တိုယိုတာက ကိုရိုလာကားများကို EV များအဖြစ် တစ်ခေတ်ဆန်းသစ်ဖန်တီးမည်

dpWEB1234

News Image

  • တိုယိုတာက ကိုရိုလာကားများကို EV များအဖြစ် တစ်ခေတ်ဆန်းသစ်ဖန်တီးမည်


တိုယိုတာကုမ္ပဏီကထုတ်လုပ်ထားတဲ့ကိုရိုလာကားအမျိုးအစားဟာ သမိုင်းတစ်ခေတ်မှာတော့ ဂန္ထဝင် ကားများအဖြစ်မှတ်တမ်းဝင်ခဲ့ဖူးပါတယ်။ ဒါ့အပြင် ကမ္ဘာပေါ်မှာ အရောင်းရဆုံး မော်တော်ကား အမျိုးအစားကလည်း တိုယိုတာကိုရိုလာပါပဲ။

အခုဆိုရင် တိုယိုတာကုမ္ပဏီက သူတို့ရဲ့ဂန္ထဝင်ဖြစ်တဲ့ ကိုရိုလာကားများကို လျှပ်စစ်စွမ်းအင်သုံး ယာဉ်(EV)အဖြစ်ပြောင်းလဲပြီးတိုယိုတာကိုရိုလာများရဲ့ခေတ်ကိုတစ်ဖန်ဆန်းသစ်ဖန်တီးဖို့  စီစဉ် လာပါတယ်။ တိုယိုတာက Japan Mobility Show မှာ ခေတ်ရှေ့ပြေး Toyota Corolla Concept ဆိုတဲ့ မော်တော်ကားဒီဇိုင်းကို ထုတ်ဖော်ပြသခဲ့တာဖြစ်ပါတယ်။

သူတို့ရဲ့ဒီဇိုင်းပိုင်းကို ဘယ်လောက်ထိဆန်းသစ်ထားလဲဆိုရင် အခုထုတ်လုပ်မယ့်ကိုရိုလာကားက စွမ်းအင်အရင်းအမြစ်မျိုးစုံကိုတပ်ဆင်အသုံးပြုနိုင်တဲ့ ဒီဇိုင်းပေါ်မှာအခြေခံထားတယ်လို့ဆိုပါတယ်။   အဲဒီစွမ်းအင်တွေထဲမှာ လောင်စာဆီ၊ လောင်စာ-ဘက်ထရီ၊ ဘက်ထရီ၊ ဟိုက်ဒရိုဂျင် စတဲ့စွမ်းအင် တွေပါဝင်ပါတယ်။

အတွင်းပိုင်းဒီဇိုင်းဆိုရင်လည်း လက်ရှိမြင်တွေ့နေရတဲ့ EV ကားများနဲ့လုံးဝမတူဘဲ ခေတ်ရှေ့ပြေးလွန်း နေပါတယ်။ တိုယိုတာကတော့ လူတိုင်းအတွက်  ကိုရိုလာဆိုပြီးအမွှမ်းတင်ထားပါတယ်။ 

Ref: AE

ကိုထက်

MWD

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

ပင်တဂွန်က Musk ၏ Grok AI ကို လျှို့ဝှက်စစ်ဘက်စနစ်များတွင် ထည့်သွင်းအသုံးပြုရန် သဘောတူညီမှုရရှိ
ပင်တဂွန်က Musk ၏ Grok AI ကို လျှို့ဝှက်စစ်ဘက်စနစ်များတွင် ထည့်သွင်းအသုံးပြုရန် သဘောတူညီမှုရရှိ
