ချယ်လ်ဆီးအသင်းကို ဂိုးပြတ်အနိုင်ရပြီး ဘရိုက်တန်အသင်း ဥရောပပြိုင်ပွဲဝင်ခွင့်ရရှိရန် နီးစပ်လာ

NoahJune222

News Image

  • ချယ်လ်ဆီးအသင်းကို ဂိုးပြတ်အနိုင်ရပြီး ဘရိုက်တန်အသင်း ဥရောပပြိုင်ပွဲဝင်ခွင့်ရရှိရန် နီးစပ်လာ

ဘရိုက်တန်အသင်းနဲ့ ချယ်လ်ဆီးအသင်းတို့ ဧပြီ ၂၁ ရက် ညပိုင်းက ယှဉ်ပြိုင်ကစားခဲ့တဲ့ ပရီမီယာလိဂ်ပွဲစဉ်မှာ ချယ်လ်ဆီးအသင်းကို ဂိုးပြတ်အနိုင်ရပြီး လာမယ့်ဘောလုံးရာသီ ဥရောပပြိုင်ပွဲ ဝင်ခွင့်ရရှိဖို့   နီးစပ်လာခဲ့ပြီဖြစ်ပါတယ်။  ဘရိုက်တန်အသင်းနဲ့ ချယ်လ်ဆီးအသင်းတို့ပွဲစဉ်မှာ ဘရိုက်တန်အသင်းက သုံးဂိုးပြတ်ဖြင့် အနိုင်ရရှိခဲ့တာဖြစ်ပြီး ဘရိုက်တန်အသင်းအတွက် သွင်းဂိုးတွေကို  ပထမပိုင်းပွဲကစားချိန်  သုံးမိနစ်မှာ ကာဒီယိုဂလုကတစ်ဂိုး၊  ဒုတိယပိုင်းပွဲကစားချိန်  ၅၆ မိနစ်မှာ ဟင်ရှယ်ဝုဒ်က တစ်ဂိုး၊  သာမန်ပွဲကစားချိန်  မိနစ် ၉၀ အပြီး နာကျင်အချိန်ပို တစ်မိနစ်မှာ   ဒန်နီဝဲလ်ဘက်က တစ်ဂိုး အသီးသီးသွင်းယူပေးခဲ့တာ ဖြစ်ပါတယ်။   

ဘရိုက်တန်အသင်းဟာ ချယ်လ်ဆီးအသင်းကို အနိုင်ရရှိခဲ့တာကြောင့် ပရီမီယာလိဂ်ပွဲစဉ် (၃၄) ယှဉ်ပြိုင်ကစားပြီးချိန်မှာ  ရမှတ် ၅၀ အထိ  စုဆောင်းနိုင်ခဲ့တာကြောင့်   အမှတ်ပေးဇယားအဆင့် (၆) နေရာမှာ ရပ်တည်နိုင်ခဲ့ပြီး လာမယ့်ရာသီ ဥရောပဝင်ခွင့်တစ်နေရာရရှိဖို့ နီးစပ်လာခဲ့တာ ဖြစ်ပါတယ်။ ဒါအပြင် ဘရိုက်တန်အသင်းဟာ ချယ်လ်ဆီးအသင်းနဲ့ ပြိုင်ပွဲစုံ နောက်ဆုံးငါးပွဲမှာ  လေးပွဲအထိ နိုင်ပွဲရရှိအောင် စွမ်းဆောင်နိုင်ခဲ့တာဖြစ်ပါတယ်။ ချယ်လ်ဆီးအသင်းကတော့  ဘရိုက်တန်အသင်းကို ရှုံးနိမ့်ခဲ့တာကြောင့်  ပရီမီယာလိဂ်ပွဲစဉ်(၃၄)  ယှဉ်ပြိုင်ကစားပြီးချိန်မှာ ရမှတ် ၄၈ မှတ်နဲ့ အမှတ်ပေးဇယားအဆင့်(၇) နေရာမှာ ရပ်တည်နေတာဖြစ်ပါတယ်။ ချယ်လ်ဆီးအသင်းအနေနဲ့  ဘရိုက်တန်အသင်းကို ရှုံးနိမ့်ခဲ့ခြင်းဟာ ၁၉၁၂ ခုနှစ်နောက်ပိုင်း ရဂိုးမရှိ ပရီမီယာလိဂ်ငါးပွဲ ဆက်ရှုံးပွဲနဲ့  ပထမဆုံးအကြိမ်  ဆုံတွေခဲ့ရတာလည်း ဖြစ်ပါတယ်။

