လူကာမိုဒရစ် ဒဏ်ရာကြောင့် ရာသီကုန်အထိအနားယူရမည်ဖြစ်သော်လည်း ကမ္ဘာ့ဖလားတွင် ပါဝင်နိုင်မည်

NoahJune222

News Image

  • လူကာမိုဒရစ် ဒဏ်ရာကြောင့် ရာသီကုန်အထိအနားယူရမည်ဖြစ်သော်လည်း ကမ္ဘာ့ဖလားတွင် ပါဝင်နိုင်မည်

မီလန် — အေစီမီလန်အသင်း၏ ဝါရင့်ကွင်းလယ်ကစားသမား လူကာမိုဒရစ်သည် ဂျူဗင်တပ်စ်အသင်းနှင့် ကစားသည့် ပွဲစဉ်တွင် ရရှိခဲ့သော ပါးရိုးကျိုးဒဏ်ရာကြောင့် ယခုဘောလုံးရာသီကုန်အထိ အနားယူရမည်ဖြစ်သော်လည်း ၂၀၂၆ ကမ္ဘာ့ဖလားပြိုင်ပွဲတွင် ခရိုအေးရှားအသင်းနှင့်အတူ ပါဝင်ကစားနိုင်မည်ဖြစ်ကြောင်း သိရသည်။

အဆိုပါပွဲစဉ်တွင် မိနစ် ၈၀ ခန့်၌ ပြိုင်ဘက်ကစားသမား လိုကာတယ်လီနှင့် ထိခိုက်မိပြီးနောက် ပါးရိုးကျိုးဒဏ်ရာရရှိခဲ့ကာ ဆက်လက်ကစားနိုင်ခြင်းမရှိသဖြင့် လူစားလဲထွက်ခွာခဲ့ရသည်။

အေစီမီလန်အသင်း ဆေးအဖွဲ့၏ စစ်ဆေးမှုများအရ ဒဏ်ရာမှာ ပြင်းထန်သည့်အတွက် ရာသီကုန်အထိ အနားယူရမည်ဖြစ်သော်လည်း ကမ္ဘာ့ဖလားပြိုင်ပွဲမတိုင်မီ ကြံ့ခိုင်မှု ပြန်လည်ပြည့်ဝနိုင်မည်ဖြစ်ကြောင်းနှင့် မျက်နှာအကာအကွယ်အသုံးပြု၍ ပါဝင်ကစားနိုင်မည်ဖြစ်ကြောင်း ထုတ်ပြန်ထားသည်။

လူကာမိုဒရစ်သည် ၂၀၂၆ ကမ္ဘာ့ဖလားကို ၎င်း၏ ပရော်ဖက်ရှင်နယ် ကစားသမားဘဝ နောက်ဆုံးအဓိကပြိုင်ပွဲအဖြစ် ပါဝင်ဖွယ်ရှိပြီး ခရိုအေးရှားအသင်းအတွက်လည်း အတွေ့အကြုံအရ အရေးပါသည့် ကစားသမားတစ်ဦးအဖြစ် ရှိနေသည်။

သူသည် ခရိုအေးရှားအသင်းနှင့်အတူ ၂၀၀၆ ခုနှစ်မှစတင်ကာ နိုင်ငံတကာပွဲစဉ်များတွင် ပါဝင်ကစားခဲ့ပြီး ပြိုင်ပွဲစုံ ၁၉၆ ပွဲတွင် ၂၉ ဂိုး သွင်းယူထားကာ အသင်းသမိုင်းတွင် ပွဲအများဆုံးကစားထားသည့် ကစားသမားတစ်ဦးအဖြစ် ရပ်တည်နေကြောင်း သိရသည်။

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

ပန်ကြပ်ဆီလတ်နည်းပြ သင်တန်းဖွင့်ပွဲသို့ ပြည်ထောင်စုဝန်ကြီး ဦးရဲမြင့်ထွန်း တက်ရောက်
ပန်ကြပ်ဆီလတ်နည်းပြ သင်တန်းဖွင့်ပွဲသို့ ပြည်ထောင်စုဝန်ကြီး ဦးရဲမြင့်ထွန်း တက်ရောက်
