အီရန်နိုင်ငံတွင် ဖြစ်ပွားခဲ့သော ဆန္ဒပြပွဲများအတွင်း လူပေါင်း ၃,၁၀၀ ကျော် သေဆုံးခဲ့ကြောင်း အီရန်အစိုးရက ပြောကြား

News Image

ယမန်နှစ်နှောင်းပိုင်းက စတင်ဖြစ်ပွားခဲ့သော ဆန္ဒပြပွဲများအတွင်း "ရည်ရွယ်ချက်ရှိရှိ လုပ်ဆောင်သည့် အကြမ်းဖက်မှုများ" ကြောင့် လူပေါင်း ၃,၁၀၀ ကျော် သေဆုံးခဲ့ကြောင်း အီရန်တာဝန်ရှိသူများက ပြောကြားခဲ့သည်။

၁၉၇၉ ခုနှစ် အစ္စလာမ်မစ်တော်လှန်ရေးနောက်ပိုင်း ပဋိပက္ခများအတွင်း ထိခိုက်သေဆုံးမှုများကို မှတ်တမ်းတင်ရသည့် အစိုးရအေဂျင်စီဖြစ်သော အီရန်အာဇာနည်များနှင့် စစ်မှုထမ်းဟောင်းများ ရန်ပုံငွေအဖွဲ့ (Iranian Martyrs and Veterans Fund) က ရက်သတ္တပတ်ပေါင်းများစွာ ကြာမြင့် ခဲ့သည့် ဆန္ဒပြပွဲများအတွင်း စုစုပေါင်း လူ ၃,၁၁၇ ဦး သေဆုံးခဲ့ကြောင်း ဇန်နဝါရီလ ၂၁ ရက်နေ့တွင် ပြောကြားခဲ့သည်။ ယင်းသေဆုံးမှု စာရင်း တွင် လုံခြုံရေးတပ်ဖွဲ့ဝင်များနှင့် အရပ်သား ၂,၄၂၇ ဦး ပါဝင်သည်။

အဆိုပါ ကိန်းဂဏန်းများသည် တရားစီရင်ရေးကဏ္ဍအောက်ရှိ မှုခင်း ဆေးစစ်ဆေးရေးအေဂျင်စီတစ်ခုဖြစ်သော အီရန်မှုခင်းဆေးပညာ အဖွဲ့အစည်း (Iranian Forensic Organization) ထံမှရရှိသော အချက်အလက်များ အပေါ် အခြေခံထားခြင်း ဖြစ်သည်။ ၎င်းသည် ၂၀၂၅ ခုနှစ် ဒီဇင်ဘာလ နှောင်းပိုင်းတွင် တီဟီရန်မြို့၌စတင်ဖြစ်ပွားခဲ့ပြီး တစ်နိုင်ငံလုံးရှိ မြို့များ သို့ ပျံ့နှံ့သွားခဲ့သည့် ဆန္ဒပြပွဲများနှင့်ပတ်သက်၍ အီရန်အစိုးရက ပထမဆုံး အကြိမ် ထုတ်ပြန်လိုက်သည့် သေဆုံးမှုစာရင်း အချက်အလက်များ ဖြစ်သည်။

"ဖြစ်စဉ်များစွာသည် မိမိကိုယ်ကိုယ် အစ္စလာမ်မစ်နိုင်ငံတော် (IS) ဟု ကြေညာထားသော အဖွဲ့၏ ရက်စက်ကြမ်းကြုတ်သည့် ရာဇဝတ်မှု များကို အမှတ်ရစေပါသည်။ သေဆုံးသူအများအပြားမှာ လမ်းသွား လမ်းလာ များဖြစ်ကြပြီး ရည်ရွယ်ချက်ရှိရှိသတ်ဖြတ်မှုများ သို့မဟုတ် ခွဲခြားမှု မရှိသော အကြမ်းဖက်တိုက်ခိုက်မှုများအတွင်း အသတ်ခံခဲ့ရခြင်းဖြစ်ကာ ယင်းက လူမဆန်သော အကြမ်းဖက်မှုများကို ဖော်ပြနေသည်" ဟု အီရန် အာဇာနည်များနှင့် စစ်မှုထမ်းဟောင်းများ ဖောင်ဒေးရှင်းက ပြောကြား ခဲ့သည်။

ကျန်ရှိသူများမှာ "လူအုပ်အတွင်းရှိ စနစ်တကျဖွဲ့စည်းထားသော အကြမ်းဖက်သမားများ၏ သေနတ်ဖြင့်ပစ်ခတ်မှုကြောင့် သေဆုံးခဲ့ရသည့် ဆန္ဒပြသူများ" ဖြစ်ကြောင်း သိရှိရသည်။

အီရန်ရှေ့နေချုပ် Mohammad Movahedi က ၎င်းနေ့တွင်ပင် "ပုန်ကန်မှု ပြီးဆုံးသွားပြီ" ဟု ကြေညာခဲ့ပြီး ဆန္ဒပြပွဲများ၏ နောက်ကွယ်တွင် ရှိနေသူများကို ပြင်းထန်စွာအပြစ်ပေးမည်ဟု ကတိပြုခဲ့သည်။

