ချန်ပီယံလိဂ်ပြိုင်ပွဲ ကွာတားဖိုင်နယ်အဆင့်တွင် အသက်အငယ်ဆုံး ပါဝင်ကစားခွင့် ရရှိသူအဖြစ် ဒိုမန်း မှတ်တမ်းဝင်

NoahJune222

News Image

  • ချန်ပီယံလိဂ်ပြိုင်ပွဲ ကွာတားဖိုင်နယ်အဆင့်တွင် အသက်အငယ်ဆုံး ပါဝင်ကစားခွင့် ရရှိသူအဖြစ် ဒိုမန်း မှတ်တမ်းဝင်

လန်ဒန်   ဧပြီ   ၉

အာဆင်နယ်အသင်း  လူငယ်ကစားသမား ဒိုမန်း သည်  ချန်ပီယံလိဂ်ပြိုင်ပွဲ    ကွာတားဖိုင်နယ်ပွဲစဉ် အဖြစ်  စပို့တင်းလစ္စဘွန်းအသင်းနှင့်  အာဆင်နယ် အသင်းတို့ကစားသည့်ပွဲစဉ်တွင် ပါဝင်ခွင့်ရရှိပြီးနောက်ပြိုင်ပွဲသမိုင်းတစ်လျှောက်   ကွာတားဖိုင်နယ်အဆင့်တွင် အသက်အငယ်ဆုံး ပါဝင်ကစားခွင့်ရရှိသူအဖြစ် မှတ်တမ်းဝင်ခဲ့ကြောင်း သိရသည်။

ဒိုမန်းသည် စပို့တင်းလစ္စဘွန်းအသင်းနှင့် အာဆင် နယ်အသင်းတို့ကစားသည့်ပွဲစဉ်၌  ပါဝင်ကစား ချိန်တွင် ၎င်း၏အသက်မှာ ၁၆ နှစ်နှင့် ၉၇ ရက်သာ ရှိသေးသည့်အတွက် ဘာစီလိုနာအသင်းမှ   ယာမယ် အားကျော်ဖြတ်ပြီး   ချန်ပီယံလိဂ်ပြိုင်ပွဲ   ကွာတား ဖိုင်နယ်အဆင့်တွင် အသက်အငယ်ဆုံးပါဝင်ကစားခွင့် ရရှိသူအဖြစ် မှတ်တမ်းဝင်ခဲ့ခြင်းဖြစ်သည်။

ဒိုမန်းမတိုင်မီက ချန်ပီယံလိဂ်ပြိုင်ပွဲ ကွာတားဖိုင်နယ် အဆင့်တွင်  အသက်အငယ်ဆုံးပါဝင်ကစားခွင့်ရရှိ သူအဖြစ် ယာမယ်က အသက် ၁၆ နှစ်နှင့် ၂၇၂ ရက် ဖြင့်စံချိန်တင်ထားခဲ့ခြင်းကို    ယခုအခါ  ဒိုမန်းက ကျော်ဖြတ်နိုင်ခဲ့ခြင်း ဖြစ်သည်။

ဒိုမန်းသည် အာဆင်နယ်အသင်း အကယ်ဒမီထွက် ကစားသမားတစ်ဦးဖြစ်ပြီး  ယခုဘောလုံးရာသီတွင် နည်းပြအာတီတာ၏ ယုံကြည်မှုနှင့်အတူ အသင်းကြီးတွင် ပါဝင်ကစားခွင့်ရရှိခဲ့ခြင်းဖြစ်ကာ အစောပိုင်းက လည်း ပရီးမီးယားလိဂ်ပြိုင်ပွဲတွင် အသက်အငယ်ဆုံး ကစားသမားအဖြစ် လည်းကောင်း၊ အာဆင်နယ်အသင်းအတွက် အသက်အငယ်ဆုံး ဂိုးသွင်းယူနိုင်သူအဖြစ် လည်းကောင်း၊ အက်ဖ်အေဖလားပြိုင်ပွဲတွင် အသက် အငယ်ဆုံးကစားသမားအဖြစ် လည်းကောင်း မှတ်တမ်းဝင်ထားကြောင်း သိရသည်။ 

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

