တရုတ်ရဲ့ဖျက်သင်္ဘောက အီလက်ထရွန်နစ်နည်းပညာသုံးပြီး ပြည်ပစစ်လေယာဉ်တွေကို သတိပေးမောင်းထုတ်

NoahJune222

News Image

  • တရုတ်ရဲ့ဖျက်သင်္ဘောက အီလက်ထရွန်နစ်နည်းပညာသုံးပြီး ပြည်ပစစ်လေယာဉ်တွေကို သတိပေးမောင်းထုတ်

တရုတ်ရေတပ်ရဲ့ အဆင့်အမြင့်ဆုံး Type 055 ဒုံးကျည်တင် ဖျက်သင်္ဘောယာနန်က ထိုင်ဝမ်ကျွန်းအနီးမှာလှုပ်ရှားနေတဲ့ ပြည်ပစစ်လေယာဉ်တွေကို   အီလက်ထရွန်နစ်စစ်ဆင်ရေး နည်းလမ်းတွေသုံးပြီး သတိပေးမောင်းထုတ်ခဲ့တယ်လို့ တရုတ်နိုင်ငံပိုင်

သတင်းဌာနတစ်ခုက ထုတ်လွှင့်ပြသလိုက်ပါတယ်။

ဒါဟာ တရုတ်ရေတပ်အနေနဲ့ သူတို့ရဲ့ အီလက်ထရွန်နစ် စစ်ဆင်ရေးစွမ်းရည်ကို ထိုင်ဝမ်ရေလက်ကြားမှာ အသုံးပြုလိုက်ပုံနဲ့ ပတ်သက်ပြီး   ပထမဆုံးအကြိမ်အဖြစ်အသေးစိတ်ထုတ်ဖော်ပြသလိုက်တာလည်း ဖြစ်ပါတယ်။

ပြည်ပလေယာဉ်တွေ ချဉ်းကပ်လာတာကိုသိတာနဲ့တစ်ပြိုင်နက် ယာနန်သင်္ဘောကသူတို့ရဲ့ ရေဒါစနစ်ကို စွမ်းအားမြင့်ပုံစံဆီ ပြောင်းလိုက်ပြီး ပိုဝေးဝေးရှာဖွေနိုင်အောင် လုပ်ပါတယ်။  ပြီးတဲ့အခါ ရှန်တုန်းလေယာဉ်တင်သင်္ဘောမှ လေယာဉ်သုံးစင်းက လာရောက်စစ်ဆေး အတည်ပြုပြီးတဲ့နောက် ယာနန်ဖျက်သင်္ဘောက ရေဒီယိုလှိုင်းတွေကို နှောင့်ယှက်နိုင်တဲ့ အီလက်ထရွန်နစ်လှိုင်းနှုန်း ဖျက်ဒုံးကျည်လေးစင်း ပစ်လွှတ်ပြီး သတိပေးခဲ့တာ ဖြစ်ပါတယ်။           

