နှစ်နိုင်ငံကြား အပတ်စဉ် လေကြောင်းခရီးစဉ်များ ထပ်မံတိုးချဲ့ပြေးဆွဲရန် တရုတ်နှင့် တောင်ကိုရီးယားနိုင်ငံတို့ သဘောတူ

KookieSpace97

News Image

  • နှစ်နိုင်ငံကြား အပတ်စဉ် လေကြောင်းခရီးစဉ်များ ထပ်မံတိုးချဲ့ပြေးဆွဲရန် တရုတ်နှင့် တောင်ကိုရီးယားနိုင်ငံတို့ သဘောတူ

ဆိုးလ် ဇွန် ၄

ခုနစ်နှစ်တာ ကာလအတွင်း ပထမဆုံးအကြိမ်အဖြစ် နှစ်နိုင်ငံကြား အပတ်စဉ် လေကြောင်းခရီးစဉ်များ တိုးချဲ့ပြေးဆွဲရေးအတွက် တရုတ်နှင့် တောင်ကိုရီးယားနိုင်ငံ တို့က သဘောတူထားကြောင်း ဇွန် ၃ ရက် သတင်းများတွင် ရေးသားတင်ပြခဲ့သည်ဟု Xinhua သတင်းဌာန ယနေ့တွင် ဖော်ပြထားသည်။ 

နှစ်နိုင်ငံကြား အပတ်စဉ် လေကြောင်းခရီးစဉ်များ တိုးချဲ့ပြေးဆွဲရေးသဘောတူညီချက်သည် တရုတ်နှင့် တောင်ကိုရီးယား နိုင်ငံတို့ကြား ဆက်ဆံရေး ပိုမို နွေးထွေးခိုင်မာလာမှု၏ လက္ခဏာတစ်ရပ်ဖြစ်သည်။

နှစ်နိုင်ငံကြား အပတ်စဉ် လေကြောင်းခရီးစဉ်များ တိုးချဲ့ပြေးဆွဲရေးသဘောတူညီချက်ကို မေ ၂၇ ရက်မှ ၂၈ ရက်ထိ ဆိုးလ်မြို့၌ ကျင်းပခဲ့သောဆွေးနွေးပွဲများတွင် ရယူခဲ့ခြင်းဖြစ်ကြောင်း တောင်ကိုရီးယား သယ်ယူပို့ဆောင်ရေးဝန်ကြီးဌာနက သတင်းထုတ်ပြန်ထားသည်။

အဆိုပါ သဘောတူညီချက်အရ တရုတ်နှင့် တောင်ကိုရီးယားနိုင်ငံတို့သည် အပတ်စဉ် လေကြောင်းပြေးဆွဲမှုကို လက်ရှိခရီးစဉ် ၆၀၈ ခုမှ ၆၆၄ ခုထိ တိုးချဲ့ပြေးဆွဲမည်ဖြစ်သည်။

အလားတူ နှစ်နိုင်ငံကြား ကုန်တင်လေယာဉ်ခရီးစဉ်များ ပြေးဆွဲပျံသန်းမှုကိုလည်း လက်ရှိခရီးစဉ် ၅၄ ခုမှ ၆၈ ခု ထိ တိုးချဲ့ပျံသန်းရန် တရုတ်နှင့် တောင်ကိုရီးယားနိုင်ငံတို့က သဘောတူထားသည်။

ယခုနှစ် ပထမသုံးလတာကာလအတွင်း တရုတ်နှင့် တောင်ကိုရီးယား လေကြောင်းခရီးစဉ်များသည် ခရီးသည် ၄ ဒသမ ၃၉ သန်းထိ အပြန်အလှန် သယ်ယူပို့ဆောင်ပေးခဲ့ကြောင်း သိရသည်။ 

