အင်ဒိုနီးရှားနိုင်ငံ၌ အသည်းရောဂါတိုက်ဖျက်ရေးအတွက် အခမဲ့စစ်ဆေးပေးမည့် အစီအစဉ် တိုးမြှင့်ဆောင်ရွက်

NoahJune222

News Image

  • အင်ဒိုနီးရှားနိုင်ငံ၌ အသည်းရောဂါတိုက်ဖျက်ရေးအတွက် အခမဲ့စစ်ဆေးပေးမည့် အစီအစဉ် တိုးမြှင့်ဆောင်ရွက်

ဂျကာတာ  ဇွန်  ၃

အင်ဒိုနီးရှားနိုင်ငံသည် မြင့်တက်လာသော အသည်းရောဂါနှင့်  ကင်ဆာရောဂါများကို တိုက်ဖျက် ရန် ကြိုးပမ်းမှုတစ်စိတ်တစ်ပိုင်းအနေဖြင့် ယခုနှစ်ကုန်တွင်  လူပေါင်း  ၁၃၆ သန်းကို   ဦးတည်ကာ   အခမဲ့အမျိုးသား ကျန်းမာရေးစစ်ဆေးမှုအစီအစဉ်ကို တိုးချဲ့ဆောင်ရွက်လျက်ရှိကြောင်း သိရသည်။

ယခုဦးတည်လုပ်ဆောင်သော လူဦးရေမှာ ယခင်ဦးတည်ထားသည့် လူပေါင်းသန်း ၇၀ ထက် နှစ်ဆနီးပါးပိုမိုများပြားပြီး အသည်းရောင်အသားဝါရောဂါ  ကူးစက်မှုများကို ရှာဖွေဖော်ထုတ်ခြင်းနှင့် ကုသခြင်းလုပ်ငန်းများမြှင့်တင်ရန် ရည်ရွယ်ခြင်းဖြစ်ကြောင်း ကျန်းမာရေးဝန်ကြီး ဘူဒီဂူနာဒီ ဆာဒီကင်က ဇွန် ၂ ရက်တွင် ပြောသည်။

အင်ဒိုနီးရှားအစိုးရသည် အစောပိုင်းအဆင့် အသည်းအဆီဖုံးခြင်းကဲ့သို့သော ရောဂါလက္ခဏာများကို တွေ့ရှိနိုင်ရန် အထွေထွေရောဂါကုဆရာဝန်များကို သင်တန်းပေးကာ ရပ်ရွာအခြေပြု ကျန်းမာရေးဌာနများမှတစ်ဆင့် ရောဂါအခြေအနေများကို ဆောလျင်စွာရှာဖွေဖော်ထုတ်သည့်စနစ်ကို အားကောင်းခိုင်မာစေရန် စီစဉ်လုပ်ဆောင်နေကြောင်း ဆာဒီကင်က ပြောသည်။

အင်ဒိုနီးရှားနိုင်ငံရှိ အသည်းရောင်အသားဝါပိုးဆေးဝါးဈေးနှုန်းများမှာ မြင့်မားနေသောကြောင့် ကုသရေးအပိုင်းတွင် စိန်ခေါ်မှုတစ်ရပ်အဖြစ် ဆက်လက်ရှိနေဆဲဖြစ်ကြောင်း ၎င်းက ဆက်လက်ပြောကြားသည်။                                   

