၂၀၂၆ ခုနှစ် တက္ကသိုလ်ဝင်စာမေးပွဲအချိန်စာရင်း ကြေညာ
News Image
MM-News-Category
ဆက်စပ်သတင်းများ
မန်ချက်စတာ မေ ၂၇ မန်ယူအသင်းက အသင်းမှ အဓိကကွင်းလယ် ကစားသမား ဖာနန်ဒက်အား ရောင်းချမည့်အစီအစဉ် ကိုပြန်လည်ရုပ်သိမ်းပြီး အသင်းတွင် ဆက်လက်ထိန်းထားကာ သက်တမ်းတိုးစာချုပ်ချုပ်ဆိုရန် ပြင်ဆင်နေကြောင်း သိရသည်။မန်ယူအသင်းသည် ပြီးခဲ့သည့်နွေရာသီကစား သမားအပြောင်းအရွှေ့ကာလက ဖာနန်ဒက်အား မြင့်မားသည့်ပြောင်းရွှေ့ကြေးဖြင့် ဆော်ဒီပရိုလိဂ် ထိပ်တန်းအသင်းများထံရောင်းချရန် ကြိုးပမ်းခဲ့ဖူးပြီး အစောပိုင်းက လာမည့်နွေရာသီကစားသမား အပြောင်းအရွှေ့ကာလတွင် ဖာနန်ဒက်အား မြင့်မားသည့်ပြောင်းရွှေ့ကြေးတစ်ရပ် ရရှိမည်ဆိုပါက ရောင်းချရန် စီစဉ်ထားသော်လည်း ယခုအခါ ဖာနန်ဒက်အား ရောင်းချမည့် အစီအစဉ်ကို ပြန်လည်ရုပ်သိမ်းကာ သက်တမ်းတိုးစာချုပ် ချုပ်ဆိုရန် ကြိုးပမ်းနေခြင်းဖြစ်သည်။မန်ယူအသင်းကသာ ဖာနန်ဒက်အားရောင်းချမည် ဆိုပါက ဆော်ဒီပရိုလိဂ်ထိပ်တန်း အသင်းကြီးများကခေါ်ယူရန်အသင့်ရှိနေသော်လည်း ယခုအခါ မန်ယူအသင်းက ရောင်းချမည့်အစီအစဉ်ကို ပြန်လည်ရုပ်သိမ်းခဲ့ခြင်းဖြစ်သည်။မန်ယူအသင်းနှင့်ဖာနန်ဒက်တို့၏စာချုပ်သက်တမ်း မှာ ၂၀၂၇ ခုနှစ် ဇွန်လအကုန်တွင်ကုန်ဆုံးမည်ဖြစ်ပြီး လာမည့်နှစ်နွေရာသီကစားသမား အပြောင်းအရွှေ့ကာလတွင် အလွတ်ပြောင်းရွှေ့ကြေးဖြင့် လက်လွှတ်ရနိုင်သည့်အတွက် သက်တမ်းတိုး စာချုပ်ချုပ်ဆိုရန် ကြိုးပမ်းနေခြင်းဖြစ်သည်။ဖာနန်ဒက်သည်ယခုဘောလုံးရာသီတွင် မန်ယူအသင်းနှင့်အတူ အကောင်းဆုံးခြေစွမ်းပြနိုင်ပြီးနောက် မန်ယူအသင်း၏တစ်နှစ်တာ အကောင်းဆုံးကစားသမားဆုအပြင် FWA တစ်နှစ်တာအကောင်း ဆုံးကစားသမားဆုနှင့် ပရီးမီးယားလိဂ်တစ်နှစ်တာ အကောင်းဆုံး ကစားသမားဆုတို့ကို ဆွတ်ခူးနိုင်ခဲ့သူဖြစ်သည်။ထို့ပြင် အသင်းနှင့်အတူ ပရီးမီးယားလိဂ်ပြိုင်ပွဲတွင် ဂိုးဖန်တီးမှု ၂၁ ကြိမ်ပြုလုပ်နိုင်ပြီးနောက် ပရီးမီးယားလိဂ်ပြိုင်ပွဲသမိုင်း တစ်လျှောက်တွင်လည်း မန်စီးတီးအသင်းမှ ဒီဘရိုင်းနှင့် အာဆင်နယ်အသင်းမှ အွန်နရီတို့ကိုကျော်ဖြတ်ပြီး တစ်ရာသီဂိုး ဖန်တီးမှု အများဆုံး ကစားသမားအဖြစ်ပါ စံချိန်တင်နိုင်ခဲ့ကြောင်း သိရသည်။ MWD
