ရေးမြို့နယ်၌ မျိုးစေ့ချကိရိယာပေးအပ်ပွဲ ကျင်းပ

NoahJune222

News Image

  • ရေးမြို့နယ်၌ မျိုးစေ့ချကိရိယာပေးအပ်ပွဲ ကျင်းပ

ရေး မေ ၃၁

 

မွန်ပြည်နယ် ရေးမြို့နယ် စိုက်ပျိုးရေးဦးစီးဌာနက ၂ဝ၂၆-၂၀၂၇ ဘဏ္ဍာနှစ်အတွက် မိုးစပါးရာသီမျိုးစေ့ထုတ် အကျိုးဆောင်တောင်သူများအား မျိုးစပါးနှင့် မျိုးစေ့ချကိရိယာပေးအပ်ပွဲကို မေ  ၂၉ ရက်က မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပသည်။

 

အခမ်းအနားတွင် ရေးခရိုင်အထွေထွေအုပ်ချုပ်ရေးဦးစီးဌာနမှ (ခေတ္တ) ခရိုင်အုပ်ချုပ်ရေးမှူးဦးစိုးလွင်က အမှာစကားပြောကြားပြီး မြို့နယ်စိုက်ပျိုးရေးဦးစီးဌာနမှူး ဒေါ်အေးမွန်က မျိုးစပါးပေးအပ်ခြင်းနှင့် ပတ်သက်၍ ရှင်းလင်းပြောကြားသည်။

 

ဆက်လက်၍ မြို့နယ်စက်မှုလယ်ယာဦးစီးဌာနမှူး ဒေါ်မိုးမိုးသန်းလှိုင် က မျိုးစေ့ချကိရိယာပေးအပ်ရခြင်းနှင့် စပ်လျဉ်း၍ ရှင်းလင်းပြောကြာပြီး တာဝန်ရှိသူများက အစင်ကျေးရွာမှ တောင်သူ ရှစ်ဦး၏ စိုက်ပျိုး ဧက ၄၀ အတွက် ပေါ်ဆန်းရင် မျိုးစပါးတင်း ၃၀၊ ဆင်းသုခမျိုးစပါး ၁၀ တင်းနှင့် မွန်ပြည်နယ်အစိုးရအဖွဲ့က ပေးအပ်သော ပေါင်ကြီးတင် မျိုးစေ့ချကိရိယာတစ်လက်၊ မျိုးစေ့ချကိရိယာ ၄၀ တို့အား တောင်သူများ လက်ဝယ်အရောက် ပေးအပ်ခဲ့ကြောင်း သိရသည်။

 