ပြည်ထောင်စုဝန်ကြီး ဦးတင်ဦးလွင် နိုင်ငံတော်သံဃမဟာနာယကအဖွဲ့ဥက္ကဋ္ဌဆရာတော်နှင့် နိုင်ငံတော်ပရိယတ္တိသာသနာ့တက္ကသိုလ် (ရန်ကုန်) ပါမောက္ခချုပ်ဆရာတော်တို့အား ဖူးမြော်ကြည်ညို
ပြည်ထောင်စုဝန်ကြီး ဦးတင်ဦးလွင် နိုင်ငံတော်သံဃမဟာနာယကအဖွဲ့ဥက္ကဋ္ဌဆရာတော်နှင့် နိုင်ငံတော်ပရိယတ္တိသာသနာ့တက္ကသိုလ် (ရန်ကုန်) ပါမောက္ခချုပ်ဆရာတော်တို့အား ဖူးမြော်ကြည်ညို
ရန်ကုန် ဧပြီ ၁၉ သာသနာရေးဝန်ကြီးဌာန ပြည်ထောင်စုဝန်ကြီး ဦးတင်ဦးလွင်သည် ယနေ့နံနက် ၁၀ နာရီတွင် ရန်ကုန်တိုင်းဒေသကြီး သန်လျင်မြို့နယ်ရှိ မင်းကျောင်းပထမပြန် စာသင်တိုက် ပဓာနနာယက နိုင်ငံတော်သံဃမဟာနာယကအဖွဲ့ဥက္ကဋ္ဌ ဒေါက်တာ ဘဒ္ဒန္တစန္ဒိမာဘိဝံသအား ဖူးမြော်ကြည်ညိုပြီး လှူဖွယ်ပစ္စည်းများ ဆက်ကပ်လှူဒါန်းကာ ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့်အထိမ်းအမှတ် မဟာမင်္ဂလာအခမ်းအနား အောင်မြင်စွာကျင်းပနိုင်ရေး ကိစ္စရပ်များနှင့်စပ်လျဉ်း၍ သာသနာရေးဆိုင်ရာများလျှောက်ထားကာ ဆရာတော်ကြီးထံမှ ဩဝါဒခံယူသည်။ ထို့နောက် ပြည်ထောင်စုဝန်ကြီးနှင့်အဖွဲ့သည် နိုင်ငံတော်ပရိယတ္တိသာသနာ့တက္ကသိုလ် (ရန်ကုန်) ပါမောက္ခချုပ်၊ မဟာသိမ်တော်ကြီး ပရိယတ္တိစာသင်တိုက် ပဓာနနာယကဆရာတော် ဒေါက်တာ ဘဒ္ဒန္တကုမာရအား သွားရောက်ဖူးမြော်ကြည်ညို၍ လှူဖွယ်ပစ္စည်းများ ဆက်ကပ်လှူဒါန်းကာ ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့်အထိမ်းအမှတ် မဟာမင်္ဂလာအခမ်းအနား အောင်မြင်စွာကျင်းပနိုင်ရေးကိစ္စရပ်များနှင့်စပ်လျဉ်း၍ သာသနာရေးဆိုင်ရာများ လျှောက်ထားပြီး ဆရာတော်ကြီးထံမှ ဩဝါဒခံယူသည်။ ယင်းနောက် ပြည်ထောင်စုဝန်ကြီးနှင့်အဖွဲ့သည် နိုင်ငံတော်ပရိယတ္တိသာသနာ့တက္ကသိုလ် (ရန်ကုန်) ပါမောက္ခချုပ် ဆရာတော်နှင့်အတူ ရန်ကုန်တိုင်းဒေသကြီး ပန်းဘဲတန်းမြို့နယ် မဟာသိမ်တော်ကြီးပရိယတ္တိစာသင်တိုက်ရှိ နှစ်ပေါင်း ၁၁၁ နှစ် သက်တမ်းရှိသော မဟာသိမ်တော်ကြီးသို့ရောက်ရှိပြီး အဆိုပါမဟာသိမ်တော်ကြီး ပြန်လည်ပြုပြင်တည်ဆောက် ရေးအခြေအနေများကို အသေးစိတ်ကြည့်ရှုစစ်ဆေးကာ မဟာသိမ်တော်ကြီး