၂၀၂၅ - ၂၀၂၆ ပညာသင်နှစ် တက္ကသိုလ်ဝင် စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင် စာမေးပွဲများ စတင်ဖြေဆို

dpWEB1234

News Image

  • ၂၀၂၅ - ၂၀၂၆ ပညာသင်နှစ် တက္ကသိုလ်ဝင် စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင် စာမေးပွဲများ စတင်ဖြေဆို

ရန်ကုန် မတ် ၁၁

     ၂၀၂၅ - ၂၀၂၆ ပညာသင်နှစ် တက္ကသိုလ်ဝင် စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင် စာမေးပွဲများကို  တစ်နိုင်ငံလုံးအတိုင်းအတာဖြင့် ယနေ့နံနက် ၉ နာရီမှစတင်၍ ကျင်းပလျက်ရှိရာ ရန်ကုန်တိုင်းဒေသကြီးတွင် စာဖြေကျောင်းသား၊ ‌ကျောင်းသူ ၄၇၂၉၁ ဦး ဖြေဆိုခဲ့ပြီး သက်ဆိုင်ရာ စာစစ်ဌာနများအလိုက် ကျောင်းသား၊ ကျောင်းသူများ အေးချမ်းပျော်ရွှင်စွာ ဖြေဆိုခဲ့ကြသည်။

၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲကို ယနေ့တွင် စတင်ကျင်းပရာ ရန်ကုန်တိုင်းဒေသကြီးတွင် ၂၀၂၆ ခုနှစ် တက္ကသိုလ်ဝင်စာမေးပွဲအတွက်    စာစစ်ဌာန  ၁၀၇ ခု ဖွင့်လှစ်ထားပြီး    ယနေ့ မြန်မာစာဘာသာဖြေဆိုသူ ကျောင်းသား ၂၀၈၁၁ ဦး၊ ကျောင်းသူ   ၂၆၀၇၈  ဦး စုစုပေါင်း ၄၆၈၈၉  ဦးရှိကြောင်း  ရန်ကုန်တိုင်းဒေသကြီး ပညာရေးမှူးရုံးမှ သိရသည်။

 ၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲကျင်းပရာ၌ မတ်လ ၁၁  ရက်တွင် မြန်မာစာဘာသာရပ်ကို စတင်ဖြေဆိုပြီး မတ်လ  ၁၂ ရက်တွင် အင်္ဂလိပ်စာဘာသာရပ်၊ မတ်လ ၁၃ ရက်တွင် သင်္ချာဘာသာရပ်၊ မတ်လ ၁၄ ရက်တွင် ဓာတုဗေဒဘာသာရပ်နှင့် ပထဝီဝင်ဘာသာရပ်၊ မတ်လ ၁၅ ရက်တွင် ဖြေဆိုမှုရပ်နားမည်ဖြစ်ကာ မတ်လ ၁၆ ရက်တွင် ရူပဗေဒဘာသာရပ်နှင့် သမိုင်းဘာသာရပ်၊ မတ်လ ၁၇ ရက်တွင် ဇီဝဗေဒဘာသာရပ်နှင့် ဘောဂဗေဒ ဘာသာရပ်တို့ကို ဖြေဆိုမည်ဖြစ်သည်။ 

စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲအတွက် မတ်လ ၁၈ ရက်တွင် စက်မှုအတတ်ပညာဘာသာရပ်ကို ဖြေဆိုသွားမည်ဖြစ်သည်။ 

၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲကာလအတွင်း ဆေးရုံ တက်ရောက်၍ ဆေးဝါးကုသမှုခံယူနေကြသော ကျောင်းသား၊ ကျောင်းသူ (လူနာ)များအတွက်လည်း ဆေးရုံဖြေစာစစ်ဌာနများ   ဖွင့်လှစ်ဆောင်ရွက်ပေးလျက်ရှိသည်။ 

