နှစ်လတာကာလအတွင်း ပြည်ပသို့ပျားရည် တင်ပို့မှုမှ အမေရိကန်ဒေါ်လာ ၁ ဒသမ ၄၇၉ သန်းရရှိထား

NoahJune222

News Image

  • နှစ်လတာကာလအတွင်း ပြည်ပသို့ပျားရည် တင်ပို့မှုမှ အမေရိကန်ဒေါ်လာ ၁ ဒသမ ၄၇၉ သန်းရရှိထား

ရန်ကုန်    မတ်   ၂၂

    ယခုနှစ် ဇန်နဝါရီလနှင့်ဖေဖော်ဝါရီလကုန်အထိ      နှစ်လတာကာလအတွင်း  ပုဂ္ဂလိကကဏ္ဍမှ   ပြည်ပ သို့ပျားရည်တင်ပို့မှုမှ အမေရိကန်ဒေါ်လာ ၁ ဒသမ ၄၇၉    သန်း ရရှိထားကြောင်း  မွေးမြူရေးနှင့် ကုသရေးဦးစီးဌာန ပျားလုပ်ငန်းဌာန ပျားမွေးမြူမှု ဖွံ့ဖြိုးရေးဌာနခွဲ ဒုတိယညွှန်ကြားရေးမှူး  ဦးမျိုးတင့် ၏ပြောပြချက်အရ သိရသည်။

"ယခုနှစ် ဇန်နဝါရီလနဲ့ ဖေဖော်ဝါရီလကုန်အထိ ပုဂ္ဂလိကကဏ္ဍကနေ ပြည်ပကို ပျားရည် ၉၈၆ ဒသမ ၂၃ တန်တင်ပို့ခဲ့ပြီး အမေရိကန်ဒေါ်လာ  ၁  ဒသမ  ၄၇၉ သန်းရရှိခဲ့ပါတယ် "ဟု ဦးမျိုးတင့်ကပြောသည်။

ထိုသို့တင်ပို့ရာတွင် ပုံမှန်ကုန်သွယ်ရေးမှ  ပျားရည် ၉၈၁ ဒသမ ဝ၅  တန်နှင့်   နယ်စပ်ကုန်သွယ်ရေးမှ ပျားရည် ၅ ဒသမ ၁၈ တန် စုစုပေါင်း ၉၈၆ ဒသမ ၂၃ တန်တင်ပို့မှုမှ   အမေရိကန်ဒေါ်လာ ၁ ဒသမ ၄၇၉ သန်းရရှိခဲ့သည်။ ပြည်ပနိုင်ငံများသို့ ပျားရည်တင်ပို့ ရာတွင် ဂျပန်၊ တရုတ်(တိုင်ပေ)နှင့် ထိုင်းနိုင်ငံတို့သို့တင်ပို့ပြီး ဂျပန်နိုင်ငံသို့ အများဆုံး တင်ပို့သည်။ 

ပျားရည်ထုတ်လုပ်မှုအနေဖြင့် နှမ်းပျားရည်၊  ဆီးပျားရည်၊ ပန်းနှမ်းပျားရည်၊  နေကြာပျားရည်၊ ရော်ဘာပျားရည်၊ လိုက်ချီးပျားရည်ဟူ၍    ထုတ်လုပ် ကြောင်း၊ ပျားရည်ကို ပြည်တွင်း၌ ဆေးဝါးအဖြစ် အသုံးပြုမှုများပြီး  ပြည်ပသို့တင်ပို့ရာတွင် အများ အားဖြင့် ဂျပန်၊ တောင်ကိုရီးယား၊  ထိုင်းနှင့်  တရုတ် နိုင်ငံတို့သို့ တင်ပို့ကြောင်း သိရသည်။

MWD

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

(၈-၄-၂၀၂၆) ရက်နေ့ရှိ နိုင်ငံခြားငွေကြေး စျေးကွက်အတွင်း ရောင်းဝယ်သည့်ပမာဏနှင့်‌ ငွေလဲလှယ်နှုန်းများ
(၈-၄-၂၀၂၆) ရက်နေ့ရှိ နိုင်ငံခြားငွေကြေး စျေးကွက်အတွင်း ရောင်းဝယ်သည့်ပမာဏနှင့်‌ ငွေလဲလှယ်နှုန်းများ
(၈-၄-၂၀၂၆) ရက်နေ့ရှိ နိုင်ငံခြားငွေကြေး စျေးကွက်အတွင်း ရောင်းဝယ်သည့်ပမာဏနှင့်‌ ငွေလဲလှယ်နှုန်းများ -          ဈေးကွက်အတွင်း   ရောင်းဝယ်သည့်ပမာဏမှာ   စားသုံးဆီ၊ စက်သုံးဆီ၊  ဓာတ်မြေဩဇာ၊ ဆေးနှင့် ဆေးဝါးကုန်ကြမ်းပစ္စည်း၊  ဆက်သွယ်ရေး လုပ်ငန်းသုံးပစ္စည်း၊  စက်မှုကုန်ကြမ်း၊ ကား/ဆိုင်ကယ်အပိုပစ္စည်းနှင့် စားသုံးကုန်စည်များ တင်သွင်းခြင်းအတွက် ရောင်းချပေးခဲ့ခြင်းဖြစ်ပါသည်။ CMP ကဏ္ဍဝင်ရောက်ငွေမှ  စားသုံးဆီကဏ္ဍသို့  အမေရိကန်ဒေါ်လာ  သုည ဒသမ ၇၅ သန်းကို လည်းကောင်း၊ ဗဟိုဘဏ်မှ ဆောက်လုပ်ရေးကဏ္ဍသို့  ထိုင်းဘတ် ၃ ဒသမ ၃၄  သန်းကိုလည်းကောင်း ရောင်းချပေးခဲ့ပါသည်။                                                                                                                                                                                                                      မြန်မာနိုင်ငံတော်ဗဟိုဘဏ် 
Thu, 9-Apr-2026
အာဖရိက၏ အချမ်းသာဆုံးပုဂ္ဂိုလ်က စက်သုံးဆီအခက်အခဲအတွက် သက်သာခွင့်များပေးအပ်မည်ဟု ကမ်းလှမ်း
အာဖရိက၏ အချမ်းသာဆုံးပုဂ္ဂိုလ်က စက်သုံးဆီအခက်အခဲအတွက် သက်သာခွင့်များပေးအပ်မည်ဟု ကမ်းလှမ်း
အမေရိကန်-အစ္စရေးနှင့် အီရန်တို့အကြား ဖြစ်ပွားနေသောစစ်ပွဲကြောင့် စက်သုံးဆီထောက်ပံ့မှုများ ပြတ်တောက်ကာ အာဖရိကတစ်ဝှမ်း သွင်းကုန်စရိတ်များ မြင့်တက်နေချိန်တွင် နိုင်ဂျီးရီးယားနိုင်ငံရှိ Dangote ရေနံချက်စက်ရုံက အာဖရိကစျေးကွက်များသို့ စက်သုံးဆီနှင့် မြေသြဇာတင်ပို့မှုများကို တိုးမြှင့်လုပ်ဆောင်နေကြောင်း ပြောကြားလိုက်သည်။အာဖရိက၏ အကြီးဆုံးဖြစ်သော အဆိုပါရေနံချက်စက်ရုံသည် တစ်နေ့လျှင် စည်ပေါင်း ၆၅၀,၀၀၀ ထုတ်လုပ်နိုင်သည့် အမြင့်ဆုံးပမာဏဖြင့် လည်ပတ် နေပြီး လက်ရှိတွင် အာဖရိကနိုင်ငံများသို့ ဓာတ်ဆီသင်္ဘော ၁၇ စင်း တင်ပို့ပြီးဖြစ်ကြောင်း စက်ရုံပိုင်ရှင် Aliko Dangote က တနင်္လာနေ့ (ဧပြီ ၆) တွင် ပြောကြားခဲ့သည်။ ထို့အပြင် ဝယ်ယူသူများက အခြားသော အစားထိုးထောက်ပံ့မှုများကို ရှာဖွေနေကြသဖြင့် ယူရီးယား (Urea) ဓာတ်မြေသြဇာ တင်ပို့မှုကိုလည်း