ပုသိမ်ကြီးမြို့နယ်၌ မိုးရာသီစိုက်ပျိုးစရိတ် ချေးငွေများပေးအပ်

NoahJune222

News Image

  • ပုသိမ်ကြီးမြို့နယ်၌ မိုးရာသီစိုက်ပျိုးစရိတ် ချေးငွေများပေးအပ်

ပုသိမ်ကြီး     မေ     ၂၁

 

မန္တလေးတိုင်းဒေသကြီး ပုသိမ်ကြီးမြို့နယ် မြန်မာ့လယ်ယာဖွံ့ဖြိုးရေးဘဏ်ခွဲမှ တောင်သူများအား မိုးရာသီစိုက်ပျိုးစရိတ် ချေးငွေများပေးအပ်ပွဲကို ယမန်နေ့နံနက်ပိုင်းက မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပသည်။

 

ရှင်းလင်းပြောကြား

 

ဦးစွာ ပြည်သူ့လွှတ်တော်ကိုယ်စားလှယ် ဦးဝင်းနိုင်က အမှာစကား ပြောကြားပြီး မြန်မာ့လယ်ယာဖွံ့ဖြိုးရေးဘဏ်ခွဲ မန်နေဂျာ ဒေါ်မာလာသိန်း က စိုက်ပျိုးစရိတ်ချေးငွေများ ပေးအပ်ခြင်းနှင့်စပ်လျဉ်း၍ ရှင်းလင်း ပြောကြားသည်။ ထို့နောက်  တာဝန်ရှိသူများက  တောင်သူများအား  စပါးတစ်ဧကလျှင် သုံးသိန်းကျပ်၊ ပဲမျိုးစုံ ၁၈ မျိုး တစ်ဧကလျှင် နှစ်သိန်း ငါးသောင်းကျပ်နှုန်းဖြင့် စုစုပေါင်း တောင်သူ ၉၄ ဦးအတွက် ချေးငွေကျပ်  ၁၃၀၃ သိန်းကို ထုတ်ချေးပေးခဲ့ကြောင်း သိရသည်။

 

ဇာနည်ကိုကို (ပြန်/ဆက်)