ငွေကြယ်

MDN

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

အီးစီးကရက်သောက်သုံးမှုကြောင့် ကင်ဆာရောဂါများဖြစ်နိုင်ခြေ မြင့်မားလာတတ်
အီးစီးကရက်သောက်သုံးမှုကြောင့် ကင်ဆာရောဂါများဖြစ်နိုင်ခြေ မြင့်မားလာတတ်
ဝယ်လင်တန်   ဧပြီ ၂၂အီးစီးကရက် သောက်သုံးမှုကြောင့် ကင်ဆာရောဂါများဖြစ်ပွားနိုင်ခြေ မြင့်မားလာတတ်ကြောင်း သုတေသနပညာရှင်များက ဧပြီ ၂၁ ရက်တွင် ပြောကြားသည်။အီးစီးကရက်များကို ဆေးလိပ်သောက်သုံးမှု တိုက်ဖျက်ရေးလှုပ်ရှားမှုအတွက် အထောက်အကူပြုနိုင်သောပစ္စည်းများအဖြစ် ဆေးပညာရှင်များက ရှေးယခင်က မှတ်ယူထားခဲ့ကြကြောင်း သိရသည်။သို့ရာတွင် နောက်ပိုင်းပြုလုပ်ခဲ့သည့် သုတေသနလုပ်ငန်းများမှ ပေါ်ထွက်လာသောရလဒ်များအရ အီးစီးကရက်သောက်သုံးမှုသည် ယခင်တွေးထင်ထားသကဲ့သို့ ဆေးအန္တရာယ်ကင်းရှင်းမှု မရှိနိုင်ကြောင်း သိရသည်။အလားတူ အီးစီးကရက်သောက်သုံးမှုကြောင့် နှာခေါင်းကင်ဆာနှင့် အဆုတ်ကင်ဆာအပါအဝင် ကင်ဆာရောဂါများဖြစ်နိုင်ခြေမြင့်မားလာတတ်ကြောင်း နယူးဇီလန်နိုင်ငံ ကင်တာဘူရီတက္ကသိုလ်မှ သုတေသနပညာရှင်များ၏ အဆိုအရ သိရသည်။သို့ရာတွင် အီးစီးကရက်သောက်သုံးမှုကြောင့် ကင်ဆာရောဂါများဖြစ်နိုင်ခြေမြင့်တက်လာနိုင်မှုသည် စီးကရက်သောက်သုံးမှုနှင့် နှိုင်းယှဉ်ပါက ပို၍ နည်းပါးကြောင်း နယူးဇီလန် သုတေသနပညာရှင်များက ပြောကြားသည်။ရတနာပုံသတင်းစာ
Thu, 23-Apr-2026
ချယ်လ်ဆီးအသင်းကို ဂိုးပြတ်အနိုင်ရပြီး ဘရိုက်တန်အသင်း ဥရောပပြိုင်ပွဲဝင်ခွင့်ရရှိရန် နီးစပ်လာ
ချယ်လ်ဆီးအသင်းကို ဂိုးပြတ်အနိုင်ရပြီး ဘရိုက်တန်အသင်း ဥရောပပြိုင်ပွဲဝင်ခွင့်ရရှိရန် နီးစပ်လာ