ထို့ပြင် ၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲများ ကျင်းပနေသည့် ကာလအတွင်း ဆရာ၊ ဆရာမများ၊ ကျောင်းသား၊ ကျောင်းသူများ၊ စာမေးပွဲတာဝန်ရှိသူများ၊ ကျောင်းသားမိဘပြည်သူများ သွားလာမှု အဆင်ပြေချောမွေ့စေရန်အတွက် သက်ဆိုင်ရာတိုင်းဒေသကြီးနှင့် ပြည်နယ်အလိုက် မော်တော်ယာဉ် အသုံးပြုခွင့်ဆိုင်ရာ အစီအမံများဖြစ်သည့် “စာမေးပွဲတာဝန်” သို့မဟုတ် "Car Pass"ကတ်ပြားများကို ကားရှေ့မှန်တွင်ကပ်၍ အသုံးပြုခွင့်ပြုခြင်း၊ စာမေးပွဲတာဝန်ခံယာဉ်များနှင့် ကျောင်းသား ကြို၊ ပို့ယာဉ်များကို စုံ/မအက္ခရာ ခွဲခြားခြင်းမရှိဘဲ သွားလာခွင့်ပြုခြင်း၊ ပြင်ပဖြေကျောင်းသား များအနေဖြင့် မိမိတို့၏ “စာမေးပွဲဖြေဆိုခွင့်ကတ်ပြား” ပြသ၍ မော်တော်ဆိုင်ကယ်နှင့်   မော်တော်ယာဉ်များ မောင်းနှင်ခြင်းတို့ကို သက်ဆိုင်ရာ ခရိုင်၊ မြို့နယ်ပညာရေးမှူးများနှင့် သက်ဆိုင်ရာ တာဝန်ရှိသူများ ပူးပေါင်းဆောင်ရွက် ပေးလျက်ရှိသည်။

 ၂၀၂၅- ၂၀၂၆ ခုနှစ် တက္ကသိုလ်ဝင် စာမေးပွဲသို့ဝင်ရောက်ဖြေဆိုရန် စာရင်းပေးသွင်းထားသူ နှစ်သိန်းခြောက်သောင်းကျော် ရှိကြောင်း ပညာရေးဝန်ကြီးဌာန၏ ထုတ်ပြန်ချက်များအရ သိရသည်။

MWD

MM-News-Category
လူမှုရေးကဏ္ဍသတင်း
လူမှုရေး-ပညာရေး

ဆက်စပ်သတင်းများ

၂၀၂၆ ခုနှစ် တက္ကသိုလ်ဝင်စာမေးပွဲနှင့် ၂၀၂၆ ခုနှစ် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲများ တတိယနေ့ ဆက်လက်ကျင်းပ တက္ကသိုလ်ဝင်စာမေးပွဲ တတိယနေ့တွင် သင်္ချာဘာသာရပ် လာရောက်ဖြေဆိုသူ စုစုပေါင်း ၂၅၄၈၁၂ ဦးရှိပြီး စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲ တတိယနေ့တွင် လာရောက်ဖြေဆိုသူ ၃၃၆၄ ဦးရှိ
၂၀၂၆ ခုနှစ် တက္ကသိုလ်ဝင်စာမေးပွဲနှင့် ၂၀၂၆ ခုနှစ် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲများ တတိယနေ့ ဆက်လက်ကျင်းပ တက္ကသိုလ်ဝင်စာမေးပွဲ တတိယနေ့တွင် သင်္ချာဘာသာရပ် လာရောက်ဖြေဆိုသူ စုစုပေါင်း ၂၅၄၈၁၂ ဦးရှိပြီး စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲ တတိယနေ့တွင် လာရောက်ဖြေဆိုသူ ၃၃၆၄ ဦးရှိ
နေပြည်တော် မတ် ၁၃၂၀၂၆ ခုနှစ် တက္ကသိုလ်ဝင်စာမေးပွဲနှင့် ၂၀၂၆ ခုနှစ် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲများကို ယနေ့နံနက်ပိုင်းတွင် နိုင်ငံခြားစာစစ်ဌာနအပါဝင် တစ်နိုင်ငံလုံးအတိုင်းအတာဖြင့် ဆက်လက်ကျင်းပသည်။၂၀၂၆ ခုနှစ် တက္ကသိုလ်ဝင်စာမေးပွဲကို ယခုနှစ်တွင် နိုင်ငံခြားစာစစ်ဌာန ၁၆ ခုနှင့် ပြည်တွင်းစာစစ်ဌာန ၈၇၁ ခု၊ စာစစ်ဌာနစုစုပေါင်း ၈၈၇ ခု ဖွင့်လှစ်ဖြေဆိုခဲ့ရာစာမေးပွဲဖြေဆိုရန် စာရင်းပေးသွင်းသူဦးရေ စုစုပေါင်း ၂၆၈၇၅၃ ဦးရှိပြီး စာမေးပွဲတတိယနေ့တွင် သင်္ချာဘာသာရပ်လာရောက်ဖြေဆိုသူ စုစုပေါင်း ၂၅၄၈၁၂ ဦး၊ ပျက်ကွက် ၁၃၉၄၁ ဦးရှိကာ ဖြေဆိုသူ ၉၄ ဒသမ ၈၁ ရာခိုင်နှုန်းရှိသည်။၂၀၂၆ ခုနှစ် စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲကို ပြည်တွင်းစာစစ်ဌာန စုစုပေါင်း ၅၃ ခု ဖွင့်လှစ်ဖြေဆိုခဲ့ရာ စာမေးပွဲဖြေဆိုရန် စာရင်းပေးသွင်းသူဦးရေ စုစုပေါင်း ၃၃၈၆ ဦးရှိပြီး စာမေးပွဲ တတိယနေ့တွင် စက်မှုကျောင်းသား ကျောင်းသူများက သင်္ချာဘာသာရပ်၊ စိုက်ပျိုးရေးကျောင်းသား ကျောင်းသူများက သီးနှံထုတ်လုပ်ရေး(၂) ဘာသာရပ်၊ မွေးမြူရေးကျောင်းသား ကျောင်းသူများက ဝက်မွေးမြူထုတ်လုပ် ရေးဘာသာရပ်တို့ကိုဖြေဆိုကြပြီး လာရောက်ဖြေဆိုသူစုစုပေါင်း ၃၃၆၄ ဦး၊ ပျက်ကွက် ၂၂ ဦးရှိကာ ဖြေဆိုသူ ၉၉ ဒသမ ၃၅ ရာခိုင်နှုန်းရှိကြောင်း ပညာရေးဝန်ကြီးဌာနမှ သိရသည်။moi
Sat, 14-Mar-2026