ပြုပြင်တည်ဆောက်ရန်အတွက် အလှူငွေများ ပေးအပ်လှူဒါန်းသည်။ မွန်းလွဲပိုင်းတွင် ဆဋ္ဌသင်္ဂါယနာတင် အောင်ပွဲ နှစ် (၇၀) ပြည့်အထိမ်းအမှတ် မဟာမင်္ဂလာအခမ်းအနား အောင်မြင်စွာကျင်းပနိုင်ရေး လုပ်ငန်းညှိနှိုင်းအစည်းအဝေးကို ရန်ကုန်မြို့ သီရိမင်္ဂလာ ကမ္ဘာအေးကုန်းမြေ ဝိဇယမင်္ဂလာဓမ္မသဘင်၌ ကျင်းပသည်။ အစည်းအဝေးသို့ ပြည်ထောင်စုဝန်ကြီး ရန်ကုန်တိုင်းဒေသကြီးဝန်ကြီးချုပ်၊ ရန်ကုန်တိုင်းစစ်ဌာနချုပ်တိုင်းမှူး၊ ရန်ကုန်တိုင်းဒေသကြီးဝန်ကြီးများ၊ ညွှန်ကြားရေးမှူးချုပ်များ၊ ရန်ကုန်မြို့တော် စည်ပင်သာယာရေးကော်မတီမှ တာဝန်ရှိသူများ၊ ဌာနဆိုင်ရာများနှင့် ဆပ်ကော်မတီအသီးသီးမှ တာဝန်ရှိသူများ တက်ရောက်ကြသည်။ နှစ်(၇၀)ပြည့် အထိမ်းအမှတ် ခမ်းနားကြီးကျယ်စွာ ကျင်းပနိုင်ရေး ဦးစွာ ပြည်ထောင်စုဝန်ကြီးက မြတ်စွာဘုရားပရိနိဗ္ဗာန်စံပြီး သုံးလနှင့် လေးရက်အကြာ (ဘီစီ ၅၄၃) မှစ၍ ရာဇဂြိုဟ်ပြည်၊ ဝေသာလီပြည်၊ ပါဋလိပုတ်ပြည်နှင့် သီရိလင်္ကာနိုင်ငံတို့တွင် စတုတ္ထအကြိမ်အထိ သင်္ဂါယနာတင်တော်မူခဲ့ကြပြီး ပိဋကတ်တော်များကို ပိုမိုထိန်းသိမ်း စောင့်ရှောက်နိုင်စေရန်အတွက် မြန်မာနိုင်ငံ မန္တလေးမြို့၌ ပဉ္စမသင်္ဂါယနာကိုလည်းကောင်း၊ ရန်ကုန်မြို့ သီရိမင်္ဂလာကမ္ဘာအေးကုန်းမြေ မဟာပါသာဏလိုဏ်ဂူသိမ်တော်ကြီး၌ ဆဋ္ဌသင်္ဂါယနာကိုလည်းကောင်း တင်တော်မူခဲ့ကြရာ ယခုလာမည့် ၁၃၈၈ ခုနှစ် ကဆုန်လပြည့်နေ့တွင် ဆဋ္ဌသင်္ဂါယနာတင်ခဲ့သည်မှာ နှစ် (၇၀) ပြည့်မြောက်မည်ဖြစ်ကြောင်း၊ သို့ဖြစ်ရာ ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ် မဟာမင်္ဂလာအခမ်းအနားကို ၁၃၈၈ ခုနှစ် ကဆုန်လပြည့်နေ့တွင် မဟာပါသာဏလိုဏ်ဂူသိမ်တော်ကြီးတွင် ခမ်းနားကြီးကျယ်စွာ ကျင်းပနိုင်ရေးအတွက် စီစဉ်ဆောင်ရွက်လျက်ရှိပါကြောင်း ပြောကြားသည်။ ဆက်လက်၍ ရန်ကုန်တိုင်းဒေသကြီးဝန်ကြီးချုပ်က မဟာမင်္ဂလာအခမ်းအနားအောင်မြင်စွာ ကျင်းပနိုင်ရေးနှင့်စပ်လျဉ်း၍ ဆောင်ရွက်ထားရှိမှုအခြေအနေများ၊ လုပ်ငန်းပြီးစီးမှုအခြေအနေများ၊ ဆက်လက်ဆောင်ရွက်ရမည့် လုပ်ငန်းများနှင့်စပ်လျဉ်း၍ ရှင်းလင်းဆွေးနွေးပြောကြားသည်။ ထို့နောက် တက်ရောက်လာကြသူများနှင့် သက်ဆိုင်ရာဆပ်ကော်မတီအသီးသီးမှဥက္ကဋ္ဌနှင့် အတွင်းရေးမှူးများက လုပ်ငန်းဆောင်ရွက်ပြီးစီးမှုများကို အသေးစိတ်ရှင်းလင်းတင်ပြကြရာ ပြည်ထောင်စုဝန်ကြီးက လိုအပ်သည်များပေါင်းစပ်ညှိနှိုင်းဆောင်ရွက်ပေးကာ လုပ်ငန်းများ အချိန်မီပြီးစီးရေးအတွက် လိုအပ်ချက်များကို မှာကြားသည်။ အစည်းအဝေးအပြီးတွင် ပြည်ထောင်စုဝန်ကြီးနှင့်အဖွဲ့သည် ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ် မဟာမင်္ဂလာအခမ်းအနားတွင် ထည့်သွင်းကျင်းပမည့် ကျောက်စာတိုင်တည်ဆောက်ခြင်းလုပ်ငန်းခွင်သို့ရောက်ရှိပြီး အထိမ်းအမှတ်ကျောက်စာတိုင်အား သတ်မှတ်ရက်အတွင်းပြီးစီးနိုင်ရေးအတွက် အသေးစိတ်မှာကြားသည်။ ယင်းနောက် အထိမ်းအမှတ်ပြခန်းတည်ဆောက်ရေး လုပ်ငန်းခွင်ဖြစ်သော မဟာပါသာဏလိုဏ်ဂူသိမ်တော်ကြီး  အတွင်းပတ်လမ်းသို့ရောက်ရှိပြီး ပထမသင်္ဂါယနာမှ ဆဋ္ဌသင်္ဂါယနာအထိ အဆင့်ဆင့်သင်္ဂါယနာတင်ခဲ့သည့် ပြခန်းများ၊ ပြကွက်များနှင့် မျက်မှောက်ကာလတွင် သာသနာတော်တိုးတက်ထွန်းကား ပြန့်ပွားရေးအတွက် နိုင်ငံတော်အစိုးရ၏ သာသနာပြုလုပ်ငန်း ဆောင်ရွက်ချက် ပြကွက်များအား အသေးစိတ် လိုက်လံ ကြည့်ရှုစစ်ဆေးကာ လိုအပ်သည်များ မှာကြားခဲ့ကြောင်း သိရသည်။ 
Mon, 20-Apr-2026
Myanmar Plaza Sepaktakraw Challenge Cup ပိုက်ကျော်ခြင်းပြိုင်ပွဲ ကျင်းပမည်
Myanmar Plaza Sepaktakraw Challenge Cup ပိုက်ကျော်ခြင်းပြိုင်ပွဲ ကျင်းပမည်
ရန်ကုန်၊ ဧပြီ ၁၉ — မြန်မာနိုင်ငံပိုက်ကျော်ခြင်းအဖွဲ့ချုပ်မှ ကြီးမှူး၍ Myanmar Plaza ၏ ပံ့ပိုးကူညီမှုဖြင့် ကျင်းပမည့် Myanmar Plaza Sepaktakraw Challenge Cup ပိုက်ကျော်ခြင်းပြိုင်ပွဲကို ရန်ကုန်တိုင်းဒေသကြီး ဗဟန်းမြို့နယ် ကမ္ဘာအေးဘုရားလမ်းရှိ မြန်မာပလာဇာတွင် ကျင်းပမည်ဖြစ်ကြောင်း သိရသည်။အဆိုပါပြိုင်ပွဲကို ဧပြီလ ၂၃ ရက်မှ ၂၆ ရက်အထိ ဝင်ကြေးအခမဲ့ဖြင့် ကျင်းပသွားမည်ဖြစ်ပြီး