ရန်ကုန်   ဧပြီ    ၂၈     အားကစားရေးရာဝန်ကြီးဌာန အားကစားနှင့် ကာယပညာဦးစီးဌာနနှင့် မြန်မာနိုင်ငံပန်ကြပ်ဆီလတ် အဖွဲ့ချုပ်တို့  ပူးပေါင်း ဖွင့်လှစ်သည့်  ပန်ကြပ်ဆီလတ်နည်းပြ သင်တန်းဖွင့်ပွဲကို   ယနေ့နံနက်ပိုင်းတွင်ရန်ကုန်တိုင်းဒေသကြီး  တာမွေမြို့နယ် ကျိုက္ကဆံအားကစားကွင်းရှိ အားကစားနှင့် ကာယပညာသိပ္ပံ (ရန်ကုန်) ပြည်ထောင်စုခန်းမ၌ ကျင်းပသည်။ဖွင့်ပွဲသို့ အားကစားရေးရာဝန်ကြီးဌာန ပြည်ထောင်စုဝန်ကြီး ဦးရဲမြင့်ထွန်း၊ တာဝန်ရှိသူများ၊  မြန်မာနိုင်ငံပန်ကြပ်ဆီလတ် အဖွဲ့ချုပ်ဥက္ကဋ္ဌနှင့်   အမှုဆောင်များ၊ သင်တန်းနည်းပြ  ဆရာ/ဆရာမများနှင့် သင်တန်းသား/သင်တန်းသူများ တက်ရောက်ကြသည်။ဖွင့်ပွဲတွင် ပြည်ထောင်စုဝန်ကြီးက ပန်ကြပ်ဆီလတ် နည်းပြသင်တန်းဖွင့်လှစ်ပေးခြင်းဖြင့် တိုင်းဒေသကြီးနှင့်ပြည်နယ် ပန်ကြပ်ဆီလတ်ပြိုင်ပွဲတွင် အသုံးပြုမည့် နည်းစနစ်များ၊ အမှတ်ပေးစည်းမျဉ်းနှင့် စည်းကမ်းများကိုတိုင်းဒေသကြီးနှင့်ပြည်နယ်များရှိ နည်းပြများနှင့် အားကစားသမားများ ပိုမိုသိရှိနားလည်၍ ပြိုင်ပွဲများတွင် အောင်မြင်မှုရရှိပြီး အရည်အသွေးပြည့်ဝသည့် နည်းပြကောင်းများ ပေါ်ထွက်လာစေမည်ဖြစ်ပါကြောင်း၊ နည်းပြများအနေဖြင့် သင်တန်းတွင် သင်ကြားပို့ချပေးမည့် ဥပဒေနှင့်  နည်းစနစ်များကို   သက်ဆိုင်ရာ တိုင်းဒေသကြီးနှင့်ပြည်နယ်များတွင် အကျိုးရှိစွာ ပြန်လည်အသုံးချပြီး နိုင်ငံ့ဂုဏ်ဆောင်နိုင်သည့် မျိုးဆက်သစ် အားကစားသမားကောင်းများ မွေးထုတ်ပေးနိုင်ရေးအတွက် ဝိုင်းဝန်းပူးပေါင်း ဆောင်ရွက်သွားကြရန် လိုကြောင်း     တိုက်တွန်းပြောကြားသည်။ထို့နောက် ပြည်ထောင်စုဝန်ကြီးနှင့်အဖွဲ့သည် စမ်းချောင်းမြို့နယ်ရှိ ပဒုမ္မာအားကစားကွင်း၌ တိုင်းဒေသကြီးနှင့် ပြည်နယ် U-18 အမျိုးသားဘောလုံးရှုံး/ထွက်ပြိုင်ပွဲ ကျင်းပနိုင်ရေး ဘောလုံးကွင်းကောင်းမွန်စေရန်ပြင်ဆင်ထားရှိမှုများ၊ ဘောလုံးကွင်းအတွင်း အလံတိုင်၊ ဂိုးတိုင်၊ ဂိုးပိုက်များနှင့် ကွင်းပတ်လည်နံရံပြင်ဆင်ထားရှိမှုများကို ကြည့်ရှုစစ်ဆေးပြီး တာဝန်ရှိသူများကို လိုအပ်သည်များ မှာကြားသည်။ယင်းနောက် ဝန်ထမ်းများနှင့်တွေ့ဆုံပြီး ပြည်ထောင်စုဝန်ကြီးက နိုင်ငံတော်သမ္မတ၏ လမ်းညွှန်မှာကြားချက်အတိုင်း ရက် ၁၀၀ အတွင်း ဆောင်ရွက်ရမည့် လုပ်ငန်းစဉ်များကို စနစ်တကျလုပ်ကိုင် ဆောင်ရွက်သွားရန်နှင့် လုပ်ငန်းဆောင်ရွက်ရာတွင် အခက်အခဲများရှိပါက  အချိန်နှင့်တစ်ပြေးညီ သတင်းပို့တင်ပြဆောင်ရွက်သွားရန် မှာကြားသည်။  ဆက်လက်၍ သန်လျင်ခရိုင် သီဟဒီပအားကစားကွင်းရှိ ဘောလုံးကွင်း၊ ပွဲကြည့်စင်၊ ရေလှောင်ကန်၊ ရေကူးကန်၊ ပြိုင်ပွဲရုံ(က) သီဟဒီပအားကစားခန်းမနှင့်    ဖူဆယ်အားကစားကွင်းတို့ကို ကြည့်ရှုစစ်ဆေးပြီး အားကစားကွင်း/ အားကစားရုံအတွင်း ပြိုင်ပွဲများစဉ်ဆက်မပြတ်ကျင်းပ၍  မျိုးဆက်သစ် အားကစားသမားများ ပေါ်ထွက်လာစေရေးတို့အတွက် ဝိုင်းဝန်းပူးပေါင်း ဆောင်ရွက်သွားကြရန်  တာဝန်ရှိသူများကို မှာကြားသည်။ထို့နောက်  တောင်ဥက္ကလာပမြို့နယ် ပဒေသာအားကစားကွင်းရှိ   ပဒေသာအားကစားခန်းမနှင့် ဘောလုံးကွင်းတို့ကို ကြည့်ရှုစစ်ဆေးပြီး လုပ်ငန်းဆိုင်ရာများ မှာကြားသည်။ယင်းနောက် ရန်ကုန်တိုင်းဒေသကြီး အားကစားနှင့် ကာယပညာဦးစီးဌာနရုံးရှိ အစည်းအဝေးခန်းမ၌ အရာထမ်း/အမှုထမ်းများနှင့်တွေ့ဆုံရာ ပြည်ထောင်စုဝန်ကြီးက နိုင်ငံတော်သမ္မတ၏  ရက် ၁၀၀ အတွင်းဆောင်ရွက်ရမည့်   လုပ်ငန်းစဉ်များကို ထိထိရောက်ရောက် အကောင်အထည်ဖော် ဆောင်ရွက်သွားကြရန်၊ Smart School နှင့် Football For School Program အရ ဘောလုံးအားကစား ဖွံ့ဖြိုးတိုးတက်စေရန် ဆောင်ရွက်နေသကဲ့သို့ အခြားအားကစားနည်းများကို  အားထည့်၍ဆောင်ရွက် သွားစေလိုကြောင်း၊ ပြည်သူလူထုအမြင်၌ အားကစားယဉ်ကျေးမှုတစ်ရပ်ဖြစ်ပေါ်လာ စေရန်နှင့် အားကစားကဏ္ဍဖွံ့ဖြိုး တိုးတက်စေရန် တက်ညီလက်ညီဖြင့် အတူတကွ ဝိုင်းဝန်းပူးပေါင်း ဆောင်ရွက်သွားရန်လိုကြောင်း ပြောကြားသည်။ဆက်လက်၍   တာဝန်ရှိသူများက လုပ်ငန်းဆောင်ရွက်ချက်များကို ရှင်းလင်းတင်ပြကြပြီး   ပြည်ထောင်စု ဝန်ကြီးက ဝန်ထမ်းများ၏   တင်ပြချက်များနှင့် အခက်အခဲများကို ဖြည့်ဆည်းဆောင်ရွက် ပေးခဲ့ကြောင်း သိရသည်။   MWD
