ရာဖင်ဟာ ဒဏ်ရာကြောင့် ဘာစီလိုနာအသင်း အတွက် နစ်နာကြေးယူရမည်

NoahJune222

News Image

  • ရာဖင်ဟာ ဒဏ်ရာကြောင့် ဘာစီလိုနာအသင်း အတွက် နစ်နာကြေးယူရမည်

မတ်လ ၃၁ ရက်၊ 

ဘာစီလိုနာအသင်းက တိုက်စစ်ကစားသမား ရာဖင်ဟာ၏ တံကောက်ကြောဒဏ်ရာကြောင့် ကမ္ဘာ့ဘောလုံးအဖွဲ့ချုပ် (ဖီဖာ) ထံမှ နစ်နာကြေး ယူရို ၁၄၄၀၀၀ ရရှိမည်ဖြစ်ကြောင်း သိရသည်။

ရာဖင်ဟာသည် လက်ရှိနိုင်ငံတကာပွဲစဉ်ကာလအတွင်း ဘရာဇီးအသင်းနှင့်အတူ နိုင်ငံတကာခြေစမ်းပွဲစဉ်များတွင် ပါဝင်ကစားစဉ် တံကောက်ကြောဒဏ်ရာရရှိခဲ့ပြီး တစ်လခန့်အနားယူရမည်ဖြစ်သည်။ ထို့ကြောင့် ဘာစီလိုနာအသင်းအနေဖြင့် ဖီဖာထံမှ နစ်နာကြေးရရှိမည်ဖြစ်သည်။

ကမ္ဘာ့ဘောလုံးအဖွဲ့ချုပ် (ဖီဖာ) သတ်မှတ်ချက်အရ နိုင်ငံတကာပွဲစဉ်အတွက် လက်ရွေးစင်အသင်းများထံ လာကစားသည့် ကစားသမားများ ဒဏ်ရာရရှိပါက သက်ဆိုင်ရာကလပ်အသင်းများအတွက် နစ်နာကြေး ပေးအပ်ရန် လိုအပ်သည်။ ယခုအခါ ရာဖင်ဟာသည် တံကောက်ကြောဒဏ်ရာကြောင့် တစ်လခန့်အနားယူရမည်ဖြစ်ပြီး တစ်နေ့လျှင် ယူရို ၂၀၅၀၀ အဖြစ် ငွေချေးအပ်ခံရမည်ဖြစ်သည်။

ရာဖင်ဟာသည် တံကောက်ကြောဒဏ်ရာကြောင့် လာမည့်ပွဲစဉ်အများစုကို လွဲချော်ရမည်ဖြစ်ပြီး ရာသီကုန်အထိ အနားယူရနိုင်မည့်အခြေအနေရှိနေကြောင်း သိရသည်။

Ref: Fabrizio Romano

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

‌ဧပြီလအတွက် ကမ္ဘာ့အဆင့် သတ်မှတ်ချက်တွင် အပြောင်းအလဲများဖြစ်ခဲ့ပြီး ပြင်သစ်အသင်း ထိပ်ဆုံး၌ရပ်တည်
‌ဧပြီလအတွက် ကမ္ဘာ့အဆင့် သတ်မှတ်ချက်တွင် အပြောင်းအလဲများဖြစ်ခဲ့ပြီး ပြင်သစ်အသင်း ထိပ်ဆုံး၌ရပ်တည်
ဇူးရစ်   ဧပြီ   ၂      ကမ္ဘာ့ဘောလုံးအဖွဲ့ချုပ် (ဖီဖာ) က ဧပြီလအတွက် ကမ္ဘာ့အဆင့်သတ်မှတ်ချက်ထုတ်ပြန်ရာတွင်   အဆင့် အပြောင်းအလဲများဖြစ်ခဲ့ပြီး   ပြင်သစ်အသင်းအနေဖြင့် ကမ္ဘာ့အဆင့်(၁)နေရာ၌ ရပ်တည်နိုင်ခဲ့ကြောင်း သိရသည်။ဧပြီလအတွက် ကမ္ဘာ့အဆင့်သတ်မှတ်ချက်တွင် ပြင်သစ်အသင်းသည် နှစ်ဆင့်မြင့်တက်လာပြီး