မြန်မာ့လက်ရွေးစင်ကစားသမားများ၊ ဝါရင့်ကစားသမားများနှင့် အရည်အသွေးထက်မြက်သည့် မျိုးဆက်သစ်လူငယ်များ ပါဝင်သည့် လေးယောက်တွဲ အလွတ်တန်းပုံစံဖြင့် ယှဉ်ပြိုင်ကြမည်ဖြစ်သည်။ပြိုင်ပွဲတွင် ပိုက်ကျော်ခြင်းလောက၏ ထိပ်သီးကလပ်အသင်းများဖြစ်သည့် ဆယ်တဲဗိုလ်၊ လိပ်သုံးကောင်၊ ခေတ်ကျောင်းသား၊ YRG၊ ရွှေကျွန်းသား၊ ဒွေးမယ်နော်၊ USL နှင့် ဆန်းညွန့်ကလပ်တို့မှ ကစားသမားများ ပါဝင်ယှဉ်ပြိုင်မည်ဖြစ်ကြောင်း သိရသည်။ပြိုင်ပွဲဝင်အသင်းအုပ်ချုပ်သူများအစည်းအဝေးနှင့် ပွဲစဉ်ရေးဆွဲခြင်းအစည်းအဝေးကို ၂၀၂၆ ခုနှစ် ဧပြီလ ၂၂ ရက် နံနက် ၁၀ နာရီတွင် သင်္ဃန်းကျွန်းမြို့နယ် သုဝဏ္ဏရှိ မြန်မာနိုင်ငံပိုက်ကျော်ခြင်းအဖွဲ့ချုပ်ရုံး၌ ကျင်းပမည်ဖြစ်သည်။ဆုကြေးငွေအနေဖြင့် ပထမဆု ကျပ်သိန်း ၅၀၊ ဒုတိယဆု ကျပ်သိန်း ၃၀ နှင့် ပူးတွဲတတိယဆု နှစ်ဆုအတွက် တစ်ဆုလျှင် ကျပ်သိန်း ၁၅ စီဖြင့် ဂုဏ်ပြုချီးမြှင့်မည်ဖြစ်ကြောင်း မြန်မာနိုင်ငံပိုက်ကျော်ခြင်းအဖွဲ့ချုပ်မှ သိရသည်။MWD
Mon, 20-Apr-2026
ယခုဘောလုံးရာသီတွင် ရှုံးပွဲမရှိ အချိန်အကြာဆုံးစံချိန်ကို ဘုန်းမောက်အသင်း ဆက်လက်ထိန်းသိမ်းထား
ယခုဘောလုံးရာသီတွင် ရှုံးပွဲမရှိ အချိန်အကြာဆုံးစံချိန်ကို ဘုန်းမောက်အသင်း ဆက်လက်ထိန်းသိမ်းထား
လန်ဒန်၊ ဧပြီ ၁၉ — ဘုန်းမောက်အသင်းသည် နယူးကာဆယ်အသင်းကို အဝေးကွင်းတွင် ၂-၁ ဂိုးဖြင့် အနိုင်ရရှိပြီးနောက် ယခုဘောလုံးရာသီ ပရီးမီးယားလိဂ်တွင် ရှုံးပွဲမရှိ ၁၃ ပွဲဆက် စံချိန်ကို ဆက်လက်ထိန်းသိမ်းထားနိုင်ခဲ့ကြောင်း သိရသည်။ပွဲစဉ် (၃၃) အဖြစ် ကစားသည့် အဆိုပါပွဲတွင် ဘုန်းမောက်အသင်းသည် အနိုင်ရလဒ်ရရှိပြီးနောက် ဇန်နဝါရီ ၄ ရက်က အာဆင်နယ်အသင်းကို ၂-၃ ဂိုးဖြင့် ရှုံးနိမ့်ခဲ့သည့်ပွဲမှစ၍ ၁၃ ပွဲဆက် ရှုံးပွဲမရှိ စွမ်းဆောင်နိုင်ခဲ့ခြင်းဖြစ်သည်။အဆိုပါ ၁၃ ပွဲအတွင်း ဘုန်းမောက်အသင်းသည် စပါး၊ လီဗာပူး၊ ဝုဗ်၊ အဲဗာတန်၊ အာဆင်နယ်နှင့် နယူးကာဆယ်တို့ကို အနိုင်ရရှိခဲ့ပြီး ဘရိုက်တန်၊ အက်စတွန်ဗီလာ၊ ဝက်စ်ဟမ်း၊ ဆန်းဒါးလန်း၊ ဘရန့်ဖို့ဒ်၊ ဘန်လေနှင့် မန်ယူအသင်းတို့နှင့် သရေရလဒ်ထွက်ပေါ်ခဲ့သည်။လက်ရှိတွင် ဘုန်းမောက်အသင်းသည် ရမှတ် ၄၈ မှတ်ဖြင့် ရာသီအဆုံးတွင် ဥရောပပြိုင်ပွဲဝင်ခွင့်နေရာအတွက် မျှော်လင့်ချက်ရှိနေဆဲဖြစ်ကြောင်း သိရသည်။Ref: FotmobMWD
