ကျောက်ဆည်မြို့နယ် ပင်တလည်ကျေးရွာတွင် စိုက်ပျိုးထားရှိသော ပန်းမုံလာစိုက်ခင်းများ အောင်မြင်ဖြစ်ထွန်း

KookieSpace97

News Image

  • ကျောက်ဆည်မြို့နယ် ပင်တလည်ကျေးရွာတွင် စိုက်ပျိုးထားရှိသော ပန်းမုံလာစိုက်ခင်းများ အောင်မြင်ဖြစ်ထွန်း

ကျောက်ဆည် ဧပြီ ၂

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ် ပင်တလည်ကျေးရွာ တောင်သူဦးဆန်းဝင်း စိုက်ပျိုးထားသော ပန်းမုံလာစိုက်ခင်းများ အောင်မြင်ဖြစ်ထွန်းလျက်ရှိကြောင်း သိရှိရသည်။

ပန်းမုံလာစိုက်တောင်သူများသည် မျှားနီတံဆိပ် ပန်းမုံလာမျိုးများ အဓိထားစိုက်ပျိုးကြကြောင်းနှင့် တစ်ဧက စိုက်ပျိုးမည်ဆိုပါက မျိုးထုပ်(၅)ထုပ် ဝယ်ယူပျိုးထောင်ရပြီး သန်မာသည့် ပျိုးပင်များရွေးချယ်၍ မြေပြုပြင် ထားသည့် စိုက်ခင်းတွင် ပြောင်းရွေ့စိုက်ပျိုးကြကြောင်း၊ ကုန်ကျစရိတ်အနေဖြင့် မြေပြင်ခြင်း၊ ပျိုးထောင် စိုက်ပျိုးခြင်း၊ မြေဆွခြင်း၊ ပေါင်းမြက်သန့်ရှင်းခြင်း၊ မြေဩဇာကျွေးခြင်း၊ ပိုးနှင်ဆေး/ပိုးသတ်ဆေးဖျန်ခြင်း၊ ရေသွင်းခြင်းစသည့် အထွေထွေကုန်ကျစရိတ်အနေဖြင့် စိုက်ခင်းတစ်ဧကတွင် ငွေကျပ်(၁၁)သိန်းမှ(၁၃)သိန်းခန့် ကုန်ကျကြောင်း ပန်းမုံလာစိုက်ပျိုးရောင်းချသူများထံမှ သိရသည်။ 

ပန်းမုံလာသီးနှံသည် နုန်းမြေနုများတွင် ကောင်းစွာဖြစ်ထွန်းကြောင်း၊  ရေသွင်းရေထုတ် လွယ်ကူစေရန်အတွက် မြေပေါင်များပြုလုပ်၍ စိုက်ပျိုးရကြောင်းနှင့် စိုက်ခင်းတစ်ဧကတွင် အပင်အရေတွက်(၁)သောင်းနှစ်ထောင်ခန့် စိုက်ပျိုးနိုင်ပြီးရောင်းချသည့်အခါ ရောင်းတန်းဝင် အပင်အရေအတွက် (၈)ထောင်ကျော်(၉)ထောင်ခန့်သာခုတ်ယူရောင်းချရကြောင်း၊ ပန်းမုံလာပွင့်တစ်ပွင့်အား ငွေကျပ်(၄၂၀)ကျပ်နှုန်းဖြင့် ရောင်းချရသည့်အတွက် ပန်းမုံလာစိုက်တောင်သူများ  အဆင်ပြေလျက် ရှိကြောင်း သိရှိရသည်။ 

သက်မောင်(ကျောက်ဆည်)                                                              

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

သာပေါင်းမြို့နယ်၌ ဆောင်းသီးနှံ စိုက်ပျိုးရာသီက စိုက်ပျိုးခဲ့သော မတ်ပဲ ဧက ၄၇၀၀ ကျော် ရိတ်သိမ်းပြီးစီး
သာပေါင်းမြို့နယ်၌ ဆောင်းသီးနှံ စိုက်ပျိုးရာသီက စိုက်ပျိုးခဲ့သော မတ်ပဲ ဧက ၄၇၀၀ ကျော် ရိတ်သိမ်းပြီးစီး