မြှင့်တင်ထားကြောင်း ၎င်းက ဆက်လက် ပြောဆိုခဲ့သည်။လာဂို့စ် (Lagos) မြို့ပြင်ရှိ ၎င်း၏ကြီးမားသောစက်ရုံဝင်းအတွင်း လှည့်လည်ကြည့်ရှုစဉ် ဘီလျံနာကြီး Dangote က “ကျွန်တော် အာမခံနိုင်တာ ကတော့ နိုင်ဂျီးရီးယားနိုင်ငံသားတွေအပြင် အနောက်အာဖရိက၊ အလယ်ပိုင်းအာဖရိကနဲ့ အရှေ့အာဖရိက ဒေသအများစုကို ထောက်ပံ့ပေးနိုင်စွမ်း ကျွန်တော်တို့မှာ ရှိပါတယ်” ဟု Reuters သတင်းဌာနသို့ ပြောကြားခဲ့သည်။ယခင်က အဓိကဦးတည်ထားခြင်းမရှိသော အာဖရိကစျေးကွက်များသို့ ဓာတ်မြေသြဇာတင်ပို့မှုများကို ပိုမိုဦးတည်လုပ်ဆောင်နေကြောင်း Dangote က ဆိုသည်။ အဆိုပါစက်ရုံသည် တစ်နှစ်လျှင် ယူရီးယားဓာတ်မြေသြဇာ မက်ထရစ်တန်ချိန် ၃ သန်း အထိ ထုတ်လုပ်နိုင်ပြီး ပုံမှန်အားဖြင့် တင်ပို့မှု အများစုမှာ အမေရိကန်နှင့် တောင်အမေရိကသို့ ဦးတည်ခြင်းဖြစ်ကြောင်း တာဝန်ရှိသူများ၏ ပြောကြားချက်အရ သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 7-Apr-2026
အမေရိကန်၏ အာရှမဟာမိတ်များ စီးပွားရေးအကျပ်အတည်းမှ လွတ်မြောက်ရန် နည်းလမ်းရှာဖွေနေကြရ
အမေရိကန်၏ အာရှမဟာမိတ်များ စီးပွားရေးအကျပ်အတည်းမှ လွတ်မြောက်ရန် နည်းလမ်းရှာဖွေနေကြရ
သမ္မတ ဒေါ်နယ်ထရမ့်၏ အီရန်အပေါ် ဆင်နွှဲနေသောစစ်ပွဲကြောင့် ကမ္ဘာလုံးဆိုင်ရာ သမိုင်းဝင် စွမ်းအင်အကျပ်အတည်း ဖြစ်ပွားနေချိန်တွင် အမေရိကန်၏ အဓိကစစ်ဘက်မဟာမိတ် အချို့သည် ၎င်းတို့၏ စီးပွားရေးကို တည်ငြိမ်အောင်ထိန်းသိမ်းနိုင်ရန် အီရန်အစိုးရထံ တိုက်ရိုက် အကူအညီ တောင်းခံလာကြသည်။ဟော်မုဇ်ရေလက်ကြားရှိ အရေးပါသော ရေနံစိမ်းသယ်ယူပို့ဆောင်ရေးလမ်းကြောင်းကို ပြန်လည်ဖွင့်လှစ်ရန် ထရမ့်၏ကြိုးပမ်းမှုအပေါ် အားကိုးမည့်အစား အရှေ့အလယ်ပိုင်းမှ ရေနံနှင့် သဘာဝဓာတ်ငွေ့အပေါ် အလွန်အမင်းမှီခိုနေရသည့် ဂျပန်နှင့်ဖိလစ်ပိုင်နိုင်ငံတို့သည် အီရန်နှင့် သဘောတူညီမှုများရရှိရန် ကြိုးပမ်းလာကြသည်။ တစ်ချိန်တည်းမှာပင် တောင်ကိုရီးယားသည်လည်း အခြားဒေသတွင်းနိုင်ငံများထံမှ အကူအညီများကို ရှာဖွေလျက်ရှိသည်။အပြည်ပြည်ဆိုင်ရာ စွမ်းအင်အေဂျင်စီ (IEA) ၏ အဆိုအရ ဟော်မုဇ် ရေလက်ကြားကို ဖြတ်သန်းသယ်ယူနေသော ရေနံနှင့်သဘာဝဓာတ်ငွေ့ ပမာဏသည် တစ်ကမ္ဘာလုံးစားသုံးမှု၏ 20% ရှိပြီး ယင်းတို့အနက် အများစုမှာ အာရှသို့ ဦးတည်ခြင်းဖြစ်သည်။ပြီးခဲ့သည့် သီတင်းပတ်က မိန့်ခွန်းတစ်ခုတွင် ထရမ့်သည် ဟော်မုဇ် ရေလက်ကြားအပေါ် အမေရိကန်၏မှီခိုမှုကို လျှော့ချပြောဆိုခဲ့ပြီး အဆိုပါ လမ်းကြောင်းမှတစ်ဆင့် ရေနံသယ်ယူမှုကို မှီခိုနေရသော အခြားနိုင်ငံများအနေဖြင့် ထိုလမ်းကြောင်း ဘေးကင်းရေးအတွက် ဦးဆောင်ရန်နှင့် တာဝန်ယူရန် တိုက်တွန်းခဲ့သည်။ဂျပန်အခြေစိုက် NHK သတင်းဌာန၏အဆိုအရ ဂျပန်နှင့်ဆက်နွှယ်သည့် သင်္ဘောအချို့သည် မကြာသေးမီ ရက်ပိုင်းအတွင်းက ရေလက်ကြားကို ဖြတ်သန်းသွားခဲ့ကြောင်း သိရှိရသည်။ ထို့ပြင် ဝန်ကြီးချုပ် စာနာအဲ တာကာအိချီ (Sanae Takaichi) က အီရန်သမ္မတနှင့် ဆွေးနွေးမှုများပြုလုပ်ရန် စီစဉ်နေကြောင်း တနင်္လာနေ့ (ဧပြီ ၆) တွင် ပြောကြားခဲ့သည်။တောင်ကိုရီးယား အစိုးရသည်လည်း လက်ရှိတွင် ဟော်မုဇ် ရေလက်ကြား ၌ ပိတ်မိနေသော တောင်ကိုရီးယားအလံတင် သင်္ဘော ၂၆ စီး ဘေးကင်းစွာ ဖြတ်သန်းနိုင်ရေးအတွက် နည်းလမ်းများ ရှာဖွေနေသည်။ အလားတူပင် ရေနံစိမ်းနှင့် နက်ဖ်သာ (Naphtha) စွမ်းအင် အစားထိုး ရရှိနိုင်ရေး အတွက် ကာဇက်စတန်၊ အိုမန်နှင့် ဆော်ဒီအာရေဗျ နိုင်ငံများသို့ အထူး ကိုယ်စားလှယ်တစ်ဦး စေလွှတ်မည်ဖြစ်ကြောင်း ဆိုးလ်က အင်္ဂါနေ့ (ဧပြီ ၇) တွင် ထုတ်ပြန်ခဲ့သည်။ပြီးခဲ့သည့် သီတင်းပတ်က ဖိလစ်ပိုင်နိုင်ငံခြားရေးဝန်ကြီးသည် ဖိလစ်ပိုင် အလံတင်သင်္ဘောများ၊ စွမ်းအင်အရင်းအမြစ်များနှင့် ဖိလစ်ပိုင် သင်္ဘောသားများအားလုံး အဆိုပါရေလက်ကြားကို ဘေးအန္တရာယ်ကင်းပြီး လျင်မြန်စွာဖြတ်သန်းနိုင်ရေးအတွက် အီရန် နိုင်ငံခြားရေးဝန်ကြီးဌာန ထံမှ ကတိကဝတ်များ ရရှိခဲ့သည်။ထို့ပြင် အိန္ဒိယနှင့် ပါကစ္စတန်အပါအဝင် အခြားအာရှနိုင်ငံများသည်လည်း သင်္ဘောအချို့ဘေးကင်းစွာ ဖြတ်သန်းနိုင်ရေးအတွက် အီရန်နှင့် သဘောတူညီမှုများ ရရှိထားကြပြီဖြစ်သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 7-Apr-2026