အီရန်နိုင်ငံပြင်ပရှိ လူ့အခွင့်အရေးအဖွဲ့အစည်းများစွာကမူ သေဆုံးသူ ၁၅,၀၀၀ ကျော်ရှိပြီး အများစုမှာ ဆန္ဒပြသူများဖြစ်သည်ဟု ခန့်မှန်းထားကြသည်။ သမ္မတ Masoud Pezeshkian နှင့် နိုင်ငံခြားရေးဝန်ကြီး Abbas Araghchi အပါအဝင် အီရန်တာဝန်ရှိသူ အများအပြားကမူ ထိုအစီရင်ခံစာကို ငြင်းဆိုထားကြသည်။

ကိုးကား- VN Express

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category

နိုင်ငံရေးကဏ္ဍသတင်းများ

နိုင်ငံရေး-နိုင်ငံတကာသတင်း

နိုင်ငံတော်သမ္မတအဖြစ် ဗိုလ်ချုပ်မှူးကြီး မင်းအောင်လှိုင် ဒုတိယသမ္မတများအဖြစ် ဦးညိုစောနှင့် ဒေါ်နန်းနီနီအေးတို့အား ရွေးချယ်တင်မြှောက်

နေပြည်တော် ဧပြီ ၃တတိယအကြိမ် ပြည်ထောင်စုလွှတ်တော် နိုင်ငံတော်သမ္မတ ရွေးချယ်တင်မြှောက်ပွဲကို ယနေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော် အစည်းအဝေးခန်းမ၌ ကျင်းပသည်။အစည်းအဝေးတွင် ပြည်ထောင်စုလွှတ်တော် နာယက ဦးအောင်လင်းဒွေးက ပြည်ထောင်စုလွှတ်တော်ကိုယ်စားလှယ်အားလုံးပါဝင်သော နိုင်ငံတော်သမ္မတရွေးချယ်တင်မြှောက်ပွဲ အစည်းအဝေးသို့ တက်ရောက်ခွင့်ရှိသည့် လွှတ်တော်ကိုယ်စားလှယ် စုစုပေါင်း (၅၈၆) ဦးရှိသည့်အနက် ယနေ့အစည်းအဝေးသို့ (၅၈၄)ဦး တက်ရောက်ကြသဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်း ကြေညာသည်။ထို့နောက် ပြည်ထောင်စုလွှတ်တော် နာယကက နိုင်ငံတော်သမ္မတ ရွေးချယ်တင်မြှောက်ပွဲ အစီအစဉ်များကို လွှတ်တော်သို့ အသိပေးကြေညာသည်။ယင်းနောက် ပြည်ထောင်စုလွှတ်တော် နာယကက အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူပြီး အတည်ပြုမှတ်တမ်းတင်သည်။ဆက်လက်၍ ပြည်ထောင်စုလွှတ်တော်နာယကက နိုင်ငံတော်ဖွဲ့စည်းပုံအခြေခံဥပဒေအရ ပြည်ထောင်စုလွှတ်တော် ကိုယ်စားလှယ်များအားလုံးပါဝင်သည့် နိုင်ငံတော်သမ္မတ ရွေးချယ်တင်မြှောက်ရေးအဖွဲ့က နိုင်ငံတော်သမ္မတလောင်းများဖြစ်ကြသည့် ဒုတိယသမ္မတ ၃ ဦးအနက်မှ ဒုတိယသမ္မတ ၁ ဦးကို နိုင်ငံတော်သမ္မတအဖြစ် ဆန္ဒမဲလက်မှတ်ပုံစံ(၁၀)ဖြင့် လျှို့ဝှက်ဆန္ဒမဲပေး၍ ရွေးချယ်တင်မြှောက်ကြရမည်ဖြစ်ကြောင်း၊ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေအရ နိုင်ငံတော်သမ္မတ ရွေးချယ်တင်မြှောက်ရန် ဆန္ဒမဲပေးခြင်းကို မိမိအပါအဝင် နိုင်ငံတော်သမ္မတရွေးချယ်ရေးတင်မြှောက်အဖွဲ့ဝင်များဖြစ်သည့် ပြည်ထောင်စုလွှတ်တော်ကိုယ်စားလှယ်များရှေ့မှောက်တွင် ပြုလုပ်မည်ဖြစ်ကြောင်းနှင့် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာဥပဒေ၊ နည်းဥပဒေပါ ဆန္ဒမဲပေးပုံပေးနည်းနှင့် ပယ်မဲအဖြစ်ဆုံးဖြတ်သတ်မှတ်မည့် ဆန္ဒမဲလက်မှတ်တို့ကို လွှတ်တော်သို့ ရှင်းလင်းပြောကြားသည်။ထို့နောက် ပြည်ထောင်စုလွှတ်တော်ရုံးမှ ဒုတိယညွှန်ကြားရေးမှူးချုပ်နှင့် တာဝန်ရှိသူများက နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေများနှင့်အညီ ပြည်ထောင်စုလွှတ်တော်ကိုယ်စားလှယ်အားလုံးပါဝင်သော နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များ၏ ရှေ့မှောက်၌ နိုင်ငံတော်သမ္မတ ရွေးချယ်တင်မြှောက်နိုင်ရန် ဆန္ဒမဲပေးပွဲတွင်အသုံးပြုမည့် ဆန္ဒမဲလက်မှတ်များကို ရေတွက်သည်။ဆက်လက်၍ ပြည်ထောင်စုလွှတ်တော်နာယက၊ ပြည်သူ့လွှတ်တော်ဥက္ကဋ္ဌ၊ ပြည်ထောင်စုလွှတ်တော် ဒုတိယနာယက၊ ပြည်သူ့လွှတ်တော်ဒုတိယဥက္ကဋ္ဌနှင့် နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များသည် ပြည်ထောင်စုလွှတ်တော်ရုံး ဝန်ထမ်းများထံမှ ဆန္ဒမဲလက်မှတ်များကို တစ်ဦးချင်းလက်မှတ်ရေးထိုးထုတ်ယူကြပြီး သတ်မှတ်ထားသည့်နေရာတွင် လျှို့ဝှက်ဆန္ဒပြုကာ ဆန္ဒမဲပုံးများအတွင်းသို့ ဆန္ဒမဲလက်မှတ်များ ထည့်ကြသည်။ဆက်လက်၍ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေ ၄၃၊ နည်းဥပဒေခွဲ (ဋ)အရ ကိုယ်စားလှယ်များကို ထုတ်ပေးထားသည့် ဆန္ဒမဲလက်မှတ်အရေအတွက်နှင့် ဆန္ဒမဲပုံးအတွင်းမှ ထုတ်ယူရရှိသည့် ဆန္ဒမဲလက်မှတ် အရေအတွက်တို့ ကိုက်ညီခြင်း ရှိ/မရှိကို နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များရှေ့မှောက်၌ ပြည်ထောင်စုလွှတ်တော်ရုံးမှ တာဝန်ရှိသူများက ရေတွက်စစ်ဆေးကြသည်။ထို့နောက် ပြည်ထောင်စုလွှတ်တော်နာယကက ပြည်ထောင်စုလွှတ်တော်ကိုယ်စားလှယ် အားလုံးပါဝင်သော နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များကို ထုတ်ပေးထားသည့် ဆန္ဒမဲလက်မှတ်အရေအတွက် ၅၈၄ ဖြစ်ပြီး ယခုဆန္ဒမဲပုံးအတွင်းမှ ထုတ်ယူရရှိသည့် ဆန္ဒမဲလက်မှတ်အရေအတွက်မှာ ၅၈၄ ဖြစ်သည့်အတွက် ကိုက်ညီမှုရှိသည်ကိုတွေ့ရကြောင်း၊ ထို့ကြောင့် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေ ၄၃၊ နည်းဥပဒေခွဲ (ဋ)၊ နည်းဥပဒေခွဲငယ် (င) အရ ဆန္ဒမဲပေးပွဲ အထမြောက်ကြောင်း ကြေညာသည်။ယင်းနောက် နိုင်ငံတော်သမ္မတ ရွေးချယ်တင်မြှောက်ရန် လျှို့ဝှက်ဆန္ဒပြုထားသည့် ဆန္ဒမဲလက်မှတ်များကို သမ္မတရွေးချယ်တင်မြှောက်ရေးအဖွဲ့ဝင်များရှေ့မှောက်၌ ဖွင့်လှစ်ပြီး သက်ဆိုင်ရာနည်းဥပဒေများနှင့်အညီ စိစစ်ရေတွက်ပြီး နိုင်ငံတော်သမ္မတလောင်း တစ်ဦးချင်းစီရရှိသော ထောက်ခံဆန္ဒမဲ အများ၊ အနည်းအလိုက် အမည်စာရင်းပုံစံ(၁၅)တွင် နိုင်ငံတော်သမ္မတ စိစစ်ရေးအဖွဲ့ဝင်များက လက်မှတ်ရေးထိုး မှတ်တမ်းတင်ကြသည်။ဆက်လက်၍ ပြည်ထောင်စုလွှတ်တော်နာယကက သမ္မတလောင်းတစ်ဦးချင်းရရှိသည့် ထောက်ခံဆန္ဒမဲ အများ၊ အနည်းအလိုက် အမည်စာရင်းကိုကြေညာရာ ရွေးကောက်ခံ ပြည်သူ့လွှတ်တော်ကိုယ်စားလှယ်အစုအဖွဲ့မှ နိုင်ငံတော်သမ္မတလောင်း ဗိုလ်ချုပ်မှူးကြီး မင်းအောင်လှိုင်က ထောက်ခံဆန္ဒမဲ ၄၂၉ မဲ၊ တပ်မတော်သား လွှတ်တော်ကိုယ်စားလှယ်များအစုအဖွဲ့မှ နိုင်ငံတော်သမ္မတလောင်း ဦးညိုစောက ထောက်ခံဆန္ဒမဲ ၁၂၆ မဲ၊ ရွေးကောက်ခံအမျိုးသား လွှတ်တော်ကိုယ်စားလှယ်များအစုအဖွဲ့မှ နိုင်ငံတော်သမ္မတလောင်း ဒေါ်နန်းနီနီအေးက ထောက်ခံမဲ ၂၉ မဲ အသီးသီးရရှိကြသည်။ထို့ကြောင့် ပြည်ထောင်စုလွှတ်တော်နာယကက ထောက်ခံဆန္ဒမဲအများဆုံးရရှိသည့် ရွေးကောက်ခံ ပြည်သူ့လွှတ်တော်ကိုယ်စားလှယ်အစုအဖွဲ့မှ ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးချယ်တင်မြှောက်ကြောင်း ကြေညာသည်။ဆက်လက်၍ ဦးညိုစောနှင့် ဒေါ်နန်းနီနီအေးတို့အား ဒုတိယသမ္မတများအဖြစ် ကြေညာသည်။ထို့နောက် ပြည်ထောင်စုလွှတ်တော်နာယကက သမ္မတရွေးချယ်တင်မြှောက်ရေးအဖွဲ့ အစည်းအဝေးပြီးဆုံးကြောင်းနှင့် ပြည်ထောင်စုလွှတ်တော် ဒုတိယနေ့အစည်းအဝေးကို ၂၀၂၆ ခုနှစ် ဧပြီ ၆ ရက်(တနင်္လာနေ့) နံနက် ၁၀ နာရီတွင် ကျင်းပမည်ဖြစ်ကြောင်း ကြေညာပြီး အစည်းအဝေးကို ရုပ်သိမ်းလိုက်ကြောင်း သတင်းရရှိသည်။moi