နောက် စပိန်အသင်းကို ကျော်ဖြတ်ကာ ကမ္ဘာ့အဆင့် (၁)နေရာသို့ ရောက်ရှိလာခဲ့ခြင်းဖြစ်သည်။ပြီးခဲ့သည့်လအတွက် ကမ္ဘာ့အဆင့်သတ်မှတ်ချက် အဆင့်(၁)နေရာ၌ ဦးဆောင်ခဲ့သည့် စပိန်အသင်းသည်  တစ်ဆင့်ကျဆင်းပြီးနောက်  ကမ္ဘာ့အဆင့်(၂)နေရာသို့ ကျဆင်းခဲ့ရပြီး ထိပ်ဆုံး ၁၀ သင်းစာရင်းတွင် အဆင့်ရပ်တည်မှုပြောင်းလဲခဲ့သည့် အသင်းများအဖြစ် စပိန်အသင်းနှင့်အတူ  အာဂျင်တီးနားအသင်း၊ ပေါ်တူဂီအသင်းနှင့်   ဘရာဇီးအသင်းတို့ပါဝင်ခဲ့ကြ သည်။ကမ္ဘာ့ဘောလုံးအဖွဲ့ချုပ်၏      ဧပြီလအတွက် ကမ္ဘာ့အဆင့်သတ်မှတ်ချက်၏  ထိပ်ဆုံး  ၁၀  သင်း စာရင်းတွင် ပြင်သစ်အသင်းနောက်၌   စပိန်အသင်း က အဆင့်(၂)၊  အာဂျင်တီးနားအသင်းကလည်း တစ်ဆင့်ကျဆင်းခဲ့ပြီး    အဆင့်(၃)၊  အင်္ဂလန်အသင်း က အဆင့်(၄)၊ ပေါ်တူဂီအသင်းက တစ်ဆင့်မြင့်တက်လာပြီး  အဆင့်(၅)၊     ဘရာဇီးအသင်းက တစ်ဆင့် ကျဆင်းခဲ့ပြီး   အဆင့်(၆)၊    နယ်သာလန်အသင်းက အဆင့်(၇)၊ မော်ရိုကိုအသင်းက အဆင့်(၈)၊ ဘယ်လ်ဂျီ ယံအသင်းက အဆင့်(၉)နှင့် ဂျာမနီအသင်းက အဆင့် (၁၀)နေရာ၌    အသီးသီး ရပ်တည်နေကြောင်း   သိရသည်။         MWD
Fri, 3-Apr-2026
နော်တင်ဟမ်အသင်းက ကွင်းလယ်ကစားသမား အန်ဒါဆန်အတွက် ပြောင်းရွှေ့ကြေးကို စတာလင်ပေါင် သန်း ၁၀၀ သတ်မှတ်
နော်တင်ဟမ်အသင်းက ကွင်းလယ်ကစားသမား အန်ဒါဆန်အတွက် ပြောင်းရွှေ့ကြေးကို စတာလင်ပေါင် သန်း ၁၀၀ သတ်မှတ်
လန်ဒန်  ဧပြီ   ၂‌      နော်တင်ဟမ်အသင်းက ထိပ်တန်းအသင်းကြီး များက ခေါ်ယူလိုနေသည့် အသင်းမှ ကွင်းလယ်ကစား သမား အန်ဒါဆန်အတွက် ပြောင်းရွှေ့ကြေးကို စတာလင်ပေါင်  သန်း  ၁၀၀ သတ်မှတ်ခဲ့ကြောင်း     သိရသည်။အသက် ၂၃ နှစ်အရွယ် အန်ဒါဆန်သည်  နယူး ကာဆယ်အသင်းတွင်  ကစားခွင့်မရရှိသည့်အတွက် ၂၀၂၄ ခုနှစ်က နော်တင်ဟမ်အသင်းသို့ ပြောင်းရွှေ့ ကစားခဲ့ပြီး  အသင်းနှင့်အတူ အကောင်းဆုံးခြေစွမ်း ပြနိုင်ခဲ့သူဖြစ်သည်။အန်ဒါဆန်သည် ယခုဘောလုံးရာသီတွင်လည်း နော်တင်ဟမ်အသင်းနှင့်အတူ အကောင်းဆုံးခြေစွမ်း ပြလျက်ရှိနေသည့်အတွက် လာမည့်နွေရာသီ ကစားသမား အပြောင်းအရွှေ့ကာလတွင်  မန်ချက်စတာမြို့ခံနှစ်သင်းဖြစ်သည့်   မန်စီးတီးအသင်းနှင့် မန်ယူအသင်းတို့က အပြိုင်ခေါ်ယူရန်ပြင်ဆင်နေခြင်း ဖြစ်သည်။မန်ယူအသင်းသည်  ယခုဘောလုံးရာသီ အကုန်တွင် အသင်းမှ ဝါရင့်ကွင်းလယ်ကစားသမား ကက်စ်မဲရိုး ထွက်ခွာမည်ဖြစ်သည့်အတွက် အန်ဒါဆန်နှင့်အစားထိုး လိုနေပြီး   မန်စီးတီးအသင်းကလည်း   ကွင်းလယ် ကစားသမား   အင်အားဖြည့်တင်းလိုသည့်အတွက် အန်ဒါဆန်ကို ခေါ်ယူလိုနေခြင်းဖြစ်သည်။အန်ဒါဆန်ကို   ၂၀၂၅ ခုနှစ် နွေရာသီကစားသမား  အပြောင်းအရွှေ့ ကာလကတည်းက ထိပ်တန်းအသင်း ကြီးများက ခေါ်ယူရန် တရားဝင် ကမ်းလှမ်းမှုများ လုပ်ဆောင်ခဲ့သော်လည်း နော်တင်ဟမ်အသင်းက ပယ်ချခဲ့ပြီး လာမည့်နွေရာသီကစားသမားအပြောင်း အရွှေ့ကာလတွင် အန်ဒါဆန်ကိုယ်တိုင်က အသင်းမှ ထွက်ခွာလိုသည့်အတွက်  နော်တင်ဟမ်အသင်းက ဆက်လက်ထိန်းထားရန် ခက်ခဲနိုင်သည့်  အခြေအနေများကြောင့် မြင့်မားသည့်ပြောင်းရွှေ့ကြေးဖြစ်သည့် စတာလင်ပေါင်  သန်း   ၁၀၀   သတ်မှတ်ခဲ့ခြင်းဖြစ် သည်။မန်စီးတီးအသင်းနှင့်  မန်ယူအသင်းတို့ကလည်း နော်တင်ဟမ်အသင်း သတ်မှတ်ထားသည့် ပြောင်းရွှေ့ ကြေး စတာလင်ပေါင် သန်း ၁၀၀ကို ပေးချေရန်အသင့် ရှိနေသည့်အတွက် အန်ဒါဆန်အနေဖြင့် ပြောင်းရွှေ့ မည့်အသင်းကိုသာ  ရွေးချယ်ရဖွယ်ရှိကြောင်း  သိရသည်။MWD
Fri, 3-Apr-2026
ဘာသာပေါင်းစုံချစ်ကြည် ညီညွတ်ရေး အဖွဲ့မှ ဒသမအကြိမ်မြောက် စုပေါင်းသွေးလှူဒါန်းပွဲကျင်းပ
ဘာသာပေါင်းစုံချစ်ကြည် ညီညွတ်ရေး အဖွဲ့မှ ဒသမအကြိမ်မြောက် စုပေါင်းသွေးလှူဒါန်းပွဲကျင်းပ
ရန်ကုန်   ဧပြီ  ၂                               နိုင်ငံတော်ကာကွယ်ရေးနှင့် လုံခြုံရေးတာဝန်ကို ထမ်းဆောင်လျက်ရှိကြသော တပ်မတော်သားအပေါင်းတို့အား ဂုဏ်ပြုသောအားဖြင့် ပြည်ထောင်စုသမ္မတမြန်မာနိုင်ငံတော်   ဘာသာပေါင်းစုံချစ်ကြည် ညီညွတ်ရေးအဖွဲ့မှ ဒသမအကြိမ်မြောက် ဒါနဥပပါရမီ စုပေါင်းသွေးလှူဒါန်းပွဲကို