ပင်တဂွန်သည် Elon Musk ၏ xAI ကုမ္ပဏီနှင့် သဘောတူညီချက်တစ်ရပ် လက်မှတ်ရေးထိုးခဲ့ပြီး ၎င်းတို့၏ Grok AI ကို လျှို့ဝှက်စစ်ဘက်စနစ်များတွင် ထည့်သွင်းအသုံးပြုတော့မည်ဖြစ်ကြောင်း သိရှိရသည်။ အဆိုပါ လုပ်ရပ်သည် ပြိုင်ဘက်ကုမ္ပဏီဖြစ်သော Anthropic အပေါ် ဖိအားများ ပိုမိုသက်ရောက်စေခဲ့သည်။ အကြောင်းမှာ Anthropic သည် ၎င်းတို့၏ Claude model တွင် ကန့်သတ်ချက်များ (Safeguards) ကို ပယ်ဖျက်ပေးရန် ငြင်းဆန်နေသောကြောင့်ဖြစ်သည်။New York Times က စတင်ဖော်ပြပြီး Axios သတင်းဌာနက တနင်္လာနေ့ (ဖေဖော်ဝါရီ ၂၃) တွင် အတည်ပြုခဲ့သော အဆိုပါသဘောတူညီချက်အရ Grok သည် စစ်တပ်၏ အထိခိုက်မခံဆုံးသော ကွန်ရက်များတွင် အသုံးပြုခွင့်ရသည့် ဒုတိယမြောက် AI စနစ် ဖြစ်လာမည်ဖြစ်သည်။ ယင်း ကွန်ရက်များသည် ထောက်လှမ်းရေးသတင်း ခွဲခြမ်းစိတ်ဖြာခြင်း၊ လက်နက်ထုတ်လုပ်ခြင်းနှင့် စစ်မြေပြင်စစ်ဆင်ရေးများလုပ်ဆောင်ရာ နေရာများ ဖြစ်သည်။ ယခုအချိန်အထိ Anthropic ၏ Claude သည် Palantir Technologies နှင့် ပူးပေါင်းမှုမှတစ်ဆင့် ထိုလျှို့ဝှက် ပလက်ဖောင်းများပေါ်တွင် အသုံးပြုနိုင်သည့် တစ်ခုတည်းသော AI မော်ဒယ် ဖြစ်ခဲ့သည်။အဆိုပါသဘောတူညီချက်သည် စစ်မက်ရေးရာဝန်ကြီး Pete Hegseth က Anthropic ၏ CEO ဖြစ်သူ Dario Amodei ကို အင်္ဂါနေ့ (ဖေဖော်ဝါရီ ၂၄) တွင် ပင်တဂွန်၌တွေ့ဆုံရန် ဆင့်ခေါ်ထားချိန်နှင့် တိုက်ဆိုင်နေသည်။ Axios ၏ အဆိုအရ Hegseth သည် Amodei ကို နောက်ဆုံးသတိပေးချက် (Ultimatum) ပေးဖွယ်ရှိပြီး၊ Claude AI ကို ထပ်ဆောင်း ကန့်သတ်ချက်များမထားဘဲ ‘တရားဝင်ရည်ရွယ်ချက်အားလုံး’ အတွက် အသုံးပြုခွင့် ပေးရန်၊ သို့မဟုတ်ပါက ထောက်ပံ့ရေးကွင်းဆက်ဆိုင်ရာ အန္တရာယ်ရှိသူ (Supply chain risk) အဖြစ် သတ်မှတ်ခံရမည့် အကျိုးဆက်ကို ရင်ဆိုင်ရန် ပြောကြားလိမ့်မည်ဟု မျှော်လင့်ရသည်။ ယင်းကဲ့သို့သော တံဆိပ် ကပ်ခြင်း မျိုးသည် ပုံမှန်အားဖြင့် ပြည်ပရန်သူများနှင့် ဆက်နွှယ်နေသော အဖွဲ့အစည်းများကိုသာ သတ်မှတ်လေ့ရှိခြင်းဖြစ်သည်။Anthropic ကုမ္ပဏီသည် ၎င်းတို့၏ နည်းပညာကို