ဘရိုက်တန်အသင်းနဲ့ ချယ်လ်ဆီးအသင်းတို့ ဧပြီ ၂၁ ရက် ညပိုင်းက ယှဉ်ပြိုင်ကစားခဲ့တဲ့ ပရီမီယာလိဂ်ပွဲစဉ်မှာ ချယ်လ်ဆီးအသင်းကို ဂိုးပြတ်အနိုင်ရပြီး လာမယ့်ဘောလုံးရာသီ ဥရောပပြိုင်ပွဲ ဝင်ခွင့်ရရှိဖို့   နီးစပ်လာခဲ့ပြီဖြစ်ပါတယ်။  ဘရိုက်တန်အသင်းနဲ့ ချယ်လ်ဆီးအသင်းတို့ပွဲစဉ်မှာ ဘရိုက်တန်အသင်းက သုံးဂိုးပြတ်ဖြင့် အနိုင်ရရှိခဲ့တာဖြစ်ပြီး ဘရိုက်တန်အသင်းအတွက် သွင်းဂိုးတွေကို  ပထမပိုင်းပွဲကစားချိန်  သုံးမိနစ်မှာ ကာဒီယိုဂလုကတစ်ဂိုး၊  ဒုတိယပိုင်းပွဲကစားချိန်  ၅၆ မိနစ်မှာ ဟင်ရှယ်ဝုဒ်က တစ်ဂိုး၊  သာမန်ပွဲကစားချိန်  မိနစ် ၉၀ အပြီး နာကျင်အချိန်ပို တစ်မိနစ်မှာ   ဒန်နီဝဲလ်ဘက်က တစ်ဂိုး အသီးသီးသွင်းယူပေးခဲ့တာ ဖြစ်ပါတယ်။   ဘရိုက်တန်အသင်းဟာ ချယ်လ်ဆီးအသင်းကို အနိုင်ရရှိခဲ့တာကြောင့် ပရီမီယာလိဂ်ပွဲစဉ် (၃၄) ယှဉ်ပြိုင်ကစားပြီးချိန်မှာ  ရမှတ် ၅၀ အထိ  စုဆောင်းနိုင်ခဲ့တာကြောင့်   အမှတ်ပေးဇယားအဆင့် (၆) နေရာမှာ ရပ်တည်နိုင်ခဲ့ပြီး လာမယ့်ရာသီ ဥရောပဝင်ခွင့်တစ်နေရာရရှိဖို့ နီးစပ်လာခဲ့တာ ဖြစ်ပါတယ်။ ဒါအပြင် ဘရိုက်တန်အသင်းဟာ ချယ်လ်ဆီးအသင်းနဲ့ ပြိုင်ပွဲစုံ နောက်ဆုံးငါးပွဲမှာ  လေးပွဲအထိ နိုင်ပွဲရရှိအောင် စွမ်းဆောင်နိုင်ခဲ့တာဖြစ်ပါတယ်။ ချယ်လ်ဆီးအသင်းကတော့  ဘရိုက်တန်အသင်းကို ရှုံးနိမ့်ခဲ့တာကြောင့်  ပရီမီယာလိဂ်ပွဲစဉ်(၃၄)  ယှဉ်ပြိုင်ကစားပြီးချိန်မှာ ရမှတ် ၄၈ မှတ်နဲ့ အမှတ်ပေးဇယားအဆင့်(၇) နေရာမှာ ရပ်တည်နေတာဖြစ်ပါတယ်။ ချယ်လ်ဆီးအသင်းအနေနဲ့  ဘရိုက်တန်အသင်းကို ရှုံးနိမ့်ခဲ့ခြင်းဟာ ၁၉၁၂ ခုနှစ်နောက်ပိုင်း ရဂိုးမရှိ ပရီမီယာလိဂ်ငါးပွဲ ဆက်ရှုံးပွဲနဲ့  ပထမဆုံးအကြိမ်  ဆုံတွေခဲ့ရတာလည်း ဖြစ်ပါတယ်။ငွေကြယ်MDN
Thu, 23-Apr-2026
ရန်ကုန်တိုင်းဒေသကြီး အားကစားနှင့်ကာယပညာကော်မတီဥက္ကဋ္ဌ အားကစားဖွံ့ဖြိုးတိုးတက်ရေး တိုင်းဒေသကြီး အားကစားအဖွဲ့ဆပ်ကော်မတီဥက္ကဋ္ဌများနှင့် တွေ့ဆုံညှိနှိုင်း