ရတနာပုံ

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ဧဝရတ်တောင်၌ ပျောက်သွားသည့်တောင်တက်သမားကို ခြောက်ရက်အကြာတွင် အသက်ရှင်လျက်ပြန်တွေ့
ဧဝရတ်တောင်၌ ပျောက်သွားသည့်တောင်တက်သမားကို ခြောက်ရက်အကြာတွင် အသက်ရှင်လျက်ပြန်တွေ့
ဧဝရတ်တောင်ပေါ်၌ ပျောက်ဆုံးသွားပြီး သေဆုံးသွားပြီဟု မှတ်ယူခံထားရသည့် နီပေါတောင်တက်လမ်းပြတစ်ဦးသည် ခြောက်ရက်အကြာတွင် တောင်ခြေစခန်းသို့ တွားသွားကာ ပြန်လည်ရောက်ရှိလာပြီးနောက် ၎င်းကိုအသက်ရှင်လျက်တွေ့ရှိကြောင်း တာဝန်ရှိသူများက ဇွန်လ ၄ ရက်တွင်ပြောသည်။အဆိုပါ တောင်တက်သမား၏ ဇနီးသည် ခင်ပွန်းအတွက်ရည်စူး၍ နာရေးကိုပင်လုပ်နေပြီဖြစ်ကြောင်း၊ လက်ရှိတွင် တောင်တက်သမားသည် ခတ္တမန္ဒူမြို့တော်ရှိ ဆေးရုံ၌ဆေးကုသမှုခံယူလျက်ရှိရာ သတိပြန်ရနေပြီဖြစ်ကြောင်းနှင့် နှင်းကိုက်နာ အနည်းငယ်သာ ခံစားနေရကြောင်းပြောသည်။အသက် ၅၀ ကျော်ပြီဖြစ်သည့် တောင်တက်သမား ဒါဝါရှာပါသည် ၎င်း၏ဝါရင့်အတွေ့အကြုံကြောင့် ကျော်ကြားသော တောင်တက်သမား အက်ဒမွန်ဟီလာရီကို အစွဲပြု၍ ဟီလာရီဟုလူသိများသူဖြစ်သည်။ ၎င်းသည်မေလ ၃၀ ရက် အစောပိုင်းက ရာသီဥတုဆိုးရွားပြင်းထန်နေသည့် ဧဝရတ်တောင်၏   အထက်ပိုင်းဒေသတွင် ပျောက်ဆုံးသွားခြင်းဖြစ်သည်။ထို့နောက် အဆိုပါတောင်တက်သမားသည် ခြောက်ရက်တိုင်တိုင် အစားအစာနှင့်ရေအပြင် အောက်ဆီဂျင်ကောင်းစွာမရဘဲ အသက်ရှင်ရန် မျှော်လင့်ချက်တစ်ခုတည်းဖြင့် တောင်ခြေစခန်းဆီသို့တွားသွား၍ပြန်လာခြင်းဖြစ်ကြောင်း တာဝန်ရှိသူများက ပြောသည်။                        Ref: BPMWD
Fri, 5-Jun-2026
ချီဖွေငယ်ရေအား လျှပ်စစ်ဓာတ်အားပေးစက်ရုံရှိ ဓာတ်အားပေးစက်(၃)လုံးအား အလှည့်ကျရပ်တန့်၍ ထိန်းသိမ်းပြုပြင်ခြင်း လုပ်ငန်းများဆောင်ရွက်
ချီဖွေငယ်ရေအား လျှပ်စစ်ဓာတ်အားပေးစက်ရုံရှိ ဓာတ်အားပေးစက်(၃)လုံးအား အလှည့်ကျရပ်တန့်၍ ထိန်းသိမ်းပြုပြင်ခြင်း လုပ်ငန်းများဆောင်ရွက်