အမေရိကန် နိုင်ငံသားများအပေါ် အစုလိုက်အပြုံလိုက် စောင့်ကြည့်ထောက်လှမ်းခြင်း (Mass Surveillance) တွင် အသုံးမပြုရန်နှင့် လူသား၏ ထိန်းချုပ်မှုမပါဝင်သော အလိုအလျောက်ပစ်ခတ်နိုင်သည့် လက်နက်စနစ်များ (Fully Autonomous Weapons) တွင် အသုံးမပြုရန် တားမြစ်ထားသည့် ကန့်သတ်ချက် များကို ဖယ်ရှားပေးရန် ပင်တဂွန်၏ တောင်းဆိုချက်ကို ဆက်လက် ငြင်းဆန် နေသည်။အခြားတစ်ဖက်တွင် xAI သည် ပင်တဂွန်၏တောင်းဆိုချက်များကို သဘောတူညီခဲ့ကြောင်း သတင်းများထွက်ပေါ်နေသော်လည်း ကုမ္ပဏီဘက်မှ မှတ်ချက်တစ်စုံတစ်ရာပေးခြင်း မရှိသေးပေ။ ဆွေးနွေးမှုများအကြောင်း သိရှိထားသူများ၏ အဆိုအရ Google သည်လည်း ၎င်းတို့၏ Gemini model ကို လျှို့ဝှက်စစ်ဘက်လုပ်ငန်းများတွင် အသုံးပြုခွင့်ပေးရန် သဘောတူညီမှုရရှိရန် နီးစပ်နေပြီဟု သိရှိရသည်။ သို့သော် OpenAI မှာမူ ဘေးကင်းလုံခြုံရေးဆိုင်ရာ နည်းပညာများ (Safety technology) ကို ဆက်လက်လုပ်ဆောင်နေဆဲဖြစ်သဖြင့် သဘောတူညီချက်ရရှိရန် မနီးစပ် သေးကြောင်း သိရှိရသည်။ပင်တဂွန်အရာရှိများက ၎င်းတို့၏လျှို့ဝှက်စနစ်များတွင် Anthropic ကို အခြားတစ်ခုနှင့် အစားထိုးခြင်းသည် ရေတိုတွင် အနှောင့်အယှက်အချို့ ဖြစ်ပေါ်စေနိုင်ကြောင်း ဝန်ခံထားကြသည်။ ပြီးခဲ့သည့်လက ဗင်နီဇွဲလား သမ္မတ Nicolas Maduro ကို ဖမ်းဆီးသည့် စစ်ဆင်ရေးတွင် Anthropic ၏ AI မော်ဒယ်ကို အသုံးပြုခဲ့ကြပြီး၊ ယင်းမှာ တိုက်ရိုက်စစ်ဆင်ရေး တစ်ခု တွင် AI က တိုက်ရိုက်ပါဝင်ကူညီခဲ့သည့် ပထမဆုံးသော သိသာ ထင်ရှားသည့် ဖြစ်ရပ်တစ်ခု ဖြစ်ခဲ့သည်။Anthropic သည် မိမိကိုယ်ကို AI လောကတွင် ‘ဘေးကင်းလုံခြုံရေးကို အလေးထားသော’ ကုမ္ပဏီတစ်ခုအဖြစ် ရပ်တည်ခဲ့သည်။ ကုမ္ပဏီ၏ CEO ဖြစ်သူ Dario Amodei က အကန့်အသတ်မရှိဘဲ အသုံးပြုနေသော AI များကြောင့် ဖြစ်ပေါ်လာနိုင်သည့် ‘ကိုယ်ပိုင်ဆုံးဖြတ်ချက်ဖြင့် လုပ်ဆောင် နိုင်မှု အန္တရာယ်များ (Autonomy risks)’ အပါအဝင် လူသားမျိုးနွယ် အပေါ် သက်ရောက်နိုင်သော