ရှင်းသန့်ဖြူ

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

လူသုံးကုန်ထုတ်လုပ်မှုနည်းပညာ သင်တန်းဆင်း
လူသုံးကုန်ထုတ်လုပ်မှုနည်းပညာ သင်တန်းဆင်း
နမ့်စန် မေ ၃၁ ရှမ်းပြည်နယ်(တောင်ပိုင်း) နမ့်စန်မြို့နယ်တွင် လွိုင်လင်ခရိုင် အသေးစား စက်မှုလက်မှုလုပ်ငန်းဦးစီးဌာနက ဆောင်ရွက်သည့် အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစု ဝင်ငွေတိုးရေးစီမံကိန်း လူသုံးကုန်ထုတ်လုပ်မှု နည်းပညာသင်တန်း ဆင်းပွဲကို ယနေ့မွန်းလွဲ ၂ နာရီက ဟိုင်းနားလေးကျေးရွာခန်းမ၌ ကျင်းပသည်။ ဦးစွာ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌ ဦးနေမျိုးထွန်းက အမှာစကားပြောကြားပြီး လွိုင်လင်ခရိုင်အသေးစား စက်မှုလက်မှုလုပ်ငန်းဦးစီးဌာနမှ ခရိုင်ဦးစီးမှူး ဦးရာဇာက သင်တန်း ဖွင့်လှစ်ရခြင်း၏ ရည်ရွယ်ချက်ကို ရှင်းလင်းပြောကြားသည်။ ထို့နောက် မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ က သင်တန်းသူများကို သင်တန်းထုတ်ကုန်ပစ္စည်းများ ပေးအပ်ခဲ့ကြောင်း သိရသည်။ သူရအောင်(နမ့်စန်)MDN
Mon, 1-Jun-2026
စက်မှုဇုန်များတွင် လျှပ်စစ်ဓာတ်အားပြည့်ဝစွာ ဖြန့်ဖြူးပေးနိုင်ရေး ညှိနှိုင်းအစည်းအဝေးကျင်းပ
စက်မှုဇုန်များတွင် လျှပ်စစ်ဓာတ်အားပြည့်ဝစွာ ဖြန့်ဖြူးပေးနိုင်ရေး ညှိနှိုင်းအစည်းအဝေးကျင်းပ
ရန်ကုန် မေ ၃၁ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းမှ တာဝန်ရှိသူများသည် စက်မှုဇုန်များတွင် လျှပ်စစ်ဓာတ်အား ပြည့်ဝစွာ ဖြန့်ဖြူးပေးနိုင်ရေး၊ ဓာတ်အားပြတ်တောက်မှု လျော့နည်းရေးနှင့် ဓာတ်အား လေလွင့်ပျောက်ဆုံးမှု မရှိစေရေး လုပ်ငန်းညှိနှိုင်း အစည်းအဝေးကို မေ ၃၀ ရက် နံနက်ပိုင်းက ဒဂုံမြိုသစ်(တောင်ပိုင်း) မြို့နယ် အမှတ်(၁) စက်မှုဇုန်စီမံခန့်ခွဲရေးကော်မတီရုံး အစည်းအဝေးခန်းမ၌ ကျင်းပသည်။ အဆိုပါလုပ်ငန်း ညှိနှိုင်းအစည်း အဝေးတွင် စက်မှုဇုန်များအတွင်း လျှပ်စစ်ဓာတ်အားကို ဗို့အား ပြည့်ဝစွာ ဖြန့်ဖြူးပေးနိုင်ရန် အတွက် မီးသုံးသူစက်ရုံများရှိ Capactor Bank များ သုံးစွဲရေး၊ ဓာတ်အားပြတ်တောက်မှု မရှိစေရေး၊ ဓာတ်အားလေလွင့်ပျောက်ဆုံး မှုမရှိစေရေးတို့အတွက် ဓာတ်အား လိုင်းများနှင့် မလွတ်ကင်းသည့် အန္တရာယ်ရှိ သစ်ပင်သစ်ကိုင်းများ၊ ချုံနွယ်များအား ဇုန်ကော်မတီများနှင့် ညှိနှိုင်းပြီး အပတ်စဉ်ခုတ်ထွင် ရှင်းလင်းရေး၊ SAC ကြိုးများဖြင့် လဲလှယ်တပ်ဆင်ရေး၊ ဟောင်းနွမ်း ဓာတ်အားလိုင်းတိုင်များ လဲလှယ်ရေး၊ ထရန်စဖော်မာများ လောင်ကျွမ်းမှု မဖြစ်စေရေးတို့အတွက် ဇုန်ကော်မတီဝင်များ၏ ဆွေးနွေးမှုများအပေါ် သက်ဆိုင်ရာ ရုံးချုပ်၊ ခရိုင်နှင့်မြို့နယ် တာဝန်ရှိသူများက ပူးပေါင်းကူညီဆောင်ရွက်ပေးမည့် အခြေအနေများကို အသေးစိတ် ရှင်းလင်းဆွေးနွေးခဲ့ကြောင်း သိရသည်။  ချစ်ဆောင် (YESC)MDN
Mon, 1-Jun-2026
ရေးမြို့နယ်၌ မျိုးစေ့ချကိရိယာပေးအပ်ပွဲ ကျင်းပ
ရေးမြို့နယ်၌ မျိုးစေ့ချကိရိယာပေးအပ်ပွဲ ကျင်းပ
ရေး မေ ၃၁ မွန်ပြည်နယ် ရေးမြို့နယ် စိုက်ပျိုးရေးဦးစီးဌာနက ၂ဝ၂၆-၂၀၂၇ ဘဏ္ဍာနှစ်အတွက် မိုးစပါးရာသီမျိုးစေ့ထုတ် အကျိုးဆောင်တောင်သူများအား မျိုးစပါးနှင့် မျိုးစေ့ချကိရိယာပေးအပ်ပွဲကို မေ  ၂၉ ရက်က မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပသည်။ အခမ်းအနားတွင် ရေးခရိုင်အထွေထွေအုပ်ချုပ်ရေးဦးစီးဌာနမှ (ခေတ္တ) ခရိုင်အုပ်ချုပ်ရေးမှူးဦးစိုးလွင်က အမှာစကားပြောကြားပြီး မြို့နယ်စိုက်ပျိုးရေးဦးစီးဌာနမှူး ဒေါ်အေးမွန်က မျိုးစပါးပေးအပ်ခြင်းနှင့် ပတ်သက်၍ ရှင်းလင်းပြောကြားသည်။ ဆက်လက်၍ မြို့နယ်စက်မှုလယ်ယာဦးစီးဌာနမှူး ဒေါ်မိုးမိုးသန်းလှိုင် က မျိုးစေ့ချကိရိယာပေးအပ်ရခြင်းနှင့် စပ်လျဉ်း၍ ရှင်းလင်းပြောကြာပြီး တာဝန်ရှိသူများက အစင်ကျေးရွာမှ တောင်သူ ရှစ်ဦး၏ စိုက်ပျိုး ဧက ၄၀ အတွက် ပေါ်ဆန်းရင် မျိုးစပါးတင်း ၃၀၊ ဆင်းသုခမျိုးစပါး ၁၀ တင်းနှင့် မွန်ပြည်နယ်အစိုးရအဖွဲ့က ပေးအပ်သော ပေါင်ကြီးတင် မျိုးစေ့ချကိရိယာတစ်လက်၊ မျိုးစေ့ချကိရိယာ ၄၀ တို့အား တောင်သူများ လက်ဝယ်အရောက် ပေးအပ်ခဲ့ကြောင်း သိရသည်။ ရှင်းသန့်ဖြူMDN
Mon, 1-Jun-2026