Fri, 3-Apr-2026

အရှေ့အလယ်ပိုင်းဒေသ ပဋိပက္ခများ အမြန်ဆုံးအဆုံးသတ်ရန်နှင့် အခြေအနေများ ပုံမှန်ပြန်ဖြစ်လာစေရေး အစွမ်းကုန် ကူညီရန်အသင့်ရှိဟု ပူတင်ပြော

ရုရှားနိုင်ငံအနေဖြင့် အရှေ့အလယ်ပိုင်းဒေသ ပဋိပက္ခများ အမြန်ဆုံးအဆုံးသတ်သွားရန် မျှော်လင့်လျက်ရှိနေပြီး အခြေအနေများကို ပုံမှန်ပြန်ဖြစ်လာစေရေးအတွက် အစွမ်းကုန်ကူညီ ဆောင်ရွက်ရန် အသင့်ရှိကြောင်း ရုရှားသမ္မတ ဗလာဒီမာပူတင်က ပြောကြားလိုက်ကြောင်း သိရသည်။ ရုရှားနိုင်ငံအနေဖြင့် အရှေ့အလယ်ပိုင်းဒေသတွင် ဖြစ်ပွားနေသည့် အခြေအနေအားလုံးကို အမြန်ဆုံးပြီးဆုံးသွားစေရန် မျှော်လင့်လျက်ရှိကြောင်း သမ္မတပူတင်က အီဂျစ်နိုင်ငံခြားရေးဝန်ကြီး ဘေဒါ အဗ္ဗဒယ်တီနှင့် မော်စကိုမြို့ရှိ ကရင်မလင်နန်းတော်တွင် တွေ့ဆုံစဉ် ပြောကြားခဲ့ခြင်းဖြစ်သည်။ထို့ပြင် အရှေ့အလယ်ပိုင်း အခြေအနေများနှင့်စပ်လျဉ်း၍ အမေရိကန်သမ္မတ ဒေါ်နယ်ထရမ့်က မိမိအားပြောကြားခဲ့ကြောင်း၊ ရုရှားနိုင်ငံဘက်မှလည်း အခြေအနေအားလုံးကို ပုံမှန်ပြန်ဖြစ်လာစေရေးအတွက် အစွမ်းကုန်လုပ်ဆောင်ရန် အသင့်ရှိကြောင်း ပူတင်က ဆက်လက်ပြောကြားသည်။အရှေ့အလယ်ပိုင်းဒေသတွင်း အခြေအနေများသည် တစ်ကမ္ဘာလုံးက စိုးရိမ်ရသည့်ကိစ္စရပ်ဖြစ်ကြောင်း ပူတင်ကဆက်လက်ပြောကြားခဲ့ပြီးရုရှားနိုင်ငံအတွက် အရှေ့အလယ်ပိုင်းရှိ အဓိက နိုင်ငံကြီးတစ်နိုင်ငံဖြစ်သည့် အီဂျစ်နိုင်ငံ၏ သုံးသပ်ချက်များကို နားထောင်ရန် အလွန်အရေးကြီးကြောင်း ၎င်းက ထပ်လောင်းပြောကြားသည်။MWD