သာပေါင်း  ဧပြီ   ၂     ဧရာဝတီတိုင်းဒေသကြီး ပုသိမ်ခရိုင်  သာပေါင်း မြို့နယ်၌ ဆောင်းသီးနှံစိုက်ပျိုးရာသီက  စိုက်ပျိုးခဲ့ သော  မတ်ပဲ  ဧက ၄၇၀၀ ကျော် ရိတ်သိမ်းပြီးစီးပြီ ဖြစ်ကြောင်း သိရသည်။သာပေါင်းမြို့နယ်၌  ဆောင်းသီးနှံစိုက်ပျိုးရာသီက  မတ်ပဲ ၁၆၅၇၁ ဧက စိုက်ပျိုးနိုင်ခဲ့ကြောင်း၊  အဆိုပါ စိုက်ပျိုးခဲ့သောမတ်ပဲများကို ပြီးခဲ့သည့် ဖေဖော်ဝါရီလ ဒုတိယပတ်က   စတင်ရိတ်သိမ်းခဲ့ရာ  လက်ရှိတွင် ၄၇၁၅ ဧက  ရိတ်သိမ်းပြီးစီးပြီဖြစ်ကြောင်း သိရသည်။''သာပေါင်းမြို့နယ်မှာ   ဆောင်းသီးနှံစိုက်ပျိုးရာသီ က  မတ်ပဲ ၁၆၅၇၁ ဧက  စိုက်ပျိုးနိုင်ခဲ့ပါတယ်။ မတ်ပဲတွေကို ရိတ်သိမ်းနေတာ လက်ရှိမှာ    ၄၇၁၅  ဧက ရိတ်သိမ်းပြီးစီးပြီဖြစ်ပါတယ်။  စိုက်ပျိုးတဲ့သီးနှံ တွေကောင်းမွန်စေဖို့  စိုက်ပျိုးနည်းစနစ်နဲ့    တခြား လိုအပ်တာတွေကို  မြို့နယ်စိုက်ပျိုးရေး ဦးစီးဌာန အနေနဲ့ စိုက်ပျိုးရာသီအမီ ဆောင်ရွက်ပေးခဲ့ပါတယ်။  မတ်ပဲတွေ လျာထားချက်ပြည့်မီအောင်စိုက်ပျိုးနိုင်ဖို့    ဒေသခံတောင်သူတွေနဲ့     မြို့နယ်စိုက်ပျိုးရေးဦးစီး ဌာန၊     စက်မှုလယ်ယာဦးစီးဌာန၊  စီမံခန့်ခွဲရေးနှင့် အုပ်ချုပ်ရေးကော်မတီတို့   ပူးပေါင်းဆောင်ရွက်ခဲ့တာ ပါ'' ဟု  ပုသိမ်ခရိုင် စိုက်ပျိုးရေးဦးစီးဌာန  ဦးစီးမှူး ဒေါ်အေးအေးမူကပြောသည်။သာပေါင်းမြို့နယ်၌  ရိတ်သိမ်းပြီးဖြစ်သော မတ်ပဲ  တစ်ဧကလျှင် ၂၂ ဒသမ ၇၃ တင်းခန့် ထွက်ရှိကြောင်း၊   အဆိုပါမတ်ပဲများအပါအဝင်     ဆောင်းသီးနှံများ အထွက်နှုန်းကောင်းမွန်ကာ အရည်အသွေးကောင်းမွန်ကြောင်း သိရသည်။                 MWD
Fri, 3-Apr-2026
ရုရှားနိုင်ငံမှ ရေနံဝယ်ယူရေး ဂျပန်ကိုယ်စားလှယ်အဖွဲ့ ဆွေးနွေးဖွယ်ရှိ
ရုရှားနိုင်ငံမှ ရေနံဝယ်ယူရေး ဂျပန်ကိုယ်စားလှယ်အဖွဲ့ ဆွေးနွေးဖွယ်ရှိ
  တိုကျို၊ စီးပွားရေးနှင့် စွမ်းအင်ဖူလုံမှု ဂျပန်ကိုယ်စားလှယ်အဖွဲ့သည် ရုရှားနိုင်ငံမှ ရေနံဝယ်ယူရေးနှင့် စပ်လျဉ်း၍ ဆွေးနွေးနိုင်ဖွယ်ရှိကြောင်း Ryukyu Shimpo သတင်းစာက ဧပြီလ ၂ ရက်နေ့တွင် ဖော်ပြသည်။ဂျပန်ကိုယ်စားလှယ်အဖွဲ့သည် ယခုနှစ်မေလတွင် ရုရှားနိုင်ငံသို့သွားရောက်မည့် ခရီးစဉ်အတွင်း ရုရှားရေနံကို