ယနေ့နံနက်ပိုင်းတွင် ရန်ကုန်မြို့တပ်မတော်ဆေးရုံကြီး(ခုတင်-၁၀၀၀)၌ ပြုလုပ်သည်။အဆိုပါ သွေးလှူဒါန်းပွဲသို့ ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းနှင့် တိုင်းဒေသကြီးအစိုးရ  အဖွဲ့ဝင်များ၊တပ်မတော်ဆေးရုံကြီး(ခုတင်-၁၀၀၀) တပ်မှူး ဗိုလ်မှူးချုပ်မြင့်ဇော်၊ ပြည်ထောင်စုသမ္မတ မြန်မာနိုင်ငံတော် ဘာသာပေါင်းစုံချစ်ကြည် ညီညွတ်ရေးအဖွဲ့ ဥက္ကဋ္ဌ ဦးဝဏ္ဏ၊ ဗဟိုဒုတိယဥက္ကဋ္ဌများ ဖြစ်ကြသည့် ဦးကျော်ဇင်လတ်(ဟိန္ဒူဘာသာ)၊ ဦးဗိုလ်ဗိုလ်မောင် (အစ္စလာမ်ဘာသာ)နှင့် ဘာသာပေါင်းစုံချစ်ကြည်ညီညွတ်ရေး အဖွဲ့ဝင်များနှင့် တာဝန်ရှိသူများ  တက်ရောက်ခဲ့ကြသည်။ဦးစွာ သွေးလှူဒါန်းကြမည့် သွေးအလှူရှင်များအား တပ်မတော်ဆေးတပ်ဖွဲ့ဝင်များက ကျန်းမာရေးစစ်ဆေးခြင်းများ ဆောင်ရွက်ပြီး  သွေးလှူဒါန်းခြင်းကို ဆောင်ရွက်ခဲ့ကြရာ အဆိုပါသွေးလှူဒါန်းနေမှုများအား ရန်ကုန်တိုင်းဒေသကြီးဝန်ကြီးချုပ်  ဦးစိုးသိန်း၊ တိုင်းဒေသကြီးအစိုးရအဖွဲ့ဝင်များနှင့် တာဝန်ရှိသူများက   လိုက်လံကြည့်ရှုအားပေးပြီး    အာဟာရပြည့်စားသောက်ဖွယ်ရာများ ပေးအပ်ခဲ့သည်။ဆက်လက်ပြီး ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းက တပ်မတော် ဆေးရုံကြီး(ခုတင်-၁၀၀၀)နှင့် ပြည်ထောင်စု သမ္မတမြန်မာနိုင်ငံတော် ဘာသာပေါင်းစုံ ချစ်ကြည်ညီညွတ်ရေးအဖွဲ့အတွက် အလှူငွေများပေးအပ်ရာ  တပ်မတော်ဆေးရုံကြီး (ခုတင်-၁၀၀၀)တပ်မှူး ဗိုလ်မှူးချုပ်မြင့်ဇော်နှင့် ပြည်ထောင်စုသမ္မတ မြန်မာနိုင်ငံတော် ဘာသာပေါင်းစုံ  ချစ်ကြည်ညီညွတ်ရေးအဖွဲ့ဥက္ကဋ္ဌ   ဦးဝဏ္ဏတို့က လက်ခံရယူခဲ့သည်။ပြည်ထောင်စုသမ္မတ မြန်မာနိုင်ငံတော် ဘာသာပေါင်းစုံ   ချစ်ကြည်ညီညွတ်ရေး အဖွဲ့သည်    စုပေါင်းသွေးလှူဒါန်းပွဲကို လေးလတစ်ကြိမ် ကျင်းပလျက်ရှိရာ ယနေ့ကျင်းပသည့် ဒသမအကြိမ်မြောက် သွေးလှူဒါန်းပွဲတွင် သွေးအလှူရှင်  ၂၂၇ ဦးရှိကြောင်း သိရသည်။           MWD
Fri, 3-Apr-2026