Wed, 29-Apr-2026
လူကာမိုဒရစ် ဒဏ်ရာကြောင့် ရာသီကုန်အထိအနားယူရမည်ဖြစ်သော်လည်း ကမ္ဘာ့ဖလားတွင် ပါဝင်နိုင်မည်
လူကာမိုဒရစ် ဒဏ်ရာကြောင့် ရာသီကုန်အထိအနားယူရမည်ဖြစ်သော်လည်း ကမ္ဘာ့ဖလားတွင် ပါဝင်နိုင်မည်
မီလန် — အေစီမီလန်အသင်း၏ ဝါရင့်ကွင်းလယ်ကစားသမား လူကာမိုဒရစ်သည် ဂျူဗင်တပ်စ်အသင်းနှင့် ကစားသည့် ပွဲစဉ်တွင် ရရှိခဲ့သော ပါးရိုးကျိုးဒဏ်ရာကြောင့် ယခုဘောလုံးရာသီကုန်အထိ အနားယူရမည်ဖြစ်သော်လည်း ၂၀၂၆ ကမ္ဘာ့ဖလားပြိုင်ပွဲတွင် ခရိုအေးရှားအသင်းနှင့်အတူ ပါဝင်ကစားနိုင်မည်ဖြစ်ကြောင်း သိရသည်။အဆိုပါပွဲစဉ်တွင် မိနစ် ၈၀ ခန့်၌ ပြိုင်ဘက်ကစားသမား လိုကာတယ်လီနှင့် ထိခိုက်မိပြီးနောက် ပါးရိုးကျိုးဒဏ်ရာရရှိခဲ့ကာ ဆက်လက်ကစားနိုင်ခြင်းမရှိသဖြင့် လူစားလဲထွက်ခွာခဲ့ရသည်။အေစီမီလန်အသင်း ဆေးအဖွဲ့၏ စစ်ဆေးမှုများအရ ဒဏ်ရာမှာ ပြင်းထန်သည့်အတွက် ရာသီကုန်အထိ အနားယူရမည်ဖြစ်သော်လည်း ကမ္ဘာ့ဖလားပြိုင်ပွဲမတိုင်မီ ကြံ့ခိုင်မှု ပြန်လည်ပြည့်ဝနိုင်မည်ဖြစ်ကြောင်းနှင့် မျက်နှာအကာအကွယ်အသုံးပြု၍ ပါဝင်ကစားနိုင်မည်ဖြစ်ကြောင်း ထုတ်ပြန်ထားသည်။လူကာမိုဒရစ်သည် ၂၀၂၆ ကမ္ဘာ့ဖလားကို ၎င်း၏ ပရော်ဖက်ရှင်နယ် ကစားသမားဘဝ နောက်ဆုံးအဓိကပြိုင်ပွဲအဖြစ် ပါဝင်ဖွယ်ရှိပြီး ခရိုအေးရှားအသင်းအတွက်လည်း အတွေ့အကြုံအရ အရေးပါသည့် ကစားသမားတစ်ဦးအဖြစ် ရှိနေသည်။သူသည် ခရိုအေးရှားအသင်းနှင့်အတူ ၂၀၀၆ ခုနှစ်မှစတင်ကာ နိုင်ငံတကာပွဲစဉ်များတွင် ပါဝင်ကစားခဲ့ပြီး ပြိုင်ပွဲစုံ ၁၉၆ ပွဲတွင် ၂၉ ဂိုး သွင်းယူထားကာ အသင်းသမိုင်းတွင် ပွဲအများဆုံးကစားထားသည့် ကစားသမားတစ်ဦးအဖြစ် ရပ်တည်နေကြောင်း သိရသည်။MWD
Wed, 29-Apr-2026