Ref: IE

ကိုထက်

mwd

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

ရုရှားက ကမ္ဘာ့အင်အားအပြင်းဆုံး ဒုံးကျည်ကို စမ်းသပ်ပစ်ခတ်
ရုရှားက ကမ္ဘာ့အင်အားအပြင်းဆုံး ဒုံးကျည်ကို စမ်းသပ်ပစ်ခတ်
ရုရှားနိုင်ငံသည် ၎င်း၏ နျူကလီးယားအင်အားစုများကို ခေတ်မီစေရန် ကြိုးပမ်းမှုတစ်ရပ်အဖြစ် ကမ္ဘာ့အင်အားအပြင်းဆုံးဟု သတ်မှတ်ထားသည့် Sarmat တိုက်ချင်းပစ် အမြင့်ပျံဒုံးကျည်အသစ်ကို မေလ ၁၂ ရက်တွင် စမ်းသပ်ပစ်ခတ်ကြောင်း ရုရှားသမ္မတ ဗလာဒီမာပူတင်က ပြောသည်။ယူကရိန်းစစ်ပွဲ အဆုံးသတ်ရန် နီးကပ်နေပြီဟု ပူတင်က ပြောကြားပြီးနောက် ရက်ပိုင်းအကြာတွင် ယခုကဲ့သို့ စမ်းသပ်မှုပြုလုပ်ခြင်းဖြစ်သည်။ ဆိုဗီယက်ခေတ်ထုတ် Voyevoda ဒုံးကျည်များနေရာတွင် အစားထိုးရန် ထုတ်လုပ်ထားသည့် နျူကလီးယားထိပ်ဖူးတပ် Sarmat ဒုံးကျည်များသည် ယခုနှစ်ကုန်တွင် စစ်ဆင်ရေးတာဝန်များ စတင်ထမ်းဆောင်မည်ဖြစ်သည်။ထိုဒုံးကျည်သည် အနောက်အုပ်စုရှိ ဒုံးကျည်များထက် လေးဆကျော် ပိုမိုပြင်းထန်ကြောင်း ပူတင်က ပြောသည်။ အကွာအဝေး ကီလိုမီတာ ၃၅,၀၀၀ ကျော်အထိ ပစ်ခတ်နိုင်ပြီး မည်သည့်ဒုံးခွင်းဒုံးစနစ်ကိုမဆို ဖောက်ထွင်းနိုင်စွမ်းရှိသည့် Sarmat ဒုံးကျည်သည် အမေရိကန်၏ ဒုံးခွင်းဒုံးစနစ်များကို အသုံးမဝင်အောင် ပြုလုပ်နိုင်မည်ဟု ရုရှားကဆိုသည်။ထို့ပြင် ရုရှားနိုင်ငံသည် အသံထက် ၂၇ ဆ မြန်သည့် Avangard ဒုံးကျည်နှင့် ဥရောပရှိ မည်သည့်ပစ်မှတ်ကိုမဆို ထိမှန်အောင် ပစ်ခတ်နိုင်သည့် Oreshnik ဒုံးကျည်များကိုလည်း အဆင့်မြှင့်တင် အသုံးပြုလျက်ရှိကြောင်း သိရသည်။Ref: RTMWD
Thu, 14-May-2026
တောင်ကိုရီးယားက ရှေ့တန်းစစ်မျက်နှာများတွင် စက်ရုပ်များ အသုံးပြုရန် လေ့လာနေ
တောင်ကိုရီးယားက ရှေ့တန်းစစ်မျက်နှာများတွင် စက်ရုပ်များ အသုံးပြုရန် လေ့လာနေ