နတ်တလင်းမြို့၌ ရေဆင်းပေါ်ဆန်း-၁ နှင့် ရေဆင်းပေါ်ဆန်း-၂ စပါးမျိုးများစိုက်ပျိုး
နတ်တလင်းမြို့၌ ရေဆင်းပေါ်ဆန်း-၁ နှင့် ရေဆင်းပေါ်ဆန်း-၂ စပါးမျိုးများစိုက်ပျိုး
နတ်တလင်း ဧပြီ ၆ ပဲခူးတိုင်းဒေသကြီး နတ်တလင်းမြို့နယ်တွင် ၂၀၂၅-၂၀၂၆ နွေစပါးစိုက်ပျိုးရာသီ၌ (နွေစပါး၊ မိုးစပါး) အဖြစ်စိုက်ပျိုးနိုင်ပြီး အထွက်နှုန်းနှင့် အရည်အသွေးကောင်းပြီး ဈေးကွက်ဝယ်လိုအားမြင့်မားသော စပါးမျိုးများဖြစ်သည့် ရေဆင်းပေါ်ဆန်း-၁ စပါးမျိုး၊ မျိုးသန့်ပွားစိုက်ပျိုး ထုတ်လုပ်ခြင်း ဧက ၄၀ နှင့် ရေဆင်းပေါ်ဆန်း-၂ စပါးမျိုး ၁၅ ဧကတို့ မျိုးသန့်ပွား စိုက်ပျိုးထုတ်လုပ်လျက်ရှိသည်။ နတ်တလင်းမြို့နယ်အနေဖြင့် ၂၀၂၆- ၂၀၂၇ မိုးစပါးစိုက်ပျိုးရာသီတွင် အထွက်ကောင်း၊ အရည်အသွေးကောင်း ရေဆင်းပေါ်ဆန်း-၁ စပါးမျိုး ၁၈၁ ဧက၊ ရေဆင်းပေါ်ဆန်း-၂ စပါးမျိုး ၁၈၂ ဧက၊ တောင်ပျံမွှေး စပါးမျိုး ဧက ၅၀ နှင့် ငကျွဲမွှေးစပါးမျိုး ဧက ၃၀ တို့ကို ဆက်လက်မျိုးသန့်ပွားစိုက်ပျိုးသွားရန် လျာထားဆောင်ရွက်လျက်ရှိရာ သဘာဝမြေဩဇာနှင့် ဓာတ်မြေဩဇာများ အချိန်ကိုက်အချိုးညီ ထည့်သွင်းခြင်းနှင့် သဘာဝမြေဆွေး ပြုလုပ်သုံးစွဲတတ်စေရန် နည်းပညာပေးလုပ်ငန်းများ ဆောင်ရွက်ပေးလျက်ရှိကြောင်း သိရသည်။ဝေယံဖြိုး(ပြန်/ဆက်)MDN
Tue, 7-Apr-2026
အရှေ့အလယ်ပိုင်းပဋိပက္ခကြောင့် ဒေသတစ်ခုလုံး မီးဟုန်းဟုန်းတောက်နေပြီး ကမ္ဘာ့စီးပွားရေး ရိုက်ခတ်မှုများဖြစ်ပေါ်နေကြောင်း ရုရှား သတိပေး
အရှေ့အလယ်ပိုင်းပဋိပက္ခကြောင့် ဒေသတစ်ခုလုံး မီးဟုန်းဟုန်းတောက်နေပြီး ကမ္ဘာ့စီးပွားရေး ရိုက်ခတ်မှုများဖြစ်ပေါ်နေကြောင်း ရုရှား သတိပေး
အမေရိကန်နှင့်အစ္စရေးတို့၏ အီရန်အပေါ် ကျူးကျော်တိုက်ခိုက်မှုများကြောင့် အရှေ့အလယ်ပိုင်းဒေသတစ်ခုလုံးမှာ “မီးဟုန်းဟုန်းတောက်” သကဲ့သို့ အခြေအနေဆိုးရွားနေပြီး ယင်းမှာ မိမိတို့ ကြိုတင် သတိပေးခဲ့သည့်အတိုင်း အန္တရာယ်ရှိသော နောက်ဆက်တွဲရလဒ်များဖြစ်ကြောင်း ကရင်မလင်ပြောရေးဆိုခွင့်ရှိသူ ဒမီထရီ ပက်စကော့ဗ်က ပြောကြားလိုက်သည်။ ဖေဖော်ဝါရီ ၂၈ ရက်တွင် စတင်ခဲ့သည့် အဆိုပါပဋိပက္ခကြောင့် စစ်ရေးနယ်ပယ်မှာ ဒေသတွင်းသို့ ကျယ်ပြန့်လာခဲ့ပြီး ကမ္ဘာ့စီးပွားရေးနှင့် စွမ်းအင်ကဏ္ဍတို့တွင်လည်း အလွန်ဆိုးရွားသည့် ရိုက်ခတ်မှုများဖြစ်ပေါ် လျက်ရှိကြောင်း ၎င်းက ထောက်ပြခဲ့သည်။ပြီးခဲ့သည့် တနင်္ဂနွေနေ့ (ဧပြီ ၅) က အမေရိကန်သမ္မတ ဒေါ်နယ်ထရမ့် သည် ၎င်း၏ လူမှုကွန်ရက်စာမျက်နှာမှတစ်ဆင့် အီရန်အစိုးရအား ရိုင်းစိုင်းကြမ်းတမ်းသော စကားလုံးများဖြင့် သတိပေးခဲ့ပြီး ပိတ်ဆို့ထားသည့်ဟော်မုဇ်ရေလက်ကြားအား အင်္ဂါနေ့ (ဧပြီ ၇) နောက်ဆုံးထား၍ပြန်လည်ဖွင့်လှစ်ပေးခြင်းမရှိပါက အီရန်၏ လျှပ်စစ်ဓာတ်အားပေး စက်ရုံ များနှင့် တံတားများကို ဖျက်ဆီးပစ်မည်ဟု ခြိမ်းခြောက်ခဲ့သည်။ အီရန်ဘက်ကမူ အဆိုပါရေကြောင်းလမ်းကို အမေရိကန်နှင့် ၎င်း၏ မဟာမိတ်များ၏ ရေနံတင်ပို့မှုများအတွက်သာ ပိတ်ထားခြင်းဖြစ်ကြောင်း တုံ့ပြန်ထားပြီး ထရမ့်၏ ပြောဆိုချက်များနှင့်ပတ်သက်၍မူ ပက်စကော့ဗ် က မှတ်ချက်ပေးရန် ငြင်းဆိုခဲ့သည်။ပြီးခဲ့သည့်လအတွင်း အီရန်သည် အစ္စရေးနှင့် အမေရိကန်မဟာမိတ် ပင်လယ်ကွေ့နိုင်ငံများကို ဒုံးကျည်များ၊ ဒရုန်းများဖြင့် တိုက်ခိုက်ခဲ့ သကဲ့သို့ လက်ဘနွန်ရှိ ဟဇ်ဘိုလာအဖွဲ့၊ အီရတ်ပြည်သူ့စစ်များနှင့် ယီမင် ဟူသီအဖွဲ့တို့သည်လည်း အစ္စရေးနှင့် အမေရိကန်စစ်စခန်းများကို အသီးသီး တိုက်ခိုက်ခဲ့ကြသည်။ ယင်းပဋိပက္ခများကြောင့် ကမ္ဘာ့ရေနံနှင့် သဘာဝဓာတ်ငွေ့စျေးနှုန်းများ ထိုးတက်သွားခဲ့ပြီး စားသုံးသူများအတွက် လောင်စာဆီကုန်ကျစရိတ် ကြီးမြင့်လာသည့် စွမ်းအင်ဆိုင်ရာ တုန်လှုပ်မှုများ ဖြစ်ပေါ်စေခဲ့သည်။လက်ရှိတွင် အမေရိကန်၊ အီရန်နှင့် ဒေသတွင်းအကျိုးဆောင်များအကြား ၄၅ ရက်ကြာ အပစ်အခတ်ရပ်စဲရေးအတွက် ဆွေးနွေးမှုများရှိနေကြောင်း သတင်းများထွက်ပေါ်နေသော်လည်း တီဟီရန်အစိုးရကမူ ဝါရှင်တန်နှင့် တိုက်ရိုက်ဆွေးနွေးနေခြင်းမရှိကြောင်း ငြင်းဆိုထားသည်ဟု သိရှိ ရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 7-Apr-2026
ရုရှား၏ ထောက်ပံ့ကူညီမှုများကို အာမေးနီးယားအနေဖြင့် တန်ဖိုးထားသင့်ကြောင်း ရုရှား အထက်လွှတ်တော်အမတ် ပြောကြား