ရန်ကုန်တိုင်းဒေသကြီး အားကစားနှင့်ကာယပညာကော်မတီဥက္ကဋ္ဌ အားကစားဖွံ့ဖြိုးတိုးတက်ရေး တိုင်းဒေသကြီး အားကစားအဖွဲ့ဆပ်ကော်မတီဥက္ကဋ္ဌများနှင့် တွေ့ဆုံညှိနှိုင်း
ရန်ကုန်   ဧပြီ    ၂၂ရန်ကုန်တိုင်းဒေသကြီး အားကစားအောင်နိုင်ရေး၊ အားကစားပြိုင်ပွဲများနှင့်စပ်လျဉ်း၍ တိုင်းဒေသကြီး အားကစားဆပ်ကော်မတီဥက္ကဋ္ဌများနှင့် တွေ့ဆုံညှိနှိုင်းအစည်းအဝေးကို ယမန်နေ့ နံနက်ပိုင်းက ရန်ကုန်တိုင်းဒေသကြီး အားကစားနှင့် ကာယပညာဦးစီးဌာန(တိုင်းရုံး) အစည်းအဝေး ခန်းမ၌ ကျင်းပရာ တိုင်းဒေသကြီး အားကစားနှင့်ကာယပညာကော်မတီဥက္ကဋ္ဌ တိုင်းဒေသကြီး  လူမှုရေးရာဝန်ကြီး ဦးဗိုလ်ဌေး၊  ရန်ကုန်တိုင်းဒေသကြီး အားကစားနှင့် ကာယပညာဦးစီးဌာန ညွှန်ကြားရေးမှူးနှင့် တာဝန်ရှိသူများ၊ တိုင်းဒေသကြီး အားကစားနည်း ၃၃ နည်းမှ ဥက္ကဋ္ဌ၊ ဒုတိယဥက္ကဋ္ဌနှင့် အတွင်းရေးမှူးများ တက်ရောက်ကြသည်။ကြိုတင်ပြင်ဆင်ဆောင်ရွက်ဦးစွာ ရန်ကုန်တိုင်းဒေသကြီး အားကစားနှင့်ကာယပညာကော်မတီဥက္ကဋ္ဌ တိုင်းဒေသကြီး လူမှုရေးရာဝန်ကြီးက တိုင်းဒေသကြီး အားကစားအောင်နိုင်ရေးအတွက် တိုင်းဒေသကြီး အားကစား ဆပ်ကော်မတီများ အသစ်ပြန်လည်ဖွဲ့စည်းရန်၊ ဧပြီ ၂၀ ရက်မှ ဇူလိုင် ၃၁ ရက်အထိ ရက်(၁၀၀)  စီမံချက်ပေးပို့ရာတွင် တိုင်းဒေသကြီး အားကစားဆပ်ကော်မတီ များအနေဖြင့် ပါဝင်နိုင်ရေး၊ ရန်ကုန်တိုင်းဒေသကြီးအတွင်း ကျင်းပပြုလုပ်မည့် အားကစားပြိုင်ပွဲများကို ဝန်ကြီးဌာနမှ အားကစားနည်းအလိုက် ချမှတ်ထားသော စည်းမျဉ်း စည်းကမ်းများနှင့်အညီ ဆောင်ရွက်သွားရန်၊ တိုင်းဒေသကြီးနှင့် ပြည်နယ်အားကစားပြိုင်ပွဲများသို့ ဝင်ရောက်ယှဉ်ပြိုင်မည့် အားကစားအဖွဲ့များအနေဖြင့် ကြိုတင်ပြင်ဆင်ဆောင်ရွက်သွားရန်နှင့် ယခုထက်ဆုတံဆိပ်များ   ပိုမို ရရှိအောင် ကြိုးစားပေးကြစေလိုကြောင်း  ဆွေးနွေးပြောကြားသည်။ဆွေးနွေးပြောကြားယင်းနောက်  အစည်းအဝေးသို့  