အဝေးသင် သင်တန်းများ စာမေးပွဲဖြေဆိုမည့်ရက် ကြေညာခြင်း
News Image
MM-News-Category
ဆက်စပ်သတင်းများ
လန်ဒန် မတ် ၂၉ဥရောပဘောလုံးအဖွဲ့ချုပ်(ယူအီးအက်ဖ်အေ)က ယူရိုပါလိဂ်ပွဲစဉ်အဖြစ် ကစားခဲ့သည့် နော်တင်ဟမ် အသင်းနှင့် ဖီနာဘာချီအသင်းတို့ ပွဲစဉ်တွင် ဖီနာဘာချီ အသင်းပရိသတ်များ၏ သောင်းကျန်းမှုများ ကြောင့် နော်တင်ဟမ်အသင်းကို လျော်ကြေးငွေပေးချေရန် သတ်မှတ်ပေးခဲ့ကြောင်း သိရသည်။ပြီးခဲ့သည့် ဖေဖော်ဝါရီလ ၂၇ ရက်က ယူရိုပါလိဂ် ပြိုင်ပွဲ(၁၆) သင်းရှုံးထွက်အဆင့် ဒုတိယအကျော့ပွဲစဉ် အဖြစ် နော်တင်ဟမ် အသင်းအိမ်ကွင်း၌ ကစားသည့် ပွဲစဉ်တွင် ဖီနာဘာချီအသင်းပရိသတ်များသည် ပွဲချိန်ပထမပိုင်းတွင် မီးရှူးမီးပန်းများ ပစ်ဖောက်ကာ သောင်းကျန်းမှုများကြောင့် ပွဲကိုခေတ္တရပ်နားခဲ့ရ သည်။ဖီနာဘာချီအသင်းပရိသတ်များသည် မီးရှူးမီးပန်းများ ပစ်ဖောက်ခဲ့သည့်အပြင် နော်တင်ဟမ်အသင်း အားကစားကွင်းရှိ ပွဲကြည့်စင်မှ ထိုင်ခုံများကိုလည်း ရိုက်ချိုးဖျက်ဆီးမှုများပါ လုပ်ဆောင်ခဲ့ကြခြင်းဖြစ်သည်။အဆိုပါဖြစ်ရပ်အတွက် ဥရောပဘောလုံးအဖွဲ့ချုပ်က စုံစမ်းစစ်ဆေးမှုများ လုပ်ဆောင်ပြီးနောက် ဖီနာဘာချီအသင်းကို ယူရို ၂၀၅၀၀ အပြင် ထပ်ဆောင်း ဒဏ်ငွေ ၃၀၀၀၀ စုစုပေါင်း ယူရို ၅၀၅၀၀ ကို နော်တင် ဟမ်အသင်းထံ ပေးဆောင်စေရန် ပြစ်ဒဏ်ချမှတ် ခဲ့ခြင်းဖြစ်သည်။ထို့ပြင် ဥရောပဘောလုံးအဖွဲ့ချုပ်က လာမည့်ဘောလုံးရာသီတွင်လည်း ဖီနာဘာချီအသင်းကို အဝေးကွင်းပွဲစဉ်များ၌ ပရိသတ်များအား လက်မှတ် ရောင်းချခြင်း မပြုရန် ထပ်တိုးပြစ်ဒဏ် ချမှတ်ခဲ့ကြောင်း သိရသည်။ Ref;FotmobMWD
Mon, 30-Mar-2026