ဂျပန်သို့တင်ပို့ရောင်းချရေး ကိစ္စနှင့်စပ်လျဉ်း၍ ဆွေးနွေးရန်စီစဉ်ထားပြီး ယူကရိန်းပဋိပက္ခဖြစ်ပွား ပြီးနောက်ပိုင်းတွင် ဂျပန်ကုမ္ပဏီများအနေဖြင့် ရုရှားနိုင်ငံအတွင်း၌ ၎င်းတို့၏လုပ်ငန်းများကို အပြည့်အဝပြန်လည် စတင်နိုင်ရန်အတွက် ဂျပန်အစိုးရက စီးပွားရေး ကိုယ်စားလှယ်အဖွဲ့တစ်ဖွဲ့ကို ရုရှားနိုင်ငံသို့ စေလွှတ်ရန်  စီစဉ်နေခြင်းဖြစ်သည်ဟု အဆိုပါသတင်းစာတွင် ဖော်ပြထားသည်။ထို့ပြင် ဂျပန်ကုမ္ပဏီကြီးများဖြစ်သည့် Mitsubishi Corporation၊ Mitsui & Co. နှင့် Mitsui O.S.K. Lines အပါအဝင် အခြားဂျပန်ကုမ္ပဏီကြီးများမှ   ထိပ်တန်းအမှုဆောင် အရာရှိများကိုလည်း အဆိုပါခရီးစဉ်တွင်   ပါဝင်ရန် ဖိတ်ကြားထားကြောင်း သတင်းစာတွင် ရေးသားထားသည်။သို့သော် ရုရှားနိုင်ငံအနေဖြင့်   ရေနံစျေးနှုန်းအပေါ် ကန့်သတ်ချက် ချမှတ်ထားမှုကို ထောက်ခံအားပေးသော ဂျပန်နှင့်အခြားနိုင်ငံများသို့ ရေနံတင်ပို့ရောင်းချမည် မဟုတ်ကြောင်း ရုရှားနိုင်ငံခြားရေး ဝန်ကြီးဌာနမှ ဒုတိယဝန်ကြီး အန်ဒရေရူဒင်ကိုက မတ်လ ၃၁ ရက်နေ့တွင် ပြောကြားထားကြောင်းသိရသည်။       MWD
Fri, 3-Apr-2026
အရှေ့အလယ်ပိုင်း ပဋိပက္ခများကြောင့် ဥရောပရှိပျမ်းမျှ သဘာဝဓာတ်ငွေ့စျေးနှုန်း ၁ ဆခွဲမြင့်တက်
အရှေ့အလယ်ပိုင်း ပဋိပက္ခများကြောင့် ဥရောပရှိပျမ်းမျှ သဘာဝဓာတ်ငွေ့စျေးနှုန်း ၁ ဆခွဲမြင့်တက်
     အရှေ့အလယ်ပိုင်းဒေသတွင် ဖြစ်ပွားနေသည့် ပဋိပက္ခများကြောင့်  ဥရောပရှိပျမ်းမျှ သဘာဝဓာတ်ငွေ့စျေးနှုန်းသည် ယခုနှစ် ဖေဖော်ဝါရီလနှင့် နှိုင်းယှဉ်ပါက မတ်လအတွင်း၌  ၁ ဆခွဲမြင့်တက်လာခဲ့ကြောင်းသိရသည်။ယခုနှစ် ဖေဖော်ဝါရီလ ၂၇ ရက်တွင် သဘာဝဓာတ်ငွေ့ခန့်မှန်းစျေးနှုန်းမှာ ကုဗမီတာ ၁၀၀၀ လျှင် အမေရိကန်ဒေါ်လာ  ၃၈၈ ဒေါ်လာဝန်းကျင်သာ ရှိခဲ့သော်လည်း မတ်လ ၃၁ ရက်    စျေးကွက်ပိတ်ချိန်၌ အမေရိကန် ဒေါ်လာ ၅၉၆ ဒေါ်လာအထိ မြင့်တက်လာခဲ့ရာ ဖေဖော်ဝါရီလကုန်နှင့် နှိုင်းယှဉ်ပါက ၅၄ ရာခိုင်နှုန်းမြင့်တက်လာခြင်းဖြစ်သည်။ထို့ပြင်  ဥရောပဒေသ၏   သဘာဝဓာတ်ငွေ့စျေးနှုန်းများသည် ပြီးခဲ့သည့် ၂၀၂၅ ခုနှစ် မတ်လအတွင်းက ပျမ်းမျှပေါက်စျေးထက် ၃၆ ရာခိုင်နှုန်း ပိုမိုမြင့်မားနေခဲ့ကြောင်းသိရသည်။ယခုနှစ် မတ်လအတွင်း သဘာဝဓာတ်ငွေ့စျေးနှုန်းများ ရုတ်တရက် အဆမတန် မြင့်တက်လာရခြင်းမှာ ဖေဖော်ဝါရီလကုန်ပိုင်းတွင် အမေရိကန်နှင့်အစ္စရေးတို့က အီရန်အပေါ် စတင်ခဲ့သည့် စစ်ပွဲကြောင့်ဖြစ်သည်။ထို့ပြင် အရှေ့အလယ်ပိုင်းပဋိပက္ခအတွင်း ဘာရိန်း၊ ဂျော်ဒန်၊ အီရတ်၊ ကာတာ၊ ကူဝိတ်၊ အာရပ်စော်ဘွားများပြည်ထောင်စုနှင့်ဆော်ဒီအာရေဗျ နိုင်ငံများအတွင်းရှိ အမေရိကန်၏ စစ်ဘက်အဆောက်အအုံများလည်း တိုက်ခိုက်ခံခဲ့ရပြီး ကမ္ဘာ့ရေနံနှင့် သဘာဝဓာတ်ငွေ့ရည် တင်ပို့မှု ငါးပုံတစ်ပုံ ဖြတ်သန်းရာ ဟော်မုရေလက်ကြား ပိတ်သွားခြင်းကလည်း အဆိုပါပဋိပက္ခ၏ နောက်ဆက်တွဲရလဒ်ပင် ဖြစ်ကြောင်း သိရသည်။ MWD
Thu, 2-Apr-2026
ကျောက်ဆည်မြို့နယ် ပင်တလည်ကျေးရွာတွင် စိုက်ပျိုးထားရှိသော ပန်းမုံလာစိုက်ခင်းများ အောင်မြင်ဖြစ်ထွန်း
ကျောက်ဆည်မြို့နယ် ပင်တလည်ကျေးရွာတွင် စိုက်ပျိုးထားရှိသော ပန်းမုံလာစိုက်ခင်းများ အောင်မြင်ဖြစ်ထွန်း
ကျောက်ဆည် ဧပြီ ၂မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ် ပင်တလည်ကျေးရွာ တောင်သူဦးဆန်းဝင်း စိုက်ပျိုးထားသော ပန်းမုံလာစိုက်ခင်းများ အောင်မြင်ဖြစ်ထွန်းလျက်ရှိကြောင်း သိရှိရသည်။ပန်းမုံလာစိုက်တောင်သူများသည် မျှားနီတံဆိပ် ပန်းမုံလာမျိုးများ အဓိထားစိုက်ပျိုးကြကြောင်းနှင့် တစ်ဧက စိုက်ပျိုးမည်ဆိုပါက မျိုးထုပ်(၅)ထုပ် ဝယ်ယူပျိုးထောင်ရပြီး သန်မာသည့် ပျိုးပင်များရွေးချယ်၍ မြေပြုပြင် ထားသည့် စိုက်ခင်းတွင် ပြောင်းရွေ့စိုက်ပျိုးကြကြောင်း၊ ကုန်ကျစရိတ်အနေဖြင့် မြေပြင်ခြင်း၊ ပျိုးထောင် စိုက်ပျိုးခြင်း၊ မြေဆွခြင်း၊ ပေါင်းမြက်သန့်ရှင်းခြင်း၊ မြေဩဇာကျွေးခြင်း၊ ပိုးနှင်ဆေး/ပိုးသတ်ဆေးဖျန်ခြင်း၊ ရေသွင်းခြင်းစသည့် အထွေထွေကုန်ကျစရိတ်အနေဖြင့် စိုက်ခင်းတစ်ဧကတွင် ငွေကျပ်(၁၁)သိန်းမှ(၁၃)သိန်းခန့် ကုန်ကျကြောင်း ပန်းမုံလာစိုက်ပျိုးရောင်းချသူများထံမှ သိရသည်။ ပန်းမုံလာသီးနှံသည် နုန်းမြေနုများတွင် ကောင်းစွာဖြစ်ထွန်းကြောင်း၊  ရေသွင်းရေထုတ် လွယ်ကူစေရန်အတွက် မြေပေါင်များပြုလုပ်၍ စိုက်ပျိုးရကြောင်းနှင့် စိုက်ခင်းတစ်ဧကတွင် အပင်အရေတွက်(၁)သောင်းနှစ်ထောင်ခန့် စိုက်ပျိုးနိုင်ပြီးရောင်းချသည့်အခါ ရောင်းတန်းဝင် အပင်အရေအတွက် (၈)ထောင်ကျော်(၉)ထောင်ခန့်သာခုတ်ယူရောင်းချရကြောင်း၊ ပန်းမုံလာပွင့်တစ်ပွင့်အား ငွေကျပ်(၄၂၀)ကျပ်နှုန်းဖြင့် ရောင်းချရသည့်အတွက် ပန်းမုံလာစိုက်တောင်သူများ  အဆင်ပြေလျက် ရှိကြောင်း သိရှိရသည်။ သက်မောင်(ကျောက်ဆည်)                                                              
Thu, 2-Apr-2026
ကျောက်ဆည်မြို့နယ် တိုက်နယ် ၈ အတွင်းမှ ကျေးရွာအုပ်စု ၇ အုပ်စု ၌ မိုးနှောင်းဝါသီးနှံ ၁၅၃၅ ဧက စိုက်ပျိုး ပြီးဖြစ်
ကျောက်ဆည်မြို့နယ် တိုက်နယ် ၈ အတွင်းမှ ကျေးရွာအုပ်စု ၇ အုပ်စု၌ မိုးနှောင်းဝါသီးနှံ ၁၅၃၅ ဧက စိုက်ပျိုးပြီးဖြစ်
ကျောက်ဆည် ဧပြီ ၂မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင် တိုက်နယ် ၁၂ ခုရှိပြီး တိုက်နယ် ၈ အတွင်းမှ ကျေးရွာအုပ်စု ၇ အုပ်စုသည် ယာမြေအများအပြား ရှိသည့်အတွက် မိုးနှောင်းရာသီ၌ ဝါသီးနှံများ အဓိကထားစိုက်ပျိုးကြကြောင်း သိရှိရကာ ယခုအခါ အဆိုပါကျေးရွာအုပ်စု ၈ အုပ်စု၌ မိုးနှောင်းဝါသီးနှံ ၁၅၃၅ ဧက စိုက်ပျိုးပြီးဖြစ်ကြောင်း မြို့နယ်မြေစာရင်းဦးစီးဌာနမှ သိရသည်။ထိုသို့ ဝါများစိုက်ပျိုးရာ၌ သင်္ဂတုံကျေးရွာအုပ်စုတွင် ၄၉ ဧက၊ အရှေ့သာဂရကျေးရွာအုပ်စုတွင် ၁၅ ဧက၊ ကလေး ကျေးရွာအုပ်စုတွင် ၆၈  ဧက၊ မှိုင်းပန်ကျေးရွာအုပ်စုတွင် ၁၁၉၄ ဧက၊ ပြည်တော်သာကျေးရွာအုပ်စုတွင် ၄၀ ဧက၊ ရှမ်းတောင်ဦးကျေးရွာအုပ်စုတွင် ၁၀၄ ဧက၊ ကုလားကျောင်းကျေးရွာအုပ်စုတွင် ၆၅ ဧက စုစုပေါင်း ၁၅၃၅ ဧက စိုက်ပျိုးကြောင်း သိရသည်။ကျောက်ဆည်မြို့နယ်၌ ဝါသီးနှံများစိုက်ပျိုးရာတွင် ဒေသနှင့်ကိုက်ညီသည့် ငွေချည်-၆၊ ငွေချည်-၉၊ ရွှေတောင်-၈ ဝါမျိုးများအဓိကထားစိုက်ပျိုးကြပြီး အထွက်နှုန်းကောင်းမွန်ရေး ခရိုင်/မြို့နယ် စိုက်ပျိုးရေးဦးစီးဌာနမှ လမ်းညွှန်မှု များနှင့်အညီ စိုက်ပျိုးကြကြောင်း ဝါစိုက်တောင်သူများထံမှ သိရသည်။သက်မောင်(ကျောက်ဆည်)  
Thu, 2-Apr-2026
အရှေ့အလယ်ပိုင်းအကျပ်အတည်းကြောင့် စွမ်းအင်လုံခြုံရေး ခြိမ်းခြောက်မှု နှင့် ကြုံတွေ့နေရသဖြင့် တောင်ကိုရီးယားသမ္မတက ဒေါ်လာ ၁၇.၃ ဘီလီယံ အထူးဘတ်ဂျက် အတည်ပြုရန် တိုက်တွန်း