၂၀၂၆ ခုနှစ် တက္ကသိုလ်ဝင်စာမေးပွဲ အထောက်အကူပြုသင်ခန်းစာများ လေ့လာနိုင်
၂၀၂၆ ခုနှစ် တက္ကသိုလ်ဝင်စာမေးပွဲ အထောက်အကူပြုသင်ခန်းစာများ လေ့လာနိုင်
၂၀၂၆ ခုနှစ် တက္ကသိုလ်ဝင်စာမေးပွဲ အထောက်အကူပြုသင်ခန်းစာ မြန်မာစာဘာသာရပ် သိကောင်းစရာhttps://presoffministry.gov.mm/my/node/21465၂၀၂၆ ခုနှစ် တက္ကသိုလ်ဝင်စာမေးပွဲ အထောက်အကူပြုသင်ခန်းစာ အင်္ဂလိပ်စာဘာသာရပ် သိကောင်းစရာhttps://presoffministry.gov.mm/my/node/21466၂၀၂၆ ခုနှစ် တက္ကသိုလ်ဝင်စာမေးပွဲ အထောက်အကူပြုသင်ခန်းစာ သင်္ချာဘာသာရပ် သိကောင်းစရာhttps://presoffministry.gov.mm/my/node/21619၂၀၂၆ ခုနှစ် တက္ကသိုလ်ဝင်စာမေးပွဲ အထောက်အကူပြုသင်ခန်းစာ ဓာတုဗေဒဘာသာရပ် သိကောင်းစရာhttps://presoffministry.gov.mm/my/node/21717၂၀၂၆ ခုနှစ် တက္ကသိုလ်ဝင်စာမေးပွဲ အထောက်အကူပြုသင်ခန်းစာ ရူပဗေဒဘာသာရပ် သိကောင်းစရာhttps://presoffministry.gov.mm/my/node/21938၂၀၂၆ ပညာသင်နှစ် တက္ကသိုလ်ဝင်စာမေးပွဲ အထောက်အကူပြု ဇီဝဗေဒဘာသာရပ်ဆိုင်ရာ သိကောင်းစရာများhttps://presoffministry.gov.mm/my/node/21943၂ဝ၂၆ ခုနှစ် တက္ကသိုလ်ဝင်စာမေးပွဲ အထောက်အကူပြုသင်ခန်းစာ ပထဝီဝင်ဘာသာရပ် သိကောင်းစရာများhttps://presoffministry.gov.mm/my/node/22077၂၀၂၆ ခုနှစ် တက္ကသိုလ်ဝင်စာမေးပွဲ အထောက်အကူပြု သင်ခန်းစာ သမိုင်းဘာသာရပ် သိကောင်းစရာhttps://presoffministry.gov.mm/my/node/22235၂ဝ၂၆ ခုနှစ် တက္ကသိုလ်ဝင်စာမေးပွဲ အထောက်အကူပြုသင်ခန်းစာ ဘောဂဗေဒ ဘာသာရပ် သိကောင်းစရာများhttps://presoffministry.gov.mm/my/node/22245
Fri, 13-Mar-2026
မြန်မာနေရှင်နယ်လိဂ်ပြိုင်ပွဲတွင် ရှမ်းယူနိုက်တက်အသင်း မဟာယူနိုက်တက်အသင်းကို အနိုင်ယူ
မြန်မာနေရှင်နယ်လိဂ်ပြိုင်ပွဲတွင် ရှမ်းယူနိုက်တက်အသင်း မဟာယူနိုက်တက်အသင်းကို အနိုင်ယူ
ရန်ကုန်  မတ်  ၁၂၂၀၂၅-၂၀၂၆ ရာသီ မြန်မာနေရှင်နယ်လိဂ် အမှတ်ပေးဘောလုံးပြိုင်ပွဲ ပွဲစဉ်(၂၁)၏ပွဲစဉ် တစ်ပွဲဖြစ်သည့် ရှမ်းယူနိုက်တက်အသင်းနှင့် မဟာယူနိုက်တက်အသင်းတို့ ယနေ့ညနေပိုင်းတွင် တောင်ကြီးမြို့၌ ယှဉ်ပြိုင်ကစားကြရာ   ရှမ်းယူနိုက်တက်အသင်းက အိမ်ကွင်းမှာ နောက်ကျအနိုင်ဂိုးနဲ့ မဟာယူနိုက်တက် အသင်းကို ၂ ဂိုး ၁ ဂိုးသွင်းယူကာ အနိုင်ရရှိသွားသည်။ပထမပိုင်းပွဲစသည်နှင့် ရှမ်းယူနိုက်တက်အသင်း ဘောလုံးပိုင်ဆိုင်မှုယူကာ ပွဲကိုဦးဆောင်ကစားခဲ့ပြီး