ဘာစီလိုနာတိုက်စစ်ကစားသမား လီဝန်ဒေါစကီး ရာသီအကုန်တွင် ထွက်ခွာဖွယ်ရှိ
ဘာစီလိုနာတိုက်စစ်ကစားသမား လီဝန်ဒေါစကီး ရာသီအကုန်တွင် ထွက်ခွာဖွယ်ရှိ
 ဘာစီလိုနာ — အသင်း၏ ဝါရင့်တိုက်စစ်ကစားသမား ရောဘတ် လီဝန်ဒေါစကီးသည် ယခုဘောလုံးရာသီအကုန်တွင် အသင်းနှင့်စာချုပ်သက်တမ်းကုန်ဆုံးပြီး အလွတ်ပြောင်းရွှေ့ကြေးဖြင့် ထွက်ခွာဖွယ်ရှိကြောင်း သိရသည်။အသက် ၃၇ နှစ်အရွယ်ရှိ လီဝန်ဒေါစကီးသည် ၂၀၂၂ ခုနှစ်တွင် ဘိုင်ယန်မြူးနစ်အသင်းမှ ဘာစီလိုနာအသင်းသို့ ပြောင်းရွှေ့လာခဲ့သူဖြစ်ပြီး အစောပိုင်းရာသီများတွင် အကောင်းဆုံးခြေစွမ်းပြနိုင်ခဲ့သော်လည်း ယခုရာသီတွင် အသက်အရွယ်အရ ရုန်းကန်နေရပြီး ဂိုးသွင်းအားလည်း သိသာစွာ ကျဆင်းလာသည်။ပြီးခဲ့သည့်ရာသီတွင် ပြိုင်ပွဲစုံ ၄၂ ဂိုးအထိ သွင်းယူနိုင်ခဲ့သော်လည်း ယခုရာသီတွင် ၁၇ ဂိုးသာ သွင်းယူနိုင်ခဲ့ကြောင်း သိရသည်။ ထို့ကြောင့် သူ၏ဂိုးသွင်းစွမ်းရည် ကျဆင်းလာမှုကို ထင်ဟပ်စေသည်။အစောပိုင်းတွင် လီဝန်ဒေါစကီးနှင့် ဘာစီလိုနာအသင်းတို့ တစ်နှစ်သက်တမ်းတိုးစာချုပ်ချုပ်ဆိုရန် နီးစပ်ခဲ့သော်လည်း အသင်းဘက်မှ လုပ်ခလစာမြင့်မားမှုကြောင့် နောက်ပိုင်းတွင် အစီအစဉ်ကို ပြန်လည်ပြင်ဆင်ပြီး ရပ်ဆိုင်းလိုက်ကြောင်း သိရသည်။လီဝန်ဒေါစကီးကိုယ်တိုင်လည်း အသင်းဘက်မှ သက်တမ်းတိုးကိစ္စ ကြန့်ကြာနေခြင်းကြောင့် ရာသီအကုန်တွင် အလွတ်ပြောင်းရွှေ့ကြေးဖြင့် ထွက်ခွာရန် ဆုံးဖြတ်ထားကြောင်း ဖော်ပြထားသည်။ သူသည် ဘာစီလိုနာအတွက် လေးရာသီအတွင်း ပြိုင်ပွဲစုံ ၁၈၈ ပွဲကစားကာ ၁၁၈ ဂိုး သွင်းယူထားသည်။ဘာစီလိုနာအသင်းအနေဖြင့် လီဝန်ဒေါစကီး၏နေရာကို အစားထိုးရန် လာမည့်နွေရာသီတွင် အက်သလက်တီကိုမက်ဒရစ်မှ အယ်ဗာရက်ဇ်နှင့် ဂျူဗင်တပ်စ်မှ ဒူဆန် ဗလာဟိုဗစ်ချ်တို့ကို ခေါ်ယူရန် ကြိုးပမ်းနေကြောင်းလည်း သိရသည်။MWD 
Wed, 29-Apr-2026
တတိယအကြိမ် ကမ္ဘာ့ဖလား အင်္ဂလိပ်၊ သိပ္ပံ၊ သင်္ချာ အိုလံပစ်ဖိတ်ခေါ်ပြိုင်ပွဲတွင် ကမ္ဘာ့အဆင့် ချန်ပီယံဆုရ ကျောင်းသား၊ ကျောင်းသူများအား ဂုဏ်ပြုချီးမြှင့်