တက်ရောက်လာကြသည့် ရန်ကုန်တိုင်းဒေသကြီး အားကစားဆပ်ကော်မတီဥက္ကဋ္ဌ၊ ဒုတိယဥက္ကဋ္ဌနှင့်အတွင်းရေးမှူးတို့က အားကစားပြိုင်ပွဲများသို့ ဝင်ရောက်ယှဉ်ပြိုင်ရေးအတွက် ကြိုတင်ဆောင်ရွက်ထားရှိမှုများ၊ အုပ်ချုပ်/နည်းပြနှင့် အားကစားသမားများ အား ဖွဲ့စည်း၍ စခန်းသွင်းထားရှိမှုအခြေအနေများ၊ အားကစားနည်းများအလိုက် စခန်းသွင်းလေ့ကျင့်မည့် လျာထားချက်များကို ဆွေးနွေးပြောကြားခဲ့ကြောင်း သိရသည်။​အောင်မြင့်(ပြန်/ဆက်)MDN
Thu, 23-Apr-2026
၂၀၂၆ အာရှဖလား ယူ-၁၇ ပြိုင်ပွဲ မြန်မာ ယူ-၁၇ အမျိုးသားအသင်း ဆက်လက်ယှဉ်ပြိုင်မည်
၂၀၂၆ အာရှဖလား ယူ-၁၇ ပြိုင်ပွဲ မြန်မာ ယူ-၁၇ အမျိုးသားအသင်း ဆက်လက်ယှဉ်ပြိုင်မည်
ရန်ကုန်   ဧပြီ    ၂၂မေ ၅ ရက်မှ ၂၃ ရက်အထိ ဆော်ဒီအာရေဗျနိုင်ငံ၌ ကျင်းပမည့် ၂၀၂၆ အာရှဖလား ယူ-၁၇ ပြိုင်ပွဲတွင် မြန်မာ ယူ-၁၇ အမျိုးသားလူငယ်လက်ရွေးစင်အသင်း ဆက်လက် ယှဉ်ပြိုင်မည်ဖြစ်သည်။မြန်မာ ယူ-၁၇  အသင်းသည် နိုင်ငံတကာပြိုင်ပွဲနှစ်ခု ဆက်တိုက်ယှဉ်ပြိုင်ရခြင်းဖြစ်ပြီး ဧပြီ ၁၁ ရက်မှ ၂၄ ရက်အထိ အင်ဒိုနီးရှားနိုင်ငံ၌ ကျင်းပနေသည့် ၂၀၂၆ အာဆီယံ ယူ-၁၇ ချန်ပီယံရှစ်ပြိုင်ပွဲ ယှဉ်ပြိုင်ပြီးနောက် နှစ်ပတ်ဝန်းကျင်အကြာတွင် ကျင်းပမည့် အာရှဖလား ယူ-၁၇ ပြိုင်ပွဲ ယှဉ်ပြိုင် ရခြင်းဖြစ်သည်။ မြန်မာ  ယူ-၁၇ အသင်းသည် အာဆီယံ ယူ-၁၇ ပြိုင်ပွဲတွင် အုပ်စုအဆင့်မှ  ထွက်ခဲ့ရသော်လည်း အင်ဒိုနီးရှားနိုင်ငံ၌ ဆက်လက်လေ့ကျင့်နေပြီး ဧပြီ ၂၅ ရက်တွင် ရန်ကုန်မြို့သို့  ပြန်လည်ရောက်ရှိမည်ဖြစ်သည်။ မြန်မာ ယူ-၁၇ အသင်းသည် ရန်ကုန်မြို့တွင် အပြီးသတ် ပြင်ဆင်မှုများပြုလုပ်ပြီးနောက် အပြီးသတ်ကစားသမားရွေးချယ်ကာ ဆော်ဒီအာရေဗျနိုင်ငံသို့   ထွက်ခွာမည်ဖြစ်သည်။မြန်မာအသင်းသည် အာရှဖလားပြိုင်ပွဲတွင် အိမ်ရှင် ဆော်ဒီအာရေဗျ၊ တာဂျစ်ကစ္စတန်၊ ထိုင်းအသင်းတို့နှင့် အုပ်စု(A)တွင် ကျရောက်နေသည်။  