MDN

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

တရုတ်နိုင်ငံက ဘိုးရင်းလေယာဉ် အစင်း ၂၀၀ ဝယ်ယူမည်
တရုတ်နိုင်ငံက ဘိုးရင်းလေယာဉ် အစင်း ၂၀၀ ဝယ်ယူမည်
ပေကျင်း မေ ၂၁တရုတ်နိုင်ငံက ၎င်း၏ လေကြောင်းသယ်ယူပို့ဆောင်ရေး ဖွံ့ဖြိုးတိုးတက်မှု လိုအပ်ချက်အပေါ် အခြေခံ၍ ဘိုးရင်းလေယာဉ် အစင်း ၂၀၀ ကို လုပ်ငန်းစည်းမျဉ်းများနှင့်အညီ ဝယ်ယူမည်ဖြစ်ကြောင်း တရုတ်စီးပွားရေးနှင့်  ကူးသန်းရောင်းဝယ်ရေးဝန်ကြီးဌာနက  ယနေ့ ကြေညာခဲ့သည်။ထို့ပြင် အမေရိကန်က တရုတ်နိုင်ငံကို လုံလောက်သော အင်ဂျင်နှင့် အပိုပစ္စည်းများ ထောက်ပံ့ပေးရန် အာမခံမည်ဖြစ်ကြောင်း တရုတ်စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ အရာရှိတစ်ဦးက မကြာသေးမီက ကျင်းပခဲ့သော တရုတ်-အမေရိကန် စီးပွားရေးနှင့် ကုန်သွယ်မှုဆိုင်ရာ   သဘောတူညီချက်၏  ပဏာမရလဒ်များကို  ကိုးကားပြီး ပြောကြားခဲ့ကြောင်း သိရသည်။                ကိုးကား - ဆင်ဟွာဘာသာပြန် - အောင်ကျော်ကျော်MDN
Fri, 22-May-2026
တောင်ကိုရီးယားနိုင်ငံ၏ပို့ကုန်များ မေ ၂၀ ရက်အတွင်း ၆၄ ဒသမ ၈ ရာခိုင်နှုန်းမြင့်တက်
တောင်ကိုရီးယားနိုင်ငံ၏ပို့ကုန်များ မေ ၂၀ ရက်အတွင်း ၆၄ ဒသမ ၈ ရာခိုင်နှုန်းမြင့်တက်
မေ ၂၁တောင်ကိုရီးယားနိုင်ငံ၌ ပြည်တွင်းထုတ် တစ်ပိုင်းလျှပ်ကူးပစ္စည်းများ ၀ယ်လိုအား မြင့်တက်လာခြင်းကြောင့် မေလ ပထမ ၂၀ ရက်အတွင်း ပို့ကုန်များ ဂဏန်းနှစ်လုံး မြင့်တက်လာခဲ့ကြောင်း အကောက်ခွန်ရုံး၏ အချက်အလက်များက ယနေ့တွင် ဖော်ပြထားသည်။ကိုရီးယား အကောက်ခွန်ဌာန၏ ပြောကြားချက်အရ မေလ ၁ ရက်မှ ၂၀ ရက်အတွင်း ပြည်ပတင်ပို့မှုသည်  ယခင်နှစ်ကထက် ၆၄ ဒသမ ၈ ရာခိုင်နှုန်း မြင့်တက်လာပြီး အမေရိကန်ဒေါ်လာ ၅၂ ဒသမ ၆၅ ဘီလီယံ ရှိခဲ့သည်ဟု သိရသည်။၂၀ ရက်တာကာလအတွင်း နေ့စဉ်ပျမ်းမျှ ပို့ကုန်  ၅၂ ဒသမ ၆ ရာခိုင်နှုန်း မြင့်တက်လာပြီး အမေရိကန်ဒေါ်လာ ၃ ဒသမ ၉ ဘီလီယံ ရှိခဲ့ကြောင်း၊ တစ်ပိုင်းလျှပ်ကူးပစ္စည်း ပို့ကုန်မှာ ၂၀၂ ဒသမ ၁ ရာခိုင်နှုန်း မြင့်တက်လာပြီး အမေရိကန်ဒေါ်လာ ၂၁ ဒသမ ၉၅ ဘီလီယံ ရှိခဲ့သော်လည်း မော်တော်ကား တင်ပို့မှုမှာ ၁၀ ဒသမ ၁ ရာခိုင်နှုန်း ကျဆင်းပြီး အမေရိကန်ဒေါ်လာ ၂ ဒသမ ၇၇ ဘီလီယံ ရှိခဲ့ကြောင်း ဖော်ပြထားသည်။အရှေ့အလယ်ပိုင်းတွင် ဆက်လက်ဖြစ်ပွားနေသော တင်းမာမှုများကြောင့် ရေနံစိမ်းဈေးတက်ကာ ရေနံထွက်ကုန် ပို့ကုန်မှာ ၄၆ ဒသမ ၃ ရာခိုင်နှုန်း မြင့်တက်လာခဲ့သည်ဟု သိရသည်။မေလ ပထမ ၂၀ ရက်အတွင်း တင်သွင်းမှုများသည် ယခင်နှစ်ကထက် ၂၉ ဒသမ ၃ ရာခိုင်နှုန်း မြင့်တက်လာပြီး ဒေါ်လာ ၄၁ ဒသမ ၆၂ ဘီလီယံ ရှိကာ ကုန်သွယ်မှုပိုငွေသည် ဒေါ်လာ ၁၁ ဒသမ ၀၃ ဘီလီယံအထိ ရောက်ရှိခဲ့သည်။တစ်ပိုင်းလျှပ်ကူးပစ္စည်းကိရိယာများအတွက် တင်သွင်းမှုများသည် ဂဏန်းသုံးလုံး မြင့်တက်လာခဲ့ပြီး ရေနံစိမ်း၊ ချစ်ပ်များ၊ စက်ပစ္စည်းများ၊ ရေနံထွက်ပစ္စည်းများ၊ သဘာဝဓာတ်ငွေ့၊ ကားများ၊ ကျောက်မီးသွေးနှင့် မိုဘိုင်းစက်ပစ္စည်းများအတွက် တင်သွင်းမှုများသည် ဖော်ပြထားသော ကာလအတွင်း ဂဏန်းနှစ်လုံး တိုးလာခဲ့သည်ဟု သိရသည်။ကိုးကား-ဆင်ဟွာဘာသာပြန်-မြင့်မြင့်ချိုMDN