တတိယအကြိမ် ကမ္ဘာ့ဖလား အင်္ဂလိပ်၊ သိပ္ပံ၊ သင်္ချာ အိုလံပစ်ဖိတ်ခေါ်ပြိုင်ပွဲတွင် ကမ္ဘာ့အဆင့် ချန်ပီယံဆုရ ကျောင်းသား၊ ကျောင်းသူများအား ဂုဏ်ပြုချီးမြှင့်
မြစ်ကြီးနား   ဧပြီ    ၂၈      ၂၀၂၆ ခုနှစ် တရုတ်ပြည်သူ့သမ္မတနိုင်ငံ Zhuhai မြို့၌   ကျင်းပခဲ့သည့် တတိယအကြိမ်မြောက် ကမ္ဘာ့ဖလားအင်္ဂလိပ်၊ သိပ္ပံ၊ သင်္ချာ အိုလံပစ်ဖိတ်ခေါ်ပြိုင်ပွဲတွင် ကမ္ဘာ့အဆင့်ချန်ပီယံဆု ဖလားများ ရရှိခဲ့ကြသော မြစ်ကြီးနားမြို့ရှိ I.E.L.T IPSS ကိုယ်ပိုင်အထက်တန်းကျောင်းမှ ကျောင်းသား၊ ကျောင်းသူ ခုနစ်ဦးတို့အား ဂုဏ်ပြုချီးမြှင့်ပွဲကို ယနေ့ နံနက်ပိုင်းတွင် ကချင်ပြည်နယ်အစိုးရအဖွဲ့ရုံး မေခခန်းမ၌ ကျင်းပရာ ပြည်နယ်ဝန်ကြီးချုပ် ဦးခက်ထိန်နန် တက်ရောက်၍  ဂုဏ်ပြုအမှာစကားပြောကြားသည်။အဆိုပါ ကမ္ဘာ့အိုလံပစ်ဖိတ်ခေါ်ပြိုင်ပွဲသည် ယခင်နိုင်ငံတကာပြိုင်ပွဲများတွင် ရွှေတံဆိပ်ဆုရရှိခဲ့သော  ကျောင်းများကို ဖိတ်ခေါ်ပြီး ပါဝင်ယှဉ်ပြိုင်စေခြင်းဖြစ်ကာ ကမ္ဘာအနှံ့မှ ကျောင်းသား၊ ကျောင်းသူ ၁၅၀ ကျော် ပါဝင်ယှဉ်ပြိုင်ခဲ့ရာမှ    နိုင်ငံကိုယ်စားပြု အဆိုပါကျောင်းမှ ကျောင်းသား၊ ကျောင်းသူ ခုနစ်ဦးလုံးက   ဘာသာရပ်အလိုက်/ ထက်၊ လယ်၊ မူ အဆင့်အလိုက် Global Star Award (အမှတ်အများဆုံး ကျောင်းသား၊ ကျောင်းသူဆု)ရရှိသူနှစ်ဦး၊  World Cup Champion (ချန်ပီယံဆုဖလား) ရရှိသူ ငါးဦးအသီးသီးရရှိခဲ့သည့်အပြင် ရွှေတံဆိပ်၊ ငွေတံဆိပ်၊ ကြေးတံဆိပ်များနှင့် ဆုအများဆုံးရရှိသည့် နိုင်ငံကိုပေးအပ်သည့် Global Outstanding School Award ဆုကိုလည်း ဆွတ်ခူးရရှိခဲ့ခြင်းဖြစ်ကြောင်း သိရသည်။ချီးမြှင့်ပွဲတွင် ပြည်နယ်ဝန်ကြီးချုပ်က ဆုများရရှိခဲ့သော ကျောင်းသား၊ ကျောင်းသူ ခုနစ်ဦးနှင့်  ကြီးကြပ်သူဆရာမတို့အား ဂုဏ်ပြုချီးမြှင့်ငွေကျပ် စုစုပေါင်း ၈၈ သိန်း ကို ချီးမြှင့်ပေးအပ်ပြီး ဆုရကျောင်းသား တစ်ဦးက   ပြိုင်ပွဲအတွေ့အကြုံများနှင့် ကျေးဇူးတင်စကား  ပြန်လည် ပြောကြားကြောင်း သိရသည်။MWD
