ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့်အခမ်းအနား MRTV မှ တိုက်ရိုက်ထုတ်လွှင့်ပြသမည်
News Image
MM-News-Category
ဆက်စပ်သတင်းများ
ဂါနာနိုင်ငံသည် အရေးကြီးသော ကျန်းမာရေးဆိုင်ရာ အချက်အလက်များကို မျှဝေရန် တောင်းဆိုချက်များကြောင့် အမေရိကန်နှင့်ချုပ်ဆိုမည့် ကျန်းမာရေးအကူအညီပေးရေးကမ်းလှမ်းမှုကို ပယ်ချလိုက်ကြောင်း ဆွေးနွေးပွဲနှင့်နီးစပ်သူတစ်ဦးက အင်္ဂါနေ့ (ဧပြီ ၂၈) တွင် RT သတင်းဌာနသို့ ပြောကြားခဲ့သည်။အဆိုပါ ဆုံးဖြတ်ချက်သည် သမ္မတ ဒေါ်နယ်ထရမ့် ရာထူးသို့ ပြန်လည်ရောက်ရှိလာပြီးနောက် ယမန်နှစ်က USAID ကို ဖျက်သိမ်းလိုက်ပြီး နောက်ပိုင်း ဝါရှင်တန်၏ နိုင်ငံခြားအကူအညီပေးရေး ပြုပြင်ပြောင်းလဲမှုအတွက် နောက်ထပ်အဟန့်အတားတစ်ခု ဖြစ်လာခဲ့သည်။ ‘America First Global Health Strategy’ မဟာဗျူဟာအသစ်သည် အကူအညီရယူသည့် အစိုးရများဘက်မှလည်း ပူးပေါင်းရင်းနှီးမြှုပ်နှံရန် နိုင်ငံခြားရေး ဝန်ကြီးဌာနက သတ်မှတ်ထားပြီး ၎င်းမှာ နိုင်ငံခြားအကူအညီအပေါ် မှီခိုမှုကို လျှော့ချရန်နှင့် အမေရိကန်၏ ကျန်းမာရေးဆိုင်ရာ ဆန်းသစ်တီထွင်မှု များကို ကမ္ဘာတစ်ဝှမ်းတွင် မြှင့်တင်ရန် ရည်ရွယ်ခြင်းဖြစ်သည်။Reuters က ကိုးကားဖော်ပြခဲ့သော သတင်းရင်းမြစ်အရ ဂါနာအစိုးရ သည် ၅ နှစ်အတွင်း အမေရိကန်ဒေါ်လာ ၁၀၉ သန်း ပံ့ပိုးပေးမည့် သဘော တူညီချက်ပါ အချက်အလက်မျှဝေခြင်းဆိုင်ရာ စည်းကမ်းချက်များကို ကန့်ကွက်ခဲ့ခြင်းဖြစ်သည်။ အစိုးရ၏ တရားဝင်အချက်အလက်များအရ ထရမ့်အစိုးရ၏ အကူအညီများမဖြတ်တောက်မီ ၂၀၂၄ ခုနှစ်တွင် အနောက် အာဖရိကနိုင်ငံဖြစ်သော ဂါနာသည် အမေရိကန်ထံမှ ကျန်းမာရေး ကဏ္ဍ အတွက် ဒေါ်လာ ၉၆ သန်း အပါအဝင် စုစုပေါင်း နိုင်ငံခြားအကူအညီ ဒေါ်လာ ၂၁၉ သန်း ရရှိခဲ့သည်။ဆွေးနွေးပွဲများကို ပြီးခဲ့သည့် နိုဝင်ဘာလကတည်းကစတင်ခဲ့သော်လည်း ဝါရှင်တန်က သဘောတူညီချက်အပြီးသတ်ရန် ဧပြီလ ၂၄ ရက်နေ့ကို နောက်ဆုံးသတ်မှတ်ရက်အဖြစ် ဖိအားပေးလာသည့်အတွက် အက်ကရာ သည် ပိုမိုဖိအားများလာခဲ့သည်။“အစပိုင်းမှာတော့ ဆွေးနွေးညှိနှိုင်းမှုတွေက ပုံမှန်အတိုင်းပါပဲ၊ ဒါပေမဲ့နောက်ပိုင်းမှာ အထူးသဖြင့် အဆုံးသတ်ခါနီးမှာ ဖိအားပေးမှုတွေ အများကြီးရှိလာခဲ့တယ်” ဟု သတင်းရင်းမြစ်က ဆိုသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
ရန်ကုန် ဧပြီ ၂၈ အားကစားရေးရာဝန်ကြီးဌာန အားကစားနှင့် ကာယပညာဦးစီးဌာနနှင့် မြန်မာနိုင်ငံပန်ကြပ်ဆီလတ် အဖွဲ့ချုပ်တို့ ပူးပေါင်း ဖွင့်လှစ်သည့် ပန်ကြပ်ဆီလတ်နည်းပြ သင်တန်းဖွင့်ပွဲကို ယနေ့နံနက်ပိုင်းတွင်ရန်ကုန်တိုင်းဒေသကြီး တာမွေမြို့နယ် ကျိုက္ကဆံအားကစားကွင်းရှိ အားကစားနှင့် ကာယပညာသိပ္ပံ (ရန်ကုန်) ပြည်ထောင်စုခန်းမ၌ ကျင်းပသည်။ဖွင့်ပွဲသို့ အားကစားရေးရာဝန်ကြီးဌာန ပြည်ထောင်စုဝန်ကြီး ဦးရဲမြင့်ထွန်း၊ တာဝန်ရှိသူများ၊ မြန်မာနိုင်ငံပန်ကြပ်ဆီလတ် အဖွဲ့ချုပ်ဥက္ကဋ္ဌနှင့် အမှုဆောင်များ၊ သင်တန်းနည်းပြ ဆရာ/ဆရာမများနှင့် သင်တန်းသား/သင်တန်းသူများ တက်ရောက်ကြသည်။ဖွင့်ပွဲတွင် ပြည်ထောင်စုဝန်ကြီးက ပန်ကြပ်ဆီလတ် နည်းပြသင်တန်းဖွင့်လှစ်ပေးခြင်းဖြင့် တိုင်းဒေသကြီးနှင့်ပြည်နယ် ပန်ကြပ်ဆီလတ်ပြိုင်ပွဲတွင် အသုံးပြုမည့် နည်းစနစ်များ၊ အမှတ်ပေးစည်းမျဉ်းနှင့် စည်းကမ်းများကိုတိုင်းဒေသကြီးနှင့်ပြည်နယ်များရှိ နည်းပြများနှင့် အားကစားသမားများ ပိုမိုသိရှိနားလည်၍ ပြိုင်ပွဲများတွင် အောင်မြင်မှုရရှိပြီး အရည်အသွေးပြည့်ဝသည့် နည်းပြကောင်းများ ပေါ်ထွက်လာစေမည်ဖြစ်ပါကြောင်း၊ နည်းပြများအနေဖြင့် သင်တန်းတွင် သင်ကြားပို့ချပေးမည့် ဥပဒေနှင့် နည်းစနစ်များကို သက်ဆိုင်ရာ တိုင်းဒေသကြီးနှင့်ပြည်နယ်များတွင် အကျိုးရှိစွာ ပြန်လည်အသုံးချပြီး နိုင်ငံ့ဂုဏ်ဆောင်နိုင်သည့် မျိုးဆက်သစ် အားကစားသမားကောင်းများ မွေးထုတ်ပေးနိုင်ရေးအတွက် ဝိုင်းဝန်းပူးပေါင်း