မြန်မာအသင်းသည်  ယှဉ်ပြိုင်ခဲ့သည့် အာဆီယံ ယူ-၁၇ ပြိုင်ပွဲတွင် ထိုင်းကို အနိုင်၊ လာအိုကို သရေကျသော်လည်း  ဖိလစ်ပိုင်ကို အရေးနိမ့်ခဲ့ သဖြင့် အုပ်စုအဆင့်မှ ထွက်ခဲ့ရခြင်းဖြစ်သည်။ မြန်မာအသင်းသည် ထိုင်းနှင့် ပြိုင်ပွဲနှစ်ခုဆက် တစ်အုပ်စုတည်း ကျရောက်နေသော်လည်း အာရှဖလားပြိုင်ပွဲယှဉ်ပြိုင်မည့် ထိုင်း ယူ-၁၇ အသင်းသည်   အာဆီယံပြိုင်ပွဲယှဉ်ပြိုင်ခဲ့သည့် အသင်းမဟုတ်ဘဲ ဂျာမန်နည်းပြဖြင့် သီးခြားပြင်ဆင်နေကြောင်း သိရသည်။သတင်း-ရှိုင်းထက်ဇော်ဓာတ်ပုံ-MFFMDN
Thu, 23-Apr-2026
ရှမ်းပြည်နယ်ဝန်ကြီးချုပ်ဖလား အသက်(၂၅)နှစ်အောက် အမျိုးသား၊ အမျိုးသမီးဘော်လီဘောပြိုင်ပွဲ ဖွင့်ပွဲအခမ်းအနား ကျင်းပ
ရှမ်းပြည်နယ်ဝန်ကြီးချုပ်ဖလား အသက်(၂၅)နှစ်အောက် အမျိုးသား၊ အမျိုးသမီးဘော်လီဘောပြိုင်ပွဲ ဖွင့်ပွဲအခမ်းအနား ကျင်းပ
တောင်ကြီး     ဧပြီ     ၂၂ရှမ်းပြည်နယ်ဝန်ကြီးချုပ် ဦးစိုင်းထိန်စိုးသည် ယနေ့ညနေပိုင်းတွင် ပြည်နယ်လွှတ်တော်ဥက္ကဋ္ဌ၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများ၊ ပြည်နယ်တိုင်းရင်းသားရေးရာ ဝန်ကြီးများ၊  ပြည်နယ်ဥပဒေချုပ်၊  ပြည်နယ်အစိုးရ အဖွဲ့အတွင်းရေးမှူး၊ တာဝန်ရှိသူများနှင့်အတူ တောင်ကြီးမြို့ ပြည်နယ်လေ့ကျင့်ရေးအားကစားရုံ၌ ကျင်းပသည့် ၂၀၂၆ ခုနှစ် ရှမ်းပြည်နယ် ဝန်ကြီးချုပ်ဖလား  အသက်(၂၅)နှစ်အောက် အမျိုးသား၊  အမျိုးသမီး ဘော်လီဘောပြိုင်ပွဲ ဖွင့်ပွဲအခမ်းအနားသို့ တက်ရောက်ကြသည်။အခမ်းအနားတွင် ပြည်နယ်ဝန်ကြီးချုပ်က အမှာစကားပြောကြားပြီး ပြိုင်ပွဲဝင်အားကစားသမားများက အားကစားသစ္စာအဓိဋ္ဌာန်ရွတ်ဆို၍ ပြည်နယ်ဝန်ကြီးချုပ်နှင့်တာဝန်ရှိသူများက ပြိုင်ပွဲဝင်အသင်းများအား  ရင်းရင်းနှီးနှီးလိုက်လံနှုတ်ဆက်ကြကာ အမှတ်(၃) အခြေခံပညာအထက်တန်းကျောင်းမှ ဘင်ခရာတပ်ဖွဲ့အား ဂုဏ်ပြုဆုချီးမြှင့်ပေးအပ်၍ အမျိုးသားပွဲစဉ်အဖြစ် တောင်ကြီးခရိုင်အသင်းနှင့် ကလောခရိုင်အသင်းတို့ ယှဉ်ပြိုင်ကစားနေမှုကို ကြည့်ရှုအားပေးသည်။အဆိုပါ ရှမ်းပြည်နယ်ဝန်ကြီးချုပ်ဖလား အသက်(၂၅)နှစ်အောက် ဘော်လီဘောပြိုင်ပွဲတွင် အမျိုးသားခုနစ်သင်း၊   အမျိုးသမီးကိုးသင်း  ပါဝင်ယှဉ်ပြိုင်ကြပြီး  ပြိုင်ပွဲကို  ဧပြီ ၂၂ ရက်မှ ၂၆ ရက် အထိ ယှဉ်ပြိုင်သွားမည်ဖြစ်သည်။ယမန်နေ့ညနေပိုင်းကလည်း ပြည်နယ်ဝန်ကြီးချုပ်သည် ပြည်နယ်ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်အဆင့် ဌာနဆိုင်ရာတာဝန်ရှိသူများနှင့်အတူ တောင်ကြီးမြို့   အမှတ်(၂) မူကြိုကျောင်းဆောင်သစ် ဆောက်လုပ်နေမှုနှင့် တောင်ကြီးမြို့ လေးမိုင်ကွေ့ မြို့ရှောင်လမ်းပေါ်ရှိ ယာဉ်ရပ်နားစခန်းဆောင်ရွက်မည့်နေရာကို သွားရောက်ကြည့်ရှုစစ်ဆေးသည်။ထို့နောက် တောင်ကြီးမြို့နယ် လေးမိုင်ကွေ့ နောင်တလီ-ညိုမီး-နောင်ပနားဗွာ-ထီရီး-(မွေးမြူရေးဇုန်)မြို့ရှောင်လမ်းကို သွားရောက်ကြည့်ရှုစစ်ဆေးပြီး ပြည်နယ်ဝန်ကြီးချုပ်က လမ်းအား သတ်မှတ်စံချိန်စံညွှန်းနှင့်အညီ ရေရှည်ခိုင်ခံ့အောင် ဆောင်ရွက်ပေးရန်နှင့် လမ်းအကွေ့တက်နေရာ များတွင် ပြေပြစ်အောင် ဆောင်ရွက်ပေးရန် လိုအပ်ကြောင်း မှာကြားကာ လိုအပ်သည်များကို  ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။   မောင်မောင်သန်း(တောင်ကြီး)MDN
Thu, 23-Apr-2026
မြစ်ကြီးနားတက္ကသိုလ်မှ ကျောင်းသား ကျောင်းသူ ၁၉ ဦး တရုတ်နိုင်ငံ GXETVI တွင် ပညာသင်ဆုဖြင့် တက်ရောက်ရန် ထွက်ခွာ
မြစ်ကြီးနားတက္ကသိုလ်မှ ကျောင်းသား ကျောင်းသူ ၁၉ ဦး တရုတ်နိုင်ငံ GXETVI တွင် ပညာသင်ဆုဖြင့် တက်ရောက်ရန် ထွက်ခွာ
