ဂျပန်၊ တရုတ်၊ တောင်ကိုရီးယားနိုင်ငံတို့သို့ ဩစတြေးလျနိုင်ငံခြားရေးဝန်ကြီး သွားရောက်မည်

KookieSpace97

News Image

  • ဂျပန်၊ တရုတ်၊ တောင်ကိုရီးယားနိုင်ငံတို့သို့ ဩစတြေးလျနိုင်ငံခြားရေးဝန်ကြီး သွားရောက်မည်

ဆစ်ဒနီ ဧပြီ ၂၇

လာမည့်ရက်သတ္တပတ်အတွင်း ဂျပန်၊ တရုတ်၊ တောင်ကိုရီးယားနိုင်ငံ တို့သို့ သွားရောက်ရန်စီစဉ်ထားကြောင်း ဩစတြေးလျနိုင်ငံခြားရေးဝန်ကြီး ပင်နီဝေါင်က ယနေ့တွင် သတင်းထုတ်ပြန်ထားသည် ဟု Xinhua သတင်းဌာနက ဖော်ပြထားသည်။

အရှေ့အလယ်ပိုင်း စစ်ရေးပဋိပက္ခကြောင့် စွမ်းအင်ဖြည့်ဆည်းမှုလမ်းကြောင်းများ ပြတ်တောက်နေချိန်တွင် အဆိုပါအာရှအင်အားကြီးနိုင်ငံ သုံးနိုင်ငံသို့ သွားရောက်ရန် ဩစတြေးလျနိုင်ငံခြားရေးဝန်ကြီးက စီစဉ်ထားခြင်းဖြစ်သည်။ 

ဂျပန်နိုင်ငံ ခရီးစဉ်အတွင်း ဩစတြေးလျ နိုင်ငံခြားရေးဝန်ကြီး ပင်နီဝေါင်သည် ဂျပန် နိုင်ငံခြားရေးဝန်ကြီး တိုရှီမစ်ဆု မိုတီဂီတိုနှင့် တွေ့ဆုံ၍ စွမ်းအင်လုံခြုံရေးကိစ္စများကို ဆွေးနွေးမည်ဖြစ်သည်။ 

အလားတူ ဩစတြေးလျ နိုင်ငံခြားရေးဝန်ကြီးသည် တရုတ်ခရီးစဉ်တွင်လည်း တရုတ်နိုင်ငံခြားရေးဝန်ကြီး ဝမ်ယီနှင့် တွေ့ဆုံ၍ အဋ္ဌမ အကြိမ်မြောက် ဩစတြေးလျ-တရုတ်နိုင်ငံခြားရေးနှင့် မဟာဗျူဟာဆွေးနွေးပွဲကို ကျင်းပမည်ဖြစ်သည်။

ဂျပန်နှင့် တရုတ်နိုင်ငံ ခရီးစဉ်များအပြီးတွင် ဩစတြေးလျ နိုင်ငံခြားရေးဝန်ကြီးသည် တောင်ကိုရီး ယားနိုင်ငံသို့ ဆက်လက်သွားရောက်၍ တောင်ကိုရီးယားနိုင်ငံခြားရေးဝန်ကြီး ချိုဟွန်းနှင့် တွေ့ဆုံ ဆွေးနွေးရန် စီစဉ်ထားသည်။

ပြည်တွင်းလောင်စာဆီ လိုအပ်ချက်စုစုပေါင်း၏ အများစုကို ပြည်ပမှမှာယူတင်သွင်းနေရသော ဩစတြေးလျနိုင်ငံသည် အရှေ့အလယ်ပိုင်းစစ်ရေးပဋိပက္ခ၌ ဒေသအလိုက်နေရာကွက်၍ လောင်စာဆီပြတ်လပ်မှုပြဿနာနှင့် ရင်ဆိုင်နေရကြောင်း သိရသည်။