လုပ်ငန်းခွင်ထိခိုက်မှုကြောင့် ဆေးကုသမှု ခံယူရင်းမှ ကွယ်လွန်ခဲ့ရသည့် မြန်မာအလုပ်သမား မောင်စန်းယု၏ ကိစ္စရပ်များကို အလုပ်သမားဝန်ကြီးဌာနနှင့် မြန်မာသံရုံး၊ ဆိုးလ်တို့က လိုအပ်သည်များ ကူညီဆောင်ရွက်ပေး
လုပ်ငန်းခွင်ထိခိုက်မှုကြောင့် ဆေးကုသမှု ခံယူရင်းမှ ကွယ်လွန်ခဲ့ရသည့် မြန်မာအလုပ်သမား မောင်စန်းယု၏ ကိစ္စရပ်များကို အလုပ်သမားဝန်ကြီးဌာနနှင့် မြန်မာသံရုံး၊ ဆိုးလ်တို့က လိုအပ်သည်များ ကူညီဆောင်ရွက်ပေး
ဆိုးလ်  ဧပြီ   ၂      ကိုရီးယားသမ္မတနိုင်ငံ၊ ဂယောင်းဂီပြည်နယ်၊ ဟွာဆောင်းမြို့ရှိ သတ္တုပစ္စည်းနှင့်အစိတ်အပိုင်းများ  ထုတ်လုပ်သော MARU TECH စက်ရုံတွင်  တရားဝင် လာရောက်လုပ်ကိုင်လျက်ရှိသည့် မြန်မာအလုပ်သမား မောင်စန်းယုသည် ၂၀၂၆ ခုနှစ်၊ မတ်လ ၂၄ ရက်နေ့တွင် အလုပ်လုပ်ကိုင်နေစဉ် စက်အတွင်းခန္ဓာကိုယ် ညှပ်ဝင်သွားခဲ့ပြီး ဦးခေါင်းခွံနှင့်မျက်ရိုးများ ကျိုးပဲ့ခြင်း၊ လည်ပင်းဆစ်ရိုးလွဲသွားခြင်းစသည့်ဒဏ်ရာများရရှိခဲ့ရာမှ ဦးနှောက်တွင်းသွေးယိုစိမ့်ခြင်း၊ အောက်ဆီဂျင်မရရှိခြင်းတို့ကြောင့် နှလုံးရပ်တန့်သွားခဲ့ပါသည်။အလုပ်ရှင်မှ ဆူဝမ်မြို့ Ajou တက္ကသိုလ်ဆေးရုံသို့ အရေးပေါ်ပို့ဆောင်ပေးခဲ့ရာ Cardiac Arrest ကုသမှုကြောင့် နှလုံးပြန်လည်ခုန်ရန် ပြန်လည်ပြုလုပ်နိုင်ခဲ့သော်လည်း အဆုတ်နှင့် သွေးကြောမကြီးများတွင် ဒဏ်ရာရရှိခြင်းနှင့်အတူ နှလုံးခုန်နေမှုသာရှိပြီး ဦးနှောက်အလုပ်မလုပ်တော့သည့် အခြေအနေတွင် အလုပ်ရှင်သည် မြန်မာသံရုံး၊ ဆိုးလ်မြို့သို့ ၂၀၂၆ ခုနှစ်၊ မတ်လ ၂၇ ရက်နေ့၌ ဆက်သွယ်လာခဲ့ပါသည်။မြန်မာသံရုံး၊ ဆိုးလ်မြို့က သက်ဆိုင်ရာများနှင့် လိုအပ်သည့်ဆက်သွယ်မှုများပြုလုပ်ပြီး သံရုံးရှိ အလုပ်သမားသံအရာရှိသည် ဆူဝမ်မြို့ရှိ Ajou တက္ကသိုလ်ဆေးရုံသို့ ၂၀၂၆ ခုနှစ်၊  မတ်လ  ၂၈  ရက်နေ့တွင် သွားရောက်ကာ ဆေးရုံတာဝန်ရှိသူများနှင့်တွေ့ဆုံမေးမြန်းခြင်း၊ ICU ခန်းအတွင်းရှိလူနာ၏အခြေအနေအားကြည့်ရှုခြင်းများ ဆောင်ရွက်ခဲ့ရာ မြန်မာအလုပ်သမားလူနာသည် နှလုံးခုန်နေရုံမျှသာရှိနေပြီး ဆေးအထောက်အကူပစ္စည်းများဖြင့်သာ အသက်ရှင်နေသည့်   အနေအထားတွင်   ရှိနေကြောင်း သိရှိခဲ့ရပါသည်။တစ်ဆက်တည်းမှာပင် ဆိုးလ်မြို့တွင် အလုပ်လုပ်ကိုင်နေသည့် ဆွေမျိုးသားချင်းတော်စပ်သူများထံ ဆက်သွယ်ပြီး လူနာအခြေအနေကို ရှင်းပြခြင်း၊ မြန်မာနိုင်ငံမှ ဇနီးဖြစ်သူထံ Video Call ခေါ်ဆို၍ အခြေအနေအား ရှင်းပြခြင်းတို့ဆောင်ရွက်ခဲ့ပါသည်။ မောင်စန်းယု၏ ဆေးကုသမှုခံယူနေမှုနှင့် စပ်လျဉ်း၍   အဆုံးအဖြတ်ပေးနိုင်သည့် ဇနီးဖြစ်သူ  ဒေါ်အိအိသွယ်၏ ဆန္ဒအရ ဆိုးလ်မြို့သို့ လာရောက်နိုင်ရေးအတွက်    မြန်မာသံရုံး၊   ဆိုးလ်မြို့က ကိုရီးယားသမ္မတနိုင်ငံဆိုင်ရာ၊ မြန်မာသံရုံး(ရန်ကုန်မြို့)ထံ ဆက်သွယ်ကာ   လိုအပ်သည်များ   ညှိနှိုင်းဆောင်ရွက်ပေးခဲ့ပါသည်။မောင်စန်းယုသည် ၃၁-၃-၂၀၂၆ ရက်နေ့ နံနက် ၀၉:၃၀ အချိန်တွင် ကွယ်လွန်သွားခဲ့ရာ သေဆုံးသူ၏ဇနီးဖြစ်သူ ဒေါ်အိအိသွယ်နှင့် အဒေါ်ဖြစ်သူတို့ ဆိုးလ်မြို့သို့ လိုက်လာသည့်ခရီးစဉ်  အဆင်ပြေချောမွေ့စေရေးအတွက်  အလုပ်သမားဝန်ကြီးဌာန၊ အစိုးရပြည်ပအလုပ်အကိုင်အေဂျင်စီက လိုက်ပါကူညီဆောင်ရွက်ပေးခဲ့ပါသည်။ကွယ်လွန်သူ   မောင်စန်းယု၏ဇနီး ဒေါ်အိအိသွယ်နှင့်အဒေါ်တို့သည် အင်ချွန်း အပြည်ပြည်ဆိုင်ရာလေဆိပ်သို့ ၂-၄-၂၀၂၆ ရက်နေ့ နေ့လယ်ပိုင်းတွင် ရောက်ရှိခဲ့ရာ မြန်မာသံရုံး၊ အလုပ်သမားသံအရာရှိက သွားရောက်ကြိုဆိုခဲ့ပါသည်။သံရုံးယာယီတာဝန်ခံ/သံအမတ်ကြီး ဦးမျိုးမြင့်မောင်သည် ကွယ်လွန်သူ၏ဇနီးဖြစ်သူ ဒေါ်အိအိသွယ်နှင့် အဒေါ်ဖြစ်သူတို့အားတွေ့ဆုံ၍  အားပေးစကားပြောကြားခဲ့ပြီး  လိုအပ်သည်များကို  ကူညီဆောင်ရွက်ပေးခဲ့ပါသည်။ မောင်စန်းယုသည် မြန်မာနိုင်ငံတော်အစိုးရ၏ခွင့်ပြုချက်ဖြင့် တရားဝင်လာရောက် အလုပ်လုပ်ကိုင်သူဖြစ်သဖြင့် လုပ်ငန်းခွင်အတွင်း ထိခိုက်မှုကြောင့် သေဆုံးခဲ့ရမှုအတွက် ရသင့်ရထိုက်သည့်အခွင့်အရေးများ အပြည့်အဝရရှိရေးအတွက် သက်ဆိုင်ရာများနှင့်ချိတ်ဆက်ပြီး