မဟာယူနိုက်တက် နောက်တန်း ကစားသမားများနှင့် ဂိုးသမားအောင်ကိုလတ်တို့ ဟန့်တားကာကွယ်နိုင် မှုကြောင့် ဂိုးအဖြစ်ပြောင်းလဲနိုင်ခြင်းတော့မရှိခဲ့ပေ။ လက်ကျန်ပွဲစဉ်များ အနိုင်ရရှိမှသာ ချန်ပီယံဖြစ်ခွင့်ရမည့် ရှမ်းယူနိုက်တက် အသင်းနိုင်ပွဲရရှိရေး တိုက်စစ်အားမလျော့ဘဲ  ပြိုင်ဘက်ကို  ဖိအားပေးကစားခဲ့ရာ ပွဲကစားချိန် ၂၂ မိနစ်တွင် ရဲရင့်အောင်ရဲ့ ပေးပို့မှုကနေ   ခွန်ကျော်ဇင်ဟိန်းက ဦးဆောင် ဂိုးသွင်းယူနိုင်ခဲ့သည်။ ရှမ်းယူနိုက်တက်အသင်းရဲ့   တိုက်စစ်ကြောင့် ပွဲကစားချိန် မိနစ် ၃၀ နောက်ပိုင်း  မဟာယူနိုက်တက် အသင်းခံ စစ်ကစားခဲ့ရပေမယ့် ရှမ်းယူနိုက်တက်အသင်း ဂိုးထပ်မံသွင်းယူနိုင်ခြင်း မရှိဘဲ ၁ ဂိုး ဂိုးမရှိဖြင့်ပင် ပထမပိုင်း ပြီးဆုံးခဲ့သည်။ဒုတိယပိုင်း ပြန်စသည်နှင့် ရှမ်းယူနိုက်တက်အသင်းလူစားလဲတိုက်စစ်အားမြှင့်ခဲ့သလို မဟာယူနိုက်တက်အသင်းကလည်း ချေပဂိုးရရှိရေး လူစားလဲမှုများဖြင့်  ပွဲကိုဆက်လက်ယှဉ်ပြိုင်ခဲ့ကြသည်။ ပွဲကစားချိန် ၆၃ မိနစ်တွင် ရှမ်းယူနိုက်တက်အသင်းမှ ခွန်ကျော်ဇင်ဟိန်း၊   စအောင်ပြည့်ကို၊ ရဲရင့်အောင်တို့ ပြိုင်ဘက်ဂိုးဧရိယာအတွင်း အနီးကပ်ပိတ်သွင်းခွင့်ရခဲ့ပေမယ့် မဟာယူနိုက်တက် နောက်တန်းနှင့် ဂိုးသမားတို့ အသည်းအသန်ဖျက်ထုတ်ကာကွယ်နိုင်ခဲ့၍ ရှမ်းယူနိုက်တက်အသင်း  ဒုတိယ ဦးဆောင်ဂိုး ရရှိမယ့် အနေအထားမှ  ကပ်လွဲခဲ့ရသည်။ရှမ်းယူနိုက်တက်အသင်းတိုက်စစ်အားကောင်းသလို မဟာယူနိုက်တက်အသင်းရဲ့ တန်ပြန်တိုက်စစ်သည်လည်း လျင်မြန်မှုရှိပြီး ဂိုးခြိမ်းခြောက်မှုများ အထိရှိခဲ့ရာ ပွဲကစားချိန် ၆၅ မိနစ်တွင် အီဒူဘက်ပက် ထရစ်က ပြိုင်ဘက်ဂိုးဧရိယာပြင်ပကနေကန်သွင်းပြီး ချေပဂိုးသွင်းယူနိုင်ခဲ့၍ ပွဲကပို၍မြိုင်ဆိုင်လာခဲ့သည်။ ချေပဂိုးရရှိခဲ့သည့် မဟာယူနိုက်တက်အသင်း     စိတ်အားတက်ကြွကာ ဦးဆောင်ဂိုးထပ်မံရရှိရေး တိုက်စစ်အားမြှင့်လာခဲ့သလို ရှမ်းယူနိုက်တက်အသင်းကလည်း နောက်ဆုံးအချိန်အထိ တိုက်စစ်အားမလျှော့ဘဲဆက်လက်ယှဉ်ပြိုင်ခဲ့ရာ ပွဲကစားချိန် ၇၇ မိနစ်တွင် ခွန်ကျော်ဇင်ဟိန်းရဲ့ တိကျတဲ့ပေးပို့မှုကနေ လူစားဝင်ကစားသမား စအောင်ပြည့်ကိုက ရှမ်းယူနိုက်တက် အသင်းအတွက် ဒုတိယဂိုးကိုသွင်းယူပေးနိုင်ခဲ့၍ ရှမ်းယူနိုက်တက်အသင်းက အိမ်ကွင်းမှာ နောက်ကျအနိုင်ဂိုးနဲ့ မဟာယူနိုက်တက် အသင်းကို  ၂ ဂိုး ၁ ဂိုးဖြင့် အနိုင်ရရှိသွားသည်။                                                ဝန်းရံခ