Fri, 3-Apr-2026

တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့ကျင်းပ

နေပြည်တော် ဧပြီ ၂တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့ကို ယနေ့ နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော် အစည်းအဝေးခန်းမ၌ ကျင်းပသည်၊၊လွှတ်တော်၏ အတည်ပြုချက်ရယူဦးစွာ ပြည်ထောင်စုလွှတ်တော်နာယက ဦးအောင်လင်းဒွေးက တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့သို့ တက်ရောက်ခွင့်ရှိသည့် ပြည်ထောင်စုလွှတ်တော် ကိုယ်စားလှယ်ဦးရေ စုစုပေါင်း ၅၈၆ ဦးရှိသည့်အနက် ယနေ့အစည်းအဝေးသို့ ၅၈၄ ဦး တက်ရောက်သဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်းကြေညာပြီး အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။ထို့နောက် ကချင်ပြည်နယ် (မဲအများဆုံးရသူ အနိုင်ယူစနစ်) မဲဆန္ဒနယ် အမှတ် (၂) မှ Jeng Phang နော်တောင်က ဥပဒေကြမ်းပူးပေါင်းကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်၊၊ဥပဒေကြမ်းကော်မတီအဖွဲ့ဝင်များ၏ အမည်စာရင်းကို ဖတ်ကြားယင်းနောက် ပြည်ထောင်စုလွှတ်တော်နာယကက ဥပဒေကြမ်းပူးပေါင်းကော်မတီကို ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ကော်မတီအဖွဲ့ဝင် ၁၅ ဦးဖြင့် ဖွဲ့စည်းနိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် ဥပဒေကြမ်းကော်မတီအဖွဲ့ဝင်များ၏ အမည်စာရင်းကို ဖတ်ကြားသည်။ဆက်လက်၍ ပြည်ထောင်စုလွှတ်တော်နာယကက ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ဥပဒေကြမ်းပူးပေါင်းကော်မတီဥက္ကဋ္ဌအဖြစ် ပြည်ထောင်စုလွှတ်တော် ဒုတိယနာယက Jeng Phang နော်တောင်၊ ဒုတိယဥက္ကဋ္ဌ (၁) အဖြစ် ဧရာဝတီတိုင်းဒေသကြီး (မဲအများဆုံးရသူ အနိုင်ယူစနစ်) မဲဆန္ဒနယ်အမှတ် (၂) မှ ဒေါ်နွယ်နွယ်ဦး၊ ဒုတိယဥက္ကဋ္ဌ (၂) အဖြစ် ဒဂုံမဲဆန္ဒနယ်မှ ဒေါက်တာ နန္ဒကျော်စွာ၊ အတွင်းရေးမှူးအဖြစ် ပဲခူးတိုင်းဒေသကြီး (အချိုးကျ ကိုယ်စားပြုစနစ်) မဲဆန္ဒနယ်အမှတ် (၁) မှ ဦးဇင်မင်းထက်နှင့် တွဲဖက်အတွင်းရေးမှူးအဖြစ် အမရပူရမဲဆန္ဒနယ်မှ ဦးသိန်းထွန်းဦးနှင့် ကျန်ရှိသည့် လွှတ်တော်ကိုယ်စားလှယ် ၁၀ ဦးကို အဖွဲ့ဝင်များအဖြစ် တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက် ရယူဆောင်ရွက်သွားမည်ဖြစ်ကြောင်း ကြေညာသည်။လွှတ်တော်သို့ ရှင်းလင်းတင်ပြထို့နောက် ဧရာဝတီတိုင်းဒေသကြီး (အချိုးကျ ကိုယ်စားပြုစနစ်) မဲဆန္ဒနယ် အမှတ် (၂) မှ ဦးချစ်ဆွေက ပြည်သူ့ငွေစာရင်းပူးပေါင်းကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်။ယင်းနောက် ပြည်ထောင်စုလွှတ်တော်နာယကက ပြည်သူ့ငွေစာရင်း ပူးပေါင်းကော်မတီကို ပြည်ထောင်စုလွှတ်တော်ဆိုင်ရာနည်းဥပဒေနှင့်အညီ ကော်မတီဝင်ဦးရေ ၁၅ ဦးဖြင့် ဖွဲ့စည်းနိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် အဖွဲ့ဝင်များ၏ အမည်စာရင်းကို ဖတ်ကြားသည်။သဘောတူညီချက် ရယူဆောင်ရွက်သွားမည်ဆက်လက်၍ ပြည်ထောင်စုလွှတ်တော်နာယကက ပြည်သူ့ငွေစာရင်း ပူးပေါင်းကော်မတီတွင် ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ကော်မတီဥက္ကဋ္ဌအဖြစ် ပြည်ထောင်စုလွှတ်တော် ဒုတိယနာယက Jeng Phang နော်တောင်၊ ဒုတိယဥက္ကဋ္ဌ (၁) အဖြစ် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ်အမှတ် (၂) မှ ဦးချစ်ဆွေ၊ ဒုတိယဥက္ကဋ္ဌ (၂) အဖြစ် အောင်မြေသာစံမဲဆန္ဒနယ်မှ ဦးတေဇကျော်၊ အတွင်းရေးမှူးအဖြစ် တနင်္သာရီတိုင်းဒေသကြီး (မဲအများဆုံးရသူ အနိုင်ယူစနစ်) မဲဆန္ဒနယ်အမှတ် (၂) မှ ဦးသန်းအောင်၊ တွဲဖက်အတွင်းရေးမှူးအဖြစ် အောင်လံမဲဆန္ဒနယ်မှ ဦးတင်အောင်ချစ်နှင့် ကျန်ရှိသည့် လွှတ်တော်ကိုယ်စားလှယ် ၁၀ ဦးကို အဖွဲ့ဝင်များအဖြစ် တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက် ရယူဆောင်ရွက်သွားမည်ဖြစ်ကြောင်း ကြေညာသည်။ထို့နောက် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ်အမှတ် (၁) မှ ဦးအောင်တင်မြင့်က လွှတ်တော်ကိုယ်စားလှယ်စိစစ်ရေး ကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်။ယင်းနောက် ပြည်ထောင်စုလွှတ်တော်နာယကက လွှတ်တော်ကိုယ်စားလှယ် စိစစ်အတည်ပြုရေး လုပ်ငန်းတာဝန်ကို ဆက်လက်ဆောင်ရွက်နိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် ကိုယ်စားလှယ် ၁၅ ဦး၏ အမည်စာရင်းကို ဖတ်ကြားသည်။ဆက်လက်၍ ပြည်ထောင်စုလွှတ်တော်နာယကက လွှတ်တော်ကိုယ်စားလှယ် စိစစ်ရေးကော်မတီဥက္ကဋ္ဌအဖြစ် ထားဝယ်မဲဆန္ဒနယ်မှ ဒေါက်တာ ကျော်ကျော်ဌေး၊ အတွင်းရေးမှူးအဖြစ် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ် အမှတ် (၁) မှ ဦးအောင်တင်မြင့်တို့ကို တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက်ရယူဆောင်ရွက်သွားမည်ဖြစ်ကြောင်း ကြေညာသည်။စိစစ်ရေးအဖွဲ့၏ ထောက်ခံတင်ပြမှုကို ဖတ်ကြားတင်ပြထို့နောက် ပြည်ထောင်စုလွှတ်တော်နာယကက သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့သုံးဖွဲ့က နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေ၊ နည်းဥပဒေများနှင့်အညီ ရွေးချယ်တင်ပြထားသည့် ဒုတိယသမ္မတသုံးဦးသည် နိုင်ငံတော်သမ္မတအတွက် သတ်မှတ်ထားသည့် အရည်အချင်းများနှင့် ပြည့်စုံကြောင်း စိစစ်ရေးအဖွဲ့၏ ထောက်ခံတင်ပြမှုကို ဖတ်ကြားတင်ပြသည်။အဆိုပါစိစစ်ရေးအဖွဲ့က ထောက်ခံတင်ပြထားသည့် ဒုတိယသမ္မတများမှာ ဗိုလ်ချုပ်မှူးကြီး မင်းအောင်လှိုင်၊ ကရင်ပြည်နယ်လွှတ်တော် (အချိုးကျကိုယ်စားပြုစနစ်) မဲဆန္ဒနယ်အမှတ် (၁) မှ ဒေါ်နန်း နီနီအေးနှင့် ကိုကိုးကျွန်းမဲဆန္ဒနယ်မှ ဦးညိုစောတို့ဖြစ်သည်။ယင်းနောက် ပြည်ထောင်စုလွှတ်တော်နာယကက ပြည်ထောင်စုလွှတ်တော်ကိုယ်စားလှယ်များ အားလုံးပါဝင်သည့် နိုင်ငံတော်သမ္မတ ရွေးချယ်တင်မြှောက်ရေးအဖွဲ့အနေဖြင့် ဖွဲ့စည်းပုံအခြေခံဥပဒေ၊ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာဥပဒေများနှင့်အညီ သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့အသီးသီးက ရွေးချယ်တင်ပြထားသည့် ဒုတိယသမ္မတ သုံးဦးအနက် မိမိတို့ကြိုက်နှစ်သက်သည့် ဒုတိယသမ္မတတစ်ဦးကို နိုင်ငံတော်သမ္မတအဖြစ် ဆန္ဒမဲပေးရွေးချယ်တင်မြှောက်ပွဲကို ဧပြီ ၃ ရက်တွင် ကျင်းပသွားမည်ဖြစ်ကြောင်း ကြေညာသည်။ဆက်လက်၍ ပြည်ထောင်စုလွှတ်တော်နာယကက ဧပြီ ၃ ရက်တွင်ကျင်းပမည့် နိုင်ငံတော်သမ္မတ ရွေးချယ်တင်မြှောက်ပွဲတွင် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေ၊ နည်းဥပဒေများအရ ဆန္ဒမဲလက်မှတ်ဆန္ဒပြုပုံနှင့် ပယ်မဲအဖြစ် ဆုံးဖြတ်သတ်မှတ်မည့် ဆန္ဒမဲလက်မှတ်ပုံစံများကို ရှင်းလင်းပြောကြားသည်။ထို့နောက် တတိယအကြိမ် ပြည်ထောင်စုလွှတ်တော်ပထမပုံမှန်အစည်းအဝေး ဒုတိယနေ့ကို ရပ်နားလိုက်ပြီး တတိယအကြိမ် ပြည်ထောင်စုလွှတ်တော်နိုင်ငံတော်သမ္မတ ရွေးချယ်တင်မြှောက်ပွဲကို ဧပြီ ၃ ရက်တွင် ကျင်းပသွားမည်ဖြစ်ကြောင်း သိရသည်။moi