မြစ်ကြီးနား     ဧပြီ     ၂၂ပညာရေးဝန်ကြီးဌာန ပြည်ထောင်စုဝန်ကြီး၏ ကြီးကြပ်မှုဖြင့် မြစ်ကြီးနားတက္ကသိုလ်က နိုင်ငံတကာနှင့် ပူးပေါင်းဆောင်ရွက်မှုများကို တိုးမြှင့်ဆောင်ရွက်လျက်ရှိရာ မြစ်ကြီးနားတက္ကသိုလ်မှ ကျောင်းသား ကျောင်းသူ ၁၉  ဦးသည် တရုတ်ပြည်သူ့သမ္မတနိုင်ငံ နန်နင်းမြို့ရှိ Guangxi Economic and Trade Vocational Institute (GXETVI)  ၌   "Fashion   and Apparel Design"  ဘာသာရပ်ဖြင့် သုံးနှစ်တာ  ဒီပလိုမာသင်တန်း (Diploma in  Fashion and Apparel Design) ကို ပညာသင်ဆု (Full  Scholarship)ဖြင့် တက်ရောက်ရန်အတွက် ယနေ့တွင် ရန်ကုန်အပြည်ပြည်ဆိုင်ရာလေဆိပ်မှ  ထွက်ခွာသွားသည်။ယခုကဲ့သို့   သွားရောက်ပညာသင်ကြားခြင်းဖြင့် ပြည်တွင်းရှိ အသေးစား၊ အလတ်စား စီးပွားရေးလုပ်ငန်းများ(SMEs)အတွက် အဓိကကျသော  အထည်အလိပ်နှင့် ဒီဇိုင်းကဏ္ဍ၌ ခေတ်မီနည်းပညာရှင်များ ပေါ်ထွက်လာစေရန်နှင့် ကုန်ကြမ်းတင်ပို့မှုထက် နိုင်ငံတကာအဆင့်မီ တန်ဖိုးမြှင့်ကုန်ချော များကို ကိုယ်တိုင်ဒီဇိုင်းရေးဆွဲထုတ်လုပ်နိုင်သည့် လူ့စွမ်းအားအရင်းအမြစ်များ  ပျိုးထောင်ပေးနိုင်ရန် ရည်ရွယ်ခြင်းဖြစ်ကြောင်း၊  ထို့ပြင် တရုတ်နိုင်ငံ၏ ခေတ်မီနည်းပညာများကို သင်ယူခွင့်ရရှိခြင်း ကြောင့် ပြည်တွင်းရှိ သက်မွေးပညာကဏ္ဍ(TVET)ဖွံ့ဖြိုးမှုကို အထောက်အကူပြုစေမည့် နည်းပညာ ကူးပြောင်းမှုများရရှိစေရန်လည်း  မျှော်မှန်းထားကြောင်း သိရသည်။အဆိုပါ ကျောင်းသား ကျောင်းသူများသည် ဧပြီ  ၂၇ ရက်မှစတင်၍ သင်တန်းများကို  တက်ရောက်ကြမည်ဖြစ်ပြီး ယခုပူးပေါင်းဆောင်ရွက်မှုသည် မြစ်ကြီးနားတက္ကသိုလ်၏ နိုင်ငံတကာပညာရေးကဏ္ဍမြှင့်တင်မှုအတွက် ကြီးမားသော ခြေလှမ်းတစ်ရပ်ဖြစ်ကာ ဤကဲ့သို့  နိုင်ငံတော်အတွက် ဘဏ္ဍာငွေကုန်ကျမှုမရှိဘဲ ပြည့်စုံသောပညာသင်ဆုအစီအစဉ်ဖြင့် အရည်အသွေးမြင့်ပညာရပ်များကို သင်ယူခွင့်ရရှိခြင်းသည် နိုင်ငံတော်နှင့် တက္ကသိုလ်အတွက် အကျိုးကျေးဇူးများစွာ ရရှိစေမည်ဖြစ်ကြောင်း သိရသည်။ကောင်းကောင်း(မြိတ်)MDN
Thu, 23-Apr-2026
© Copyright 2024 SAC All Rights Reserved.