Mon, 20-Apr-2026
ကိုးလ်ပယ်မာ အပြောင်းအရွှေ့သတင်းများ ငြင်းပယ်ကာ ချယ်လ်ဆီးတွင် ဆက်ကစားရန်ဆုံးဖြတ်
ကိုးလ်ပယ်မာ အပြောင်းအရွှေ့သတင်းများ ငြင်းပယ်ကာ ချယ်လ်ဆီးတွင် ဆက်ကစားရန်ဆုံးဖြတ်
 လန်ဒန်၊ ဧပြီ ၁၉ — ချယ်လ်ဆီးအသင်း၏ ကွင်းလယ်ကစားသမား ကိုးလ်ပယ်မာသည် အပြောင်းအရွှေ့သတင်းများကို ငြင်းပယ်ကာ အသင်း၌သာ ဆက်လက်ကစားရန် ဆုံးဖြတ်ထားကြောင်း သိရသည်။အသက် ၂၃ နှစ်အရွယ်ရှိ ကိုးလ်ပယ်မာသည် မန်စီးတီးအသင်း အကယ်ဒမီထွက် ကစားသမားဖြစ်ပြီး ၂၀၂၃ ခုနှစ်တွင် ပွဲကစားခွင့်အခြေအနေကြောင့် ချယ်လ်ဆီးသို့ ပြောင်းရွှေ့လာခဲ့သူဖြစ်သည်။ချယ်လ်ဆီးအသင်းနှင့် ပထမရာသီတွင်ပင် ကိုးလ်ပယ်မာသည် ပြိုင်ပွဲစုံ ၄၅ ပွဲကစား၍ ၂၅ ဂိုးသွင်းယူကာ ဂိုးဖန်တီးမှု ၁၅ ကြိမ် ပြုလုပ်နိုင်ခဲ့ပြီး ပရီးမီးယားလိဂ် တစ်နှစ်တာအကောင်းဆုံးကစားသမားဆုကိုပါ ရရှိခဲ့သည်။သို့သော် ယခုရာသီတွင် ခြေစွမ်းအနည်းငယ်ကျဆင်းမှုနှင့်အတူ အသင်းအခြေအနေကြောင့် မပျော်ရွှင်ဟု သတင်းများထွက်ပေါ်ခဲ့ပြီး လာမည့်နွေရာသီတွင် အသင်းမှထွက်ခွာမည်ဟုလည်း ခန့်မှန်းမှုများရှိခဲ့သည်။ထိုအထဲတွင် မန်ယူအသင်းသို့ ပြောင်းရွှေ့မည်ဟု သတင်းများထွက်ပေါ်ခဲ့သော်လည်း ကိုးလ်ပယ်မာက အဆိုပါသတင်းများကို ငြင်းပယ်ထားပြီး ချယ်လ်ဆီးအသင်းတွင်သာ ဆက်လက်ကစားရန် ဆုံးဖြတ်ထားကြောင်း သိရသည်။ကိုးလ်ပယ်မာသည် ချယ်လ်ဆီးအသင်းနှင့် ၂၀၃၃ ခုနှစ်အထိ သက်တမ်းရှည်စာချုပ် ချုပ်ဆိုထားပြီး အသင်းတွင် ကာလရှည်ဆက်လက်ရှိနေနိုင်ဖွယ်ရှိသည်။Ref: Top Skills Sports UKMWD
Mon, 20-Apr-2026
ခရစ္စတယ်ပဲလေ့စ်အသင်း သမိုင်းတစ်လျှောက် ဥရောပအဆင့်ပြိုင်ပွဲတွင် ပထမဆုံးအကြိမ် ဆီမီးဖိုင်နယ် အဆင့်သို့ တက်ရောက်နိုင်