ရတနာပုံ

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အမေရိကန်နှင့် တင်းမာမှု ပြေလည်စေရန် အီရန်က ကမ်းလှမ်းချက်အသစ် ပေး
အမေရိကန်နှင့် တင်းမာမှု ပြေလည်စေရန် အီရန်က ကမ်းလှမ်းချက်အသစ် ပေး
အမေရိကန်နှင့် တင်းမာမှု ပြေလည်စေရန် အီရန်က ကမ်းလှမ်းချက်အသစ် ပေးအမေရိကန်နှင့် အီရန်တို့ကြား တင်းမာမှု ပြေလျော့ရေးအတွက် ဟော်မုရေလက်ကြား ပြန်ဖွင့်ပေးရန်နှင့် စစ်ပွဲအဆုံးသတ်ရန် အီရန်က အမေရိကန်ထံသို့ ကမ်းလှမ်းချက်အသစ်တစ်ခု ပေးထားကြောင်း Axios သတင်းဌာနက ဧပြီလ ၂၇ ရက်တွင် ဖော်ပြထားသည်။အဆိုပါကမ်းလှမ်းချက်တွင် အဓိကအကျပ်အတည်းဖြစ်သည့် နျူကလီးယားဆိုင်ရာ ဆွေးနွေးမှုများကို နောက်ဆုံးအဆင့်တွင်သာ ဆွေးနွေးရန်နှင့် လက်ရှိတင်းမာမှုများကို ဦးစွာဖြေရှင်းရန် အီရန်ဘက်မှ အဆိုပြုထားသည်။ထိုကမ်းလှမ်းချက်ကို အီရန်နိုင်ငံခြားရေးဝန်ကြီး အဘတ် အာရတ်ချီက ပါကစ္စတန်၊ အီဂျစ်၊ တူကီယဲနှင့် ကာတာနိုင်ငံတို့ရှိ ကြားဝင်စေ့စပ်ပေးသူများမှတစ်ဆင့် အမေရိကန်အစိုးရထံသို့ ပေးပို့ခဲ့ခြင်းဖြစ်သည်။အီရန်၏ အဆိုပြုချက်တွင် အဆင့် (၃) ဆင့် ပါဝင်ပြီး ပထမအဆင့်တွင် တိုက်ခိုက်မှုများ ရပ်စဲရေးနှင့် အီရန်နှင့် လက်ဘနွန်တို့အပေါ် နောက်ထပ်မတိုက်ခိုက်ရေး အာမခံချက် ရယူရန် ပါဝင်သည်။ ဒုတိယအဆင့်တွင် အိုမန်နိုင်ငံနှင့် ပူးပေါင်းကာ ဟော်မုရေလက်ကြား စီမံခန့်ခွဲမှုအတွက် ဥပဒေကြောင်းအရ စနစ်အသစ်တစ်ခု ဖော်ဆောင်ရန် ဖြစ်ပြီး တတိယအဆင့်တွင် နျူကလီးယားကိစ္စ ဆွေးနွေးရန် ပါဝင်သည်။သို့သော် အမေရိကန်ဘက်ကမူ အီရန်၏ နျူကလီးယားအစီအစဉ်ကို ဖျက်သိမ်းပြီး သန့်စင်ပြီး ယူရေနီယံအားလုံးကို လွှဲပြောင်းပေးရန် တောင်းဆိုထားဆဲဖြစ်သည်။Ref: RT
Tue, 28-Apr-2026
အမေရိကန်နှင့် အီရန် ထိပ်တိုက်တွေ့မှုကြောင့် ဥရောပသမဂ္ဂတွင် နိုင်ငံရေးအကျပ်အတည်း ဖြစ်လာနိုင်ဟုဆို
အမေရိကန်နှင့် အီရန် ထိပ်တိုက်တွေ့မှုကြောင့် ဥရောပသမဂ္ဂတွင် နိုင်ငံရေးအကျပ်အတည်း ဖြစ်လာနိုင်ဟုဆို
အမေရိကန်နှင့် အီရန်တို့ကြား ဖြစ်ပွားနေသည့် ထိပ်တိုက်တွေ့ဆုံမှုများသည် စီးပွားရေးရိုက်ခတ်မှုများအပြင် ဥရောပသမဂ္ဂ (EU) အတွက် နိုင်ငံရေးအကျပ်အတည်းအထိ ဖြစ်လာနိုင်ကြောင်း ဥရောပတာဝန်ရှိသူများ၏ ပြောဆိုချက်များကို ကိုးကား၍ သတင်းဌာနများက ဖော်ပြထားသည်။လောင်စာဆီကုန်ကျစရိတ် မြင့်တက်လာမှုသည် စားသောက်ကုန်၊ သယ်ယူပို့ဆောင်ရေးနှင့် အိမ်ရာစရိတ်များအပေါ် သက်ရောက်မှုရှိနေပြီး ဝင်ငွေနည်းပါးသည့် မိသားစုများတွင် အခက်အခဲများနှင့် ရင်ဆိုင်နေရသည်။ဥရောပစီးပွားရေးနှင့် လူမှုရေးကော်မတီ အကြီးအကဲ ရှီးမတ်ဘိုလန်က ယခုအခြေအနေသည် နိုင်ငံအလိုက်အစိုးရများအပေါ်သာမက ဥရောပသမဂ္ဂအပေါ်တွင်ပါ ပြည်သူများ၏ ယုံကြည်မှု လျော့နည်းလာစေနိုင်ကြောင်း သတိပေးထားသည်။ ထို့ပြင် ယခုအကျပ်အတည်းကြောင့် နိုင်ငံအသီးသီးတွင် ကိုယ်ကျိုးစီးပွားဦးစားပေးသည့် ဝါဒများကို ပိုမိုအားပေးလာနိုင်သည့် အန္တရာယ်ရှိကြောင်းလည်း ၎င်းက ဆက်လက်ပြောကြားသည်။အမေရိကန်ရေတပ်သည် ဧပြီလ ၁၃ ရက်မှစတင်ကာ ကမ္ဘာ့ရေနံနှင့် သဘာဝဓာတ်ငွေ့၏ ၂၀ ရာခိုင်နှုန်းခန့် ဖြတ်သန်းရာ ဟော်မုရေလက်ကြားတစ်လျှောက်ရှိ အီရန်ဆိပ်ကမ်းများသို့ ဝင်ထွက်မည့် ရေကြောင်းကုန်သွယ်မှုအားလုံးကို ပိတ်ဆို့ထားသည်။ အမေရိကန်အစိုးရက အီရန်သို့ အခွန်ပေးဆောင်ခြင်း မပြုသည့် နိုင်ငံများမှ သင်္ဘောများကိုသာ ဖြတ်သန်းခွင့်ပြုမည်ဟု ကြေညာထားခြင်းကြောင့် ဒေသတွင်း တင်းမာမှု ပိုမိုမြင့်တက်လာနေသည်။Ref: SputnikMWD
Tue, 28-Apr-2026
ဂျပန်၊ တရုတ်၊ တောင်ကိုရီးယားနိုင်ငံတို့သို့ ဩစတြေးလျနိုင်ငံခြားရေးဝန်ကြီး သွားရောက်မည်
ဂျပန်၊ တရုတ်၊ တောင်ကိုရီးယားနိုင်ငံတို့သို့ ဩစတြေးလျနိုင်ငံခြားရေးဝန်ကြီး သွားရောက်မည်
ဆစ်ဒနီ ဧပြီ ၂၇လာမည့်ရက်သတ္တပတ်အတွင်း ဂျပန်၊ တရုတ်၊ တောင်ကိုရီးယားနိုင်ငံ တို့သို့ သွားရောက်ရန်စီစဉ်ထားကြောင်း ဩစတြေးလျနိုင်ငံခြားရေးဝန်ကြီး ပင်နီဝေါင်က ယနေ့တွင် သတင်းထုတ်ပြန်ထားသည် ဟု Xinhua သတင်းဌာနက ဖော်ပြထားသည်။အရှေ့အလယ်ပိုင်း စစ်ရေးပဋိပက္ခကြောင့် စွမ်းအင်ဖြည့်ဆည်းမှုလမ်းကြောင်းများ ပြတ်တောက်နေချိန်တွင် အဆိုပါအာရှအင်အားကြီးနိုင်ငံ သုံးနိုင်ငံသို့ သွားရောက်ရန် ဩစတြေးလျနိုင်ငံခြားရေးဝန်ကြီးက စီစဉ်ထားခြင်းဖြစ်သည်။ ဂျပန်နိုင်ငံ ခရီးစဉ်အတွင်း ဩစတြေးလျ နိုင်ငံခြားရေးဝန်ကြီး ပင်နီဝေါင်သည် ဂျပန် နိုင်ငံခြားရေးဝန်ကြီး တိုရှီမစ်ဆု မိုတီဂီတိုနှင့် တွေ့ဆုံ၍ စွမ်းအင်လုံခြုံရေးကိစ္စများကို ဆွေးနွေးမည်ဖြစ်သည်။ အလားတူ ဩစတြေးလျ နိုင်ငံခြားရေးဝန်ကြီးသည် တရုတ်ခရီးစဉ်တွင်လည်း တရုတ်နိုင်ငံခြားရေးဝန်ကြီး ဝမ်ယီနှင့် တွေ့ဆုံ၍ အဋ္ဌမ အကြိမ်မြောက် ဩစတြေးလျ-တရုတ်နိုင်ငံခြားရေးနှင့် မဟာဗျူဟာဆွေးနွေးပွဲကို