တနင်္သာရီတိုင်းဒေသကြီးဝန်ကြီးချုပ် ရေစီးရေလာကောင်းမွန်ရေးလုပ်ငန်းများ ဆောင်ရွက်နေမှုနှင့် တည်ဆောက်ရေးလုပ်ငန်းများ ကြည့်ရှုစစ်ဆေး
တနင်္သာရီတိုင်းဒေသကြီးဝန်ကြီးချုပ် ရေစီးရေလာကောင်းမွန်ရေးလုပ်ငန်းများ ဆောင်ရွက်နေမှုနှင့် တည်ဆောက်ရေးလုပ်ငန်းများ ကြည့်ရှုစစ်ဆေး
ထားဝယ် မေ ၃၁ တနင်္သာရီတိုင်းဒေသကြီး ဝန်ကြီးချုပ် ဦးဇော်နိုင်ဦး၊ တိုင်းဒေသကြီးဝန်ကြီးများသည် ယနေ့နံနက်ပိုင်းတွင် ထားဝယ်မြို့နယ် စည်ပင်သာယာရေးအဖွဲ့နှင့် ပြည်သူများ ပူးပေါင်းဆောင်ရွက်သည့် မြို့တွင်းရေစီးရေလာ ကောင်းမွန်ရေးအတွက် ထိန်သစ်ရပ်ကွက်၊ ကမြောကင်းလမ်း၊ (၆)လမ်းထိပ်မှ ထားဝယ်မြစ်အထိ ပင်မရေမြောင်း တူးဖော်ခြင်းလုပ်ငန်း၊ ဘော်ဦးချောင်းမှ ကမြောကင်းချောင်းအထိ ရေမြောင်းတူးဖော်ခြင်းလုပ်ငန်း၊ ပိန္နဲတောရပ်ကွက် ရွှေတောင်စားလမ်း ဇေယျဝတီဘုန်းတော်ကြီးကျောင်းဘေး ရေမြောင်းတူးဖော်ခြင်းလုပ်ငန်း၊ ဗျောတောဝရပ်ကွက် လေယာဉ်ကွင်းလမ်းမြို့တော်ခန်းမရှေ့ Box Culvert နှင့် အုတ်စီရေမြောင်းပြုလုပ်ခြင်းလုပ်ငန်း၊ ပြည်သူများက တောင်းဆိုထားသည့် ဘုမ္မော်ရပ်ကွက် အမှတ်(၂)အခြေခံပညာအထက် တန်းကျောင်းရှေ့ ရေမြောင်းတူးဖော်ခြင်း လုပ်ငန်းများကို ကြည့်ရှုစစ်ဆေးသည်။ ထို့နောက် ကြက်စားပြင်ရပ် မြန်မာ့ဆိပ်ကမ်းအာဏာပိုင်ရုံးဘေး ဆိပ်ကမ်းသာလမ်းနှင့် ငါးလေလံ ဈေးအကြား ဆက်သွယ်နိုင်ရန်အတွက် တံတားတည်ဆောက် အသုံးပြုနိုင်ရေး၊ ယဉ်ကျေးမှုပြတိုက် နှင့် ဆန်းချီချောင်းအကြား လေးလမ်းသွား ကွန်ကရစ်ခင်းကျင်း ပြီးစီးမှုအခြေအနေတို့ကို ကြည့်ရှုစစ်ဆေးပြီးလုပ်ငန်းများ သတ်မှတ်ကာလအတွင်း ပြီးစီးရေးကို ပေါင်းစပ်ဖြည့်ဆည်း ဆောင်ရွက်ပေးခဲ့ကြောင်း သိရသည်။ တိုင်းဒေသကြီး(ပြန်/ဆက်)MDN
Mon, 1-Jun-2026
ဖလမ်းမြို့၊ တီးတိန်မြို့နှင့် တွန်းဇံမြို့ ပြန်လည်ထူထောင်ရေးနှင့် ပြန်လည်တည်ဆောက်ရေး လုပ်ငန်းညှိနှိုင်းအစည်းအဝေး ကျင်းပ
ဖလမ်းမြို့၊ တီးတိန်မြို့နှင့် တွန်းဇံမြို့ ပြန်လည်ထူထောင်ရေးနှင့် ပြန်လည်တည်ဆောက်ရေး လုပ်ငန်းညှိနှိုင်းအစည်းအဝေး ကျင်းပ