ခရစ္စတယ်ပဲလေ့စ်အသင်း သမိုင်းတစ်လျှောက် ဥရောပအဆင့်ပြိုင်ပွဲတွင် ပထမဆုံးအကြိမ် ဆီမီးဖိုင်နယ် အဆင့်သို့ တက်ရောက်နိုင်
လန်ဒန် ဧပြီ ၁၈ခရစ္စတယ်ပဲလေ့စ်အသင်းသည်   ယခုဘောလုံး ရာသီ ယူရိုပါကွန်ဖရင့်လိဂ်ပြိုင်ပွဲ ကွာတားဖိုင်နယ် ပွဲစဉ်အဖြစ်ကစားသည့် ဖီအိုရင်တီးနားအသင်းနှင့်  ပွဲစဉ်တွင်  နှစ်ကျော့ပေါင်းရလဒ်   ၄ ဂိုး-၂ ဂိုးဖြင့် အနိုင်ရရှိပြီးနောက်   အသင်းသမိုင်းတစ်လျှောက် ဥရောပအဆင့်ပြိုင်ပွဲတွင် ပထမဆုံးအကြိမ်အဖြစ် ဆီမီးဖိုင်နယ်အဆင့်သို့  တက်ရောက်နိုင်ခဲ့ကြောင်း သိရသည်။ခရစ္စတယ်ပဲလေ့စ်အသင်းသည်   ဖီအိုရင်တီးနား အသင်းကို   ပထမအကျော့တွင်   ၃ ဂိုး-ဂိုးမရှိဖြင့် အနိုင်ရရှိပြီး   ဒုတိယအကျော့တွင် ၂ ဂိုး-၁ ဂိုးဖြင့် ရှုံးနိမ့်သော်လည်း နှစ်ကျော့ပေါင်းရလဒ် ၄ ဂိုး- ၂ ဂိုးဖြင့်အနိုင်ရရှိကာ ဆီမီးဖိုင်နယ်အဆင့်သို့ တက်ရောက်နိုင်ခဲ့ခြင်းဖြစ်သည်။ခရစ္စတယ်ပဲလေ့စ်အသင်းသည် ပြီးခဲ့သည့်ဘောလုံး ရာသီက   အက်ဖ်အေဖလားပြိုင်ပွဲတွင်  ချန်ပီယံဆုဖလားဆွတ်ခူးနိုင်ခဲ့ကာ အသင်းသမိုင်းတစ်လျှောက် ပထမဆုံးချန်ပီယံဆုဖလား   ဆွတ်ခူးနိုင်ပြီးနောက် ယူရိုပါကွန်ဖရင့်လိဂ်ပြိုင်ပွဲသို့ ဝင်ရောက်ခွင့်ရရှိခဲ့ခြင်း  ဖြစ်သည်။ခရစ္စတယ်ပဲလေ့စ်အသင်းသည် ယခုဘောလုံး ရာသီ   ကွန်ဖရင့်လိဂ်ပြိုင်ပွဲ  အုပ်စုအဆင့်ပွဲစဉ်များ အပြီးတွင် အဆင့်(၁၀)နေရာ၌  ရပ်တည်နိုင်သည့် အတွက်   ရှုံးထွက်အဆင့်ကစားရပြီး   အေအီးကေ အသင်းကိုအနိုင်ရရှိကာ  ကွာတားဖိုင်နယ် အဆင့်တွင်  ဖီအိုရင်တီးနားအသင်းကို အနိုင်ရရှိခဲ့သည်။ ခရစ္စတယ်ပဲလေ့စ် အသင်းသည် ဆီမီးဖိုင်နယ်အဆင့်တွင်     ရှက်တာဒိုးနက်အသင်းနှင့် ကစားရမည်ဖြစ်ကြောင်း သိရသည်။ MWD
Mon, 20-Apr-2026
ဥရောပကလပ်အဆင့် သတ်မှတ်ချက်တွင် ရီးယဲလ်မက်ဒရစ်အသင်းကို ကျော်ဖြတ်ပြီး ဘိုင်ယန်မြူးနစ်အသင်း အဆင့်(၁)နေရာသို့ရောက်ရှိလာ
ဥရောပကလပ်အဆင့် သတ်မှတ်ချက်တွင် ရီးယဲလ်မက်ဒရစ်အသင်းကို ကျော်ဖြတ်ပြီး ဘိုင်ယန်မြူးနစ်အသင်း အဆင့်(၁)နေရာသို့ရောက်ရှိလာ