တောင်ကိုရီးယားတပ်မတော်တွင် စစ်သည်အင်အား သိသိသာသာ လျော့နည်းလာသည့် ပြဿနာကို ဖြေရှင်းနိုင်ရန်အတွက် ရှေ့တန်းစစ်မျက်နှာများတွင် စက်ရုပ်များ အသုံးပြုနိုင်ရေးကို လေ့လာဆောင်ရွက်နေကြောင်း သိရသည်။အဆိုပါအတွက် Hyundai Motor နှင့် မဟာဗျူဟာမြောက် ပူးပေါင်းဆောင်ရွက်နိုင်ရေးကို စူးစမ်းလေ့လာလျက်ရှိပြီး တောင်ကိုရီးယားကာကွယ်ရေးဝန်ကြီးဌာနသည် နည်းပညာအခြေပြု တပ်မတော်တစ်ရပ် တည်ဆောက်ရန် ဆွေးနွေးနေကြောင်း Bloomberg News သို့ အတည်ပြုထားသည်။စက်ရုပ်များကို ကင်းထောက်ခြင်း၊ ထောက်လှမ်းခြင်းနှင့် ထောက်ပံ့ပို့ဆောင်ရေးကဲ့သို့သော တိုက်ခိုက်ရေးမဟုတ်သည့် ကဏ္ဍများတွင် အသုံးပြုရန် စဉ်းစားနေခြင်းဖြစ်သည်။အသုံးပြုရန် လျာထားသည့် စနစ်များတွင် ခြေလေးချောင်းထောက်စက်ရုပ်များ၊ ဘီးလေးဘီးတပ် MobED နှင့် ခန္ဓာကိုယ်တွင် ဝတ်ဆင်နိုင်သည့် X-ble Shoulder အရန်ပစ္စည်းများ ပါဝင်သည်။တောင်ကိုရီးယားနိုင်ငံသည် လူဦးရေဆိုင်ရာ အကျပ်အတည်းကြောင့် စစ်သည်အင်အား လျော့နည်းလာမှုနှင့် ရင်ဆိုင်နေရသလို တစ်ဖက်တွင် ဒုံးကျည်ခြိမ်းခြောက်မှုများ မြင့်တက်နေသဖြင့် AI နည်းပညာအခြေပြု စက်ရုပ်စနစ်များတွင် ရင်းနှီးမြှုပ်နှံမှု တိုးမြှင့်လာခြင်းဖြစ်ကြောင်း သိရသည်။Ref: BloombergMWD
Tue, 12-May-2026
နာဆာ၏ ဆိုက်ခီအာကာသယာဉ်က မေ ၁၅ ရက်တွင် အင်္ဂါဂြိုဟ်ကို အနီးကပ်ဖြတ်ကျော်ပျံသန်းမည်
နာဆာ၏ ဆိုက်ခီအာကာသယာဉ်က မေ ၁၅ ရက်တွင် အင်္ဂါဂြိုဟ်ကို အနီးကပ်ဖြတ်ကျော်ပျံသန်းမည်
ဝါရှင်တန် မေ ၁၁ အမေရိကန်အစိုးရ အမျိုးသားလေကြောင်းနှင့် အာကာသစီမံခန့်ခွဲရေးအေဂျင်စီ (နာဆာ)၏ ဆိုက်ခီအာကာသယာဉ်သည် မေ ၁၅ ရက်တွင် အင်္ဂါဂြိုဟ်ကို အနီးကပ်ဖြတ်ကျော်ပျံသန်းမည်ဖြစ်ကြောင်း မေ ၁၀ ရက် သတင်းများတွင် ရေးသားဖော်ပြထားသည်။ဆိုက်ခီ အာကာသယာဉ်သည် ဆိုက်ခီအမည်ရှိ ဂြိုဟ်သိမ်ဆီသို့ ခရီးနှင်ရာတွင် ဒြပ်ဆွဲအားအကူအညီရယူရေးအတွက် အင်္ဂါဂြိုဟ်ကို အနီးကပ်ဖြတ်ကျော်ပျံသန်းရန် စီစဉ်ထားခြင်းဖြစ်သည်။မေ ၁၅ ရက်တွင် ဆိုက်ခီ အာကာသယာဉ်သည် အင်္ဂါဂြိုဟ်ကို ဂြိုဟ်မျက်နှာပြင်နှင့် ၁၂၃၃၃ မိုင်အကွာမှတစ်ဆင့် ဖြတ်ကျော်ပျံသန်းမည်ဖြစ်ကြောင်း နာဆာ သတင်းထုတ်ပြန်ချက်တွင် ဖော်ပြထားသည်။ဆိုက်ခီအာကာသယာဉ်သည် မေ ၁၅ ရက်တွင် အင်္ဂါဂြိုဟ်ကို အနီးကပ်ဖြတ်ကျော်ပျံသန်းရေးအတွက် ဖေဖော်ဝါရီ ၂၃ ရက်တွင် ပျံသန်းရာလမ်းကြောင်း ပြောင်းလဲပြင်ဆင်မှုများကို ပြုလုပ်ထားပြီးဖြစ်ကြောင်း သိရသည်။နာဆာအဖွဲ့သည် ဆိုက်ခီ ဂြိုဟ်သိမ်ကို လေ့လာရေးအတွက် ဆိုက်ခီအာကာသယာဉ်ကို ၂၀၂၃ ခုနှစ် အောက်တိုဘာ ၁၃ ရက်တွင် လွှတ်တင်ခဲ့ခြင်းဖြစ်သည်။ရတနာပုံ
Tue, 12-May-2026
တက္ကဆက်ပြည်နယ်၌ တစ်ပိုင်းလျှပ်ကူးပစ္စည်းစက်ရုံ တည်ဆောက်မည်
တက္ကဆက်ပြည်နယ်၌ တစ်ပိုင်းလျှပ်ကူးပစ္စည်းစက်ရုံ တည်ဆောက်မည်
ဝါရှင်တန်   မေ   ၇SpaceX တည်ထောင်သူ  အီလွန်မက်စ်က မောင်းသူမဲ့နည်းပညာနှင့် လူသားဆန်သောစက်ရုပ်များတွင် အသုံးပြုသည့် တစ်ပိုင်းလျှပ်ကူးပစ္စည်းစက်ရုံကို အမေရိကန်တောင်ပိုင်း တက္ကဆက်ပြည်နယ်၌ တည်ဆောက်ရန်စီစဉ်လျက်ရှိကြောင်း သိရသည်။အဆိုပါစက်ရုံကို တက္ကဆက်ပြည်နယ် ဂရီမီစ်စီရင်စုတွင် တည်ဆောက်မည်ဖြစ်ပြီး ကနဦးရင်းနှီးမြှုပ်နှံမှုအနေဖြင့် အမေရိကန်ဒေါ်လာ ၅၅ ဘီလီယံကို ရင်းနှီးမြှုပ်နှံမည်ဖြစ်သည်။ နောက်ထပ် ရင်းနှီးမြှုပ်နှံသွားမည့် ပမာဏသည် ခန့်မှန်းခြေ အမေရိကန်ဒေါ်လာ ၁၁၉ ဘီလီယံရှိကြောင်း သိရသည်။အီလွန်မက်စ်က ၎င်း၏ ဧရာမတစ်ပိုင်းလျှပ်ကူးပစ္စည်းထုတ်လုပ်ရေးစက်ရုံစီမံကိန်း "Terafab" ကို တည်ဆောက်ရန် စီစဉ်နေကြောင်း မတ်လတွင် ကြေညာခဲ့သည်။စီမံကိန်းအောင်မြင်စေရေးအတွက် SpaceX၊ လျှပ်စစ်ကားကုမ္ပဏီ Tesla နှင့် ဉာဏ်ရည်တုနည်းပညာကုမ္ပဏီ xAI တို့က ပူးပေါင်းအကောင်အထည်ဖော်ဆောင်ရွက်မည်ဖြစ်သည်။ကြိုးပမ်းလျက်ရှိကမ္ဘာလုံးဆိုင်ရာ   နည်းပညာပြိုင်ဆိုင်မှုများ တိုးလာနေသည့်အတွက် မက်စ်၏ အဆိုပါကုမ္ပဏီသုံးခုက မောင်းသူမဲ့ကားများ၊ စက်ရုပ်များနှင့် ဉာဏ်ရည်တုနည်းပညာအတွက် အဆင့်မြင့် တစ်ပိုင်းလျှပ်ကူးပစ္စည်းများ ထုတ်လုပ်ခြင်းဖြင့် ပိုမိုခိုင်မာသော ပြိုင်ဘက်များဖြစ်လာစေရန် ကြိုးပမ်းလျက်ရှိကြောင်း သိရသည်။ကိုးကား - အင်န်အိတ်ချ်ကေဘာသာပြန် - အောင်ကျော်ကျော်MDN