Fri, 13-Mar-2026
၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲ ဒုတိယနေ့ အင်္ဂလိပ်စာ ဘာသာရပ် ဆက်လက်ဖြေဆို
၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲ ဒုတိယနေ့ အင်္ဂလိပ်စာ ဘာသာရပ် ဆက်လက်ဖြေဆို
ရန်ကုန်   မတ်    ၁၂     ၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲကို တစ်နိုင်ငံလုံးအတိုင်းအတာဖြင့်     ကျင်းပလျက်ရှိရာ ရန်ကုန်တိုင်းဒေသကြီးအတွင်းရှိ စာစစ်ဌာန ၁၁၁ ခု၌ တက္ကသိုလ်ဝင်စာမေးပွဲ ဒုတိယနေ့အဖြစ်  အင်္ဂလိပ်စာဘာသာရပ်ကို ကျောင်းသား၊ ‌ကျောင်းသူများ အေးချမ်းပျော်ရွှင်စွာ ဖြေဆိုကြသည်။ယနေ့ အင်္ဂလိပ်စာဘာသာရပ်ကို ရန်ကုန်တိုင်းဒေသကြီးအတွင်းမှ  ကျောင်းသား ၂၀၇၅၇ ဦး၊ ကျောင်းသူ ၂၆၀၄၉ ဦးဖြင့် စုစုပေါင်း ၄၆၈၀၆  ဦးဖြေဆိုခဲ့ရာ ရာခိုင်နှုန်းအားဖြင့် ရန်ကုန်တိုင်းဒေသကြီးအတွင်း ၉၅ ဒသမ ၀၃ ရာခိုင်နှုန်းဖြေဆိုခဲ့ကြောင်း ရန်ကုန်တိုင်းဒေသကြီး ပညာရေးမှူးရုံးမှ သိရသည်။ရန်ကုန်တိုင်းဒေသကြီးအတွင်းရှိ စာစစ်ဌာနများတွင် စာမေးပွဲဖြေဆိုရန် ဝင်ရောက်လာကြသည့်   ကျောင်းသား၊ ကျောင်းသူများအား စာမေးပွဲဖြေဆိုခွင့်ကတ်များ တစ်ပါတည်းပါရှိရန်နှင့်စာဖြေရန် အထောက်အကူပြုပစ္စည်းများ ယူဆောင်ရန် တာဝန်ကျ ဆရာ၊ ဆရာမများက သတိပေးကြပြီး စာမေးပွဲဖြေဆိုခွင့်ကတ်မေ့ကျန်ခဲ့သူများနှင့် ကျန်းမာရေးစောင့်ရှောက်မှု လိုအပ်သူများကို တာဝန်ရှိသူများက အချိန်နှင့်တစ်ပြေးညီ စာစစ်ဌာနများအလိုက် ဆောင်ရွက်ပေးကြသည်။ရန်ကုန်တိုင်းဒေသကြီးအတွင်းရှိ ခရိုင် ၁၄ ခု၊ မြို့နယ် ၄၅ မြို့နယ်ရှိ စာစစ်ဌာန ၁၁၁ ခုဖွင့်လှစ်ထားရာ  စာစစ်ဌာန ၁၀၇ ခု၌  တက္ကသိုလ်ဝင်စာမေးပွဲ၊  စာစစ်ဌာနလေးခု၌  စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲဖြေဆိုလျက်ရှိပြီး အင်းစိန်ဗဟိုအကျဉ်းထောင် စာစစ်ဌာန၌ ကျောင်းသား ၃၃ ဦး၊ ကျောင်းသူ ၃ ဦးဖြင့် စုစုပေါင်း ၃၆ ဦး၊ ရန်ကုန်ပြည်သူ့ဆေးရုံကြီး၌ ကျောင်းသား ၁ ဦး၊ ကျောင်းသူ ၁ ဦးနှင့် မြောက်ဥက္ကလာပဆေးရုံကြီး၌ ကျောင်းသား ၂ ဦး၊ ကျောင်းသူ ၃ ဦး စုစုပေါင်း ၇ ဦး ဖြေဆိုမှုရှိကြောင်း သိရသည်။MWD
Fri, 13-Mar-2026
ကန်သာယာအထူးကု ဆေးရုံကြီး၌ ကမ္ဘာ့ကျောက်ကပ်နေ့ အခမ်းအနားကျင်းပ
ကန်သာယာအထူးကု ဆေးရုံကြီး၌ ကမ္ဘာ့ကျောက်ကပ်နေ့ အခမ်းအနားကျင်းပ