နီယွန်း ဧပြီ  ၁၈      ဥရောပဘောလုံးအဖွဲ့ချုပ်(ယူအီးအက်ဖ်အေ)က နောက်ဆုံးထုတ်ပြန်ခဲ့သည့် ဥရောပကလပ်အဆင့် သတ်မှတ်ချက်တွင် ရီးယဲလ်မက်ဒရစ်အသင်းကို ကျော်ဖြတ်ပြီး ဘိုင်ယန်မြူးနစ်အသင်းက အဆင့်(၁)နေရာသို့ ရောက်ရှိလာကြောင်း သိရသည်။အစောပိုင်းက ဥရောပတွင် ချန်ပီယံလိဂ်ပြိုင်ပွဲ၌  ချန်ပီယံဆုအကြိမ်ရေ အများဆုံးဆွတ်ခူးထားနိုင်သည့်   ရီးယဲလ်မက်ဒရစ်အသင်းသည်  ဥရောပကလပ်အဆင့် သတ်မှတ်ချက်တွင် အဆင့်(၁)နေရာ၌    ကာလရှည်ရပ်တည်နိုင်ခဲ့သော်လည်း   ယခုဘောလုံးရာသီတွင် ရလဒ်မတည်ငြိမ်မှုများနှင့်အတူ အောင်မြင်မှုရယူနိုင်ခြင်း မရှိသည့်အတွက် အဆင့်(၂)နေရာသို့ ကျဆင်းခဲ့ရခြင်းဖြစ်သည်။ဘိုင်ယန်မြူးနစ်အသင်းသည် ဥရောပဘောလုံး အဖွဲ့ချုပ်၏အဆင့်အမြင့်ဆုံးပြိုင်ပွဲဖြစ်သည့် ချန်ပီယံ လိဂ်ပြိုင်ပွဲတွင် ရလဒ်ကောင်းများ ရယူနိုင်ပြီးနောက် ကလပ်အဆင့်သတ်မှတ်ချက်တွင် စုစုပေါင်းရမှတ် ၁၄၆ ဒသမ ၅ မှတ်ဖြင့် အဆင့်(၁)နေရာသို့ ရောက်ရှိခဲ့ခြင်းဖြစ်သည်။ကလပ်အဆင့်သတ်မှတ်ချက်၌ ရီးယဲလ်မက်ဒရစ်အသင်းက ရမှတ် ၁၄၄ မှတ်ဖြင့် အဆင့်(၂)နေရာသို့ ကျဆင်းခဲ့ပြီး  ရီးယဲလ်မက်ဒရစ်အသင်းနောက်၌ လီဗာပူးအသင်းက ရမှတ် ၁၃၀ ဖြင့် အဆင့်(၃)၊ အင်တာမီလန်အသင်းက တစ်ဆင့်ကျဆင်းပြီး ရမှတ် ၁၂၇ မှတ်ဖြင့် အဆင့်(၄)၊ ပီအက်စ်ဂျီအသင်းက ရမှတ် ၁၂၆ ဒသမ ၅ မှတ်ဖြင့် အဆင့်(၅)၊ မန်စီးတီးအသင်းက တစ်ဆင့်ကျဆင်းပြီး ရမှတ် ၁၂၅ ဒသမ ၅  မှတ်ဖြင့်  အဆင့်(၆)၊ အာဆင်နယ် အသင်းက တစ်ဆင့်မြင့်တက်ပြီး ရမှတ် ၁၁၃ ဒသမ ၅ မှတ်ဖြင့် အဆင့် (၇)၊ ဘာစီလိုနာအသင်းက တစ်ဆင့်ကျဆင်းပြီး ရမှတ် ၁၁၃ မှတ်ဖြင့် အဆင့်(၈)၊ လေဗာကူဆင်အသင်းက ရမှတ် ၁၀၅ မှတ်ဖြင့် အဆင့်(၉)နှင့်  အက်သလက်တီကို အသင်းက တစ်ဆင့်မြင့်တက်ကာ ရမှတ် ၁၀၃ မှတ်ဖြင့် အဆင့်(၁၀)နေရာ၌ အသီးသီး ရပ်တည်ခဲ့ကြသည်။ဘိုင်ယန်မြူးနစ်အသင်းသည် ယခုဘောလုံးရာသီ ချန်ပီယံလိဂ်ပြိုင်ပွဲတွင် ဆီမီးဖိုင်နယ်အဆင့်သို့ တက်ရောက်နိုင်ကာ  လက်ရှိချန်ပီယံပီအက်စ်ဂျီ အသင်းနှင့် ကစားရမည်ဖြစ်ကြောင်း သိရသည်။MWD
Mon, 20-Apr-2026
© Copyright 2024 SAC All Rights Reserved.