ဆင်ဟွာ

MDN

MM-News-Category
လူမှုရေးကဏ္ဍသတင်း
လူမှုရေး-ကျန်းမာရေး

ဆက်စပ်သတင်းများ

EU နှင့် WHO တို့ ပူးပေါင်း၍ အီဘိုလာရောဂါထိန်းချုပ်ရေးလုပ်ငန်းများ ပံ့ပိုးကူညီ
EU နှင့် WHO တို့ ပူးပေါင်း၍ အီဘိုလာရောဂါထိန်းချုပ်ရေးလုပ်ငန်းများ ပံ့ပိုးကူညီ
အော့စလို  ဇွန်  ၃ကွန်ဂိုဒီမိုကရက်တစ်သမ္မတနိုင်ငံနှင့် ယူဂန်ဒါနိုင်ငံတို့တွင်  ဖြစ်ပွားလျက်ရှိသော  အီဘိုလာရောဂါကူးစက်မှုထိန်းချုပ်နိုင်ရေး  တုံ့ပြန်ဆောင်ရွက်မှုများကို   ပံ့ပိုးကူညီရန်  ဥရောပသမဂ္ဂ(EU)နှင့် ကမ္ဘာ့ကျန်းမာရေးအဖွဲ့(WHO)တို့ ပူးပေါင်းဆောင်ရွက်လျက်ရှိကြောင်း ကမ္ဘာ့ကျန်းမာရေးအဖွဲ့ဥရောပ ဒေသဆိုင်ရာရုံးက ဇွန် ၂ ရက်တွင် ပြောသည်။ထိုကဲ့သို့ ပူးပေါင်းဆောင်ရွက်မှုမှာ ရောဂါကူးစက်ပြန့်ပွားမှုကို လျင်မြန်စွာထိန်းချုပ်နိုင်ရေး၊ ပြည်သူလူထုကို ကာကွယ်ပေးရေးနှင့် ဒေသတွင်း   ကြိုတင်ပြင်ဆင်မှုများ  အားကောင်းစေရေးတို့အတွက် သက်ဆိုင်ရာအာဏာပိုင်များကို ပံ့ပိုးကူညီရန် ရည်ရွယ်ကြောင်း ကိုပင်ဟေဂင်အခြေစိုက် WHO ဥရောပဒေသဆိုင်ရာရုံးက သတင်းစာရှင်းလင်းပွဲတွင် ပြောသည်။EU သည် ကူးစက်မှုဖြစ်ပွားရာဒေသများတွင် အရေးပေါ်လုပ်ငန်းစဉ်များကို ပံ့ပိုးရန်အပြင် ကွန်ဂိုဒီမိုကရက်တစ်သမ္မတနိုင်ငံ၊ ယူဂန်ဒါနိုင်ငံတို့နှင့် အိမ်နီးချင်းနိုင်ငံများတွင် ကြိုတင်ပြင်ဆင်မှုနှင့် ကာကွယ်ရေးကြိုးပမ်းအားထုတ်မှုများကို ပံ့ပိုးကူညီရန် လူသားချင်းစာနာထောက်ထားမှုဆိုင်ရာ  ရန်ပုံငွေ  အမေရိကန်ဒေါ်လာ  ၁၇  ဒသမ ၄၄ သန်းကို ခွဲဝေချထားပေးလျက်ရှိကြောင်း သိရသည်။EU နှင့် WHO တို့သည် ရောဂါကူးစက်မှုများကို ထိန်းချုပ်နိုင်သည်အထိ အတူတကွလက်တွဲ လုပ်ဆောင်သွားမည်ဖြစ်ကြောင်း ပြောကြားသည်။      ဆင်ဟွာMDN
Thu, 4-Jun-2026
အင်ဒိုနီးရှားနိုင်ငံ၌ အသည်းရောဂါတိုက်ဖျက်ရေးအတွက် အခမဲ့စစ်ဆေးပေးမည့် အစီအစဉ် တိုးမြှင့်ဆောင်ရွက်
အင်ဒိုနီးရှားနိုင်ငံ၌ အသည်းရောဂါတိုက်ဖျက်ရေးအတွက် အခမဲ့စစ်ဆေးပေးမည့် အစီအစဉ် တိုးမြှင့်ဆောင်ရွက်