နေပြည်တော်    ဇွန်    ၄ချီဖွေငယ် ရေအားလျှပ်စစ်ဓာတ်အားပေးစက်ရုံသည် ကချင်ပြည်နယ်၊ ချီဖွေမြို့အနောက်တောင်ဘက် (၆)မိုင်ခန့်အကွာ ချီဖွေချောင်းပေါ်တွင် တည်ဆောက်ထားပြီး တပ်ဆင်အင်အား (၃၃)မဂ္ဂါဝပ်ရှိသော ဓာတ်အားပေးစက် (၃)လုံး စုစုပေါင်း တပ်ဆင်အင်အား (၉၉) မဂ္ဂါဝပ်ရှိသည့်စက်ရုံဖြစ်ပြီး  Run-Off River Type စက်ရုံအမျိုးအစားဖြစ်သည်နှင့်အညီ ရေဝင်ရောက်မှုအရ ဓာတ်အားထုတ်လုပ် မောင်းနှင်နေသော စက်ရုံတစ်ရုံဖြစ်ပါသည်။အဆိုပါ    စက်ရုံမှထွက်ရှိလာသည့် ဓာတ်အားကို ဝိုင်းမော်ပင်မဓာတ်အားခွဲရုံမှတစ်ဆင့်  နိုင်ငံတော်ဓာတ်အားစနစ်သို့ ချိတ်ဆက်ပြီး ဓာတ်အားပို့လွှတ်နိုင်ခဲ့သော်လည်း ၂၃၀ ကေဗွီ အုန်းတော-ရွှေဘို-နဘား ဓာတ်အားလိုင်းချွတ်ယွင်းပြီး    နယ်မြေအခြေအနေကြောင့် ၂၀၂၅ ခုနှစ် ဇူလိုင်လ ၉ ရက်မှစ၍ ဓာတ်အားစနစ်နှင့် ချိတ်ဆက်နိုင်မှုမရှိသော်လည်း မြစ်ကြီးနား၊ မိုးကောင်း၊ မိုးညှင်း စသည့်မြို့များရှိသည့် ဒေသများတွင်နေထိုင်သည့်  ပြည်သူလူထုများ လျှပ်စစ်မီးရရှိရေးအတွက်   သီးသန့်ဓာတ်အားစနစ်ဖြင့် ဓာတ်အားပို့လွှတ်ဖြန့်ဖြူးပေးလျက်ရှိသောကြောင့် ဒေသတွင်းလူမှုစီးပွားဘဝ ဖွံ့ဖြိုးတိုးတက်ရေးအတွက် အကျိုးကျေးဇူးများစွာရှိပြီး    ကချင်ပြည်နယ်အတွက်  အရေးပါသောစက်ရုံတစ်ရုံဖြစ်သည်။ လာမည့် မိုးရာသီကာလတွင် ဓာတ်အားပေးစက်သုံးလုံးအား  စက်စွမ်းအားပြည့် မောင်းနှင်နိုင်ရန်နှင့် ဓာတ်အား ပိုမိုထုတ်လုပ်နိုင်ရန် ရည်ရွယ်၍ စက်မှု/လျှပ်စစ်ပိုင်းဆိုင်ရာ ပုံမှန်ထိန်းသိမ်းပြုပြင်ခြင်းလုပ်ငန်းများကို နှစ်စဉ်ဆောင်ရွက်လျက်ရှိရာ အမှတ်(၁) ဓာတ်အားပေးစက်ကို ၂၀၂၆ ခုနှစ် မတ်လ ၂၂ ရက်မှ မေလ ၁၄ ရက်အထိ ဆောင်ရွက်ပြီးစီးခဲ့ပြီး အမှတ် (၃) ဓာတ်အားပေးစက်ကို မေလ ၁၅ ရက်မှ ဇွန်လ ၁၃ ရက်အထိ ထိန်းသိမ်းပြုပြင်ခြင်းလုပ်ငန်းများ ဆောင်ရွက်လျက်ရှိကြောင်းနှင့် ကျန်အမှတ်(၂)ဓာတ်အားပေးစက်ကို ဇွန်လ ၁၄ ရက်မှ ဇူလိုင်လ ၁၃ ရက်အထိ   ဆက်လက်ဆောင်ရွက်သွားမည် ဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာနမှ သတင်းရရှိသည်။             မြဝတီ 
Fri, 5-Jun-2026
တိုင်းဒေသကြီးနှင့် ပြည်နယ်များမှ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များ နေပြည်တော်ရှိ အထင်ကရနေရာများသို့ သွားရောက်လေ့လာ
