကို အသုံးပြုနေကြကြောင်း ထောက်ပြကြသည်။ ကုလသမဂ္ဂ၏ ထုတ်ပြန်ချက်အရ အရှိန်မြှင့်လာသော အစ္စရေး၏ စစ်ရေးလှုပ်ရှားမှုများ၊ နေအိမ်ဖျက်ဆီးမှုများနှင့် အခြေချနေထိုင်သူများ၏ တိုက်ခိုက်မှုများကြောင့် ၂၀၂၅ ခုနှစ် အစပိုင်း ကတည်းက West Bank ဒေသတွင် ပါလက်စတိုင်းလူမျိုး ၄၀,၀၀၀ ခန့် နေရပ်စွန့်ခွာထွက်ပြေးခဲ့ကြရကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 18-May-2026
မော်စကိုဒေသအတွင်း ယူကရိန်း၏ ဒရုန်းတိုက်ခိုက်မှုများကြောင့် အိန္ဒိယအလုပ်သမားတစ်ဦး သေဆုံးပြီး သုံးဦးဒဏ်ရာရကာ အရပ်သား ထိခိုက်မှုများပြား
မော်စကိုဒေသအတွင်း ယူကရိန်း၏ ဒရုန်းတိုက်ခိုက်မှုများကြောင့် အိန္ဒိယအလုပ်သမားတစ်ဦး သေဆုံးပြီး သုံးဦးဒဏ်ရာရကာ အရပ်သား ထိခိုက်မှုများပြား
ရုရှားနိုင်ငံ မော်စကိုဒေသအတွင်းသို့ ယူကရိန်းက ကာမီကာဇေ ဒရုန်းများဖြင့် ညလုံးပေါက် အကြီးအကျယ်တိုက်ခိုက်ခဲ့ရာ အဆိုပါဒေသတွင် လုပ်ကိုင်နေသည့် အိန္ဒိယနိုင်ငံသား အလုပ်သမားတစ်ဦးသေဆုံးပြီး သုံးဦးဒဏ်ရာရရှိခဲ့ကြောင်း ရုရှားနိုင်ငံဆိုင်ရာ အိန္ဒိယသံရုံးက ထုတ်ပြန်ခဲ့သည်။ ယခုတိုက်ခိုက်မှုသည် တစ်နှစ်ကျော်ကာလအတွင်း မော်စကိုဒေသကို ထိခိုက်စေခဲ့သည့် အကြီးမားဆုံးသော ဒရုန်းတိုက်ခိုက်မှုဖြစ်ပြီး အိန္ဒိယ သံရုံးမှတာဝန်ရှိသူများသည် အခင်းဖြစ်ပွားရာနေရာနှင့် ဆေးရုံများသို့ သွားရောက်ကာ ထိခိုက်ခံရသူများကို ကူညီပေးလျက်ရှိကြောင်းနှင့် ဒေသခံ အာဏာပိုင်များ၊ သက်ဆိုင်ရာကုမ္ပဏီများနှင့် နီးကပ်စွာ ပူးပေါင်း ဆောင်ရွက်နေကြောင်း သိရှိရသည်။တစ်ချိန်တည်းမှာပင် မော်စကိုဒေသန္တရအုပ်ချုပ်ရေးမှူး Andrey Vorobyev၏ ပြောကြားချက်အရ ဒေသအနှံ့တိုက်ခိုက်မှုများကြောင့် အနည်းဆုံး အရပ်သားသုံးဦး သေဆုံးကာ အများအပြားဒဏ်ရာရရှိခဲ့ကြောင်း သိရှိရသော်လည်း အဆိုပါသေဆုံးစာရင်းတွင် အိန္ဒိယနိုင်ငံသားများ ပါဝင်ခြင်း ရှိ၊ မရှိကိုမူ ချက်ချင်း အတည်မပြုနိုင်သေးပေ။ ကိယက်ဗ် အစိုးရသည် ပြီးခဲ့သည့် မတ်လလယ်ပိုင်းကတည်းက Fixed-wing UAV ရာပေါင်းများစွာကို အသုံးပြုကာ ရုရှားနိုင်ငံအတွင်းသို့ နေ့စဉ် နီးပါး တာဝေးပစ်ဒရုန်းတိုက်ခိုက်မှုများ အရှိန်မြှင့်လုပ်ဆောင်လျက်ရှိသည်။ မော်စကိုအာဏာပိုင်များက ယခုလုပ်ရပ်သည် အရပ်ဘက်နေရာများနှင့် အခြေခံအဆောက်အအုံများကို ခွဲခြားမှုမရှိဘဲ ရည်ရွယ်ချက်ရှိရှိ ပစ်မှတ်ထားသည့် အကြမ်းဖက်မှုဖြစ်ကြောင်း ပြစ်တင်ရှုတ်ချခဲ့သည်။အဆိုပါ တိုက်ခိုက်မှုများအပေါ် တုံ့ပြန်သည့်အနေဖြင့် ရုရှားနိုင်ငံသည်လည်း ယူကရိန်း၏ စစ်ဘက်ဆိုင်ရာ ကုန်ထုတ်လုပ်ငန်းများနှင့် စွမ်းအင်ကဏ္ဍ ကဲ့သို့သော စစ်ဘက်အရပ်ဘက် နှစ်မျိုးသုံး အခြေခံအဆောက်အအုံများကို တာဝေးပစ်လက်နက်များဖြင့် ပြန်လည်တုံ့ပြန် တိုက်ခိုက်လျက်ရှိသည်။ ရုရှားဘက်ကမူ ၎င်းတို့၏ တိုက်ခိုက်မှုများသည် ပစ်မှတ်ကို သေချာစွာ ရွေးချယ်တိုက်ခိုက်ခြင်းဖြစ်ပြီး အရပ်သားသီးသန့်နေရာများကို မည်သည့်အခါမျှ ပစ်မှတ်ထားခြင်းမရှိကြောင်း အခိုင်အမာ ပြောဆိုထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 18-May-2026
© Copyright 2024 SAC All Rights Reserved.