ဆောင်ရွက်သွားကြရန် လိုကြောင်း တိုက်တွန်းပြောကြားသည်။ထို့နောက် ပြည်ထောင်စုဝန်ကြီးနှင့်အဖွဲ့သည် စမ်းချောင်းမြို့နယ်ရှိ ပဒုမ္မာအားကစားကွင်း၌ တိုင်းဒေသကြီးနှင့် ပြည်နယ် U-18 အမျိုးသားဘောလုံးရှုံး/ထွက်ပြိုင်ပွဲ ကျင်းပနိုင်ရေး ဘောလုံးကွင်းကောင်းမွန်စေရန်ပြင်ဆင်ထားရှိမှုများ၊ ဘောလုံးကွင်းအတွင်း အလံတိုင်၊ ဂိုးတိုင်၊ ဂိုးပိုက်များနှင့် ကွင်းပတ်လည်နံရံပြင်ဆင်ထားရှိမှုများကို ကြည့်ရှုစစ်ဆေးပြီး တာဝန်ရှိသူများကို လိုအပ်သည်များ မှာကြားသည်။ယင်းနောက် ဝန်ထမ်းများနှင့်တွေ့ဆုံပြီး ပြည်ထောင်စုဝန်ကြီးက နိုင်ငံတော်သမ္မတ၏ လမ်းညွှန်မှာကြားချက်အတိုင်း ရက် ၁၀၀ အတွင်း ဆောင်ရွက်ရမည့် လုပ်ငန်းစဉ်များကို စနစ်တကျလုပ်ကိုင် ဆောင်ရွက်သွားရန်နှင့် လုပ်ငန်းဆောင်ရွက်ရာတွင် အခက်အခဲများရှိပါက အချိန်နှင့်တစ်ပြေးညီ သတင်းပို့တင်ပြဆောင်ရွက်သွားရန် မှာကြားသည်။ ဆက်လက်၍ သန်လျင်ခရိုင် သီဟဒီပအားကစားကွင်းရှိ ဘောလုံးကွင်း၊ ပွဲကြည့်စင်၊ ရေလှောင်ကန်၊ ရေကူးကန်၊ ပြိုင်ပွဲရုံ(က) သီဟဒီပအားကစားခန်းမနှင့် ဖူဆယ်အားကစားကွင်းတို့ကို ကြည့်ရှုစစ်ဆေးပြီး အားကစားကွင်း/ အားကစားရုံအတွင်း ပြိုင်ပွဲများစဉ်ဆက်မပြတ်ကျင်းပ၍ မျိုးဆက်သစ် အားကစားသမားများ ပေါ်ထွက်လာစေရေးတို့အတွက် ဝိုင်းဝန်းပူးပေါင်း ဆောင်ရွက်သွားကြရန် တာဝန်ရှိသူများကို မှာကြားသည်။ထို့နောက် တောင်ဥက္ကလာပမြို့နယ် ပဒေသာအားကစားကွင်းရှိ ပဒေသာအားကစားခန်းမနှင့် ဘောလုံးကွင်းတို့ကို ကြည့်ရှုစစ်ဆေးပြီး လုပ်ငန်းဆိုင်ရာများ မှာကြားသည်။ယင်းနောက် ရန်ကုန်တိုင်းဒေသကြီး အားကစားနှင့် ကာယပညာဦးစီးဌာနရုံးရှိ အစည်းအဝေးခန်းမ၌ အရာထမ်း/အမှုထမ်းများနှင့်တွေ့ဆုံရာ ပြည်ထောင်စုဝန်ကြီးက နိုင်ငံတော်သမ္မတ၏ ရက် ၁၀၀ အတွင်းဆောင်ရွက်ရမည့် လုပ်ငန်းစဉ်များကို ထိထိရောက်ရောက် အကောင်အထည်ဖော် ဆောင်ရွက်သွားကြရန်၊ Smart School နှင့် Football For School Program အရ ဘောလုံးအားကစား ဖွံ့ဖြိုးတိုးတက်စေရန် ဆောင်ရွက်နေသကဲ့သို့ အခြားအားကစားနည်းများကို အားထည့်၍ဆောင်ရွက် သွားစေလိုကြောင်း၊ ပြည်သူလူထုအမြင်၌ အားကစားယဉ်ကျေးမှုတစ်ရပ်ဖြစ်ပေါ်လာ စေရန်နှင့် အားကစားကဏ္ဍဖွံ့ဖြိုး တိုးတက်စေရန် တက်ညီလက်ညီဖြင့် အတူတကွ ဝိုင်းဝန်းပူးပေါင်း ဆောင်ရွက်သွားရန်လိုကြောင်း ပြောကြားသည်။ဆက်လက်၍ တာဝန်ရှိသူများက လုပ်ငန်းဆောင်ရွက်ချက်များကို ရှင်းလင်းတင်ပြကြပြီး ပြည်ထောင်စု ဝန်ကြီးက ဝန်ထမ်းများ၏ တင်ပြချက်များနှင့် အခက်အခဲများကို ဖြည့်ဆည်းဆောင်ရွက် ပေးခဲ့ကြောင်း သိရသည်။ MWD
Wed, 29-Apr-2026
မီလန် — အေစီမီလန်အသင်း၏ ဝါရင့်ကွင်းလယ်ကစားသမား လူကာမိုဒရစ်သည် ဂျူဗင်တပ်စ်အသင်းနှင့် ကစားသည့် ပွဲစဉ်တွင် ရရှိခဲ့သော ပါးရိုးကျိုးဒဏ်ရာကြောင့် ယခုဘောလုံးရာသီကုန်အထိ အနားယူရမည်ဖြစ်သော်လည်း ၂၀၂၆ ကမ္ဘာ့ဖလားပြိုင်ပွဲတွင် ခရိုအေးရှားအသင်းနှင့်အတူ ပါဝင်ကစားနိုင်မည်ဖြစ်ကြောင်း သိရသည်။အဆိုပါပွဲစဉ်တွင် မိနစ် ၈၀ ခန့်၌ ပြိုင်ဘက်ကစားသမား လိုကာတယ်လီနှင့် ထိခိုက်မိပြီးနောက် ပါးရိုးကျိုးဒဏ်ရာရရှိခဲ့ကာ ဆက်လက်ကစားနိုင်ခြင်းမရှိသဖြင့် လူစားလဲထွက်ခွာခဲ့ရသည်။အေစီမီလန်အသင်း ဆေးအဖွဲ့၏ စစ်ဆေးမှုများအရ ဒဏ်ရာမှာ ပြင်းထန်သည့်အတွက် ရာသီကုန်အထိ အနားယူရမည်ဖြစ်သော်လည်း ကမ္ဘာ့ဖလားပြိုင်ပွဲမတိုင်မီ ကြံ့ခိုင်မှု ပြန်လည်ပြည့်ဝနိုင်မည်ဖြစ်ကြောင်းနှင့် မျက်နှာအကာအကွယ်အသုံးပြု၍ ပါဝင်ကစားနိုင်မည်ဖြစ်ကြောင်း ထုတ်ပြန်ထားသည်။လူကာမိုဒရစ်သည် ၂၀၂၆ ကမ္ဘာ့ဖလားကို ၎င်း၏ ပရော်ဖက်ရှင်နယ် ကစားသမားဘဝ နောက်ဆုံးအဓိကပြိုင်ပွဲအဖြစ် ပါဝင်ဖွယ်ရှိပြီး ခရိုအေးရှားအသင်းအတွက်လည်း အတွေ့အကြုံအရ အရေးပါသည့် ကစားသမားတစ်ဦးအဖြစ် ရှိနေသည်။သူသည် ခရိုအေးရှားအသင်းနှင့်အတူ ၂၀၀၆ ခုနှစ်မှစတင်ကာ နိုင်ငံတကာပွဲစဉ်များတွင် ပါဝင်ကစားခဲ့ပြီး ပြိုင်ပွဲစုံ ၁၉၆ ပွဲတွင် ၂၉ ဂိုး သွင်းယူထားကာ အသင်းသမိုင်းတွင် ပွဲအများဆုံးကစားထားသည့် ကစားသမားတစ်ဦးအဖြစ် ရပ်တည်နေကြောင်း သိရသည်။MWD