တိုင်းဒေသကြီးနှင့် ပြည်နယ်များမှ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များ နေပြည်တော်ရှိ အထင်ကရနေရာများသို့ သွားရောက်လေ့လာ
နေပြည်တော် ဇွန် ၄တိုင်းဒေသကြီးနှင့် ပြည်နယ်များမှ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များ၊ အုပ်ချုပ်သူများနှင့် တာဝန်ရှိသူများသည် ယနေ့နံနက်ပိုင်းတွင် နေပြည်တော်ရှိ အထင်ကရနေရာများကို သွားရောက်လေ့လာကြသည်။ဦးစွာ ပြည်ထောင်စုနယ်မြေ နေပြည်တော် ဒက္ခိဏသီရိမြို့နယ်ရှိ မာရဝိဇယဗုဒ္ဓရုပ်ပွားတော်မြတ်ကြီးအား ဖူးမြော်ကြည်ညိုကြပြီး ဂန္ဓကုဋိတိုက်များ၊ ကျောက်စာရုံစေတီတော်များနှင့် အခြားသာသနိက အဆောက်အအုံများကို ကြည့်ရှုလေ့လာကာ ရုပ်ပွားတော်မြတ်ကြီး ဘက်စုံပြုပြင်မွမ်းမံရန်အလှူငွေများ ပေးအပ်လှူဒါန်းကြသည်။ထို့နောက် ပြည်ထောင်စု လွှတ်တော်အစည်းအဝေးခန်းမ၌ ကျင်းပလျက်ရှိသည့် တတိယအကြိမ် ပြည်ထောင်စုလွှတ်တော် ဒုတိယပုံမှန်အစည်းအဝေးပထမနေ့ ကျင်းပနေမှုကို တက်ရောက် ကြည့်ရှုလေ့လာကြသည့်အပြင် ဧည့်ကြိုဆိုရေးအဆောင်အတွင်းရှိ မြန်မာ့ရိုးရာ ယဉ်ကျေးမှုအထိမ်းအမှတ် ယွန်းထည်ဆွမ်းအုပ်ကြီးနှင့် သစ်အမျိုးအစား ၉၂ မျိုး ပြသ ထားရှိမှုကို လေ့လာကြသည်။ယင်းနောက် ပြည်သူ့လွှတ်တော်နှင့် အမျိုးသားလွှတ်တော် အဆောက်အအုံများ၊ အစည်းအဝေးခန်းမများနှင့် လွှတ်တော်ဆိုင်ရာ အထောက်အကူပြုနေရာများကို လှည့်လည်ကြည့်ရှု လေ့လာကြရာ တာဝန်ရှိသူများက လွှတ်တော်များ၏ လုပ်ငန်းဆောင်ရွက်မှု အဆင့်ဆင့်နှင့် လွှတ်တော်ရေးရာ ဗဟုသုတများကို ရှင်းလင်းပြောကြားသည်။မွန်းလွဲပိုင်းတွင် လေ့လာရေးအဖွဲ့သည် ဇေယျာသီရိမြို့နယ်ရှိ သူရဲကောင်းဗိမာန်(နေပြည်တော်)ကို သွားရောက်ပြီး နိုင်ငံတော်အတွက် သက်စွန့်ကြိုးပမ်းတာဝန် ထမ်းဆောင်ရင်း အသက်ပေးလှူ သွားခဲ့ကြသည့် သူရဲကောင်းစစ်သည်များအား အလေးပြုကာ ဗိမာန်အတွင်း လှည့်လည်ကြည့်ရှု လေ့လာကြသည်။ဆက်လက်၍ လှေခွင်းတောင် အပန်းဖြေစခန်းသို့ သွားရောက် လေ့လာကြကြောင်း သိရသည်။မင်းကျော်စွာဓာတ်ပုံ-အောင်မင်းထွန်းmoi
Fri, 5-Jun-2026
နှစ်နိုင်ငံကြား အပတ်စဉ် လေကြောင်းခရီးစဉ်များ ထပ်မံတိုးချဲ့ပြေးဆွဲရန် တရုတ်နှင့် တောင်ကိုရီးယားနိုင်ငံတို့ သဘောတူ