ဂျကာတာ  ဇွန်  ၃အင်ဒိုနီးရှားနိုင်ငံသည် မြင့်တက်လာသော အသည်းရောဂါနှင့်  ကင်ဆာရောဂါများကို တိုက်ဖျက် ရန် ကြိုးပမ်းမှုတစ်စိတ်တစ်ပိုင်းအနေဖြင့် ယခုနှစ်ကုန်တွင်  လူပေါင်း  ၁၃၆ သန်းကို   ဦးတည်ကာ   အခမဲ့အမျိုးသား ကျန်းမာရေးစစ်ဆေးမှုအစီအစဉ်ကို တိုးချဲ့ဆောင်ရွက်လျက်ရှိကြောင်း သိရသည်။ယခုဦးတည်လုပ်ဆောင်သော လူဦးရေမှာ ယခင်ဦးတည်ထားသည့် လူပေါင်းသန်း ၇၀ ထက် နှစ်ဆနီးပါးပိုမိုများပြားပြီး အသည်းရောင်အသားဝါရောဂါ  ကူးစက်မှုများကို ရှာဖွေဖော်ထုတ်ခြင်းနှင့် ကုသခြင်းလုပ်ငန်းများမြှင့်တင်ရန် ရည်ရွယ်ခြင်းဖြစ်ကြောင်း ကျန်းမာရေးဝန်ကြီး ဘူဒီဂူနာဒီ ဆာဒီကင်က ဇွန် ၂ ရက်တွင် ပြောသည်။အင်ဒိုနီးရှားအစိုးရသည် အစောပိုင်းအဆင့် အသည်းအဆီဖုံးခြင်းကဲ့သို့သော ရောဂါလက္ခဏာများကို တွေ့ရှိနိုင်ရန် အထွေထွေရောဂါကုဆရာဝန်များကို သင်တန်းပေးကာ ရပ်ရွာအခြေပြု ကျန်းမာရေးဌာနများမှတစ်ဆင့် ရောဂါအခြေအနေများကို ဆောလျင်စွာရှာဖွေဖော်ထုတ်သည့်စနစ်ကို အားကောင်းခိုင်မာစေရန် စီစဉ်လုပ်ဆောင်နေကြောင်း ဆာဒီကင်က ပြောသည်။အင်ဒိုနီးရှားနိုင်ငံရှိ အသည်းရောင်အသားဝါပိုးဆေးဝါးဈေးနှုန်းများမှာ မြင့်မားနေသောကြောင့် ကုသရေးအပိုင်းတွင် စိန်ခေါ်မှုတစ်ရပ်အဖြစ် ဆက်လက်ရှိနေဆဲဖြစ်ကြောင်း ၎င်းက ဆက်လက်ပြောကြားသည်။                                   ဆင်ဟွာMDN
Thu, 4-Jun-2026
အန်ဇိုဖာနန်ဒက်အားခေါ်ယူလိုပါက ဗယ်ဗာဒီအပြင် ယူရို သန်း ၂၀ အလိုက်ပေးရန် ချယ်လ်ဆီးအသင်းက ရီးယဲလ်မက်ဒရစ်အသင်းထံတောင်းဆို
အန်ဇိုဖာနန်ဒက်အားခေါ်ယူလိုပါက ဗယ်ဗာဒီအပြင် ယူရို သန်း ၂၀ အလိုက်ပေးရန် ချယ်လ်ဆီးအသင်းက ရီးယဲလ်မက်ဒရစ်အသင်းထံတောင်းဆို
လန်ဒန်   ဇွန်   ၃ချယ်လ်ဆီးအသင်းက ၎င်းတို့အသင်းမှ ကွင်းလယ် ကစားသမား  အန်ဇိုဖာနန်ဒက်အား  ခေါ်ယူလိုပါက ကွင်းလယ်ကစားသမား ဗယ်ဗာဒီအပြင် ယူရို သန်း ၂၀ အလိုက်ပေးရန်     ရီးယဲလ်မက်ဒရစ်အသင်းထံ တောင်းဆိုခဲ့ကြောင်း သိရသည်။အန်ဇိုဖာနန်ဒက်သည်     ယခုဘောလုံးရာသီတွင် ချယ်လ်ဆီးအသင်းနှင့်အတူ   အကောင်းဆုံးခြေစွမ်း ပြနိုင်သော်လည်း     ရာသီဝက်ကာလ၌  ရီးယဲလ် မက်ဒရစ်အသင်းထံ     ပြောင်းရွှေ့ကစားလိုသည်ဟု ပြောကြားပြီးနောက်      အသင်းတာဝန်ရှိသူများနှင့် ဆက်ဆံရေးတင်းမာမှုများရှိလာကာ     အသင်းက ပြစ်ဒဏ်ချမှတ်သည့်အနေဖြင့် ၎င်းကို ပွဲကစားခွင့် ယာယီပိတ်ပင်ခဲ့သည်။ချယ်လ်ဆီးအသင်းသည်    ယခုဘောလုံးရာသီ တွင် ရလဒ်မတည်ငြိမ်မှုများကြောင့် ဥရောပဝင်ခွင့် နှင့်လွဲချော်ခဲ့ရသော်လည်း   