ကြီးမားသည့်ဘေးအန္တရာယ်များကို အကြိမ်ကြိမ် သတိပေးခဲ့ဖူးသည်။ ပြီးခဲ့သည့်သီတင်းပတ်ကလည်း ကုမ္ပဏီ၏ ဘေးကင်းလုံခြုံရေး သုတေသနအဖွဲ့ခေါင်းဆောင် Mrinank Sharma သည် ရာထူး မှ ရုတ်တရက်နုတ်ထွက်သွားခဲ့ပြီး "ကမ္ဘာကြီးသည် အန္တရာယ် ကျရောက် နေပြီ" ဟူသော ဆန်းကြယ်သည့် သတိပေးချက်တစ်ခုကို ထားရှိခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး -၂
Tue, 24-Feb-2026
BYD Seal 2026 မှာ နေရာပိုမို ကျယ်ဝန်းပြီး နည်းပညာများ ပိုမိုကောင်းမွန်လာ
BYD Seal 2026 မှာ နေရာပိုမို ကျယ်ဝန်းပြီး နည်းပညာများ ပိုမိုကောင်းမွန်လာ
လျှပ်စစ်ကားတွေဟာ နှစ်စဉ်အဆင့်မြင့်လာတာနဲ့အမျှ ဈေးနှုန်းတွေဟာလည်း မြင့်တက်လာလေ့ရှိပေမယ့် BYD ကုမ္ပဏီကတော့ ၂၀၂၆ ခုနှစ်အတွက် အဆင့်မြှင့်တင်လိုက်တဲ့ BYD Seal မော်ဒယ်အသစ်မှာထူးခြားတဲ့ အစီအစဉ်တစ်ခုကို လုပ်ဆောင်လိုက်ပါတယ်။ မော်ဒယ်အသစ်မှာ နေရာပိုမိုကျယ်ဝန်းပြီး ပိုမိုစမတ်ကျတဲ့နည်းပညာတွေ ပါဝင်လာပေမယ့် ဈေးနှုန်းကိုအရင်အတိုင်းပဲ မပြောင်းလဲဘဲ ထားရှိမှာဖြစ်တယ်လို့ဆိုပါတယ်။ ဗြိတိန်ဈေးကွက်မှာ ၂၀၂၃ ခုနှစ်ကစပြီးလူကြိုက်များခဲ့တဲ့ BYD Seal ဟာ အခု ၂၀၂၆ မော်ဒယ်မှာတော့ အပြင်ပန်းပုံစံကို ကြီးကြီးမားမားပြောင်းလဲခြင်းမရှိဘဲ အသုံးပြုသူတွေလိုလားတဲ့ အချက်အလက်တွေကို အဓိကထားပြုပြင်ထားပါတယ်။ဒီကားရဲ့အပြင်ဘက်မှာ ၁၉ လက်မဘီးဂွေဒီဇိုင်းအသစ်တွေနဲ့အတူ Ruby Red၊ Obsidian Black နဲ့ Lavender Grey ဆိုပြီး အရောင်အသစ်သုံးမျိုးကို ရွေးချယ်နိုင်မှာ ဖြစ်ပါတယ်။နောက်ပိုင်းဒီဇိုင်းမှာတော့ BYD လိုဂိုကိုအလယ်ဗဟိုကိုရွှေ့လိုက်ပြီး ကားအမည်ကို ထောင့်စွန်းတစ်ခုမှာပဲ ထည့်သွင်းထားတဲ့အတွက် ရှင်းလင်းပြီးခေတ်မီတဲ့ အသွင်အပြင်မျိုးကို ရရှိစေတာကြောင့်   နေ့စဉ်လူနေမှုဘဝအတွက် ပိုမိုအသုံးဝင်လာအောင် ဖန်တီးထားတာတွေ့ရပါတယ်။MWD
Tue, 24-Feb-2026
iPhone 18 Pro တွင် Selfie ကင်မရာ အဆင့်မြှင့်တင်လာမည်ဟု သတင်းများထွက်ပေါ်