Fri, 8-May-2026
မြောက်ကိုရီးယားက ကိုယ်ပိုင်နည်းပညာအသုံးပြု စမတ်ဖုန်းအသစ်များကို ထုတ်ဖော်ပြသ
မြောက်ကိုရီးယားက ကိုယ်ပိုင်နည်းပညာအသုံးပြု စမတ်ဖုန်းအသစ်များကို ထုတ်ဖော်ပြသ
မြောက်ကိုရီးယားနိုင်ငံ၌ ကျင်းပပြုလုပ်နေသည့် ကုန်စည်ပြပွဲတွင် ၎င်းတို့ကိုယ်ပိုင်နည်းပညာဖြင့် ထုတ်လုပ်ထားသည့် နောက်ဆုံးပေါ် Jindallae စမတ်ဖုန်းများကို ထုတ်ဖော်ပြသလျက်ရှိကြောင်း သိရသည်။ရုရှားနှင့် တရုတ်တို့အပါအဝင် နိုင်ငံပေါင်း ခြောက်နိုင်ငံမှ ကုမ္ပဏီပေါင်း ၂၉၀ ကျော် ပါဝင်သည့် နိုင်ငံတကာကုန်စည်ပြပွဲကို မေလ ၄ ရက်တွင် စတင်ခဲ့ပြီး နိုင်ငံခြားသားဧည့်သည်များနှင့် ကုမ္ပဏီများစွာ တက်ရောက်ခဲ့သည်။ကိုရီးယားဘာသာဖြင့် “နှင်းဆီပန်း” ဟု အဓိပ္ပာယ်ရသည့် Jindallae စမတ်ဖုန်းများကို အရောင်အသွေးစုံစွာ ထုတ်လုပ်ထားပြီး မှန်ဘီလူးအများအပြား ပါဝင်သည့် စက်ဝိုင်းပုံ ကင်မရာစနစ်ကို အသုံးပြုထားသည်။ ထိုဖုန်းများကို ပြည်တွင်းကွန်ရက်မှတစ်ဆင့် ဆက်သွယ်နိုင်ရန် စီစဉ်ထားသော်လည်း မြောက်ကိုရီးယား၏ ကုန်ထုတ်လုပ်မှုအခြေအနေအရ အရည်အသွေးမြင့် နည်းပညာပစ္စည်းများ ထုတ်လုပ်နိုင်စွမ်းကိုမူ ကျွမ်းကျင်သူများက သံသယရှိနေသည်။၂၀၁၇ ခုနှစ်တွင် ပထမဆုံး စတင်မိတ်ဆက်ခဲ့သည့် အဆိုပါဖုန်းအမှတ်တံဆိပ်၏ ယခုပြသထားသော နောက်ဆုံးပေါ်မော်ဒယ်မှာ ၂၀၂၅ ခုနှစ်က ထွက်ရှိခဲ့သည့် အမျိုးအစားနှင့် ဆင်တူနေကြောင်း တောင်ကိုရီးယား၏ Yonhap သတင်းဌာနက ဖော်ပြထားသည်။Ref: STMWD
Wed, 6-May-2026
Palantir ကုမ္ပဏီ စံချိန်တင်အောင်မြင်မှုနှင့်အတူ စစ်မြေပြင်သုံး AI နည်းပညာကြောင့် ဝေဖန်မှုများ ထွက်ပေါ်လာ
Palantir ကုမ္ပဏီ စံချိန်တင်အောင်မြင်မှုနှင့်အတူ စစ်မြေပြင်သုံး AI နည်းပညာကြောင့် ဝေဖန်မှုများ ထွက်ပေါ်လာ