အန်ဇိုဖာနန်ဒက်အနေ ဖြင့် အသင်းနှင့်အတူ  အကောင်းဆုံးခြေစွမ်းပြနိုင်ခဲ့ကာ   ပြိုင်ပွဲစုံ ၆၁ ပွဲကစားရာတွင် ၁၆ ဂိုးသွင်းယူပြီး ဂိုးဖန်တီးမှု ၁၀ ကြိမ် ပြုလုပ်နိုင်သည်အထိ ခြေစွမ်းပြ နိုင်ခဲ့သည်။နောက်ပိုင်းတွင်   ချယ်လ်ဆီးအသင်းတာဝန်ရှိသူများနှင့် အန်ဇိုဖာနန်ဒက်တို့ကြား ညှိနှိုင်းမှုများအဆင် ပြေခဲ့၍  အသင်း၌ ပြန်လည် ကစားပေးခဲ့သော်လည်း ၎င်း၏အနာဂတ်မှာ  မရေမရာဖြစ်နေဆဲဖြစ်သည်။ ထို့ကြောင့် လာမည့် နွေရာသီကစားသမားအပြောင်း အရွှေ့ကာလတွင် ရီးယဲလ်မက်ဒရစ်အသင်းက အန်ဇို ဖာနန်ဒက်အား  ခေါ်ယူရန် ပြင်ဆင်နေခြင်းဖြစ်သည်။ရီးယဲလ်မက်ဒရစ်အသင်းတွင်    ကွင်းလယ်ကစားသမား ဗယ်ဗာဒီနှင့် ချူအာမန်ဒီတို့   ခိုက်ရန်ဖြစ်ပွား ခဲ့ပြီး    ဆက်ဆံရေး တင်းမာမှုများ ရှိလာပြီးနောက်   ဗယ်ဗာဒီကိုယ်တိုင်က    အသင်းမှထွက်ခွာရန်ဆန္ဒရှိ နေ၍     ရီးယဲလ်မက်ဒရစ်အသင်းက   ရောင်းချပြီး အန်ဇိုဖာနန်ဒက်နှင့်     ပြန်လည်အစားထိုးလိုနေခြင်း ဖြစ်သည်။ ချယ်လ်ဆီးအသင်းအနေဖြင့် ဥရောပအဆင့်ပြိုင်ပွဲ ဝင်ခွင့်နှင့်လွဲချော်ထားသောကြောင့် လာမည့်နွေရာသီ  ကစားသမား အပြောင်းအရွှေ့ကာလတွင်    အသင်းမှ ထွက်ခွာလိုနေသည့်          အန်ဇိုဖာနန်ဒက်အတွက် ချယ်လ်ဆီးအသင်းက   ရီးယဲလ်မက်ဒရစ် အသင်းထံ ယခုကဲ့သို့ တောင်းဆိုခဲ့ခြင်း ဖြစ်ကြောင်း သိရသည်။Ref;Transfer News LiveMWD
Thu, 4-Jun-2026
ရက်ရှ်ဖို့ဒ်က ဘာစီလိုနာအသင်းသို့ ပြောင်းရွှေ့မည့် အစီအစဉ်ကိုရုပ်သိမ်းပြီး မန်ယူအသင်းနှင့် ပြန်လည်ပူးပေါင်းမည်
ရက်ရှ်ဖို့ဒ်က ဘာစီလိုနာအသင်းသို့ ပြောင်းရွှေ့မည့် အစီအစဉ်ကိုရုပ်သိမ်းပြီး မန်ယူအသင်းနှင့် ပြန်လည်ပူးပေါင်းမည်
မန်ချက်စတာ   ဇွန်  ၃‌မန်ယူအသင်းမှ   ဘာစီလိုနာအသင်းသို့    အငှား စာချုပ်ဖြင့်     ပြောင်းရွှေ့ကစားနေသည့်     တိုက်စစ်ကစားသမားရက်ရှ်ဖို့ဒ်က       ဘာစီလိုနာအသင်းသို့ ပြောင်းရွှေ့မည့် အစီအစဉ်ကိုရုပ်သိမ်းပြီး      မန်ယူအသင်းနှင့်   ပြန်လည်ပူးပေါင်းမည်ဖြစ်ကြောင်း   သိရ သည်။ရက်ရှ်ဖို့ဒ်သည်    ပြီးခဲ့သည့်နွေရာသီကစားသမား အပြောင်းအရွှေ့ကာလက  မန်ယူအသင်းမှ ဘာစီလို နာအသင်းထံ တစ်ရာသီ အငှားစာချုပ်ဖြင့် ပြောင်းရွှေ့ ကစားခဲ့ပြီး အငှားစာချုပ်ပါ အချက်အလက်များအရ  ဘာစီလိုနာအသင်းမှ   ပြောင်းရွှေ့ကြေး   စတာလင် ပေါင် ၂၆  သန်းဖြင့်  အပြီးသတ်ခေါ်ယူနိုင်မည့်အချက် ပါဝင်နေခြင်းဖြစ်သည်။အစောပိုင်းက    ရက်ရှ်ဖို့ဒ်သည်   မန်ယူအသင်းသို့ ပြန်လည်ပြောင်းရွှေ့ခြင်း မပြုတော့ဘဲ    ဘာစီလိုနာ အသင်း၌သာ ဆက်လက်ကစားရန် ဆုံးဖြတ်ခဲ့ပြီး ဘာစီလိုနာအသင်းကလည်း  အပြီးသတ်စာချုပ်ဖြင့် ခေါ်ယူရန် ကြိုးပမ်းခဲ့သည်။ သို့သော် ဘာစီလိုနာအသင်းက စာချုပ်ပါအချက် အလက်များအတိုင်း ပြောင်းရွှေ့ကြေး စတာလင်ပေါင် ၂၆ သန်းကို   ပေးချေလိုခြင်းမရှိဘဲ   စတာလင်ပေါင် ၁၅ သန်းသာပေးချေလိုသည့်အတွက်   မန်ယူအသင်း နှင့်ဘာစီလိုနာအသင်းတို့ကြား ညှိနှိုင်းမှုအဆင်မပြေ ဖြစ်ခဲ့သည့်အပြင် ရက်ရှ်ဖို့ဒ်ကိုယ်တိုင်ကလည်း မန်ယူ အသင်းနှင့် ပြန်လည်ပူးပေါင်းရန်သာ ဆုံးဖြတ်ခဲ့သည်။    ရက်ရှ်ဖို့ဒ်သည်   လာမည့်ရာသီကြိုခြေစမ်းပွဲကာလ မတိုင်မီ    မန်ယူအသင်းနှင့်    ပြန်လည်ပူးပေါင်းရန် စီစဉ်ထားကြောင်း သိရသည်။Ref;Fabrizio RomanoMWD
Thu, 4-Jun-2026
၂ဝ၂၆ ခုနှစ် ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ်ဖလား (၁၄) ခရိုင် အသက် ၂၅ နှစ်အောက် အမျိုးသား/အမျိုးသမီး ဘတ်စကက်ဘော ပြိုင်ပွဲကျင်းပ
၂ဝ၂၆ ခုနှစ် ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ်ဖလား (၁၄) ခရိုင် အသက် ၂၅ နှစ်အောက် အမျိုးသား/အမျိုးသမီး ဘတ်စကက်ဘော ပြိုင်ပွဲကျင်းပ
ရန်ကုန်   ဇွန်   ၃                            ၂ဝ၂၆ ခုနှစ်   ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ်ဖလား (၁၄) ခရိုင် အသက် ၂၅ နှစ်အောက် အမျိုးသား/အမျိုးသမီး ဘတ်စကက်ဘောပြိုင်ပွဲ ဖွင့်ပွဲကိုယနေ့နံနက်ပိုင်းတွင် ရန်ကုန်မြို့ အမျိုးသားအားကစားပြိုင်ပွဲရုံ(၁) သုဝဏ္ဏ၌ကျင်းပရာ ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူ တက်ရောက် သည်။ရှေးဦးစွာ တိုင်းဒေသကြီးဝန်ကြီးချုပ်က အဖွင့်အမှာစကား ပြောကြားပြီး  ပြိုင်ပွဲဝင် အားကစားသမားများအား  လက်ဆောင်များ ပေးအပ်သည်။ထို့နောက် ပြိုင်ပွဲဝင် အားကစားသမားများ ကွင်းအတွင်းမှ ပြန်လည်ထွက်ခွာပြီး ဘတ်စကက်ဘောပြိုင်ပွဲ ပွဲစဉ်များကို စတင်ယှဉ်ပြိုင် ကစားခဲ့ကြသည်။  ၂ဝ၂၆ ခုနှစ် ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ်ဖလား (၁၄) ခရိုင် အသက် ၂၅ နှစ်အောက် အမျိုးသား/အမျိုးသမီး ဘတ်စကက်ဘောပြိုင်ပွဲတွင် အားကစားသမား ၁၉၆ ဦးပါဝင်ယှဉ်ပြိုင်ကြပြီး ပြိုင်ပွဲကို ဇွန်လ ၃ ရက် မှ ၉ ရက်အထိ  ကျင်းပသွားမည်ဖြစ်ကြောင်း သိရသည်။ MWD