Thu, 28-May-2026
မီလန် မေ ၂၇ လစ်လပ်နေသည့် အေစီမီလန်အသင်း နည်းပြရာထူး အတွက် ဘုန်းမောက်အသင်း နည်းပြ အီရာအိုလာက ရေပန်းစားလျက်ရှိကြောင်း သိရသည်။အေစီမီလန်အသင်းသည် ယခုဘောလုံးရာသီတွင် ချန်ပီယံလိဂ်ပြိုင်ပွဲ ဝင်ခွင့်အတွက် အခြေအနေကောင်းမွန်ခဲ့သော်လည်း နောက်ဆုံးပွဲစဉ်တွင် ကက်ဂလီယာရီအသင်းကို ရှုံးနိမ့်ပြီး ချန်ပီယံလိဂ်ပြိုင်ပွဲဝင်ခွင့်နှင့် နှစ်ရာသီဆက်လွဲချော်ပြီးနောက် အေစီမီလန်အသင်းက နည်းပြအယ်ဂရီနီအား ရာထူးမှ ထုတ်ပယ်ခြင်းဖြစ်သည်။အေစီမီလန်အသင်းက နည်းပြအယ်ဂရီနီအား ရာထူးမှထုတ်ပယ်ပြီးနောက် နည်းပြသစ်ခန့်အပ်ရန် စတင်ပြင်ဆင်နေကာ ဦးစားပေးအဖြစ် နည်းပြ အီရာအိုလာအားခန့်အပ်ရန် ကြိုးပမ်းနေခြင်းဖြစ်သည်။နည်းပြ အီရာအိုလာသည် ယခုဘောလုံးရာသီတွင် ဘုန်းမောက်အသင်းကို ရလဒ်ကောင်းများ ရရှိအောင်စွမ်းဆောင်ပေးနိုင်ပြီးနောက်ရာသီအကုန်တွင် အဆင့်(၆)နေရာ၌ ရပ်တည်နိုင်ကာ ယူရိုပါလိဂ်ပြိုင်ပွဲဝင်ခွင့်ရရှိအောင် စွမ်းဆောင်ပေးနိုင်သူဖြစ်သည်။နည်းပြ အီရာအိုလာက အစောပိုင်းကတည်းက ယခုဘောလုံးရာသီ အကုန်တွင် အသင်းမှထွက်ခွာ မည်ဟုအတည်ပြုထားပြီး လက်ရှိတွင် တရားဝင် ကြေညာထားခြင်း မရှိသေးသော်လည်း မကြာမီအတည် ပြုဆုံးဖြတ်မည်ဖြစ်ပြီး နည်းပြအီရာအိုလာအား လေဗာကူဆင်အသင်းနှင့် ခရစ္စတယ်ပဲလေ့စ် အသင်းတို့ ကလည်း နည်းပြသစ်အဖြစ် ခန့်အပ်ရန် ကြိုးပမ်းနေကြောင်း သိရသည်။ MWD
Thu, 28-May-2026
ရန်ကုန် မေ ၂၇ ကျန်းမာရေးဝန်ကြီးဌာန၏ ကြီးကြပ်မှုဖြင့် မြောက်ဥက္ကလာပအထွေထွေရောဂါကု ဆေးရုံကြီး၏ ဆေးရုံအုပ်ကြီး ပါမောက္ခ ဒေါက်တာကျော်သူရ ဦးဆောင်သော အထူးကွင်းဆင်း ကုသရေးအဖွဲ့မှ အထူးကု ဆရာဝန်များသည် မြောက်ဥက္ကလာပမြို့ နယ် ကျန်းမာရေးဦးစီးဌာနနှင့် ပူးပေါင်း၍ ယနေ့နံနက်ပိုင်းတွင် မြောက်ဥက္ကလာပ မြို့နယ် (ဌ) ရပ်ကွက်နှင့် အနီးတစ်ဝိုက်ရှိ မိဘပြည်သူများကို အခမဲ့ကွင်းဆင်းဆေးဝါး