ကျင်းပမည်ဖြစ်သည်။ဂျပန်နှင့် တရုတ်နိုင်ငံ ခရီးစဉ်များအပြီးတွင် ဩစတြေးလျ နိုင်ငံခြားရေးဝန်ကြီးသည် တောင်ကိုရီး ယားနိုင်ငံသို့ ဆက်လက်သွားရောက်၍ တောင်ကိုရီးယားနိုင်ငံခြားရေးဝန်ကြီး ချိုဟွန်းနှင့် တွေ့ဆုံ ဆွေးနွေးရန် စီစဉ်ထားသည်။ပြည်တွင်းလောင်စာဆီ လိုအပ်ချက်စုစုပေါင်း၏ အများစုကို ပြည်ပမှမှာယူတင်သွင်းနေရသော ဩစတြေးလျနိုင်ငံသည် အရှေ့အလယ်ပိုင်းစစ်ရေးပဋိပက္ခ၌ ဒေသအလိုက်နေရာကွက်၍ လောင်စာဆီပြတ်လပ်မှုပြဿနာနှင့် ရင်ဆိုင်နေရကြောင်း သိရသည်။ရတနာပုံ
Tue, 28-Apr-2026
ပြည်ထောင်စုဝန်ကြီး ဦးတင်မောင်ဆွေ ကာတာနိုင်ငံ ဒုတိယဝန်ကြီးချုပ်ဟောင်းနှင့် ကာကွယ်ရေးဝန်ကြီးဟောင်း ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ
ပြည်ထောင်စုဝန်ကြီး ဦးတင်မောင်ဆွေ ကာတာနိုင်ငံ ဒုတိယဝန်ကြီးချုပ်ဟောင်းနှင့် ကာကွယ်ရေးဝန်ကြီးဟောင်း ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ
နေပြည်တော် ဧပြီ ၂၇ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေသည် ကာတာနိုင်ငံ ဒုတိယဝန်ကြီးချုပ်ဟောင်းနှင့် ကာကွယ်ရေးဝန်ကြီးဟောင်းဖြစ်သူ ဒေါက်တာ ခါလစ်ဘင်မို ဟာမက်အယ်လ် အက်တီယာဦးဆောင်သော ကိုယ်စားလှယ်အဖွဲ့အား ယနေ့ မွန်းလွဲ ၂ နာရီတွင် နေပြည်တော်ရှိ နိုင်ငံခြား‌ရေးဝန်ကြီးဌာန၌ လက်ခံတွေ့ဆုံသည်။ တွေ့ဆုံစဉ် မြန်မာနိုင်ငံနှင့် ကာတာနိုင်ငံတို့အကြား နှစ်နိုင်ငံစီးပွားရေး ပူးပေါင်းဆောင်ရွက်မှုတိုးမြှင့်ရေးနှင့် မြန်မာနိုင်ငံ၏ စိုက်ပျိုးရေး၊ သတ္တုတူးဖော်ရေး၊ လျှပ်စစ်နှင့် စွမ်းအင်ကဏ္ဍတို့တွင် ရင်းနှီးမြှုပ်နှံမှုများ ပြုလုပ်သွားရေးတို့နှင့် စပ်လျဉ်း၍ ဆွေးနွေးကြသည်။ တွေ့ဆုံပွဲသို့ နိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော်နှင့် တာဝန်ရှိသူများ တက်ရောက်ခဲ့ကြသည်။ သတင်းစဉ်MDN
Tue, 28-Apr-2026
ပြည်ထောင်စုအတိုင်ပင်ခံကောင်စီ ကောင်စီဝင် ဦးသန်းဆွေ ကာတာနိုင်ငံ ဒုတိယဝန်ကြီးချုပ်ဟောင်းနှင့် ကာကွယ်ရေးဝန်ကြီးဟောင်းအား လက်ခံတွေ့ဆုံ
ပြည်ထောင်စုအတိုင်ပင်ခံကောင်စီ ကောင်စီဝင် ဦးသန်းဆွေ ကာတာနိုင်ငံ ဒုတိယဝန်ကြီးချုပ်ဟောင်းနှင့် ကာကွယ်ရေးဝန်ကြီးဟောင်းအား လက်ခံတွေ့ဆုံ