Thu, 4-Jun-2026
အထူးကုဆေးရုံ (မင်္ဂလာဒုံ)တွင် သွားနှင့်ခံတွင်းရောဂါ အထူးကု ဌာနဖွင့်လှစ်
အထူးကုဆေးရုံ (မင်္ဂလာဒုံ)တွင် သွားနှင့်ခံတွင်းရောဂါ အထူးကု ဌာနဖွင့်လှစ်
နေပြည်တော်   ဇွန်   ၃     ရန်ကုန်တိုင်းဒေသကြီး အထူးကုဆေးရုံ (မင်္ဂလာဒုံ)တွင် သွားနှင့်ခံတွင်းရောဂါ အထူးကုဌာန ဖွင့်ပွဲအခမ်းအနားကို ယနေ့မွန်းလွဲပိုင်းတွင် ကျင်းပရာ ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်း၊  ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူ၊ တိုင်းဒေသကြီး ဝန်ကြီးများ၊ တပ်မတော်အရာရှိကြီးများ၊ ကျန်းမာရေးဝန်ကြီးဌာနမှ တာဝန်ရှိသူများ၊ ရန်ကုန်တိုင်းဒေသကြီး ကုသရေးဦးစီးဌာနမှူး၊ ကျန်းမာရေး ဝန်ထမ်းများနှင့် အခြားဖိတ်ကြားထားသော ဧည့်သည်တော်များ တက်ရောက်ကြသည်။ဦးစွာ ပြည်ထောင်စုဝန်ကြီး၊ တိုင်းဒေသကြီးဝန်ကြီးချုပ်နှင့် လူမှုရေးဝန်ကြီးတို့က သွားနှင့်ခံတွင်းရောဂါ အထူးကုဌာနကို ဖဲကြိုးဖြတ်၍ ဖွင့်လှစ်ပေးပြီး သံဃာတော်အပါး ၅၀ အား အံကပ် တပ်ဆင်ပေးနေမှု၊ သွားနှင့်ခံတွင်းရောဂါ အထူးကုသခန်းများ၊ သွားနှင့်ခံတွင်းအထူး ဓာတ်မှန်ခန်းတို့ကို  လှည့်လည်ကြည့်ရှုကာ လိုအပ်သည်များကို မှာကြားဖြည့်ဆည်းပေးသည်။ကျန်းမာရေးဝန်ကြီးဌာနသည် အရည်အသွေးပြည့်ဝသော သွားနှင့်ခံတွင်းကျန်းမာရေး စောင့်ရှောက်မှုကို ပြည်သူများလက်လှမ်းမီ ရရှိနိုင်ရေးအတွက် သွားနှင့်ခံတွင်း အထူးကုဆေးရုံကို နေပြည်တော်တွင် လည်းကောင်း၊ သွားနှင့်ခံတွင်းရောဂါ အထူးကုဌာနများကို မန္တလေးပြည်သူ့ဆေးရုံကြီး ကန်တော်နဒီကုသဆောင်တွင် လည်းကောင်း၊  ရန်ကုန်အထူးကု ဆေးရုံ(သာကေတ)နှင့် ရန်ကုန်တက္ကသိုလ်ဆေးရုံတို့တွင် လည်းကောင်း၊   ယခုအထူးကု ဆေးရုံ(မင်္ဂလာဒုံ)တွင် လည်းကောင်း တိုးချဲ့ဖွင့်လှစ်ခြင်းဖြစ်ပြီး ပြည်သူများအနေဖြင့် သွားနုတ်ခြင်း၊ သွားဖာခြင်း၊ သွားစိုက်ခြင်း၊ သွားကျောက်ခြစ်ခြင်း၊ အံကပ်တပ်ဆင်ခြင်း အစရှိသည့် ကုသမှုများကို လာရောက်ကုသမှု ခံယူနိုင်ကြောင်း သတင်းရရှိသည်။MWD
Thu, 4-Jun-2026
© Copyright 2024 SAC All Rights Reserved.