မန်ချက်စတာ မတ် ၂၉မန်ယူအသင်း ဝါရင့်ကွင်းလယ်ကစားသမား ကက်စ်မဲရိုးက ယခုဘောလုံးရာသီအကုန်တွင် အသင်းမှ ထွက်ခွာမည့် ဆုံးဖြတ်ချက်ကို ပြန်လည် ပြင်ဆင်သွားမည်မဟုတ်ဘဲ ယခင်ဆုံးဖြတ်ချက်အတိုင်း ဘောလုံးရာသီအကုန်တွင် အသင်းမှထွက်ခွာ မည်ဟု ပြောကြားခဲ့ကြောင်း သိရသည်။အသက် ၃၄ နှစ်အရွယ် ကက်စ်မဲရိုးသည် ၂၀၂၂ ခုနှစ်က ရီးယဲလ်မက်ဒရစ်အသင်းမှ မန်ယူအသင်းသို့ ပြောင်းရွှေ့ကစားခဲ့ပြီး အသင်းနှင့်အတူ ပထမဆုံး ဘောလုံးရာသီတွင် အကောင်းဆုံး ခြေစွမ်းပြနိုင်သော်လည်း နောက်ပိုင်းဘောလုံးရာသီများတွင် ခြေစွမ်းပိုင်းကျဆင်းမှုများနှင့် ရင်ဆိုင်ခဲ့ရသူဖြစ် သည်။ကက်စ်မဲရိုးက "ကျွန်တော့်ဆုံးဖြတ်ချက်ကို ပြန်လည်ပြင်ဆင်မှာမဟုတ်ပါဘူး၊ ကျွန်တော်မန်ယူ အသင်းမှာရှိတဲ့အချိန်တွေမှာ ပျော်ရွှင်ခဲ့ရပါတယ်။ အသင်းအတွက်လည်း အခုဘောလုံးရာသီကုန်အထိ အာရုံစိုက်ပြီး အကောင်းဆုံးပေးဆပ်သွားမှာပါ။ ဒီဘောလုံးရာသီကုန်ရင်တော့ ကျွန်တော်အသင်း ကနေထွက်ခွာမှာပါ" ဟုပြောသည်။ကက်စ်မဲရိုးသည် ယခုဘောလုံးရာသီ၌ နည်းပြ အမိုရင်လက်အောက်တွင် ခြေစွမ်းပြနိုင်ရန် ရုန်းကန် ခဲ့ရသော်လည်း လက်ရှိနည်းပြ မိုက်ကယ်ကာရစ် လက်အောက်တွင် တစ်ကျော့ပြန်လည်ခြေစွမ်းပြ နိုင်ပြီးနောက် အသင်းပရိသတ်များကလည်း ကက်စ်မဲရိုးကို နောက်ထပ်ဘောလုံးတစ်ရာသီတွင် အသင်း၌ ဆက်လက်ကစားပေးရန်တောင်းဆိုမှု များရှိခဲ့သော်လည်း ကက်စ်မဲရိုးကိုယ်တိုင်က ယခင် ဆုံးဖြတ်ထားသည့်အတိုင်း ယခုဘောလုံးရာသီ အကုန်တွင် အသင်းမှထွက်ခွာမည်ဖြစ်သည်။မန်ယူအသင်းကလည်း ကက်စ်မဲရိုးနေရာတွင် အစားထိုးရန် ကစားသမားရှာဖွေမှုများ လုပ်ဆောင်နေပြီး လက်ရှိတွင် နယူးကာဆယ်အသင်းနှင့် အနာဂတ်မရေမရာ ဖြစ်နေသည့် တိုနယ်လီကိုခေါ်ယူရန် ကြိုးပမ်း လျက်ရှိသည်။ကက်စ်မဲရိုးသည် ယခုဘောလုံးရာသီတွင် အသင်းနှင့်အတူ ပြိုင်ပွဲစုံ ပွဲပေါင်း ၃၀ ကစားပြီးချိန်တွင် ခုနစ်ဂိုးသွင်းယူထားပြီး အသင်းနှင့်အတူပထမ ဆုံးဘောလုံးရာသီက သွင်းဂိုးအရေအတွက်ကို ရာသီမကုန်ဆုံးမီ လိုက်မီနိုင်ခဲ့ကြောင်း သိရသည်။Ref;The AthletiMWD
Mon, 30-Mar-2026