iPhone 18 Pro တွင် Selfie ကင်မရာ အဆင့်မြှင့်တင်လာမည်ဟု သတင်းများထွက်ပေါ်
Apple ကုမ္ပဏီအနေနဲ့ iPhone 18  စီးရီးတစ်ခုလုံးရဲ့ Selfie ကင်မရာတွေကို အဆင့်မြှင့်တင်သွားမယ်လို့ ပြီးခဲ့တဲ့နှစ် နိုဝင်ဘာလကတည်းက သတင်းတွေထွက်ပေါ်ခဲ့တာကို ကြားရပါတယ်။ ဒါပေမဲ့ အခုအခါမှာတော့ ဒီအဆင့်မြှင့်တင်မှုဟာ Pro မော်ဒယ်တွေမှာပဲ ပါဝင်လာနိုင်တယ်လို့ ထွက်ပေါ်လာတဲ့သတင်းသစ်တွေက ဆိုပါတယ်။သတင်းပေးပို့သူ Whylab ရဲ့အဆိုအရ iPhone 18 Pro နဲ့ iPhone 18 Pro Max တို့မှာ 24 MP ရှိတဲ့ ရှေ့ကင်မရာတွေ ပါဝင်လာမှာဖြစ်ပြီး ဒါဟာ အရင်ထွက်ပေါ်နေတဲ့ သတင်းတွေနဲ့လည်း ကိုက်ညီနေပါတယ်။ ဒါ့အပြင် အာရုံခံကိရိယာအသစ်ကြောင့် Selfie ရိုက်တာ၊ ဗီဒီယိုခေါ်ဆိုတာတွေနဲ့ အလင်းရောင် အားနည်းတဲ့နေရာမှာ ရုပ်ပုံအရည်အသွေးတွေ ပိုမိုကောင်းမွန်လာစေမယ်လို့လည်း ဆိုပါတယ်။ဒါ့အပြင် iPhone 18 Pro စီးရီးမှာ Dynamic Island ကို ပိုမိုသေးငယ်အောင် ပြုလုပ်သွားမှာဖြစ်ပြီး Face ID ရဲ့ အစိတ်အပိုင်းအချို့ကို ဖုန်းမျက်နှာပြင်အောက်မှာ ထည့်သွင်းသွားမယ်လို့ ဆိုပါတယ်။ဒီနှစ်မှာတော့ Apple အတွက်ထူးခြားချက်တစ်ခုအနေနဲ့ ခေါက်ဖုန်းလို့ခေါ်တဲ့iPhone Fold တွေကိုလည်း ထုတ်ဖော်မိတ်ဆက်သွားဖို့ရှိနေတာဖြစ်ပါတယ်။iPhone 18 Pro မော်ဒယ်တွေကို iPhone Fold နဲ့အတူ ယခုနှစ်ရဲ့စက်တင်ဘာလ အတွင်းမှာ မိတ်ဆက်သွားမယ်လို့ မျှော်လင့်ရပါတယ်။MWD
Tue, 24-Feb-2026
ဟိုက်ဒရိုဂျင်စွမ်းအင်သုံး Black Veil လူမဲ့ယာဉ်ကိုပြသခြင်းဖြင့် ဟွန်ဒေးရိုတမ်က စစ်မြေပြင်နည်းပညာကိုမြှင့်တင်
ဟိုက်ဒရိုဂျင်စွမ်းအင်သုံး Black Veil လူမဲ့ယာဉ်ကိုပြသခြင်းဖြင့် ဟွန်ဒေးရိုတမ်က စစ်မြေပြင်နည်းပညာကိုမြှင့်တင်