နေပြည်တော် ဧပြီ ၂၇ ပြည်ထောင်စုအတိုင်ပင်ခံကောင်စီ ကောင်စီဝင် ဦးသန်းဆွေသည် ကာတာနိုင်ငံ ဒုတိယဝန်ကြီးချုပ်ဟောင်းနှင့် ကာကွယ်ရေးဝန်ကြီးဟောင်းဖြစ်သူ ဒေါက်တာ ခါလစ်ဘင်မို ဟာမက်အယ်လ် အက်တီယာအား ယနေ့မွန်းလွဲပိုင်းတွင် Jasmine Naypyitaw Hotel ၌ လက်ခံတွေ့ဆုံသည်။ တွေ့ဆုံစဉ် မြန်မာနိုင်ငံနှင့် ကာတာနိုင်ငံတို့အကြား နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှုတိုးမြှင့်ဆောင်ရွက်ရေးကိစ္စရပ်များနှင့် စပ်လျဉ်း၍ အမြင်ချင်းဖလှယ်ဆွေးနွေးခဲ့ကြသည်။ သတင်းစဉ်
Tue, 28-Apr-2026
ဘာရိန်းနှင့် ပင်လယ်ကွေ့နိုင်ငံများတွင် အီရန်ကိုထောက်ခံသူများကို အရေးယူမှုများ ပြုလုပ်
ဘာရိန်းနှင့် ပင်လယ်ကွေ့နိုင်ငံများတွင် အီရန်ကိုထောက်ခံသူများကို အရေးယူမှုများ ပြုလုပ်
ဘာရိန်းနိုင်ငံတွင် အီရန်အစိုးရအပေါ် စာနာမှုပြသခြင်း၊ အီရန်၏ လုပ်ရပ်များကို ချီးမွမ်းဂုဏ်ပြုခြင်းနှင့် ပြည်ပအဖွဲ့အစည်းများအတွက် သူလျှိုလုပ်ခြင်းတို့တွင် ပါဝင်ပတ်သက်သည်ဟု ယူဆရသူ ၆၉ ဦးကို နိုင်ငံသားအဖြစ်မှ ရုပ်သိမ်းလိုက်ကြောင်း ဘာရိန်းအစိုးရသတင်းဌာန (BNA) က ထုတ်ပြန်ခဲ့သည်။ ၎င်းတို့အနက် အီရန်ကို ထောက်ခံသူများနှင့် ၎င်းတို့၏ မိသားစုဝင်များပါဝင်ပြီး အားလုံးမှာ ဘာရိန်းနွယ်ဖွားများ မဟုတ်ကြကြောင်း သိရှိရသည်။ ဘာရိန်းဘုရင် Hamad bin Eissa Al Khalifa က နိုင်ငံတော်အပေါ် သစ္စာဖောက်သူများကို ချက်ချင်းအရေးယူရန်နှင့် နိုင်ငံသားအဖြစ်နှင့် ထိုက်တန်မှု ရှိ၊ မရှိကို ပြန်လည်စိစစ်ရန် ညွှန်ကြားခဲ့ပြီးနောက် ယခုကဲ့သို့ အရေးယူမှုများ ပေါ်ပေါက်လာခြင်းဖြစ်သည်။လက်ရှိတွင် ဘာရိန်းအစိုးရသည် အီရန်ကိုထောက်ခံသည့် ဆန္ဒပြပွဲများကို ပိတ်ပင်ထားပြီး ပါဝင်သူ ဒါဇင်နှင့်ချီကိုလည်း ဖမ်းဆီးတရားစွဲဆိုထားသည်။ အလားတူပင် အီရန်နှင့် ပဋိပက္ခဖြစ်ပွားနေသည့် အခြား အာရပ် ပင်လယ်ကွေ့ နိုင်ငံများတွင်လည်း ဖမ်းဆီးမှုများ ရှိနေသည်။ ကူဝိတ်နိုင်ငံသည် အကြမ်းဖက်အဖွဲ့အစည်းများကို ငွေကြေးထောက်ပံ့မှုဖြင့် လူ ၂၄ ဦးကို ဖမ်းဆီးခဲ့ပြီး အာရပ်စော်ဘွားများပြည်ထောင်စု (UAE) ကလည်း လျှို့ဝှက်အဖွဲ့အစည်းထောင်မှုနှင့် ပြည်ပအဖွဲ့အစည်းများကို သစ္စာခံမှုတို့ဖြင့် လူ ၂၇ ဦးကို ဖမ်းဆီးခဲ့ရာ ဒေသတွင်း၌ အီရန်နှင့် ဆက်နွှယ်သည့် လှုပ်ရှားမှုများကို တင်းတင်းကျပ်ကျပ် ကိုင်တွယ်နေကြောင်း တွေ့ရှိရသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 27-Apr-2026
© Copyright 2024 SAC All Rights Reserved.