ရန်ကုန် မတ် ၂၉ ရန်ကုန်ဂေါက်သီးရိုက်အသင်း၏ (၁၁၇)ကြိမ်မြောက် နှစ်ပတ်လည်အသင်းသား၊အသင်းသူများ၏ ဂေါက်သီးရိုက်ပြိုင်ပွဲများကို မတ်လ ၂၇ ရက်နှင့် ၂၈ ရက်တို့တွင်အဆိုပါဂေါက်ကွင်း၌ အောင်မြင်စွာကျင်းပခဲ့ပြီး ဆုပေးပွဲနှင့် ဂုဏ်ပြုညစာစားပွဲကို ယနေ့ညနေပိုင်းတွင် ဆက်လက်ကျင်းပသည်။အခမ်းအနားတွင် ရန်ကုန်ဂေါက်သီးရိုက်အသင်း Captain ဦးကိုကိုအေးက အဖွင့်နှုတ်ခွန်းဆက် အမှာစကားပြောကြားကာ Captain ဦးကိုကိုအေး၊ အတွင်းရေးမှူး ဦးခင်မောင်တင့်နှင့် ဘဏ္ဍာရေးမှူး ဦးဇေယျာအောင်တို့က ၂၀၂၅ ခုနှစ်အတွက် ဝန်ထမ်းများ၏ Bonus ဆုကြေးငွေကျပ် ၆၈၉၁၀၀၀၀ ကို ပေးအပ်ချီးမြှင့်သည်။ထို့နောက် အတွင်းရေးမှူး ဦးခင်မောင်တင့်က Annual At Home အတွက် ပါဝင်ကူညီကြသူ စေတနာရှင်များအား ကျေးဇူးတင်စကားပြောကြားပြီး ပါဝင်ကူညီသူများစာရင်းကို ကြေညာကာ ဂုဏ်ပြုမှတ်တမ်းလွှာများ ပေးအပ်သည်။ ယင်းနောက် ရန်ကုန်ဂေါက်သီးရိုက်အသင်းမှ Captain ဦးကိုကိုအေးက ယခင် Captain ဟောင်းများအား နေရာအရောက် လက်ဆောင်ပစ္စည်းများကို ပေးအပ်သည်။ဆက်လက်၍ ၂၀၂၅-၂၀၂၆ ခုနှစ်တွင်ကျင်းပသော ဂေါက်သီးရိုက်ပြိုင်ပွဲများတွင် ဆုရရှိသူများကို ရန်ကုန်ဂေါက်သီးရိုက်အသင်း ပြိုင်ပွဲကျင်းပရေး ဆပ်ကော်မတီဥက္ကဋ္ဌ ဦးကျော်ကိုကိုချစ်က ပေးအပ်ချီးမြှင့်သည်။ ထို့နောက် ၂၀၂၆ ခုနှစ် Professional အဆင့်အတွက် ဆုရရှိသူများကို အတွင်းရေးမှူး ဦးခင်မောင်တင့်ကလည်းကောင်း၊ ၂၀၂၅ ခုနှစ်အတွက် Club Championship ဆုများကို နာယက ဦးဇော်မင်းကလည်းကောင်း၊ မတ်လ ၂၇ ရက်နှင့် ၂၈ ရက်တို့တွင် ကျင်းပခဲ့သော Captain Cup ပြိုင်ပွဲတွင် ဆုရရှိသူများကို ရန်ကုန်ဂေါက်သီးရိုက်အသင်းမှ Captain ဦးကိုကိုအေးကလည်းကောင်း၊ ၂၉ ရက်တွင် ကျင်းပခဲ့သောပြိုင်ပွဲများ၌ ဆုရရှိသူများကို ရန်ကုန်ဂေါက်သီးရိုက်အသင်း လုံခြုံရေး၊ စည်းကမ်းထိန်းသိမ်းရေးနှင့် ပြန်ကြားရေးဆပ်ကော်မတီဥက္ကဋ္ဌ ဦးတင်မောင်မောင်ဝင်းက လည်းကောင်း၊ ၂၀၂၅ ခုနှစ်မှ ၂၀၂၆ ခုနှစ် ဖေဖော်ဝါရီလအထိ Hole In One ဆုရရှိသူများကို ရန်ကုန်ဂေါက်သီးရိုက်အသင်းမှ ဂေါက်ကွင်း စိမ်းလန်းစိုပြည်ရေးဆပ်ကော်မတီဥက္ကဋ္ဌ ဦးချန်ထွန်အောင်ကလည်းကောင်း ဆုများပေးအပ်ချီးမြှင့်သည်။ရန်ကုန်ဂေါက်သီးရိုက်အသင်း နှစ်ပတ်လည် အသင်းသား၊ အသင်းသူများ၏ ဂေါက်သီးရိုက်ပြိုင်ပွဲ ရွှေအဆင့် (H’ Cap 0-12) ပြိုင်ပွဲတွင် အားကစားသမား ၂၇ ဦး၊ ငွေအဆင့်(H’ Cap 13–18) ပြိုင်ပွဲတွင် အားကစားသမား ၄၂ ဦး၊ ကြေးအဆင့် (H’ Cap 19-24) ပြိုင်ပွဲတွင် အားကစားသမား ၅၁ ဦး၊ အမျိုးသမီးပြိုင်ပွဲတွင် အားကစားသမား ကိုးဦး၊ Professional အဆင့်ပြိုင်ပွဲတွင် အားကစားသမားခြောက်ဦး စုစုပေါင်း အားကစားသမား ၁၃၅ ဦး ပါဝင်ယှဉ်ပြိုင်ခဲ့ကြောင်းနှင့် ရန်ကုန်ဂေါက်ကွင်း (တညင်းကုန်း)ကို ၁၉၀၉ ခုနှစ်တွင် စတင်တည်ထောင်ခဲ့ပြီး သက်တမ်းအားဖြင့် နှစ်ပေါင်း ၁၁၇ နှစ်ရှိ ဂေါက်ကွင်းတစ်ခုဖြစ်ကြောင်း သိရသည်။MWD
Mon, 30-Mar-2026
နေပြည်တော် မတ် ၂၉သာသနာရေးနှင့် ယဉ်ကျေးမှုဝန်ကြီးဌာန သာသနာရေးဦးစီးဌာနကကြီးမှူး၍ နှစ်စဉ် ကျင်းပသော ၂၀၂၆ ခုနှစ် အစိုးရဓမ္မာစရိယစာမေးပွဲ သတ္တမနေ့ကို ယနေ့တွင် နိုင်ငံတစ်ဝန်းရှိ စာဖြေဌာန ၆၅ ဌာနတွင်လည်းကောင်း၊ ပါဠိပထမပြန်စာမေးပွဲ ပထမနေ့ကို စာဖြေဌာန ၂၀၄ ဌာနတွင်လည်းကောင်း ဖြေဆိုကြသည်။ဖြေဆိုရာခိုင်နှုန်းအစိုးရဓမ္မာစရိယစာမေးပွဲ သတ္တမနေ့ကို စာဖြေစာရင်းသွင်း ၁၆၁၇ ပါး/ဦး အနက် ၉၆၄ ပါး/ဦး ဖြေဆိုကြသဖြင့် ၅၉ ဒသမ ၆၂ ရာခိုင်နှုန်း ဖြေဆိုကြပြီး ပါဠိပထမပြန်စာမေးပွဲ (ပထမကြီး၊ ပထမ လတ်၊ ပထမငယ်၊ အခြေပြုမူလတန်း) ပထမနေ့ကို စာရင်းသွင်း ၆၁၇၀၃ ပါး/ဦးအနက် ၅၁၇၁၆ ပါး/ဦး ဖြေဆိုကြသဖြင့် ၈၃ ဒသမ ၈၁ ရာခိုင်နှုန်း ဖြေဆိုကြကြောင်း သာသနာရေးဦးစီးဌာနမှ သိရသည်။moi
Mon, 30-Mar-2026