ရီယတ်မြို့မှာကျင်းပတဲ့ ၂၀၂၆ ခုနှစ်ကမ္ဘာ့ကာကွယ်ရေးပစ္စည်းပြပွဲမှာ ဟွန်ဒေးရိုတမ်ကုမ္ပဏီက ဟိုက်ဒရိုဂျင်လောင်စာသုံး လူမဲ့ယာဉ် အမျိုးအစားဖြစ်တဲ့ Black Veilရှေ့ပြေးပုံစံကိုထုတ်ဖော်ပြသပြီး စစ်ဘက်ဆိုင်ရာနည်းပညာအသစ်ကို  မိတ်ဆက်လိုက်ပါတယ်။ ဒီနည်းပညာဟာ ဆူညံသံကို လျှော့ချပေးနိုင်သလို အပူကြောင့် ရန်သူ့ရေဒါမှာပေါ်လာနိုင်ခြေလည်း နည်းပါးတာကြောင့် အနာဂတ်စစ်မြေပြင်တွေအတွက် အထူးသင့်လျော်တယ်လို့ ကုမ္ပဏီက ဆိုပါတယ်။အဲဒီပြပွဲမှာ Black Veil အပြင် K2 Black Panther တင့်ကားပုံစံငယ်တွေနဲ့ ဒရုန်းရန်ကာကွယ်ရေးစနစ် တပ်ဆင်ထားတဲ့ HR-Sherpa လူမဲ့ယာဉ်တွေကိုလည်း ခင်းကျင်းပြသခဲ့ပါတယ်။ ဟွန်ဒေးရိုတမ်ကုမ္ပဏီက အခုအခါမှာ ဟိုက်ဒရိုဂျင်နည်းပညာဟာ စမ်းသပ်ဆဲအဆင့်ကနေ လက်တွေ့အသုံးပြုနိုင်တဲ့အဆင့်ဆီ ရောက်လာပြီဆိုတာကို သက်သေပြလိုက်တာလည်း ဖြစ်ပါတယ်။ ဒီနည်းပညာကို ရှေ့တန်းစစ်မျက်နှာရဲ့ ထောက်ပံ့ပို့ဆောင်ရေး လုပ်ငန်းနဲ့ ကင်းထောက်လုပ်ငန်းတွေမှာ အကျိုးရှိရှိ အသုံးပြုနိုင်တော့မှာဖြစ်ပြီး အထူးသဖြင့် အပူချိန်မြင့်မားတဲ့ဒေသတွေမှာတောင် စွမ်းဆောင်ရည်ကောင်းကောင်းနဲ့ လုပ်ဆောင်နိုင်မှာ ဖြစ်ပါတယ်။             Ref: IEကိုထက်MWD
Mon, 23-Feb-2026
လီသီယံထက် ဆယ်စုနှစ်ချီ ပိုမိုတာရှည်ခံမယ့် တိုဟူးရည်အခြေခံ ဘက်ထရီနည်းပညာအသစ်
လီသီယံထက် ဆယ်စုနှစ်ချီ ပိုမိုတာရှည်ခံမယ့် တိုဟူးရည်အခြေခံ ဘက်ထရီနည်းပညာအသစ်
တရုတ်နိုင်ငံမှသုတေသီတွေဟာ တိုဟူးပြုလုပ်ရာကထွက်လာတဲ့ အရည်ကြည်ကို အသုံးပြုပြီး ပတ်ဝန်းကျင်ကိုအကျိုးပြုတဲ့ ရေအခြေခံ ဘက်ထရီနည်းပညာအသစ်ကို ဖော်ထုတ်နိုင်ခဲ့ကြပါတယ်။ ဒီဘက်ထရီဟာ လက်ရှိအသုံးပြုနေတဲ့ လီသီယံဘက်ထရီတွေထက် အဆပေါင်းများစွာ ပိုမိုတာရှည်ခံပြီး အားသွင်းမှုအကြိမ်ရေပေါင်းတစ်သိန်းနှစ်သောင်းကျော်အထိ အသုံးပြုနိုင်တယ်လို့ ဆိုပါတယ်။ ဒါဟာ လက်ရှိဘက်ထရီတွေထက် ဆယ်စုနှစ်ချီပြီး ပိုမိုအသုံးခံနိုင်မယ့် သဘောလည်းဖြစ်ပါတယ်။ဒီနည်းပညာရဲ့ ထူးခြားချက်က လီသီယံ ဘက်ထရီတွေလို မီးလောင်လွယ်တာမျိုး မရှိဘဲ ဆားရည်သက်သက်ကြောင့် ဘေးကင်းမှု ရှိတာကြောင့် ဖြစ်ပွားနိုင်ခြေရှိတဲ့ မီးလောင်မှုအန္တရာယ်ကို လျှော့ချပေးနိုင်မှာပါ။ ဒီဘက်ထရီဟာ အက်စစ်ဓာတ် မပါဝင်သလို အဆိပ်အတောက်လည်းမရှိတာကြောင့် ပတ်ဝန်းကျင်အတွက် အလွန်ဘေးကင်းတယ်လို့ဆိုပါတယ်။ လက်ရှိ ဒီနည်းပညာကို လက်တွေ့နယ်ပယ်မှာ အကြီးအကျယ် အစားထိုးအသုံးပြုနိုင်ဖို့အတွက် ပညာရှင်တွေက ဆက်လက်ကြိုးပမ်းနေကြပြီ ဖြစ်ပါတယ်။                    Ref: IEကိုထက်MWD
Mon, 23-Feb-2026
ဆိုးရွားတဲ့ ရာသီဥတုမှာပါ ရွေ့လျားပစ်မှတ်တွေကို ထိမှန်အောင် ပစ်ခတ်နိုင်တဲ့ လက်နက်အသစ်
ဆိုးရွားတဲ့ ရာသီဥတုမှာပါ ရွေ့လျားပစ်မှတ်တွေကို ထိမှန်အောင် ပစ်ခတ်နိုင်တဲ့ လက်နက်အသစ်
အမေရိကန်ရေတပ်က အလွန်ဆိုးရွားတဲ့ ရာသီဥတုနဲ့ မြင်ကွင်းမကြည်လင်တဲ့ အခြေအနေတွေမှာပါ ရွေ့လျားပစ်မှတ်တွေကို တိကျစွာပစ်ခတ်နိုင်တဲ့ StormBreaker စမတ်လက်နက်ကို F/A-18-E/F SuperHornet တိုက်လေယာဉ်တွေမှာ တပ်ဆင်အသုံးပြုဖို့ အတည်ပြုလိုက်ပါတယ်။ ရေးသီယွန်ကုမ္ပဏီကထုတ်လုပ်တဲ့ ဒီလက်နက်ဟာ အမှောင်ထု၊ မိုးလေဝသဆိုးရွားမှု ဒါမှမဟုတ် မီးခိုးနဲ့ ဖုန်မှုန့်တွေကြားထဲမှာ ပုန်းကွယ်နေတဲ့ ရွေ့လျားပစ်မှတ်ကိုပါ အလိုအလျောက် ရှာဖွေဖော်ထုတ်နိုင်စွမ်းရှိပါတယ်။ ဒါဟာ အမေရိကန်စစ်သည်တွေအတွက် ဘယ်လိုအခြေအနေမှာမဆို ရန်သူကို အသာစီးရယူတိုက်ခိုက်နိုင်စေမှာ ဖြစ်ပါတယ်။ဒီလက်နက်မှာ ထူးခြားတဲ့ အာရုံခံစနစ် သုံးမျိုးကို ပေါင်းစပ်တပ်ဆင်ထားတာကြောင့် ရာသီဥတုဆိုးရွားနေရင်တောင် ပစ်မှတ်ကို မျက်ခြည်မပြတ်လိုက်ပါ တိုက်ခိုက်နိုင်မှာပါ။ ဒါ့အပြင် StormBreaker ဟာ အရွယ်အစားသေးငယ်တာကြောင့် လေယာဉ် တစ်စင်းတည်းနဲ့တင် ပစ်မှတ်အများအပြားကို တစ်ပြိုင်နက်ချေမှုန်းနိုင်ပြီး ၄၅ မိုင်ကျော်အကွာကနေလည်း လှမ်းပစ်နိုင်ပါတယ်။သူ့ကို F-35 တိုက်လေယာဉ်တွေမှာပါ တပ်ဆင်နိုင်ဖို့အတွက် အဆင့်မြှင့်တင်မှုတွေ လုပ်ဆောင်နေတယ်လို့ သိရပါတယ်။ Ref: IEကိုထက်MWD
Mon, 23-Feb-2026
© Copyright 2024 SAC All Rights Reserved.