ရုရှား၏ ထောက်ပံ့ကူညီမှုများကို အာမေးနီးယားအနေဖြင့် တန်ဖိုးထားသင့်ကြောင်း ရုရှား အထက်လွှတ်တော်အမတ် ပြောကြား
ရုရှားက အာမေးနီးယားနိုင်ငံအပေါ် သက်သာသော သဘာဝဓာတ်ငွေ့စျေးနှုန်းများဖြင့် ကူညီထောက်ပံ့ပေးထားမှုကို အာမေးနီးယားနိုင်ငံရေး သမားများအနေဖြင့် လျှော့မတွက်သင့်ကြောင်း ရုရှားအထက်လွှတ်တော် ဒုတိယဥက္ကဋ္ဌ ကွန်စတန်တင် ကိုဆာချက်ဗ် (Konstantin Kosachev) က ပြောကြားလိုက်သည်။ အကယ်၍ ရုရှားဘက်က ဓာတ်ငွေ့ ပေးဝေမှုဆိုင်ရာ အကျိုးခံစားခွင့်အခြေအနေများကို ပြန်လည်သုံးသပ်မည်ဆိုပါက အာမေးနီးယားအနေဖြင့် ရုရှားနှင့်ပိုမိုဝေးကွာသွားနိုင်ကြောင်းအာမေးနီးယား လွှတ်တော်အမတ်တစ်ဦး၏ ပြောကြားချက်အပေါ်အထက်လွှတ်တော်အမတ် ကိုဆာချက်ဗ်က တုံ့ပြန်ပြောဆိုခဲ့ခြင်း ဖြစ်သည်။တနင်္လာနေ့ (ဧပြီ ၆) က ပြောကြားခဲ့သော ၎င်း၏မှတ်ချက်တွင် ကိုဆာချက်ဗ် က “လက်ရှိ ရုရှားဓာတ်ငွေ့စျေးနှုန်းဟာ အာမေးနီးယားရဲ့ စီးပွားရေး ကဏ္ဍအတော်များများ ဖွံ့ဖြိုးတိုးတက်ဖို့အတွက် အားကောင်းတဲ့ တွန်းအားတစ်ခုဖြစ်သလို နိုင်ငံအတွင်း လူမှုရေးနဲ့ နိုင်ငံရေးတည်ငြိမ်မှု အတွက်လည်း အရေးပါတဲ့အချက် ဖြစ်ပါတယ်” ဟု မှတ်ချက်ပြုခဲ့သည်။“အာမေးနီးယား နိုင်ငံရေးသမားတွေအနေနဲ့ စျေးနှုန်းမူဝါဒဆိုင်ရာ ဖြစ်လာနိုင်ခြေရှိတဲ့ အပြောင်းအလဲတွေအပေါ် အကြံထုတ်နေမယ့်အစား ရုရှားက အာမေးနီးယားအပေါ် ထောက်ပံ့ပေးထားမှု အတိုင်းအတာကို ထည့်သွင်းစဉ်းစားမယ်ဆိုရင် ပိုပြီးတရားမျှတလိမ့်မယ်လို့ ကျွန်တော် ထင်ပါတယ်” ဟု ရုရှားအထက်လွှတ်တော်အမတ်က ဆက်လက် ပြောကြားခဲ့သည်။ အမေရိကန်-အစ္စရေးတို့၏ အီရန်အပေါ် ကျူးကျော်မှုများကြောင့် ဥရောပတစ်လွှား ရေနံနှင့် ဓာတ်ငွေ့စျေးနှုန်းများ အဆမတန် မြင့်တက်နေချိန်တွင် အာမေးနီးယားသည် စွမ်းအင်လုံခြုံမှုပိုင်း၌ ပိုမိုသာလွန်သော အခြေအနေတွင် ရှိနေကြောင်း ၎င်းက အလေးအနက် ပြောကြားခဲ့သည်။စနေနေ့ (ဧပြီ ၄) က သတင်းထောက်များနှင့် တွေ့ဆုံရာတွင် အာမေးနီးယား အမျိုးသားလွှတ်တော်ဥက္ကဋ္ဌ အာလန် ဆီမွန်ယန် (Alen Simonyan) က အကယ်၍ ရုရှားက ဓာတ်ငွေ့စျေးနှုန်းမြှင့်တင်မည်ဆိုပါက အာမေးနီးယား