Fri, 3-Apr-2026

အရှေ့အလယ်ပိုင်းနှင့် ပင်လယ်ကွေ့ဒေသတွင် ငြိမ်းချမ်းရေး ပြန်လည်ဆောင်ကြဉ်းနိုင်ရန်အတွက် တရုတ်နှင့် ပါကစ္စတန်တို့က အချက် ၅ ချက်ပါ အဆိုပြုချက် ထုတ်ပြန်

အရှေ့အလယ်ပိုင်းနှင့် ပင်လယ်ကွေ့ဒေသတွင် ငြိမ်းချမ်းရေးကိုပြန်လည် ဆောင်ကြဉ်းနိုင်ရန်အတွက် တရုတ်နိုင်ငံခြားရေး ဝန်ကြီးဝမ်ယိနှင့် ပါကစ္စတန်ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မိုဟာမက်အီရှက်ဒါးတို့က အချက် ၅ ချက်ပါ အဆိုပြုချက်တစ်စောင်ကို ထုတ်ပြန်လိုက်သည်။နှစ်နိုင်ငံနိုင်ငံခြားရေးဝန်ကြီးများသည် အရှေ့အလယ်ပိုင်းဒေသနှင့် ပင်လယ်ကွေ့ဒေသရှိ အခြေအနေများကို ပြန်လည်သုံးသပ်ရန် မတ်လ ၃၁ ရက်တွင် ပေကျင်းမြို့၌ တွေ့ဆုံခဲ့ပြီးနောက် အဆိုပါ အဆိုပြုချက်ကို ထုတ်ပြန်ခြင်းဖြစ်သည်။အဆိုပြုချက်တွင် ပါဝင်သည့်အချက်များမှာ (၁)တိုက်ခိုက်မှုများကို ချက်ချင်းရပ်တန့်ရန်(၂) ငြိမ်းချမ်းရေး ဆွေးနွေးပွဲများကို အမြန်ဆုံးစတင်ရန် (၃)အရပ်သားများနှင့် စစ်ဘက်ဆိုင်ရာ မဟုတ်သော ပစ်မှတ်များအပေါ် တိုက်ခိုက်နေမှုများကို ချက်ချင်းရပ်တန့်ရန် (၄) သင်္ဘောလမ်းကြောင်းများ၏ လုံခြုံရေးကို အကာအကွယ်ပေးရန်နှင့် ရေလက်ကြားမှ တစ်ဆင့် ပုံမှန်ဖြတ်သန်း သွားလာမှုကို အမြန်ဆုံးပြန်လည်ဖော်ဆောင်ရန်နှင့် (၅) ကုလသမဂ္ဂ ပဋိညာဉ်စာတမ်း၏ အခန်းကဏ္ဍကို ပူးပေါင်းမြှင့်တင်ရန်နှင့် ကုလသမဂ္ဂ ပဋိညာဉ်စာတမ်းပါ ရည်ရွယ်ချက်များ၊ အခြေခံမူများနှင့် နိုင်ငံတကာဥပဒေများအပေါ် အခြေခံ၍ ဘက်စုံငြိမ်းချမ်းရေး မူဘောင်တစ်ခု ထူထောင်ရန်နှင့် ရေရှည်တည်တံ့သော ငြိမ်းချမ်းရေးကို ဖော်ဆောင်ရန်တို့ ပါဝင်ကြောင်း သိရသည်။ MWD

Thu, 2-Apr-2026

ထရမ့်က အီရန်အရေးနှင့်ပတ်သက်သည့် အရေးကြီးသော နောက်ဆုံးအခြေအနေကို ဧပြီ ၁ ရက်နေ့ည နိုင်ငံတော်သို့ မိန့်ခွန်းပြောကြားရာတွင် ထည့်သွင်းပြောကြားမည်

အမေရိကန်သမ္မတ ဒေါ်နယ်ထရမ့်သည် အီရန်နိုင်ငံနှင့်ပတ်သက်၍ ဗုဒ္ဓဟူးနေ့ (ဧပြီ ၁) ညတွင် နိုင်ငံတော်သို့ မိန့်ခွန်းပြောကြားမည်ဖြစ်ကြောင်း အိမ်ဖြူတော် ပြောရေးဆိုခွင့်ရှိသူက ပြောကြားခဲ့သည်။အိမ်ဖြူတော် ပြောရေးဆိုခွင့်ရှိသူ Karoline Leavitt က “ဧပြီ ၁ ရက်နေ့ ည အရှေ့ဘက်စံတော်ချိန် (ET) ၉ နာရီမှာ သမ္မတထရမ့်ဟာ အီရန် အရေးနှင့်ပတ်သက်ပြီး အရေးကြီးသည့် နောက်ဆုံးအခြေအနေတွေကို တင်ပြဖို့ နိုင်ငံတော်ကို မိန့်ခွန်းပြောကြားသွားမှာ ဖြစ်ပါတယ်” ဟု ၎င်း၏ X လူမှုကွန်ရက်စာမျက်နှာတွင် ရေးသားဖော်ပြခဲ့သည်။မတ်လ ၃၁ ရက်နေ့အစောပိုင်းက သမ္မတရုံးခန်းတွင် ပြုလုပ်ခဲ့သည့်တွေ့ဆုံမှု၌ သမ္မတထရမ့်က အဆိုပါစစ်ပွဲသည် “ဖြစ်နိုင်လျှင် နှစ်ပတ်အတွင်း” အဆုံးသတ်သွားလိမ့်မည်ဟု ခန့်မှန်းကြောင်းပြောဆိုခဲ့ပြီး အခြေအနေများကို ပြေလည်စေမည့် သဘောတူညီချက်တစ်ခု ရရှိနိုင်ခြေရှိသည်ကို အလေးပေး ပြောကြားသွားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