ဟားခါး မေ ၃၁ ချင်းပြည်နယ် ဖလမ်းမြို့၊ တီးတိန်မြို့နှင့် တွန်းဇံမြို့ ပြန်လည်ထူထောင်ရေးနှင့် ပြန်လည် တည်ဆောက်ရေးလုပ်ငန်းညှိနှိုင်းအစည်းအဝေးကို ယနေ့တွင် တီးတိန်မြို့ မြို့မရပ်ကွက်ရှိ ထွမ်းဝုမ်း ရိပ်သာ၌ ကျင်းပရာ ချင်းပြည်နယ်အတွင်း ပြန်လည် ထူထောင်ရေးနှင့် ပြန်လည်တည်ဆောက်ရေး ကော်မတီဥက္ကဋ္ဌ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီး ဒေါက်တာ သန်းစိုး၊ ဒုတိယဥက္ကဋ္ဌ ပြည်နယ်လုံခြုံရေး နှင့် နယ်စပ်ရေးရာဝန်ကြီး ဗိုလ်မှူးကြီး ခင်မောင်ထွေး၊ ပြည်ထောင်စုဝန်ကြီးဌာနများမှ ကော်မတီဝင်  ဒုတိယညွှန်ကြားရေးမှူးချုပ်များ၊ တီးတိန်နှင့် တွန်းဇံ မြို့များမှ ခရိုင်/မြို့နယ်စီမံအုပ်ချုပ်ရေးကော်မတီ အဖွဲ့ဥက္ကဋ္ဌများ တက်ရောက်ကြသည်။ ညှိနှိုင်းအစည်းအဝေးတွင် ဒုတိယဝန်ကြီးက အမှာစကားပြောကြားပြီး တက်ရောက်လာကြသူများက ဖလမ်းမြို့၊ တီးတိန်မြို့နှင့် တွန်းဇံမြို့များသို့ပြန်လည်ဝင်ရောက် တာဝန်ထမ်းဆောင်ကြသော ဌာနဆိုင်ရာဝန်ထမ်းများနှင့် ပြည်သူများအတွက် ဆန်ရိက္ခာ ပေးပို့ဖြည့်တင်းနိုင်ရေး၊ ဆောက်လုပ်ရေး လုပ်ငန်းသုံးပစ္စည်းများနှင့် ကယ်ဆယ်ရေးပစ္စည်းများကို သက်ဆိုင်ရာဒေသများသို့ အချိန်မီပေးပို့နိုင်ရေး၊ လုပ်ငန်းခွင်သုံးယာဉ်ယန္တရားများ၊ စက်သုံးဆီများ ဖြည့်တင်းနိုင်ရေးနှင့် မြို့နယ် သုံးမြို့နယ်၏ ပြန်လည်ထူထောင်ရေး လုပ်ငန်းများတွင် သက်ဆိုင်ရာ ဌာနများမှ ကဏ္ဍအလိုက် ဟန်ချက်ညီညီ ပေါင်းစပ် ဆောင်ရွက်နိုင်ရေးတို့ကို အသေးစိတ်ဆွေးနွေး တင်ပြကြပြီး ဒုတိယဝန်ကြီးက လိုအပ်ချက်များ ပေါင်းစပ်ညှိနှိုင်းဖြည့်ဆည်းပေးသည်။ ဖလမ်းမြို့၊ တီးတိန်မြို့နှင့် တွန်းဇံမြို့များသို့ ပြန်လည်ဝင်ရောက် တာဝန်ထမ်းဆောင်ကြသော ဌာနဆိုင်ရာဝန်ထမ်းများနှင့် ပြည်သူများအတွက် APTERR အစီအစဉ်အရ တရုတ်ပြည်သူ့သမ္မတနိုင်ငံမှ လှူဒါန်းသော ဆန်ရှစ်တန်သည် မေ ၃၁ ရက်တွင် ရန်ကုန်မြို့မှ တပ်မတော်လေယာဉ်ဖြင့် ကလေးမြို့သို့ ရောက်ရှိလာပြီဖြစ်ကြောင်းနှင့် သက်ဆိုင်ရာမြို့နယ်များသို့ အမြန်ဆုံး ပို့ဆောင်ဖြန့်ဝေနိုင်ရေး ဆောင်ရွက် သွားမည်ဖြစ်ကြောင်း သိရသည်။  ခရိုင်(ပြန်/ဆက်)MDN