အမေရိကန်အခြေစိုက် ဒေတာနှင့် AI ဆော့ဖ်ဝဲလ်ကုမ္ပဏီကြီးဖြစ်သော Palantir Technologies သည် ၂၀၂၆ ခုနှစ်၊ ပထမသုံးလပတ်အတွင်း ဝင်ငွေ ၁.၆၃ ဘီလီယံဒေါ်လာ အထိ ရရှိခဲ့ပြီး ယခင်နှစ်ထက် ၈၅ ရာခိုင်နှုန်းအထိ စံချိန်တင်တိုးတက်လာကြောင်း ထုတ်ပြန်ခဲ့သည်။ အထူးသဖြင့် အမေရိကန်ပြည်တွင်းရှိ စီးပွားရေးလုပ်ငန်းများနှင့် အစိုးရကဏ္ဍနှစ်ခုလုံးမှ ဝယ်လိုအားမြင့်တက်လာခြင်းကြောင့် ဝင်ငွေမှာ ခန့်မှန်းချက်ထက် ကျော်လွန်ခဲ့ပြီး ၂၀၂၆ ခုနှစ် တစ်နှစ်စာ ဝင်ငွေမှာ ၇.၆၆ ဘီလီယံ ဒေါ်လာ အထိ ရှိလာနိုင်ကြောင်း ကုမ္ပဏီက မျှော်မှန်းထားသည်။ကုမ္ပဏီ၏ CEO ဖြစ်သူ Alex Karp က ယခုကဲ့သို့အောင်မြင်မှုရရှိခြင်းမှာ ၎င်းတို့၏ AI နည်းပညာများသည် အနောက်နိုင်ငံများ၏ စစ်ရေးနှင့် စက်မှု အင်အားအတွက် အဓိကကျသော အစိတ်အပိုင်းဖြစ်လာခြင်းကြောင့်ဟု ဆိုသည်။ ၎င်းက စစ်မြေပြင်တွင် အမှန်တကယ်အသုံးဝင်သော AI လုပ်ငန်းစဉ်အားလုံးနီးပါးမှာ Palantir ပေါ်တွင် အခြေခံထားကြောင်းနှင့် ကုမ္ပဏီ၏ ရည်မှန်းချက်မှာ အမေရိကန်၏ အမျိုးသားလုံခြုံရေးကို မြှင့်တင်ရန် ဖြစ်ကြောင်း ရှယ်ယာရှင်များထံ အလေးအနက် ပြောကြားခဲ့သည်။Palantir ၏ အဓိကနည်းပညာများဖြစ်သော Gotham နှင့် MOSAIC စနစ်များသည် ဂြိုဟ်တုဓာတ်ပုံများ၊ ထောက်လှမ်းရေးဒေတာများနှင့် ဒစ်ဂျစ်တယ် အချက်အလက်များကိုအသုံးပြု၍ စစ်ရေးအရ တိုက်ခိုက်မှုများအတွက် တိကျသောပစ်မှတ်များကို AI စနစ်ဖြင့် ဖော်ထုတ်ပေးလျက်ရှိသည်။ လက်ရှိတွင် ယင်းနည်းပညာများကို အမေရိကန်စစ်တပ်အပြင် ဗြိတိန်၊ အစ္စရေးနှင့် ယူကရိန်းတပ်ဖွဲ့များကလည်း လက်တွေ့အသုံးပြုနေကြသည်။သို့သော်လည်း ကုမ္ပဏီ၏အယူအဆအပေါ် ဝေဖန်မှုများစွာ ထွက်ပေါ်လျက်ရှိသည်။ CEO Karp က နည်းပညာကုမ္ပဏီများသည် နိုင်ငံတော် ကာကွယ်ရေးတွင်ပါဝင်ရန် တာဝန်ရှိကြောင်းနှင့် AI လက်နက်များသည် ရှောင်လွှဲ၍မရကြောင်း ထုတ်ဖော်ပြောကြားခဲ့သည့်အတွက် ဝေဖန်သူများက ယင်းကို "နည်းပညာအခြေပြု ဖက်ဆစ်ဝါဒ" (Technofascism) ဟု ခေါ်ဆိုကာ စိုးရိမ်ပူပန်မှုများ ရှိနေကြသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 5-May-2026
© Copyright 2024 SAC All Rights Reserved.