လန်ဒန် မတ် ၂၈ ပရီးမီးယားလိဂ်အဖွဲ့ချုပ်က လစဉ်ပေးအပ်သည့် ဆုဖြစ်သော ပရီးမီးယားလိဂ်ပြိုင်ပွဲ၏ ယခုနှစ်မတ်လ အတွက် တစ်လတာ အကောင်းဆုံးကစားသမားဆု ဆန်ခါတင်စာရင်းကို ထုတ်ပြန်ကြေညာခဲ့ပြီး ဆန်ခါ တင်စာရင်းတွင် အမှတ်ပေးဇယားအဆင့် (၁)မှ (၄)နေရာအတွင်း ရပ်တည်နေသည့်အသင်းများမှ ကစားသမားနှစ်ဦးသာ ပါဝင်လာကာ ကျန်ကစား သမားများမှာ အမှတ်ပေးဇယား အောက်ပိုင်းအသင်း များမှ ကစားသမားများ ပါဝင်လာသည်။ပရီးမီးယားလိဂ်ပြိုင်ပွဲ၏ မတ်လအတွက် တစ်လ တာအကောင်းဆုံးကစားသမားဆု ဆန်ခါတင် စာရင်းတွင် မန်ယူအသင်းမှ ဖာနန်ဒက်၊ အဲဗာတန် အသင်းမှ ဂျိမ်းဂါနာ၊ နော်တင်ဟမ်အသင်းမှ ဂစ်ဝှိုက်၊ နယူးကာဆယ်အသင်းမှ ဂေါ်ဒွန်၊ ဖူလ်ဟမ်အသင်း မှ အီအိုဘီ၊ အာဆင်နယ်အသင်းမှ ဂိုးသမား ရိုင်ယာနှင့် ဘရိုက်တန်အသင်းမှ ဒန်နီဝဲလ်ဘတ်တို့ပါဝင်လာခဲ့ ကြခြင်းဖြစ်သည်။မတ်လအတွက် တစ်လတာအကောင်းဆုံးကစား သမားဆု ဆန်ခါတင်ကစားသမားစာရင်း၌ ပါဝင်လာသူများတွင် မန်ယူအသင်းမှ ဖာနန်ဒက်က ဆုရရှိ ရန် ရေပန်းစားလျက်ရှိပြီး ဖာနန်ဒက်သည် မန်ယူ အသင်းနှင့်အတူ မတ်လအတွင်း ကစားသည့်ပွဲစဉ်များ ၌ ပဲလေ့စ်အသင်းနှင့်ပွဲစဉ်တွင် တစ်ဂိုးသွင်း၊ ဂိုးဖန်တီး မှုတစ်ကြိမ်၊ နယူးကာဆယ်အသင်းနှင့် ပွဲစဉ်တွင် ဂိုးဖန်တီးမှုတစ်ကြိမ်၊ အက်စ်တွန်ဗီလာ အသင်းနှင့် ပွဲစဉ်တွင် ဂိုးဖန်တီးမှု နှစ်ကြိမ်၊ ဘုန်းမောက်အသင်း နှင့်ပွဲစဉ်တွင် တစ်ဂိုးသွင်းယူနိုင်ခဲ့ပြီး လေးပွဲဆက် သွင်းဂိုးနှင့် ဂိုးဖန်တီးမှုများ ပြုလုပ်ထားကြောင်း သိရသည်။ MWD
Sun, 29-Mar-2026
ပဲရစ် မတ် ၂၈ ပြင်သစ်လီဂူးအဖွဲ့ချုပ်က ပြင်သစ်လီဂူးပြိုင်ပွဲ ပွဲစဉ်(၂၉)အဖြစ် ပီအက်စ်ဂျီအသင်းနှင့် လန်းအသင်း တို့ကစားမည့်ပွဲစဉ်ကို ရွှေ့ဆိုင်းရန်ခွင့်ပြုပေးခဲ့ကြောင်း သိရသည်။ပီအက်စ်ဂျီအသင်းသည် ချန်ပီယံလိဂ်ပြိုင်ပွဲ ကွာတားဖိုင်နယ်အဆင့် ပထမအကျော့ပွဲစဉ်အဖြစ် လာမည့် ဧပြီလ ၉ ရက်တွင် လီဗာပူးအသင်းနှင့် ကစားရမည်ဖြစ်ကာ လီဗာပူးအသင်းနှင့်ပွဲစဉ်ပြီး လျှင် တစ်ရက်သာခြားပြီး ဧပြီလ ၁၁ ရက်တွင် လန်း အသင်းနှင့် ပြင်သစ်လီဂူးပြိုင်ပွဲ ပွဲစဉ်(၂၉) အဖြစ် ကစားရမည်ဖြစ်သည်။ပီအက်စ်ဂျီအသင်းက လီဗာပူးအသင်းနှင့်ကစားမည့်ပွဲစဉ်အပြီး လန်းအသင်းနှင့်ကစားမည့်ပွဲစဉ် အတွက် ပြင်ဆင်ချိန်တစ်ရက်သာရရှိမည်ဖြစ်သည့် အတွက် အဆိုပါပွဲစဉ်ကိုရွှေ့ဆိုင်းပေးရန် ပြင်သစ် လီဂူးအဖွဲ့ချုပ်နှင့် လန်းအသင်းတို့ထံ တောင်းဆိုခဲ့ရာ အစောပိုင်းက လန်းအသင်းက ပီအက်စ်ဂျီအသင်း၏ တောင်းဆိုမှုကိုပယ်ချပြီး သတ်မှတ်ရက်တွင်သာ ကစားရန် ဆုံးဖြတ်ခဲ့ခြင်းဖြစ်သည်။ပီအက်စ်ဂျီအသင်းသည် ယခုဘောလုံးရာသီ ပြင်သစ်လီဂူးပြိုင်ပွဲတွင် ၂၆ ပွဲကစားထားပြီး ရမှတ် ၆၀ ဖြင့် အမှတ်ပေးဇယားထိပ်ဆုံးမှ ဦးဆောင်လျက် ရှိသည်။ လန်းအသင်းကလည်း ၂၇ ပွဲကစားပြီးချိန် တွင် ရမှတ် ၅၉ မှတ်ဖြင့် အမှတ်ပေးဇယားအဆင့်(၂)နေရာ၌ ရပ်တည်လျက်ရှိသည်။ ပီအက်စ်ဂျီ အသင်းနှင့် လန်းအသင်းတို့ပွဲစဉ်သည် ချန်ပီယံဆု အတွက် အဆုံးအဖြတ်ဖြစ်လာနိုင်သည့် အခြေအနေ များကြောင့် လန်းအသင်းက ပွဲစဉ်ရွှေ့ဆိုင်းပေးရန် ငြင်းဆန်ခဲ့သော်လည်း ယခုအခါ ပြင်သစ်လီဂူးအဖွဲ့ ချုပ်က ခွင့်ပြုပေးသည့်အတွက် အဆိုပါပွဲစဉ်ကို ရွှေ့ဆိုင်းကျင်းပမည်ဖြစ်သည်။လန်းအသင်းနှင့် ပီအက်စ်ဂျီအသင်းတို့ ကစားမည့် ပြင်သစ်လီဂူးပြိုင်ပွဲ ပွဲစဉ်(၂၉)ကို လာမည့် ဧပြီ လ ၁၁ ရက်မှ မေလ ၁၃ ရက်သို့ ရွှေ့ဆိုင်းကျင်းပ မည်ဖြစ်သည်။ပီအက်စ်ဂျီအသင်းသည်လန်းအသင်းနှင့်ပွဲစဉ် မတိုင်မီကလည်း ချန်ပီယံလိဂ်ပြိုင်ပွဲ (၁၆) သင်းရှုံး ထွက်အဆင့် ပွဲစဉ်ကြောင့် ပြင်သစ်လီဂူးပွဲစဉ်အဖြစ် ကစားရမည့် နန့်တက်အသင်းနှင့်ပွဲစဉ်ကိုလည်း ရွှေ့ဆိုင်းခဲ့ရပြီး အဆိုပါပွဲစဉ်ကို ဧပြီလ ၂၂ ရက် တွင် ကျင်းပမည်ဖြစ်ကြောင်း သိရသည်။ MWD
Sun, 29-Mar-2026