Wed, 29-Apr-2026
မြိတ်မြို့ သားဖွား သင်တန်းကျောင်း၌ ဘက်စုံသားဖွားဒီပလိုမာ အပတ်စဉ်(၁၃) သင်တန်းသူများအား  ဦးဆောင်း အပ်နှင်းပွဲကျင်းပ
မြိတ်မြို့ သားဖွား သင်တန်းကျောင်း၌ ဘက်စုံသားဖွားဒီပလိုမာ အပတ်စဉ်(၁၃) သင်တန်းသူများအား  ဦးဆောင်း အပ်နှင်းပွဲကျင်းပ
မြိတ်    ဧပြီ   ၂၈      တနင်္သာရီတိုင်းဒေသကြီး မြိတ်မြို့ရှိ ကျန်းမာရေး လူ့စွမ်းအားအရင်းအမြစ် ဦးစီးဌာန သားဖွားသင်တန်းကျောင်း၌ ဘက်စုံသားဖွားဒီပလိုမာ အပတ်စဉ်(၁၃) သင်တန်းသူများအား ဦးဆောင်းအပ်နှင်း ပွဲကို ဧပြီလ ၂၇ ရက်က ကျင်းပသည်။ရှေးဦးစွာ ဦးဆောင်းအပ်နှင်းပွဲ အခမ်းအနားတွင် မြိတ်ခရိုင်စီမံခန့်ခွဲရေးနှင့် အုပ်ချုပ်ရေး ကော်မတီဥက္ကဋ္ဌ ဦးမျိုးဦးက အဖွင့်အမှာစကား ပြောကြားပြီး သားဖွားသင်တန်းကျောင်း ကျောင်းအုပ် ဒေါ်ယုယု မော်က ဦးဆောင်းပေးအပ်ခြင်း၏ အနက် အဓိပ္ပာယ်ကို ရှင်းလင်းပြောကြားသည်။ထို့နောက် ၂၀၂၆-၂၀၂၇ ပညာသင်နှစ် ဘက်စုံသားဖွားဒီပလိုမာ အပတ်စဉ်(၁၃) သင်တန်းသူ ၅၇ ဦးအား ကျောင်းအုပ်၊ သူနာပြုအုပ်နှင့် တာဝန်ခံသူနာပြုဆရာမ ကြီးများက ဦးဆောင်းများ အသီးသီးချီးမြှင့် ပေးအပ်သည်။ဆက်လက်၍ သင်တန်းသူများက လက်ဆင့်ကမ်း ဆီမီးတိုင်များကို ထွန်းညှိ၍ သူနာပြုသစ္စာအဓိဋ္ဌာန် ရွတ်ဆိုခဲ့ကြကာ ပထမနှစ် ဘက်စုံသားဖွားဒီပလိုမာ သင်တန်းသူများက ကရုဏာအလင်း သီချင်းဖြင့်သီဆိုဂုဏ်ပြု၍ သင်တန်းသူများ ကိုယ်စား သင်တန်းသူတစ်ဦးက ကျေးဇူးတင်စကား ပြန်လည်ပြောကြားပြီး  ဒုတိယ နှစ်    ဘက်စုံသားဖွားဒီပလိုမာသင်တန်း သူများက ပြည်သူချစ်တဲ့  သားဖွားဆရာမများ သီချင်းဖြင့်    သီဆိုဂုဏ်ပြုကြကြောင်း သိရသည်။MWD
Wed, 29-Apr-2026
ညောင်လေးပင်မြို့နယ်အတွင်း ကျန်းမာရေး စောင့်ရှောက်မှုလုပ်ငန်းများ ကွင်းဆင်းဆောင်ရွက်
ညောင်လေးပင်မြို့နယ်အတွင်း ကျန်းမာရေး စောင့်ရှောက်မှုလုပ်ငန်းများ ကွင်းဆင်းဆောင်ရွက်