ဆက်လက်ကူညီဆောင်ရွက်ပေး သွားမည်ဖြစ်ပါသည်။ မြန်မာသံရုံး၊ ဆိုးလ်မြို့သည် ကိုရီးယားသမ္မတနိုင်ငံတွင် ရောက်ရှိနေသည့်တရားဝင် အလုပ်လုပ်ကိုင်နေသူ အလုပ်သမားများ၊ ပညာတော်သင်များအပါအဝင် အကြောင်းအမျိုးမျိုးဖြင့် ရောက်ရှိနေသော မြန်မာနိုင်ငံသားများ၏ အရေးကိစ္စနှင့်ပတ်သက်၍ သိရှိရမှုအပေါ်မူတည်ပြီး   လိုအပ်သည့် ကူညီဆောင်ရွက်မှုများ၊ ချိတ်ဆက် ညှိနှိုင်းပေးမှုများ လုပ်ဆောင်ပေးလျက် ရှိကြောင်း သိရှိရပါသည်။MWD
Fri, 3-Apr-2026
မြစ်ကြီးနားမြို့ရှိ သံဃာတော်များအား ကျန်းမာရေးစောင့်ရှောက်မှုလုပ်ငန်းများဆောင်ရွက်
မြစ်ကြီးနားမြို့ရှိ သံဃာတော်များအား ကျန်းမာရေးစောင့်ရှောက်မှုလုပ်ငန်းများဆောင်ရွက်
နေပြည်တော်  ဧပြီ  ၂ တပ်မတော်အနေဖြင့် ပြည်သူလူထု၏ ကျန်းမာရေးကဏ္ဍ တိုးတက်မြင့်မားစေရန်အတွက်ကျန်းမာရေးစောင့်ရှောက်မှုလုပ်ငန်းများတွင်   တစ်ဖက်တစ်လမ်းမှကူညီစောင့်ရှောက်ပေးမှုများ ဆောင်ရွက်ပေးလျက်ရှိရာယနေ့နံနက်ပိုင်းတွင်မြောက်ပိုင်းတိုင်းစစ်ဌာနချုပ် နယ်လှည့်ဆေးကုသရေးအဖွဲ့က ကချင်ပြည်နယ်၊ မြစ်ကြီးနားမြို့ပေါ်ရှိ သံဃာတော်များအားမင်္ဂလာသုခကျောင်းတိုက်၌ အခြေပြု၍ ကျန်းမာရေးစောင့်ရှောက်မှု လုပ်ငန်းများ ဆောင်ရွက်ပေးသည်။ထိုသို့ဆောင်ရွက်ပေးရာ ဆေးကုသရေးအဖွဲ့က  သံဃာတော် ၃၀ ပါးအား ခွဲစိတ်ကုသမှုဆိုင်ရာရောဂါ၊ အရိုးအကြောရောဂါ၊   အာရုံကြောအားနည်းရောဂါ၊ အထွေထွေရောဂါတို့နှင့်ပတ်သက်၍ လိုအပ်သည့် ဆေးဝါးကုသမှုများဆောင်ရွက်ပေးခြင်း၊ ECG စက်ဖြင့် နှလုံးစမ်းသပ်စစ်ဆေးပေးခြင်း၊ ဓာတ်မှန်ရိုက်ကူး၍ ရောဂါရှာဖွေပေးခြင်းများဆောင်ရွက်ပေးပြီး ဆေးရုံတက်ရောက်ကုသရန်လိုအပ်သည့် သံဃာတော်များအား မြစ်ကြီးနားမြို့ရှိ တပ်မတော်ဆေးရုံသို့တက်ရောက်ကုသနိုင်ရေး စီစဉ်ဆောင်ရွက်ပေးသည်။ယင်းသို့ ဆောင်ရွက်ပေးနေမှုများကို မြောက်ပိုင်းတိုင်းစစ်ဌာနချုပ်မှ တာဝန်ရှိသူ များက သွားရောက်ကြည့်ရှုအားပေးပြီး လိုအပ်သည်များ ညှိနှိုင်းဆောင်ရွက်ပေးသည်။ ထို့ပြင် တိုင်းစစ်ဌာနချုပ်မှ တာဝန်ရှိသူများသည် မင်္ဂလာသုခကျောင်းတိုက် ဆရာတော်အမှူးပြုသော သံဃာတော်များအား လှူဖွယ်ပစ္စည်းများနှင့်နေ့ဆွမ်း ဆက်ကပ်လှူဒါန်းခဲ့ကြောင်း သတင်းရရှိ သည်။       MWD
Fri, 3-Apr-2026
အီတလီအသင်း ကမ္ဘာ့ဖလားပြိုင်ပွဲဝင်ခွင့် သုံးကြိမ်ဆက်တိုက်လွဲချော်
အီတလီအသင်း ကမ္ဘာ့ဖလားပြိုင်ပွဲဝင်ခွင့် သုံးကြိမ်ဆက်တိုက်လွဲချော်
ကမ္ဘာ့ဖလားကို လေးကြိမ်အထိ ရယူဆွတ်ခူးနိုင်ခဲ့တဲ့ အီတလီအသင်းဟာ ၂၀၂၆ ခုနှစ် ကမ္ဘာ့ဖလား ဝင်ခွင့်အတွက် မတ် ၃၁ ရက်ညပိုင်းက ယှဉ်ပြိုင်ကစားတဲ့ play-offs ပွဲစဉ်မှာ ဘော့စနီးယားအသင်း ကို  ရှုံးနိမ့်ခဲ့တာကြောင့်  ကမ္ဘာ့ဖလားပြိုင်ပွဲဝင်ခွင့်   သုံးကြိမ်ဆက်လွဲချော်ခဲ့ရပြီ ဖြစ်ပါတယ်။အီတလီအသင်းဟာ  ဘော့စနီးယားအသင်းနဲ့ပွဲစဉ်မှာ  သာမန်ပွဲကစားချိန်  မိနစ် ၉၀ အတွင်း တစ်ဖက်တစ်ဂိုးစီ သရေရလဒ်ထွက်ပေါ်ခဲ့လို့   ပင်နယ်တီအဆုံးအဖြတ် ခံယူရာမှာ ဘော့စနီးယားအသင်းက လေးဂိုး- တစ်ဂိုးနဲ့ အနိုင်ရရှိခဲ့တာဖြစ်ပါတယ်။အခုလို ရှုံးနိမ့်ခဲ့တာကြောင့် ၂၀၁၈  ခုနှစ်  ရုရှားကမ္ဘာ့ဖလားပြိုင်ပွဲ၊   ၂၀၂၂  ခုနှစ်  ကာတာကမ္ဘာ့ ဖလားပြိုင်ပွဲတို့မှာ ဝင်ခွင့်မရရှိခဲ့တဲ့ အီတလီအသင်းဟာ အမေရိကန်၊ မက္ကဆီကိုနဲ့ ကနေဒါတို့   ပူးတွဲအိမ်ရှင်အဖြစ် လက်ခံကျင်းပမယ့် ၂၀၂၆ ခုနှစ် ကမ္ဘာ့ဖလားပြိုင်ပွဲနဲ့လည်း  ထပ်မံလွဲခဲ့ရပြီ ဖြစ်ပါတယ်။အခြားသော ကမ္ဘာ့ဖလားပြိုင်ပွဲဝင်ခွင့် play-offs ပွဲစဉ်တွေမှာ  ချက်အသင်းက ဒိန်းမတ်အသင်းကို ပင်နယ်တီအဆုံးအဖြတ်မှာ သုံးဂိုး-တစ်ဂိုးဖြင့်  လည်းကောင်း၊ တူကီယဲအသင်းက ကိုဆိုဗိုအသင်း ကို တစ်ဂိုး-ဂိုးမရှိဖြင့် လည်းကောင်း၊ ဆွီဒင်အသင်းက ပိုလန်အသင်းကို သုံးဂိုး-နှစ်ဂိုးဖြင့်   လည်းကောင်း အသီးသီးအနိုင်ရရှိခဲ့ပြီး ၂၀၂၆ ခုနှစ်  ကမ္ဘာ့ဖလားပြိုင်ပွဲဝင်ခွင့်ရရှိခဲ့တာဖြစ်ပါတယ်။ငွေကြယ်MDN
Thu, 2-Apr-2026
© Copyright 2024 SAC All Rights Reserved.