အနေဖြင့် စုပေါင်းလုံခြုံရေးစာချုပ်အဖွဲ့ (CSTO) နှင့် ယူရေးရှား စီးပွားရေး သမဂ္ဂ (EAEU) တို့မှ နုတ်ထွက်သွားမည်ဖြစ်ကြောင်း အရိပ်အမြွက် ပြောကြားခဲ့သည်။ အဆိုပါ အဖွဲ့အစည်းနှစ်ခုလုံးသည် ရုရှား၊ အာမေးနီးယား၊ ဘယ်လာရုစ်၊ ကာဇက်စတန်နှင့် ကာဂျစ္စတန်တို့ အပါအဝင် ယခင်ဆိုဗီယက်ပြည်ထောင်စုဝင် နိုင်ငံဟောင်းများဖြင့် ဖွဲ့စည်းထားခြင်း ဖြစ်သည်။ပြီးခဲ့သည့်သီတင်းပတ်က မော်စကိုတွင် အာမေးနီးယားဝန်ကြီးချုပ် နီကိုးလ် ပါရှင်ယန် (Nikol Pashinyan) နှင့် တွေ့ဆုံဆွေးနွေးစဉ်အတွင်း ရုရှားသမ္မတ ဗလာဒီမာ ပူတင်က အာမေးနီးယားသည် ရုရှားဓာတ်ငွေ့ တစ်ကုဗမီတာ ၁,၀၀၀ လျှင် ၁၇၇ ဒေါ်လာသာ ပေးဆောင်နေရ သော်လည်း လက်ရှိတွင် ဥရောပသမဂ္ဂ (EU) ၌ စျေးနှုန်းမှာ ဒေါ်လာ ၆၀၀ ကျော်အထိ မြင့်တက်နေသဖြင့် ၎င်းစျေးနှုန်းနှစ်ခုကြားတွင် သိသာ ထင်ရှားသော ကွာခြားချက်ရှိကြောင်း အလေးပေးပြောကြားခဲ့သည်။မကြာသေးမီနှစ်များအတွင်း အာမေးနီးယားသည် အနောက်နိုင်ငံ လိုလားသော နိုင်ငံခြားရေးမူဝါဒဘက်သို့ ပိုမိုဦးတည်လာခဲ့ပြီး ဥရောပ သမဂ္ဂ (EU) သို့ ဝင်ရောက်ရန် ဆန္ဒရှိကြောင်း ထုတ်ဖော် ပြောဆိုခဲ့သည့်အပြင် CSTO အဖွဲ့တွင် ပါဝင်လှုပ်ရှားမှုများကိုလည်း ရပ်ဆိုင်းထားခဲ့သည်။ နာဂေါ်နို-ကရာဘတ် (Nagorno-Karabakh) ဒေသအား အင်အားသုံးသိမ်းပိုက်ခံလိုက်ရခြင်းဖြင့် အဆုံးသတ်ခဲ့သည့် အဇာဘိုင်ဂျန်နှင့် ပဋိပက္ခ ဖြစ်ပွားစဉ်အတွင်း CSTO အဖွဲ့သည် မိမိတို့နိုင်ငံအပေါ် လုံလောက်သော ထောက်ပံ့ကူညီမှုပေးရန် ပျက်ကွက်ခဲ့သည်ဟု အာမေးနီးယားက စွပ်စွဲ ထားသည်။သို့သော်လည်း အာမေးနီးယားနိုင်ငံကိုယ်တိုင်က နာဂေါ်နို-ကရာဘတ် ဒေသအား ၎င်းတို့၏ ပိုင်နက်နယ်မြေအဖြစ် တရားဝင် အသိအမှတ်ပြုခဲ့ခြင်းမရှိသည့်အတွက် ထိုဒေသအတွင်းရှိ အဇာဘိုင်ဂျန်၏ စစ်ရေး လှုပ်ရှားမှုများကို မဟာမိတ်အဖွဲ့ဝင်နိုင်ငံအပေါ် ကျူးကျော်စော်ကားမှု အဖြစ် CSTO က သတ်မှတ်၍မရနိုင်ကြောင်း ရုရှားဘက်က ပြန်လည် ချေပထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 7-Apr-2026
© Copyright 2024 SAC All Rights Reserved.