Wed, 29-Apr-2026
ဘာစီလိုနာ — အသင်း၏ ဝါရင့်တိုက်စစ်ကစားသမား ရောဘတ် လီဝန်ဒေါစကီးသည် ယခုဘောလုံးရာသီအကုန်တွင် အသင်းနှင့်စာချုပ်သက်တမ်းကုန်ဆုံးပြီး အလွတ်ပြောင်းရွှေ့ကြေးဖြင့် ထွက်ခွာဖွယ်ရှိကြောင်း သိရသည်။အသက် ၃၇ နှစ်အရွယ်ရှိ လီဝန်ဒေါစကီးသည် ၂၀၂၂ ခုနှစ်တွင် ဘိုင်ယန်မြူးနစ်အသင်းမှ ဘာစီလိုနာအသင်းသို့ ပြောင်းရွှေ့လာခဲ့သူဖြစ်ပြီး အစောပိုင်းရာသီများတွင် အကောင်းဆုံးခြေစွမ်းပြနိုင်ခဲ့သော်လည်း ယခုရာသီတွင် အသက်အရွယ်အရ ရုန်းကန်နေရပြီး ဂိုးသွင်းအားလည်း သိသာစွာ ကျဆင်းလာသည်။ပြီးခဲ့သည့်ရာသီတွင် ပြိုင်ပွဲစုံ ၄၂ ဂိုးအထိ သွင်းယူနိုင်ခဲ့သော်လည်း ယခုရာသီတွင် ၁၇ ဂိုးသာ သွင်းယူနိုင်ခဲ့ကြောင်း သိရသည်။ ထို့ကြောင့် သူ၏ဂိုးသွင်းစွမ်းရည် ကျဆင်းလာမှုကို ထင်ဟပ်စေသည်။အစောပိုင်းတွင် လီဝန်ဒေါစကီးနှင့် ဘာစီလိုနာအသင်းတို့ တစ်နှစ်သက်တမ်းတိုးစာချုပ်ချုပ်ဆိုရန် နီးစပ်ခဲ့သော်လည်း အသင်းဘက်မှ လုပ်ခလစာမြင့်မားမှုကြောင့် နောက်ပိုင်းတွင် အစီအစဉ်ကို ပြန်လည်ပြင်ဆင်ပြီး ရပ်ဆိုင်းလိုက်ကြောင်း သိရသည်။လီဝန်ဒေါစကီးကိုယ်တိုင်လည်း အသင်းဘက်မှ သက်တမ်းတိုးကိစ္စ ကြန့်ကြာနေခြင်းကြောင့် ရာသီအကုန်တွင် အလွတ်ပြောင်းရွှေ့ကြေးဖြင့် ထွက်ခွာရန် ဆုံးဖြတ်ထားကြောင်း ဖော်ပြထားသည်။ သူသည် ဘာစီလိုနာအတွက် လေးရာသီအတွင်း ပြိုင်ပွဲစုံ ၁၈၈ ပွဲကစားကာ ၁၁၈ ဂိုး သွင်းယူထားသည်။ဘာစီလိုနာအသင်းအနေဖြင့် လီဝန်ဒေါစကီး၏နေရာကို အစားထိုးရန် လာမည့်နွေရာသီတွင် အက်သလက်တီကိုမက်ဒရစ်မှ အယ်ဗာရက်ဇ်နှင့် ဂျူဗင်တပ်စ်မှ ဒူဆန် ဗလာဟိုဗစ်ချ်တို့ကို ခေါ်ယူရန် ကြိုးပမ်းနေကြောင်းလည်း သိရသည်။MWD
Wed, 29-Apr-2026