Wed, 1-Apr-2026

အမေရိကန်-အီရန် စစ်ပွဲသည် ၂ ပတ် သို့မဟုတ် ၃ ပတ်အတွင်း ပြီးဆုံးနိုင်ကြောင်း သမ္မတ ထရမ့် ပြောကြား

အမေရိကန်အနေဖြင့် အီရန်နှင့်ဖြစ်ပွားနေသောစစ်ပွဲကို နောက်လာမည့် နှစ်ပတ်မှ သုံးပတ်အတွင်း အဆုံးသတ်နိုင်ဖွယ်ရှိကြောင်း သမ္မတ ဒေါ်နယ်ထရမ့်က မတ်လ ၃၁ ရက်နေ့တွင် ပြောကြားလိုက်သည်။Oval Office မှနေ၍ ထရမ့်က "ကျွန်တော်တို့ အစိုးရအဖွဲ့ အပြောင်းအလဲ (Regime change) လုပ်နိုင်ခဲ့ပြီ၊ တကယ်တော့ အစိုးရအဖွဲ့ အပြောင်း အလဲဆိုတာ ကျွန်တော့်ရဲ့ ရည်မှန်းချက်ထဲမှာ မပါပါဘူး ၊ ကျွန်တော့်မှာ ရည်မှန်းချက်တစ်ခုပဲ ရှိတာပါ၊ အဲ့ဒါက သူတို့ (အီရန်) မှာ နျူကလီးယား လက်နက် လုံးဝမရှိစေရဘူးဆိုတာပါပဲ ၊ အခု အဲ့ဒီပန်းတိုင်ကို ရောက်သွားပြီ၊ သူတို့မှာ နျူကလီးယားလက်နက် ရှိတော့မှာမဟုတ်ဘူး ၊ ဒါပေမဲ့ ကျွန်တော်တို့ ဒီအလုပ်ကို အပြီးသတ်ဖို့လုပ်နေပါတယ် ၊ နောက် ၂ ပတ်၊ ဒါမှမဟုတ် အဲ့ဒီထက် နည်းနည်းပိုတဲ့ ရက်ပိုင်းအတွင်းမှာ အပြီးသတ်နိုင်မယ် လို့ ထင်ပါတယ် ၊ သူတို့ဆီမှာရှိတဲ့ အရာအားလုံးကို ကျွန်တော်တို့ အပြတ် ရှင်းပစ်ချင်တာပါ" ဟု ပြောကြားခဲ့သည်။အကယ်၍ သဘောတူညီချက်တစ်ခုရရှိခဲ့ပါက စစ်ပွဲမှာ ယခုထက် ပိုမို မြန်ဆန်စွာ ပြီးဆုံးသွားနိုင်ကြောင်းလည်း သမ္မတက ထည့်သွင်း ပြောကြား ခဲ့သည်။ "သူတို့ဘက်က သဘောတူညီချက်တစ်ခု လုပ်ချင်နေတဲ့အတွက် ကျွန်တော်တို့ သဘောတူညီမှု ရနိုင်ခြေရှိပါတယ်၊ သူတို့က ကျွန်တော့် ထက်တောင် ပိုပြီး သဘောတူညီမှုရချင်နေကြတာ၊ ဘာပဲဖြစ်ဖြစ် အချိန်တိုအတွင်းမှာပဲ ကျွန်တော်တို့ အပြီးသတ်နိုင်မှာပါ" ဟု ထရမ့်က ဆိုသည်။ဆွေးနွေးပွဲများနှင့် ပတ်သက်၍လည်း အကောင်းမြင်သည့် သဘောဖြင့် "အခု ကျွန်တော်တို့နဲ့ ဆွေးနွေးနေတဲ့အုပ်စုက အရင်လူတွေနဲ့မတူဘဲ အများကြီးကွဲပြားပါတယ်၊ သူတို့က ပိုပြီးတော့ အကျိုးအကြောင်း သိနားလည်ကြတယ်" ဟု ပြောကြားခဲ့သည်။ထို့အပြင် ဟော်မုဇ်ရေလက်ကြား ပြန်လည်ဖွင့်လှစ်ရေးမှာ အခြားနိုင်ငံများ၏ ပြဿနာသာဖြစ်ကြောင်း ထရမ့်က ထပ်လောင်းပြောကြားခဲ့ပြီး ထိုအရေးကြီးသည့် ရေလမ်းကြောင်းလုံခြုံရေးအတွက် သက်ဆိုင်ရာ နိုင်ငံများကသာ တာဝန်ယူရမည်ဟု ဆိုသည်။ "ပြင်သစ် ဒါမှမဟုတ် တခြားနိုင်ငံတစ်ခုခုက ရေနံနဲ့ဂတ် လိုချင်တယ်ဆိုရင် ဟော်မုဇ် ရေလက်ကြားထဲကို သူတို့ဘာသာ သွားကြရမယ်၊ သူတို့ဘာသာပဲ ခုခံကာကွယ်ကြရမယ် ၊ အဲ့ဒီ ရေလက်ကြားထဲမှာဘာပဲဖြစ်ဖြစ် ကျွန်တော်တို့နဲ့ ဘာမှ မဆိုင်တော့ပါဘူး" ဟု ၎င်းက ဖြည့်စွက်ပြောကြားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

Wed, 1-Apr-2026

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link