နှစ်နိုင်ငံကြား အပတ်စဉ် လေကြောင်းခရီးစဉ်များ ထပ်မံတိုးချဲ့ပြေးဆွဲရန် တရုတ်နှင့် တောင်ကိုရီးယားနိုင်ငံတို့ သဘောတူ
ဆိုးလ် ဇွန် ၄ခုနစ်နှစ်တာ ကာလအတွင်း ပထမဆုံးအကြိမ်အဖြစ် နှစ်နိုင်ငံကြား အပတ်စဉ် လေကြောင်းခရီးစဉ်များ တိုးချဲ့ပြေးဆွဲရေးအတွက် တရုတ်နှင့် တောင်ကိုရီးယားနိုင်ငံ တို့က သဘောတူထားကြောင်း ဇွန် ၃ ရက် သတင်းများတွင် ရေးသားတင်ပြခဲ့သည်ဟု Xinhua သတင်းဌာန ယနေ့တွင် ဖော်ပြထားသည်။ နှစ်နိုင်ငံကြား အပတ်စဉ် လေကြောင်းခရီးစဉ်များ တိုးချဲ့ပြေးဆွဲရေးသဘောတူညီချက်သည် တရုတ်နှင့် တောင်ကိုရီးယား နိုင်ငံတို့ကြား ဆက်ဆံရေး ပိုမို နွေးထွေးခိုင်မာလာမှု၏ လက္ခဏာတစ်ရပ်ဖြစ်သည်။နှစ်နိုင်ငံကြား အပတ်စဉ် လေကြောင်းခရီးစဉ်များ တိုးချဲ့ပြေးဆွဲရေးသဘောတူညီချက်ကို မေ ၂၇ ရက်မှ ၂၈ ရက်ထိ ဆိုးလ်မြို့၌ ကျင်းပခဲ့သောဆွေးနွေးပွဲများတွင် ရယူခဲ့ခြင်းဖြစ်ကြောင်း တောင်ကိုရီးယား သယ်ယူပို့ဆောင်ရေးဝန်ကြီးဌာနက သတင်းထုတ်ပြန်ထားသည်။အဆိုပါ သဘောတူညီချက်အရ တရုတ်နှင့် တောင်ကိုရီးယားနိုင်ငံတို့သည် အပတ်စဉ် လေကြောင်းပြေးဆွဲမှုကို လက်ရှိခရီးစဉ် ၆၀၈ ခုမှ ၆၆၄ ခုထိ တိုးချဲ့ပြေးဆွဲမည်ဖြစ်သည်။အလားတူ နှစ်နိုင်ငံကြား ကုန်တင်လေယာဉ်ခရီးစဉ်များ ပြေးဆွဲပျံသန်းမှုကိုလည်း လက်ရှိခရီးစဉ် ၅၄ ခုမှ ၆၈ ခု ထိ တိုးချဲ့ပျံသန်းရန် တရုတ်နှင့် တောင်ကိုရီးယားနိုင်ငံတို့က သဘောတူထားသည်။ယခုနှစ် ပထမသုံးလတာကာလအတွင်း တရုတ်နှင့် တောင်ကိုရီးယား လေကြောင်းခရီးစဉ်များသည် ခရီးသည် ၄ ဒသမ ၃၉ သန်းထိ အပြန်အလှန် သယ်ယူပို့ဆောင်ပေးခဲ့ကြောင်း သိရသည်။ ရတနာပုံ
Fri, 5-Jun-2026
ပြည်ထောင်စုဝန်ကြီးဦးဆန်းဦး ရော့စ်ကွန်ဂရက်စ်ငွေကြေးရန်ပုံငွေအဖွဲ့ ညွှန်ကြားရေးမှူး Mr. Alexander Sergeevich Shatirov ဦးဆောင်သောကိုယ်စားလှယ်အဖွဲ့အား လက်ခံတွေ့ဆုံ
ပြည်ထောင်စုဝန်ကြီးဦးဆန်းဦး ရော့စ်ကွန်ဂရက်စ်ငွေကြေးရန်ပုံငွေအဖွဲ့ ညွှန်ကြားရေးမှူး Mr. Alexander Sergeevich Shatirov ဦးဆောင်သောကိုယ်စားလှယ်အဖွဲ့အား လက်ခံတွေ့ဆုံ