ကုသပေးသည်။ ကွင်းဆင်းကုသရာနေရာသို့ ပြည်သူ့ လွှတ်တော်နှင့် တိုင်းဒေသကြီးလွှတ်တော် ကိုယ်စားလှယ်များ လာရောက်အားပေး ကြည့်ရှုကြပြီး မြို့နယ်နှင့် ရပ်ကွက် အထွေထွေအုပ်ချုပ်ရေးဦးစီးဌာနမှ တာဝန် ရှိပုဂ္ဂိုလ်များ၊ မြို့နယ်ကြက်ခြေနီအသင်းနှင့် ပရဟိတအကျိုးဆောင်အဖွဲ့များက ဝိုင်းဝန်း ပံ့ပိုးကူညီဆောင်ရွက်ကြသည်။ထိုသို့ အခမဲ့ကျန်းမာရေးစောင့်ရှောက်မှု ပေးခဲ့ရာတွင် အထွေထွေရောဂါလူနာ ၂၈၃ ဦး၊ ဆီးချိုနှင့် ဟော်မုန်းဆိုင်ရာလူနာ ၈၀ ဦး၊ အရေပြားဆိုင်ရာလူနာ ၃၄ ဦး၊ မျက်စိ ရောဂါလူနာ ၁၇၃ ဦး၊ သွားနှင့်ခံတွင်းရောဂါ လူနာ ၄၃ ဦး စုစုပေါင်းလူနာ ၆၁၃ ဦးကို စစ်ဆေးကုသပေးခဲ့ပြီး သွေးအမျိုးအစား ခွဲခြားမှု ၈၂ ဦး၊ ဆီးချိုသွေးချိုဖောက် စစ်ဆေးမှု ၁၇၅ ဦး၊ နှလုံး ECG ဆွဲသူ ၄၂ ဦး၊ ဆေးရုံကြီး သို့ညွှန်းပို့လူနာ သွား လေးဦး၊ အထွေထွေ သုံးဦး၊ မျက်စိ ၄၂ ဦး (အတွင်းတိမ်ခွဲစိတ်ရန်) စုစုပေါင်းညွှန်းပို့လူနာ ၄၉ ဦး တွေ့ရှိ လုပ်ဆောင်ပေးခဲ့ပြီး လိုအပ်သောဆေးဝါးများ အခမဲ့ထောက်ပံ့ ပေးခဲ့ကြောင်း သိရသည်။ MWD
Thu, 28-May-2026
ရာသီဥတုပြောင်းလဲမှု အခြေအနေက ပိုးသတ်ဆေးမတိုးသည့် ဆေးယဉ်ပါးအစာ အဆိပ်သင့်ပိုးများကို ပိုမိုတိုးပွားလာစေကြောင်းတွေ့ရှိရသည်ဟု သုတေသနတစ်ခု ကဖော်ပြထားသည်။ ရာသီဥတုပြောင်းလဲ မှုကြောင့် ဆေးယဉ်ပါး အစာအဆိပ်သင့်ပိုး ဖြစ်ပေါ်မှုကို ၁၀ ရာခိုင်နှုန်းပိုများလာစေကြောင်း၊ ရာသီဥတုပူနွေးလာမှုနှင့် မိုးရွာသွန်းမှုပုံစံ ပြောင်းလဲလာမှုတို့က ကုသရန်ခက်ခဲသည့် ရောဂါပိုးကူးစက်မှုများကို ပိုမိုတိုးမြင့်စေမည်ဖြစ်ကြောင်း သုတေသနတွင် ဖော်ပြထားသည်။တရုတ်သိပ္ပံအကယ်ဒမီနှင့် ကိန်းဘရစ်တက္ကသိုလ်တို့မှ သုတေသနပညာရှင်များပါဝင်သည့် သုတေသီအဖွဲ့တစ်ဖွဲ့က လုပ်ဆောင်သော ထိုသုတေသနတွင် ကမ္ဘာတစ်ဝန်းရှိ နိုင်ငံပေါင်း ၁၃၉ နိုင်ငံမှ အစာအဆိပ်သင့်ပိုးမျိုးစိတ်ပေါင်း ၄၈၀၀၀၀ ကို လေ့လာမှုများ လုပ်ခဲ့ခြင်းဖြစ်သည်။ အစာအဆိပ်သင့်ပိုးများသည် လူသားများတွင် ဝမ်းပျက်ဝမ်းလျှောရောဂါကိုဖြစ်စေသည့် အဓိကအကြောင်းရင်းများအနက် တစ်ခုဖြစ်ကြောင်း၊ နှစ်စဉ်လူဦးရေ သန်းပေါင်းများစွာသည် ထိုရောဂါပိုးကူးစက်ခံနေရကြောင်း၊ ပိုးသတ်ဆေးများကို လွန်ကဲစွာအသုံးပြုခြင်းနှင့် လွဲမှားစွာ အသုံးပြုခြင်းတို့ကြောင့် ဆေးယဉ်ပါးမှုဖြစ်ပေါ်သည်ဟု ယခင်က သတ်မှတ်ခဲ့ခြင်းဖြစ်ကြောင်း သိရသည်။ MWD
Thu, 28-May-2026
ရောမ မေ ၂၆ ယခုဘောလုံးရာသီ အီတလီစီးရီးအေပြိုင်ပွဲပြီးဆုံး ချိန်တွင် စီးရီးအေထိပ်တန်း အသင်းနှစ်သင်းဖြစ်သည့် အေစီမီလန်အသင်းနှင့် ဂျူဗင်တပ်စ်အသင်းတို့ လာမည့်ဘောလုံးရာသီတွင် ချန်ပီယံလိဂ်ပြိုင်ပွဲ ဝင်ခွင့်နှင့် လွဲချော်ခဲ့ကြောင်း သိရသည်။ယခုဘောလုံးရာသီ အီတလီစီးရီးအေပြိုင်ပွဲ၌ ပြိုင်ပွဲပြီးဆုံးရန် တစ်ပွဲအလိုတွင် ချန်ပီယံဆု ဆွတ်ခူး နိုင်ခဲ့သည့် အင်တာမီလန်အသင်းနှင့် ဒုတိယနေရာမှ နာပိုလီအသင်းတို့က ချန်ပီယံလိဂ်ပြိုင်ပွဲဝင်ခွင့်အတွက် သေချာခဲ့ပြီး လက်ကျန်နှစ်နေရာအတွက် အေစီမီလန် အသင်း၊ ဂျူဗင်တပ်စ်အသင်း၊ ရိုးမားအသင်းနှင့် ကိုမို အသင်းတို့က အဆုံးအဖြတ်ကစားခဲ့ရခြင်းဖြစ်သည်။နောက်ဆုံးပွဲစဉ်တွင် ရိုးမားအသင်းက ဗီရိုနာ အသင်းကို ၂ ဂိုး - ဂိုးမရှိ၊ ကိုမိုအသင်းက ခရိုမိုနီစီ အသင်းကို ၄ ဂိုး - ၁ ဂိုးဖြင့် အနိုင်ရရှိကြပြီး ဂျူဗင် တပ်စ်အသင်းသည် တိုရီနိုအသင်းနှင့် ကစားရာ နှစ်ဂိုးစီသရေရလဒ်ထွက်ပေါ်ကာ အေစီမီလန်အသင်း က ကက်ဂလီယာရီအသင်းကို အိမ်ကွင်း၌ ၁ ဂိုး- ၂ ဂိုးဖြင့် ရှုံးနိမ့်၍ နိုင်ပွဲပျောက်ဆုံးခဲ့သည်။ လာမည့် ဘောလုံးရာသီ ချန်ပီယံလိဂ်ပြိုင်ပွဲဝင်ခွင့်နှစ်နေရာ အတွက် ရိုးမားအသင်းနှင့် ကိုမိုအသင်းတို့က ဝင်ခွင့် ရရှိခဲ့ကြသည်။အဆိုပါနောက်ဆုံးပွဲစဉ်တွင် ဂျူဗင်တပ်စ်အသင်းနှင့် အေစီမီလန်အသင်းတို့သည် မဖြစ်မနေအနိုင်ရလဒ် လိုအပ်နေသော်လည်း နိုင်ပွဲပျောက်ဆုံးခဲ့ကြခြင်း ဖြစ်သည်။ ထို့ပြင် အေစီမီလန်အသင်း အနေဖြင့် နှစ်ရာသီဆက် ချန်ပီယံလိဂ်ပြိုင်ပွဲ ဝင်ခွင့်နှင့် လွဲချော်ခဲ့ရကြောင်း သိရသည်။ MWD
Wed, 27-May-2026