ရန်ကုန်  မတ်  ၁၂     ကမ္ဘာ့ကျောက်ကပ်နေ့ World Kidney Day အခမ်းအနားကို ယနေ့နံနက်ပိုင်းတွင် ရန်ကုန်မြို့ ပြည်လမ်း ကန်သာယာအထူးကုဆေးရုံကြီး၌    စည်ကားသိုက်မြိုက်စွာ ကျင်းပရာ ကျန်းမာရေးဆိုင်ရာအထူးကု ဆရာဝန်ကြီးများ၊ ဆေးဝါးကုသမှုနယ်ပယ် မှ ဖိတ်ကြားထားသောဧည့်သည်တော်များ တက်ရောက်ကြသည်။ရှေးဦးစွာ ဒေါက်တာဝင်းမြတ်ဦးက ကမ္ဘာ့ကျောက်ကပ်နေ့အကြောင်းအဖွင့်အမှာ စကားပြောကြားပြီး ဒေါက်တာအောင်ချမ်း ငြိမ်းက ကျောက်ကပ်ရောဂါအကြောင်း သိကောင်းစရာများကို ပြောကြားသည်။ယင်းနောက်  ကျောက်ကပ်လူနာများ  အတွက် သတင်းကောင်းဖြစ်သည့် ကန် သာယာဆေးရုံကြီးတွင်  ကျောက်ကပ် အစားထိုးကုသအောင်မြင်ခြင်းအကြောင်း ကို  ဒေါက်တာရဲလင်းထွန်းက  ရှင်းလင်း ပြောကြားပြီး ကျောက်ကပ်လှူဒါန်းသူနှစ်ဦး အား ဂုဏ်ပြုလွှာများ ပေးအပ်ခဲ့သည်။ထို့နောက်    ကျောက်ကပ်ရောဂါ အထောက်အကူပြု ဆေးဝါးကုမ္ပဏီများဖြစ်ကြသည်  Zefam,  DKSH, Imperial Phoen  Company  တို့မှ  ဆေးဝါးများအကြောင်းကို ရှင်းလင်းပြောကြားပြီး GAIA Pilates Studio မှ ကျန်းမာရေးအသက်ရှူ လေ့ကျင့်ခန်းများကို    တင်ဆက်ပြသခဲ့သည်။ကန်သာယာအထူးကုဆေးရုံကြီးတွင် နှလုံး၊ ကျောက်ကပ်နှင့်  သားဖွားမီးယပ် ဆိုင်ရာရောဂါများနှင့် ပတ်သက်ပြီး အသေးစိတ် မေးမြန်းနိုင်ကြောင်း  သိရသည်။MWD
Fri, 13-Mar-2026
၂၀၂၅ - ၂၀၂၆ ပညာသင်နှစ် တက္ကသိုလ်ဝင် စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင် စာမေးပွဲများ စတင်ဖြေဆို
၂၀၂၅ - ၂၀၂၆ ပညာသင်နှစ် တက္ကသိုလ်ဝင် စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင် စာမေးပွဲများ စတင်ဖြေဆို
ရန်ကုန် မတ် ၁၁     ၂၀၂၅ - ၂၀၂၆ ပညာသင်နှစ် တက္ကသိုလ်ဝင် စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင် စာမေးပွဲများကို  တစ်နိုင်ငံလုံးအတိုင်းအတာဖြင့် ယနေ့နံနက် ၉ နာရီမှစတင်၍ ကျင်းပလျက်ရှိရာ ရန်ကုန်တိုင်းဒေသကြီးတွင် စာဖြေကျောင်းသား၊ ‌ကျောင်းသူ ၄၇၂၉၁ ဦး ဖြေဆိုခဲ့ပြီး သက်ဆိုင်ရာ စာစစ်ဌာနများအလိုက် ကျောင်းသား၊ ကျောင်းသူများ အေးချမ်းပျော်ရွှင်စွာ ဖြေဆိုခဲ့ကြသည်။၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲကို ယနေ့တွင် စတင်ကျင်းပရာ ရန်ကုန်တိုင်းဒေသကြီးတွင် ၂၀၂၆ ခုနှစ် တက္ကသိုလ်ဝင်စာမေးပွဲအတွက်    စာစစ်ဌာန  ၁၀၇ ခု ဖွင့်လှစ်ထားပြီး    ယနေ့ မြန်မာစာဘာသာဖြေဆိုသူ ကျောင်းသား ၂၀၈၁၁ ဦး၊ ကျောင်းသူ   ၂၆၀၇၈  ဦး စုစုပေါင်း ၄၆၈၈၉  ဦးရှိကြောင်း  ရန်ကုန်တိုင်းဒေသကြီး ပညာရေးမှူးရုံးမှ သိရသည်။ ၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲကျင်းပရာ၌ မတ်လ ၁၁  ရက်တွင် မြန်မာစာဘာသာရပ်ကို စတင်ဖြေဆိုပြီး မတ်လ  ၁၂ ရက်တွင် အင်္ဂလိပ်စာဘာသာရပ်၊ မတ်လ ၁၃ ရက်တွင် သင်္ချာဘာသာရပ်၊ မတ်လ ၁၄ ရက်တွင် ဓာတုဗေဒဘာသာရပ်နှင့် ပထဝီဝင်ဘာသာရပ်၊ မတ်လ ၁၅ ရက်တွင် ဖြေဆိုမှုရပ်နားမည်ဖြစ်ကာ မတ်လ ၁၆ ရက်တွင် ရူပဗေဒဘာသာရပ်နှင့် သမိုင်းဘာသာရပ်၊ မတ်လ ၁၇ ရက်တွင် ဇီဝဗေဒဘာသာရပ်နှင့် ဘောဂဗေဒ ဘာသာရပ်တို့ကို ဖြေဆိုမည်ဖြစ်သည်။ စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲအတွက် မတ်လ ၁၈ ရက်တွင် စက်မှုအတတ်ပညာဘာသာရပ်ကို ဖြေဆိုသွားမည်ဖြစ်သည်။ ၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲကာလအတွင်း ဆေးရုံ တက်ရောက်၍ ဆေးဝါးကုသမှုခံယူနေကြသော ကျောင်းသား၊ ကျောင်းသူ (လူနာ)များအတွက်လည်း ဆေးရုံဖြေစာစစ်ဌာနများ   ဖွင့်လှစ်ဆောင်ရွက်ပေးလျက်ရှိသည်။ ထို့ပြင် ၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲများ ကျင်းပနေသည့် ကာလအတွင်း ဆရာ၊ ဆရာမများ၊ ကျောင်းသား၊ ကျောင်းသူများ၊ စာမေးပွဲတာဝန်ရှိသူများ၊ ကျောင်းသားမိဘပြည်သူများ သွားလာမှု အဆင်ပြေချောမွေ့စေရန်အတွက် သက်ဆိုင်ရာတိုင်းဒေသကြီးနှင့် ပြည်နယ်အလိုက် မော်တော်ယာဉ် အသုံးပြုခွင့်ဆိုင်ရာ အစီအမံများဖြစ်သည့် “စာမေးပွဲတာဝန်” သို့မဟုတ် "Car Pass"ကတ်ပြားများကို ကားရှေ့မှန်တွင်ကပ်၍ အသုံးပြုခွင့်ပြုခြင်း၊ စာမေးပွဲတာဝန်ခံယာဉ်များနှင့် ကျောင်းသား ကြို၊ ပို့ယာဉ်များကို စုံ/မအက္ခရာ ခွဲခြားခြင်းမရှိဘဲ သွားလာခွင့်ပြုခြင်း၊ ပြင်ပဖြေကျောင်းသား များအနေဖြင့် မိမိတို့၏ “စာမေးပွဲဖြေဆိုခွင့်ကတ်ပြား” ပြသ၍ မော်တော်ဆိုင်ကယ်နှင့်   မော်တော်ယာဉ်များ မောင်းနှင်ခြင်းတို့ကို သက်ဆိုင်ရာ ခရိုင်၊ မြို့နယ်ပညာရေးမှူးများနှင့် သက်ဆိုင်ရာ တာဝန်ရှိသူများ ပူးပေါင်းဆောင်ရွက် ပေးလျက်ရှိသည်။ ၂၀၂၅- ၂၀၂၆ ခုနှစ် တက္ကသိုလ်ဝင် စာမေးပွဲသို့ဝင်ရောက်ဖြေဆိုရန် စာရင်းပေးသွင်းထားသူ နှစ်သိန်းခြောက်သောင်းကျော် ရှိကြောင်း ပညာရေးဝန်ကြီးဌာန၏ ထုတ်ပြန်ချက်များအရ သိရသည်။MWD
Thu, 12-Mar-2026
© Copyright 2024 SAC All Rights Reserved.