Fri, 22-May-2026
သင်္ဃန်းကျွန်းမြို့နယ်၌ အသေးစားကုန်ထုတ်လုပ်ငန်းများ ဖန်တီးပေးနိုင်ရေး အကောင်အထည်ဖော်ဆောင်ရွက်
သင်္ဃန်းကျွန်းမြို့နယ်၌ အသေးစားကုန်ထုတ်လုပ်ငန်းများ ဖန်တီးပေးနိုင်ရေး အကောင်အထည်ဖော်ဆောင်ရွက်
ရန်ကုန် မေ ၂၁ ရန်ကုန်တိုင်းဒေသကြီး သင်္ဃန်းကျွန်းမြို့နယ်၌ အသေးစားကုန်ထုတ် လုပ်ငန်းများ ဖန်တီးပေးနိုင်ရေးနှင့် ကျေးလက်နေ မိသားစုဝင်ငွေတိုးရေးစီမံကိန်း လုပ်ငန်းများအနက် စက်ချုပ်နည်းပညာသင်တန်းဖွင့်ပွဲကို မေ ၁၉ ရက်က ကျင်းပသည်။ ဦးစွာ သင်္ဃန်းကျွန်းခရိုင် စီမံခန့်ခွဲရေးနှင့် အုပ်ချုပ်ရေး ကော်မတီဥက္ကဋ္ဌက သင်တန်းဖွင့် အမှာစကား ပြောကြားခဲ့ပြီး အသေးစားစက်မှုလက်မှုလုပ်ငန်း ဦးစီးဌာန တိုင်းဦးစီးမှူးက အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစုဝင်ငွေတိုးရေး စီမံကိန်း လုပ်ငန်းဆောင်ရွက်ရခြင်း ရည်ရွယ်ချက်များနှင့် အကျိုးကျေးဇူးများကို ရှင်းလင်းပြောကြားသည်။ ယခုဖွင့်လှစ်သော စက်ချုပ်နည်းပညာ သင်တန်းတွင် သင်တန်းသူ ၁၅ ဦးအား စက်ချုပ်နည်းအမျိုးမျိုးတို့ကို ကိုယ်ပိုင် လုပ်ငန်းထူထောင်နိုင်သည်အထိ မေ ၁၉ ရက်မှ ဇူလိုင် ၇ ရက်အထိ တစ်လခွဲကြာ စာတွေ့၊ လက်တွေ့ သင်ကြား ပေးသွားမည်ဖြစ်ပြီး အမှန်တကယ်လုပ်ငန်း ထူထောင်မည့် ထူးချွန်သင်တန်းသားငါးဦးအား သတ်မှတ်ချက်များနှင့်အညီရွေးချယ်ပြီး ဒေသဖွံ့ဖြိုးရေး လုပ်ငန်းသုံးပစ္စည်းများ သုံးစွဲခွင့် ပေးသွားမည်ဖြစ်ကြောင်း သိရသည်။ မြို့နယ်(ပြန်/ဆက်)MDN
Fri, 22-May-2026
ပြင်ဦးလွင်မြို့၌ စိုက်ပျိုးစရိတ်ချေးငွေပေးအပ်
ပြင်ဦးလွင်မြို့၌ စိုက်ပျိုးစရိတ်ချေးငွေပေးအပ်
ပြင်ဦးလွင် မေ ၂၁ မြန်မာ့လယ်ယာဖွံ့ဖြိုးရေးဘဏ် ပြင်ဦးလွင်ခရိုင်ဘဏ်ခွဲ၌  တောင်သူများအား မိုးရာသီစိုက်ပျိုးစရိတ် ချေးငွေပေးအပ်ပွဲကို မေ ၁၉ ရက်က ပြင်ဦးလွင်မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပသည်။ ဦးစွာ ပြင်ဦးလွင်မြို့နယ် ချေးငွေအကြံပေးအဖွဲ့ဥက္ကဋ္ဌ ဦးတင်အောင်လွင်က အမှာစကားပြောကြားပြီး ပြင်ဦးလွင်မြို့နယ် ချေးငွေအကြံပေးအဖွဲ့ အတွင်းရေးမှူး ဒေါ်ထွေးထွေးသိန်း(ခရိုင်စိုက်/ ဘဏ်မန်နေဂျာ)က ချေးငွေနှင့်ပတ်သက်၍ ရှင်းလင်းပြောကြားသည်။ ဆက်လက်၍ ပြင်ဦးလွင်မြို့နယ် ချေးငွေအကြံပေးအဖွဲ့ဥက္ကဋ္ဌနှင့် တာဝန်ရှိသူများက ၂၀၂၆ ခုနှစ် မိုးရာသီ စိုက်ပျိုးစရိတ်ချေးငွေများကို တောင်သူများလက်ဝယ်သို့ ပေးအပ်ခဲ့ပြီး ပြင်ဦးလွင်မြို့နယ်အတွင်းရှိ ကျေးရွာအုပ်စု ၁၁ အုပ်စု၊ ကျေးရွာ ၁၁ ရွာ၊ တောင်သူ ၁၄၃ ဦးအတွက် ချေးငွေကျပ် ၁၆၄၁ သိန်းကို စနစ်တကျ ထုတ်ပေးခဲ့ခြင်းဖြစ်ကြောင်း သိရသည်။ခရိုင်(ပြန်/ဆက်)MDN