Mon, 1-Jun-2026
မန္တလေး-မြစ်ကြီးနား လမ်းကြောင်းတစ်လျှောက်ရှိ မြို့၊ ရွာများ၌ ပြန်လည်ထူထောင်ရေးလုပ်ငန်းများဆောင်ရွက်ရန် အထောက်အကူပြုကုန်ပစ္စည်းများ တင်ဆောင်လာသည့် မော်တော်ယာဉ်များ ဒုတိယအကြိမ် မြစ်ကြီးနားမြို့သို့ ရောက်ရှိ
မန္တလေး-မြစ်ကြီးနား လမ်းကြောင်းတစ်လျှောက်ရှိ မြို့၊ ရွာများ၌ ပြန်လည်ထူထောင်ရေးလုပ်ငန်းများဆောင်ရွက်ရန် အထောက်အကူပြုကုန်ပစ္စည်းများ တင်ဆောင်လာသည့် မော်တော်ယာဉ်များ ဒုတိယအကြိမ် မြစ်ကြီးနားမြို့သို့ ရောက်ရှိ
နေပြည်တော် မေ ၃၁ နိုင်ငံတော်အစိုးရအနေဖြင့် တိုင်းရင်းသား လက်နက်ကိုင်အဖွဲ့အချို့နှင့် PDF အမည်ခံ အကြမ်းဖက်သောင်းကျန်းသူများ၏ အကြမ်းဖက်လုပ်ရပ်များကြောင့် ဒေသတွင်း လူမှုစီးပွားဘဝများ ပျက်စီးဆုံးရှုံးမှုဖြစ်ပေါ်ခဲ့သည့် မြို့၊ ရွာများ၌ အစိုးရအုပ်ချုပ်မှုယန္တရားများ ပြန်လည်လည်ပတ်နိုင်ရေးနှင့် ဒေသတွင်းဖွံ့ဖြိုး တိုးတက်ရေးများ ဆောင်ရွက်နိုင်ရန်အတွက် ပြန်လည်ထူထောင်ရေးလုပ်ငန်းများကို အစဉ်တစိုက်ကြိုးပမ်းဆောင်ရွက်လျက်ရှိရာ တပ်မတော်အနေဖြင့် ပြည်သူလူထု အေးချမ်းစွာနေထိုင်နိုင်ရေးနှင့် လူမှုစီးပွားဘဝ ဖွံ့ဖြိုးတိုးတက်ရေးအတွက် အကြမ်းဖက်သောင်းကျန်းသူများ ယာယီစိုးမိုးထားသည့် မြို့နယ်၊ ကျေးရွာ၊ ဒေသ အချို့တို့၌ အကြမ်းဖက်ချေမှုန်းမှုစစ်ဆင်ရေး(Counter- Terrorism Operation)များကို ဆောင်ရွက်ကာ ပြည်သူလူထုအတွက် အရေးပါသည့် ဆက်သွယ်ရေးလမ်းကြောင်းများအနက် တစ်ခုဖြစ်သော မန္တလေး - မတ္တရာ - သပိတ်ကျင်း - တကောင်း - ထီးချိုင့် - ကသာ - အင်းတော် - မော်လူး - နန့်စီးအောင် - မိုးညှင်း - မိုးကောင်း - မြစ်ကြီးနား ဆက်သွယ်ရေးလမ်းကြောင်းတစ်လျှောက်အား အပြည့်အဝ ပြန်လည်ထိန်းချုပ်နိုင်ခဲ့ပြီး လမ်းကြောင်းတစ်လျှောက်ရှိ မြို့၊ ရွာများ၌ ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန်အတွက် ပြန်လည်ထူထောင်ရေးလုပ်ငန်းသုံး ပစ္စည်းများနှင့် ဌာနဆိုင်ရာဝန်ထမ်းများကို မန္တလေးမြို့မှ တစ်ဆင့်မြစ်ကြီးနားမြို့သို့ ပထမအကြိမ်အဖြစ် မေလ ၁၂ ရက်တွင် ပို့ဆောင်ပေးခဲ့ပြီးဖြစ်သည်။  အဆိုပါလမ်းကြောင်း တစ်လျှောက်ရှိ မြို့၊ ရွာများ၌ အစိုးရအုပ်ချုပ်ရေးယန္တရားများ ပြန်လည်လည်ပတ်နိုင်ရေး၊ ဒေသခံတိုင်းရင်းသား ပြည်သူများအနေဖြင့် ၎င်းတို့၏နေရပ်ဒေသများ၌ ပြန်လည်အခြေချနေထိုင်စဉ် စားဝတ်နေရေး အဆင်ပြေချောမွေ့စေရေး၊ ကျောင်းသား ကျောင်းသူများအတွက် ကျောင်းသုံးပြဋ္ဌာန်း စာအုပ်များနှင့် စာရေးကိရိယာများ အချိန်မီရောက်ရှိရေး၊ ကျန်းမာရေးစောင့်ရှောက်မှု လုပ်ငန်းများအတွက် ဆေးပစ္စည်းလိုအပ်ချက်များ ဖြည့်ဆည်းပေးနိုင်ရေးနှင့် အခြားသော လိုအပ်ချက်များကို ပြန်လည်ဖြည့်ဆည်းပေးနိုင်ရေးအတွက် နိုင်ငံတော်အစိုးရနှင့် တပ်မတော်၏ စီမံဆောင်ရွက်မှုဖြင့် အခြေခံစားသောက်ကုန်များ၊ လူသုံးကုန်ပစ္စည်းများ၊ ဆောက်လုပ်ရေးလုပ်ငန်းသုံးပစ္စည်းများ၊ ဆေးနှင့် ဆေးပစ္စည်းများ၊ ကျောင်းသုံး စာအုပ်များနှင့် စက်သုံးဆီများ တင်ဆောင်လာသော မော်တော်ယာဉ်များနှင့် မီးသတ် ကားများသည် ဒုတိယအကြိမ်အဖြစ် မန္တလေးမြို့မှ မေ ၂၂ ရက်တွင် စတင်ထွက်ခွာ ခဲ့ရာ ယနေ့မွန်းလွဲပိုင်းတွင် မြစ်ကြီးနားမြို့သို့ ရောက်ရှိလာသဖြင့် မြောက်ပိုင်းတိုင်း စစ်ဌာနချုပ်မှ တာဝန်ရှိသူများ၊ ဌာနဆိုင်ရာ ဝန်ထမ်းများ၊ ဒေသခံပြည်သူများက အိုးစည်ဒိုးပတ်များ၊ အောင်သပြေခက်များ၊ ဂုဏ်ပြုပန်းကုံးများဖြင့် ကျေးဇူးတင်ဝမ်းမြောက်စွာ ကြိုဆိုခဲ့ကြကြောင်း သိရသည်။ ကြည့်ရှု ဆက်လက်၍ အဆိုပါမော်တော်ယာဉ်များပေါ်တွင် ပါရှိလာသည့် ကျောင်းသုံး ပြဋ္ဌာန်းစာအုပ်များအား သက်ဆိုင်ရာ အခြေခံပညာကျောင်းများသို့လည်းကောင်း၊ ဆေးနှင့် ဆေးဝါးပစ္စည်းများအား မြစ်ကြီးနားမြို့ ပြည်သူ့ဆေးရုံကြီးသို့လည်းကောင်း၊ မီးသတ်ကားများအား ကချင်ပြည်နယ် မီးသတ်ဦးစီးဌာနသို့လည်းကောင်း ပို့ဆောင်ပေးနေမှုများကို ကချင်ပြည်နယ်ဝန်ကြီးချုပ် ဦးခက်ထိန်နန်၊ တိုင်းမှူး ဗိုလ်ချုပ်အောင်ဇော်ထွေးနှင့်တာဝန်ရှိသူများက သွားရောက်ကြည့်ရှုပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။ သတင်းစဉ်MDN
Mon, 1-Jun-2026
© Copyright 2024 SAC All Rights Reserved.