ညောင်လေးပင်   ဧပြီ   ၂၈      ပဲခူးတိုင်းဒေသကြီး ပဲခူးမြို့ရှိ ခုတင် - ၅၀၀ ဆံ့ အထွေထွေရောဂါကု ဆေးရုံကြီးမှ ‌ဆေးရုံအုပ်ကြီးဦးဆောင်သည့် အထူးကုဆရာဝန်ကြီးများပါဝင်သော ကျန်းမာရေးဝန်ထမ်းများက ဧပြီလ ၂၈ ရက် နံနက်ပိုင်းတွင် ညောင်လေးပင်မြို့နယ် ပြွန်တန်ဆာတိုက်နယ်ဆေးရုံကြီး၌ ရဟန်းရှင်လူပြည်သူများအား ကျန်းမာရေးစောင့်ရှောက်မှုလုပ်ငန်းများ ကွင်းဆင်းဆောင်ရွက်ပေးသည်။ထိုသို့ဆောင်ရွက်ရာတွင်   ပဲခူးမြို့ ခုတင် -၅၀၀ဆံ့    ဆေးရုံအုပ်ကြီးဒေါက်တာဇော်လွင်ဦးဆောင်သည့် အထူးကုဆရာဝန်ကြီးများ ပါဝင်သောအဖွဲ့က လာရောက်ပြသသူ လူနာစုစုပေါင်း ၆၀၀ ကျော်အား ကျန်းမာရေးစစ်ဆေး ကုသပေးသည်။ဆေးကုသမှုလာရောက်ခံယူကြသည့်   ပြည်သူများအား   ညောင်လေးပင်ခရိုင်  စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌ ဦးအောင်ကျော်စိုး၊တိုင်းဒေသကြီး ကုသရေးဦးစီးဌာနမှ    ဒုတိယညွှန်ကြားရေးမှူး ဒေါက်တာအောင်မျိုးကျော်၊ ညောင်လေးပင်မြို့နယ် ကုသရေးဦးစီးဌာနမှူး   ဒေါက်တာစောကလျာနှင့်  တာဝန်ရှိသူများက ရင်းရင်းနှီးနှီး လိုက်လံနှုတ်ဆက် အားပေးစကား ပြောကြားပြီး    အထူးကုဆရာဝန်ကြီးများက ဆေးကုသပေးနေမှုအား လိုက်လံကြည့်ရှုကာ  လိုအပ်သည်များ     ဖြည့်ဆည်းဆောင်ရွက်ပေးသည်။ကျန်းမာရေးဝန်ကြီးဌာနနှင့် ပဲခူးတိုင်းဒေသကြီး အစိုးရအဖွဲ့တို့သည်   ပဲခူးတိုင်းဒေသကြီးအတွင်း မြို့ပြနှင့်ကျေးလက် ကျန်းမာရေး စောင့်ရှောက်မှု လွှမ်းခြုံနိုင်ရေးနှင့် ပြည်သူများ အသက်ရှည်အနာမဲ့စွာ နေထိုင်နိုင်ရေးအတွက် မြို့ပေါ်ဆေးရုံကြီးများမှ အထူးကုဆရာဝန်ကြီးများ၊ သမားတော်ကြီးများ ပူးပေါင်းပါဝင်သည့်အဖွဲ့ဖြင့် ကျေးလက်ဒေသအထိ အခမဲ့ကျန်းမာရေး စစ်ဆေး ကုသပေးခြင်းများအပြင် လိုအပ်သည့် ဆေးဝါးများကိုလည်း  ဖြည့်ဆည်းပေးလျက် ရှိကြောင်း သိရသည်။ MWD
Wed, 29-Apr-2026
© Copyright 2024 SAC All Rights Reserved.