Fri, 22-May-2026
အမှတ်(၄)အရက်ချက်စက်ရုံနှင့် ကြွေထည်ပစ္စည်းထုတ်လုပ်ရေးဌာန (မော်လမြိုင်)စက်ရုံတို့အား ကွင်းဆင်းစစ်ဆေး
အမှတ်(၄)အရက်ချက်စက်ရုံနှင့် ကြွေထည်ပစ္စည်းထုတ်လုပ်ရေးဌာန (မော်လမြိုင်)စက်ရုံတို့အား ကွင်းဆင်းစစ်ဆေး
မော်လမြိုင် မေ ၂၁ မွန်ပြည်နယ် လျှပ်စစ်နှင့်စွမ်းအင်၊ စက်မှုနှင့်လမ်းပန်းဆက်သွယ်ရေးဝန်ကြီး ဦးဇေယျာဦးသည် မေ ၂၀ ရက် မွန်းလွဲပိုင်းက မော်လမြိုင်မြို့ မုပွန်နတ်ကျွန်းရပ်ရှိ စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာနနှင့် Shwe Mawlamyine Beverage Enterprise Co., Ltd တို့အကျိုးတူ ပူးပေါင်းဆောင်ရွက်လျက်ရှိသည့် မော်လမြိုင် အမှတ်(၄)အရက်ချက် စက်ရုံနှင့် မော်လမြိုင်မြို့ မုပွန်ရပ်ရှိ စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာနနှင့် Chords & Chain Myanmar Co., Ltd တို့အကျိုးတူပူးပေါင်းဆောင်ရွက်လျက်ရှိသည့် ကြွေထည်ပစ္စည်း ထုတ်လုပ်ရေး ဌာန (မော်လမြိုင်)စက်ရုံတို့အား ကွင်းဆင်းစစ်ဆေး ကြည့်ရှုပြီး စက်ရုံများ၏ လက်ရှိအခြေအနေနှင့် စက်ရုံများမှ တင်ပြသည့် တင်ပြချက်များကို ပေါင်းစပ်ဆောင်ရွက်ပေးခဲ့ကြောင်း သိရသည်။စည်သူ(ပြန်/ဆက်)MDN
Fri, 22-May-2026
ပုသိမ်ကြီးမြို့နယ်၌ မိုးရာသီစိုက်ပျိုးစရိတ် ချေးငွေများပေးအပ်
ပုသိမ်ကြီးမြို့နယ်၌ မိုးရာသီစိုက်ပျိုးစရိတ် ချေးငွေများပေးအပ်
ပုသိမ်ကြီး     မေ     ၂၁ မန္တလေးတိုင်းဒေသကြီး ပုသိမ်ကြီးမြို့နယ် မြန်မာ့လယ်ယာဖွံ့ဖြိုးရေးဘဏ်ခွဲမှ တောင်သူများအား မိုးရာသီစိုက်ပျိုးစရိတ် ချေးငွေများပေးအပ်ပွဲကို ယမန်နေ့နံနက်ပိုင်းက မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပသည်။ ရှင်းလင်းပြောကြား ဦးစွာ ပြည်သူ့လွှတ်တော်ကိုယ်စားလှယ် ဦးဝင်းနိုင်က အမှာစကား ပြောကြားပြီး မြန်မာ့လယ်ယာဖွံ့ဖြိုးရေးဘဏ်ခွဲ မန်နေဂျာ ဒေါ်မာလာသိန်း က စိုက်ပျိုးစရိတ်ချေးငွေများ ပေးအပ်ခြင်းနှင့်စပ်လျဉ်း၍ ရှင်းလင်း ပြောကြားသည်။ ထို့နောက်  တာဝန်ရှိသူများက  တောင်သူများအား  စပါးတစ်ဧကလျှင် သုံးသိန်းကျပ်၊ ပဲမျိုးစုံ ၁၈ မျိုး တစ်ဧကလျှင် နှစ်သိန်း ငါးသောင်းကျပ်နှုန်းဖြင့် စုစုပေါင်း တောင်သူ ၉၄ ဦးအတွက် ချေးငွေကျပ်  ၁၃၀၃ သိန်းကို ထုတ်ချေးပေးခဲ့ကြောင်း သိရသည်။ ဇာနည်ကိုကို (ပြန်/ဆက်)MDN
Fri, 22-May-2026
© Copyright 2024 SAC All Rights Reserved.