နေပြည်တော် ဇွန် ၄သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦးသည် ရော့စ်ကွန်ဂရက်စ်ငွေကြေးရန်ပုံငွေအဖွဲ့ ညွှန်ကြားရေးမှူး Mr. Alexander Sergeevich Shatirov ဦးဆောင်သော ကိုယ်စားလှယ်အဖွဲ့အား ယနေ့ဒေသစံတော်ချိန် မွန်းလွဲပိုင်းတွင် စိန့်ပီတာစဘတ်မြို့ရှိ EXPOFORUM Convention and Exhibition Centre ၌ လက်ခံတွေ့ဆုံသည်။တွေ့ဆုံစဉ် ဓာတ်သတ္တုတူးဖော်ရေးကဏ္ဍနှင့် အခြားကဏ္ဍများ ပူးပေါင်းဆောင်ရွက်သွားမည့် ကိစ္စရပ်များနှင့် စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးကြသည်။moi
Fri, 5-Jun-2026
မွန်ပြည်နယ်၌ အခွန်ဆိုင်ရာကိစ္စရပ်များနှင့်စပ်လျဉ်း၍ အခွန်ပညာပေး ဟောပြောပွဲ ကျင်းပ
မွန်ပြည်နယ်၌ အခွန်ဆိုင်ရာကိစ္စရပ်များနှင့်စပ်လျဉ်း၍ အခွန်ပညာပေး ဟောပြောပွဲ ကျင်းပ
မော်လမြိုင် ဇွန် ၃ မွန်ပြည်နယ် မော်လမြိုင်မြို့နယ် အခွန်ဆိုင်ရာကိစ္စရပ်များ အသိပညာပေးရှင်းလင်းပွဲအခမ်းအနားကို ယနေ့နံနက်ပိုင်းက မော်လမြိုင်မြို့ Sunshine Hotel၌ ကျင်းပသည်။ ဦးစွာ မွန်ပြည်နယ် စီမံကိန်း၊ စီးပွားရေးနှင့်ဘဏ္ဍာရေးဝန်ကြီး နိုင်လယိတမက လုပ်ငန်းရှင်များ အနေဖြင့် ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနတွင် မှတ်ပုံတင်ဖွဲ့စည်းတည်ထောင်ပြီး ပြည်တွင်းအခွန်များဦးစီးဌာန၌ လိုက်နာဆောင်ရွက်ရမည့် အခွန်ဆိုင်ရာကိစ္စရပ်များကို သိရှိနားလည်ထားမှသာ မိမိတို့ကုမ္ပဏီ၏ အခွန်ဆိုင်ရာတာဝန်နှင့် အခွင့်အရေးများကို သိရှိနိုင်မည်ဖြစ်ကြောင်း ပြောကြားသည်။ ထို့နောက် ပြည်နယ်အခွန်ဦးစီးဌာနမှူး ဦးဂျွန်စိန်ဂီက ပြည်တွင်း အခွန်များဦးစီးဌာနမှ ကောက်ခံလျက်ရှိသော အခွန်အကြောင်း သိကောင်းစရာများကို ရှင်းလင်းဆွေးနွေးပြီး ကုမ္ပဏီတည်ထောင်ပြီး လိုက်နာဆောင်ရွက်ရမည့် အခွန်ဆိုင်ရာကိစ္စရပ်များကို ရှင်းလင်းဆွေးနွေးသည်။ အဆိုပါ အခွန်ပညာပေးရှင်းလင်းပွဲသို့ မွန်ပြည်နည် အခွန် ကောက်ခံမှုအထောက်အကူအပြု အဖွဲ့ဝင်များနှင့် လုပ်ငန်းရှင်များ စုစုပေါင်း ၂၅၀ တက်ရောက်ခဲ့ကြောင်း သိရသည်။စည်သူ(ပြန်/ဆက်)MDN
Thu, 4-Jun-2026
© Copyright 2024 SAC All Rights Reserved.