အရှေ့အလယ်ပိုင်းအကျပ်အတည်းကြောင့် စွမ်းအင်လုံခြုံရေးခြိမ်းခြောက်မှုနှင့် ကြုံတွေ့နေရသဖြင့် တောင်ကိုရီးယားသမ္မတက ဒေါ်လာ ၁၇.၃ ဘီလီယံ အထူးဘတ်ဂျက် အတည်ပြုရန် တိုက်တွန်း
မိုင်ပေါင်းထောင်ချီဝေးကွာသော အရပ်ဒေသတွင် ဖြစ်ပွားနေသည့်အကျပ်အတည်းကြောင့် နိုင်ငံအတွင်း ရိုက်ခတ်မှုများရှိနေစဉ် အဆိုးရွားဆုံးသော စွမ်းအင်လုံခြုံရေးခြိမ်းခြောက်မှုကို ခုခံကာကွယ်ရန်အတွက် ဒေါ်လာ ၁၇.၃ ဘီလီယံတန်ဖိုးရှိသည့် ဖြည့်စွက်ဘတ်ဂျက်ကို အတည်ပြုပေးရန် တောင်ကိုရီးယားသမ္မတက လွှတ်တော်ကို တိုက်တွန်းလိုက်သည်။တောင်ကိုရီးယားနိုင်ငံသည် ၎င်း၏ရေနံတင်သွင်းမှု ၇၀ ရာခိုင်နှုန်းကို မှီခိုနေရသော အရှေ့အလယ်ပိုင်းဒေသရှိ စွမ်းအင်ပြတ်တောက်မှုဒဏ်ကို အထူးပြင်းထန်စွာ ခံစားနေရသည်။ “စစ်ပွဲဟာ မနက်ဖြန်မှာ ပြီးဆုံးသွားခဲ့ရင်တောင်မှ အရှေ့အလယ်ပိုင်းဒေသမှာ ပျက်စီးသွားတဲ့ စွမ်းအင်အခြေခံအဆောက်အအုံတွေကို ပြန်လည်ပြုပြင်ဖို့နဲ့ ထောက်ပံ့မှုတွေ အရင်လိုချောမွေ့အောင်လုပ်ဖို့ အချိန်အတော်အတန် ယူရဦးမှာဖြစ်ပါတယ်” ဟု သမ္မတ လီဂျေမျောင် (Lee Jae Myung) က ကြာသပတေးနေ့ (ဧပြီ ၂) ရုပ်သံမိန့်ခွန်းတွင် လွှတ်တော်သို့ ပြောကြားခဲ့သည်။“ဒီအခြေအနေဟာ အဆိုးရွားဆုံး စွမ်းအင်လုံခြုံရေးခြိမ်းခြောက်မှုလို့ ယူဆရပြီး ကမ္ဘာ့စီးပွားရေးကို တုန်လှုပ်စေနေပါတယ်၊ ဘယ်တော့ ပြီးဆုံးမလဲဆိုတာမသိရတဲ့ မရေရာမှုတွေက စီးပွားရေးအပေါ် သိသိသာသာ ဆိုးကျိုးသက်ရောက်နေပါတယ်” ဟု ၎င်းက ဆက်လက် ပြောကြားခဲ့သည်။ရေနံစျေးနှုန်းများ မြင့်တက်လာခြင်းကြောင့် တောင်ကိုရီးယား အစိုးရသည် လောင်စာဆီစျေးနှုန်းများကို ကန့်သတ်ထားပြီး ပလတ်စတစ် ထုတ်လုပ်ရာတွင် အသုံးပြုသည့် ဘေးထွက်ပစ္စည်းတစ်မျိုးဖြစ်သော နက်ဖ်သာ (Naphtha) တင်ပို့မှုကိုလည်းတားမြစ်ထားကာ မော်တော်ယာဉ် မောင်းနှင်မှု ကန့်သတ်ချက်များ (Driving Curbs) ထုတ်ပြန်ရန်ကိုလည်း စဉ်းစားလျက်ရှိသည်။အဆိုပါ ဒေါ်လာ ၁၇.၃ ဘီလီယံ ဘတ်ဂျက်အတွက် လိုအပ်သော ရန်ပုံငွေကို နိုင်ငံ၏ အားကောင်းသော စတော့ဈေးကွက်၊ ဆီမီး ကွန်ဒတ်တာ (Semiconductor) လုပ်ငန်းနှင့် အစိုးရရန်ပုံငွေများမှ ကျခံသုံးစွဲသွားမည် ဟု သမ္မတလီက ပြောကြားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 2-Apr-2026
© Copyright 2024 SAC All Rights Reserved.