မက်ဒရစ် မေ ၂၆ နည်းပြဒီလာဖွန်တီထုတ်ပြန်သော ၂၀၂၆ ကမ္ဘာ့ဖလားပြိုင်ပွဲဝင်ရောက်ယှဉ်ပြိုင်မည့် စပိန်အသင်း ကစားသမားစာရင်းတွင် စပိန်လာလီဂါထိပ်တန်း ကလပ်အသင်းတစ်သင်းဖြစ်သည့် ရီးယဲလ်မက်ဒရစ် အသင်းမှ စပိန်ကစားသမားများ ပါဝင်ခြင်းမရှိကြောင်း သိရသည်။ယခုဘောလုံးရာသီတွင် ရီးယဲလ်မက်ဒရစ်အသင်း အနေဖြင့် စပိန်လာလီဂါပြိုင်ပွဲ၌ ရုန်းကန်ခဲ့ရပြီး ဆုဖလားလက်မဲ့ရာသီနှင့် တွေ့ကြုံရပြီးနောက် နည်းပြ ဒီလာဖွန်တီကလည်း စပိန်အသင်းကစားသမားစာရင်းတွင် ရီးယဲလ်မက်ဒရစ်အသင်းမှ စပိန်ကစား သမားများကို ချန်လှပ်ခဲ့ခြင်းဖြစ်သည်။အများအားဖြင့် နိုင်ငံတကာပြိုင်ပွဲများကစားမည့် စပိန်အသင်းကစားသမားစာရင်းတွင် ရီးယဲလ်မက်ဒရစ် အသင်းကစားသမားများအနေဖြင့် ပါဝင်လေ့ရှိ သော်လည်း လာမည့်ကမ္ဘာ့ဖလား ပြိုင်ပွဲအတွက် ကစားသမားစာရင်းတွင် ရီးယဲလ်မက်ဒရစ်အသင်းမှ ကစားသမားတစ်ဦးမျှ ပါဝင်လာခြင်းမရှိဘဲ ဒဏ်ရာကြောင့် အနားယူနေရသည့် ဘာစီလိုနာအသင်းမှ ယာမယ်ပါဝင်လာသည်။စပိန်အသင်းကစားသမား စာရင်းတွင် ဂိုးသမား နေရာ၌ ဆိုင်မွန်၊ ဒေးဗစ်ရိုင်ယာ၊ ဂါစီယာ၊ ခံစစ် ကစားသမားနေရာ၌ မားကို့စ်လော်ရန်တီ၊ မက် ပူဘေးလ်၊ ပက်ဒရိုပေါ်ရို၊ လာပေါ်တီ၊ အဲရစ်ဂါစီယာ၊ ပါအူကျူဘာစီ၊ ကူကူရယ်လာ၊ ဂါမယ်ဒို၊ ကွင်းလယ် ကစားသမားနေရာ၌ ရိုဒရီ၊ ဇူဘီမန်ဒီ၊ မိုရီနို၊ ပက်ဒရီ၊ ဂါဗီ၊ ဖေဘီယန်ရုဇ်၊ အဲလက်ဘန်နာ၊ တိုက်စစ်ကစား သမားနေရာ၌ ပီနို၊ မူနော့၊ အိုဘာဘယ်ဇာ၊ ယာမယ်၊ ဖာရန်တောရက်စ်၊ အိုလ်မိုနှင့် နီကိုဝီလီယံတို့ ပါဝင်လာကြသည်။စပိန်အသင်းသည် ကမ္ဘာ့ဖလားပြိုင်ပွဲတွင် အုပ်စု (H)၌ ကိတ်ဗာဒီအသင်း၊ ဆော်ဒီအာရေဗျအသင်း၊ ဥရုဂွေးအသင်းတို့နှင့် တစ်အုပ်စုတည်းကျရောက်နေ ပြီး အုပ်စုပွဲစဉ်များအဖြစ် ဇွန်လ ၁၅ ရက်တွင် ကိတ်ဗာဒီ အသင်း၊ ဇွန်လ ၂၁ ရက်တွင် ဆော်ဒီအာရေဗျအသင်း နှင့် ဇွန်လ ၂၇ ရက်တွင် ဥရုဂွေးအသင်းတို့နှင့် ကစားရ မည်ဖြစ်သည်။စပိန်အသင်းသည် ၂၀၂၆ ကမ္ဘာ့ဖလားပြိုင်ပွဲ၌ ချန်ပီယံဆုဆွတ်ခူးနိုင်ရန် ရေပန်းစားနေသည့် အသင်းများတွင် တစ်သင်းအပါအဝင်အဖြစ် ရပ်တည်နေကြောင်း သိရသည်။ MWD
Wed, 27-May-2026